الدراسة بجامعة القاهرة

[سهوم المنايا]

كيف حالكم يا أعضاء


انا عدت في الثانوية لتحسين المستوى وجبت 88.5% والشهادة معي من العام وحاولت اني ادرس التخصص اللي يفيد دوامي لكن فيتامين واو ضعيف عندي لاني كنت عايش على امل ان تكون النسبة والطموح هي اكبر واسطة لي لكن ربماااا خيرة لي


لكن اللي قهرني بصراحة اني قبل عشرين يوم تقريبااا لقيت الجهة اللي انا شغال فيهاا يطلبون تخصصات اللي كنت انا ابيها وقليل من القطريين فيهااا للتوظيفهم في هذه الجهة في الجرايد<<<<<قهر بس شاسوي


المهم مالكم في الطويلة عازة توني جاي من مصر قبل يومين وسجلت في جامعة القاهرة تخصص حقوق لكن اللي في السفارة قال لي الجامعة ماعندهااا مشكلة تجي وقت الامتحانات لكن المشكلة من قطر من ادراة المعادلات فهو نصحني ان يكون حضوري اكثر من 60% عشان ادارة المعادلات يعتمدون شهادتي


السؤال هناااا لو اروح قبل كل امتحان بشهر هل يمكن تغطية بعد اربع سنين من حضوري بنسبة 60%


اتمنى انكم فهمتوني:secret:

[العنود55]

متابعه اتمنى حد يفيدني معاك بس ياريت كلام موثوق

[ممنوع اللمس]

السلام عليكم ورحمة الله تعالى وبركــاته
بدال السفره لهناك ودوخة الـرآ’س الحل عندي وانا بو فلانه
الحين تقدر تدخل جامعة القاهره وتختبر في قطر وتخلص كل شي في قطر والمدرسين هنا وكل شي
الاختبارات بتكون على شهر 1 وشهر 7
بالنسبه للحقوق فيها 850 منهج على 4 سنوات
الاوراق المطلوبه....
10 صور شخصيه
صوره من بطاقة الشخصيه
صورة من الجواز
شهادة الميلاد الاصليه
شهادة الثانوــيه العامه مصدقه من وزارة الخارجيه القطريه ومن السفاره المصريه في قطر
واي شي تبيه حاضر وانا اخوك.... بدال السفره والعنا برا قطر لان اهم سوو هالشي بسبب كثرة القطريين في مصر والغربه وسهلو علينا جزاهم الله خير والشهاده على فكره اهي نفسها والاختبارات نفس الاختبارات هناك بالضبط
واكثر الشباب يقولك بروح مصر هناك بمشي نفسي بفلوس وماعرف شنو يبه والله ياما شباب دفعو وفي الاخير رسبو يا تشد حيلك يا تبلع العافيه والسموحه عالاطاله

[سهوم المنايا]

السلام عليكم ورحمة الله تعالى وبركــاته
بدال السفره لهناك ودوخة الـرآ’س الحل عندي وانا بو فلانه
الحين تقدر تدخل جامعة القاهره وتختبر في قطر وتخلص كل شي في قطر والمدرسين هنا وكل شي
الاختبارات بتكون على شهر 1 وشهر 7
بالنسبه للحقوق فيها 850 منهج على 4 سنوات
الاوراق المطلوبه....
10 صور شخصيه
صوره من بطاقة الشخصيه
صورة من الجواز
شهادة الميلاد الاصليه
شهادة الثانوــيه العامه مصدقه من وزارة الخارجيه القطريه ومن السفاره المصريه في قطر
واي شي تبيه حاضر وانا اخوك.... بدال السفره والعنا برا قطر لان اهم سوو هالشي بسبب كثرة القطريين في مصر والغربه وسهلو علينا جزاهم الله خير والشهاده على فكره اهي نفسها والاختبارات نفس الاختبارات هناك بالضبط
واكثر الشباب يقولك بروح مصر هناك بمشي نفسي بفلوس وماعرف شنو يبه والله ياما شباب دفعو وفي الاخير رسبو يا تشد حيلك يا تبلع العافيه والسموحه عالاطاله

هلا بك ابوي

انا رحت وتوني جاي ومسجل عندهم وعلى شهر اكتوبر بروح اسوي فحص طبي

بس كيف اقدم الامتحان هنا ووين بعدين اللي في السفارة ماقالي هالشي قال لازم تحضر محاضرات ويكون معدل حضورك فوق 60% عشان ادارة المعادلة تعتمد شهادتك...


ولو فرضا مارحت القاهرة وقدمت الامتحانات هنا هل ادارة المعادلة بتعتمدهاااا

[ممنوع اللمس]

اهلين بك زود
لو دخلت موقع جامعة القاهره الرسمي بتقرا مكتوب هالشي توه حاطين وكاتبه بشرى ساره بعد
واهم توهم مسوين هالشي وانا صديقي توه راد وسجل هناك في الجامعه نفسها
واهني كلمهم قالو له خلاص ما بتدفع رسوم ولا شي نفس الرسوم هناك ما بناخذ عليك شي
وبنحول اوراقك لهنا وتختبر هنا
المحاضرات بعضها بتكون عن طريق النت ولو تبي مثلا مدرسين بيبدون قبل الامتحانات بشهرين ونص تقريبا

[سويسرا]

الله يوفقك

[بوطويشم]

السلام عليكم ورحمة الله تعالى وبركــاته
بدال السفره لهناك ودوخة الـرآ’س الحل عندي وانا بو فلانه
الحين تقدر تدخل جامعة القاهره وتختبر في قطر وتخلص كل شي في قطر والمدرسين هنا وكل شي
الاختبارات بتكون على شهر 1 وشهر 7
بالنسبه للحقوق فيها 850 منهج على 4 سنوات
الاوراق المطلوبه....
10 صور شخصيه
صوره من بطاقة الشخصيه
صورة من الجواز
شهادة الميلاد الاصليه
شهادة الثانوــيه العامه مصدقه من وزارة الخارجيه القطريه ومن السفاره المصريه في قطر
واي شي تبيه حاضر وانا اخوك.... بدال السفره والعنا برا قطر لان اهم سوو هالشي بسبب كثرة القطريين في مصر والغربه وسهلو علينا جزاهم الله خير والشهاده على فكره اهي نفسها والاختبارات نفس الاختبارات هناك بالضبط
واكثر الشباب يقولك بروح مصر هناك بمشي نفسي بفلوس وماعرف شنو يبه والله ياما شباب دفعو وفي الاخير رسبو يا تشد حيلك يا تبلع العافيه والسموحه عالاطاله

السلام عليكم

بس مداخله لو سمحت ياراعي الموضوع

أخوي ممنوع اللمس الشهادة معترف فيها ؟؟؟؟

وشلون الدراسة ما عليك امر لو تقدر تشرح اكثر

لان مليت من قوانين جامعة قطر وهل يبغون توفل؟؟؟؟

والسموحة من راعي الموضوع

[الخارجية]

وين مقر جامعة القاهر في قطر ابغي ادرس تخصص ثاني خاطري ادرس محاسبة ؟
ممكن حد يفيدني

[سهوم المنايا]

اهااا انت تقصد التعلم عن بعد

على العموم يعطيك العافية لكن انا لازم اني ارووووح واحضر المحاضرات وهذا اهم شي بس اللي كنت ابي اعرفه كم المدة التي اجلس فيها في مصر عشان اقدر ان يكون معدل حضوري فوق 60%

[ممنوع اللمس]

الشهاده نفس الشهاده اللي هناك اصلا الاختبارات تصحح هناك اهم يطرشونها ومعترف فيها اقولك انا ماخذ هالكلام من موقعهم الرسمي وانا بنفسي اتصلت للجامعه هناك في مصر
الدراسه كل التخصصات موجوده وكل الاختبارات بتكون على شهر 1 وشهر 7
لو مثلا تبي مدرسين خصوصيين موجودين هناك وكل مدرس اتوقع ياخذ على حسب التخصص اللي اعرفه التجاره والاقتصاد ياخذ المدرس الواحد 750 ريال اما القانون ياخذ 850 ريال طبعا يخلص معاك الكتاب كامل والدراسه تكون قبل الامتحانات بشهرين ونص تقريبا والدراسه معترف فيها والشهاده معترف فيها والدراسه تكون من دكاتره لهم خبره طويله
والله يوفق الجميع ان شاء الله

[لاجئ عاطفي]

انا بعد عندي صديق كان مساعد مدرس في جامعة عين شمس وعنده ماجستير في القانون والحين يحضر دكتوراه وراح اجازه مصر حاليا وراح يسجلني في كلية القانون وبيدرسني اهني بس قالي لازم احضر الامتحانات هناك في مصر يعني بدرس عنده اهني والامتحاانات بقدمها هناك والله يوفق الجميع

[لــولــو]

سلام عليكم و رحمه الله و بركاته

لو سمحتوا يعني اللي خريج هذي السنة بس بدون نسبة يمكن يسجل و معترف فيها في هيئة التعليم العالي
و شكرا

[ممنوع اللمس]

االلي يبي رقم الجامعه اهني يطرش لي رساله خاص انه يبي الرقم وابشرو فيه وبكل المعلومات ورابط الخبر نفسه
عند الدكتوره امينه العمادي

[ANONYMOUS]

اخوي ممنوع اللمس

بس اوضح لك ان هالجامعه اللي تقول عنها اسمها الجامعه المفتوحه وهي تابعه لجامعة القاهره
وزي ماقال احد الاخوان هي التعليم عن بعد

والاعتراف.. الحكومه ماتعرف فيها.. بس الشركات الخاصه والبنوك والشرطه والجيش معترفين بها على ماسمعت

والله اعلم

اللي يفكر يسجل فيها.. يسأل دوامه معترف بها او لا.. وياريت ياخذ ورقة اعتراف من الدوام على اساس مايطق صبع عقب 4 سنين

[ثاني]

ادعو لي اني اجيب الايلز وادش جامعة قطر

ابي اكمل لكن الجامعة ماتبيني اكمل :( التوفل سات رياظيات كمبيوتر . . و و ,. و الخ

[الثاقب]

سالت في التعليم العالي قالو غير معترف فيها لا تضيع وقتك خساره

[غناتي1]

كل التوفيق لصاحب الموضوع

[ممنوع اللمس]

انا سألت فيها في دوامي قالو معترف فيها؟؟؟...
انا اشتغل بوزارة الدآ’خـليه
نفس الاختبارات والتصديق من السفاره القطريه...

[أحلى وسيطه]

[
color="purple"]يسعد لي صباحكم الأعضاء الكرام

أخوي سهوم المنايا ..........الله يحفظك

الدراسه في مركز جامعه القاهرة للتعليم المفتوح المتفرع من جامعه القاهره مقرهم واحد

ومقرراتهم وحده ودكتاترتهم نفسهم والشهاده نفسها اللهم الفرق انه عن طريق الانتساب

ومعناه انك تروح وقت الامتحان مرتين بالسنه بس اول شي الشهاده من جامعه القاهره

كجامعه معترف فيها اما نظام الانتساب موقف من 7 سنوات تقريبا وهو اللي البعض يعترف

فيه مثل الشركات الخاصة والبنوك والشرطه والقطاع الحكومي مايعترف فيه بس

ثانيا اذا نظام انتساب ماقد سمعت بشي اسمه معادله و60% حضور

ثالثا ااكد على كل الدارسين واللي ودهم يدرسون يقدمون عن طريق الجامعه مباشره لان في

فرق بين هني وهناك شفته بعيني او يقدمون اوراقهم هني ويمتحنون هناك وحتى رسوم

الدراسه هني اكثر حتى لو كانت رمزيه

والله يوفق كل من يجاهد في سبيل العلم

واي شي بخصوص هالموضوع انا اعين واعاون

اسمحوا لي على الاطاله [/color]

[Qa6ar]

كيف حالكم يا أعضاء


انا عدت في الثانوية لتحسين المستوى وجبت 88.5% والشهادة معي من العام وحاولت اني ادرس التخصص اللي يفيد دوامي لكن فيتامين واو ضعيف عندي لاني كنت عايش على امل ان تكون النسبة والطموح هي اكبر واسطة لي لكن ربماااا خيرة لي


لكن اللي قهرني بصراحة اني قبل عشرين يوم تقريبااا لقيت الجهة اللي انا شغال فيهاا يطلبون تخصصات اللي كنت انا ابيها وقليل من القطريين فيهااا للتوظيفهم في هذه الجهة في الجرايد<<<<<قهر بس شاسوي


المهم مالكم في الطويلة عازة توني جاي من مصر قبل يومين وسجلت في جامعة القاهرة تخصص حقوق لكن اللي في السفارة قال لي الجامعة ماعندهااا مشكلة تجي وقت الامتحانات لكن المشكلة من قطر من ادراة المعادلات فهو نصحني ان يكون حضوري اكثر من 60% عشان ادارة المعادلات يعتمدون شهادتي


السؤال هناااا لو اروح قبل كل امتحان بشهر هل يمكن تغطية بعد اربع سنين من حضوري بنسبة 60%


اتمنى انكم فهمتوني:secret:

مرحبا اخوي

اذا تبي شهادتك تتصدق لازم اتحضر على اقل تقدير كل فصل شهرين وكل مازاد افضل لك

وذلك لتصديق الشهاده

[شبح الأسهم]

يالربع لحد يتعب نفسه انا مخلص من سنة 2003 وصدقتها بالخارجية هني وغرفة تجارة قطر

بس الوزارة ماصدقهوا للأسف يمكن يبون واوو الله كريم

[وهم قطر]

اخواني جامعة القاهره للتعليم المفتوح الي في قطر

ممممممممب معترف فيها من الحكووومه ولا الوزارات


بستثناء الشركات والمؤسسات الخاصه

لحد يخلط خلابيط بعضكم ببعض <<< ادعس بس

المهم اخوي راعي الموضوع دامك سجلت عسى الله يوفقك وتوكل على الله

انا توني راجع امس خذيت لي اسبوع سياحه وسجلت في جامعة القاهره حقوق ورجعت

بالنسبه لحضورك هناك تعتمد عليك اذا تبي قبل الامتحانات بشهر او بشهرين شي راجع لك

الي اهم من هذا كله ان في قطر يعتمدونها لك بتقييمهم لك بنسبة حضورك لازم 70 %

هذي توفرها لك الجامعه هناك اوووور ريدي لانها عارفه شروط الاعتراف بها من عندنا

والسفاره مخاطبه جامعة القاهره بهذا الموضوع والجماعه موفرينها فـــ لاتشيل همها

الكورس 3 شهور ونص .. انت بتحضر شهر قبل الاختبارات + شهر وكم يوم وقت الاختبارات

بيكون مجموع حضورك شهرين وشي .. يعني اكثر من 70 % ولا اشرايك


ثالثا : محاضراتك الي بتحضرها هناك بتكون في نادي الطلبه القطريين

السفاره موفره افضل الدكاتره لكل التخصصات للطلاب


بالتوفيق ااذا محتاج اي استفسار تحت الخدمه ياباشا

[شقردي]

كل الشكر لصاحب الموضوع وكل من رد على الموضوع الصراحه وفرتو على اسئله كثيره لكن بغيت اعرف الطلبات لتسجيل في جامعة القاهره لاني انشاء الله هاليومين طالع مصر

والله يوفق الجميع

[وهم قطر]

كل الشكر لصاحب الموضوع وكل من رد على الموضوع الصراحه وفرتو على اسئله كثيره لكن بغيت اعرف الطلبات لتسجيل في جامعة القاهره لاني انشاء الله هاليومين طالع مصر

والله يوفق الجميع

صوره من الشهاده الثانويه مصدقه من الوزاره

صوره من شهادة الميلاد مصدقه من وزارة الصحه

وتاخذهم الله لايهينك ونت واقف تصدقهم من وزارة الخارجيه والسفاره المصريه في قطر

وصورة جوازك و12 صوره شخصيه

ورسوم مبدئيه 200 دولار للسفاره القطريه في مصر

وصلاااااااااح الي في مكتب السفاره هناك هو يسجلك

بالتوفيق

[نورFROM قطر]

لازم تحضر شهرين علشان تتصدق

اجامعه القاهره للتعليم المفتوح ( انتساب ) عن بعد


غير معترف بها،،،،
لحد يطلع من الجامعه ويقول بسجل فيها ع الفاضي ،،،

لاتعبون نفسكم،،،

[لاجئ عاطفي]

في جهات عمل تعترف بالشهاده اذا كانت محتاجه التخصص حتى لو ماتصدقت من هيئة التعليم في قطر

[فارس قطر333]

الشيخ بالنسبه للحضور مب شرط انك تحضر المحاضرات ولا شي

وهو يوم قالت 60% قصده نسبه وجودك في مصر يعني الامتحانات شهر وافضل لك تكون قبل الامتحانات بشهر في مصر هذا على

حسب كلام الشباب اللي هناك مب نسبه الحضور مثل ما انت عارف الجامعه فيها

ملايين وصعبه انك تلاقي مكان في القاعه وانا سال في ورازه التربيه قالي النسبه هي وجوده في البلاد

واذا خلصت ان شاء الله تجيب الشهاده والجواز( اهم من الشهاده) علشان يجوفون انت موجود في مصر ولا

لا ...

لانه الانتساب ممنوع ومايعادلون الشهاده حق اللي منتسبين واذا سجلوك في الجامعه قول لهم يسجلونك منتظم

مب انتساب هذا الشي احسن لك

وبالنسبه حق المعهد اللي في الدوحه صحيح انه امتحاناتهم من جامعه القاهره وكل شي من عندهم

ولافي اي مشكله بس المشكله الوحيده هي لجنه معادلات الشهادات ما راح يعادلون الشهاده لانه بنظام

الانتساب وانا وضحت لك فكره الانتساب

والله يوفقك يارب

[وهم قطر]

الشيخ بالنسبه للحضور مب شرط انك تحضر المحاضرات ولا شي

وهو يوم قالت 60% قصده نسبه وجودك في مصر يعني الامتحانات شهر وافضل لك تكون قبل الامتحانات بشهر في مصر هذا على

حسب كلام الشباب اللي هناك مب نسبه الحضور مثل ما انت عارف الجامعه فيها

ملايين وصعبه انك تلاقي مكان في القاعه وانا سال في ورازه التربيه قالي النسبه هي وجوده في البلاد

واذا خلصت ان شاء الله تجيب الشهاده والجواز( اهم من الشهاده) علشان يجوفون انت موجود في مصر ولا

لا ...

لانه الانتساب ممنوع ومايعادلون الشهاده حق اللي منتسبين واذا سجلوك في الجامعه قول لهم يسجلونك منتظم

مب انتساب هذا الشي احسن لك

وبالنسبه حق المعهد اللي في الدوحه صحيح انه امتحاناتهم من جامعه القاهره وكل شي من عندهم

ولافي اي مشكله بس المشكله الوحيده هي لجنه معادلات الشهادات ما راح يعادلون الشهاده لانه بنظام

الانتساب وانا وضحت لك فكره الانتساب

والله يوفقك يارب


هذااااا الكلام الصحيح

[ANONYMOUS]

بخصوص اللي سجل في الجامعه المفتوحه.. والدوام مش معترف فيها

عادي.. يروح على حسابه بريطانيا ويدرس بجامعه معترف فيها وياخذ ماستر في سنه..

ويرد ويصدق الماستر.. وهو يضحك كثيرا..

والسلام عليكم ورحمة الله وبركاته

[فارس قطر333]

بخصوص اللي سجل في الجامعه المفتوحه.. والدوام مش معترف فيها

عادي.. يروح على حسابه بريطانيا ويدرس بجامعه معترف فيها وياخذ ماستر في سنه..

ويرد ويصدق الماستر.. وهو يضحك كثيرا..

والسلام عليكم ورحمة الله وبركاته

كلامك حلو

بس السؤال يا الشيخ

الجامعه اللي انت راح تكمل فيها الماستر ماراح يطلبون منك معادله شهاده من قطر

ولا راح يعتمدونها لك على اساس انها جامعه معترفين بها

[ANONYMOUS]

كلامك حلو

بس السؤال يا الشيخ

الجامعه اللي انت راح تكمل فيها الماستر ماراح يطلبون منك معادله شهاده من قطر

ولا راح يعتمدونها لك على اساس انها جامعه معترفين بها



اكاديميا واداريا وقانونيا وسياسيا.. مادري صراحه ..

بس ماعتقد يطلبون تصديق من قطر.. لان الشهاده من مصر..

مش معقول واحد جزائري يتخرج من جامعه في المغرب مثلا.. ويبي يدرس في بريطانيا مثلا.. ويطلبون منه يصدقها من قطر.. اشدخل !

يمكن يطلبون تصديق من السفاره المصريه.. ولا وزارة التعليم المصريه..

والله اعلم..

زين في طريقه ثانيه..

اخر سنه.. حول انتظام في مصر :) وكفى الله شر المؤمنين القتال

[فارس قطر333]

اكاديميا واداريا وقانونيا وسياسيا.. مادري صراحه ..

بس ماعتقد يطلبون تصديق من قطر.. لان الشهاده من مصر..

مش معقول واحد جزائري يتخرج من جامعه في المغرب مثلا.. ويبي يدرس في بريطانيا مثلا.. ويطلبون منه يصدقها من قطر.. اشدخل !

يمكن يطلبون تصديق من السفاره المصريه.. ولا وزارة التعليم المصريه..

والله اعلم..

زين في طريقه ثانيه..

اخر سنه.. حول انتظام في مصر :) وكفى الله شر المؤمنين القتال


انا وانت عارفين الموضوع من البدايه لين النهايه

وانت عارف في الدوحه كل شي يطلع لنا قرار جديد وكلام شي


وسالفه انه الواحد يحول في السنه الاخير انتظام مب مشكله يا الشيخ

لكن المشكله في معادله الشهاده هو شارطين انه تكون نسبه وجود الطالب في البلاد اللي يدرس

فيها 70% والاخوان وضحوا شلون تكون هالنسبه يعني مافي فايده في التحويل في السنه

الاخيره

[ممنوع اللمس]

جلطتني يوم قلت يحول اخر سنه انتظام...يعني يسير ومافي مشاكل ولا عوار راس..؟

[فارس قطر333]

جلطتني يوم قلت يحول اخر سنه انتظام...يعني يسير ومافي مشاكل ولا عوار راس..؟

يصير ومافي اي مشاكل

بس المشكله الوحده اللي بتصادفك ما راح يعادلون شهادتك

[ممنوع اللمس]

عنهم ما عادلو...
بس يعني يعالدلون الشهاده

[فارس قطر333]

عنهم ما عادلو...
بس يعني يعالدلون الشهاده

ماراح يعادلون الشهاده

[برق الجنــوب]

[
color="purple"]يسعد لي صباحكم الأعضاء الكرام

أخوي سهوم المنايا ..........الله يحفظك

الدراسه في مركز جامعه القاهرة للتعليم المفتوح المتفرع من جامعه القاهره مقرهم واحد

ومقرراتهم وحده ودكتاترتهم نفسهم والشهاده نفسها اللهم الفرق انه عن طريق الانتساب

ومعناه انك تروح وقت الامتحان مرتين بالسنه بس اول شي الشهاده من جامعه القاهره

كجامعه معترف فيها اما نظام الانتساب موقف من 7 سنوات تقريبا وهو اللي البعض يعترف

فيه مثل الشركات الخاصة والبنوك والشرطه والقطاع الحكومي مايعترف فيه بس

ثانيا اذا نظام انتساب ماقد سمعت بشي اسمه معادله و60% حضور

ثالثا ااكد على كل الدارسين واللي ودهم يدرسون يقدمون عن طريق الجامعه مباشره لان في

فرق بين هني وهناك شفته بعيني او يقدمون اوراقهم هني ويمتحنون هناك وحتى رسوم

الدراسه هني اكثر حتى لو كانت رمزيه

والله يوفق كل من يجاهد في سبيل العلم

واي شي بخصوص هالموضوع انا اعين واعاون

اسمحوا لي على الاطاله [/color]




يعطيج العافيه اختي .....


بس بغيت اسأل الله يسلمج عن اللي يبي يكمل دراسات عليا

هل ممكن بنفس الطريقه بعد ؟؟ عن طريق نفس المركز؟؟

و اكون شاكر لج

[ANONYMOUS]

انا وانت عارفين الموضوع من البدايه لين النهايه

وانت عارف في الدوحه كل شي يطلع لنا قرار جديد وكلام شي


وسالفه انه الواحد يحول في السنه الاخير انتظام مب مشكله يا الشيخ

لكن المشكله في معادله الشهاده هو شارطين انه تكون نسبه وجود الطالب في البلاد اللي يدرس

فيها 70% والاخوان وضحوا شلون تكون هالنسبه يعني مافي فايده في التحويل في السنه

الاخيره


أخي الكريم

اخر سنه قبل لاتحول انتظام.. جدد جوازك..

ولا تقول لي بيطلبون جوازاتك القديمه @@

وكفى الله المومنين شر القتال

[ممنوع اللمس]

أخي الكريم

اخر سنه قبل لاتحول انتظام.. جدد جوازك..

ولا تقول لي بيطلبون جوازاتك القديمه @@

وكفى الله المومنين شر القتال

ههههههههههههههههههههههههههههههههه قسم بالله شباب المنتدى عليكم طلعات
مخوخ ذكيه تبارك الرحمن
بس اتوقع في كمبيوتر وماعرف شنو وكل شي متسجل فيه

[ANONYMOUS]

ههههههههههههههههههههههههههههههههه قسم بالله شباب المنتدى عليكم طلعات
مخوخ ذكيه تبارك الرحمن
بس اتوقع في كمبيوتر وماعرف شنو وكل شي متسجل فيه


يا اخي مب يقولون يوم تجي تعادل الشهاده يطلبون جوازك..
عطهم الجواز الاخير.. الجديد.. اللي كنت فيه سنه كامله في مصر
وليش يطلبون الجواز طالما عندهم كمبيوترات بانتيوم كور ديو صنطرينو :p



بعدين الشباب اللي يروحون شهر في الكورس.. ليكون مصدقين ان هالشهر يعتبر 60 مادري 70% حظور.. !

اذا الكورس 3 شهور ونص..

شوف هالحسبه

3 شهور ونص = 105 يوم

70% = اكثر من 70 يوم

70 يوم يعني شهرين وعشر ايام

يعني المفروض يداومون شهرين وعشر ايام في الكورس.. بما يعادل 4 شهور وعشرين يوم في السنه.. وش هالاجازه اللي عندهم :telephone:

شلون هم يروحون شهر وخلاص

على بالك الوزاره ماعندهم كالكوليتر يحسبون :p

[شقردي]

صوره من الشهاده الثانويه مصدقه من الوزاره

صوره من شهادة الميلاد مصدقه من وزارة الصحه

وتاخذهم الله لايهينك ونت واقف تصدقهم من وزارة الخارجيه والسفاره المصريه في قطر

وصورة جوازك و12 صوره شخصيه

ورسوم مبدئيه 200 دولار للسفاره القطريه في مصر

وصلاااااااااح الي في مكتب السفاره هناك هو يسجلك

بالتوفيق


ارحم الله والديك ماقرصت اخوي بس الشهاده مصدقه من الخارجيه والسفاره المصريه شلون اصدقها من التربيه وبعدين شهادة الميلاد اصدقها من وزارة الصحه نفسها ولا اروح على طول الخارجيه والسفاره واصدقها

[وهم قطر]

ارحم الله والديك ماقرصت اخوي بس الشهاده مصدقه من الخارجيه والسفاره المصريه شلون اصدقها من التربيه وبعدين شهادة الميلاد اصدقها من وزارة الصحه نفسها ولا اروح على طول الخارجيه والسفاره واصدقها

ووالديك

يعني اذا عندك صوره طبق الاصل اوكي

ونفس الشي حق شهادة الميلاد تكون طبق الاصل

لان وزارة الخارجيه اتذكر عطيتهم صوره عاديه رفضوها قالو لي لازم تختمها من وزارة الصحه

يبون ختم طبق الاصل

وبس سلامتك

[فارس قطر333]

أخي الكريم

اخر سنه قبل لاتحول انتظام.. جدد جوازك..

ولا تقول لي بيطلبون جوازاتك القديمه @@

وكفى الله المومنين شر القتال

انتي تقول اخر سنه جدد جوازك

على فكره ولله وربي شاهد على كلامي انه قعدت مع واحد مسؤول في الوزاره

ويحلف لي انه عندهم شهادات من كم سنه ولا عادلوها ليش لانهم اطلبوا منهم جوازاتهم

والناس يتعذرون ويقولون احنا جددنا جوازاتنا مثل ماقلت وقالوا لهم الجوازات لما تجددونها

يعطونكم جوازكتم القديمه وين الجواز يقولون ما عندنا قالوا لهم اذا لقيتوا جوازاتكم تعالوا

نعادل شهاداتكم يعني ما في مجال انك تغلبهم يعني هم عارفين اسلوب اللف والدوران

[أحلى وسيطه]

يعطيج العافيه اختي .....


بس بغيت اسأل الله يسلمج عن اللي يبي يكمل دراسات عليا

هل ممكن بنفس الطريقه بعد ؟؟ عن طريق نفس المركز؟؟

و اكون شاكر لج

الله يعافيك أخوي برق الجنوب

تقدر تكمل دراسات عليا وبالطريقه اللي تناسبك واسهل لك

العفــــــــــــــــــو

[استغفرالله]

في جامعة القاهرة الصف فيه اكثر من 200 شخص

اشدراهم بك لي حظرت ولا لا

[برق الجنــوب]

الله يعافيك أخوي برق الجنوب

تقدر تكمل دراسات عليا وبالطريقه اللي تناسبك واسهل لك

العفــــــــــــــــــو


تسلمين اختي .....

ماقصرتي وبارك الله فيج

[لبتونه]

للررررررررررررررررررررررررررفع

نبي تفاصيل كامله للماستر ادارة اعمال

وزوجي سجل هالسنه حقوق بكارليوس

[دانوو]

احين انا بمصر وين اروح ووين اسجل

[الجوهره]

امممممممم صراحه انا افكر انتسب فيها بس اخاف تعبي يروح على الفاضي..

طيب وش الحل للي يبي يدرس بس انتساب وش الجامعات اللي تقبل غير القاهره يالليت احد يفيدنا دام تونا ببدايه السنه

[فارس قطر333]

امممممممم صراحه انا افكر انتسب فيها بس اخاف تعبي يروح على الفاضي..

طيب وش الحل للي يبي يدرس بس انتساب وش الجامعات اللي تقبل غير القاهره يالليت احد يفيدنا دام تونا ببدايه السنه

في مركز في المطار اسمه المركز العربي

وممكن عن طريقه تنتسبين في جامعه القاهره وكل شي راح يكون في المركز

هم راح يخلصون اوراقج في الجامعه والرسوم

والكتب راح تستلمينها من المركز وبالنسبه للامتحانات راح تكون في المركز

بس تبيني نصيحتي لا تغامرين لانه في الاخير الانتساب غير معرف فيه في قطر

[الجوهره]

:( طيب اذا مومعترف وش نسوي احنا اللي نبي نكمل دراسه..

[oxqatarxo]

يا جماعه .......... كلن يستريح مكانه طالما عقلية اللجنة اللي تصادق على الشهادات مثل ماهي

انا عندي اخوي خير مثال ، درس اربع سنوات في جامعة العلوم التطبيقية في الاردن وعلى حساب الوالد الشخصي .... و قبل لا يسجل في الجامعة اخذ الموافقة من اللجنة ان الجامعة معترف فيها

و لما تخرج و جاب الشهادة و مبقعة من الاختام الملونة من الجامعة ووزارة التعليم العالي و الخارجية الاردنية و سفارة قطر في الاردن والخارجية القطرية في الدوحة ,,,,,,
قالو له اهم شي تجيب الجواز الاصلي ... مب صورة؟ حتى يتاكدون من انك في الاردن طول الفترة

و الحبيب مجدد الجواز و مافيه الاختام الخروج والدخول ... و ما صادقو على الشهادة لمدة 8 شهور لين ما جاب لهم كشف من وزارة الداخية يثبت فيه انه كان خارج البلاد.... (والله لوكان في بانكوك طول الفترة ... جان مشت عليهم) مالت على هالقانون لا وقانون لجنة مب فرد واحد

والسؤال: كيف اللجنة تصدق و تطمئن لشهادة / ورقة تقول فيها ان المذكور او الطالب درس طب مثلا او هندسة ، و ما تصدق شهادة من الجامعه نفسها بان الطالب كان متواجد في قاعات الدراسة.

بس الحق يقال: الاجانب يجيبون شهادات حتى من جزر الواق واق بس تمشي ولا يمشي عليهم القاون
لان القانون هذا فقط للقطريين

و سلامتكم

[فارس قطر333]

يا جماعه .......... كلن يستريح مكانه طالما عقلية اللجنة اللي تصادق على الشهادات مثل ماهي

انا عندي اخوي خير مثال ، درس اربع سنوات في جامعة العلوم التطبيقية في الاردن وعلى حساب الوالد الشخصي .... و قبل لا يسجل في الجامعة اخذ الموافقة من اللجنة ان الجامعة معترف فيها

و لما تخرج و جاب الشهادة و مبقعة من الاختام الملونة من الجامعة ووزارة التعليم العالي و الخارجية الاردنية و سفارة قطر في الاردن والخارجية القطرية في الدوحة ,,,,,,
قالو له اهم شي تجيب الجواز الاصلي ... مب صورة؟ حتى يتاكدون من انك في الاردن طول الفترة

و الحبيب مجدد الجواز و مافيه الاختام الخروج والدخول ... و ما صادقو على الشهادة لمدة 8 شهور لين ما جاب لهم كشف من وزارة الداخية يثبت فيه انه كان خارج البلاد.... (والله لوكان في بانكوك طول الفترة ... جان مشت عليهم) مالت على هالقانون لا وقانون لجنة مب فرد واحد

والسؤال: كيف اللجنة تصدق و تطمئن لشهادة / ورقة تقول فيها ان المذكور او الطالب درس طب مثلا او هندسة ، و ما تصدق شهادة من الجامعه نفسها بان الطالب كان متواجد في قاعات الدراسة.

بس الحق يقال: الاجانب يجيبون شهادات حتى من جزر الواق واق بس تمشي ولا يمشي عليهم القاون
لان القانون هذا فقط للقطريين

و سلامتكم


كلامك عدلل 100% اهم شي تجيب الجواز مع الشهاده علشان يشوفون نسبه وجودك في

البلاد تعادل 70 % ولا لا

والشي الثاني بخصوص هالقانون يشمل القطريين فقط والاجانب ولا يقولون له الجامعه معترف

بها ولا لا

واتمنى نعرف هالشي ليش يصير حق القطريين

[هدوء العاصفة]

يا جماعه .......... كلن يستريح مكانه طالما عقلية اللجنة اللي تصادق على الشهادات مثل ماهي

انا عندي اخوي خير مثال ، درس اربع سنوات في جامعة العلوم التطبيقية في الاردن وعلى حساب الوالد الشخصي .... و قبل لا يسجل في الجامعة اخذ الموافقة من اللجنة ان الجامعة معترف فيها

و لما تخرج و جاب الشهادة و مبقعة من الاختام الملونة من الجامعة ووزارة التعليم العالي و الخارجية الاردنية و سفارة قطر في الاردن والخارجية القطرية في الدوحة ,,,,,,
قالو له اهم شي تجيب الجواز الاصلي ... مب صورة؟ حتى يتاكدون من انك في الاردن طول الفترة

و الحبيب مجدد الجواز و مافيه الاختام الخروج والدخول ... و ما صادقو على الشهادة لمدة 8 شهور لين ما جاب لهم كشف من وزارة الداخية يثبت فيه انه كان خارج البلاد.... (والله لوكان في بانكوك طول الفترة ... جان مشت عليهم) مالت على هالقانون لا وقانون لجنة مب فرد واحد

والسؤال: كيف اللجنة تصدق و تطمئن لشهادة / ورقة تقول فيها ان المذكور او الطالب درس طب مثلا او هندسة ، و ما تصدق شهادة من الجامعه نفسها بان الطالب كان متواجد في قاعات الدراسة.

بس الحق يقال: الاجانب يجيبون شهادات حتى من جزر الواق واق بس تمشي ولا يمشي عليهم القاون
لان القانون هذا فقط للقطريين

و سلامتكم

صدقت والله .. الاجانب يعتمدون شهاداتهم بسهولة والقطري حاير طاير :rolleyes2:

[Qa6ar]

ياجماعه برنت اوت من حركات خروجك ودخولك للبلد من جوازات المنافذ بدوله قطر

يعني تصديق الشهاده مافيه رحمه

[فارس قطر333]

ياجماعه برنت اوت من حركات خروجك ودخولك للبلد من جوازات المنافذ بدوله قطر

يعني تصديق الشهاده مافيه رحمه

:nice:

[لبتونه]

سؤؤؤؤؤؤؤؤؤؤؤؤؤؤؤؤؤؤال زوجي يشتغل بالبنك ويبي يسجل بجامعة القاهرة ويقدم امتحانات هنا بقطر فهل معترف بها او لا ؟

وومكن رقم فوزيه العمادي

[رهج السنابك]

اذا عشان الحضور لازم 60% فعند معادلة الشهادة شلون بيعرفون اذا كنت تحضر هناك ام لا ؟؟!

اكيد عن طريق جواز سفرك .. بيطلبون الجواز ويشوفون كم قعدت هناك :)


حلو ؟



طيب فكرة بسيطة .. خش الجواز عندك لما تخلص الدراسة وتاخذ الشهادة وعقب روح قدم على جواز جديد :) وقول لهم جوازي ضاع !! ومو معقولة مايعترفون بشهادتك عشان جوازك ضايع
ولا أظن ابداً انهم ممكن يستفسرون من جهات ثانيه عنك متى سافرت وكم قعدت هناك لأنها اجراءات طويلة جداً وممكن تكون مستحيلة لمجرد بس تصديق شهادة :)

هالفكرة خطرت ببالي الحين اشرايك فيها ؟

[رهج السنابك]

سوري كتبت الرد قبل لا اشوف الفاجعه اللي كتبها اخونا قطر !!!!!! من صجك عاد كل هالبهدله عشان يصدقون شهادة هم بنفسهم عطوا اخوك الموافقة على تصديق الشهاده ؟؟ وخلوه 8 شهور ملطوع

ما كنت اتصور انهم لهالدرجة متحجرين

[بوعمير]

الزبدة...
الجامعات العربية مش معترف فيها إلا تخصص الشريعه واللغة العربية وفي جامعات معينة في السعودية والاردن ومصر ويمكن ولينان.
الي يبي يضيع وقته على أمل أن المجلس الاعلى بيعادل الشهادة يتصل على، عندي ماجستير من 2007 ومعلقة على الطوفه وكل يوم اكش الذبان عنه وانظفة من الغبرة... ليش ..لأن المجلس الاعلى ما عادل الشهادة..الجامعه مش معترف فيها، وعلى فكرة متخرج بمتياز وعندي موافقة من جهت عملي، لكن شقول الشكوى لله زين أني مخلص جامعه قبل لا ينولد المجلس الاعلى للتعليم.

صباح الخير يا طلبة.