**((.. مــن تغــلى تخــلى عنــه آحبابـــه..))**

[ra3shat hadab]

السلام عليكم

مساكم/صباحكم خير

ياقلبي لاتشكي من الحزن والآآآه و أرجوك لاتسأل عن اللي نسوني ..!!
دام الإجابة من سؤالك ومعناه دمعه حزينه تحتضنها جفوني ... !! :(

احيانا تحس انك (ملغ) و (غثيث) و (بثر) على بعض احباءك...
تتصل لهم .. ما يردون... تحاول تتواصل معاهم بأي طريقه.. تلقى صد واعذار..
تبعث رسايل ما يردون عليك... واكره شي ان يصيبك الشعور بانك (شخص غير مرغوب فيه)
وتقعد توسوس.. ليش مايرد.. ليش قطعني... و ليش وليش و ليش :( ..
وتتضايق وتزعل .. وهو عااايش حياته ولا داري عنك...
تحاول تبرر له وتحط له اعذار لكن في عصر الاتصالات والسرعة.. مافي شي قوي يبرر القطاعه هذي...
تبادل (الشخص العزيز) هذا نفس الأسلوب... وتنسحب وتبتعد عنه....


وانت وحظك... يا انه يتصل فيك فجأة بعد ما شافك انقطعت عنه وحس بغيابك عنه..
او ان حياته وحياتك تمشي... والقطاعه مستمره...

اممم هل الموضوع مرتبط بقانون الجاذبيه مثلاً ؟.... :rolleyes2:
(كل ما اقفيت ناداني تعال .. وكل ما اقبلت عزم بالرحيل ! )
اسحب علي اسحب عليك..
اسحب عليك تركض وراي... تسحب علي اركض وراك !!



يقول الشاعر :
أحسن إلى الناس تستعبد قلوبهم فطالما استعبد الإنسانَ إحسانُ
أحسن إذا ما كان إمكان ومقدرة فلن يدوم على الإنسان إمكان.ُ


إذا كانت الابتسامة في وجه اخيــك صدقه...
... الابتسامة :) فقط في وجوه الناس..
فمابالك بالتواصل الجميل مع من خصصوا لك مساحة في حياتهم !!


( شعــور مؤلــــم :( )
بعض الناس ما يظهرون لك اي اهتمام من صوبهم
تتصل فيهم وعمرهم ما اتصلوا فيك
تبارك لهم في أفراحهم وتواسيهم في أحزانهم وضيقتهم وتتواصل معاهم في كل المناسبات.. وهم على العكس
تحس ان وجودك وعدم وجودك في حياتهم واااااحد .. مع انهم من المقربين لك..


(((( محـــد يحبـــني )))) :( ...
والله هالشعور يجيك غصب تحس انك منبوذ.. محد يسأل عنك ولا يدري عنك اذا جيت ولا رحت...
مع انك اجتماعي.. بس ما تشوف اللي حواليك اجتماعيين معاك...
بتقول اكيد النقص فيني انا... ولا ما كانوا كلهم يعاملوني بنفس الطريقه... !

حالات انعدام الثقة بالنفس هي اللي تخلينا نفكر بهالطريقه...
ان اللي حوالينا ما يحبونا واننا منبوذين لدرجه انك اذا مريت صوب اثنين يتهامسون
بتقول في نفسك اكيد يعقرون فيني !!


اللي يبينا عيت النفس تبغيه .. واللي نبيه عيا البخت لا يجيبه..

ياما عزينا ناس وما عبرونا..
وياما ركضوا ورانا ناس وما عبرناهم ولا عطيناهم أي اهتمام... (ما قلت لكم جاذبية !! :discuss:


النصيحة الماسيه في هالزمن اللي شح فيه التواصل والوفا بين الناس...

(( لا تخلي الناس أكبر همك حبوك وإلا كرهوك ..
حب نفسك .. وحاول تعزز من ذاتك وتقوي شخصيتك ..
ولا تجعل الاشخاص هم محور حياتك ..
عشان ما تنصدم فيهم يوم من الأيام... ))

اللي نساك انساه .. و قدر نفسك .. و عيش حياتك
ومن تغلى تخلى عنه احبابه

هل مريتوا بمثل هالمواقف.... شاركوني ؟!!..

فضفضه سريعه...
وتحياتي لكم :)

[سيدة اعمال فلسطنية]

موضوع جميل جدا.....

[bshayer]

اللي نساك انساه .. وعيش حياتك
ومن تغلى تخلى عنه احبابه



صح لسانك على هالفضفضه ..:nice:

هذا الي صار مع :)...الي يتواصل معي احطه بي جوا عيوني وعلى راسي ..:victory:

لكن الي يباعد مع انا كنا تلك السنوات الي عشنها مع بعض وفجأه ينسونا بدون مقدمات الله يستر عليهم ..:)

[Marshmallow]

اتخذ لاخاك بضعاً وسبعين عذرا

وتأكد ان انشغال الواحد في دنياه يبعده حتى عن اهل بيته اللي هم معاه

واتوقــع sms تكفيني للسؤال عني

موضوع جميل يارعشه ،، وفانتظار المزيد

[Northman]

اللي نساك انساه .. و قدر نفسك .. و عيش حياتك
ومن تغلى تخلى عنه احبابه

هاي السيستم الجديد الي ماشين عليه

[وحيد-الشوق]

جبتيها عالجرح :(

انا شنو عانيت من البعض

ياماناس للأسف تعزهمم وتحط لهم مكانة عندك لكن شنو تاخذ غير القطيعة والنكران :(

اسوء شعور واخس شيء الي تتصله ومايرد عليك وطبعا عذره بكل برود يرد عليك (بعد ماانت تتصل فيه عقب) اسمحلي كنت مشغول اقوله وينك والله في البيت مشغول مع اهلي والثاني وينك كنت اسوق وماقدرت ارد عليك والثالث والله في الدوام وشغل وكرف عندي وهو لايكرف ولاشيء قاعد عالمكتب ويكش الذبان هههههههه الحمدلله والشكر اعذار اقبح من ذنب وغير الاعذار الاسخف منها مافي واحد تتصله يرد عليك بعد يومين اسمحلي والله ياخوك كنت مشغول لعنبو المزاج مااعتقد هالدقيقة بتطير الدنيا من يدك وللأسف في ناس تخيلي واحد من سنتين اعرفه اتصله بعد فترات بعيده وكل مااكلمه يقولي وين الغيبة ليش قاطع انت :eek5: ومع العلم هو مايتصل خير شر الا نادر بس ياخذون ومايعطون :weeping:

والله في عالم مايستاهلون الواحد يضيع وقته علشانهم والحين الي نساني بنساه وماعاد بفتكر في احد

(( لا تخلي الناس أكبر همك حبوك وإلا كرهوك ..
حب نفسك .. وحاول تعزز من ذاتك وتقوي شخصيتك ..
ولا تجعل الاشخاص هم محور حياتك ..
عشان ما تنصدم فيهم يوم من الأيام... ))

ماارووع هالكلام :)


يعطيج العافية عالموضوع الطيب والسموحة عالاطالة :(

[غناتي1]

انا عن نفسي -- مريت بهاالتجربة --

لكن سياستي كانت

طنش تعش --- تنتعش

[فلفل حار]

فضفضهـ حلوهـ يا رعشـووهـ ... ^-^

[ام الجازي]

أولاً: السلااام عليكم....
ثانياً:والله كلامك صح...مرينا بهاي المرحلة وتعبنا بس مافي فايده في النهايه مثل ماقال رسولنا الكريم : اتخذ لأخاك بضعاً وسبعين عذراً....
اللي نبيه عيت النفس تبغيه واللي يبينا عيا البخت لايجيبه

[خويلد]

موضوع جميل

[!الشايمه!]

ياقلبي لاتشكي من الحزن والآآآه و أرجوك لاتسأل عن اللي نسوني ..!!
دام الإجابة من سؤالك ومعناه دمعه حزينه تحتضنها جفوني ... !! :([/COLOR]

:ok::ok:<<<كلام جميل ولو انه يعور القلب :(

اممم هل الموضوع مرتبط بقانون الجاذبيه مثلاً ؟.... :rolleyes2:
(كل ما اقفيت ناداني تعال .. وكل ما اقبلت عزم بالرحيل ! )[/color[COLOR="RoyalBlue"]]<<<يوووووووه وليه كذا...وش يبي بي :shy:

(( لا تخلي الناس أكبر همك حبوك وإلا كرهوك ..
حب نفسك .. وحاول تعزز من ذاتك وتقوي شخصيتك ..
ولا تجعل الاشخاص هم محور حياتك ..
عشان ما تنصدم فيهم يوم من الأيام... ))
[color="black"]

:victory::victory:




مرحبا رعشة هدب....عاش من شافج...واجازة سعيده
بصراحة حبيت اسلوب كتابة الموضوع....والمداخلات الشعريه << ياويلي ماروم :shy:

وبدون لا اكتب لج معلقه :eek5: <<< لاني احس اليوم كتبت معلقاتي الست
وباقي السابعه مخليتها للعيد ههههههههههههههههههههه

.......

بس فكرة الجاذبية.....تراها صحيحة من قلب...التآلف..

يقول لج: ماينجبر قلبن على قلب.......

اللي يعزني على عيني وراسي...وان داراني اداريه...
واحطه في عيوني...وان بعد...الشكوى لله
الله يسمح دربه...

من قل الناس يعني... :anger1:
ياكثرهم ويازينهم اللي يبونها مثل مانبيهم :)


اهم شي تعرفين كيف تختارين الناس...اللي يبادلونج المودة...

اما شخص يسأل ويوجب...والثاني يسفه مره ومرتين والثالثه ثابته :sneaky:
بدون مبرر يشفع له...
لا بالله لا يجيني ولا اجيه...ان التقينا سلمنا ورحبنا...عنده ظروف
وجبنا.....وغير هذا راسه سالم...<<كلام المامي :) ترا
مهب كلامي <<< قاعده مهمه في الحياة



وكل عام وانتي طيبه ...

تحية

[ra3shat hadab]

مرحبا بكل القراء ولكل من شاركني في الموضوع
اعتذر على التأخير وراجعة لكم بحول الكريم ..... تسلمون لي...

يعطيكم العافية ...

[ســـهم]

( شعــور مؤلــــم )
بعض الناس ما يظهرون لك اي اهتمام من صوبهم
تتصل فيهم وعمرهم ما اتصلوا فيك
تبارك لهم في أفراحهم وتواسيهم في أحزانهم وضيقتهم وتتواصل معاهم في كل المناسبات.. وهم على العكس
تحس ان وجودك وعدم وجودك في حياتهم واااااحد .. مع انهم من المقربين لك..

يحصل ذاك احيانا لكن لاننسى ان البعض ربما يمر بظروف لانعلمها او احد مشاغل الدنيا

لذلك لايكون تواصله مستمرا حتى لو كان بالسؤال

ومع هذا لابد لي من سؤاله دوما عن سبب انقطاعه خاصة اذا كان من ( القربى )


يسلمو على هذا الموضوع الجميل ..