فتاة احلامك وفتى احلامك- المشاركة للقطريين والقطريات فقط [الأرشيف]

مشاهدة النسخة كاملة : فتاة احلامك وفتى احلامك- المشاركة للقطريين والقطريات فقط

aminasalam

10-08-2009, 12:14 AM

ماهو المهر المتوقع لكي -- هل يقاس العمر بالمهر ؟
ماهو سن النضج عند الشباب والشابات؟وماذا عن الثقافة والشخصية هل هما مهمان؟

مامقدار الثقة التي قد تنشأ بينكما في حال الارتباط؟

كيف ستحاسب زوجتك اذا اخطأت عليك0

nouar

10-08-2009, 12:52 AM

تجربه شخصية ...

بالنسبه للرجل ... المهم زوجته تكون جامعية مثقفه ...
اهم شي انها ما تسأل عن راتبها وين يروح يعني الرجل ماخذ بنك

وغيره لما تقول امه شي لازم تقول حاضر ...

بالصريح خادمة بس اهي الللي تدفع االاجرة ...

العمر فوق 25 سنه .....

للاسف اصبحنا احنا العربيات المسلمات كخه ... بس متزوج بنك

أحمــد

10-08-2009, 01:00 AM

اااااااااااااااخ على العوق ياخوي

انا اول مره تقدمت طلبو علي مبلغ خيالي قلت لهم ماعندي

قالو لي والله هذا المهر

الثانيه قالو لي بيت وخدامه وسياره مع دريول قلت بل مافي في قطر بنت تبي الستر ماتبي المال

الثالثه قبل لادخل البيت انا واخوي قلت حق اخوي اقصرالشر وخلني عزوبي احسن :)

باسوي لي بيت وباكون جاهز علشان محد يعورراسي

هذلان

10-08-2009, 01:22 AM

السلام عليكم

المهر على ربك انت و نصيبك ولكن الطيبون للطيبات و الواحد اكيد بياخد وحده منه و فيه و على نفس المستوى المعيشي .

ولا يقاس المهر بالعمر ... انا اتكلم عن الوضع الطبيعي اذا انت عندك موقف معين ما ادري بس بالعاده العمر و المعر موضوعين مختلفين .

سن النضج للشاب .. فوق ٢٣ وانت قاعر اعرس ولا عليك شر و البنت فوق ١٩ ماشي حالها لنفس عمر الشاب ٢٣ سنه

مقدار الثقه الله يسلمك انا من الاساس مارحت و خطبت من بيت الا ان الثقه موجوده من الاساس ولا ماكان طقيت باب العرب و طلبت يد بنتهم . و انت و نصيبك و تعاملك بعد الزواج.

كيف احاسبها هذا يختلف من شخص لشخص وهي اسرار المهنه :) اهم شي عدم تجريح المره باي كلمه و عدم التقليل من قدرها و قيمتها ،، ولكن الزوجين يفهمون بعض بشكل كبير بعد كم سنه زواج .. فا حتى لو كان زعلان و هو بين انه الزعل بسيط راح تكتشف الزوجه مقدار زعل الزوج .

اعتب عليك اخي الكريم انك ماجبت طاري الناحيه الدينيه ولا حتى الشخصيه في استبيانك.

الاكيد بان الزوجين في بدايت حياتهم الخطين المتباعدين و مع مرور الايام و السنين يبداء التقارب و التفاهم الا ان ينطبق كل خط على الاخر

تحياتي

واقعي وصريح

10-08-2009, 01:30 AM

انا حطوني في الشيمة 00توهقت00ههههههههه

هذلان

10-08-2009, 01:37 AM

انا حطوني في الشيمة 00توهقت00ههههههههه

كلش مب شي :nice:

مستجدة

10-08-2009, 10:00 AM

ماهو المهر المتوقع لكي -- هل يقاس العمر بالمهر ؟

المهر مب مقياس لا للعمر ولا للجمال ولا لاصل الطيب والبنت العاقل اللي تبي الستر
ماراح تطلب شئ خيالي وفوق طاقة اي رجل جاء يتقدم لها
وانا من المشجعين للحفلات العائله وضد المظاهر الكذابه والاسراف اللي حرمه الله سبحانه وتعالى وعلى قولة امهاتنا وابهاتنا الهون ابرك مايكون
البنت والشاب شنو يبون غير الستر والتوفيق والذرية الصالحه عشان كذا لازم يبدون صح من اول خطوة في الاتباط حتى الله سبحانه وتعالى يبارك لهم في نفسهم ومالهم وذريتهم

مع الاسف انا كثير من صديقاتي ومن اقاربي يتجهون الى الاسراف والمغالاه في المهر وفي الاحتفال بالليله الزواج
واللي لاحظته انه مع الاسف الله ماوفقهم بحياتهم الزوجيه .

ماهو سن النضج عند الشباب والشابات؟وماذا عن الثقافة والشخصية هل هما مهمان؟

السن المناسب لزواج انا اشوف انه فوق العشرين لكل من الشاب والبنت واذا عن الثقافه
فالثقافه مب محصورة بشهاده فقط لان عن تجربه اعرف بنات جامعيات وبنات تعليم متوسط
قدر القافه بينهم اكبر عند ذات التعليم المتوسط الثقافة في الاطلال وحب الاطلاع والقراء وتثقيف النفس .

مامقدار الثقة التي قد تنشأ بينكما في حال الارتباط؟

الثقه مرتبطه في اشياء كثير في التربية وفي الدين في الانسان السوي الحافظ لحقوق الله وحقوق نفسه وحقوق الاخريين راح يكون انسان واثق من نفسه وممن حوله
( والمعنى في بطن الشاعر )

كيف ستحاسب زوجتك اذا اخطأت عليك .؟

وجعلنا بينكم مودة ورحمة

اكبر الاشياء يحصل عليها الانسان باللين وبالمحبه وبالتفاهم
واذا استحال هذا كله فتصريح جميل ومثل مادخلوا بالمعروف يخرجون بالمعروف
بعض الشباب مع الاسف يتعامل مع المرأة على انها سلعه اشتراها وياخذ المرأة على انه راح يتحكم بكل حياتها مثل مايبي حتى الطبع والشخصية يبي يغيرها وان ماستجابت له فمن حقه
ضربها ليل نهار لانها زوجته ومحد له خص <<< وهذا يدل على ضعف العقل والشخصية والبعد عن الله وتعاليم دينه الحنيف

وهناك بيت شعر يقول ( غير جبال ولا تغير طبيعة )

الزواج هو اقوى الروابط اللي تجمع اثنين تحت سقف واحد وهو بنظري يبداء ببناء راكيزه على التفاهم والمودة والتراحم

سأل الله العلي العظيم
ان يرزق جميع خواني واخواتي الاعضاء
بتوفيق الدنيا والاخرة

nouar

10-08-2009, 04:29 PM

أخوي احمد اعتقد ثلاث مرات حظك عثر...

والله مسكين ...

nouar

10-08-2009, 04:35 PM

في الاساس الاب والام هم المسؤولين عن نجاح الزواج او فشله ...
اقصد اب وام كلا الطرفين ..

كلامك صحيح اخوي هذلان وعداك العيب..

HIGHNESS

10-08-2009, 04:53 PM

ماهو المهر المتوقع لكي -- هل يقاس العمر بالمهر ؟ .. المهر بالنسبة لي مومهم بس شي مايكلف لأني افكر لبعيد والفلوس تروح وتجي واكيد ان شاء الله ماراح يقصر بعد الزواج واكيد ماينقاس بالعمر
ماهو سن النضج عند الشباب والشابات؟وماذا عن الثقافة والشخصية هل هما مهمان؟ أكيد العمر مهم .. يعني الي بتاخذ واحد عمره 20 مو مثل الي عمره 30 لأنه تفكيره يكون ناضج وعاقل وخبرته بالحياة تكون اكثر ... واعتقد البنت نضوجها يكون في العشرين وفوق ( وجهة نظر ) .. الثقافة مو مهمة كثر الأخلاق .. مجرد ما الاثنين يكونون بالمستوى الكافي من الأخلاق معناته انهم على ثقافة واطلاع .. وبالنسبة للشخصية لازم كل واحد يكون ذكي ويعرف يتعامل مع الآخر بحسب شخصيته لأن الشخصية تتحدد بالعشرة

مامقدار الثقة التي قد تنشأ بينكما في حال الارتباط؟
الثقة اساس اي علاقة .. ولازم تكون ثقة كاملة بس مو عمية هههههه الحذر واجب
كيف ستحاسب زوجتك اذا اخطأت عليك .... ماقدر ارد على هالسؤال .. بس الله لايجيب الزعل :shy:0

تقبلي مروري المتواضع:)

وضحى قطر

11-08-2009, 03:27 AM

دلوعه امها

11-08-2009, 04:59 AM

ماهو المهر المتوقع لكي -- هل يقاس العمر بالمهر ؟

المهر المفروض يكون على قدر استطاعه الشاب حرام يضغطون عليه ويخلونه يتدين ويقعد طول عمره
يدعي على الساعه اللي عرفها فيها اخر الشهر اذا نزل الراتب ناقص المفروض ياخذ البنت ويرتاح معاها مو كل ماشافها تذكر الدين

ماهو سن النضج عند الشباب والشابات؟وماذا عن الثقافة والشخصية هل هما مهمان؟

سن النضج فوق العشرين والثقاف والشخصيه هذا على رب العالمين اذا حبو بعض والله وفقهم مايهم شي ثاني

مامقدار الثقة التي قد تنشأ بينكما في حال الارتباط؟

المفروض تنبني العلاقه على ثقه بين الطرفين عشان يرتاحون طول حياتهم

كيف ستحاسب زوجتك اذا اخطأت عليك؟

اللي يحاسب رب العالمين فيه تفاهم لازم يكون فيه تفاهم وحب ويتفاهمون في هدؤا لان الصوت الطويل والصراخ مامنه فايده يزيد المشاكل المفروض اللي اخطأ يعزم الثاني في مكان هادي ورمنسي وفيه شموع ويتفاهمون على كل شي ويروحون البيت وهم يضحكون لان الدنيا ماتستاهل

JIJiiiJI

11-08-2009, 05:14 AM

انا مايهمني المهر ولا السن اهم شي عندي تكون منفخه شفايفها وحاطه سيليكون في بعض المناطق :funny::app:

The Master

11-08-2009, 05:49 AM

اولا تشكر على الموضوع ولا هنت

بالنسبه للمهر والعمر:

المهر انا اشوفه الرجال وشيمته(شيمته في اللي يقدر عليه مو يدق صدره وفي النهايه يدعي على البنت وياكل هوا احم)
لان على حد علمي والربع واللي سمعناه ماقد شفنا حد جاب طاري ان اهل العروس اطلبوا مهر بمبلغ معين الا ما ندر.
ومنهم من يتفنتق عليك ويقول والله نبي ونبي ونبي عاد هذول صدق انهم يدورون مصلحة بنتهم لكن لازم يعرفون ان هذا بيكون زوجها وبيعزها اكثر منهم. فا لا يصدعون بالرجال ويشردونه.(مسكين تحس واحد كان يعاني احم)

والعمر ماضنيت انه بيكون فيه فرق

سن النضج والثقافة:

النضج انا اشوفه في هالوقت مب فارقه كثير يعني بو 30 نفسه بو 20 من ناحية نضج ماقلنا خبره
لكن هم الخبره الحين تلقاه ببلاش في النت(افهمني يا فهيم احم)
فا العمر للشاب فوق 20 والبنت فوق 18

والثقافة هم اشوفها ماتفرق كثير يعني الجامعيه حالها حال الثانوية او الاعداديه
خبرك بالنسبه للنسوان سوالفهم تثقفهم وتطور عقلياتهم (اتمنى الاحسن)

الثقه:

مثل ماقال عضو من الاعضاء في الرد ان انت ماتتقدم لناس الا وعارف عنهم او سائل
والثقه ماتكون بين يوم وليله لكن مع الهذرة بالتلفون ايام الملكه (اوش اوش احم)
ومع فهمكم لشخصيات بعض تقدرون تبنون جسر من التفاهم والثقه
وهم بعد الثقه تعتمد عليك انت وعلى تفكيرك وعلى خبرتك قبل(اتوقع فهمتوا قصدي احم)

كيف تحاسب زوجتك:

افا ياذا العلم محنا برجال اذا رفعنا يدنا على نسوان
(اللهم غشمره احم احم)

والمحاسبه تعتمد على الخطأ بس اغلب الاحيان تعاتبها بالكلام واهم شي توضح ليش مب بس تصارخ عالفاضي
وتبين الحل الصح وتفهمها, اما اني احاسبها صعبه مهما كان هذي ام عيالي (فديتها احم)

وبس وهذا هو ويقول لك ماطاح الا انبطح (اشدخل احم)

بس نصيحة على سالفة المهر
قبل لا تتقدم للعروس لازم تعرف عيال عمها او اهلها كم يدفعون مهور او حتى خواتها كم ادفعوا لهم مهر
لان مثلا اذا كانوا خواتها او اهلهم مهرهم 70 الف مو تجي انت ويحطونك في الشيمه تقول 50 الف ؟؟!!
فا على الاقل 70 ولا 80 و 80 الف هو المهر المعتدل هالايام
ولو تفكر يالشاب وتعرف وتحسب مصاريف اللي على البنت من ال 80 كان قدرت ياللي تشوفها واجد (على فكرة انا شنب بس اللهم فاهم وخبره احم)

بوعبدالله100

11-08-2009, 12:02 PM

سن الزواج المناسب بو 25 .. لا يجيني بو طعش يبي يتزوج من فلوس ابوه .. ترى مااينفع .. ولا يتسلف لي من البنك ويبي يتزوج بعد ماايدق سلف .. الي بيدق صدره وبيتزوج يكون مزبن له مبلغ محترم.. وترى والله العرس موو مهر والي يقول مهر غلطان ..عن نفسي داافع 100 الف مهر .. وكلشي علي ..من شبكه وخطوبه وعرس ..مااقلت مقدر ..لاني حااط بحسابي ان راح انحط في هالموقف بس الحمدالله دامك مكون نفسك وتشتغل صح ومو مال صرف تمشي عندك الامور زي الورد .. وبالنسبه للسن الزوجه موو مهم صغيره ولا نفس السن اهم شي خاايفه الله ومو مالت انجليزي ومولات وابل بيز وشهاده كل شوي تنفخ صدرها على ريلها .. ويفضل ماتشتغل ..عن نفسي الحمدالله الي تبيه اوفره من قبل مااتتكلم بس بالمقابل الاحترام والطاعه بالمعروف وتراعيني بكل شي واذا قصرت عنهاا اكون موو قد المسؤوليه .. وماا احاسبها على غلط ..لان شنو بيكون مستوى الغلط .. كلشي باللين واحترمها كالانسانه لها راي .. راح تقدر وماراح تعيد الغلط ..

مسفر2

11-08-2009, 01:50 PM

الى ليت العزوبية تعود يومآ .... لأخبرها بما فعل الزواج (و)

انحششششششششششششششششششششش

wesam_82

11-08-2009, 02:59 PM

الأمام علي بن أبي طالب قال (( يقاس المرء بثلاث : بدينه وعلمه وأدبه، فالدين والعلم رفع سلمان الفارسي والشرك والجهل سقط أشرف العرب أبو لهب)

الشخص كان ذكر او انثى إذا تحققت به هذا الصفات فهو لقطه ماتتفوت

doha70999

11-08-2009, 11:08 PM

الناس تشتري ريال مو فلوس وعرس وخرابيط ،،،،،،،الغالبية صارت تركض ورى المظاهر @@

احسن سن مناسب للزواج بعد 25 سنة والعمر ماله خص بالمهر!؟!؟؟!والثقافة مهمة اكيد لان اساس العلاقة الزوجية التفاهم وتقارب الأفكار =)

والسؤال الأخير ماعندي جواب@@

تحياتي =)

ودي أكون

11-08-2009, 11:11 PM

انا حطوني في الشيمة 00توهقت00ههههههههه

ههههههه

عزتي سمو ذاتي

11-08-2009, 11:18 PM

برأيي أن المهر مومهم الأهم الرجال واخلاقه وتربيته واحترامه لزوجته وحبه واخلاصه لها

الفلوس وغيره كلها تجي مع الأيـام .. بنت الناس والأصول تشتري الرجال ماتفكر بالفلوس والفخفه والتباهي

والحين العروس تكلف واااااااايد يعني الواحد بيدفع أقل شي 150 ألف بس لحفلة الزواج غير المهر .... الخ

أنا بصراحـة ماأتخيل لوربي كتبت لي الزواج اطلب مهر عالي أو أطلب حفلة زواج مكلفة كل شي بسيط حلـو

وأهــم شي الرجال يكون والنعم فيه يحبني ويقدرني ويحترمني ويحترم اهلي .. والله يهدي البنات ويستر عليهم

ورقــة أمــل

11-08-2009, 11:28 PM

المهر ماله خص بالعمر
بس هلايام بعض المهور صارت تنقاس براتب المره
يعني لو راتبها 11 الف ورايح ماراح تقبل بمهر اقل من 100 الف
بالنسبة لي انا الي تنبط جبدي منه مب على سالفة المهر وبس
لان مب بس المهر اللي هالايام يعترض الزواج
في اشياء ثانيه
مثل المنصب والقبيلة والشهادة و الجنسية واشياء وايد :( :(

aminasalam

12-08-2009, 10:08 PM

:ok::ok::ok::ok::ok:شكرا لكم على ردودكم واتمنى اللى ما تزوجوا يرتبطون بالذات اللى في المنتدي---- واقدم نصيحتي للجميع اذا صار الارتباط لا احد يلوم الاخر عما حدث قبل الزواج لاتحاسبوا قبل الزواج ولكن الحساب بعد الزواج --- تحياتي

طارق

13-08-2009, 10:08 PM

السالفه مش بيع وشراء

ياكثر الي كتبو المهر في العقد مليون عشان الزبو - وفي الحقيقه 10 الاف اريال

منتهى الحكمة

13-08-2009, 11:04 PM

بو عبدالله جزاك الله ألف خير على هالكلام الطيب ونعم الرجال

koketa

14-08-2009, 05:32 PM

كلام جميل

فلفل حار

15-08-2009, 12:21 AM

عزتي سمو ذاتي

15-08-2009, 02:00 AM

بعد آذن صاحب الموضوع ::

خاطري آعرف شي ...!

ردود البنات في المنتديات ( احنا نشتري الريال والستر ومانبي فلوسه )

ووقت الصج تقولكـ ( هات مهر يقص الراس وبيبي قصر وهيلوكبتر و7 خدامات )

سبحان الله ... شلون جذي ..!!!
:rolleyes2:

... ذبحتوونا بالمثاليه ...
:shy:

اسمحلي أخــوي أنا ضد رأيك .. اصابع ايديك ماهي سواء

في بنات صحيح يقول هالكلام بس وقت الصج يطلبون أشياء بالهبل

بس في بنات يقولون الصج يبون الستر ويشترون الرجـال لأن المال فاني

غابت الشمس~

15-08-2009, 02:21 AM

ماهو المهر المتوقع لكي -- هل يقاس العمر بالمهر ؟
خير الأمور اوسطها اكيد راح اطلب مهر مايكسر ظهر زوجي عشان مايعيش بمعاناة الديون على متعة مهر مؤقت راح تروح فايدته بسرعه على امور تافهه من ملابس وتجهيزات لاتدوم

ماهو سن النضج عند الشباب والشابات؟وماذا عن الثقافة والشخصية هل هما مهمان؟

بالنسبه لي اعتبر سن النضج للشباب هو من 30 وفوق والبنت من 25 وفوق
واكيد الثقافه مهممممه والشخصية اللي تكون متوافقه معاي
مامقدار الثقة التي قد تنشأ بينكما في حال الارتباط؟
الله أعلم .. لكن دامه اختارني شريكة لحياته واخترته شريك لحياتي اكيد راح تكون الثقه كبيره ان شاء الله

الله يرزق بنات وشباب المسلمين بالازواج والزواجات الصالحين