ممكن سؤالّ ؟؟؟؟

[الشوق عطري]

بغيت اعرف وضع زوج القطرية من قانون الموارد البشرية ؟؟


وهل يعامل معاملة ابناء القطريات في التوظيف ؟ وهل تشملة سياسة التقطير ؟؟


ويعطيكم الف عافيه

[زقرتي ومزاجي]

بغيت اعرف وضع زوج القطرية من قانون الموارد البشرية ؟؟


وهل يعامل معاملة ابناء القطريات في التوظيف ؟ وهل تشملة سياسة التقطير ؟؟


ويعطيكم الف عافيه





للرفع

[ذيب زكريت]

للأسف لا -- من معلوماتي السطحية

واحد من الربع مصري وزوجته قطريه لكنه مكروف وممكن انه في اي لحظة ينفنش

وواحد عماني وزوجته قطريه تمت احالته على التقاعد على ما حسب ما قال لي

لكن عيالهم يعاملون معاملة القطريين في كل شئ

[بنت ابوها 19]

الأبناء فقط


لكن الأزواج لا

[براتزية برازيلية]

للرفع

[سويسرا]

بس الابناء

لكن الازواج نو

[غبيش]

الله يعين

[doha70999]

ليش يسمونهم ابناء القطريات وابوهم اجنبي وماله صله بقطر؟؟؟؟؟؟شي غريب

[الشوق عطري]

يسمونهم يا حضي ابناء القطريه لانهم مواليد قطر والقطريه مالها حقوق يعني انا اسال ؟؟؟اذا عنك اجابه جاوب واذا ماعندك يعطيك الف عافيه ومشكور على تشريفك ...


عاد تصدق معظم اللي تقول عنهم اجانب عارفين هم من وعيال من

بس المصيبه اللي ما يعرف اي ريح جاءت به

وسلامة الذووووق

[لاجئ عاطفي]

ليش يسمونهم ابناء القطريات وابوهم اجنبي وماله صله بقطر؟؟؟؟؟؟شي غريب


مادري ليش عممت ان ابوهم اجنبي
هل الخليجي اجنبي؟؟ كثير منهم ابائهم خليجيين وعايشين ومولودين في قطر
واغلب ابناء القطريات ابائهم خليجييين فياريت اتركز بالكلام اللي تقوله واتخلي نظرتك اشمل

[جنوب الدوحه]

الي اعرفه ان ابناء القطريه لهم الاولويه بعد القطري حامل الجواز ..

والشخص الي لايحمل جواز قطري ,, لا يعتبر قطري ..

[HIGHNESS]

أبناء المواطنة + حملة الوثائق + مواليد قطر ( بس مو الكل ) لهم الأولوية في التعيين ( ان شاء الله ) بعد المواطن القطري ( حامل الجواز القطري ) .... حسب علمي كوني عملت فترة في ادارة الموارد البشرية ...
والله يعين الجميع ويسهل اموركم ...
تقبل مروري

[الشوق عطري]

الاخت هاينس على كلامج اشتغلتي في الموارد البشريه وما عرفتي نص القانون عدل

اتمنى تجيكين وتردين

[omar77]

يسمونهم يا حضي ابناء القطريه لانهم مواليد قطر والقطريه مالها حقوق يعني انا اسال ؟؟؟اذا عنك اجابه جاوب واذا ماعندك يعطيك الف عافيه ومشكور على تشريفك ...


عاد تصدق معظم اللي تقول عنهم اجانب عارفين هم من وعيال من

بس المصيبه اللي ما يعرف اي ريح جاءت به

وسلامة الذووووق

الله اكبر قلتي الي ابي اقوله
وركزي على >>>>>>>>>>>>>>>>>>>بس المصيبه اللي ما يعرف اي ريح جاءت به

[nouar]

اسأل محامي افضل لك ...

[عالم الخليج]

الله يكون في العون بخصوص ابناء مع الايام

[doha70999]

الخليجي غير والوافدين غير، الخليجي منا وفينا بس غيره لا!

لان احنا ودول الخليج عاداتنا وتقاليدنا وحده بس الدول الثانية لا !:nice:


وجهة نظري:victory:
=)

[لاجئ عاطفي]

الخليجي غير والوافدين غير، الخليجي منا وفينا بس غيره لا!

لان احنا ودول الخليج عاداتنا وتقاليدنا وحده بس الدول الثانية لا !:nice:


وجهة نظري:victory:
=)


خلاص عيل لاتعمم في كلامك وتشمل الاثنين واغلب هالنوعية خليجين من ام قطريه

[ودي أكون]

انا اشتغل فالموارد البشريه ومامرت علي مثل هالحاله والا جان افدتكم :rolleyes2:

[لاجئ عاطفي]

انا اشتغل فالموارد البشريه ومامرت علي مثل هالحاله والا جان افدتكم :rolleyes2:


ابشرج جميع ادارات الموارد البشره ما اطبق معاملة ابناء القطريه معاملة القطريين وبعض الادارات ماتعترف بهالشي من الاساس

[ودي أكون]

ابشرج جميع ادارات الموارد البشره ما اطبق معاملة ابناء القطريه معاملة القطريين وبعض الادارات ماتعترف بهالشي من الاساس


وانا اقول ليش مامرت علي مثل هالحاله :shy:

الله يفرجها عليهم ان شاءالله

[HIGHNESS]

الاخت هاينس على كلامج اشتغلتي في الموارد البشريه وما عرفتي نص القانون عدل

اتمنى تجيكين وتردين

انا كتبت على حسب علمي كوني اشتغلت فترة ( يعني سابقاً ) اذا في شي تغير مادري
بالتوفيق :shy:

[ahmeds]

مادري ليش عممت ان ابوهم اجنبي
هل الخليجي اجنبي؟؟ كثير منهم ابائهم خليجيين وعايشين ومولودين في قطر
واغلب ابناء القطريات ابائهم خليجييين فياريت اتركز بالكلام اللي تقوله واتخلي نظرتك اشمل

اممم تقنياً أي شخص مش قطري هو اجنبي سواء خليجي ولى بنغالي ولى من جزر الواق واق

وكلهم جايين عندنا لنفس الهدف موني موني

لو بلادنا مافيها موني ما شفتهم معششين عندنا :)

ياليت اتخلي نظرتك اشمل :)

[ابن الجزيره]

اممم تقنياً أي شخص مش قطري هو اجنبي سواء خليجي ولى بنغالي ولى من جزر الواق واق

وكلهم جايين عندنا لنفس الهدف موني موني

لو بلادنا مافيها موني ما شفتهم معششين عندنا :)

ياليت اتخلي نظرتك اشمل :)




للتصحيح .................
الابناء نعم نفس القطري.. مع بعض التحفظ
الازواج الخليجي.... وضع افضل....مع التحفظ....
العربي......تحفظ....
الاسيوي....كفالة شخصية
الاجنبي... بعيون زرق[/color].... معاملةvip
***** للعلم فقط.......

[NOORA2008]

:nice::nice::nice:



للتصحيح .................
الابناء نعم نفس القطري.. مع بعض التحفظ
الازواج الخليجي.... وضع افضل....مع التحفظ....
العربي......تحفظ....
الاسيوي....كفالة شخصية
الاجنبي... بعيون زرق[/color].... معاملةvip
***** للعلم فقط....... ليش اللي يردون كلهم معصبين ولا احساسي بس ؟؟

[ahmeds]

للتصحيح .................
الابناء نعم نفس القطري.. مع بعض التحفظ
الازواج الخليجي.... وضع افضل....مع التحفظ....
العربي......تحفظ....
الاسيوي....كفالة شخصية
الاجنبي... بعيون زرق[/color].... معاملةvip
***** للعلم فقط.......

اوكي هاي دليل انهم ماخذين حقهم وزياده و3 ترباع بعد يعني المفروظ يحمدون ربهم وايحبون يدهم مقلوبه ويشكرون ربهم على خير قطر الي مغرقهم ويدعون لقطر واهل قطر ليلنهار ولى وين يلاقون لهم بلاد مثل قطر تكد عليهم؟

هم في بلادهم حلم حياتهم يلاقون عشا ولى غدى:)

[Index Signal]

تتضمن المادة (3) أهم نص في الاتفاقية الاقتصادية لعام 2001 بخصوص المواطنة الاقتصادية ، والذي يحتوي على هذا التوجه الجديد، حيث تنص هذه المادة على التطبيق المباشر لمبدأ المساواة الكاملة في المعاملة لجميع مواطني دول المجلس وذلك عن طريق ضمان مبدأ معاملة مواطني دول المجلس المقيمين في أي من الدول الأعضاء نفس معاملة مواطنيها "دون تفريق أو تمييز" في "كافة المجالات الاقتصادية" ، ويشمل ذلك المواطنين الطبيعيين والاعتباريين . وتأكيداً لهذا المبدأ وإزالة لأي لبس تذكر المادة عشرة مجالات اقتصادية عامة ، توردها كأمثلة لا على سبيل الحصر ، يتعين فيها تحقيق المساواة في المعاملة بين مواطني دول المجلس . وتشمل هذه المجالات العشرة ما يلي:

1. التنقل والإقامة.
2. العمل في القطاعات الحكومية والأهلية.
3. التأمين الاجتماعي والتقاعد.
4. ممارسة المهن والحرف.
5. مزاولة جميع الأنشطة الاقتصادية والاستثمارية والخدمية.
6. تملّك العقار.
7. تنقل رؤوس الأموال.
8. المعاملة الضريبية.
9. تداول وشراء الأسهم وتأسيس الشركات.
10.التعليم والصحة والخدمات الاجتماعية.

ويتضح المنهج الجديد في قرار الدورة الثالثة والعشرين للمجلس الأعلى (ديسمبر2002) ، الذي وضع برنامجاً زمنياً لاستكمال متطلبات السوق الخليجية المشتركة على النحو التالي:

أ . يتم تطبيق المساواة التامة في المعاملة بين مواطني دول المجلس في مجال العمل في القطاعات الأهلية ، ومجال تملك وتداول الأسهم وتأسيس الشركات ، وإزالة القيود التي قد تمنع من ذلك ، في موعد أقصاه نهاية عام 2003م.

ب. يتم تطبيق المساواة التامة في المعاملة بين مواطني دول المجلس في مجال العمل في القطاعات الحكومية ، والتأمين الاجتماعي والتقاعد ، وإزالـة القيود التي قد تمنع من ذلك ، في موعد أقصاه نهاية عام 2005م.

ج. تستكمل اللجان المختصة جميع المتطلبات اللازمة لضمان تحقيق السوق الخليجية المشتركة في موعد أقصاه نهاية عام 2007م.


ويعني هذا الجدول الزمني المضي قدماً في كافة إجراءات تحقيق المساواة التامة في المعاملة بين مواطني دول المجلـس في جميع المجالات المنصوص عليها في الاتفاقية ، وفق هذا البرنامج الزمني ، بحيث تزال جميع القيود والضوابط التي تحد من تحقيق المساواة التامة ، وذلك بتحديث قرارات العمل المشترك.

[Index Signal]

من الخطوات التي تم اتخاذها لتحقيق المواطنة الاقتصادية

العمل في القطاعات الحكومية والأهلية

( أ ) المساواة في المعاملة في القطاع الأهلي
صدر قرار المجلس الأعلى في الدورة الرابعة عشرة (الرياض ، 1993م) بمساواة مواطني دول المجلس العاملين في القطاع الخاص بمواطني الدولة مقر العمل ، وفق "الضوابط التنفيذية" التي أقرها المجلس الأعلى في نفس الدورة . وأكد قرار المجلس الأعلى في الدورة الثالثة والعشرين (الدوحة ، 2002) بأن يتم تطبيق "المساواة التامة في المعاملة" بين مواطني دول المجلس في مجال العمل في القطاعات الأهلية ، و "إزالة القيود التي قد تمنع من ذلك" ، وذلك في موعد أقصاه نهاية عام 2003.

وقد اعتمد مجلس وزراء العمل والشؤون الاجتماعية بدول مجلس التعاون لدول الخليج العربية برامج عمل خاصة بزيادة فرص توظيف وتسهيل انتقال العمالة الوطنية بين دول المجلس في القطاع الأهلي . ويقوم المكتب التنفيذي لمجلس وزراء العمل والشؤون الاجتماعية بدول المجلس بمتابعة تنفيذ هذه البرامج مع الدول الأعضاء . ويرفع المكتب التنفيذي لمجلس وزراء العمل بالتعاون مع الأمانة العامة تقريرا سنويا مستقلاً إلى المجلس الأعلى بتطورات هذا الموضوع يتضمن ما تم اتخاذه من خطوات ، وما يواجه التطبيق من صعوبات واقتراحات بتذليلها.

(ب) المساواة في المعاملة في القطاع الحكومي
صدر قرار المجلس الأعلى في دورته الحادية والعشرين (المنامة ، 2000) بالموافقة على معاملة مواطني دول المجلس العاملين في الخدمة المدنية في أي دولة عضو معاملة مواطني الدولة مقر العمل أثناء الخدمة.

وصدر قرار المجلس الأعلى في دورته الثالثة والعشرين (الدوحة ، 2002) بتطبيق المساواة التامة في المعاملة بين مواطني دول المجلس في مجال العمل في القطاعات الحكومية ، والتأمين الاجتماعي والتقاعد ، وإزالة القيود التي قد تمنع من ذلك ، وذلك في موعد أقصاه نهاية عام 2005م.

وقد صدر عن اللجنة الوزارية للخدمة المدنية عدة قرارات لتسهيل انتقال وتوظيف المواطنين فيما بين دول المجلس ، من أبرزها التوسع في توطين الوظائف في قطاع الخدمة المدنية ، واستكمال إحلال العمالة الوطنية المتوفرة من مواطني دول المجلس محل العمالة الوافدة المتعاقد معها لشغل وظائف الخدمة المدنية في دول المجلس ، بما في ذلك إمكانية عدم تجديد عقود شاغلي الوظائف الإدارية والكتابية والمالية في حالة توفر البديل من مواطني دول المجلس كمرحلة أولى ، واستمرار كل دولة من دول المجلس في إعطاء الأولوية لسد احتياجاتها من الموظفين من مواطني دول المجلس الأخرى قبل اللجوء للتعاقد مع غيرهم من خارج دول المجلس.

[ahmeds]

اوكي ما اختلفنا على الاتفاقيه الاقتصاديه لكن من يا ترى مستفيد منها؟

القطريين! طبعاً لا القطريين والحمدالله معززين مكرمين من سابع مستحيلات الارض تلاقي قطري يشتغل برع بلاده

اذاً المستفيدين من هالاتفاقيه هي الدول الخليجيه الفقيره ال3 هم الي يجون عندنا ويشتغلون:)

لكن انا عندي اختلاف على الامتيازات المعطاه لهم انهم يساونهم بالمواطن..

وهاي شي غلط ومرفوظ المفروظ يتعاملون حالهم حال اي شخص من اصحاب المؤهلات جاي يترزق لانه كلهم نفس الشي جايين يترزقون فقط

مهب جايين يخدمونا ببلاش ولى على سواد عيونا

[Index Signal]

اوكي ما اختلفنا على الاتفاقيه الاقتصاديه لكن من يا ترى مستفيد منها؟

القطريين! طبعاً لا القطريين والحمدالله معززين مكرمين من سابع مستحيلات الارض تلاقي قطري يشتغل برع بلاده

اذاً المستفيدين من هالاتفاقيه هي الدول الخليجيه الفقيره ال3 هم الي يجون عندنا ويشتغلون:)

لكن انا عندي اختلاف على الامتيازات المعطاه لهم انهم يساونهم بالمواطن..

وهاي شي غلط ومرفوظ المفروظ يتعاملون حالهم حال اي شخص من اصحاب المؤهلات جاي يترزق لانه كلهم نفس الشي جايين يترزقون فقط

مهب جايين يخدمونا ببلاش ولى على سواد عيونا

والله ياخوي أحمد هذا رايك و إنت حر ولو إني أختلف معاك..

أهل الخليج أهلنا و بيننا صلة قرابه و نسب تجمعنا و ما عندنا إلا حلالهم ولا عندهم إلا حلالنا المصير واحد و الشعب واحد..

أما عزوفنا عن العمل خارج قطر فهاذا شي تم بإختيارنا و الإتفاقيه موجوده لكل مواطنين الخليج و مو ذنب باقي مواطنين الخليج إن القطريين ما يبون يشتغلون خارج بلادهم..

و إذا كل دوله خليجيه بترفض قرار من المجلس لأنه ما يناسبها بهالحاله المجلس ماله داعي..!!

الإمارات من فتره بسيطه إعترضت على مقر المصرف الخليجي .. و قبلها عمان أعلنت عدم مشاركتها بالعمله الخليجيه المشتركه .. و إنت الحين تطالب بمعاملة الخليجي حاله حال أي مقيم ..بهالحاله نفركش المجلس أبرك..!!

لا ياخوي الخليجيين حياهم الله عندنا العين لهم قبل الدار و قطر إللي إحتضنت كل جنسيات العالم و عاملت بعضهم أحسن من القطريين بس لأنهم شقر و عيونهم خضر و يلبسون بدل ماهي عاجزه بإذن الله إنها تحتضن أهلنا الخليجيين الراغبين بالعمل في بلدهم الثاني و تعاملهم مثلنا..

عالأقل أهل الخليج يبيّن فيهم الطيب لكن بعض الجنسيات تاكل من خير قطر و تذم و تلاقيه عايش أحسن من القطري.. و في بلاده كان Homeless..!!

[ahmeds]

والله ياخوي أحمد هذا رايك و إنت حر ولو إني أختلف معاك..

أهل الخليج أهلنا و بيننا صلة قرابه و نسب تجمعنا و ما عندنا إلا حلالهم ولا عندهم إلا حلالنا المصير واحد و الشعب واحد..

أما عزوفنا عن العمل خارج قطر فهاذا شي تم بإختيارنا و الإتفاقيه موجوده لكل مواطنين الخليج و مو ذنب باقي مواطنين الخليج إن القطريين ما يبون يشتغلون خارج بلادهم..

شوف انت حولت الموضوع لكذا نقطه ووصلت المفاد انه القطري هو الغلطان انه ما يسافر ويشتغل عند غيره!!
وهذا غلط يعني حتى لو فكر القطري يشتغل برع قطر وين بيتشغل فالدول ذيك؟؟؟

اذا هم مهب قادرين يشغلون مواطنيهم وصارو مواطنيهم يشتغلون خدم بيوت وعمال شوارع ايروح القطري المثقف شيشتغل؟

و إذا كل دوله خليجيه بترفض قرار من المجلس لأنه ما يناسبها بهالحاله المجلس ماله داعي..!!

الإمارات من فتره بسيطه إعترضت على مقر المصرف الخليجي .. و قبلها عمان أعلنت عدم مشاركتها بالعمله الخليجيه المشتركه .. و إنت الحين تطالب بمعاملة الخليجي حاله حال أي مقيم ..بهالحاله نفركش المجلس أبرك..!!

لا ياخوي الخليجيين حياهم الله عندنا العين لهم قبل الدار و قطر إللي إحتضنت كل جنسيات العالم و عاملت بعضهم أحسن من القطريين بس لأنهم شقر و عيونهم خضر و يلبسون بدل ماهي عاجزه بإذن الله إنها تحتضن أهلنا الخليجيين الراغبين بالعمل في بلدهم الثاني و تعاملهم مثلنا..

عالأقل أهل الخليج يبيّن فيهم الطيب لكن بعض الجنسيات تاكل من خير قطر و تذم و تلاقيه عايش أحسن من القطري.. و في بلاده كان homeless..!!


شوف انت خليتني اترك موضوع الخليجين ووديتني على موضوع الاجانب الي عيونهم خضر وهاي طبعاَ اسطوره انا ما اشوف المشكله فيهم لانهم يستاهون رواتبهم وزياده

المشكله الاساسيه او الخلل الاساسي فالعمال العرب هم الي يحطون راسهم وراس القطري وكل قضايا النصب والاحتيال هم المتهمين فيها وكل الخراب من وراهم

ولى الاجانب محشومين والله الواحد الود وده البلاد كلها تعتمد على الاجانب الاوروبين والهنود والبتان لانهم عارفين دورهم ومحلهم ومخلصين فالعمل

[Index Signal]

أولاً أخوي أحمد رداً على كلامك إللي بالأزرق..

أنا ما إتهمت القطريين بإنهم غلطانين لأنهم ما يسافرون للعمل بالخارج حسب كلامك

ردي لك كان على هالإقتباس من ردّك الأول:


اوكي ما اختلفنا على الاتفاقيه الاقتصاديه لكن من يا ترى مستفيد منها؟

القطريين! طبعاً لا القطريين والحمدالله معززين مكرمين من سابع مستحيلات الارض تلاقي قطري يشتغل برع بلاده

اذاً المستفيدين من هالاتفاقيه هي الدول الخليجيه الفقيره ال3 هم الي يجون عندنا ويشتغلون

يعني المنطق إللي تتكلم فيه ما يختلف عن منطق الإمارات لما إعترضت على مقر المصرف الخليجي لأنها كانت تبيه على أرضها .. ولا على منطق عمان بعدم الإنضمام للعمله الموحده لأنها متخوفه من هالخطوه و تفضّل إنها تنتظر نتيجة توحيد العمله إذا كانت إيجابيه تدخل عالجاهز..!! كل قرار يصدر لا بد يتفاوت فيه مقدار الإستفاده من جهه لأخرى حسب ظروف كل دوله .. و يمكن يصدر قرار بالمستقبل تكون إستفادة قطر فيه أكثر من باقي دول الخليج .. هذا شي طبيعي.





شوف انت خليتني اترك موضوع الخليجين ووديتني على موضوع الاجانب الي عيونهم خضر وهاي طبعاَ اسطوره انا ما اشوف المشكله فيهم لانهم يستاهون رواتبهم وزياده

المشكله الاساسيه او الخلل الاساسي فالعمال العرب هم الي يحطون راسهم وراس القطري وكل قضايا النصب والاحتيال هم المتهمين فيها وكل الخراب من وراهم

ولى الاجانب محشومين والله الواحد الود وده البلاد كلها تعتمد على الاجانب الاوروبين والهنود والبتان لانهم عارفين دورهم ومحلهم ومخلصين فالعمل

بالنسبه لرايك بالأجانب أيضاً أقول إنت حر في رايك.. وطبعاً فيهم إللي يستاهل أنا ما أعم عالكل لأني ضد مبدأ التعميم و لكن الغالبيه منهم دون المستوى و هالشي أقوله عن درايه و إحتكاك و تشهد بذلك المحاكم و القضايا الكثيره المرفوعه عليهم مثل الخيانه و الإختلاس و الهروب خارج البلاد.. و القطري أو الخليجي ما يقل كفاءه عنهم حتي وإن لم يخلو منا من هو دون المستوى أيضاً .. لسنا ملائكه..!!

أما بخصوص قصدي بالشقر و العيون الخضر فهي لا تنطبق على الأجانب فقط كما فهمت و لكن يوجد من الوافدين العرب من تنطبق عليه هذه المواصفات أيضاً و تعج المحاكم بقضاياهم و مشاكلهم و أتفق معاك إنهم أشد ضرر من الأجانب بالغالب الله يحفظ خليجنا من حسدهم و كرههم..

لذلك الأفضل من هذا و ذاك هم إخواننا الخليجيين إللي منا و فينا و يستاهلون يتعاملون معاملة القطري بتطبيق الإتفاقيه الإقتصاديه الخليجيه عليهم وهالشي مب خساره فيهم مثل غيرهم وهم لا يقلون كفاءه عن العربي أو الأجنبي إن لم يتفوقوا عليهم.. يكفينا أمانتهم و حرصهم على قطر كأنها بلادهم وهي فعلاً بلادهم و الخليج كله للخليجيين و الأزمات إللي مرّت عالمنطقه أثبتت إننا في مركب واحد و تجمعنا السراء و الضراء..

و المثل يقول ما يحك ظهيرك إلا ظفيرك.

[ahmeds]

أولاً أخوي أحمد رداً على كلامك إللي بالأزرق..

أنا ما إتهمت القطريين بإنهم غلطانين لأنهم ما يسافرون للعمل بالخارج حسب كلامك

ردي لك كان على هالإقتباس من ردّك الأول:



يعني المنطق إللي تتكلم فيه ما يختلف عن منطق الإمارات لما إعترضت على مقر المصرف الخليجي لأنها كانت تبيه على أرضها .. ولا على منطق عمان بعدم الإنضمام للعمله الموحده لأنها متخوفه من هالخطوه و تفضّل إنها تنتظر نتيجة توحيد العمله إذا كانت إيجابيه تدخل عالجاهز..!! كل قرار يصدر لا بد يتفاوت فيه مقدار الإستفاده من جهه لأخرى حسب ظروف كل دوله .. و يمكن يصدر قرار بالمستقبل تكون إستفادة قطر فيه أكثر من باقي دول الخليج .. هذا شي طبيعي.




بالنسبه لرايك بالأجانب أيضاً أقول إنت حر في رايك.. وطبعاً فيهم إللي يستاهل أنا ما أعم عالكل لأني ضد مبدأ التعميم و لكن الغالبيه منهم دون المستوى و هالشي أقوله عن درايه و إحتكاك و تشهد بذلك المحاكم و القضايا الكثيره المرفوعه عليهم مثل الخيانه و الإختلاس و الهروب خارج البلاد.. و القطري أو الخليجي ما يقل كفاءه عنهم حتي وإن لم يخلو منا من هو دون المستوى أيضاً .. لسنا ملائكه..!!

أما بخصوص قصدي بالشقر و العيون الخضر فهي لا تنطبق على الأجانب فقط كما فهمت و لكن يوجد من الوافدين العرب من تنطبق عليه هذه المواصفات أيضاً و تعج المحاكم بقضاياهم و مشاكلهم و أتفق معاك إنهم أشد ضرر من الأجانب بالغالب الله يحفظ خليجنا من حسدهم و كرههم..

لذلك الأفضل من هذا و ذاك هم إخواننا الخليجيين إللي منا و فينا و يستاهلون يتعاملون معاملة القطري بتطبيق الإتفاقيه الإقتصاديه الخليجيه عليهم وهالشي مب خساره فيهم مثل غيرهم وهم لا يقلون كفاءه عن العربي أو الأجنبي إن لم يتفوقوا عليهم.. يكفينا أمانتهم و حرصهم على قطر كأنها بلادهم وهي فعلاً بلادهم و الخليج كله للخليجيين و الأزمات إللي مرّت عالمنطقه أثبتت إننا في مركب واحد و تجمعنا السراء و الضراء..

و المثل يقول ما يحك ظهيرك إلا ظفيرك.

احترم رايك وفعلاً كلامك فيه شي من المنطق

لكن عندي بعض التحفظات:)

بس الاختلاف في الراي لا يفسد للود قضيه انشالله

[Index Signal]

احترم رايك وفعلاً كلامك فيه شي من المنطق

لكن عندي بعض التحفظات:)

بس الاختلاف في الراي لا يفسد للود قضيه انشالله

الحمدلله إن كلامي فيه حتى لو شيء من المنطق بالنسبه لك و أبادلك الإحترام بالمثل :)

و تحفظاتك أقدّرها و يبقى رأيي صواب يحتمل الخطأ و رأي غيري خطأ يحتمل الصواب

الله يجمعني معاك على الود و المحبه دايماً.

[لاجئ عاطفي]

اممم تقنياً أي شخص مش قطري هو اجنبي سواء خليجي ولى بنغالي ولى من جزر الواق واق

وكلهم جايين عندنا لنفس الهدف موني موني

لو بلادنا مافيها موني ما شفتهم معششين عندنا :)

ياليت اتخلي نظرتك اشمل :)


والله انت اللي تحتاج نظرة اشمل
شكلك نسيت ان احنا نتكلم عن ابناء القطرية
وعشان اوضحها لك اكثر هؤلاء الابناء امهم قطريه
خوالهم قطريين
جدادهم قطريين
من مواليد قطر
فشلون جايين يترزقون وهم بين اهلهم وجماعتهم ؟؟
كلمة لو بلادنا مافيها موني ماشفتهم اهني ادل على قصر نظر فيك لان هذول عاشيين عند والدتهم اللي هي قطرية مهب عايشين عشان موني يا بو موني

[فارس الكلمة]

في ظني .. قانونياً .. لا يجوز إطلاق كلمة (( أبناء القطريات ))..

فأبوهم موجود و يلحقون بجنسيته .. مهما كانت هذه الجنسية ..

و إلا تحولنا .. أن نقول لأبناء القطريين .. أبناء الهنديات .. و أبناء المصريات .. الخ.

[لاجئ عاطفي]

في ظني .. قانونياً .. لا يجوز إطلاق كلمة (( أبناء القطريات ))..

فأبوهم موجود و يلحقون بجنسيته .. مهما كانت هذه الجنسية ..

و إلا تحولنا .. أن نقول لأبناء القطريين .. أبناء الهنديات .. و أبناء المصريات .. الخ.


لو تفهم في القانون ماكان قلت قانونيا لان القانون يقول يعامل ابناء القطرية التي هجرها زوجها الغير قطري معاملة القطريين في التعليم والعلاج والعمل )) هذا اللي يقوله القانون اللي صادر من امير البلاد حفظه الله ورعاه فهل عندك اعتراض ؟؟ احنا نتكلم عن معاملة ما نقول حقوق كامله انقول معاملة اتكون نوعا ما قريبه من معاملة القطريين والسبب العوامل اللي ذكرناها سابقاً .. اتمنى اتكون النظره شاملة مهب ضيقه مثل ضيق بعض الصدور

[ودي أكون]

هدوا اشوي شفيكم انتو ..

تقريبا كل واحد فيكم له وجهة نظر منطقيه .. فمافي داعي كل واحد يرد عالثاني .. ردوا ع سؤال صاحب الموضوع وبس خلاص بلاش موني :tooth:

<<< شمعناة موني لو سمحتوا :tooth:

[ahmeds]

هدوا اشوي شفيكم انتو ..

تقريبا كل واحد فيكم له وجهة نظر منطقيه .. فمافي داعي كل واحد يرد عالثاني .. ردوا ع سؤال صاحب الموضوع وبس خلاص بلاش موني :tooth:

<<< شمعناة موني لو سمحتوا :tooth:

موني بالانجليزي = فلوس بالعربي :)

[ahmeds]

والله انت اللي تحتاج نظرة اشمل
شكلك نسيت ان احنا نتكلم عن ابناء القطرية
وعشان اوضحها لك اكثر هؤلاء الابناء امهم قطريه
خوالهم قطريين
جدادهم قطريين
من مواليد قطر
فشلون جايين يترزقون وهم بين اهلهم وجماعتهم ؟؟
كلمة لو بلادنا مافيها موني ماشفتهم اهني ادل على قصر نظر فيك لان هذول عاشيين عند والدتهم اللي هي قطرية مهب عايشين عشان موني يا بو موني

انا ما يهمني عيال قطريه ولى بنغاليه المهم جنسيه الاب وشهي؟

اذا كان قطري فهم قطريين اذا كان مهب قطري فهم مهب قطرين

واصلاً ابوهم ليش جا قطر من الاساس مهب عشان الموني يا بوموني؟

وليش تزوج امهم مهب طمع فالجنسيه والفلوس؟

[ودي أكون]

موني بالانجليزي = فلوس بالعربي :)

يقطع ابليسكم هوشتكم كله عالموني موني :shy:

عندك موني انت على عيني وراسي .. واذا ماعندك موني وخر تراك صدعت راسي :tease:

كلن يدور عالموني اذا احنا اعيال البلد من ام وابو وندور عالموني شلون اعيال القطريات :discuss:

الله يكون في عونهم

وشكرا عالتوضيح والله يرزقك موني قد الدنيا :shy:

[لاجئ عاطفي]

انا ما يهمني عيال قطريه ولى بنغاليه المهم جنسيه الاب وشهي؟

اذا كان قطري فهم قطريين اذا كان مهب قطري فهم مهب قطرين

واصلاً ابوهم ليش جا قطر من الاساس مهب عشان الموني يا بوموني؟

وليش تزوج امهم مهب طمع فالجنسيه والفلوس؟


والقطريين من هم يا بو موني ؟؟؟
نص قبايل قطر من شبه الجزيرة العربيه من نجد والمناطق الشرقيه والباقي من الكويت والبحرين وعمان والامارات والبقيه البسيطه من فارس وايران وفي منهم اللي اصبحوا قطريين وفي منهم من سنين في قطر ولان مافي فرق بين قطري وخليجي ما تجنسوا لان الحال واحد والعادات وحده وحتى المعيشه وحده فماحتاجوا انهم يتجنسون ويصيرون قطريين وبالتالي صار تزاوج وتقارب من هذول والاسر القطرية وصار بينهم نسب وصلة قرابه ..
انت فعلا نظرتك على قدك ما اتعدا الموني يا بو موني

[ahmeds]

يقطع ابليسكم هوشتكم كله عالموني موني :shy:

عندك موني انت على عيني وراسي .. واذا ماعندك موني وخر تراك صدعت راسي :tease:

كلن يدور عالموني اذا احنا اعيال البلد من ام وابو وندور عالموني شلون اعيال القطريات :discuss:

الله يكون في عونهم

وشكرا عالتوضيح والله يرزقك موني قد الدنيا :shy:

السالفه مهب سالفتي انا والموني

السالفه انه انا اشوف كل شخص مهب قطري اجنبي والاخوان مهب عاجبهم

يعني مهب كافيهم انهم ماخذين حقهم وزياده و3 ترباع اكثر من الي يحلم فيه وزير في دولهم الاصليه بعد يتكلمون على قطر ويبون زياده:(

فهمتي الحين:)

ولى تبين استخدم لغه او لهجه ثانيه عشان تفهمين ترى حاظرين:)

[ودي أكون]

صراخكم واصل لين برع وبعدين معاكم انتو :waiting:

[ahmeds]

والقطريين من هم يا بو موني ؟؟؟
نص قبايل قطر من شبه الجزيرة العربيه من نجد والمناطق الشرقيه والباقي من الكويت والبحرين وعمان والامارات والبقيه البسيطه من فارس وايران وفي منهم اللي اصبحوا قطريين وفي منهم من سنين في قطر ولان مافي فرق بين قطري وخليجي ما تجنسوا لان الحال واحد والعادات وحده وحتى المعيشه وحده فماحتاجوا انهم يتجنسون ويصيرون قطريين وبالتالي صار تزاوج وتقارب من هذول والاسر القطرية وصار بينهم نسب وصلة قرابه ..
انت فعلا نظرتك على قدك ما اتعدا الموني يا بو موني

ياخي انت منطقك جداً غريب وشكلك تحب المعايا :)
عالعموم انا مني بصدد اعطاء دروس تاريخيه عن اصول القبائل القطريه ولى درس تاريخي عن نشئه الاماره وتحولها ولى عن تاريخ باقي الدول

لكن انصحك انك تراجع كلامك وتتأكد منه ومن معلوماتك:)

[فارس الكلمة]

لو تفهم في القانون ماكان قلت قانونيا لان القانون يقول يعامل ابناء القطرية التي هجرها زوجها الغير قطري معاملة القطريين في التعليم والعلاج والعمل )) هذا اللي يقوله القانون اللي صادر من امير البلاد حفظه الله ورعاه فهل عندك اعتراض ؟؟ احنا نتكلم عن معاملة ما نقول حقوق كامله انقول معاملة اتكون نوعا ما قريبه من معاملة القطريين والسبب العوامل اللي ذكرناها سابقاً .. اتمنى اتكون النظره شاملة مهب ضيقه مثل ضيق بعض الصدور

و ما دخل القطرية التي هجرها زوجها الأجنبي في هذه الحالة .. ما زال الأبناء يحملون

جنسية أبيهم الأجنبية سواء موجود أو مهاجر ..

ثم عطني لو سمحت رقم القانون و نص هذه المادة حول مساواة معاملة ( ابناء القطريات )

في العمل و العلاج و التعليم .. مع القطريين ؟

[ودي أكون]

السالفه مهب سالفتي انا والموني

السالفه انه انا اشوف كل شخص مهب قطري اجنبي والاخوان مهب عاجبهم

يعني مهب كافيهم انهم ماخذين حقهم وزياده و3 ترباع اكثر من الي يحلم فيه وزير في دولهم الاصليه بعد يتكلمون على قطر ويبون زياده:(

فهمتي الحين:)

ولى تبين استخدم لغه او لهجه ثانيه عشان تفهمين ترى حاظرين:)

بس شبابنا واغلب الشباب ليت تزوجوا من بعض الدول الاجنبيه يقدرون يطالبون بالجوزات واعيالهم يقدر ياخذون جنسية الدوله اللي هم انولدوا فيها .. ليش احنا مايصير عندنا جي على الرغم من ان شعب قطر مايتعدون ال200 الف وثلاث ترباعهم من الهجره ..

انا من رايي ابناء القطريات لازم يتعامولون معاملة القطري لان ماراح يكلفون من الميزانيه شي :shy:

فالاخير هم اعيالنا امهم وخوالهم واجدادهم من قطر يعني هاذول دمنا .. فبدال ماتخذهم دول ثانيه وتخرب روسهم على قطر انها ماعطتكم وانها وانها .. ليش مانعطيهم ولو جزء من حقهم .. بدال مايحقدون ع قطر ..

احس قمت اخربط شسالفه احين من صح من غلط :rolleyes2:

[لاجئ عاطفي]

و ما دخل القطرية التي هجرها زوجها الأجنبي في هذه الحالة .. ما زال الأبناء يحملون

جنسية أبيهم الأجنبية سواء موجود أو مهاجر ..

ثم عطني لو سمحت رقم القانون و نص هذه المادة حول مساواة معاملة ( ابناء القطريات )

في العمل و العلاج و التعليم .. مع القطريين ؟


اذا المشرع اللي وضع القانون يشوف ان لها دخل فهل انت افهم من المشرع ؟؟
عموما القانون هو ( قانون بشأن تنظيم الزواج من اجانب 21 / 1989) الفقرة السادسه على ما اعتقد

[لاجئ عاطفي]

ياخي انت منطقك جداً غريب وشكلك تحب المعايا :)
عالعموم انا مني بصدد اعطاء دروس تاريخيه عن اصول القبائل القطريه ولى درس تاريخي عن نشئه الاماره وتحولها ولى عن تاريخ باقي الدول

لكن انصحك انك تراجع كلامك وتتأكد منه ومن معلوماتك:)


معلوماتي عارفه عدل وما احتاج واحد مثلك يعطيني دروس فيها

[HIGHNESS]

والقطريين من هم يا بو موني ؟؟؟
نص قبايل قطر من شبه الجزيرة العربيه من نجد والمناطق الشرقيه والباقي من الكويت والبحرين وعمان والامارات والبقيه البسيطه من فارس وايران وفي منهم اللي اصبحوا قطريين وفي منهم من سنين في قطر ولان مافي فرق بين قطري وخليجي ما تجنسوا لان الحال واحد والعادات وحده وحتى المعيشه وحده فماحتاجوا انهم يتجنسون ويصيرون قطريين وبالتالي صار تزاوج وتقارب من هذول والاسر القطرية وصار بينهم نسب وصلة قرابه ..
انت فعلا نظرتك على قدك ما اتعدا الموني يا بو موني

كلامك صحيح 100% .... وقبل ماكانت عندهم هالسوالف انت قطري ولا خليجي ولا مادري شنو ..ولا امك قطريه ولا ابوك بحريني ...وانت ماعندك اصل وفصل .. وانت مب قبيلي .. وانت حضري ... وانت من اي فخيذة ... كانت الناس قلوبهم صافيه .. محد كان يفكر في الجنسية وغيره . . والي خذت له واحد مب قطري ياخي نصيبها بتعترض على حكم ربك بعد .... ورزقها بيد الي خلقها مب في يد دولة ولاقانون . ولا بياخذون من جيب المواطن ويعطونه عشان يعيش ..... اففف ترى انقلب الموضوع وصار عنصري ... ترى هالكلام مايجوز والكلام لج ياجارة ... خلاص كلنا عيال قطر قطري او نص قطري ... استغفرك اللهم واتوب اليك
والله يوفق الجميع :shy:

[طارق]

معلوماتي عارفه عدل وما احتاج واحد مثلك يعطيني دروس فيها


شكلك عاطفي يابروذر لا تكتب رد اذا انت غضبان
يمكن وحده قطريه قريبه لك تعاني من هالموضوع
بس لاتنسى انها هي من وضعت نفسها في هذا الموقف
القطريه بنت القبايل نادر جداا تتزوج غير القطري
لاتنسى ان هناك قطريات من اصول غير خليجيه بين قوسين - تزوجو من ابناء عمومتهم الي ماعندهم جواز على اساس ان في المستقبل تتغير القوانين
وهؤلاء هم الشريحه الاكبر بالنسبه للقطريات المتزوجات من اجانب
(( قطريات متجنسات او آبائهم بالتجنس تزوجن من قرايبهم غير المتجنسين او من غير قرايبهم ))
الصوره وضحت

[لاجئ عاطفي]

شكلك عاطفي يابروذر لا تكتب رد اذا انت غضبان
يمكن وحده قطريه قريبه لك تعاني من هالموضوع
بس لاتنسى انها هي من وضعت نفسها في هذا الموقف
القطريه بنت القبايل نادر جداا تتزوج غير القطري
لاتنسى ان هناك قطريات من اصول غير خليجيه بين قوسين - تزوجو من ابناء عمومتهم الي ماعندهم جواز على اساس ان في المستقبل تتغير القوانين
وهؤلاء هم الشريحه الاكبر بالنسبه للقطريات المتزوجات من اجانب
(( قطريات متجنسات او آبائهم بالتجنس تزوجن من قرايبهم غير المتجنسين او من غير قرايبهم ))
الصوره وضحت


القطريات بنات القبايل نادر يتزوجون غير القطري ؟؟؟ والله معلوماتك اللي مهب دقيقه ومهب منطقيه اصلا...
القطريات بنات القبايل لهم ابناء عمومة في المملكة العربيه السعوديه وكثير منهم تزوجوا عيال عمهم وهذا شي معروف للكل فشلون نادر يتزوجون غير قطري؟ حدث العاقل بما يعقل

[ودي أكون]

القطريات بنات القبايل نادر يتزوجون غير القطري ؟؟؟ والله معلوماتك اللي مهب دقيقه ومهب منطقيه اصلا...
القطريات بنات القبايل لهم ابناء عمومة في المملكة العربيه السعوديه وكثير منهم تزوجوا عيال عمهم وهذا شي معروف للكل فشلون نادر يتزوجون غير قطري؟ حدث العاقل بما يعقل

يعني كلام اخوي طارق صحيح .. ان هم من الاصل مو من قطر ..

بس مع ذلك نتمنى مساواتهم في بعض الحقوق لانهم مهما كان هم من دم ولحم بناتنا

[doha70999]

لا تعليق@@

[طارق]

القطريات بنات القبايل نادر يتزوجون غير القطري ؟؟؟ والله معلوماتك اللي مهب دقيقه ومهب منطقيه اصلا...
القطريات بنات القبايل لهم ابناء عمومة في المملكة العربيه السعوديه وكثير منهم تزوجوا عيال عمهم وهذا شي معروف للكل فشلون نادر يتزوجون غير قطري؟ حدث العاقل بما يعقل

وش يبيون ابناء عمومتنا السعوديين بالجواز القطري - بومتعب جوازه يرفع الراس
والا قصدك هالقطريات المتجنسات في الاصل سعوديات او ابناء سعوديين متجنسين تزوجو من اعيال عمهم السعوديين , ويبون الحين الجواز القطري لأزواجهم واعيالهم .
لاتنفعل برو الدعوه ديموقراطيه

[Index Signal]

يعني كلام اخوي طارق صحيح .. ان هم من الاصل مو من قطر ..



و القطري الأصلي شلون طلع..؟! فقع..؟!

أغلب القبائل في دول الخليج أصولهم سعوديه قبل ظهور دول الخليج ككيان سياسي و إستقلالهم عن الجزيره العربيه..

ما له داعي التقسيمات إللي تفكك الوحده الوطنيه.

[ahmeds]

و القطري الأصلي شلون طلع..؟! فقع..؟!

أغلب القبائل في دول الخليج أصولهم سعوديه قبل ظهور دول الخليج ككيان سياسي و إستقلالهم عن الجزيره العربيه..

ما له داعي التقسيمات إللي تفكك الوحده الوطنيه.

مرحبا اخوي انديكس صباح الخير وجمعتك مباركه:)

اخوي في نقاش جاري بين الاطراف عن قطر

ومهب عن الكويت:)

فاتمنى اتخلي القطريين يعبرون وما تدخل بعد اذنك في امور ما تعني بلادك:)

[الوووووعد]

بالتوافيق ويفرجها على المسلمبن

[فلفل حار]

الأبناء فقط


لكن الأزواج لا

:nice::):(

[طارق]

و القطري الأصلي شلون طلع..؟! فقع..؟!

أغلب القبائل في دول الخليج أصولهم سعوديه قبل ظهور دول الخليج ككيان سياسي و إستقلالهم عن الجزيره العربيه..

ما له داعي التقسيمات إللي تفكك الوحده الوطنيه.

في وثائق عند الجهات المختصه اتعرف من طلع مثل الفقع , ومن لفى ومن حظر , ومن استغل وجوده في الشرطه زمان وزور في الجوازات و الي حلف عالقرآن كذب الخ الخ .

تصحيح الأوضاع شيئ لابد منه - بس الواحد يكون عقلاني ولا يطلب اكثر من حقه

[anything99]

بغيت اعرف وضع زوج القطرية من قانون الموارد البشرية ؟؟


وهل يعامل معاملة ابناء القطريات في التوظيف ؟ وهل تشملة سياسة التقطير ؟؟


ويعطيكم الف عافيه

زوج القطرية له اولوية في التوظيف في قانون الموارد البشرية كما في مادة 14 من قانون الموارد البشرية ....



مادة ( ١٤
يشترط فيمن يعين في إحدى الوظائف:
١-أن يكون قطري الجنسية، فإن لم يوجد فتكون الأولوية لأبناء القطرية
المتزوجة من غير قطري، ثم الزوج غير القطري المتزوج من قطرية أو قطري، ثم
مواطني دول مجلس التعاون لدول الخليج العربية، ثم مواطني الدول العربية،
ثم الجنسيات الأخرى.

[HIGHNESS]

ياخي الإنسان يسأل سؤال في المنتدى ويتحسف ... نتمنى اغلاق هذا الموضوع الي اخذ اتجاه عنصري ... ومادري لمتى بعض الأعضاء بيتمون بعقلية ( الجاهلية ) و ( العصور الحجرية )
الله يهديكمممم :)

[NOORA2008]

اي والله اظنها تحسفت يوم سالت مابقى حد ماتهاوش