المساعد الشخصي الرقمي

مشاهدة النسخة كاملة : آختك


Qa6ar
10-08-2009, 04:06 AM
السلام عليكم ورحمة الله وبركاتة


http://up.z7fonline.com/download.php?imgf=12482959131.gif



للأسف كثير من الإخوان يكون آخر علمه بأخته يوم زفـآفهآ أو بعد ذلك بيوم أو يومين ...وبعدها تصبح في عالم النسيان
سلّمها للرجل (زوجها) وتوكل على الله ، متخيلا أنها الآن في ذمة زوجهآ , وأنه لم يعد له دور في حياتها

( وقع العقد ، وسلــّم البضاعة ، وانتهت المهمة ) .


أختك ... تزيد حاجتها لك حتى لو أنها تزوجت ، فهي بحاجة أكبر لعطفك ، استشارتك ، بث همومها لك ، تثبيتك ونصحك لها...

أختك ... بسؤالك عنها وعن أحوالها تنعشها وتحييها.
تقول إحداهن واصفة حالها عند زيارة أخيها لها :
أحس بأنني انتفض من الفرحة بزيارته وسؤاله عني ، وأبدأ طوال الليل أتكلم عن أخي أمام زوجي ، وأتكلم عن حنان أخي وطيبته

( نوع من الفخر والاستعداد لأي طلق ناري من الزوج فلا بد من الكيد البسيط ) ..


فهي تفتخر بإخوانها .. وكأنها تحذر زوجها من الإساءة لها فإخوانها موجودون !!

وأخرى ( مسكينة ) تقول :
أضطر إلى الكذب على زوجي !! فأخبره بأن أخي يسلم عليه

( متصل اليوم يسأل عني ) !!!


أختك ...
بسؤالك عن أحوالها وزوجها ، والاطمئنان على نفسيتها وحقوقها ..تشعر بأن حقها قد أتاها ، وأن الخير ما تعداها ..
سلام وسؤال ودعوة طيبة منك ؛ تجعل من أختـــك ملكة زمانها في ذاك اليوم ..!!!





أختك ...
لو يرن الجوال برقمك ، أختك تبدأ تحكي معك بصوت عالي ، ليسمع زوجها و( حمولتها ) أن لها أخ حبيب عضيد يسأل عنها ، وأسد يقف بجوارها يتفقدها بين الحين والحين ، فرحة ، فخورة بك ... ولسان حالها يقول : أنت لي ملاذ لو ساءت الأحوال يا أخي ..





أختك ...
لا يأخذك الزمن، ومشاغلك عنها ، فهي بك تعتز ، وبك تقوى ، وبك تشعر بأن الدنيا فيها خير وسلام .
( ألا يكفيك بأنها ابنة أمك ) ..!!





أختك ...
يكبر قدرها عند زوجها ، ويحسب لك ألف حساب .. ويزداد احترامه لك
تحدثنا كثيرا عن حقوق ( الوالدين - الزوج – الزوجة – الطفل ...) ، واليوم نذكّر بالأخت

( المنسيّة ).

( أختـــك ) مالها عنــك بد!
( حبيبتـك ومن ريحة أمك )


أتمنى ممن يقراء هذه الرسالة ان يتصل الان على اخته -او أخواته - ويسلم عليها

ويدرك من ردها عظيم فرحها بهذا الاتصال




منقول من الاميل واعجبني بصراحه
حراير قطر
10-08-2009, 07:54 AM
أختك ...
يكبر قدرها عند زوجها ، ويحسب لك ألف حساب .. ويزداد احترامه لك
تحدثنا كثيرا عن حقوق ( الوالدين - الزوج – الزوجة – الطفل ...) ، واليوم نذكّر بالأخت

***

http://tbn0.google.com/images?q=tbn:KyAIpJnMq9QQnM:http://farm1.static.flickr.com/26/35192773_14d233aeba.jpg

يانبضة القلب فزة خاطري
ياجرة الااااه باقصى ضامري
تمضي الليالي والزمن فينا يدور
ويبقى الشعور نفس الشعور
ياخوي ياعزوتي ياضحكتي وبكاي
يامن على فزعتي يمينه في يمناي
ياماا اخو دنيا عند النواب يبري جراح
واذا زاد حملك تلقى فيه الخير
الدنيا تبقى بخير ليمال زمانك وانكرك الغير
دام الوفا بين البشر موصول
ياخوي يعزوتي ياضحكتي وبكاي
من لي سواك الي على كتاف ارتشي
لي خانني الوقت وخان فيني القهر

انت العضيد الي اشد فيه الظهر

***

جبتها والله يا اخوي

قطر

تسلم على المشاركة الطيبه

وسعيدة اني اكون اول وحده ترد على الموضوع

وهاي رسالة لكل الاخوان اللي ما يدورن عن اهلهم بشيء

وعساك على القوة ...
شويهينــه
10-08-2009, 08:25 PM
موضوع يستحق القراءه والتمعن فيه

جزاك الله خير قطر على نقلك المميز
غزلان
10-08-2009, 08:56 PM
موضوع مهم جدا اخوي

الكثير يغفل عن اهله وعائلته الأولى بعد الزواج وياريت بعد الزوجات يتقون ربهم ويذكرون ازواجهم باهلهم حتى عيالهم يبرون فيهم..
بوعلي2
10-08-2009, 10:42 PM
موضوع طيب ورائع

استمتعت بالقراءه

بانتظار جديدك المميز
A bin M
10-08-2009, 11:29 PM
موضوع رائع :)


جزاك الله خيــــر
pure
10-08-2009, 11:41 PM
المشكله مجتمعاتنا الخليجيه فيها تصحر بالمشاعر بشكل غريب

موضوع ذو شجون على قولتهم خخ

عساك عل القوه
Qa6ar
11-08-2009, 12:40 AM
أختك ...
يكبر قدرها عند زوجها ، ويحسب لك ألف حساب .. ويزداد احترامه لك
تحدثنا كثيرا عن حقوق ( الوالدين - الزوج – الزوجة – الطفل ...) ، واليوم نذكّر بالأخت

***

http://tbn0.google.com/images?q=tbn:kyaipjnmq9qqnm:http://farm1.static.flickr.com/26/35192773_14d233aeba.jpg

يانبضة القلب فزة خاطري
ياجرة الااااه باقصى ضامري
تمضي الليالي والزمن فينا يدور
ويبقى الشعور نفس الشعور
ياخوي ياعزوتي ياضحكتي وبكاي
يامن على فزعتي يمينه في يمناي
ياماا اخو دنيا عند النواب يبري جراح
واذا زاد حملك تلقى فيه الخير
الدنيا تبقى بخير ليمال زمانك وانكرك الغير
دام الوفا بين البشر موصول
ياخوي يعزوتي ياضحكتي وبكاي
من لي سواك الي على كتاف ارتشي
لي خانني الوقت وخان فيني القهر

انت العضيد الي اشد فيه الظهر

***

جبتها والله يا اخوي

قطر

تسلم على المشاركة الطيبه

وسعيدة اني اكون اول وحده ترد على الموضوع

وهاي رسالة لكل الاخوان اللي ما يدورن عن اهلهم بشيء

وعساك على القوة ...

جزاج الله خير واتمنى ان الموضوع يلقى الفائده والتذكير لمن نسى


موضوع يستحق القراءه والتمعن فيه

جزاك الله خير قطر على نقلك المميز

تسلمين اختي المستثمره


موضوع مهم جدا اخوي

الكثير يغفل عن اهله وعائلته الأولى بعد الزواج وياريت بعد الزوجات يتقون ربهم ويذكرون ازواجهم باهلهم حتى عيالهم يبرون فيهم..

تسلمين اختي عزلان


موضوع طيب ورائع

استمتعت بالقراءه

بانتظار جديدك المميز

تسلم اخوي ابوعلي


موضوع رائع :)


جزاك الله خيــــر

تسلم اخوي ابوعوف


المشكله مجتمعاتنا الخليجيه فيها تصحر بالمشاعر بشكل غريب

موضوع ذو شجون على قولتهم خخ

عساك عل القوه

تسلمين اختي بور
عناد2009
13-08-2009, 11:38 AM
http://up.selze.net/uploads/images/www.selze.net-4ff71a4a17.gif
The Master
13-08-2009, 07:15 PM
والله محد يتطلب اكثر من هالخوات (بس فديتهم والله على العين والراس)
وشي ثاني من يقدر ينسى خواته؟؟ انا اصلا ما استانس الا لما اقعد معاهم
واستانس اكثر لما يطلبون مني شي تحس انهم لو طلبوا روحك عطيتهم (اشفييييه الحنين احم)

بجد والله كله يرجع للتربيه اخوي هي الاساس وعليه يتربون العيال والاخوان والخوات مع بعض
وعسى ربي لا يفرق بين الاخوان والخوات ابد يارب ويجمعهم على كل خير ومحبه ورضاه سبحانه
عناد2009
13-08-2009, 08:26 PM
كفـــى الله زمـــان ٍ شفت فيه الصحيب اجنــــاب
وقد الاخ من الاخوان ينفـــض طرف ثـــوبه ..
HIGHNESS
13-08-2009, 09:22 PM
في رجال للإسف يستعرون من خواتهم وكأنهم هم من هموم الدنيا ويستحون منهم ومايدرون متى يعرسون ويفتكون منهم... ( هذول طبعاً للحين ماطلعوا من الجاهلية ) :rolleyes2:

والله يخلي لنا اخواننا واخواتنا ... فديتهم والله :shy:
بنت ابوها 19
14-08-2009, 07:20 PM
والي ماعندها اخ شتسوي :(
هدهد سليمان
14-08-2009, 07:33 PM
صدقت اخوي Qa6ar في كل كلمه قلتها واستغرب من يقاطع اخته وهي من صلة الرحم التي سنسأل عنها يوم القيامه .. الله يديم المحبه بين الجميع ولا فض فوك الشيخ للموضوع الطيب وهذه فرصه لكل اخ واخت كان بينهم الشيطان يفرقهم نقول رمضان كريم وصلة الرحم زينه وفيها بركه وخير وكل الخير والله وعلى ما قال المثل لو ما فيك خير في هلك ما فيك خير للناس واهلك هم اولى من توصلهم قبل اي حد ثاني .. اعتذر للإطاله موضوع قمه في الروعه مثل اللي ناقله .. تقبل مني كل تقدير واحترام وبلغك الله رمضان وغفر لنا ولك
هدهد سليمان
14-08-2009, 07:34 PM
والي ماعندها اخ شتسوي :(


كلنا اخوانك يا بنت ابوها :nice:
Qa6ar
19-08-2009, 12:25 AM
http://up.selze.net/uploads/images/www.selze.net-4ff71a4a17.gif

تسلم اخوي عناد


والله محد يتطلب اكثر من هالخوات (بس فديتهم والله على العين والراس)
وشي ثاني من يقدر ينسى خواته؟؟ انا اصلا ما استانس الا لما اقعد معاهم
واستانس اكثر لما يطلبون مني شي تحس انهم لو طلبوا روحك عطيتهم (اشفييييه الحنين احم)

بجد والله كله يرجع للتربيه اخوي هي الاساس وعليه يتربون العيال والاخوان والخوات مع بعض
وعسى ربي لا يفرق بين الاخوان والخوات ابد يارب ويجمعهم على كل خير ومحبه ورضاه سبحانه

جزاك الله خير


كفـــى الله زمـــان ٍ شفت فيه الصحيب اجنــــاب
وقد الاخ من الاخوان ينفـــض طرف ثـــوبه ..

تسلم على البيت الحلو والله يكفينا شر الزمان


في رجال للإسف يستعرون من خواتهم وكأنهم هم من هموم الدنيا ويستحون منهم ومايدرون متى يعرسون ويفتكون منهم... ( هذول طبعاً للحين ماطلعوا من الجاهلية ) :rolleyes2:

والله يخلي لنا اخواننا واخواتنا ... فديتهم والله :shy:

امين الله يخليهم لنا ويخلينا لهم


والي ماعندها اخ شتسوي :(

كلنا اخوانها وتبشر بالعز



صدقت اخوي qa6ar في كل كلمه قلتها واستغرب من يقاطع اخته وهي من صلة الرحم التي سنسأل عنها يوم القيامه .. الله يديم المحبه بين الجميع ولا فض فوك الشيخ للموضوع الطيب وهذه فرصه لكل اخ واخت كان بينهم الشيطان يفرقهم نقول رمضان كريم وصلة الرحم زينه وفيها بركه وخير وكل الخير والله وعلى ما قال المثل لو ما فيك خير في هلك ما فيك خير للناس واهلك هم اولى من توصلهم قبل اي حد ثاني .. اعتذر للإطاله موضوع قمه في الروعه مثل اللي ناقله .. تقبل مني كل تقدير واحترام وبلغك الله رمضان وغفر لنا ولك



كلنا اخوانك يا بنت ابوها :nice:

تسلم اخوي هدهد سليمان على الاضافه الطييبه