::: عاجل: إيقاف الترقيات بقرار من الأمانه العامه، وعدم ترقية الموظف بأثر رجعي !! :::

[إعلامي قطر]

..


بسم الله الرحمن الرحيم..


أخواني بغض النظر عن الكثير من سلبيات القانون الجديد الواحد أكيد يقول الحمد لله
الحمد لله الحمد لله وحالنا أفضل من غيرنا بكثير من الدول المجاوره والدول العربيه عموماً..


فقط عندي سؤالين وأتمنى ألقى إجابه وافيه شافيه لهم..


(1)
حبيت أتأكد لأني إنصدمت بخبر "مب منطقي أبداً" من شباب يشتغلون بالموارد
البشريه بعدة جهات إنهم مب قادرين يرقون موظفين من درجه لدرجه رغم إستحقاقهم وتجاوزهم
للمده البينيه، وذلك بقرار من الأمانه العامه وكل وزارات الدوله بإنتظار السماح لهم بالترقيات !!!!!


طيب ليش هالقرار وشنهي أبعاده أو الحكمه منه؟!

ياليت تفيدونا وتوضحون الأمر بصراحه "شي غريب" قاعد يصير؟

===================================

(2)
وأيضاً حبيت أحط سؤال من الـ 100 سؤال والجواب الفولاذي عليه وأحب أتأكد
هل فعلاً هذا شي رسمي ومعتمد ولا مجرد قياس لردة فعل الرأي العام قبل التطبيق الجائر:

68 - مدى جواز ترقية موظف بأثر رجعي استناداً إلى استيفاء
المدة البينية في تاريخ سابق على تاريخ القرار الصادر بالترقية؟

- لا يجوز ترقية الموظف بأثر رجعي، وتسري الترقية اعتبارا من تاريخ
صدور القرار، تنفيذا لقاعدة عدم جواز رجعية القرارات الإدارية.



والله ياشباب معاي ناس بالعمل لهم فوق الـ 5 والـ 6 والـ 7 والـ 8 سنوات وهم على نفس الدرجه
رغم كتابتهم لطلبات وطلبات وطلبات "على مدى سنوات" وإستبشروا خير بالقانون الجديد وأيضاً في بعض
المدراء الجدد على أساس ينصفونهم ولكن للأسف الحال ماتغير وبتعليمات محبطه من الأمانه العامه !!!!

بإنتظار الإفاده على النقطتين وهل المحاكم الإدارية بالمجلس الأعلى للقضاء ممكن
تنصف المظلومين خصوصاً الموظفين إللي ماترقوا بسبب سوء وتقاعس إداراتهم السابقه؟!

(للعلم من فتره مب بعيده واحد من الشباب صدر له حكم إداري وبناء عليه تم إلزام جهة عمله بترقيته "بأثر رجعي لأكثر من ثلاث سنوات"
بناء على حكم صادر بإسم أمير دولة قطر الشيخ حمد بن خليفه آل ثاني الله يحفظه ويطوّل عمره
من أحد القضاة القطريين والخبر صحيح 100% وموثوق)


فياليت الأخوان أصحاب الخبرات والمعلومات والمصادر يفيدونا ومايبخلون بأي معلومه
تتعلق بالنقطتين أعلاه لأهميتهم عند كثير من المهضوم حقهم من الموظفين
والموظفات والمتابعين لهذا الموضوع..


بالتوفيق للجميع إن شاء الله..

..

[genesis]

..


بسم الله الرحمن الرحيم..

(1)
حبيت أتأكد لأني إنصدمت بخبر "مب منطقي أبداً" من شباب يشتغلون بالموارد
البشريه بعدة جهات إنهم مب قادرين يرقون موظفين من درجه لدرجه رغم إستحقاقهم وتجاوزهم
للمده البينيه، وذلك بقرار من الأمانه العامه وكل وزارات الدوله بإنتظار السماح لهم بالترقيات !!!!!

بالتوفيق للجميع إن شاء الله..

..
نعم صحيح...:(
لا أحد يدري. يقال إن شهر ٩ ممكن توضح الأمور!!!
إستفسار: ممكن اخوي توضح ماذا تقصد بالمدة البينية؟

[السهم الملتهب]

نعم صحيح...:(
لا أحد يدري. يقال إن شهر ٩ ممكن توضح الأمور!!!
إستفسار: ممكن اخوي توضح ماذا تقصد بالمدة البينية؟


ويمكن يقولون شهر 11

وبعدين يقولون لا بتكون شهر 4 مع الميزانية

وبعده يقولون شهر 6 وصيف ورمضان وعلى أبواب 2011 م أن أعطانا الله عمر

ومافيه شيْ كله كلام في كلام ( وصبر مفتاح الفرج )


والله أغلب الناس مارتاحها قبل قانون الموارد البشرية المثير المثير للجدل في الشارع القطري

الموضوع كله لخبطة في لخبطة وصار وللاسف الكثير يعاني من تطبيق هذا القانون بعدم

أنصافهم وهناك فئات كثيرة تضررت

هناك: مأرجع درجته الماليه بدرجة أودرجتين ماليتيين

وهناك: من نزل راتبه أكثر من 6000 ريال دون حتى النظر في كيفيه تعويضه على الضرر الذي لحق به .

هناك : من توقفت ترقيته التي ينتظرها منذ سنين طويلة

هناك : مدراء أدارات ورؤساء أقسام ورؤساء وحدات ينتظرون تسكيينهم بدرجاتهم الماليه المستحقه لم يتم حتى الان تسكينهم عليها

هناك : من أنخصم عليهم علاوات كانت في راتبه الاجمالي كانت تساعده على أعباء الحياة

هناك : من يشعر بأن هذا القانون أحبط الهمم والانتاجيه والكفاءة


لو بقي الحال كما هو عليه من قبل لكان أفضل بكثير مما هو عليه الان ولو هناك تغيير يكون بزيادة الرواتب الاساسية للجميع وأنتهت المشكلة .

[صمتي حزن]

صبر جميل والله المستعان

[شيط ويط]

الحين بس صدقت رفيجي لين قالي (اللي صادها صادها) :rolleyes2:

[genesis]

هناك : مدراء أدارات ورؤساء أقسام ورؤساء وحدات ينتظرون تسكيينهم بدرجاتهم الماليه المستحقه لم يتم حتى الان تسكينهم عليها


:(
"The employee-employer
relationship shall be based on the
ideals of social justice and shall be regulated by law"
Qatar Permanent Constitution
QATAR NATIONAL VISION 2030

[اهل قطر]

من امن العقوبه

من يحاسب ومن يحط القوانين

[غير البشر]

نعم صحيح...:(
لا أحد يدري. يقال إن شهر ٩ ممكن توضح الأمور!!!
إستفسار: ممكن اخوي توضح ماذا تقصد بالمدة البينية؟



المده البينيه هي فتره استحقاق الترقيه

يعني مثلا السينير اربع سنوات يترقى

اذا كانت ترقيتك في 2005

المده البينيه تكون لين 2009

يعني اذا تعدين تاريخ استحقاق الترقيه معناها تعديت المده البينيه

[genesis]

المده البينيه هي فتره استحقاق الترقيه

يعني مثلا السينير اربع سنوات يترقى

اذا كانت ترقيتك في 2005

المده البينيه تكون لين 2009

يعني اذا تعديت تاريخ استحقاق الترقيه معناها تعديت المده البينيه
مشكور ع التوضيح. ما قصدته هو تجميد الترقيات الوظيفية، يعني على سبيل المثال من رئيس قسم إلى مدير إدارة.

[مايمدح السوق]

ان شاء الله يعطوني الدرجة :(

[اللورد]

نعم صحيح...:(
لا أحد يدري. يقال إن شهر ٩ ممكن توضح الأمور!!!
إستفسار: ممكن اخوي توضح ماذا تقصد بالمدة البينية؟
ياكثر هالكلام اللي نسمعه
بس ان شاء الله مايطلع شهر 9 سنة 2060

:omg:

[تـاجر الـذهب]

اصبرو والفرج قريب والله ماجعل ضيقة الا وراها فرج

ولا حول ولاقوة الا بالله

انه على كل شي قدير والله يارب يصبرنا ويصبركم

[إعلامي قطر]

..

طيب ياجماعه وشو السر العظيم وراء إيقاف الترقيات وهي بناء على
إستحقاق من بعد فترة زمنية من عمر الموظف وإنتظار وحرق أعصاب؟!

يعني ماطلبنا شي من جيبهم هذا أبسط حق من حقوق الموظف؟!

..

والتساؤل الثاني ياليت نلقى له إجابه أيضاً؟!

..

[جـــــراح]

التسكين طلب من الامانة العامة قبل اصدار القانون وطلبوا من الجهات عدم ترقية اي موظف وتسكينه على نفس الدرجة
في موظفين مدة خدمتهم 9 سنوات ومازالوا على الدرجة 6 وكأن هذا الموظف مدة خدمته 4 سنوات حيث انه كان على 7 وبعد 4 سنوات انتقل لدرجة 6 وبعد مرور 5 سنوات من اخر ترقيه مازال على نفس الدرجة

وهذا رأي شخصي
الحسبة طلعت كبيره لو تمت الترقيات

[غير البشر]

مشكور ع التوضيح. ما قصدته هو تجميد الترقيات الوظيفية، يعني على سبيل المثال من رئيس قسم إلى مدير إدارة.



العفو الشيخ

لا مش هذا قصدي

انا اقصد جميع الترقيات مب شرط الوظايف الاشرافيه ( الاشرافيه يعني رئيس قيم او مدير اداره)


يعني انت موظف عادي سنير او جينير وجات وقت ترقيتك ( انتهاء المده البينيه)

هذي الترقيه تجمدت هذا المقصود

[almaf1a]

خلاص يبا الوضع تغير
ايام الدرجات الي تجي بحب الخشوم راحت
حتى اعداديه ماعندهم بعضهم
اما اللحين الله يكون في عون الي يرتجي درجه حتى لو يستحقها
الوضع اختلف كليا

[rarayyan]

حسبي الله ونعم الوكيل

[إعلامي قطر]

التسكين طلب من الامانة العامة قبل اصدار القانون وطلبوا من الجهات عدم ترقية اي موظف وتسكينه على نفس الدرجة
في موظفين مدة خدمتهم 9 سنوات ومازالوا على الدرجة 6 وكأن هذا الموظف مدة خدمته 4 سنوات حيث انه كان على 7 وبعد 4 سنوات انتقل لدرجة 6 وبعد مرور 5 سنوات من اخر ترقيه مازال على نفس الدرجة

وهذا رأي شخصي
الحسبة طلعت كبيره لو تمت الترقيات


شدعوه جراح تهقى السالفه سالفة تكلفه وتوفير؟!

لو يشلون محترف من كل نادي راح يكون فيه فائض بالميزانيه لسنين قدام.. omen


وبانتظار الافاده بخصوص السؤال الثاني يا أخوان وياليت أصحاب الخبره والإطلاع
يفيدونا هل تتوقعون إن المحاكم الإداريه راح تنصف المظلومين من هالقرار
خصوصاً إنه قرار جديد وكثير من الموظفين والموظفات مظلومين من
فترات سابقه إمتدت لسنوات ؟!



صبر جميل والله المستعان..
..

[moonبنتnight]

يا ريت إلى عندة التعميم ينزلنه 00

تم تجميد الترقيات 00 الاسباب
- جميع الموظفين سيتم ترقيته في 1/4 من كل سنة نفس النظام القديم كان من 1/12 كل سنة جديدة ويأخذونها بأثر رجعي 00 بس تخبط السنوات لي سابقة خلت كثير من يتلاعب فيها 00 يقدم الترقية بدون حسبة المدة البينية 00 مادام توحدة الاجازات من بداية 1/4 00 بكون وتير باقي علاوات والترقيات 00
- مشكل لي يغفل عنها الموظف تقييم الاداء وهومصيبة الادارية فعلية 00 ترقية تشترط بتقييم الاداءة كثيرمن الادارات تقييم الموظف من غير ما يشوف التقديم 00 هوضمير رئيسه ( تحكم أهواء أفراد ) 00 بيكون ترقية يتحكم فيها 00 وطامه يتكون علاوة دورية 6% ممتاز ينضرب في راتب الاساسي وأذا أقل تكون 5% جيد جداً 00 بتكون هنيةتستحق الترقية كسر عليك سنة تقييم أقل من ممتاز وجيد تم مكان ولا ترقية وتتحرك لما تحصل على تقييم الاداء ممتاز أوجيدجداً وتستحق تترقة لدرجة لي بعدها 00 يمعنى 4 سنوات مدة بينية بتكون سنتين الآخرتين 00 ممتاز ممتاز ( تترقة ) 000 ممتاز جيد ( تنطر لما تحصل على سنتين ممتاز أو جيد جدا ) وبعد تترقة 00

- قانون جاء يحقق العدلة 00 لي كثير من جهة سوء فهم القوانين و ما تطبقها وتتحكم فيها أهواء شخصية
00 وشتبشرنا بأنشاء وحدة رقابة في جميع الجهات 00 وكل يعرف أن الترقيات ما تحصل لي باعتمادات المالية 00 وكل سنةوأنتوا طيبين وأن شاء الله تنفيذ 1/4/2010م 00

[ضوى]

الله المستعان

الله يكتب الخير

[$الملياردير$]

الله يذكر اهل مصر بالخير ..دايما يحبون النكتة ..كان في سواق تكسي كاتب على سيارته من وراء (( محدش فاهم حاجة )) ... الحين عرفت المعنى ...

[برشلوني قطر]

اخوي انا طبيعة عملي فالترقيات..والكتاب الصادر من مدير مكتب رئيس مجلس الوزراء..

بتوجيه من معالي رئيس مجلس الوزراء

بوقف الترقيات لحين اصدار دليل وصف وتصنيف وترتيب الوظائف العامه..

اما بالنسبه ان ف حد خذ ترقيه من ثلاث سنوات بعد ماتظلم...اقوولك ان ف ناس نرقيهم بأثر

رجعي من ثلاث سنوات واكثر بعد مايحل مشكلته اذا كان عنده نقص فالتقاييم او بعض المشاكل الي ف وضعه..

اما ع الوضع الجديد ننتظر متى ينزل الدليل وبعدين ممكن نعرف المدد البينيه وكيفية ترقية المستحقين

قبل القانون...والله عندي كشف جاهز اني اطرشه لمستحقين قبل القانون بس نزل الكتاب ووقف كل شي :(

طبعا الحين ماعتقد ف شي لان مجلس الوزراء اعتقد ف اجازه واذا ف شي ببين بعد العيد ان شاءالله

وبالتوفيييق

[خنور]

الحين بس صدقت رفيجي لين قالي (اللي صادها صادها) :rolleyes2:



شيط ويط ايش رايك شخص اعرفه رفعو درجته من السادسه الى الرابعه قبل صدور

قانون الموارد البشريه ب 6 ايام فقط وايش تسميه اليس هذا ظلم ومن قبل الامانه العامه

لمجلس الوزراء اليست كارثه وهي الجهه المعنيه , اخي الفاضل عندنا بقطر مثل شعبي

يقول ( لحبتك عيني ماضامك الدهر ) ليش كل هذا الظلم , كفاية مزايدات وقوانين وبنود

تحبط الموظف من مزاولة عملة الذي بدوره له انعكاسات على التنمية .

لايوجد لدينا الاكلمه واحده وهى ( حسبنا الله ونعم الوكيل ). الله يحفظ بلدنا قطر .

[nawara2]

لا تحلمون خليكم علي ارض الواقع مافي امل غير بالله

[مهندس زمانه]

الحمدلله ان الواحد ما يشتغل في اي وزاره والله يكتب لكم الي فيه كل خير يارب

[بومحمد911]

حتى اشعار اخر

[بواردي]

شيط ويط ايش رايك شخص اعرفه رفعو درجته من السادسه الى الرابعه قبل صدور

قانون الموارد البشريه ب 6 ايام فقط وايش تسميه اليس هذا ظلم ومن قبل الامانه العامه

لمجلس الوزراء اليست كارثه وهي الجهه المعنيه , اخي الفاضل عندنا بقطر مثل شعبي

يقول ( لحبتك عيني ماضامك الدهر ) ليش كل هذا الظلم , كفاية مزايدات وقوانين وبنود

تحبط الموظف من مزاولة عملة الذي بدوره له انعكاسات على التنمية .

لايوجد لدينا الاكلمه واحده وهى ( حسبنا الله ونعم الوكيل ). الله يحفظ بلدنا قطر .


احد فوااااااااااااااااااائد فيتامين
واوووووووووووووووووووووووووووووووووووو

[السهم الملتهب]

اخوي انا طبيعة عملي فالترقيات..والكتاب الصادر من مدير مكتب رئيس مجلس الوزراء..

بتوجيه من معالي رئيس مجلس الوزراء

بوقف الترقيات لحين اصدار دليل وصف وتصنيف وترتيب الوظائف العامه..

اما بالنسبه ان ف حد خذ ترقيه من ثلاث سنوات بعد ماتظلم...اقوولك ان ف ناس نرقيهم بأثر

رجعي من ثلاث سنوات واكثر بعد مايحل مشكلته اذا كان عنده نقص فالتقاييم او بعض المشاكل الي ف وضعه..

اما ع الوضع الجديد ننتظر متى ينزل الدليل وبعدين ممكن نعرف المدد البينيه وكيفية ترقية المستحقين

قبل القانون...والله عندي كشف جاهز اني اطرشه لمستحقين قبل القانون بس نزل الكتاب ووقف كل شي :(

طبعا الحين ماعتقد ف شي لان مجلس الوزراء اعتقد ف اجازه واذا ف شي ببين بعد العيد ان شاءالله

وبالتوفيييق

عندي سؤال جزاك الله خير ويليت تفيدني

هل في أعتقادك أن رؤساء الاقسام ورؤساء الوحدات ومدراء الادارات الذين لم يسكنوا على درجات مالية عند ترقيتهم اليها وانتظروا كثيرا وبقوا على درجاتهم المالية القديمة هل سيتم منحهم درجات مالية تقابل مسمياتهم الوظيفية الحالية وذلك حسب دليل وصف وتصنيف وترتيب الوظائف العامه المرتقب ام لا .

[عائشة أحمد]

وراصدين ما يقارب ال ١٨ مليون دولار ميزانية لمهرجان الافلام تبع المتحف الاسلامي!
بس عشان يجيبون نجوم امريكا ومنتجين هوليوود اليهود بطيارات خاصة ..

ولما تجي علينا احنا يا المواطنين، اللي محتاج يدفع اجارات بيوت، وتكاليف مدارس، وغيره وغيره من المسؤليات! يصير مافي ميزانية، والدولة تمر بأزمة مالية! ولازم توفر!!!
واحنا مالنا الا الانتظار والصبر، واحمدوا ربكم!!

الحمد لله يا رب!

[الموضوعي]

وراصدين ما يقارب ال ١٨ مليون دولار ميزانية لمهرجان الافلام تبع المتحف الاسلامي!
بس عشان يجيبون نجوم امريكا ومنتجين هوليوود اليهود بطيارات خاصة ..

ولما تجي علينا احنا يا المواطنين، اللي محتاج يدفع اجارات بيوت، وتكاليف مدارس، وغيره وغيره من المسؤليات! يصير مافي ميزانية، والدولة تمر بأزمة مالية! ولازم توفر!!!
واحنا مالنا الا الانتظار والصبر، واحمدوا ربكم!!

الحمد لله يا رب!

ربعنا مساكين عقولهم على قدهم فيهم نقص في الشخصية

[وضحى قطر]

والله يا اخوي الي اعرفه على كلام الموظفات الي معانا فالدوام انه مدير مكتب رئيس مجلس الوزراء امر بتوجيه من رئيس مجلس الوزراء بوقف الترقيات لحين اصدار دليل وصف وتصنيف وترتيب الوظايف

[بن رومي]

أنا سارلي عشر سنواااااااااااااااااات :weeping:

ماتحركت من درجتي :weeping:

الله على الظالم :anger1:

ومن يومين كنت عند موظف في الموارد البشريه :secret:

ايقول لي

انت لازم اترفع كل 4 سنوات :eek5:

في القانون :eek5:

قتله هاي القانون :secret:

بس ليش مايطبق :omg:

هز راااااااسه وقالي الله يعينك :shy:




هاي موارد بشرية وإل شنو :(

[جلمود]

اخوي انا طبيعة عملي فالترقيات..والكتاب الصادر من مدير مكتب رئيس مجلس الوزراء..

بتوجيه من معالي رئيس مجلس الوزراء

بوقف الترقيات لحين اصدار دليل وصف وتصنيف وترتيب الوظائف العامه..

اما بالنسبه ان ف حد خذ ترقيه من ثلاث سنوات بعد ماتظلم...اقوولك ان ف ناس نرقيهم بأثر

رجعي من ثلاث سنوات واكثر بعد مايحل مشكلته اذا كان عنده نقص فالتقاييم او بعض المشاكل الي ف وضعه..

اما ع الوضع الجديد ننتظر متى ينزل الدليل وبعدين ممكن نعرف المدد البينيه وكيفية ترقية المستحقين

قبل القانون...والله عندي كشف جاهز اني اطرشه لمستحقين قبل القانون بس نزل الكتاب ووقف كل شي :(

طبعا الحين ماعتقد ف شي لان مجلس الوزراء اعتقد ف اجازه واذا ف شي ببين بعد العيد ان شاءالله

وبالتوفيييق


يخوي أنا 7 سنوات ماخذت ولا درجه يعني المفروض مسنير من سنه ونص
سويت كتاب تظلم وماوافقو رحت الموارد البشريه وانا داش من كثر مادز وجهي قالي واحد اعرفه عند الباب سيده :secret: سوو كتاب فيك للأمانه العامه انت وكم شخص ومن مده ماجنه شي ؟

أتصدق والله احس سعات أني مو قطري:weeping: مادري والله ,, يوم كنا لول على القانون القديم كانو مرشحيني على وظيفة سنير وعطوها واحد أجنبي بالمعني أنا أقدم منه ب 10 سنوات هو عنده بكلوريا وانا عندي ثانويه تجاريه بالمعني وظيفة مشرف عاديه بس سنير ولكن الحمدلله

[برشلوني قطر]

عندي سؤال جزاك الله خير ويليت تفيدني

هل في أعتقادك أن رؤساء الاقسام ورؤساء الوحدات ومدراء الادارات الذين لم يسكنوا على درجات مالية عند ترقيتهم اليها وانتظروا كثيرا وبقوا على درجاتهم المالية القديمة هل سيتم منحهم درجات مالية تقابل مسمياتهم الوظيفية الحالية وذلك حسب دليل وصف وتصنيف وترتيب الوظائف العامه المرتقب ام لا .



ف اعتقادي ان راحت عليهم..والي خذ الدرجه خذها قبل لاكن الحين الي اشوفه

ان نظام المدير ياخذ الاولى او المساعد ياخذ الثانيه رااحت..يعطونك بدل منصب

والسلام عليكم..

عندنا رئيس قسم من 15 سنه لا حصل درجه ولا شي...وطلع من عندنا عقب ماشاف

ان مافي فايده...

الله المستعان

[برشلوني قطر]

يخوي أنا 7 سنوات ماخذت ولا درجه يعني المفروض مسنير من سنه ونص
سويت كتاب تظلم وماوافقو رحت الموارد البشريه وانا داش من كثر مادز وجهي قالي واحد اعرفه عند الباب سيده :secret: سوو كتاب فيك للأمانه العامه انت وكم شخص ومن مده ماجنه شي ؟

أتصدق والله احس سعات أني مو قطري:weeping: مادري والله ,, يوم كنا لول على القانون القديم كانو مرشحيني على وظيفة سنير وعطوها واحد أجنبي بالمعني أنا أقدم منه ب 10 سنوات هو عنده بكلوريا وانا عندي ثانويه تجاريه بالمعني وظيفة مشرف عاديه بس سنير ولكن الحمدلله

اخوي هل سألت ايش السبب انك ماترقيت من سبع سنوات ماترقيت ؟؟؟

اتوقع شي من الاثنين ياعندك اجازات بدون راتب وغياب او تقاييمك ضعيفه او مقبوله..

اخووي ف ناس عندهم نقص ف بعض البيانات فأنصحك تراجع الموارد البشريه

[إعلامي قطر]

..

إضافه بسيطه ومحزنه من مصدر موثوق واليوم واصلني الخبر فرش..
التوصيف إللي راح ينزل فيه إحتمال كبير تتغير من خلاله المده البينيه..

يعني ممكن تصير 5 أو 6 سنين وممكن العكس 3 سنين ولو إني أستبعد هالشي طبعاً..


فإيش راح يصير مع إللي صار لهم سنين على نفس الدرجه وهل راح يتطبق عليهم القانون
الجديد ومثلاً إللي صار لهم8 سنين على نفس الدرجه بدال لايرفعونهم درجتين راح يرفعونهم
درجه وحده مثلاً (على إفتراض إن المده البينيه الجديده بتكون 6 سنين) وبأثر غير رجعي أيضاً !!

فبالتالي لازم ينتظرون 4 سنين إضافيه + تكون تقاريرهم فيها ممتازه
عشان يرفعونهم الدرجه التاليه إللي كانوا يستحقونها من قبل أساساً !!

يعني إللي راح يستعين بالصبر والصلاه والصيام وذكر الله ويكثر من الإستغفار
ممكن يصمد في وجه قرارات الأمانه العامه وبالتالي ممكن يدخل موسوعة جينتس
بيوم من الأيام، أما إللي بينصدم وبينفعل ممكن تصيده سكته قلبيه ويموت وينتهي الموضوع.. :telephone:


يالربع فيدوني هل إفتراضاتي صحيحه ولا آنا فاهم الموضوع غلط؟!
يااااااااااااااااااااااااااااااااارب أكون غلطان يارب..

..

[moonبنتnight]

آخر مستجدات 000
ترقيات بتكون بعد 5 - 7 سنوات 000 جريدة العرب أتمنى تكون أشاعة 00 والله قهر 00

[كيفـي]

دام القانون ناقص ولم يكتمل.. لماذا تم تطبيقه؟؟!!


طيب ليش هالقرار وشنهي أبعاده أو الحكمه منه؟!

الظاهر العجز اللى في الميزانية واااضح..@@
والله المستعان..


فالاخير أي قانون بشري لن يكون منصف..!!

[شلبي]

والله يا اخوي الي اعرفه على كلام الموظفات الي معانا فالدوام انه مدير مكتب رئيس مجلس الوزراء امر بتوجيه من رئيس مجلس الوزراء بوقف الترقيات لحين اصدار دليل وصف وتصنيف وترتيب الوظايف

متى سوف يصدر الدليل المشار اليه ؟؟
نسمع عنه من شهر ابريل الماضي !!!!!





أتصدق والله احس سعات أني مو قطري:weeping:


لا انت قطري !! اطمئن ! ثبتت الرؤية لو كنت اجنبي كان ذا حالك ؟؟






اخووي ف ناس عندهم نقص ف بعض البيانات فأنصحك تراجع الموارد البشريه

فيه ناس يراكضون ليل نهار والترقية مستحقة والبيانات كااااااملة بس الايقاف بتوجيه من رئاسة الوزراء انت ما قريت رأس الخبر ؟؟؟
الترقيات اوقفت يا خووي



..

إضافه بسيطه ومحزنه من مصدر موثوق واليوم واصلني الخبر فرش..
التوصيف إللي راح ينزل فيه إحتمال كبير تتغير من خلاله المده البينيه..

يعني ممكن تصير 5 أو 6 سنين وممكن العكس 3 سنين ولو إني أستبعد هالشي طبعاً..


فإيش راح يصير مع إللي صار لهم سنين على نفس الدرجه وهل راح يتطبق عليهم القانون
الجديد ومثلاً إللي صار لهم8 سنين على نفس الدرجه بدال لايرفعونهم درجتين راح يرفعونهم
درجه وحده مثلاً (على إفتراض إن المده البينيه الجديده بتكون 6 سنين) وبأثر غير رجعي أيضاً !!

فبالتالي لازم ينتظرون 4 سنين إضافيه + تكون تقاريرهم فيها ممتازه
عشان يرفعونهم الدرجه التاليه إللي كانوا يستحقونها من قبل أساساً !!

يعني إللي راح يستعين بالصبر والصلاه والصيام وذكر الله ويكثر من الإستغفار
ممكن يصمد في وجه قرارات الأمانه العامه وبالتالي ممكن يدخل موسوعة جينتس
بيوم من الأيام، أما إللي بينصدم وبينفعل ممكن تصيده سكته قلبيه ويموت وينتهي الموضوع.. :telephone:


يالربع فيدوني هل إفتراضاتي صحيحه ولا آنا فاهم الموضوع غلط؟!
يااااااااااااااااااااااااااااااااارب أكون غلطان يارب..

..


يعني هالسنة معروف دعاء القنوت في صلاة القيام
اللهم ارفع عنا

[إعلامي قطر]

دام القانون ناقص ولم يكتمل.. لماذا تم تطبيقه؟؟!!


طيب ليش هالقرار وشنهي أبعاده أو الحكمه منه؟!

الظاهر العجز اللى في الميزانية واااضح..@@
والله المستعان..


فالاخير أي قانون بشري لن يكون منصف..!!



أتفق معاك بأن أي قانون بشري لن يكون منصف !!

لكن الظلم درجات ولو كان هناك مساواه بالظلم كان قلنا:

المساواه بالظلم عدل..



وبهالأخبار الجديده والصواعق فيه موظفين وموظفات
راحت عليهم درجات ورواتب لا يعلمها إلا الله وحده..

..

[إعلامي قطر]

لا انت قطري !! اطمئن ! ثبتت الرؤية لو كنت اجنبي كان ذا حالك ؟؟





والله ضحكت على تعليقاتك أخوي بصراحه !!

شر البلية مايضحك.. :eek5:


=================

بس للتذكير يا أخوان..

لحد ينسى يقول:

الحمد لله على كل حال..


================


أقول لكم سر؟


والله ماقيلت اليوم من هالخبر ههه


وقاعد أسمع أغنية الله ياعمري قطر للساعي
وحسيت بشعور جميل جربوا وإسمعوها.. :nice:



الله كريم والحمد لله على كل حال.. :strong

..

[منكم نستفيد]

..

بإنتظار الإفاده على النقطتين وهل المحاكم الإدارية بالمجلس الأعلى للقضاء ممكن
تنصف المظلومين خصوصاً الموظفين إللي ماترقوا بسبب سوء وتقاعس إداراتهم السابقه؟!

(للعلم من فتره مب بعيده واحد من الشباب صدر له حكم إداري وبناء عليه تم إلزام جهة عمله بترقيته "بأثر رجعي لأكثر من ثلاث سنوات"
بناء على حكم صادر بإسم أمير دولة قطر الشيخ حمد بن خليفه آل ثاني الله يحفظه ويطوّل عمره
من أحد القضاة القطريين والخبر صحيح 100% وموثوق)

..



ومايضر الشاة سلخها بعد ذبحها ،،،،،،،،، محشومين اكيد بس بغيت اقول انه
اذا كلامكم كله دقيق ومارحتو للمحاكم الاداريه فانتو جنيتو على نفسكم اذا تبون الصج


احمد الله اني بالقطاع الخاص اشتغل والله يعينكم على قانونكم الجديد

[طموحي عالي]

القانون ظلم وايد ناس انا اشتغل قسم الموارد البشريه
توني من شهر اربعه مع نزول القانون الجديد وبصراحه للحين مو عارفين له

وبصراحه اللي خذوها اللي قبلنا بس الحين القانون وايد ظالم انا اشوفه

لو قلنا الاجازات قبل تترحل كلها والحين لا النص بس
وخربطه في خربطه وبييجي شهر 9 وماسووا شي


والله المستعان
والله الصدممه في شغلنا اليووم وحده بغت تنهار لووووول

[شيزكيك]

عيل انا شتقولون عني الي ترقيتي على الرابعه كانت تاريخ 28 / 4 / 2009 واتفاجئ انها توقفت

[ودي أكون]

القانون ظلم وايد ناس انا اشتغل قسم الموارد البشريه
توني من شهر اربعه مع نزول القانون الجديد وبصراحه للحين مو عارفين له

وبصراحه اللي خذوها اللي قبلنا بس الحين القانون وايد ظالم انا اشوفه

لو قلنا الاجازات قبل تترحل كلها والحين لا النص بس
وخربطه في خربطه وبييجي شهر 9 وماسووا شي


والله المستعان
والله الصدممه في شغلنا اليووم وحده بغت تنهار لووووول


حبيبتي اسمحيلي بمداخله بسيطه .. بالنسبه للاجازات .. ولا يوم يترحل :victory:

وبالنسبه حق شهر 9 شفيه مافهمت شو لازم يسوون :telephone:

وسلامة موظفتكم ليش الانهيار ليكون ارفظوا اجازتها :tease:

ويعطيج العافيه :shy:

[كيفـي]

أتفق معاك بأن أي قانون بشري لن يكون منصف !!

لكن الظلم درجات ولو كان هناك مساواه بالظلم كان قلنا:

المساواه بالظلم عدل..



وبهالأخبار الجديده والصواعق فيه موظفين وموظفات
راحت عليهم درجات ورواتب لا يعلمها إلا الله وحده..

..


في ذمة اللى حط القانون وطبعاً ضمّن نفسه بمنصب مايحلم به..
و ضمن انه ما يسري عليه قانون المقارد البشرية.. لذلك حاسنا بقانون عرف يلهي الموظفين به..


حسبي الله ونعم الوكيل على اللى ضييع درجاتنا ودمر نفسياتنا..

ويقول ان القانون بيجعل من الموظفين يحبون المنافسة..

والواقع يقول : ان نفسيات محبطة لاتفكر بشيء سوى الدعاء عليه..


والله وكيلنا إن شاء الله..

وحسبي الله عليه ونعم الوكيل..

تراه يخاف من الدعاوي.. وخاصة لما يعرف ان في حد راح العمرة.. يرتبك..:tease:

[السهم الملتهب]

في ذمة اللى حط القانون وطبعاً ضمّن نفسه بمنصب مايحلم به..
و ضمن انه ما يسري عليه قانون المقارد البشرية.. لذلك حاسنا بقانون عرف يلهي الموظفين به..


حسبي الله ونعم الوكيل على اللى ضييع درجاتنا ودمر نفسياتنا..
ويقول ان القانون بيجعل من الموظفين يحبون المنافسة..

والواقع يقول : ان نفسيات محبطة لاتفكر بشيء سوى الدعاء عليه..


والله وكيلنا إن شاء الله..

وحسبي الله عليه ونعم الوكيل..

تراه يخاف من الدعاوي.. وخاصة لما يعرف ان في حد راح العمرة.. يرتبك..:tease:




القانون كرهه الموظفين بجهات عملهم ووظائفهم فلم يعد هناك أجتهاد مثل قبل أو أنتاجيه

أنا و كثير من زملائي اللي أعرفهم كنا مجتهدين جدا في وظائفنا وكانت المنافسة

موجوده وذلك تحسبن لترقية أو درجة مالية أعلى مما كانا عليه

أما الان وبعد هذا القانون المحبط الذي حطم نفسياتنا لم يعد هناك أجتهاد في العمل

رواتبنا ونأخذها أخر الشهر والتعب ما عاد له داعي الراحة أهم وننتظر موعد أنتهاء الدوام

بفارغ الصبر والكل يردد هذه المقوله يليت كنا نعرف أن قانون الموارد البشرية بينزل

بهشكل المقرف ماكنا بهذلنا وأتعبنا أنفسنا في السنوات الماضية

[genesis]

القانون كرهه الموظفين بجهات عملهم ووظائفهم فلم يعد هناك أجتهاد مثل قبل أو أنتاجيه

أنا و كثير من زملائي اللي أعرفهم كنا مجتهدين جدا في وظائفنا وكانت المنافسة

موجوده وذلك تحسبن لترقية أو درجة مالية أعلى مما كانا عليه

أما الان وبعد هذا القانون المحبط الذي حطم نفسياتنا لم يعد هناك أجتهاد في العمل

رواتبنا ونأخذها أخر الشهر والتعب ما عاد له داعي الراحة أهم وننتظر موعد أنتهاء الدوام

بفارغ الصبر



غلطان يا أخي كثير منا لازال يمارس عمله نفس السابق ، إن لم يكن أفضل. At the end some of us, don't look at it from financial aspects only. But out of courtesy & patriotic sense
مهما كان قرار التأجيل محبط ، لكن عدم الاجتهاد والانغماس في السلبية لها مردود أسوء سواء على الشخص أو على الوطن

[السهم الملتهب]

غلطان يا أخي كثير منا لازال يمارس عمله نفس السابق ، إن لم يكن أفضل. At the end some of us, don't look at it from financial aspects only. But out of courtesy & patriotic sense
مهما كان قرار التأجيل محبط ، لكن عدم الاجتهاد والانغماس في السلبية لها مردود أسوء سواء على الشخص أو على الوطن

أنا لست بالغلطان أنا صريح جدا ومنتشر وبكثره الاحباط والملل لدى معظم الموظفين الذين أعرفهم بسبب أنصدامهم من عدم أنصافهم بسبب هذا القانون واللي زاد الطين بلة التعميمات
التي تصدر من أسبوع لأخر أغلبها سيئه وليست لصالج المواطن .


هذه الحقيقة وهم أرادو ذلك

[إعلامي قطر]

والله الصدممه في شغلنا اليووم وحده بغت تنهار لووووول


مسكينه خليها تتلاحق عمرها وتشوف لها واسطه بأي شركه قبل لايمنعون القطريين
بعد من الإلتحاق بالقطاع الخاص إذا كانوا شغالين بالحكومه هههه ترى ممكن هالشي !!


ترى والله عادي جداً يصدر مثل هالقرار بين عشيّة وضحاها.. crazy

[إعلامي قطر]

عيل انا شتقولون عني الي ترقيتي على الرابعه كانت تاريخ 28 / 4 / 2009 واتفاجئ انها توقفت


قول الحمد لله على الأقل إنت بالخامسه.. :nice:

غيرك مغرز بالسابعه من 8 و9 سنين وتقاريره كلها ممتازه وكامله
ولا بركدون ولا قلص قدر يشيله من الرمله إللي هو طايح فيها !! :rolleyes2:

..

[إعلامي قطر]

في ذمة اللى حط القانون وطبعاً ضمّن نفسه بمنصب مايحلم به..
و ضمن انه ما يسري عليه قانون المقارد البشرية.. لذلك حاسنا بقانون عرف يلهي الموظفين به..


حسبي الله ونعم الوكيل على اللى ضييع درجاتنا ودمر نفسياتنا..

ويقول ان القانون بيجعل من الموظفين يحبون المنافسة..

والواقع يقول : ان نفسيات محبطة لاتفكر بشيء سوى الدعاء عليه..


والله وكيلنا إن شاء الله..

وحسبي الله عليه ونعم الوكيل..

تراه يخاف من الدعاوي.. وخاصة لما يعرف ان في حد راح العمرة.. يرتبك..:tease:





الله يفرجها ياخوك والله شي محزن فعلاً إللي قاعد يصير..

أتمنى حد من الأخوان المسؤولين يقرى ويشوف ردود الأفعال شلون..


والله يهدي المطبلين بالجرايد لازلت أذكر تطبيلهم بخصوص القانون
حسيت إني راتبي بيطير للعشرينات آخرتها طاح تحت بزياده ههه

والله صج شر البليه مايضحك !!


صبر جميل والله المستعان..

..

[إعلامي قطر]

القانون كرهه الموظفين بجهات عملهم ووظائفهم فلم يعد هناك أجتهاد مثل قبل أو أنتاجيه

أنا و كثير من زملائي اللي أعرفهم كنا مجتهدين جدا في وظائفنا وكانت المنافسة

موجوده وذلك تحسبن لترقية أو درجة مالية أعلى مما كانا عليه

أما الان وبعد هذا القانون المحبط الذي حطم نفسياتنا لم يعد هناك أجتهاد في العمل

رواتبنا ونأخذها أخر الشهر والتعب ما عاد له داعي الراحة أهم وننتظر موعد أنتهاء الدوام

بفارغ الصبر والكل يردد هذه المقوله يليت كنا نعرف أن قانون الموارد البشرية بينزل

بهشكل المقرف ماكنا بهذلنا وأتعبنا أنفسنا في السنوات الماضية



والله ياخوي أتفق معاك إن النفسيات تعبانه والله فرصه لخريجين علم النفس
إنهم يفتحون عيادات لو دريت عن هالقانون كان درست علم نفس وربحت من
وراكم شوي :nice:


لكن بالنسبه للعمل فبأمانه لازم كل شخص يشتغل سواء بالحكومه أو غيرها
يراعي ويراقب ربه في عمله ويقوم بواجبه على أكمل وجه، والله ماهو خوف
من مسؤول مباشر ولا مدير ولا غيرهم لكن هذي أمانه وإحنا قبلنا فيها خصوصاً
الأخوان إللي يتعاملون مع الجمهور ومصالح الناس عندهم فأتمنى فعلاً مثل هالأمور
ما تأثر على نفسياتهم بل بالعكس تزيدهم رغبه وتحدي وإصرار وثقوا تماماً إن الله
سبحانه ماراح يردكم خايبين وراح يعوضنا كلنا خير إن شاء الله عاجلاً أم آجلاً..

ثقوا تماماً من هالشي.. :victory:


..

[طموحي عالي]

حبيبتي اسمحيلي بمداخله بسيطه .. بالنسبه للاجازات .. ولا يوم يترحل :victory:

وبالنسبه حق شهر 9 شفيه مافهمت شو لازم يسوون :telephone:

وسلامة موظفتكم ليش الانهيار ليكون ارفظوا اجازتها :tease:

ويعطيج العافيه :shy:

منو قال ولا يوم يترحل القانون يقول نص الاجازات

مادري يقولون في تعديلات بالقانون عاد ان شاء الله تعديلات مو تعليلات :rolleyes2:

لا مارفضوا اجازتها بس احنا جهه شبه حكوميه تقول ليش راتبي ماصار على نفس درجتي قلنا لها احنا مشينا على القانون بس بدون جدول الرواتب جان تقولي يعني انا انظلم على حساب ناس

قلت لها انا مالي شغل :omen2: اللي يسمعهم انا الرئيسه بالشغل لووووول:victory:

[طموحي عالي]

مسكينه خليها تتلاحق عمرها وتشوف لها واسطه بأي شركه قبل لايمنعون القطريين
بعد من الإلتحاق بالقطاع الخاص إذا كانوا شغالين بالحكومه هههه ترى ممكن هالشي !!


ترى والله عادي جداً يصدر مثل هالقرار بين عشيّة وضحاها.. Crazy



الله يسلمك
احنا جهه شبه حكوميه تقول ليش راتبي ماصار على نفس درجتي قلنا لها احنا مشينا على القانون بس بدون جدول الرواتب جان تقولي يعني انا انظلم على حساب ناس

قلت لها انا مالي شغل اللي يسمعهم يقول انا الرئيسه بالشغل لووووول

[وديمه]

كاريكاتير جريدة الوطن اليوم 12-8-2009
http://i418.photobucket.com/albums/pp268/SadeemG/pan.jpg

:playball:

----------------------------------------

[بنوته]

السلام عليكم ورحمة الله وبركاته

...( إن لله وَ إن إليه راجعون ).....

هاي القرار يشمل الموظفات المدنيات في الداخليه او لا ....

انا توني مكمله 4 سنوات ومعينه من الله خير يرفعوني لدرجه الثامنه ....

لا حول ولا قوة الا بالله العلي العظيم

الله المستعان

[rashid-1]

الــسلام عليــكم

أنا أبي أفهم ليش مجلس الوزراء لايعطي أي إهتمام لردود الأفعال من الموظفين

99,9 % من الموظفين معترضين على القانون هل هؤولاء كلهم خطاء ومجلس الوزراء هو الصح

يامجلس الوزراء رجاءا أعطوا الموظفين إعتبار

مايصير هالكلام ياتقبلون ياتضربون راسكم بالطوفة

أسمعوا لنا

ترى الزيادة طفيفة جدا بدون العلاوات وناس كثر تضرروا من جراء أفشل قانون اللي هو الموارد البشرية

أحسن شي فيه المنحه مع الإجازه

وشكرا

[q6ri_vip]

الــسلام عليــكم

أنا أبي أفهم ليش مجلس الوزراء لايعطي أي إهتمام لردود الأفعال من الموظفين

99,9 % من الموظفين معترضين على القانون هل هؤولاء كلهم خطاء ومجلس الوزراء هو الصح

يامجلس الوزراء رجاءا أعطوا الموظفين إعتبار

مايصير هالكلام ياتقبلون ياتضربون راسكم بالطوفة

أسمعوا لنا

ترى الزيادة طفيفة جدا بدون العلاوات وناس كثر تضرروا من جراء أفشل قانون اللي هو الموارد البشرية

أحسن شي فيه المنحه مع الإجازه

وشكرا

أصلا هالشي مسوينه لصالح الأجنبي اللي بيقضي أجازته في بلاده فهمو القوانيين عدل واللي يرحم والديكم .

ع العموم لاترتجون شي من هالقانون .

وين اخونا عليان قطر ؟

[صمتي حزن]

سبحان الله وبحمده سبحان الله العظيم

[وضحى قطر]

عندي سؤال يا جماعة الخير الحين صدق انه على قانون الموارد البشريه الجديد انه
الشغالين في الهيئات العلاوات في بعضها الزوجه ماتاخذها اذا الزوج ياخذها مثل العلاوه الاجتماعية , وعلاوه بدل الســكن ؟؟

[إعلامي قطر]

الــسلام عليــكم

أنا أبي أفهم ليش مجلس الوزراء لايعطي أي إهتمام لردود الأفعال من الموظفين

99,9 % من الموظفين معترضين على القانون هل هؤولاء كلهم خطاء ومجلس الوزراء هو الصح

يامجلس الوزراء رجاءا أعطوا الموظفين إعتبار

مايصير هالكلام ياتقبلون ياتضربون راسكم بالطوفة

أسمعوا لنا

ترى الزيادة طفيفة جدا بدون العلاوات وناس كثر تضرروا من جراء أفشل قانون اللي هو الموارد البشرية

أحسن شي فيه المنحه مع الإجازه

وشكرا



عليكم السلام..

ربك كريم وإن شاء الله يكون فيه تصحيح للوضع ليش لا..

..

[برشلوني قطر]

فيه ناس يراكضون ليل نهار والترقية مستحقة والبيانات كااااااملة بس الايقاف بتوجيه من رئاسة الوزراء انت ما قريت رأس الخبر ؟؟؟
الترقيات اوقفت يا خووي




ادرري فديت خشمك انها وااقفه الحييين...بس انا اقصد ع ايام ماكانت متأخره

لييش ماراجعهم...وحتى لو وااقفه الحين يراجع الموارد البشريه علشان

اذا مشت الترقيات اتكون بياناته كامله..:)

[butterfly]

الله كريم

[بن رومي]

الله كريم

:nice:

[الراوي]

راح يتم رفع قضية وكشف الظلم لحقوق الانسان في جنيف


ونشوف نهاية الامانه العامه ان شاء الله

[بسبس]

والله لو نحول كلنا عساكر احسن لا ترقيات موقفة ولا شي ولا رواتب متغيرة وإجازاتهم اكثر منا كل شي يعوضنهم فيه عكس قانون الموارد البشرية :)

[ريماس الغلا]

عندي سؤال يا جماعة الخير الحين صدق انه على قانون الموارد البشريه الجديد انه
الشغالين في الهيئات العلاوات في بعضها الزوجه ماتاخذها اذا الزوج ياخذها مثل العلاوه الاجتماعية , وعلاوه بدل الســكن ؟؟

اي صحيح

اذا الزوج يأخذ بفئة متزوج الزوجه تاخذ بفئة اعزب

او العكس

الزوجيه وبدل السكن

[شلبي]

راح يتم رفع قضية وكشف الظلم لحقوق الانسان في جنيف


ونشوف نهاية الامانه العامه ان شاء الله

:unsure:

[وطن]

أنا ما اقدر أقول أكثر من
حسبي الله ونعم الوكيل على اللي كان السبب في هالخربطة اللي احنا فيها

[إعلامي قطر]

الله كريم



والنعم بالله سبحانه والله يعوضنا خير إن شاء الله..

..

[إعلامي قطر]

راح يتم رفع قضية وكشف الظلم لحقوق الانسان في جنيف


ونشوف نهاية الامانه العامه ان شاء الله



ممكن معلومات أكثر أخوي؟! :secret:

..

[وطن]

راح يتم رفع قضية وكشف الظلم لحقوق الانسان في جنيف


ونشوف نهاية الامانه العامه ان شاء الله

ارفع لي قضية معاك

:weeping:

[شاهيناز]

وش اسباب القرار من المستفيد منه

المتظرر معروف الموظف القطري الي كل يوم يطلعون له قرار ومايقدر يقول شئ
حرام الي يصير
اغلب القرارات ضد القطري
لي متى بيتم ها الظلم....
والاجنبي كل اموره ماشيه اكثر من الي يتمناه...
حسبنا الله ونعم الوكيل

[خنور]

اسمه الحقيــــــقي قانون المظـــــــــــــــــــــــــــالم البشــــــــــرية ::secret:

وليس قانون المــــــــــوارد البشرية

[!الشايمه!]

وش اسباب القرار من المستفيد منه

المتظرر معروف الموظف القطري الي كل يوم يطلعون له قرار ومايقدر يقول شئ
حرام الي يصير
اغلب القرارات ضد القطري
لي متى بيتم ها الظلم....
والاجنبي كل اموره ماشيه اكثر من الي يتمناه...
حسبنا الله ونعم الوكيل



نعم السؤال.....من المستفيد.....من تضرر الموظف القطري......!؟

معقوله المسؤولين نايمين عن الضرر اللي وقع فيه القطري..؟

والا الموضوع غير مهم بالنسبة لهم.....اذا المواطن

غير مهم في بلاده.....

اذن من المهم .....؟!

والله شئ غريب...المفروض ندخل كتاب جنيس
المواطن يعاني في بلاده....والاجنبي...مرفه<<شر البليه مايضحك


شاهيناز ....ولكم باك :)


تحية

[إعلامي قطر]

..

أتمنى الإطلاع على موضوعي:

::: لكل من يظن أنه إنحرم من درجه وظيفيه مستحقه بسبب قانون الموارد؛ هل أنت متأكد؟! :::
http://qatarshares.com/vb/showthread.php?t=290743



والله يوفقنا لما يحب ويرضى..

..

[bluelion]

... اللهم اني صائم ...

[كيفـي]

كرّهوا القطريين بالعمل ،، قتلوا فيهم حب المنافسة والابداع..

فقط الحوافز والمبالغ الخيالية لذووي العيون الزرقاء..

وحسبنا الله ونعم الوكيل..

[ولد النصر]

قرار ظالم

[السهم الملتهب]

كرّهوا القطريين بالعمل ،، قتلوا فيهم حب المنافسة والابداع..

فقط الحوافز والمبالغ الخيالية لذووي العيون الزرقاء..

وحسبنا الله ونعم الوكيل..

وأنا صائم صدقت

:nice::nice:

[عليان قطر]

..


بسم الله الرحمن الرحيم..


أخواني بغض النظر عن الكثير من سلبيات القانون الجديد الواحد أكيد يقول الحمد لله
الحمد لله الحمد لله وحالنا أفضل من غيرنا بكثير من الدول المجاوره والدول العربيه عموماً..


فقط عندي سؤالين وأتمنى ألقى إجابه وافيه شافيه لهم..


(1)
حبيت أتأكد لأني إنصدمت بخبر "مب منطقي أبداً" من شباب يشتغلون بالموارد
البشريه بعدة جهات إنهم مب قادرين يرقون موظفين من درجه لدرجه رغم إستحقاقهم وتجاوزهم
للمده البينيه، وذلك بقرار من الأمانه العامه وكل وزارات الدوله بإنتظار السماح لهم بالترقيات !!!!!


طيب ليش هالقرار وشنهي أبعاده أو الحكمه منه؟!

ياليت تفيدونا وتوضحون الأمر بصراحه "شي غريب" قاعد يصير؟

===================================

(2)
وأيضاً حبيت أحط سؤال من الـ 100 سؤال والجواب الفولاذي عليه وأحب أتأكد
هل فعلاً هذا شي رسمي ومعتمد ولا مجرد قياس لردة فعل الرأي العام قبل التطبيق الجائر:

68 - مدى جواز ترقية موظف بأثر رجعي استناداً إلى استيفاء
المدة البينية في تاريخ سابق على تاريخ القرار الصادر بالترقية؟

- لا يجوز ترقية الموظف بأثر رجعي، وتسري الترقية اعتبارا من تاريخ
صدور القرار، تنفيذا لقاعدة عدم جواز رجعية القرارات الإدارية.



والله ياشباب معاي ناس بالعمل لهم فوق الـ 5 والـ 6 والـ 7 والـ 8 سنوات وهم على نفس الدرجه
رغم كتابتهم لطلبات وطلبات وطلبات "على مدى سنوات" وإستبشروا خير بالقانون الجديد وأيضاً في بعض
المدراء الجدد على أساس ينصفونهم ولكن للأسف الحال ماتغير وبتعليمات محبطه من الأمانه العامه !!!!

بإنتظار الإفاده على النقطتين وهل المحاكم الإدارية بالمجلس الأعلى للقضاء ممكن
تنصف المظلومين خصوصاً الموظفين إللي ماترقوا بسبب سوء وتقاعس إداراتهم السابقه؟!

(للعلم من فتره مب بعيده واحد من الشباب صدر له حكم إداري وبناء عليه تم إلزام جهة عمله بترقيته "بأثر رجعي لأكثر من ثلاث سنوات"
بناء على حكم صادر بإسم أمير دولة قطر الشيخ حمد بن خليفه آل ثاني الله يحفظه ويطوّل عمره
من أحد القضاة القطريين والخبر صحيح 100% وموثوق)


فياليت الأخوان أصحاب الخبرات والمعلومات والمصادر يفيدونا ومايبخلون بأي معلومه
تتعلق بالنقطتين أعلاه لأهميتهم عند كثير من المهضوم حقهم من الموظفين
والموظفات والمتابعين لهذا الموضوع..


بالتوفيق للجميع إن شاء الله..

..












نعم صحيح
هناك كتاب رسمي من الامانه العامه
موقع من قبل مدير مكتب رئيس مجلس الوزراء وزير الخارجيه
بعدم الترقيه
من شهر ابريل وحتى اشعار اخر

[عليان قطر]

شدعوه جراح تهقى السالفه سالفة تكلفه وتوفير؟!

لو يشلون محترف من كل نادي راح يكون فيه فائض بالميزانيه لسنين قدام.. Omen


وبانتظار الافاده بخصوص السؤال الثاني يا أخوان وياليت أصحاب الخبره والإطلاع
يفيدونا هل تتوقعون إن المحاكم الإداريه راح تنصف المظلومين من هالقرار
خصوصاً إنه قرار جديد وكثير من الموظفين والموظفات مظلومين من
فترات سابقه إمتدت لسنوات ؟!



صبر جميل والله المستعان..
..



يقال هذا الشهر سوف تتضح امور كثيره

[عليان قطر]

في ذمة اللى حط القانون وطبعاً ضمّن نفسه بمنصب مايحلم به..
و ضمن انه ما يسري عليه قانون المقارد البشرية.. لذلك حاسنا بقانون عرف يلهي الموظفين به..


حسبي الله ونعم الوكيل على اللى ضييع درجاتنا ودمر نفسياتنا..

ويقول ان القانون بيجعل من الموظفين يحبون المنافسة..

والواقع يقول : ان نفسيات محبطة لاتفكر بشيء سوى الدعاء عليه..


والله وكيلنا إن شاء الله..

وحسبي الله عليه ونعم الوكيل..

تراه يخاف من الدعاوي.. وخاصة لما يعرف ان في حد راح العمرة.. يرتبك..:tease:






اللي وضع القانون
( مصريين من ضمن اللجنه )
كما تبين في برنامج وطني الحبيب صباح الخير
بس بطريقة غير مباشره

[إعلامي قطر]

... اللهم اني صائم ...


لووول..


شصار ياجماعة الخير مع الترقيات فيه خبر جديد ولاشي؟

أفيدونا أفادكم الله..

..

[s o s o]

شصار ياجماعة الخير مع الترقيات فيه خبر جديد ولاشي؟

أفيدونا أفادكم الله..

..


نفس السؤال

[ثرية]

فيه ترقيات وبتكون بأثر رجعي

وفيه ترقيات بتنزل 1-11

وفيه ترقيات بتنزل 1-4

[qatari1]

فيه ترقيات وبتكون بأثر رجعي

وفيه ترقيات بتنزل 1-11

وفيه ترقيات بتنزل 1-4

هل من تفاصيل لنستفيد جميعاً؟!

[عليان قطر]

وأنا صائم صدقت

:nice::nice:

يا الغالي
اعرف واحد مجموع ما يتقاضي في الشهر ( 30.000 الف ريال) وربما اكثر
وتعال قص منه ريال واحد
مستعد
يثور عليك

من الجنسيه ,,,,, ال

[alphaqatar]

ويستمر مسلسل قانون الموارد البشريه في الأستمرار

وان شاءلله يخلص المسلسل على خير

[عليان قطر]

نتمنى يا الغالي
واحتمال بعد العيد

[محمد2]

انا مستغرب اي قانون فيه مضرة يطبقونة اول شي علي القطري الفقير المسكين .يعني الحين قانون الموارد البشرية الجديد طبقوا على القطريين من 1/4/2009 وقصوهم قص . وبعد ما ظهر قانون الموارد البشرية للأجانب وبعدهم منعمين .

واذا ظهر قانون فيه خير اوبعض ألأمتيازات على طول يطبقونة على ألأجنبي وخلوا القطري. اي ليش هالتفرقة ؟؟؟؟؟؟؟؟؟؟؟؟؟؟ هل لأن ألأجنبي وراه حقوق ألأنسان . ترى حتى القطري وراه دعوه مستجابة ان شاالله من غير حجاب بينه وبين ربه ودعوة المظلوم مستجابة ان شاالله.

[ابوفايز]

الصبر جميل

[مريش]

غير قانون العسكريه مافي

تعرف من دخلت شلك وشعليك

وانا ترقيتي السنه اليايه :(
حرام تروح عليي

[عليان قطر]

انا مستغرب اي قانون فيه مضرة يطبقونة اول شي علي القطري الفقير المسكين .يعني الحين قانون الموارد البشرية الجديد طبقوا على القطريين من 1/4/2009 وقصوهم قص . وبعد ما ظهر قانون الموارد البشرية للأجانب وبعدهم منعمين .

واذا ظهر قانون فيه خير اوبعض ألأمتيازات على طول يطبقونة على ألأجنبي وخلوا القطري. اي ليش هالتفرقة ؟؟؟؟؟؟؟؟؟؟؟؟؟؟ هل لأن ألأجنبي وراه حقوق ألأنسان . ترى حتى القطري وراه دعوه مستجابة ان شاالله من غير حجاب بينه وبين ربه ودعوة المظلوم مستجابة ان شاالله.

الاجنبي يا طويل العمر
يروح محطة البترول
ويعبي ب 20 ريال
وياخذ فاتوره
ويوديها الشغل وياخذ فلوسها

وراتبه 70.000
دون امتيازات

[alphaqatar]

من الي نص قانون الموارد البشريه ؟؟؟؟

والسؤال جوابه عارفينه

مايحتاج تستغربون ليش الأجنبي ماخذ كل حقوقه

[إعلامي قطر]

فيه ترقيات وبتكون بأثر رجعي

وفيه ترقيات بتنزل 1-11

وفيه ترقيات بتنزل 1-4



وبتنزل من نفسها ولا لازم نطلع لها :anger1:


شغلي كلمتهم مره يقولون اكتب مره يقولون لاتكتب شالسالفه؟!

أخاف يعدي شهر11 ويقولون لي الطيور طارت بأرزاقها !!

شنهي الخطوات السليمه وإللي أضمن حقي فيها ياموظفي
الموارد البشريه أفيدونا بالتفصيل الممل لو سمحتوا ؟؟؟؟

..

[الجنوبي]

انا مستحق ترقيه شهر 12 الجاي
هل بيحسبونها بأثر رجعي
ولا من اول ابريل مثل ماسمعنا

[عليان قطر]

حنا في الانتظار

[السهم الملتهب]

ماهي الدرجة المالية لرئيس الوحدة الحاصل على درجة البكالوريوس ولدية خبرة في مجال
عمله 4 سنوات

وذلك حسب تصنيف وتوصيف وترتيب الوظائف العامة المنشورة مؤخرا في جريدة الراية

يليت حد يفيدنا

وجزاكم الله خير

[البحار00]

اظاهر بينزلون قانون للاجانب يبرد خاطرهم

[عليان قطر]

اظاهر بينزلون قانون للاجانب يبرد خاطرهم

اسمع قانون الزياده

يعني اللي ياخذ ( 200.000 الف )
راح يكون بعد التعديل ( 270.000)

:nice::nice:

[qatari1]

أخي عليان وباقي الأخوة...

الرجاء عدم تحويل الموضوع إلى دردشة، وردود غير مفيدة.

[قطري فلته]

لو صج يا عليان زود الاجانب

بيكون اول اقطري ارتكب جريمه بحرقه مديري حراق

[عليان قطر]

أخي عليان وباقي الأخوة...

الرجاء عدم تحويل الموضوع إلى دردشة، وردود غير مفيدة.


ان شاء الله
تامر يا الغالي
وصباحك ورد
:nice:

[عليان قطر]

[color="blue"][size="5"][b][quote=قطري فلته;4765598]لو صج يا عليان زود الاجانب

بيكون اول اقطري ارتكب جريمه بحرقه مديري حراق[%

[إعلامي قطر]

ماهي الدرجة المالية لرئيس الوحدة الحاصل على درجة البكالوريوس ولدية خبرة في مجال
عمله 4 سنوات

وذلك حسب تصنيف وتوصيف وترتيب الوظائف العامة المنشورة مؤخرا في جريدة الراية

يليت حد يفيدنا

وجزاكم الله خير


أخوي على حد علمي رئيس الوحده ماله شي معين..

ممكن مسؤولك المباشر يطالب لك ببدلات شهريه ومكافئات سنويه وهذي
موجوده بالقانون الجديد وإذا ماخاب ظني حتى العلاوه الإشرافيه ماتقدر
تستلمها لأنها لرئيس القسم ومافوق..

تقدر تقول رئيس الوحده مسمى داخلي لا أكثر وفيه جهات ماتعترف
بهالشي أصلاً مثلاً بجهة عملي والقسم إللي آنا فيه عندنا تقريباً 5
وحدات وكل وحده فيها أكثر من 3 موظفين ومع ذلك مافي ولا
رئيس وحده فقط رئيس قسم فوق كل هالموظفين والوحدات..

بالتوفيق إن شاء الله..

..

[إعلامي قطر]

اللي وضع القانون
( مصريين من ضمن اللجنه )
كما تبين في برنامج وطني الحبيب صباح الخير
بس بطريقة غير مباشره



أخوي بغض النظر عن جنسية من وضع القانون فالواضح
إنهم مسيرين لا مخيرين والعيب فينا إحنا مب فيهم وأعتقد قصدي مفهوم.. :telephone:

..

[عليان قطر]

جدا وواضح يا الغالي

[السهم الملتهب]

أخوي على حد علمي رئيس الوحده ماله شي معين..

ممكن مسؤولك المباشر يطالب لك ببدلات شهريه ومكافئات سنويه وهذي
موجوده بالقانون الجديد وإذا ماخاب ظني حتى العلاوه الإشرافيه ماتقدر
تستلمها لأنها لرئيس القسم ومافوق..

تقدر تقول رئيس الوحده مسمى داخلي لا أكثر وفيه جهات ماتعترف
بهالشي أصلاً مثلاً بجهة عملي والقسم إللي آنا فيه عندنا تقريباً 5
وحدات وكل وحده فيها أكثر من 3 موظفين ومع ذلك مافي ولا
رئيس وحده فقط رئيس قسم فوق كل هالموظفين والوحدات..

بالتوفيق إن شاء الله..

..


رئيس الوحدة يستحق الدرجة الرابعة حسب توصيف وتصنيف الوظائف العامة المنشور موخرا في جريدة العرب

أما مدير الأدارة يستحق الدرجة الاولى

أما مساعد المدير يستحق الدرجة الثانية

أما رئيس القسم يستحق الدرجة الثالثة

أما رئيس الوحدة يستحق الدرجة الرابعة

فقد حصلت على النسخة سأحاول أنقل لكم أن شاء الله الخبر المنشور في جريدة العرب خلال اليومين القادميين علما بأن عدد الصفحات 4 فيها المدة البينية والمدة الكلية والدرجات المالية والمسميات الوظيفية المقابلة لها

وقد ركزت على المسميات الوظيفية والدرجات المالية المقابة لها
:nice::nice:

[إعلامي قطر]

رئيس الوحدة يستحق الدرجة الرابعة حسب توصيف وتصنيف الوظائف العامة المنشور موخرا في جريدة العرب

أما مدير الأدارة يستحق الدرجة الاولى

أما مساعد المدير يستحق الدرجة الثانية

أما رئيس القسم يستحق الدرجة الثالثة

أما رئيس الوحدة يستحق الدرجة الرابعة

فقد حصلت على النسخة سأحاول أنقل لكم أن شاء الله الخبر المنشور في جريدة العرب خلال اليومين القادميين علما بأن عدد الصفحات 4 فيها المدة البينية والمدة الكلية والدرجات المالية والمسميات الوظيفية المقابلة لها

وقد ركزت على المسميات الوظيفية والدرجات المالية المقابة لها
:nice::nice:


أخوي إللي يجيب ماجستير يعطونه السادسه بالقانون الجديد !!

ودكتوراه أظن الخامسه !!


فيه لبس حاصل أخوي معاك؟؟؟ :omg:

..