ما رأيكم في هذه الفتاة

[المخفي]

بيشه ( الأولى ) على الأحمري :

أذهلت فتاة لم تبلغ العشرين من عمرها زائراً قدم من الرياض بصحبة إبنه للقاء والدها الذي تربطه به علاقة قديمة وفي التفاصيل أن شاب ووالده قدما إلى منطقة عسير مع أسرتهما لقضاء الإجازة الصيفية في مدينة أبها وأثناء تواجد الأب بالمنطقة الجنوبية أحب أن يجدد العهد بأحد أصدقاء الدراسة والعمل ممن كان معه بالرياض وإنتقل إلى بيشة منذ سنوات عديدة فقام بالبحث عن هذا الزميل القديم وأعاد الإتصال ببعض الأصدقاء المشتركين بالرياض حتى توصل لبلدته وإن كان لم يعثر له على أرقام هواتف فقرر أن يذهب إليه ويفاجئه بالزيارة وفعلا ذهب إليه في بلدته فأشاروا عليه بأن له بيتين أحدهما بالبادية وآخر بالبلدة وأن لديه أعدداً كبيرة من الإبل والأغنام ورافقه أحد الأولاد ليدله على بيته في البادية حتى وصلوا لبيوت الشعر الخاصة به فلما سألوا عنه لم يجدوه فهموا بالإستئذان والعودة من حيث أتوا قبل أن تصر إبنته على أن ينتظروه وألحت عليهم في ذلك لتفاجهم بعد أقل من ربع ساعة بدخولها عليهم بسكين تقطر دماً وتخبرهم أن غداهم على النار قبل أن يعود والدها ويجد ضيوفه وقد أسقط في ايديهم عندما علموا بأنها من قام بذبح الذبائح ويقوم بالتجهيز لطبخها في حين أن الوالد لم يذبح ذبيحة بيده منذ أكثر من 17 عاما فيما لايحسن الشاب الجامعي الذبح .
الوالد عرض على أبنه أن يخطب له ( الأجودية ) إلا أن الشاب رفض الفكرة وقال بالرغم من إعجابه بتصرفها إلا أن ( إستايلها ) مايركب مع ( إستايله ) ....


ما رأيكم هل هذه الفتاة تصلح للزواج

[Northman]

مافي بنت ماتصلح للزواج
بحكم انها في البدايه فهذه سنعهم
بذمك
كم واحد الحين يذبح ذبيحته في البيت؟؟
الزواج توافيق مو معناته ان تصرف البنت نشميى لازم تكافئ بالزواج
في امور ثانيه الزواج مو موقف واحد

افرض الصبي وافق البنت ارفضت؟؟ >>>>>>>>>قالت اصلع هههههههههههههه

[تحداني]

.. مساء الخير اخي الفاضل ..

من يقرر انها تصلح للزواج بها
او لا تصلح هو الطرف الآخر ..

اي الرجل الذي يريد الارتباط بها ..
لان وقتها سيرى ما يتناسب مع نفسه وما لا يتناسب مع ميوله ..

بمعنى قدر ترى فتاه طباخه من الطراز الاول .. (..وتعجب المختفي ..)
وقد ترى ( تحداني الزمن ) نفس الفتاه ..
ولكنها لا تصلح للارتباط بأخيها ..

السبب هو ..
ان المختفي يريد ( امراه تجيد الطبخ ) وباقي الامور لا يهم ..

اما اخو( تحداني الزمن) .. يريد فتاه لها طموحات ..
واهداف .. تتكلم بطريقه معينه ..ترسم امنيات ..
تشارك زوجها في الافكار ..
( ولامانع ان تطبخ خفايف ..
وتحشي السمبوسه .. وعجينه جاهزه تشكلها بالخضار ..:) )


ما رأيك اخي الفاضل ؟؟

الله يسعدك يارب :)

[bshayer]

تصر إبنته على أن ينتظروه وألحت عليهم في ذلك لتفاجهم بعد أقل من ربع ساعة بدخولها عليهم بسكين تقطر دماً وتخبرهم أن غداهم على النار قبل أن يعود والدها ويجد ضيوفه وقد أسقط في ايديهم عندما علموا بأنها من قام بذبح الذبائح ويقوم بالتجهيز لطبخها في حين أن الوالد لم يذبح ذبيحة بيده منذ أكثر من 17 عاما فيما لايحسن الشاب الجامعي الذبح .

ياقوى قلبها اشلون تذبح وتصلخ الذبيحه ..:eek5:
ماتجيها كوابيس رعب ..:rolleyes2:

..............

اما بخصوص الزواج فهو قناعه بين الطرفين ..
اما انها تصلح اكيد تصلح للزواج لكن الرجال هل بيوافق او لا ..وهي بعد بتوافق عليه وله لا ..!!!

[عابر سبيل]

اخوي المخفي...
القصة الصحفية حلوة و مشوقة...

بس المسألة في التكافؤ بين الزوجين...
و هاي مسألة تعتمد كثيرا على اعراف كل بيأة و مجتمع.

لو تفكرت في مجتمعنا....اصلا ان تستقبل البنت لضيوف
عند الباب...هاي مدري...شبه معدوم ولا مستحيل..
يعني اذا ما فيه ريال و لا حد من الخدم او لعيال الصغار في البيت..
ما شوف ان اي حد يرضى ان الحريم تطلع تستقبل اي ضيف جاي على غفله...
ولا حتى الضيف نفسه!.

و بعدين....مسألة الذبح....
هاي شكلها اللي عاجبتك في القصة...
اليوم ناس تخاف تمسك " مدقي" حي...
ايرفرف و يتحرك في ايدينهم...
تبيهم "ايحللونه" و ايملشونه...
بيغمى عليهم..
اشلون عاد بذبيحه.... ياااهي مصيبة!.

خل البنات ايسوون بيض و طماط و لا حتى شاي كرك عدل...
بعدين نشوف من بتطبخ لها مجبوس و لا محشي كوسه..

طلبك شبه مستحيل.....تبي الوحده تذبح ذبيحه...
اول من بتذبحه الذيخ العود اللي اسمه "عريس المستقبل"
بس بطلبات ما قبل الخطوبه...
و التعليقه يوم الخطوبه من ريوله...

و السلخ التام ايكون يوم الحنة...و العشى
على عيش و المعرس..يوم العرس او الدخله!

تسللللللم

[واقعي وصريح]

الا كفو

[جاكم الأعصار]

اخوي المخفي...
القصة الصحفية حلوة و مشوقة...

بس المسألة في التكافؤ بين الزوجين...
و هاي مسألة تعتمد كثيرا على اعراف كل بيأة و مجتمع.

لو تفكرت في مجتمعنا....اصلا ان تستقبل البنت لضيوف
عند الباب...هاي مدري...شبه معدوم ولا مستحيل..
يعني اذا ما فيه ريال و لا حد من الخدم او لعيال الصغار في البيت..
ما شوف ان اي حد يرضى ان الحريم تطلع تستقبل اي ضيف جاي على غفله...
ولا حتى الضيف نفسه!.

و بعدين....مسألة الذبح....
هاي شكلها اللي عاجبتك في القصة...
اليوم ناس تخاف تمسك " مدقي" حي...
ايرفرف و يتحرك في ايدينهم...
تبيهم "ايحللونه" و ايملشونه...
بيغمى عليهم..
اشلون عاد بذبيحه.... ياااهي مصيبة!.

خل البنات ايسوون بيض و طماط و لا حتى شاي كرك عدل...
بعدين نشوف من بتطبخ لها مجبوس و لا محشي كوسه..

طلبك شبه مستحيل.....تبي الوحده تذبح ذبيحه...
اول من بتذبحه الذيخ العود اللي اسمه "عريس المستقبل"
بس بطلبات ما قبل الخطوبه...
و التعليقه يوم الخطوبه من ريوله...

و السلخ التام ايكون يوم الحنة...و العشى
على عيش و المعرس..يوم العرس او الدخله!

تسللللللم

بداية كلامك عدل بس عقب قمت اتخبط ههههههه
انا اقول البنت اللي تذبح الذبيحه بنفسها وتطبخ فهذا شي طيب خاصه في ذيك الاجواء وطبيعه الحياه ،لكن مستحيل تكون فيها رقه وانوثه اللي يحبونها الحضر..ولا تعرف تحط مناكير ولا تسوي تسريحات هذي حياتها حياه بدوان وابعد ماتكون عن الموضه والاهتمام بنفسها ..
مع احترامي لربعنا البدو ..بس طبيعه حياتهم قاسيه ..والجامعي مفتح عيونه على التطور والحضاره وكشخه بنات هالزمن..
اما بخصوص البيض والطماط الكل يعرف يسويه ..والبنت اذا تبي تتعلم الطبخ المفروض اهلها يرغبونها بهالشي وباسلوب محبب ومافيه نقد وتلويع واستفزاز..واغلب البنات يدشون المطبخ بس بمزاج لما تكون الوحده حابه تسوي طبق معين ..وسالفه ان البنات في هالزمن مايعرفون يطبخون هذا كلام مغلوط ومجرد اشاعات ..بالعكس البنات في هالزمن يعرفون يطبخون وحتى احنا الشباب بعد الكل صار له مزاج وذوق في الطباخ من الجنسين ..اما سالفه البنات يالله يالله يسوون بيض وطماط هذا كلام مال اول قددددددددددددديم ومايورد الا غبار ههههههه

[غيمة مطر]

خلنا واقعيين وبدون هالمثاليه الزايده

الحين البنت اللي تمسك الخروف وتذبحه ... (( تتوقعون تحط عطر ديور وروج شانيل؟؟))

تعرف تطبخ وسنعه خير وبركه بس بهالزمن ... ماعاد يفيد مره تطبخ وبس

قبل ايام ابهاتنا كان تفكير الرجال على قده والمره كذالك

بس الحين التفكير اختلف ... الشاب يجي متعلم ومفتح ويبي انسانه تشاركه افكاره وطموحاته ..
تسنده بالراي الصح ... تفكر له ومعاه ...

انسانه يشوفها كاشخه له متعطره ... ناعمه بالكلام والدلع ...(( مب بس تزيغ عيونه بهالفضائيات والمجمعات))

الشاب الحين مب همه في بطنه( مادري لين متى بيكون هذا تفكيركم بمستوى عقل الشاب هههههههههه) >>>> اذا تعرف تطبخ باخذها ماتعرف بخليها .... شدعوه شالتفكير هههههههههههههههههههههه :rolleyes2:

اعتقد التناسب يجي اولا ... من مستوى التعليم ... مستوى التفكير ... نفس الطبقه الاجتماعيه ... ولاننسى تغني الرجال عن الحرام وانه ما يطالع يمين ويسار


واللي مكرش وهمه في اكله >>> يروح ياخذ طباخه ابرك :tease:

[OTOsan]

افرض الصبي وافق البنت ارفضت؟؟ >>>>>>>>>قالت اصلع هههههههههههههه

هههههههههه حلوه منك يانورثمان ..


الموضوع موضوع توافق .. وكما قيل في نهاية القصة فان الابن قد رفض الزواج منها لانها ليست من (ستايله) :)

ولكنني استغرب من اللواتي يرين ان الطبخ ليس من الامور المهمة للزواج .. وان التزين والدلع اهم .. لا ادري ما المانع في ان تجمع الاثنين معا .. ام انها لا تستطيع ..؟؟

[غيمة مطر]

هههههههههه حلوه منك يانورثمان ..


الموضوع موضوع توافق .. وكما قيل في نهاية القصة فان الابن قد رفض الزواج منها لانها ليست من (ستايله) :)

ولكنني استغرب من اللواتي يرين ان الطبخ ليس من الامور المهمة للزواج .. وان التزين والدلع اهم .. لا ادري ما المانع في ان تجمع الاثنين معا .. ام انها لا تستطيع ..؟؟

ماقلنا الطبخ شي مو مهم ...
بهالزمن صار التعدل والتكشخ اهم هذا شي

الشي الثاني الحين مستحيل مافي بنت ماتعرف تطبخ ... واللي ماتعرف الله مكثر الكتب تقرا لها اي كتاب طبخ وتطبخ

وطبعا التزين والدلع >>> تتعلمه اهم من انها تتعلم >> الطبخ

الطبخ مردهم بياكلون من يد الشغاله او الطباخ ... لكن التعدل والتكشخ >>> يروح الريال يشوف الفضائيات والا المجمعات ..؟؟؟

الطبخ شي ممكن البنت تتعلمه قبل او بعد الزواج بس اللي ماتعلمت على الكشخه مستحيل تكشخ بتم بخلاقينها باقي العمر

وارجع واقول ( الشاب الحين يبي وحده تناسب تفكيره وترضي عينه وبعدين اخر شي يفكر ببطنه )

[رجل شجاع]

اشهد بالله انها تنخطب

ياخذ ولدها الجيد من خواله

[OTOsan]

ماقلنا الطبخ شي مو مهم ...
بهالزمن صار التعدل والتكشخ اهم هذا شي

الشي الثاني الحين مستحيل مافي بنت ماتعرف تطبخ ... واللي ماتعرف الله مكثر الكتب تقرا لها اي كتاب طبخ وتطبخ

وطبعا التزين والدلع >>> تتعلمه اهم من انها تتعلم >> الطبخ

الطبخ مردهم بياكلون من يد الشغاله او الطباخ ... لكن التعدل والتكشخ >>> يروح الريال يشوف الفضائيات والا المجمعات ..؟؟؟

الطبخ شي ممكن البنت تتعلمه قبل او بعد الزواج بس اللي ماتعلمت على الكشخه مستحيل تكشخ بتم بخلاقينها باقي العمر

وارجع واقول ( الشاب الحين يبي وحده تناسب تفكيره وترضي عينه وبعدين اخر شي يفكر ببطنه )


المسالة ليست مسالة طبخ .. بقدر ماهي مسالة اهتمام !!

الرجل عندما ياكل مما تطبخه زوجته ليس همه (بطنه) .. وانما يهمه اليد التي طبخته والتي تدل على تقديره وبذل مجهود من اجل ارضاءه ..

وبعدين يا اختي غيمة .. من قال ان التي لم (تكشخ) قبل .. لن ( تكشخ ) بعد ، التزين كذلك له كتبه ومدارسه .. كالطبخ تماما !!


لم اعترض على الزينه بقدر ما اردت ان اسال ( وما المانع ان تمتلك الاثنين ) ؟؟

ولا المطبخ .. مب شي .. ريحته بيض !!

[منهم وفيهم]

خلنا واقعيين وبدون هالمثاليه الزايده

الحين البنت اللي تمسك الخروف وتذبحه ... (( تتوقعون تحط عطر ديور وروج شانيل؟؟))
تعرف تطبخ وسنعه خير وبركه بس بهالزمن ... ماعاد يفيد مره تطبخ وبس

قبل ايام ابهاتنا كان تفكير الرجال على قده والمره كذالك

بس الحين التفكير اختلف ... الشاب يجي متعلم ومفتح ويبي انسانه تشاركه افكاره وطموحاته ..
تسنده بالراي الصح ... تفكر له ومعاه ...

انسانه يشوفها كاشخه له متعطره ... ناعمه بالكلام والدلع ...(( مب بس تزيغ عيونه بهالفضائيات والمجمعات))

الشاب الحين مب همه في بطنه( مادري لين متى بيكون هذا تفكيركم بمستوى عقل الشاب هههههههههه) >>>> اذا تعرف تطبخ باخذها ماتعرف بخليها .... شدعوه شالتفكير هههههههههههههههههههههه :rolleyes2:

اعتقد التناسب يجي اولا ... من مستوى التعليم ... مستوى التفكير ... نفس الطبقه الاجتماعيه ... ولاننسى تغني الرجال عن الحرام وانه ما يطالع يمين ويسار


واللي مكرش وهمه في اكله >>> يروح ياخذ طباخه ابرك :tease:


أشكر اخوي طارح الموضوع وبصراحه ماعندي تعليق عليه بس شدني رد غيمة مطر وحبيت اجاوب على كلامها وأكون واقعيه بعيده عن المثاليات أختي أحدى قريباتي من أهل الرياض عمرها 23 سنه ومتخرجه من معهد تجميل وماشالله عليها طلب من العرايس لبراعتها بالميك آب والشعر ...يعني تعرف الماركات اللي ذكرتيها بس يالغاليه هي اللي تذبح ضحية العيد عاااااادي في ناس هذا سنعهم مايمنع انها تعرف تطبخ وفي نفس الوقت تعرف تتأنق :)
تحياتي

[غيمة مطر]

المسالة ليست مسالة طبخ .. بقدر ماهي مسالة اهتمام !!

الرجل عندما ياكل مما تطبخه زوجته ليس همه (بطنه) .. وانما يهمه اليد التي طبخته والتي تدل على تقديره وبذل مجهود من اجل ارضاءه ..

وبعدين يا اختي غيمة .. من قال ان التي لم (تكشخ) قبل .. لن ( تكشخ ) بعد ، التزين كذلك له كتبه ومدارسه .. كالطبخ تماما !!


لم اعترض على الزينه بقدر ما اردت ان اسال ( وما المانع ان تمتلك الاثنين ) ؟؟

ولا المطبخ .. مب شي .. ريحته بيض !!


مو شرط ان المره اللي تقدر زوجها تطبخ له @@

ياما حريم مايعرفون يسوون بيض وطمام بس شاركو ازواجهم في كل شي

سواء بالتفكير او بالمال او بكثير من الاشياء

يعني المرأه لما تقعد في البيت وتربي عيالها تربيه صالحه .. وتصون البيت واهل الزوج وتحافظ على زوجها وسمعته وحلاله ... هذا مايعتبر مجهود ؟؟؟

المرأه العامله لما تطلع للعمل لين الظهر وترجع تحط الغدا وتدرس العيال .. وتشوف حاجاتهم وتسبحهم وتعشيهم وووووو....

هذا مو مجهود ...

المراه اللي تعطي زوجها راتبها كامل وتقول له حلالك يابوعيالي سدد فيه ديونك والا عط الشغاله راتبها والا عط السايق راتبه والا سو لنا فيه بيت والا ادفع قسط السياره ... ماتعتبر تضحيه؟؟؟


يعني بس المجهود بالطبخ ههههههههه ؟؟!!!!! شدعوه لين الحين عندنا هالعقليات؟؟

معظم البيوت حاليا ماتطبخ فيه راعية البيت وبيوت عايشين بقمة السعاده ...

وعادي البنت تجمع بين التعدل والطبخ ... مافيها شي

بس اعتراضي على اللي مالتفتو للبنت بشي الا طباخها ... مو بهالشي يتقاس المرأه ولا بهالشي يفكر الشاب

الا في عقول سنه 1900 يمكن

[غيمة مطر]

أشكر اخوي طارح الموضوع وبصراحه ماعندي تعليق عليه بس شدني رد غيمة مطر وحبيت اجاوب على كلامها وأكون واقعيه بعيده عن المثاليات أختي أحدى قريباتي من أهل الرياض عمرها 23 سنه ومتخرجه من معهد تجميل وماشالله عليها طلب من العرايس لبراعتها بالميك آب والشعر ...يعني تعرف الماركات اللي ذكرتيها بس يالغاليه هي اللي تذبح ضحية العيد عاااااادي في ناس هذا سنعهم مايمنع انها تعرف تطبخ وفي نفس الوقت تعرف تتأنق :)
تحياتي


تذبح ذبااايح ... وتتأنق ... :eek5:

قويه ودي اصدق ...


يمكن 1 في المليون اللي طلعت منهم هالوحده من قريباتج

الحين الشباب وهم شباب يستصعب عليهم الامر ... ومعروف ذبح الذابيح للرجال مو للانااث

وحلاة الانثى تكون انثى وتبتعد عن اشغال الرجال ... اليوم تذبح ذبايح باجر بترصف الشوارع

[منهم وفيهم]

تذبح ذبااايح ... وتتأنق ... :eek5:

قويه ودي اصدق ...


يمكن 1 في المليون اللي طلعت منهم هالوحده من قريباتج

الحين الشباب وهم شباب يستصعب عليهم الامر ... ومعروف ذبح الذابيح للرجال مو للانااث

وحلاة الانثى تكون انثى وتبتعد عن اشغال الرجال ... اليوم تذبح ذبايح باجر بترصف الشوارع





لحد الحين 2 بالمليون قريبتي والبنت اللي بالموضوع :victory:صدقتي ماصدقتي براحتج حبيبتي مافي شي يحدني عالجذب يالغاليه:)
كل بلاد وسنعها دمتي بود:)

[غيمة مطر]

لحد الحين 2 بالمليون قريبتي والبنت اللي بالموضوع :victory:صدقتي ماصدقتي براحتج حبيبتي مافي شي يحدني عالجذب يالغاليه:)
كل بلاد وسنعها دمتي بود:)

وش دراج عن البنت اللي بالموضوع انها تتانق ؟؟؟:secret:

مو قال الشاب هذي مو ستاااايل ومو ستايلي >>>> يعني مو ستايل البنات المتأنقات :victory::victory:

[OTOsan]

بس اعتراضي على اللي مالتفتو للبنت بشي الا طباخها ... مو بهالشي يتقاس المرأه ولا بهالشي يفكر الشاب

الا في عقول سنه 1900 يمكن


مو شرط ان المره اللي تقدر زوجها تطبخ له @@

ياما حريم مايعرفون يسوون بيض وطمام بس شاركو ازواجهم في كل شي

سواء بالتفكير او بالمال او بكثير من الاشياء

يعني المرأه لما تقعد في البيت وتربي عيالها تربيه صالحه .. وتصون البيت واهل الزوج وتحافظ على زوجها وسمعته وحلاله ... هذا مايعتبر مجهود ؟؟؟

المرأه العامله لما تطلع للعمل لين الظهر وترجع تحط الغدا وتدرس العيال .. وتشوف حاجاتهم وتسبحهم وتعشيهم وووووو....

هذا مو مجهود ...

المراه اللي تعطي زوجها راتبها كامل وتقول له حلالك يابوعيالي سدد فيه ديونك والا عط الشغاله راتبها والا عط السايق راتبه والا سو لنا فيه بيت والا ادفع قسط السياره ... ماتعتبر تضحيه؟؟؟


يعني بس المجهود بالطبخ ههههههههه ؟؟!!!!! شدعوه لين الحين عندنا هالعقليات؟؟

معظم البيوت حاليا ماتطبخ فيه راعية البيت وبيوت عايشين بقمة السعاده ...

وعادي البنت تجمع بين التعدل والطبخ ... مافيها شي

بس اعتراضي على اللي مالتفتو للبنت بشي الا طباخها ... مو بهالشي يتقاس المرأه ولا بهالشي يفكر الشاب

الا في عقول سنه 1900 يمكن

لن التفت لاسلوب التهكم في الرد وساقول باختصار :

ياليت اختي غيمه تشوفين ردج الاول .. وتشوفين كم مره تكرر عندج جذر كلمة (ط - ب - خ) ..مطبخ ..طباخ ..يطبخ ..بطيخ !!

ماكنا نتناقش فيه كان في حدود هذا الجذر .. وماغيره فليس محل نقاش هذا الموضوع ،،

كما انني اسلفت ان (طبخ) المراه يدل على الاهتمام ..كغيره مما ذكرتي ولم نقل انه الشئ الاساسي !! ولا ادري ما الخطأ في ذلك !!

ولكن اود ان اكرر سؤالي .. ياترى ( ما المانع ان تجمع بين الاثنين ) ..؟؟؟

[منهم وفيهم]

وش دراج عن البنت اللي بالموضوع انها تتانق ؟؟؟:secret:

مو قال الشاب هذي مو ستاااايل ومو ستايلي >>>> يعني مو ستايل البنات المتأنقات :victory::victory:


هههههههههه واشدراج انه قصده موستايله لانها مو متأنقه اصلا بالراحه كانت مبرقعه ولا شاف وجهها اذا هو مايعرف يذبح بياخذ وحده تعرف تذبح !!!!!
يمكن من وجهة نظره هذي دفاشه !!!
استمتعت بالسوالف معاج بس اسمحيلي اليوم غايبه عن الشغل بروح اطبخ علشان يمديني أتأنق قبل ردة ماي هازبيند سي يو:)

[غيمة مطر]

هههههههههه واشدراج انه قصده موستايله لانها مو متأنقه اصلا بالراحه كانت مبرقعه ولا شاف وجهها اذا هو مايعرف يذبح بياخذ وحده تعرف تذبح !!!!!
يمكن من وجهة نظره هذي دفاشه !!!
استمتعت بالسوالف معاج بس اسمحيلي اليوم غايبه عن الشغل بروح اطبخ علشان يمديني أتأنق قبل ردة ماي هازبيند سي يو:)

انا بعد استمتعت بالمعلومات الغريبه والجديده

بس سؤال اذا رحتي الدوام من يطبخ ؟!!!!!

[غيمة مطر]

لن التفت لاسلوب التهكم في الرد وساقول باختصار :

ياليت اختي غيمه تشوفين ردج الاول .. وتشوفين كم مره تكرر عندج جذر كلمة (ط - ب - خ) ..مطبخ ..طباخ ..يطبخ ..بطيخ !!

ماكنا نتناقش فيه كان في حدود هذا الجذر .. وماغيره فليس محل نقاش هذا الموضوع ،،

كما انني اسلفت ان (طبخ) المراه يدل على الاهتمام ..كغيره مما ذكرتي ولم نقل انه الشئ الاساسي !! ولا ادري ما الخطأ في ذلك !!

ولكن اود ان اكرر سؤالي .. ياترى ( ما المانع ان تجمع بين الاثنين ) ..؟؟؟


مافهمت سالفة الجذور هذي هههههههههه مادري الجدور

والسؤال جاوبت عليه لااااامانع ان تجمع ... وايضا لاتعتبر شيء رئيسي عشان تجمع به

[فارس الكلمة]

غيمة مطر .. يمكن تكره الطبخ .. و تحب التكشخ و الدلع .. هي حرة ..

لكن البعض يحب الأثنين الطبخ + التكشخ ..

[OTOsan]

مافهمت سالفة الجذور هذي هههههههههه مادري الجدور

والسؤال جاوبت عليه لااااامانع ان تجمع ... وايضا لاتعتبر شيء رئيسي عشان تجمع به

ماشاء الله عليج :)
ماتعرفين الجذور .. ولا الجدور ..؟
بس اكيد تعرفين ..كريستيان ديور .. :)

يعطيج العافيه ،،

[غيمة مطر]

ماشاء الله عليج :)
ماتعرفين الجذور .. ولا الجدور ..؟
بس اكيد تعرفين ..كريستيان ديور .. :)

يعطيج العافيه ،،

omen

اجدت القافيه ..

[ملك البضائع]

يعطيك العافية

[غيمة مطر]

غيمة مطر .. يمكن تكره الطبخ .. و تحب التكشخ و الدلع .. هي حرة ..

لكن البعض يحب الأثنين الطبخ + التكشخ ..

بالعكس اعرف اطبخ واحب اكشخ

لكن اذبح ذبااايح .... ولافي الحلم طبعا:rolleyes2:

[بنت العلي]

انا اشوف ان البنت قلبها قوي مب نفس بنات هالاياااام ...اذا شافوا الصرصور يقلبون الدنيا فوق تحت ...طبعا مب كل البنات....وبدون زعل ...

[منهم وفيهم]

انا بعد استمتعت بالمعلومات الغريبه والجديده

بس سؤال اذا رحتي الدوام من يطبخ ؟!!!!!


هاي رديت لج سويت تبوله وبس الباقي بعدين يمدي:)
شوفي اختي بجاوبج وهذي اخر اجابه علشان الموضوع انقلب سوالف ويسمحلنا صاحب الموضوع ...
انا دايما اللي اطبخ ومب انا بروحي وايد حريم يداومون ويطبخون الوحده اذا رتبت وقتها تقدر تسوي كل شي ..اساسا احنا ماناكل طباخ الخدم وهذا من بيت هلي الخدامه ترتب تنظف تقطع الخضره واليدام بس تطبخ نو نو نو
انا زوجي دوامه شفتات وانا مرتبه اموري حتى ولو داومت السالفه مب صعبه ..
ملاحظه انا رديت على كل اسئلتج بس انتي كنتي تردين عاللي تبين وبس
ملاحظه ثانيه الاختلاف في وجهات النظر شي صحي بس حلو الشخص يحترم وجهة نظر غيره ولا يرد بتهكم ..ولا اذا مااقتنع براي غيره يكذبه ...
احترم رايج اختي غيمه ولكن اسمحيلي لااحترم اسلوبج الساخر في الردود .

[ضوى]

ماشاء الله عليها

خوش مرة

الصراحة حلوة ؟ على فكرة كل الحريم يقومون بالذبح عادي يعني ، مانذبح السمجة اشكبرها الهامورة تجي طولي ونقطعها عادي ، الدجاجة ماتتقطع .. ؟؟ اهم شئ مسكة السجين تكون مضبوطة وشرط تكون حادة ومسنونة عدل ، وشوية ضربة جدوم نكسر العظم

شفتو اشلون الامر عادي ، بعدين يمكن المرة ذبحت طلي صغير والا تويس صغير يعني لازم هرفي اشكبره ؟؟

عابر سبيل شنو يعني مدقي ؟؟؟؟؟

معاكم الجزارة ضوى

لا تعتقدون كلامي فوق تهكم لا والله ، انا فعلا اسوي هالاشياء بس بالمقابل احب الماركات واحب كريستين ديور تحديدا يا اوتوسان !!!

مافي شئ يمنع الجمع ببين الاثنين طبخ وتأنق وين المشكلة ؟؟؟

[فارس الكلمة]

هامورة .. عاد يا ضوى .. :)

بعدين السمك لا يذبح بعد صيده من البحر .. إنما يقطع ..

المدقي .. طائر موسمي ..

[~ نســـايم ~]

ماشاء الله عليها ارجل من وايد شباب ما يذبحون مع انها وظيفتهم !!


وبالعكس لا باس البنت تجمع بين السنع و الـ ( الستايل) ؟؟


وبالعكس هاي تسمى كامله مكمله والكمال لله سبحانه


واختي غيمة مطر اسمحي لي سالفة حريم وما يطبخون ما ينفع :)


المرة ان ردينا لوظيفتها الاساسيه وبدون مكابر ترى وظيفتها تخدم زوجها وعيالها وتطبخ وتنظف البيت وتغسل وبعيد عن بهارات هذا الجيل الزايد دلعه ,,


و ما اكثر الحريم اللي يجمعون ما بين الستايل المودرن وبين الطبخ و بالعكس هذا اقرب لقلب الرجل اما من ينادي بقول ان رجال هالزمان صاروا ما يهتمون ببطونهم لا بالعكس عددهم قليل والغالبية يحبون البنت اللي تكون مدبرة منزل طراز اول وحتى اهله يحترمونها للغايه وتدخل قلوبهم بسرعه خصوصا لو كانت تجمع ما بين الامرين السنع + الاناقه


و اذا نبي نعرف هالشي صحيح او لا كاهم رجال المنتدى موجودين و خلن نسالهم في رايكم هل تفضلون المراه الانيقه وفي نفس الوقت تجيد الطبخ والامور المنزليه ام لا يهمكم الا فقط الاناقه ؟؟

ولا قصور على اللي ما يعرفون الطبخ ولكن ضروري البنت تتعلم ما خلقت لاجله :)

[OTOsan]

انا فعلا اسوي هالاشياء بس بالمقابل احب الماركات واحب كريستين ديور تحديدا يا اوتوسان !!!



هو لو كريستيان ديور صمم له كمن سكين وقدر ..وبالمره (فرن) .. كان انحلت ازمة المطابخ المهجورة من قبل بعض الزوجات :)

[تحداني]

.. سوالف الحريم حلوه ... :)

أحب الأثنين .. وأحب الجمع بينهما ..
بس ما اعرف أطبخ .. جربت كل الطرق ..
مشاهده البرامج .. ملازمه الوالده في المطبخ ..
شراء الكتب .. اتباع كل الخطوات بحذافيرها ..

لكن ابد ا.. غبيه وفاشله في الطبخ ..
وما اعرف متى اتسنع .. واعرف اطبخ ..

ودخولي للمطبج ..لا اجني من وراءه ..سوى
معاير .. والضحك علي ..وبهدله الدنيا .. وخساير ..


بس لازم اتعلم ..

الطبخ ليس بقنبله نوويه ..
يوما ما سأتعلم ..


الله يسعدكم يارب :)

[تحداني]

.. أين انت ايها ( المخفي ) .. ؟؟
تعال وشاهد ماذا يحصل هنا ..

:)

إنهم بدأوا يتهاوشون .. وأختلطت بعض المفاهيم ..
وأختنا ضوى قلبت الحابل فوق النابل ..
واتوسان يعيب علينه ..بالكريستان ديور ..

[ضوى]

هامورة .. عاد يا ضوى .. :)

بعدين السمك لا يذبح بعد صيده من البحر .. إنما يقطع ..

المدقي .. طائر موسمي ..



لزوم السجع ياخوي فارس :(

تصدق عاد السمج يجيني يلبط والله ويبطل حلجه بعد :rolleyes2: ، والقباقب تبط الجبد حتي وهي في الجدر تنطبخ تتحرك:(

شكرا عالمعلومة الجديدة بالنسبة لي :)

[ضوى]

هو لو كريستيان ديور صمم له كمن سكين وقدر ..وبالمره (فرن) .. كان انحلت ازمة المطابخ المهجورة من قبل بعض الزوجات :)



ههههههههه

بالنسبة لي احب الماركات في السكاكين والملاعق والجدور ، احب ماركة برستيج كثييييييييييييييير ، دور عليها بتلقى صج برستيج يعني مافي ازمة ماركات :rolleyes2:

[ضوى]

.. أين انت ايها ( المخفي ) .. ؟؟
تعال وشاهد ماذا يحصل هنا ..

:)

إنهم بدأوا يتهاوشون .. وأختلطت بعض المفاهيم ..
وأختنا ضوى قلبت الحابل فوق النابل ..
واتوسان يعيب علينه ..بالكريستان ديور ..




:tease::tease::tease:

لزوم الاكشن يا غاليتي :)

[ضوى]

.. سوالف الحريم حلوه ... :)

أحب الأثنين .. وأحب الجمع بينهما ..
بس ما اعرف أطبخ .. جربت كل الطرق ..
مشاهده البرامج .. ملازمه الوالده في المطبخ ..
شراء الكتب .. اتباع كل الخطوات بحذافيرها ..

لكن ابد ا.. غبيه وفاشله في الطبخ ..
وما اعرف متى اتسنع .. واعرف اطبخ ..

ودخولي للمطبج ..لا اجني من وراءه ..سوى
معاير .. والضحك علي ..وبهدله الدنيا .. وخساير ..


بس لازم اتعلم ..

الطبخ ليس بقنبله نوويه ..
يوما ما سأتعلم ..


الله يسعدكم يارب :)


تدرين يا غاليتي كم مرة عفست البطحة في المطبخ ، مرررررررررررررررررررررررررات لا تحصى ولا تعد على مدار العشرين سنة زواج ، ولكن زوجي ولا عمره قال لي الاكل مو حلو مع انه مو حلو وماينبلع ، بس عمره ماجرحني وقالي ماتعرفين تطبخين وهالشئ خلاني اتمسك في تعلم الطبخ عشانه هو بس والحمد لله صار نفسي خلو في الطبخ صج احيانا اخورها وفي الاخير ببطونهم بس معليه مو كل مرة تصيب :secret:

[تحداني]

:tease::tease::tease:

لزوم الاكشن يا غاليتي :)


.. كنا محتاجين شئ من هذا الأكشن..
.. يا عزيزتي ..
:) ..

الله يسعدك يارب

[تحداني]

تدرين يا غاليتي كم مرة عفست البطحة في المطبخ ، مرررررررررررررررررررررررررات لا تحصى ولا تعد على مدار العشرين سنة زواج ، ولكن زوجي ولا عمره قال لي الاكل مو حلو مع انه مو حلو وماينبلع ، بس عمره ماجرحني وقالي ماتعرفين تطبخين وهالشئ خلاني اتمسك في تعلم الطبخ عشانه هو بس والحمد لله صار نفسي خلو في الطبخ صج احيانا اخورها وفي الاخير ببطونهم بس معليه مو كل مرة تصيب :secret:



.. ما شاء الله عليج .. وتبارك الرحمن ..
الله يحفظ زوجك يارب .. وما يحرمك منه ..
واعتقد ما يجعله لا ينتقد ( الأكل المو حلو ) كماسميتيه .. هو انتي ..
فمن يكون مع انسانه بهذه الروعه ..
كل شئ يذوقه سيكون رائع حتى وان كان طعمه لاذع ..

.. هناك طبخات لو قلت لك طبختها 30 مره .. والنتيجه تكون كالأتي .
. غير صالحه للاكل ..
ومكانه في الز.... أعزكم الله ..

وقد يكون للانتقاد الدائم دور في ذلك الله اعلم ..
اشعر ان مشروع الطبخ ..
شعوره كشعور ذاك الخائف .. من اختبار ..

وما اجمل ان تطبخ الزوجه لزوجها ..
وتجلس أمامه بكامل أناقتها ..:shy:


الله يسعدك ..
ويحفظك من شر كل حاسد ..

[ahmeds]

انا مادري اذا الموضوع رجالي ولى نسائي:secret:

لكن الي فهمته انه مطلوب ابداء الرأي في البنت الي قصبت خروف صح؟

اذا كان الي فهمته صح فأنا شخصياً بعيداً عن المهايط ماداني هالحركات لأسباب كثيره أولهم أنه الي تذبح خروف معناتها خبره في جز لرقاب:secret: يعني لو الله لا يقول صار خلاف بينها وبين ريلها اسهل شي عندها اطير رقبته
وثانياً لانه احسها وايد بلدي يعني Cheap

واسمحولي فالنهايه بس هاي رايي الشخصي فقط لا غير

[هتـان قطر]

يقولون الطريق الى قلب الرجل معدته

لذلك أغلب الرجال بيعجبون بهالبنت والصراحة انا ايضا

اعجبت بموقفها..ظروف البيئة عندهم خلتهم يتعلمون الذبح

والصلخ..وما هو شي غريب..

وما فيها شي لو البنت تطبخ وتتعدل وتكشخ في نفس الوقت

وترى موجودين وبكثرة بعد..

انزين شوفوا الاخت اللي تطلع في تلفزيون قطر في برنامج

الطبخ..نسيت اسمها..كااااشخة توب وطباخها يهبل :)

[ضوى]

.. ما شاء الله عليج .. وتبارك الرحمن ..
الله يحفظ زوجك يارب .. وما يحرمك منه ..
واعتقد ما يجعله لا ينتقد ( الأكل المو حلو ) كماسميتيه .. هو انتي ..
فمن يكون مع انسانه بهذه الروعه ..
كل شئ يذوقه سيكون رائع حتى وان كان طعمه لاذع ..

.. هناك طبخات لو قلت لك طبختها 30 مره .. والنتيجه تكون كالأتي .
. غير صالحه للاكل ..
ومكانه في الز.... أعزكم الله ..

وقد يكون للانتقاد الدائم دور في ذلك الله اعلم ..
اشعر ان مشروع الطبخ ..
شعوره كشعور ذاك الخائف .. من اختبار ..

وما اجمل ان تطبخ الزوجه لزوجها ..
وتجلس أمامه بكامل أناقتها ..:shy:


الله يسعدك ..
ويحفظك من شر كل حاسد ..


امييييييييييييييييييييييييييييييييييييييين ، ويحفظك يارب ويسعدك

بس ارجع واقول الطبخ مش معضلة ابدا ، وماشاء الله كتب الطبخ رائعة جدا ، وايد اعتمد عليها في اعداد مائدتي ، يبي لها صبر يبي له تحمل
بس في المقابل فيه ناس نفس ، يعني المقادير هي هي ونفس الادوات بس سبحان الله مايضبط الاكل ، يعني هذا شئ عادي جدا

اهم شئ الا يصيبك الاحباط ، وبعدين ليه بالز؟؟ ليه مو للقطاوة اجر لج :)

[ضوى]

يقولون الطريق الى قلب الرجل معدته

لذلك أغلب الرجال بيعجبون بهالبنت والصراحة انا ايضا

اعجبت بموقفها..ظروف البيئة عندهم خلتهم يتعلمون الذبح

والصلخ..وما هو شي غريب..

وما فيها شي لو البنت تطبخ وتتعدل وتكشخ في نفس الوقت

وترى موجودين وبكثرة بعد..

انزين شوفوا الاخت اللي تطلع في تلفزيون قطر في برنامج

الطبخ..نسيت اسمها..كااااشخة توب وطباخها يهبل :)


صح كلامك :)

[!الشايمه!]

ياربي......قطعتوا بنت الاجاويد...

انا اشوفها بحكم بيئتها......اجوديه...وراعية سنع..لاهي cheap..
ولاهي متوحشه.....مكرمه

بنت الناس.....وحليلها.....اكرمت الضيوف وقامت بالواجب...
ولا تنسون ترا بنت الباديه...فيها جمال...وكرم اخلاق وسنع..
ولو مافيها رقة مشاعر...ماقالت الشعر..ونبض قلب الشعر من
هالبيئة الطيبه...

ما احس الموضوع......موضوع طباخ...ولا كشخه...
اشوفه موضوع...سنع....واختلاف بيئات..ولو وقعت في قلبه وقع طيب

والله لو هي جزاره....كان قبل بها...

بعدين يقولون مقوله مهمه:

القلب وما..........يهوى :shy:

تحية

[تحداني]

.. أتعرفين ليه ؟؟ ..
لان الوالده اذا شافت طرف قطوه .. إذبحتها ..
وما إتحبهم ..

حتى وان افترضنا السبب الأول غير موجود ..
كل الي أطبخه أو بالاصح ما اقوم بلخبطته ..
هو ( كريم كرامل - جلي - شوربه :) )

ما هو الطبخ الي انتي تتوقعينه ..:(

[ضوى]

.. أتعرفين ليه ؟؟ ..
لان الوالده اذا شافت طرف قطوه .. إذبحتها ..
وما إتحبهم ..

حتى وان افترضنا السبب الأول غير موجود ..
كل الي أطبخه أو بالاصح ما اقوم بلخبطته ..
هو ( كريم كرامل - جلي - شوربه :) )

ما هو الطبخ الي انتي تتوقعينه ..:(

:secret::secret::secret::secret:

والله فكرت مجابيس ، طواجن ، حلويات مبتكرة :anger1:

يبي لج كورس عندي ايش رايج :)

[تحداني]

:secret::secret::secret::secret:

والله فكرت مجابيس ، طواجن ، حلويات مبتكرة :anger1:

يبي لج كورس عندي ايش رايج :)

.. حاضر تحت امرج .. بس لا اتهاوشيني
وطولي بالج علي
عزيزتي ضوى ( بدأت أخاف على الموضوع من ............ )

[غزوله]

خلوا الزواج على صوب اهم شي انها ذبحت الذبيحه وكرمتهم وهذا يدل على كرم البدو وطيبتهم جعلها والله تسلم والله انها شقرديه وفيها خير وسنعه ماخلتهم يروحون غير اصرت عليهم وكرمتهم احسن من بنات اليوم اللي ماعندهن الا الخرطي ولا جاهن احد بالبيت ماطلعن له وطايحات على النت والا بالمطاعم يدورن ههههههه وانا من ضمنهن

[غزوله]

اشهد بالله انها تنخطب

ياخذ ولدها الجيد من خواله

اي والله انها تنخطب بنت رجال وفيها خير وتعرف السنع وبيطلع ولدها سنع وفيها خير على قولت الشاعر
والولد وانا طاب طيبه من خواله وانا تردى فاهم ردييين

[هداف]

اقسم بالله ان هذه النوعيه من النساء انهم على سلم الاولين من جيل الصحابيات الى جيل جداتنا
وان الوحده منهم تسوى الف من بنات هذا الجيل اللي اتعجز لين تلقالك وحده على الاقل تصبر على
تربية العيال ومجابلهم ومجابل زوجها وتصخرررررر له في كل شي !!



ها لنوعيه من البنات نادرين جدا ودائما ما يندر الا الزين ولا يكثر الا ( مش حالك ) :)

[هداف]

تذبح ذبااايح ... وتتأنق ... :eek5:

قويه ودي اصدق ...


يمكن 1 في المليون اللي طلعت منهم هالوحده من قريباتج

الحين الشباب وهم شباب يستصعب عليهم الامر ... ومعروف ذبح الذابيح للرجال مو للانااث

وحلاة الانثى تكون انثى وتبتعد عن اشغال الرجال ... اليوم تذبح ذبايح باجر بترصف الشوارع



يابنت الناس حد قالج انها تشتغل في مقصب آلي !!! وشنو الانثى لازم دلع ولازم تنهوص ولازم ولازم من قالج هذي هي الانثى كل شي له وقته وهذي السوالف اللي تقولينها انسميها مصاخه

الرجال يحب المره الاجوديه الراكزه اللي ربي خلقها انثى بكل ما تحتويه الانثى من صفات ومعاني وفي نفس الوقت ذرابتها وفعلها فعل رجال من طيب اللي ربوها ومن طيب مجناها طبعا


انتي فاهمه الانوثه غلط يا انثى

[غيمة مطر]

يابنت الناس حد قالج انها تشتغل في مقصب آلي !!! وشنو الانثى لازم دلع ولازم تنهوص ولازم ولازم من قالج هذي هي الانثى كل شي له وقته وهذي السوالف اللي تقولينها انسميها مصاخه

الرجال يحب المره الاجوديه الراكزه اللي ربي خلقها انثى بكل ما تحتويه الانثى من صفات ومعاني وفي نفس الوقت ذرابتها وفعلها فعل رجال من طيب اللي ربوها ومن طيب مجناها طبعا


انتي فاهمه الانوثه غلط يا انثى

اذا انا فهمتها غلط عيل هي اللي فاهمتها صح يوم اذبحت الخروف ودخلت على الرجال بسكين تقطر دم

:eek5:

والله مايندرى من اللي فاهمها غلط ههههههههههههههه

[مسفر2]

اشهد بالله انها تصلح

وين بيتهم؟؟؟؟ حريمنا الحين ااذا جاولهم اضيوف طلبوا عشاهم من المطعم

[عابر سبيل]

شالسالفه..
اشوف طالت وشمخت...
اللي ايقول سكاكين
و اللي يتهجم على هل العيوش و الكروش..
ياهيه..يابنت....وين عنش ابوش!

ومنا اللي يتكلم عن كرستيانو رونالدوا بو 90 مليون..
اوهو يا اوتو..شله انت تتكلم عن الكورة...

ايييه... كرسيتان ديور....اها يعني من هل "البونجوغ"!
مرسي و دلع..مدري...من لعبها مع صخلتين
و لا كله في شبك الدجاج...

عاد بعض الناس ما يحبون الفارسيات
ايحبوت العربيات (لقطريات)اطوال الاذان!
و هالايام..محد يتكلم الا عن السوريات:secret:

(ضوى...فهميهم شنو هالكلام
و اي مساعدة ترى ما يقصر اخوي فارس ايترجمها لكم...
عنده فنون كل الكلام:nice:)

المهم..اشكر فارس الكلمة...
صايد المدقي بالفخ ... و هو ما شا الله نازل لفاح بهالهوامير...
ما حولك منجوس و لا زمرور حق الانيقين من الشباب والشابات!.
---
اختي العوده ضوى..تبين اتقولين...
وين هاي اللي عندهم
الكشخة X مع المطبخ (معادلة تضاد)
و انه فيه معادلة جديدة اسمها
كشخة + مطبخ = مَرَة بيت... (و لا مَرمَرة... و لا مَرْمطة!)

(اوتو..هاي تصلح مطلع بيت لقصيدة ريانية..
و الحب ورطة و ين الجواكر و هذاك المتعالي....الزاجل:telephone:)

عالعموم....شوفوا انا كنت ابي اول ما جيت هالموضوع
ريوق "كنتننتال" بس من بيض و طماط..

الحين الظهر...اعتقد المقاييس بتكوون
غير..ممكن بيتزا و لا ستيك..

المهم...ايقولون لي في الشغل..خلاص دق الجرس على البيت..

انشوف...من الذابح و منهو المذبوح...
عطران الشوارب و لا معطرات الاشارب.

رجااااءا...ابتعاد عن الرمي بالرواجم و لاالمدمرات
مو مشكلة بالطائرات!

[هتـان قطر]

شالسالفه..
اشوف طالت وشمخت...
اللي ايقول سكاكين
و اللي يتهجم على هل العيوش و الكروش..
ياهيه..يابنت....وين عنش ابوش!

ومنا اللي يتكلم عن كرستيانو رونالدوا بو 90 مليون..
اوهو يا اوتو..شله انت تتكلم عن الكورة...

ايييه... كرسيتان ديور....اها يعني من هل "البونجوغ"!
مرسي و دلع..مدري...من لعبها مع صخلتين
و لا كله في شبك الدجاج...

عاد بعض الناس ما يحبون الفارسيات
ايحبوت العربيات (لقطريات)اطوال الاذان!
و هالايام..محد يتكلم الا عن السوريات:secret:

(ضوى...فهميهم شنو هالكلام
و اي مساعدة ترى ما يقصر اخوي فارس ايترجمها لكم...
عنده فنون كل الكلام:nice:)

المهم..اشكر فارس الكلمة...
صايد المدقي بالفخ ... و هو ما شا الله نازل لفاح بهالهوامير...
ما حولك منجوس و لا زمرور حق الانيقين من الشباب والشابات!.
---
اختي العوده ضوى..تبين اتقولين...
وين هاي اللي عندهم
الكشخة X مع المطبخ (معادلة تضاد)
و انه فيه معادلة جديدة اسمها
كشخة + مطبخ = مَرَة بيت... (و لا مَرمَرة... و لا مَرْمطة!)

(اوتو..هاي تصلح مطلع بيت لقصيدة ريانية..
و الحب ورطة و ين الجواكر و هذاك المتعالي....الزاجل:telephone:)

عالعموم....شوفوا انا كنت ابي اول ما جيت هالموضوع
ريوق "كنتننتال" بس من بيض و طماط..

الحين الظهر...اعتقد المقاييس بتكوون
غير..ممكن بيتزا و لا ستيك..

المهم...ايقولون لي في الشغل..خلاص دق الجرس على البيت..

انشوف...من الذابح و منهو المذبوح...
عطران الشوارب و لا معطرات الاشارب.

رجااااءا...ابتعاد عن الرمي بالرواجم و لاالمدمرات
مو مشكلة بالطائرات!


:eek5:

عابر سبيل ..اشفيك ماعاد اتجمع..؟

:eek5:بس ضحكتني يوم قلت فارسيات والا عربيات

اشدعوه شبهتنا بالمعز...:nice:

[وضحى قطر]

.. مساء الخير اخي الفاضل ..

من يقرر انها تصلح للزواج بها
او لا تصلح هو الطرف الآخر ..

اي الرجل الذي يريد الارتباط بها ..
لان وقتها سيرى ما يتناسب مع نفسه وما لا يتناسب مع ميوله ..

بمعنى قدر ترى فتاه طباخه من الطراز الاول .. (..وتعجب المختفي ..)
وقد ترى ( تحداني الزمن ) نفس الفتاه ..
ولكنها لا تصلح للارتباط بأخيها ..

السبب هو ..
ان المختفي يريد ( امراه تجيد الطبخ ) وباقي الامور لا يهم ..

اما اخو( تحداني الزمن) .. يريد فتاه لها طموحات ..
واهداف .. تتكلم بطريقه معينه ..ترسم امنيات ..
تشارك زوجها في الافكار ..
( ولامانع ان تطبخ خفايف ..
وتحشي السمبوسه .. وعجينه جاهزه تشكلها بالخضار ..:) )


ما رأيك اخي الفاضل ؟؟

الله يسعدك يارب :)

:nice:

اتفق معاك اخي الكريم 100%

وبعدين علينا انت ويااه لي صرتوا مثل ابوي وابوك او مثل ابوها من باجر ادخل على الرجال شاله حوار على زندي :nice:
هذا انتوا يا رجال هالوقت :omen2:
<<ما عادا رجلي طبعا :shy:

[عابر سبيل]

:eek5:

عابر سبيل ..اشفيك ماعاد اتجمع..؟

:eek5:بس ضحكتني يوم قلت فارسيات والا عربيات

اشدعوه شبهتنا بالمعز...:nice:


افا تكرمين يا نجمة سهيل و كل الخوات و الاخوة
ممن شارك قبلي و لا بعدي و لا اكتفي بقراية ردي..

(ليسمعج الفيصل تراه بيوهقني)

شسوي...جايبين لنا ذبيحه
قلنا مدقي..
كثرت اختج ضوى صوب الهوامير...
زين ما قالت "يريور" بعد:secret:..

لحد يفهمني غلط..

بس ما شفت رد عالمعادلة الصعبة..
يعني

تزيّن ما يمشي مع راعية مطبخ و "مرة" بيت..

مرة بيت...ما تصلح يتمشى معاها رجلها في الكرنيش
و لا يجخ ابها بس فوفق سطح البيت..

هاي الي افهمه...
يعني و الله هالشكل هاي دعوة صريحة للتعدد..
و حدة حق الطباخ
و وحدة حق الكشخه
و فيه مكان (حسب الشرع )
حق ثنتين بعد..شحقه عاد:shy:

[nouar]

لي صديقة قطرية اشتكيت لها مرة اني اشتغلت سمكري في بيتنا ..

ردت علي انا طول وقتي اشتغل شغل السمكري واعمال الحداد غير انها موظفه وقايمه باخوتها الصغار بعد وفاة ابوها ...

واخوتها الكبار ما راضين يزوجوها ....


هال البغل ليه ما هي عاجبه هالبنيه ....هيك بناتنا ولا بلا ...
والله بعيش عيشة الملوك على ايدينها ...

مب لبنانيه يجري مثل الكلب - الله يعزكم - ليراضيها

[دلة الرسلان]

بيشه ( الأولى ) على الأحمري :

أذهلت فتاة لم تبلغ العشرين من عمرها زائراً قدم من الرياض بصحبة إبنه للقاء والدها الذي تربطه به علاقة قديمة وفي التفاصيل أن شاب ووالده قدما إلى منطقة عسير مع أسرتهما لقضاء الإجازة الصيفية في مدينة أبها وأثناء تواجد الأب بالمنطقة الجنوبية أحب أن يجدد العهد بأحد أصدقاء الدراسة والعمل ممن كان معه بالرياض وإنتقل إلى بيشة منذ سنوات عديدة فقام بالبحث عن هذا الزميل القديم وأعاد الإتصال ببعض الأصدقاء المشتركين بالرياض حتى توصل لبلدته وإن كان لم يعثر له على أرقام هواتف فقرر أن يذهب إليه ويفاجئه بالزيارة وفعلا ذهب إليه في بلدته فأشاروا عليه بأن له بيتين أحدهما بالبادية وآخر بالبلدة وأن لديه أعدداً كبيرة من الإبل والأغنام ورافقه أحد الأولاد ليدله على بيته في البادية حتى وصلوا لبيوت الشعر الخاصة به فلما سألوا عنه لم يجدوه فهموا بالإستئذان والعودة من حيث أتوا قبل أن تصر إبنته على أن ينتظروه وألحت عليهم في ذلك لتفاجهم بعد أقل من ربع ساعة بدخولها عليهم بسكين تقطر دماً وتخبرهم أن غداهم على النار قبل أن يعود والدها ويجد ضيوفه وقد أسقط في ايديهم عندما علموا بأنها من قام بذبح الذبائح ويقوم بالتجهيز لطبخها في حين أن الوالد لم يذبح ذبيحة بيده منذ أكثر من 17 عاما فيما لايحسن الشاب الجامعي الذبح .
الوالد عرض على أبنه أن يخطب له ( الأجودية ) إلا أن الشاب رفض الفكرة وقال بالرغم من إعجابه بتصرفها إلا أن ( إستايلها ) مايركب مع ( إستايله ) ....


ما رأيكم هل هذه الفتاة تصلح للزواج



بغض النظر عن مدى مناسبة هذه الفتاة للزواج من ذاك الشاب ولكن لابد من التعرف على

الظرف الذي وضعت فيه .

من العيب عند البادية أن يرجع الضيف ما ذبح له راعي البيت ويمكن يشاع عند الآخرين

أن فلان ما فيه خير جيناه ولا ذبح لنا وهنا يصل الكلام الى حكم على رجولته ومرؤته !!

لذلك كانت الفتاة في ورطة احسنت التصرف حيالها (القدرة على التعامل مع الآزمات )

والآن سيقال عنها كفو اذا كذا البنت اشلون ابوها واخوها :)

[QtrAlshmaaL]

غيمة مطر .. يمكن تكره الطبخ .. و تحب التكشخ و الدلع .. هي حرة ..

لكن البعض يحب الأثنين الطبخ + التكشخ ..

فيه فرق بين الطباخ والذبح .. الطباخ تقطيع بصل وحمسه وحركات ... الذبح يعني سجين وقص رقبه .. فيه فرق هاه !

[QtrAlshmaaL]

اقسم بالله ان هذه النوعيه من النساء انهم على سلم الاولين من جيل الصحابيات الى جيل جداتنا
وان الوحده منهم تسوى الف من بنات هذا الجيل اللي اتعجز لين تلقالك وحده على الاقل تصبر على
تربية العيال ومجابلهم ومجابل زوجها وتصخرررررر له في كل شي !!



ها لنوعيه من البنات نادرين جدا ودائما ما يندر الا الزين ولا يكثر الا ( مش حالك ) :)

خف على الريس شوي ولحد يعيش المثاليات وايد .. مشكله الي اشوفون مسلسل بدوي ويعيش الدور

[غيمة مطر]

خف على الريس شوي ولحد يعيش المثاليات وايد .. مشكله الي اشوفون مسلسل بدوي ويعيش الدور

الناس هني ذابحتهم المثاليات المزعومه

هههههههههههههههههههه

[غيمة مطر]

فيه فرق بين الطباخ والذبح .. الطباخ تقطيع بصل وحمسه وحركات ... الذبح يعني سجين وقص رقبه .. فيه فرق هاه !

البنت ياتذبح خروف ياماتصير اجوديه

ههههههههههههههههه

[عابر سبيل]

الناس هني ذابحتهم المثاليات المزعومه

هههههههههههههههههههه


سلام اخت الغيمه....
ما شاء الله...الله ايزيد هالمطر و ايديمه...و تهل علينا
المزن و لا عالاقل..."ديمه"!

عالعموم...
اذا فيه مجال للرد و ما به زعل و لا نشبه...
من يقول ان الاخرين...مثاليين..
قد يقول عنهم الاخرون...انهم "انانيين"...

يعني...
تبي الرجال
و تبي الزينه
و تبي البيت
و تبي العيال

بس اي همّ...ما تبيه
و تبي من ايشيل عنها
كل هالمسؤوليات..و تتخلى حق
هم "الزينه"..
يبلفيت حق هالزوج....مسكين
تراه غرقان في عبالة كل الي فووق..
ما عاد عنده هم..ينشغل "بالـــزَيـْـــنِـــه"...
هنيه... في وحده بتلومه؟

[غيمة مطر]

سلام اخت الغيمه....
ما شاء الله...الله ايزيد هالمطر و ايديمه...و تهل علينا
المزن و لا عالاقل..."ديمه"!

عالعموم...
اذا فيه مجال للرد و ما به زعل و لا نشبه...
من يقول ان الاخرين...مثاليين..
قد يقول عنهم الاخرون...انهم "انانيين"...

يعني...
تبي الرجال
و تبي الزينه
و تبي البيت
و تبي العيال

بس اي همّ...ما تبيه
و تبي من ايشيل عنها
كل هالمسؤوليات..و تتخلى حق
هم "الزينه"..
يبلفيت حق هالزوج....مسكين
تراه غرقان في عبالة كل الي فووق..
ما عاد عنده هم..ينشغل "بالـــزَيـْـــنِـــه"...
هنيه... في وحده بتلومه؟



هلا اخوي تسلم وياريت الجو ديمه على الاقل نستبشر بخير ...

ومابه زعل ... لكن فعلا انا تكلمت عن معظم المواضيع الناس تتكلم بمثاليه زايده ... شدعوه يعني الانسان مافيه عيوب اللي تقول انا اطبخ واغسل واشتغل واتزين وووووو ماشاء الله كامله والكامل الله معقوله؟!!!! ... بيقولون الحين ايه فيه ومدري شنو ههههههه بس انا بضحك واقول ... قصو على نفسكم لان كل شخص فيكم يدري بقرار نفسه ان هالكلام مثااااااااااااااااااااااااليه مزعوووووومه
انا فيني عيوب وانت فيك عيوب وفلان فيه عيوب... والكل مقصر في جانب من جوانب الحياه بس ليش مانعترف؟؟؟

ولو ماعترفنا طيب نسكت ابرك لنا ههههههههه

وانا ماتكلمت عن ذبح البنت للخروف مثاليه بالعكس ذبح البنت للخروف شي مو من اختصاصها وشي مايدش العقل ... وفطرة البنت لم تخلق لذبح الحيوانات وكرها ...:rolleyes2:

بس انا ابي الناس يتكلمون بالعقل والمنطق مب كذب ومثاليه

وياريت توصل المعلومه بشكل صحيح للجميع ...

وارجع واقول ... ترى انتو بشر مب ملائكه ... والمثاليه ماكانت ولا بتكون الا لندرة البشر وبهالزمن تكاد تكون معدومه

[QtrAlshmaaL]

مشكله الي متكي ورا شاشة الكمبيوتر ويتكلم جنه في مسلسل راس غليص ..
تبون بنات يذبحون خرفان هاه! .. حلو ان الوحده الضحى تذبح خروف وتصلخه وفي الليل أتزين ... راكبه ماشالله!!! قمة الانسجام

[هداف]

خف على الريس شوي ولحد يعيش المثاليات وايد .. مشكله الي اشوفون مسلسل بدوي ويعيش الدور

:) خف الريس ماشاءالله على ثقافتك اللغويه

العميه اطبل للعورا استمر بارك الله فيك طبل

[ROSE]

البنت اجوديه وتعرف السنع والواجب وابوها ماقصر ماشاء الله عليه في تربيتها

بس فليعذروني الاخوان على رايي

البنت اللي تذبح وتسلخ مافيها ذرة انوثه

يعني تربت تربية رجال مب حريم

الوحده ممكن تطبخ وتدلع وتهتم في عمرها وتربي عيالها بعد

بس بعيد عن الذبح والتدخل في مجال الرجال

لكل شخص مجاله واللي يقدر عليه

ماشاء الله عليها قلبها قوي فعلا ولو انا مكان الشاب ممكن اتصرف نفس التصرف

انعجب في طريقتها وترحيبها واحترمها لهالشي ولكن مستحيل اني افكر اني ازوجها

لولدي مثلا او اخوي

[Noorah]

اشوى حسبالي ذبحت آآدمي


والله البنت عجبتني وصراحة يابخت اللي بياخذها

صحيح انه لما كبرت وابوي خلاني بالغصب اقطع اللحم بس طبعا جا مذبوح طبعا ومت صياح يومها وحسيت اني بنت مظلومة

بس من قال انه البنت اللي ذبحت ذبحية صارت مش مثقفة ولا تفكيرها بيكون نفس تفكيره ولا تعرف تتمكيج وتتعطر..<<< بصراحة تفكير سطحي

[QtrAlshmaaL]

:) خف الريس ماشاءالله على ثقافتك اللغويه

العميه اطبل للعورا استمر بارك الله فيك طبل

يعني لازم أطلع فيها وأبين لك أني مثقف وأختار كلمات فصحى لغوية ... يابوي هونا عن الثقافه وخلينا لكم بارك الله فيكم ... يالله راوني يالمتنبي ههه !

[QtrAlshmaaL]

اشوى حسبالي ذبحت آآدمي


والله البنت عجبتني وصراحة يابخت اللي بياخذها

صحيح انه لما كبرت وابوي خلاني بالغصب اقطع اللحم بس طبعا جا مذبوح طبعا ومت صياح يومها وحسيت اني بنت مظلومة

بس من قال انه البنت اللي ذبحت ذبحية صارت مش مثقفة ولا تفكيرها بيكون نفس تفكيره ولا تعرف تتمكيج وتتعطر..<<< بصراحة تفكير سطحي

عاد يابخت الي بياخذها مره وحده !!! عيل لو ذبحت حوار شبيصير .. خلاص كل وحده أدور حق عيالها ولا أخوانها بنات يذبحون ويصلخون ... البنات الي ما يذبحون برع اللسته ههه

[w.qatar]

صراحه ما اداني المره اللي تنسى انوثتها و تقوم بدور الرجال هذي موب بطوله ولا شجاعه
المفروض هذا شغل الرجال موب حرمته

[OTOsan]

الكشخة x مع المطبخ (معادلة تضاد)
و انه فيه معادلة جديدة اسمها
كشخة + مطبخ = مَرَة بيت... (و لا مَرمَرة... و لا مَرْمطة!)

(اوتو..هاي تصلح مطلع بيت لقصيدة ريانية..
و الحب ورطة و ين الجواكر و هذاك المتعالي....الزاجل:telephone:)

!

مدري وش عيب البنية يوم حدتها الظروف .. تذبح بيدها الذبيحه ثم تطبخ ما اذبحت
كل ماكــــــانت تريده بس اكرام الضيـــــوف .. فعلها ..ماهو خساره ..الوكاد انها اربحت !!


(( يكفي اشعار لاتورطني )) :)



عموما كما اسلف البعض اعتقد ان مصدر الاعجاب بالفتاه هو قيامها بواجب الضيافه على اكمل وجه ..

وان كانت المعادلة التي ذكرتها اخوي عابر صعبه .. فلا نملك سوى اللجوء للحل الذي ذكرت ونضيف اليه حلولا اخرى

.. وحده تطبخ .. والثانيه تكشخ .. والثالثه تربي عيالها وعيال الثنتين اللي قبلها .. والرابعه تشتغل ونستفيد من راتبها ههههههههه

يعطيك العافيه اخوي عابر .. وحبيب الشعب (الزاجل) اعتقد في اجازه طويله نوعا ما .. ربنا يرجعه هو والغايبين بخير وسلامه ،،

[+abc]

ماشاء الله عليها

خوش مرة

الصراحة حلوة ؟ على فكرة كل الحريم يقومون بالذبح عادي يعني ، مانذبح السمجة اشكبرها الهامورة .....

ههههههههههه انا اشهد اني ضحكت هامورة عاد .. تذكرت واحد من ربعنا دايما يقولها ومهما نعلمه مافي فايدة من يشوف الهامور ويصيده ينفعل وتطلع الهامورة شايفة كيــــــف آآآآه بكولك عاد
عابر سبيل شنو يعني مدقي ؟؟؟؟؟

وهذا الي اكد لي زيادة حد مايعرف المدقي هذا طير قطر الاول

المهم لاحد يزعل علينا نضحك عااااااااد


[quote=to7ah;4597748]صراحه ما اداني المره اللي تنسى انوثتها و تقوم بدور الرجال هذي موب بطوله ولا شجاعه
المفروض هذا شغل الرجال موب حرمته


صح كلامك والمفروض الرجال بعد هو الي يجيب الفطور في السرير



هذي الي ذبحت حق الضيفان ووجبت ابوها يسمونها بنت حصان وأباءنا وأجدادنا (علشان الكل يفهم) يقولون لابغيت ولدك يطلع رجال اخذ بنت الحصان

[ضوى]

[quote=ضوى;4586530]ماشاء الله عليها

خوش مرة

الصراحة حلوة ؟ على فكرة كل الحريم يقومون بالذبح عادي يعني ، مانذبح السمجة اشكبرها الهامورة .....

ههههههههههه انا اشهد اني ضحكت هامورة عاد .. تذكرت واحد من ربعنا دايما يقولها ومهما نعلمه مافي فايدة من يشوف الهامور ويصيده ينفعل وتطلع الهامورة شايفة كيــــــف آآآآه بكولك عاد
عابر سبيل شنو يعني مدقي ؟؟؟؟؟

وهذا الي اكد لي زيادة حد مايعرف المدقي هذا طير قطر الاول

المهم لاحد يزعل علينا نضحك عااااااااد





صح كلامك والمفروض الرجال بعد هو الي يجيب الفطور في السرير



هذي الي ذبحت حق الضيفان ووجبت ابوها يسمونها بنت حصان وأباءنا وأجدادنا (علشان الكل يفهم) يقولون لابغيت ولدك يطلع رجال اخذ بنت الحصان


:shy::shy::shy::shy:

قلنا هامورة لزوم الاكشن في الموضوع والسجع :(

ايه انا ماعرف المدقي شنو يعني اول مرة اسمع به ، بس اعرف السمان :rolleyes2:

[+abc]

[quote=+abc;4599759][center]

قلنا هامورة لزوم الاكشن في الموضوع والسجع :(

ايه انا ماعرف المدقي شنو يعني اول مرة اسمع به ، بس اعرف السمان :rolleyes2:


ايوه انا عارف الكلمه هذي دايما تطلع مع الانفعال

والمدقي الله يسلمك طير شعبي مشهور في الدوحة على وزن مطرب شعبي
حجمه صغير وسيقانه طوال وينأكل بس السمان غير طبعا

[ROSE]

مدري وش عيب البنية يوم حدتها الظروف .. تذبح بيدها الذبيحه ثم تطبخ ما اذبحت
كل ماكــــــانت تريده بس اكرام الضيـــــوف .. فعلها ..ماهو خساره ..الوكاد انها اربحت !!


(( يكفي اشعار لاتورطني )) :)



عموما كما اسلف البعض اعتقد ان مصدر الاعجاب بالفتاه هو قيامها بواجب الضيافه على اكمل وجه ..

وان كانت المعادلة التي ذكرتها اخوي عابر صعبه .. فلا نملك سوى اللجوء للحل الذي ذكرت ونضيف اليه حلولا اخرى

.. وحده تطبخ .. والثانيه تكشخ .. والثالثه تربي عيالها وعيال الثنتين اللي قبلها .. والرابعه تشتغل ونستفيد من راتبها ههههههههه

يعطيك العافيه اخوي عابر .. وحبيب الشعب (الزاجل) اعتقد في اجازه طويله نوعا ما .. ربنا يرجعه هو والغايبين بخير وسلامه ،،

اسمح لي اعارضك اوتو

بخصوص ان معادلة عابر ماتطبق ليش ماتطبق

لو الوحده خصصت مثلا ساعتين مابين الطبخ والتنظيف

وبعدها التعدل والتزين والتكشخ ؟ فوين الصعوبه في هالشي

الزوج يكون في الشغل هي تقوم من خل نقول الساعة

10 تطبخ الساعة 11 وتنظف البيت الساعة 12

وتتسبح وتتعدل وتكشخ الساعة 1 ورايح هل في هالشي صعوبه او عدم توافق




الاراء في الموضوع تختلف ولكل شخص ذوقه ونظرته للمرأة

من خلال الردود شفت ان البنات يستنكرون الذبح والشباب مع هالبنت واسلوبها وانعجبوا فيها

وتناسوا ان احنا بعد البنات انعجبنا في تصرفها وشهامتها وكرمها

ولكن سؤال يراودني لكل من مدحها من الشباب لو كنت مكان الشاب هل بتتزوجها


السؤال هني والموضوع قائم على هالسؤال

[غيمة مطر]

[quote=ضوى;4599797]


ايوه انا عارف الكلمه هذي دايما تطلع مع الانفعال

والمدقي الله يسلمك طير شعبي مشهور في الدوحة على وزن مطرب شعبي
حجمه صغير وسيقانه طوال وينأكل بس السمان غير طبعا

:omg:

طير شعبي

:eek5:

مصطلح جديد

:rolleyes2: لاتخربون ثقافتنا وتقولون بعدين جيل بدون ثقااافه :anger1:

[غيمة مطر]

ولكن سؤال يراودني لكل من مدحها من الشباب لو كنت مكان الشاب هل بتتزوجها


السؤال هني والموضوع قائم على هالسؤال

:nice:

هني الكل بيقول ايه بس حزة الحزه كل واحد بيعض ثوبه وبيشرد

:telephone:

[هتـان قطر]

:nice:

هني الكل بيقول ايه بس حزة الحزه كل واحد بيعض ثوبه وبيشرد

:telephone:


عزيزتي غيمة مطر..انا بقولك شي من الواقع وبتشوفين ان هالشيين

مايتعارضون " المطبخ + والتكشخ "

اعرف زوجة سفير تطبخ الذبيحة بروحها..تعمل بوفيه كامل ولا اكل المطاعم

حتى خبز الرقاق تسويه..وهي دايره بلاد العالم وملمه بكل فنون الموضه

وابدا ما تغير عليها شي..

المرأة اصلا خلقت لهذين الشيئين فما اعتقد ان التوافق بينهم صعب



ملاحظه صغير..

انا كنت اقوم من الفجر واسوي قرص المفروك والعصيده لزوجي

اذا كان عنده دوام الفجر وناوي يفطر مع ربعه..

والامثله كثييييره حولي..ويمكن حولك بعد :victory:

[OTOsan]

اسمح لي اعارضك اوتو

بخصوص ان معادلة عابر ماتطبق ليش ماتطبق

لو الوحده خصصت مثلا ساعتين مابين الطبخ والتنظيف

وبعدها التعدل والتزين والتكشخ ؟ فوين الصعوبه في هالشي

الزوج يكون في الشغل هي تقوم من خل نقول الساعة

10 تطبخ الساعة 11 وتنظف البيت الساعة 12

وتتسبح وتتعدل وتكشخ الساعة 1 ورايح هل في هالشي صعوبه او عدم توافق




الاراء في الموضوع تختلف ولكل شخص ذوقه ونظرته للمرأة

من خلال الردود شفت ان البنات يستنكرون الذبح والشباب مع هالبنت واسلوبها وانعجبوا فيها

وتناسوا ان احنا بعد البنات انعجبنا في تصرفها وشهامتها وكرمها

ولكن سؤال يراودني لكل من مدحها من الشباب لو كنت مكان الشاب هل بتتزوجها


السؤال هني والموضوع قائم على هالسؤال


ماهو هذا اللي قلته !!

المعادله سهله .. بس بعض البنات يقولون لا صعبه وماتصير !!


اما بخصوص السؤال ياروز .. فانا بدوري احوله لذوي الاختصاص والاهتمام ..
انا الحمدلله ..تزوجت من زمان :)

[غيمة مطر]

عزيزتي غيمة مطر..انا بقولك شي من الواقع وبتشوفين ان هالشيين

مايتعارضون " المطبخ + والتكشخ "

اعرف زوجة سفير تطبخ الذبيحة بروحها..تعمل بوفيه كامل ولا اكل المطاعم

حتى خبز الرقاق تسويه..وهي دايره بلاد العالم وملمه بكل فنون الموضه

وابدا ما تغير عليها شي..

المرأة اصلا خلقت لهذين الشيئين فما اعتقد ان التوافق بينهم صعب

ملاحظه صغير..

انا كنت اقوم من الفجر واسوي قرص المفروك والعصيده لزوجي

اذا كان عنده دوام الفجر وناوي يفطر مع ربعه..

والامثله كثييييره حولي..ويمكن حولك بعد :victory:

بس ماتذبح ذبيحه تنحرها وتصلخها :eek5:

[!الشايمه!]

انا ماعجبني من البداية...كاتب المقال :anger1: <<الاصلي وليس المخفي

يكفي جملته ( دخلت عليهم والسكين تقطر دم) اللي لقطتتها غيمة مطر

وخلتها تستلم الكل بشراع وميداف هههههههههه << قويه هالغيمة :D
بس واضح وشكان يبغي الكاتب من الاساس يوصل له...

لو قال انها اكرمت وطبخت عشا للضيوف....كانت وجهة نظره بتكون محايده..
ولكنه اساسا خذا موقف سلبي من البنت....
وحب يوصل هذا الشئ للجميع...

........

انا اشوف ان اختلاف البيئة هو الاساس هنا....خاصة في البلدان الكبيرة..
اللي تتعدد فيها البيئات....فالشمالي يشوف الجنوبي مهب من
ستايله.....والشرقي يشوف الغربي مهب من ستايله......الخ


وليس الموضوع لذم فعل البنت....وابعاد عنها الانوثة...والله ياخوفي
هي اللي ترفض راعي ( الستايل )...وتقول:وش يبي
هالمدقي والا هالفقاقه :funny:

.......

وبما ان الموضوع انسحب للطبخ...وكرستيان ديور:

ما اعرف شنو الرابط بين الدلع والانوثة....وبين الماركات وكرستيان ديور :)...

يعني اللي ماتعرف الماركات.....مافيها طبع الدلع....!؟
والانوثة مرتبطة بشوية فساتين واصباغ........!؟
ومعقوله ممكن احد يفكر ان الطبخ........ممكن يقلل من انوثة او دلع المرأة.......!؟


والا المرأة بتغدي زوجها...كتاب سيبويه في النحو....والا بتعشيه Lipstic
من شانيل :eek5:<<<احس فاهمين الزواج........غلط

.........

وليست مثاليه....ولاهي بصعبه ان الزوجة...

تكون متعلمة ومثقفة.....ومتأنقة وليدي....وطباخة بنفس الوقت<< مانقول
تذبح ذباح.....ولكن تقوم ببيتها وتراعي زوجها....وياما حولنا
مثل هالزوجات....الفنانة بالطباخ وبنفس الوقت شيك :)

........

اذا رجعنا لسؤال روز:

لو عكسنا السؤال.....والشاب كان من نوعية هالبنت....هل ياترى
راح يرضى ببنت كل همها.....كرستيان ديور وال في؟؟

طبيعي بيقول نفس كلام هذا الشاب : مب ستايلي...او هالبنت ماتعرف
سلم العرب...وماتجوز لي؟!

يعتمد هو كيف تفكيره وتربيته..والبيئة اللي عاش فيها؟




وتحية

[هتـان قطر]

بس ماتذبح ذبيحه تنحرها وتصلخها :eek5:



اقسم لك بالله انها تصلخ الذبيحة :)

[غيمة مطر]

اقسم لك بالله انها تصلخ الذبيحة :)

صاجه بدون حلفان

بس بالنسبه لي >>> انثى <<< وتذبح ذبيحه وتصلخها :eek5::eek5::eek5::eek5::eek5:

[عابر سبيل]

ولكن سؤال يراودني لكل من مدحها من الشباب لو كنت مكان الشاب هل بتتزوجها


السؤال هني والموضوع قائم على هالسؤال

بعد الاذن من الربع..

شنوا يعني..هاي تحدي..
تبين اتشوفين من يقدر...و لا عشان ما تحبين معادلة اوتو الرباعية!

لوالواحد بيصير وزير...بياخذ له هالشكل و حده...
لزوم الضيفان ليل و نهار!

يعني...وحدة اضافية لزوم كل ترقية!

و لو يبي ايصير رجل خطير...
بيسير برلسكوني و بياخذ له لبنانية
عشان تترس بطنه كبه و تخليه عن روحة المسجد
يعتذر!<<<<<<<<<<<<موب من زينها...من الثوم اللي تارس بطنه!

----

هاي جواب من يتحدى!

بس المثالية و لا العنجهية!

شكلنا بنقول " ما طبنا و لا غدى الشر"

يعني...لو الرجال هو ما يعرف يذبح يا abc+:

بياخذ له و حدة اسنافية و بنت حصان..
خله ايكون هو مثل شروى كحيلان...

يبي فقاقه اكيد بتأكله حب و قشور مثل "لمدقّي"...
حتى لو كان "النسر الذهبي" بتسويه مثلها
راعي الاكل الردي!( ردي من الانجليزيready
و اللي يبها بالقطري عاد الله ايعينه!)

يبي يبلع له "صافية!" هوووه لحمتها بيضة
و كأنها من لعظام خااالية ...
خل ايصير هامور و ينق البيزات و ايكتتها اهنيه و لا اهناك!
شهريار الاخ ..يبي شرزاد و لا سنو وايت:omg:

يبي ايكون وحيد و ما له في الغنم تيس...
ايجي معاي و ايصير<<<<<<<<<<عابر سبيل:)
في حاله مايفهم شي منتف و فقير!

دعوة للرهبنة...حشى...
بس افكاري شوي مكربنة
ما عرف حق روج شانيل و لا دلع فستقي
و لا كلام جانبي!

من يتحدى..يصبر عالراش:victory:!

[ahmeds]

انا مني ابعارف لوش كبر الموضوع وخذ كل هالصفحات والنقاش:)

الموضوع عند تحليله بسيط بنت من طراز معين وشاب من طراز آخر بس فقط لاغير

يعني هالبنت يمكن ما تركب مع هالشاب بس هي امنيه حياة شاب ثاني والعكس صحيح

[غناتي1]

الرجال يسألكم وش رايكم فيها من ناحية التصرف -- والكرم -- والاخلاق

تصلح للزواج والا بنات الاستايل احسن

انا اقول لك يا اخوي ---

أنشهد انها تصلح ذا السنافية للزواج واكثرنا يدور عليها

وترى فيه لسا بنات مثلها واحسن منها وتلقى الاحدة منهم عن 10 رجاجيل

وهذا مب غريب وانا اشوف من هالافعال في الكثير من بنات قبايل قطر

الله يرزقني العفة -- وبنت اجواد وسنافية (( قولوا آمين ))

[البنـدري]

خلنا واقعيين وبدون هالمثاليه الزايده

الحين البنت اللي تمسك الخروف وتذبحه ... (( تتوقعون تحط عطر ديور وروج شانيل؟؟))

تعرف تطبخ وسنعه خير وبركه بس بهالزمن ... ماعاد يفيد مره تطبخ وبس

قبل ايام ابهاتنا كان تفكير الرجال على قده والمره كذالك

بس الحين التفكير اختلف ... الشاب يجي متعلم ومفتح ويبي انسانه تشاركه افكاره وطموحاته ..
تسنده بالراي الصح ... تفكر له ومعاه ...

انسانه يشوفها كاشخه له متعطره ... ناعمه بالكلام والدلع ...(( مب بس تزيغ عيونه بهالفضائيات والمجمعات))

الشاب الحين مب همه في بطنه( مادري لين متى بيكون هذا تفكيركم بمستوى عقل الشاب هههههههههه) >>>> اذا تعرف تطبخ باخذها ماتعرف بخليها .... شدعوه شالتفكير هههههههههههههههههههههه :rolleyes2:

اعتقد التناسب يجي اولا ... من مستوى التعليم ... مستوى التفكير ... نفس الطبقه الاجتماعيه ... ولاننسى تغني الرجال عن الحرام وانه ما يطالع يمين ويسار


واللي مكرش وهمه في اكله >>> يروح ياخذ طباخه ابرك :tease:




بسم الله الرحمن الرحيم

شدني رد أختي غيمة مطر

سأبدأ حديثي بحديث أكرم الخلق -صلى الله عليه وسلم- وبعد ذلك تعقيبي

روى أحمد في مسنده عن عبد الرحمن بن عوف رضي الله عنه ، قال : قال رسول الله صلى الله عليه و سلم : ( إذا صلت المرأة خمسها و صامت شهرها و حفظت فرجها و أطاعت زوجها قيل لها : ادخلي من أي أبواب الجنة شئت )

أخيتي رسولنا الامين -وهو أرفع من هذا كله- لم يقل ووضعت مساحيق "ماركه" وتجملت بعطور "ماركه"

إلى متى ولدينا هذه العقول التي لم تهتم ولن تهتم إلا بالموضه ومستحدثاتها

بارك الله فيك أختي الكريمه

أتعلمين أني والله أتمنى أن أصبح مثلها "على الآقل ماعندها خرابيط وهو الموضه"

لاحظت أيضاً في بعض ردودك أنه احتمال يكون واحد من مليون أن تتجمل المره و"تتكشخ" وهي من يقوم بالذبح والطبخ

أتعلمين أن أغلى أناس عندي -أمي الله يطول بعمرها- تفعل هذا.

((وقت الشدايد عن ألف رجال))

وتتزين بأفضل الملابس والشنط والعطور (من دار أزياء ديور, غوتشي, شانيل, جيمي تشو ... إلخ) وكل سنه في بلد

أين المشكله.؟

اختي الكريمه

مانتحدث عن ليس ببعيد عن الواقعيه بل هو الواقعيه بحد ذاتها

أسمعتي عن المثاليه الواقعيه يوماً..؟

هذا الواقع بأرفع مافيه..

ماذا تريد المرأه بالـ"الماركات" إذا كان زوجها غير راضٍِ عنها..؟

أخيتي أتمنى منك تقبل ما أقوله لان هذه هي الواقعيه الحقيقيه :)

...

المخفي لاهنت على هذا الموضوع الطيب

الذي أثرى نقاشات من بعده طيبه :)

[الغريب3]

شدنها تنخذ ياخوي لونه مهب جميله موقفه هذاوفي هذا الزمن حتى بعض الرجال مايسونه قل آمين الله يزوجه واحد مثله راعي دين وسنافي ،،، سكينه ماتبرد (علمه غانم)

[صوت الضمير]

يالبا البدووووو

والله انها كفو
واللي يقول ماتعرف تتزين له وكذا
هو يعلمها.. ومحد طلع من بطن امه متعلم

حالياً قليل منا غير عاداته

لكن حنا البدو لنا كثير من العادات مازلنا متمسكين بها

وااولها اكرام الضيف

العنود

[القناعة كنز]

يالبا البدووووو

والله انها كفو
واللي يقول ماتعرف تتزين له وكذا
هو يعلمها.. ومحد طلع من بطن امه متعلم

حالياً قليل منا غير عاداته

لكن حنا البدو لنا كثير من العادات مازلنا متمسكين بها
وااولها اكرام الضيف
العنود


اقول اختي حتى الحضر يكرمون ضيوفهم
والا يمكن انتي شايفه ان البدو يذبحون لضيوفهم والحضر يحطون لضيوفهم خبز وجبن :)