)(فطوركم وسحوركم من إي مطعم ..)(..

[bshayer]

السلام عليكم ورحمة الله وبركاته ..

مبرووك عليكم إرمضان ..مقدمآ ..:nice:


مرات نأحب نغير وناكل من برع ..
ومرات يكون عندنا ضيوف ومافي وقت للتفلسف ..؟؟>>خصوصآ هالرمضان بيكون اغلب اهلنا بدول التعاونبيصومون وياانا ..

...طيب ممكن ترشحون افضل المطعام ....
تحبون تشترون من مطعم وااحد ولى من كذا مطعم ..!!
يعني مثل الهريس نااخذ دووم ومن هريس الوالده لانه شغلهم عدل ..
والفطائر من الغرافه مرات ومرات من محل بمعيذر نسيت اسمه ؟؟!!

وياليت ترشحون المطاعم..>>علشان اجهزه بالسته ..

.................................................. ..

[غناتي1]

مطابخ الخليج الشعبيه

هريس - جريش - مضروبة اتجنن - برياني بانواعه - هذا اللي جربناه

والاكلات الشعبية الاخرى

[لوردغاليري]

لقيمات
ماي بيك رووووووووووعه للي قريب منه
احنا بعيد
عنا
والا حارة وحلوة

[الوجيه]

ثريد و ساقو ونشا وهريس شغل بيت

[بوحارب]

الفطور من البيت ومافيه اي مجال للتغييير

اما السحور من اقرب معصره

[الكايـــده]

حلااااااااات الفطوم من البييييييت شغل نظيف وتحسين انج ف رمضااان والا لوعه اكل المطااااعم

[ام خوله]

احب اكل البيت خاصه برمضان يكون نظيف
وان شاءالله يفيدونكم الاعضاء

[qtr-1234]

من البيت

[marwa2005]

مافي احسن من فطورر البيت لا بعض المعجنات مثلا اوحنا عندنا االشباكية بالمغرب نجيبها من محلات الحلويات وسلوو

[المتضرعه لله]

ولا مره جربت اجيب من بره

كله من البيت وباشرافي

يمكن طبيعتي لاني ماحب اكل المطاعم واشك بنظافتهم مما جعلني لا اطلب من بره


وكل عام وانتم بخير

[البحار00]

فطور البيت مافيه انظف منه

ولا في بالي آكل غير فطور البيت مب ناقصين عوار البطن والتسمم في رمضان

[بوخليفه 2007]

رمضان في البيت البيت البيت مافي مطاعم غير الكباب فليل وبعد مهب وايد

وكل عام وانتم بخير

[ورقــة أمــل]

ماناخذ من مطاعم

بس فليل كباب اكثر شي او فطاير

[لاداعي]

مادري ليش فرمضان ماحب اكل برع البيت..! :)

[PRINCESS]

اكيد الفطور بالبيت...يمكن مرااات السحور نجيب شي من بره
بس الفطور لا....الحلويات بعض الاوقات نجيب شي من بره ...
واكثر ايام رمضان نفطر كلنا مع بعض...زوجه اخوي وخواتي كل وحده مننا تسوي اكله ونجتمع يوم ببيتي ويوم بيت اختي ويوم عند اخوي,,,وووو,,,,,الى ان يخلص رمضان:)

[بوعلي2]

الفطور من البيت ومافيه اي مجال للتغييير

اما السحور من اقرب معصره




:victory:



الفطور من البيت والسحور من اي مكان عادي واي شي

[بوعلي2]

مادري ليش فرمضان ماحب اكل برع البيت..! :)



شعور متبادل :telephone:

[امل الحب]

الهريس من الوالدة او الجازي

احيانا يبون عيش من برا مثلا من الجازي او من الصيوان او مطعم المهم برا يعني

السمبوسة وماعرف شنو الشي الثاني بعد يكون من برا

الفطاير احيانا من الضيافة ..

هالامور تتسوى فالبيت ولكن احيانا التغير مطلوب .. :)

[قطريه ماركه]

من البيت دايما .. و للتغيير ..

ملك الكباب .. روووعه ..

[بوخالد911]

هلا

الفطور : من البيت

السحور : كباب أو من المعاصر


والله يبلغنا العيد !!

[!الشايمه!]

حلاته الفطور من البيت...وحتى الخفايف السمبوسه والقطايف مجهزه
في البيت .......قبل رمضان...

اما السحور...احنا زباين مخلصين......لمطعم التركي....اللي في النصر..
مشاوي ومقبلات.....سواء في رمضان او في الفطر
من سنين واحنا مداومين عليهم<<< مللناهم :)

والفطاير والبخاري..والسندويشات...من اقرب المطاعم.....حول بيتنا....
اللي عندهم نظام توصيل.....

بس قليل نطلب...يمكن باخر رمضان...نمل من اكل البيت...

ونبدا نطلب من برا...

.......

بس جربي التركي وادعي لي :)


وكل عام وانتي طيبه...

تحية

[لجين]

لا للمطاعم في رمضان

حلاته اكل البيت وبس

[Om Majed]

طبعا من البيت ماله حلاهأكل المطاعم :)

[قلم طموح]

الله بارك لنا في شعبان وبلغنا رمضان

[Miss.qtr]

امممممممممم والله ماجربنا اكل المطاعم برمضان

احس اكل البيت احسن

ان شاء الله يفيدونج الاعضاء

[ريــــــــان]

اكل البيت اكيد احسن
بس اذا الواحد عنده ضروف او مضطر انصح بالاتي :


السمبوسه من غزه ( اللي هي مدينه خليفه
الهريس والعصيد والاكلات القطريه على سنعها عندك مطعم الزعفران في الغرافه
وبعد بنفس الشارع بس في الداعوس فيه مطعم اسماك الخليج

اما الكباب من سوق واقف

[سداوي&مدريدي]

من البيت بيكون أنظف :nice:

وكل عام وانتم بخير

[Nooor]

حلات الفطور فالبيت

انظف واحلى


بس فيه اذا بغيتو شهد الجزيره عندهم لقيمات

اكلهم حلو

يعطيك العافيه

[بوعلي-Qtr]

الفطور في البيت ..
السحور في المجلس او في البيت .. ونادرا نطلب

والله يبلغنا رمضان ..

[alranan]

تقريبا طول أيام السنة لازم وجبة من برا.....ففي رمضان نحب الفطور يكون بس من البيت..
شي واحد ناخذه من برا فالليل متأخر وطبعا نادرا وهو الكباب امممممم .
مبارك عليكم الشهر

[طرفه]

من البيت ولك الاجر ان شاء الله

[امـ حمد]

ولا مره جربت في حياتي اجيب أكل من برع

كله من صنعي انا وما أحب أحد يطبخ غيري

وما أكل من أكل المطاعم أبدا

لاني أشك بنظافتهم مما جعلني لا اطلب من برع

وكل عام وانتم بخير

ومبارك عليكم الشهر