شركة الأرامكس ..... اللي يبغي يشحن يحذر وينتبه

[متفااائل]

مسيتو بالخير

باذكر لكم قصتي باختصار وبيستفيد منها اللي حاب يشتري بضاعة من الخارج


تقدم شركة الأرامكس خدمة أسمها : Shop&Ship

ومفاد هذه الخدمة هو فتح بريد في أمريكيا وبريد في بريطانيا باسمك كأنك موجود هناك وكل ماتوصل لك شحنة على البريد نفسه تتولى شركة أرامكس إحضاره لك للبلد اللي أنت فيها

طبعا فيه شركات في أمريكيا وابريطانيا ماتبيع بضائعة لخارج الدولة اللي فيها الشركة فبالتالي وجود هذا الصندوق لك في تلك الدول يسهل لك الشراء من شركات كثيرة جدا

نرجع لقصتي ( :


شريت قبل أسبوعين ووضعت بالأمر العاجل كاميرا وقد صدر حديثا قانون في أمريكيا يطالب بالبضائع اللي قيمتها تربوا عن 2500 دولار بتوكيل لشركة الشحن وكانت كيمرتي تزيد عن المبلغ المذكور

بعد الانتظار فترة أرسلت لي شركة الأرامكس تطالبني بالتوكيل وفيه بعض المعلومات الموجودة عندهم للاسف وهذا يدل على سوء الخدمة بحيث من السهل جدا التوصل للمعلومات الخاصة بي حيث تم تسجيلها عند فتح البريد

خلصنا من التوكيل طالبت شركة الأرامكس من جديد بمعلومات عن المورد مع العلم أن الشركة قادرة الحصول عليها عند استلام الشحنة

تفاجئت أن أحد زملائي وقد طلب من نفس المورد كاميرا اغلى من كيمرتي تمت إجراءاته بكل سهولة بمجرد أن ارسل لهم التوكيل

كلمت المسؤولة هناك قلت ليه التعقيدات كررت علي كثيرا هذا قانون ونحن ملتزمون بالقوانين

قلت ليه يشمي على ناس وناس قالت هذا القانون يطبق على الكل قلت فيه شحنة والآن هي على مشارف البلد ولم تخضع لهذا القانون قالت عطني رقمها

عطتها الرقم قال باتأكد وبكرة بارد عليك خبر .... اتصلت له اليوم الثاني وبكل كذب وسخافة قالت الشحنة اللي عطتني رقمها فيها معلومات عن المورد وهذا الكلام والله كذب ولا له أي مسنتد من الصحة

قلت انا اطعن في هذا الكلام واللي قال هالكلام كذاب وما احترم الشركة اللي يعمل فيها ولا العملاء اللي يتعاملون معها ولي حساب معه لي رجعت الديرة لأني مسافر ... والشحنة لازالت في صناديقهم السوداء سود الله وجيهم

طرشت لها رسالة قلت عطيني إيميل ورقم واسم المسؤول القانوني وكذلك مدير الفرع في قطر وهذا اللي يدلي بمعلومات كاذبة يا أنا له حساب وأطالب بفتح تحقيق


بعد هالمعاملة السيئة اللي مثل وجيهم أنا قررت اغلق بريدي عندهم بعد وصول شحنتي علما بأنني دائم اتشرى من برع ... فهل تعرفون شركات شحن جيدة اقدر اتعامل معاها

[بويوسف]

مشكلتهم انه رفعوا الاسعار وايد .. وقبل كانوا ارخص ..

اعتقد قبل كان اول نص كيلو 31 ريال والنص الثاني 25

والحين صار اول نص كيلو 39 وكل نص زيادة 31 ريال ..

شريت كتاب ودفعت قيمة الشحن 132 ريال مع الكتاب قيمته 200 ريال !!

والمشكلة الثانية انج لوطلبتي والوزن كان 550 جرام بيحسبونها كيلو عشان ال 50 جرام يعني اي كسر يسون نص كيلو وتدفع عليه 30 ريال !!

الموضوع في احيان كثيرة مايسوة دفع مبالغ كبيرة على الشحن .. ولكن في بعض الامور ممكن يكون مع الشحن فيه توفير .. لكن ارامكس صراحة غاليين واستغلاليين.

[عبدالله800]

ياعطيك العافيه اخوي ماقصرت

[مطيع الله]

والله لو كل قطري اشتكى على هذي المؤسسات السيئة الخدمة كان ما شفنا تلاعب ورفع اسعار بلا داعي

تعاملت مع ارامكس من سنوات وكانت الخدمة مقبولة

الآن بعد سوء الخدمة البديل التعامل مباشرة UPS
خاصة ولديها فرع في الدوحة وسوف يكون السعر ارخص عدة مرات
http://www.ups.com/midafr/qa/engindex.html

[متفااائل]

شكرا للمعلومات المفيدة


أنا صراحة حاب اقاضيهم لأني أذكر في قوانين الشركات مادة تنص على شرف المهنة وتمنع الإدلاء بالأقوال الكاذبة والغش وهالأمور

وعندي أدلة على كذبهم تسبب هذا الكذب في تعطيل شحنتي فترى طويلة مع أني دافع فيها شحن عاجل

[م. عبدالعزيز]

بالنسبة لي ارامكس لما اطلب من بريطانيا سهالات ، بس من امريكا احيانا يكون فيه تأخير ..

[بـن عدوان]

انا ياخوي ماقط صادفتني مشاكل مع اراامكس

وعندي دي اتش ال بعد بس تعاملهم مب لين هناك

شركة فيدكس من اروع الشركات بس المشكلة ماتقدر تسوي لك بريد خاص فيك


الله يعينك ..

[استغفرالله]

انا اطلب منهم وتوصلي الاغراض خلال اقل من اسبوعين

لكن مشكلتهم غاليين

ولا يوصلون لين البيت الا اذا طلبت منهم فيتاخرون يوم زيادة

اللي عنده البديل يحطلنا العنوان

[nym]

هذي الشركات لو نشتكي عليها عند الأداره الأم برع كان بيتأدبون لكنهم يلفون ويدورون عند التاخير وضياع الشحنه

[IPOD]

هو اخوي انا بالنسبة لي مرتاح ويا ارامكس من 5 سنوات وللاسف مافي اي مكان ثاني يفتح لك بريد في الخارج بقطر غيرة في ممكن موقع امريكي اظن اسمة شب فروم يو اس بس مانصح فية لانة مالة فرع اصلا في قطر بس هو يشتريلك الي تبية ويبعقة بالدي اتش ال يعني نفس العملية مالت ارامكس اللهم انك ماتشوفهم ولا تجيهم يعني لما بتشتكي دورهم في امريكا :)

[BURBERRY]

الحمدلله انا ماصادفتني مشكله مع شركة الارامكس ..

اخوي في شركة جديده اسمها واشنطن موفر و تسوي لك بريد في امريكا و هذا تقرير خاص عن الشركه من اخوي العزيز بو لينجر

http://www.qatarshares.com/vb/showthread.php?t=271711

[koketa]

في شركه اسمها washington movers
4169955

[the.Investor]

الـ dhl عندهم نفس الخدمه بس سعر نص الكيلو بـ ٥٩

[متفااائل]

مشكورين وماقصرتوا واثريتو الموضوع صراحة


أنا شركة الأرامكس اتعامل معهم من زمان ولا شفت منهم ردى بس في هالشحنة


بس اللي قاهرني كذبهم الواضح ... أنا قلت للموظفة ابغي رقم وإيميل المسؤول القانوني وفعلا ناوي أقاضيهم لعدم نزاهتهم

[الفا برافو]

دي اتش ال الحين عندها خدمات صناديق البريد.. اسعارها اعتقد ارفع من الارامكس لكن خدماتها احسن
مكتبهم على شارع المطار جمب برجر كنج

[هذلان]

السلام عليكم


والله الي بفكك منهم ... مادري يمكن حد عطاك هالشركه قبلي لاني ماقريت الردود

الله يسلمك انا و اعوذ بالله من كلمه انا ،، كنت شبه اسبوعيا استلم بضاعه اكون شاريها من برى ولكن للاسف السنه الخيره او السنه و نص الاخيره صرت الاحظ زحمه زباين قويه عند استلامي لاي شحنه ، فكما هو الحال للاسف عندنا في قطر اذا المحل مشى سوقه و انشهر مايهمه يطور خدماته او يخفض الاسعار .. اهم شي الدخل.
حصلت لي كذا مشكله مهعم و قررت اغير من شركه ارامكس الاشركه ثانيه

الشركه اسمها USP للشحن و موقعهم في شارع المطار.

مميزات هذي الشركه انه يحق لك في السنه كذا مره يفتحون البضاعه الي طالبها و يعيدون تغليفها في حال ان العلب كانت كبيره و محسوب وزنها عليه .
والله مميزات كثيره لاتحضرني واعتقد يصورون بضاعتك و يطرشون لك الصور
بالاضافه الى السعر اقل من ارامكس

هذا هو موقع الشركه و بالتوفيق لك و لجميع الاخوان .... اضغط هنا (http://www.ups-arabic.com/)

[Sharshooooor]

ياجماعة في شركة جديدة عندهم نفس نظام اراميكس
بس اقل سعر والاغراض توصل اسرع

اللي يبي رقمهم يتواصل معاي عالخاص


بس ياخوي المشكلة اللي صارت معاك مومن اراميكس من الشركة اللي اشتريت منها
هذا للعلم فقط ومن واقع خبرتي وتجاربي في الطلبيات

[Sharshooooor]

ههههههههههههه

معليش الشركة اللي اقصدها هي washington movers بس ماقريت ردود اخواني الاعضاء
الصراحة كفوا ووفوا

[المســـك]

انا اتعامل مع واشنطن موفرز

بس شكلي بحول على ups

[Northman]

ماصادفتني اي مشاكل معاهم من ان الكاميرات والعدسات الي طلبها فوق المبلغ الي كاتبه
ولا بعد عندي خصم في هالخدمه

[بـن عدوان]

بنجوف شركة ups

[متفااائل]

ياجماعة في شركة جديدة عندهم نفس نظام اراميكس
بس اقل سعر والاغراض توصل اسرع

اللي يبي رقمهم يتواصل معاي عالخاص


بس ياخوي المشكلة اللي صارت معاك مومن اراميكس من الشركة اللي اشتريت منها
هذا للعلم فقط ومن واقع خبرتي وتجاربي في الطلبيات


أخوي بارك الله فيك المشكلة من الارامكس أنا مب أول مره اشتري أنا شاري من موقع الأمازون

والحين الطلبات اللي تفوق 2500 دولار قيمتها يلزم فيها بعض المعلومات بس شركة أرامكس عقدتك الموضوع جدا وموظفينها مب فاهمين شي اعرف واحد طالب بعدي ووصلت شحنته ويوم قلت لهم قالوا بنشوف الموضوع ليه مشت شحنته وانت لا

وفي الأخير قالوا هو جاب معلومات عن المورد وهو والله ماجاب أي شي ويقصدون بمعلومات عن المورود فورمة لايزم يمليها المورد وأنا ارسلت للمورد ولا رد علي

أنا طالبت بالتحقيق والحين طرشوا لي إيميل لجنة التحقيق وبنشوف أخرتها معهم ماعندهم نزاهة ولا احترام العملاء

[متفااائل]

ماصادفتني اي مشاكل معاهم من ان الكاميرات والعدسات الي طلبها فوق المبلغ الي كاتبه
ولا بعد عندي خصم في هالخدمه


متى أخر كاميرا شريتها لو سمحت أكيد خبرك قديم


هذا نص الاتفاقية هنا

US Export Regulations
An exporter must submit the Shipper's Export Declaration (SED) when the value of a single Schedule B commodity exceeds US$2,500 or for which an export license is required for a shipment from the U.S. to another country. The SED is used for developing export statistics and export control.
The SED imparts general information about a transaction, including parties to a transaction, date of exportation of the shipment, consignees and agents for the shipment, Schedule B classifications, and weight and value of the goods.

This document is required when:

• The value of any individual commodity, technology, or software in the shipment is more than US$2,500.

• An export license or license exemption is required, regardless of the value of the contents of the shipment.
• The destination is a controlled territory, which includes countries experiencing strained relations with the U.S. These are Cuba, Iraq, Iran, Libya, North Korea, and Sudan.

In addition:

• The original SED should be signed by the exporter or his authorized agent.
• This form is not required for shipments to the U.S., except for shipments from Puerto Rico.
• If a shipment consists of multiple items falling under the same Schedule B classification, then the Schedule B number should appear only once on the SED with a single quantity, weight, and value. Exceptions include a shipment of both domestic and foreign merchandise, or if an export license or license exemption indicates otherwise.
• If a shipment consists of items with Schedule B numbers valued at US$2,500 or less and with Schedule B numbers valued at more than US$2,500, then those valued at US$2,500 or less should not be reported.
• Most shipments from the U.S. to Canada do not need to be reported in an SED, except those requiring a license or license exemption and those destined for a third country.
• Exporters and their agents must retain shipping documents for five years after exportation.
• Schedule B codes are available at http://www.census.gov/foreigntrade/schedules/b/#search.

Licensing Responsibility

Exporters (or their manufacturers) are ultimately responsible for determining whether a Schedule B commodity requires an export license. To comply with the new regulations, customers must determine if their shipment requires a license, and obtain it when necessary. Consult Part 736 of the Export Administration Regulations (EAR) to find out if a commodity, technology, or software is prohibited or requires a license or license exemption; or call the U.S. Department of Commerce Bureau of Export Administration (BXA) in Washington, D.C., at 202-482-4811.
Box 27 of the SED must contain the correct license designation or license exemption.
Box 28 must contain the Export Control Classification Number (ECCN) when it is required. Customers are responsible for determining whether each shipment requires an ECCN; contact the BIS directly with any questions.

Destination Control Statement

A Destination Control Statement should be placed on both the SED and the invoice. This statement is needed for commodities that require a license or license exemption. The correct wording of the statement is shown here, and may be written, stamped, or typed on the documentation:

"These commodities, technology, or software were exported from the United States in accordance with the export administration regulations. Diversion contrary to U.S. law is prohibited."

For questions about export regulations, contact the U.S. Department of Commerce Bureau of Export Administration in Washington, D.C., at 202-482-4811.


لازم تملي التوكيل ويكون مرفق بالصفحة نفسها ... لكنهم طالبوا بمعلومات غير موجودة بالاتفاقية

[Sharshooooor]

أخوي بارك الله فيك المشكلة من الارامكس أنا مب أول مره اشتري أنا شاري من موقع الأمازون

والحين الطلبات اللي تفوق 2500 دولار قيمتها يلزم فيها بعض المعلومات بس شركة أرامكس عقدتك الموضوع جدا وموظفينها مب فاهمين شي اعرف واحد طالب بعدي ووصلت شحنته ويوم قلت لهم قالوا بنشوف الموضوع ليه مشت شحنته وانت لا

وفي الأخير قالوا هو جاب معلومات عن المورد وهو والله ماجاب أي شي ويقصدون بمعلومات عن المورود فورمة لايزم يمليها المورد وأنا ارسلت للمورد ولا رد علي

أنا طالبت بالتحقيق والحين طرشوا لي إيميل لجنة التحقيق وبنشوف أخرتها معهم ماعندهم نزاهة ولا احترام العملاء

والله ماقول يالغالي غير انك ضفت معلومة جديدة لي وعشان احاسب من هالنقطة

جزاك الله الف خير

[فلفل حار]

ماعندي أي خلفيه عن سوالف الشحن ... عمري ماشريت من النت ... :)


تفضل هالرابط يمكن ينفعكـ ... وايد يمدحونه الاعضاء ...

http://www.qatarshares.com/vb/showthread.php?t=271711&highlight=%D4%D1%DF%C9+%D4%CD%E4

[مساهم فنان]

من خبرتي مع شركات الشحن ، بصراحة أسعارها في قطر غالية جدا جدا ...
أرامكس أسعارها غالية والد إتش إل أسعارها خيالية في قطر ، لو بطرش ظرف فيه ورقة أو ورقتين ياخذون عليه مالا يقل عن 400ريال .بينما dhlفي الخارج أسعارهم ممتازة .
الله يعينا ...
وين الرقابة على هذي الشركات؟:(

[قطري vip]

يبه غير وروح الوشنطن موفرز خدمه ولا اروع وسرعه ويوصلون لك الغرض لين البيت اذا تبي الارامكس

من زمان هدينها

[متفااائل]

جزاكم الله خير


باجرب شركة Washington Movers تم الاتصال فيهم والسؤال هل يشترطون معلومات على السلع اللي اغلى من 2500 قالوا لا مانشترط عادي والبريد يفتح مجاني

شكلي باحول شحنتي لهم وفرقا الأرامكس عيد بس بعد ما افتح تحقيق لأن لجنة التأديب راسلوني اللي في الأرامكس