$$$$ صادني موقف في مركز الريان الصحي $$$

[$$$$$$]

السلام عليكم ورحمة الله وبركاته


حبيت ارويلكم حكايتي مع مركز الريان الصحي :anger1: , اليوم رحت عندهم الساعه 3:30 العصر الله يكفيكم الشر فيني احتقان وكحه :shy:, لما وصلت المستشفى لقيته زحمه استغربت:eek5: , وسالت احد المراجعين:nice: , عن سبب هالزحمه , قالي مثل ماتعرف للحين ماوصلوا الوظفين الاستقبال ولا الممرضين ولا الدكاتره :anger1: , المهم جلست لين الساعه 4 ولا بطلوا الاستقبال الا الساعه 4 : 10 , ولما افتحوا الاستقبال الموظفات الله يعطيهم العافيه اسلوبهم قاسي وناشف مع المراجعين:( , ماعلينا اخذت رقم وتوجهت للدكتور , حصلت قدامي شايب مع ولده داشين عند دكتور قاله الشايب بس الولد عنده زكام , رد الدكتور وقاله للحين ما اعرف الرقم الي يدش عندي :secret:, قال الشايب للحين مافي حد وصل من المراجعين وانت فاضي ساعدني خلني اخلص بسرعه :discuss:, وانا واقف قلت حق الدكتور اذا انت فاضي خلصه مافي زحمه للحين بقصد اني اساعد الشايب:nice: , رد علي الدكتور وقالي انت ماتعلمني شغلي :anger1:, رديت عليه قلت انا ماعلمك شغلك:rolleyes2: , لاكن هذا شايب كبير في السن يعني له الاولويه :victory:, رد وقالي للحين ماوضحولي اي لون من الكروت عشان اخلص المراجعين , (تعرفون كل دكتور له لون ) , ورد بكل استهزاء وقال انتظروا برى لين يبين اي لون كرتي عشان استقبل المراجعين :rolleyes2::(,

يعني قهر اذا دكتور:anger1: المفروض يكون قدوه للغير :discuss:, ويكون اهتمامه للمراجعين كبير , مش مثل رد الدكتور هذا :(.

ياليت اذا في حد يعرف قسم الشكاوي التابع لمستشفى حمد العام لتقديم شكوى ولتبين مستوى دكاترتهم.

اسمحولي على الاطاله لاكن من القهر الي فيني:omen2: , وكيف طريقة التعامل من قبل هذا الدكتور
للمراجعين .
انا كلمت بداله مستشفى حمد العام :telephone: وقالولي باجر الصبح اتصل فينا وبيحولونك على الجهه المختصه :(:weeping:

[م. عبدالعزيز]

اول شي سلامتك وماتشوف شر ...

ثاني شي بالنسبة لمركز الريان،، اي واحد اللي ورا الحديقه ؟؟ اذا هو ترا هالمركز يحتاج تغيير 180 درجه في كل شي فيه

[بنت سيف]

السلام عليكم ..

الموضوع تراه مب هين ..

بصرف النظر عن قوانين المركز الصحي .. من ألوان كروت .. وغيره ..

المفروض الدكتور يكون فيه انسانية وآدمية ..
يعني مب غلطة الرجل الكبير إن المركز ما يفتح على الوقت ..
وما يصير يخلون الناس تنطر ..
المفروض .. الدكتور يحترم السن ..
والكبار في السن يبغي لهم مراعاة في التعامل الأخلاقي ..


الله المستعان ..

بنت سيف

[$$$$$$]

اول شي سلامتك وماتشوف شر ...

ثاني شي بالنسبة لمركز الريان،، اي واحد اللي ورا الحديقه ؟؟ اذا هو ترا هالمركز يحتاج تغيير 180 درجه في كل شي فيه



الله يسلمك يالغالي وماتقصر , هلا فيك اخوي الغالي بخصوص لمركز الريان الي قريب من دوار الفروسيه

[$$$$$$]

مشكوره بيت سيف على ردج وانا معاج ومؤيد لكلامج

[hemoud123]

اجر وعافيه يا خوي
مركز الريان الصحي فيه مشكله بالنسبه للاطباء اللي فيه , كل الناس ت
شتكي من سوء معاملتهم ونفوسهم الشينه, والسبب احد اثنين لا ثالث لهما :
اما ان رواتبهم يشوفونها ضعيفه وحقهم مهضوم
او انهم يشوفون انفسهم اكبر من انهم يعملون في هذه المراكز يعني الواحد منهم يحس ان مكانه الطبيعي في ويلنغتون هوسبيتال او في كليفلاند اوهايوهوسبيتال , مع انه ناجح بالعافيه وشهادته الله اعلم من وين

[الهـواوي]

يريت وزير الصحه

والله اي واحد تجي معه شكوه وسوء تعامل تفنيش

وترى صار لي موقف مع واحد قطري كان رايح المركز الصحي في شعبية خليفه وكان معه العجره
يبي يضرب فيها دكتور يوم نشدت رجل الأمن قالي انه الدكتور طول السانه على امه وامه كبيره في السن بس يقول انه حلو المشكله لان الدكتوره استوى مثل الفار وخذ له كمن كف على كلام رجل الامن القطري

[الألماسي]

وشـو اللـي يمنع وزيـر الصحه انه ياخذ جوله مفاجئه للمستشفيات و المراكز الصحيـّه . .!

كلش . . كلش مشغول . .!!

يسوي له لجنه خاصه تتابع سير العمليه الصحيّه تتبع مكتبه و يجتمع معاهم مره بالشهر . . حتى مو اسبوعياً . .!!

أجر و عافيه أخوي و ما تشـوف شـر

[تفوق الوصف]

يريت وزير الصحه

والله اي واحد تجي معه شكوه وسوء تعامل تفنيش

وترى صار لي موقف مع واحد قطري كان رايح المركز الصحي في شعبية خليفه وكان معه العجره
يبي يضرب فيها دكتور يوم نشدت رجل الأمن قالي انه الدكتور طول السانه على امه وامه كبيره في السن بس يقول انه حلو المشكله لان الدكتوره استوى مثل الفار وخذ له كمن كف على كلام رجل الامن القطري

وين عايش هذا يضرب دكتور ؟!


في غابه احنا ..

الدوله ما فيها قانون ؟

[ودي أكون]

اجر وعافيه اخوي ..

والله حالتنا حاله مع الدكاتره اللي مالهم نفس ع اي شي ..

وتسلم ع نقلك للقهر مع الرموز :tooth:

[راشد محمد]

الله يعينا على المراكز الصحية

[]ام جاسم[]

مركز الريان مو مره او مرتين دايم لهم مشاكل وموظفات الاستقبال كنهم مدره انا صارت لي مشكله يوم سجلت ولدي وحده اتقولي تحمدو ربكم اني اسجل عيالكم كانها ظاربتنا بمنه قالت انا اداريه غير يشرب شاي وانا اخلص اوراقكم وتكلم علني والله ماردني الا مديرة المركز وطبعا بكل برود اتقول مو قصدها
قصد من او من اومن والله مركز الريان لوعو كبدنا
وهم الدكاتره هم مافيهم خير كم مره اجيهم تعبانه او حد العيال ومحد عندهم ولا في مراجعين يقولون احنا مشغولين وهم قاعدين ولا يمسكون شي مسيار بين بعضهم كل دكتوره اتسير على الثانيه
حسبيالله ونعم الوكيل فيهم

[حنان الدنيا]

لاتتصل وتعب نفسك وتشتكي ترى نفس المشكله في موسسه حمد

من يومين رحت اخذ موعد حق ابوي وعطتني الاخت وماقصرت بس لما قلت لها بس شيكي اذا امي

عندها موعد او لا طالعتني بنظره وقالت روحي عند الكونتر الثاني يشوفون لج قلت لها ليش بس شوفي اذا

عندها موعد بس انا مابي موعد

يعني في ذمتك اخوي ايش بيصير لو شافت اذا مسجل لها موعد بالكمبيوتر او لا

على العموم سلامات اخوي

[بواردي]

اتعس مكان تروح له
في قطر
مركز صحي
او موعد في مشفى حمد
ينقعونك شهرين او ثلاثة
والحالة جايتهم من مركز صحي ومكتوب فيها ارجينت ( مستعجل )

المراكز الصحية وبدون استثناء
واسمحولي في هالكلمة

بسبب المعاملة اللي في المراكز الصحية
تحس كانك رايح عيادة بيطرية
اخيس معاملة
يحسسونك انك جاي من الشارع موبمواطن ويدور رعاية صحية

[q6ri_vip]

اتعس مكان تروح له
في قطر
مركز صحي
او موعد في مشفى حمد
ينقعونك شهرين او ثلاثة
والحالة جايتهم من مركز صحي ومكتوب فيها ارجينت ( مستعجل )

المراكز الصحية وبدون استثناء
واسمحولي في هالكلمة

بسبب المعاملة اللي في المراكز الصحية
تحس كانك رايح عيادة بيطرية
اخيس معاملة
يحسسونك انك جاي من الشارع موبمواطن ويدور رعاية صحية

يازين التأمين الصحي :victory:

[HIGHNESS]

يازين التأمين الصحي :victory:

اي والله يازينه ... ياليت كل مواطن عنده تأمين صحي :victory:... وعلى طاري المراكز الصحية حطيت عليهم اكس من زمااااان لامعاملة عدلة ولا شي من عقب مادشيت على الدكتوره وهي تتكلم وتاكل والأكل يتنثر من حلجها ههههههههه وعععع حسيت ان المكان جيييييييييب :eek5: .. ومستشفى حمد من يوم توفى الوالد الله يرحمه وشفت معاناته هناك :weeping:.... قلت والله لو شنو ماطب عندهم ... ادفع فلوس واشتري راحتي ... تروح لهم تعبان جسدياً بس .. ترد تعبان جسدياً ونفسياً ....
الدكتور لازم يتعامل بإخلاق وانسانية مع المريض مهما كان عمره او جنسه .. لأنه مريض
بس شنقوووول بعض الدكاااتره يحتاجون دكاتره :rolleyes2:

[رهج السنابك]

مدري ليه احس الدكاترة كلهم الا مارحم ربي نفوسهم في خشومهم وكأن الواحد قرفان من حياته مع اني اتصور الواحد مايدخل طب الا وهو حابه لان من اصعب المهن بس اللي عندنا الله بالخير وكأنهم مجبورين على شغلهم ..

اليوم رحت المركز الصحي وقعدت يمكن ربع ساعه والطبيبة مطنشتني ولا كأن في ادمية قاعده تنتظر والدكتورة طايحه سوالف تافهه مع الممرضه عن طريقة طبخ المحشي !

[بوخالد911]

يبييلهم نفضة خررج

!!@@!!

[Cute Mother]

الخطأ الأكبر أن ..
إستراحة انتظار الرجال تأتي في المقدمة بمقابل بوابة مركز الريان الصحي ..
وكل رجل ستقع عينة على كل من تدخل المركز من النساء .. !



عجبــــي !i!i ..

[أم جود]

دكـــــــــــاترة يحتاجون دكـــــــــاترة :)

[$$$$$$]

بسم الله الرحمــن الرحيم

أشكركم جزيل الشكر لتفاعلكم وردودكم الي تشرح الصدر :shy: , هذا دافع لي بمزيد من المواضيع في القريب العاجل :nice: .

[فلفل حار]

لا تضربه ولا يضربكـ ...

عامله بمثل معاملته ... وقط عليه كلمتين واحذف الورقه في ويها وانت طالع ... :)

ودايركت على مكتب المدير واذا قالوا لك مشغول ... روح حق مدير المدير ... وألي فيها فيها ...




مانت بمجبور تتحمل 1 زفت مثل هذا ...:shy:

[hasss1969]

على مهلكم يا شباب علينا.....مو كل الاطباء متل بعض...وفي كل مكان نجد الزين ونجد الشين...
لكن انا معكم ان الطبيب يجب ان يكون قدوة وصاحب نفس طويل لان مهنته انسانية بالمقام الاول...والانسان يذهب للطبيب حتى يخفف عليه ولو بكلمة طيبة ,,فاحيانا الكلمة الطبية تساعد في العلاج ولها مفعول سحري...

[nawara2]

بصرف النظر عن قوانين المركز الصحي .. من ألوان كروت .. وغيره ..

المفروض الدكتور يكون فيه انسانية وآدمية ..
يعني مب غلطة الرجل الكبير إن المركز ما يفتح على الوقت ..
وما يصير يخلون الناس تنطر ..
المفروض .. الدكتور يحترم السن ..
والكبار في السن يبغي لهم مراعاة في التعامل الأخلاقي ..


الله المستعان ..

[doha70999]

انا مادري ليش الدكاترة والموظفات بالمراكز الصحية شايلين هموم الدنيا على راسهم ومخيسين النفس مع الموظفين!!


الله يعين بس

[أريج]

السلام عليكم

ترى مستشفى حمد مالهم خص بالموضوع

المراكز تحت ادارة الرعاية الصحية الاولية

اخوي ويهك و د. مريم عبدالملك مديرة اطباء المراكز الصحية

[QatarServ]

هلا أخـوي وانت سكـت انا عادي أرووح أضـربـه ..
أخـوي عطني اسم الدكتـوور .. واذا حصلتـه بكـره فالمركـز ما أكـون محمد ..
عطني أسـمه ومايصير خاطرك الا طيب ..

[بنت غانم]

المراكز الصحية
كلهم نفس الشى
سواء من الاستقبال
للدكتور