أحذرو: سحبت 500 ريال وماطلعت؟؟

[الخيالي5200]

السلام عليكم ورحمة اللة وبركاتة

أمس رحت قاعة المعارض ورحت بسحب فلوس من بنك قطر الوطني ويوم سحبت ماطلعت الفلوس وعلى طول وصلي مسج تم الخصم مبلغ 500 ريال واتصلت بالبنك قالو لي انتظر بين الشهر والربعين يوم اذا كان لك حق عندنا...

هاي شتسمونها سرقة عينين عينك ولا شسالفة ؟؟

[مرتبش]

الله يعينك على الاجراءات
اذا الجهاز تابع لبنكك فما في مشكلة يوم واحد وترجع الفلوس في حسابك
لكن اذا الجهاز تابع لبنك اخر.. فلا بد من الانتظار

[383 STROKER]

بسيطه اخوي بيرجعون لك المبلغ صارت معاي

[الخيالي5200]

الله يعينك على الاجراءات
اذا الجهاز تابع لبنكك فما في مشكلة يوم واحد وترجع الفلوس في حسابك
لكن اذا الجهاز تابع لبنك اخر.. فلا بد من الانتظار

لاواللة ياخوي انا حسابي في المصرف والجهاز الي سحبت منه قطر الوطني

[كشكول]

صارت معي مره كان السحب من البنك التجاري وبطاقتي الوطني الاسلامي وتم سحب المبلغ ولما راجعتهم ثاني يوم لقيت ما نسحب شئ والمبلغ في حسابي

[القعقاع]

صباح الخير انصحك على طووووووووووووول راجع البك وبيرجعون لك الفلوس لايقصون عليك تنطر شهر او اكثر
انا مرة صار لي سحبت 6000ريال من مكينة بنك الدوحة ولاتطلع الفلوس وعلى طوووول يخصم من الرصيد وجربت ثلالث مرات تخيل انخصم 18000 الف ولا استلمت الفلوس وتخيل ما طلع لي( الوصل ) طحت في ورطه لان اول مرة تصير لي
ولكن اليوم الثاني من الصبح راجعت الفرع (بنك الدوحة ) مكان المكينة وعطوني وصل وبعد ماراجعوا ديسك المكينة رجعت لي الفلوس بعد حوالي ((((3 أيـــــــــــــــــــــــــــــــــــــــــام ))))
انصحك الحين روح البنك وراجعهم

[ودي أكون]

انا صارا معاي كنت ساحبه 9000 ريال .. وماطلعت لي لفلوس وحركت اني برجع البيت وانا فالطريح يعني عقب جم دقيقه الا امطرشين لي مسج اني سحبت المبلغ ولا اللي خوفني كاتبين لي رصيدك المتوفر هو وسعداء بخدمتك .. يا سلاااااام :rolleyes2:

والطامه الكبرى ..اني يوم وانا طالعه دشوا وراي شلة هنوووود .. ياسلام اكيد من الصبح شكلهم ع اول طيارة :tooth:

بس يوم اتصلت لهم قلت لهم سحبت والمكينه اتقول لا يمكن انجاز معاملتك ويوم حركنا للبيت مطرشين لي مسج اني سحبت .. قالوا لي ماسحبتي قلت لا والله ماسحبت قال اي لفلوس ارجعت في حسابج قلت متأكد فلوسي ارجعت قال اي موجوده والمبلغ الموجود كيت وكيت ..:shy:


انا بنك الوطني ويوم صارت لي السالفه مع التجاري .. بس اهم شي ارجعت لي فلوس بنفس وتقريبا بنفس الساعه .. :victory:

باذن الله بترجع لك فلوسك اخوي ..

ونصيحتي للكل هي مثل ماقالوا لي اخواني .. اذا في بالج تسحبين مبلغ كبير .. سحبيه ع كم سحبه يعني ال9000 خليه 2000 وعقب سحبي 2000 وجي يعني ... عشان اظمن لج اكثر .. واظمن لكم اكثر :tooth:

[abn qatar]

تصير اخوي مومشكله الافلوس اللي ماتطلع من الصراف ترجع بعدها في حساب الشخص ممكن

اذا من نفس البنك في نفس اليوم او يومين بالكثير اما اذا من بنك اخر تاخذ وقت على الاقل

اسبوع

[السد]

لا تحزن اخوي
راجع فرعك فقط
وبيرجعون لك المبلغ

[حمد]

انا صار لي فترة كل ما اسحب مبلغ يجيني المسج مرتين .... ولما اشيك في موقع البنك ...يكون المبلغ مخصوم.... وعقب شوي مرجعينه في الحساب !!!

الدولي الاسلامي

[maha0]

لاتسكت عن حقك

احشرهم البنوك ماتجي الا بالface 2 face
والحشره

بتكلمهم بهداوه بيجلطونك اسمله عليك

[الخيالي5200]

بسيطه اخوي بيرجعون لك المبلغ صارت معاي

اوكي انا معاك بسيطة معاي انا بنتظر شهر بس في ناس محتاجين 500 ريال مايقدرون ينتظرون شهر او اكثر في ناس رواتبهم 1000 ريال مايقدرون يصبرون وبعد الحين احنا داخلين على شهر رمضان والعيد والمصاريف كثيرة يعني 500 ريال تسوي شغل :weeping:

[سوق واقف]

عادي يالغالي تصير وايد معاي

[جوال 11]

أحتفظ بالوصل وراجع البنك
هذا يحصل من أنقطاع الأتصال وخاصة وقت المغرب .
والله يعينك عليهم .

[asadfg]

انا صارت معاي في مكينه بنك الخليجي بس حسابي في البريطاني المكينه تمت صمن بكمن عمين فهم لاينطقون شوي الا واصلي مسج اني ساحب

[بنت ابوها*]

انا صارت معاي في مكينه بنك الخليجي بس حسابي في البريطاني المكينه تمت صمن بكمن عمين فهم لاينطقون شوي الا واصلي مسج اني ساحب:eek5:

صماً بكمٌ عمٍ لا تضيع لغتنا الله يخليك:victory::omen2:

[asadfg]

:eek5:

صماً بكمٌ عمٍ لا تضيع لغتنا الله يخليك:victory::omen2:

لو سمحتي احنا قاعدين اناقش قضيه هني مب جاين نحط حركات على الحروف الرجاء عدم الخروج عن الموضوع الاساسي اطالب الاداره باتخاذ الاجرائات الازمه لهذه العضوه وحذف ردها

[بنت ابوها*]

لو سمحتي احنا قاعدين اناقش قضيه هني مب جاين نحط حركات على الحروف الرجاء عدم الخروج عن الموضوع الاساسي اطالب الاداره باتخاذ الاجرائات الازمه لهذه العضوه وحذف ردها


اممم ليش تزعلون من التصحيح:anger1::oops:

هاي لغتنا وانا اعتز فيها وانا اصلحها لك احسن من الغيير والفايده تعم الجميع:stop:واسمحلي اخوي اذا بتاخذ الموضوع شخصي او بحساسيه احنى نستفيد من اخطاءنا

واجراءات الادارة على راسي من فوق:sorry:

[مرتبش]

بس السؤال المهم
ليش قامت تصير هالنوع من المشاكل بس الحين (من سنة او سنتين بالكثير)...
المفروض البنوك تطور شغلها وانظمتها.
ولا تعرفون ..بسنا تطوير لايرفعون علينا الرسوم :)

[موظف بالبورصه]

عادي اخوي تصير ..

لكن من شهر لين 40 يوم هذي غريبه ..

طيب اذا الواحد محتاج كيف يعني ؟؟

راجعهم وطلع الـ 500 من عيونهم ..

[مضارب دوسري]

صارت معي مره كان السحب من البنك التجاري وبطاقتي الوطني الاسلامي وتم سحب المبلغ ولما راجعتهم ثاني يوم لقيت ما نسحب شئ والمبلغ في حسابي

شي طيب

شسم بنكك قلت؟:nice::nice:

[مهندس زمانه]

اخووووووووووووووووووي عادي المبلغ احيانا يرجع في نفس الوقت...ان شاء الله خير

[الخيالي5200]

اتصلت لهم اليوم الساعة 8 الصبح وقالو لي اذا مارجعت لين الساعة 1 الظهر راح ترجع بين الشهر والربعين يوم والحين صارت الساعة وحدة ولم الحين ماشفت شي واتصلت فيهم الحين قالو لي خلاص انتظر ..

بس ترقبو الشكوه في جريدة الشرق بكرة باذن اللة

يــا قــاتــل أو مــقــتــول

[موظف بالبورصه]

لو سمحتي احنا قاعدين اناقش قضيه هني مب جاين نحط حركات على الحروف الرجاء عدم الخروج عن الموضوع الاساسي اطالب الاداره باتخاذ الاجرائات الازمه لهذه العضوه وحذف ردها

هههههه استهدي بالله اخوي سويتها قظيه واجرائات ..

وسع صدر وانا اخوك :nice:

[مليونيره]

راحت عليك
انا صارت لي سحبت 500 من الأهلي وانا في الوطني الإسلامي دقيت على بنكي قالو بردونها ولا شفتها خير شر

[كشكول]

أهدأ يا الشيخ وان شا الله راح ترجع لك الفلوس اخر النهار
انا ادري الموضوع مش موضوع 500 ريال بس مثل ما قلت في ناس تختلف حالاتهم فلربما شخص قد يكون في حاجه لهذا المبلغ ولا يستطيع ان ينتظر شهر لاعادتها
بس ان شا الله ترجع في حسابك او روح لهم بكره ما يصلح تتصل ترى تصير وايد وترجع في الحساب
والله المستعان

[مرتبش]

وايد شهر او اربعين يوم
بيراجعون ميزانية البنك ولا ايش..

[عزتي سمو ذاتي]

بإذن الله بترجع لك الفلوس .. أنا صارت لي كذا فترة بس مومكينه السحب كنت ادفع بالبطاقة في المحلات

ويقولون لي انتظري أسبوعين إذا ما انسحب المبلغ بيرجع لج .. وصج بعد أسبوعين يرجع لي المبلغ

[ولد شرق]

اخوي وين المشكله؟
اتصير عادي اذا مكينه الصراف فيها مشكله
يجيك مسج ان المبلغ انسحب وهو فعليا مانسحب
والملبغ يرجع لك بعد 24 ساعه فقط لا اكثر
والملبغ يتأخر من شهر لين 40 يوم إذا كانت ساحب من الفيزا كارد او الكردت كارد بشكل عام...

[كيفـي]

أنا أنسحبت مني فلوس في تركيا وماطلعت الفلوس..

وبعد مارجعت بشهرين قلت لوحده السالفة وقالت لي كلمي البنك وبيرجعونها..

مع اني ماعرف اسم البنك وماعرف اي يوم.. وانتظرت لما اوصلت تقرير البنك..

كلمتهم.. وقالوا بنشييك.. وبعد اسبوعين رجعوا لي فلوسي..

والحمد لله رجعت بوقت مناسب..:nice:

وهي تقريباً 4000 ريال يعني مال الحلال مايروح..

الحمد لله والشكر لله على كل حال..

وانتظر وبتجيك فلوسك..

والله يعينك..

[QAT999]

للمعلوميه فقط

البنك عندها خبر بكل عمليه تصير
فيعنى اذا سحبت وما طلعت فلوس .. لا تحط فى بالك انه البنك ما يرجع لك الفلوس
على طول فى نفس الوقت يصلحون لك الغلطه ويرجعون الفلوس وفى قسم خاص لهذا الموضوع
لتصحيح اخطاء الصرافات الاليه للعملاء

^
^
الكلام الفوق اذا كانت بطاقتك والصراف نفس البنك


اما البطاقه من بنك اخر وصراف الى اخر
فلعمليه تتم خلال اليوم الثانى من السحب يبدء يعملون بحث للمشكله الى صارت بمعنى
انه طلبت سحب وما طلعت لك فلوس فيتم التاكد انه انت سحبت الفلوس او لا من المصرف المركزى عن طريق السحوبات للحسابات الخاصه للبنوك وهناك قسم خاص يوميا يراجع على جميع السحوبات ويتاكد من سحب الفلوس واذا فى خطأ صار يبدء يرسلون البنك الاخر حتى يتم تصحيح عمليه ارجاع الفلوس والخ


ويفضل دائما بأبلاغ البنك عند حصول مثل هذا الخطأ ،، حتى يتم توفير الوقت فى انجاز المشكله
وهذا يكون عن طريق الكول سنتر الى بدوره عند اتصالك يرسل مشكله للقسم لحل الموضوع

او توجهك الى فرعك الخاص لعمل طلب بلمشكله




تحياتى

[::.Silent.::]

راحت عليك
انا صارت لي سحبت 500 من الأهلي وانا في الوطني الإسلامي دقيت على بنكي قالو بردونها ولا شفتها خير شر



ودي اصدقـــــج


ترى احنا مب يهال .. واللي له فلوس ياخذها

صارت لنا اكثر من مرة

و بلاش ......!!

[q6r2009]

السلام عليكم..
اخوي انا انس بمركر المعارض ورحت للصراف مال بنك قطر الوطني اللي عند مصلى النساء وسحبت 500 ونطرتها تطلع ماطلعت و لكن تدرون شسويت؟؟ فتحت اللي يسحبون منه الفلوس وطلعت الفلوس شايره وسحبتها بالعدال وطلعت....وبس

[ودي أكون]

السلام عليكم..
اخوي انا انس بمركر المعارض ورحت للصراف مال بنك قطر الوطني اللي عند مصلى النساء وسحبت 500 ونطرتها تطلع ماطلعت و لكن تدرون شسويت؟؟ فتحت اللي يسحبون منه الفلوس وطلعت الفلوس شايره وسحبتها بالعدال وطلعت....وبس

من صجك انت :eek5:

انقول فرضا افلوسك شارت وانت ماخذتها وحركت وغيرك سحب وماطلعت فلوسه بسبة فلوسك الشايره :rolleyes2:

يعني كم بتكود فالاخير في هالمكينه :eek5:

انا اخاف اجيك عالمكينه يقولون شفيها ليكون بتبوق :shy:

عملك عمل بطولي وجرئ خاصه انك كنت في مركز المعارض :tooth:

[مضارب دوسري]

ودي اصدقـــــج


ترى احنا مب يهال .. واللي له فلوس ياخذها

صارت لنا اكثر من مرة

و بلاش ......!!

والله انك صادق

مب معقوله بياكلون حق احد :secret:

بس شتسوي بعض المليونيريه ما يهتمون فال500 ريال:shy:


شكلك مافهمت القمنده من كلامهم:nice::nice:

[واقعي وصريح]

السلام عليكم ورحمة اللة وبركاتة

أمس رحت قاعة المعارض ورحت بسحب فلوس من بنك قطر الوطني ويوم سحبت ماطلعت الفلوس وعلى طول وصلي مسج تم الخصم مبلغ 500 ريال واتصلت بالبنك قالو لي انتظر بين الشهر والربعين يوم اذا كان لك حق عندنا...

هاي شتسمونها سرقة عينين عينك ولا شسالفة ؟؟

يا خ هاي تصير في كل البنوك تكون الشبكة المحلية فيها عطل الموضوع عادي ترى

[واقعي وصريح]

راحت عليك
انا صارت لي سحبت 500 من الأهلي وانا في الوطني الإسلامي دقيت على بنكي قالو بردونها ولا شفتها خير شر

اشدعوة عطيني الوقت والتاريخ والمبلغ وبنشوف اذا لج حق بتاخذينة

[ممنوع اللمس]

انا مره في البنك صوب جمعية الدفنه سحبت 5000 ريال والاخ مب راضي لا يطلع بطاقتي ولا يطلع لي الفلوس
قعدت شوي يا ابن الحلال انزين البطاقه مابي الفلوس الاخ مو راضي اتصل لهم محد يرد
قعدت والله تقريبا نص ساعه قلت اليوم قاعد لك قعده
بعدها طلعت الفلوس والبطاقه..يعني لو حد غيري حرك كانت راحت عليه 10 صفر

[doha70999]

انا صار لي هالموقف ولما طلبت استفسار من البنك سوو لي بحث وماجري شنو ولا وفي الاخير طلعت انا الي سحبت شلون مادري!!!!!!!!!


دفع بلا الحمد لله على كل حال

[QATAR 11]

بسبب تعطل الصراف الآلي ..خصم منه 500 ريال دون الحصول عليها

اشتكى مواطن من تعطّل أحد اجهزة الصراف الآلي الموجودة بجوار منطقة المعارض، مشيراً إلى أنه أثناء سحبه لمبلغ 500 ريال من آلة الصراف لم تخرج له النقود كما هو معتاد ليفاجأ بأن المبلغ قد خصم من حسابه البنكي موضحاً انه اتصل بالجهة المسؤولة التي يتبع لها الصراف الآلي ليرد أحد مسؤولي خدمة العملاء ليبلغه بضرورة الانتظار لفترة أربعين يوماً لحين اكتشاف الخطأ، مبدياً استغرابه من هذا الشرط الذي لاعلاقة له بتعطّل الصراف الآلي وسحب وخصم مبلغ لم يحصل عليه حسب قوله، مطالباً بالاهتمام بشكواه وإعادة المبلغ الذي خصم منه.

من جريده الشرق لهذا اليوم

[فلفل حار]

وسع خاطركـ وانا فلفوول ...:strong





صارت لي من قبل بـ 3 الأف ريال ...!

وفي وين ...؟ وانا في البحرين ...
:eek5:

يعني كلششش ماكان وقته انواع الوهقه يومها ...:rolleyes2:

بس ردت لي عقب شهر تقريباً ... :)






صارت هالمشكله لأحد الاعضاء وشوووف شصار وياهـ ... <<< قايلها بطريقة أكشن ...:p

http://www.qatarshares.com/vb/showthread.php?t=251214&highlight=%C8%E4%DF+%C7%E1%CF%E6%CD%E5






بيردون لكـ فلوسكـ ... وهم يضحكـوون ..!!!


http://img102.herosh.com/2009/08/13/234434946.jpg

[براتزية برازيلية]

الله يعينك

[الخيالي5200]

بسبب تعطل الصراف الآلي ..خصم منه 500 ريال دون الحصول عليها

اشتكى مواطن من تعطّل أحد اجهزة الصراف الآلي الموجودة بجوار منطقة المعارض، مشيراً إلى أنه أثناء سحبه لمبلغ 500 ريال من آلة الصراف لم تخرج له النقود كما هو معتاد ليفاجأ بأن المبلغ قد خصم من حسابه البنكي موضحاً انه اتصل بالجهة المسؤولة التي يتبع لها الصراف الآلي ليرد أحد مسؤولي خدمة العملاء ليبلغه بضرورة الانتظار لفترة أربعين يوماً لحين اكتشاف الخطأ، مبدياً استغرابه من هذا الشرط الذي لاعلاقة له بتعطّل الصراف الآلي وسحب وخصم مبلغ لم يحصل عليه حسب قوله، مطالباً بالاهتمام بشكواه وإعادة المبلغ الذي خصم منه.

من جريده الشرق لهذا اليوم

يستهلون من قال لهم ياخذون 500 ريال مالتي :tease:

[واقعي وصريح]

احس انك اول مرة تفتح حساب في بنك

مشكلة هالنوع من الناس الله يعين البنوك دام هاي عملائها

[الخيالي5200]

احس انك اول مرة تفتح حساب في بنك

مشكلة هالنوع من الناس الله يعين البنوك دام هاي عملائها

أخوي انا مب لاقي الفلوس من الشارع عشان تقولي ها الكلام هاي من عرق جبيني

لو الفلوس فلوسك لو ماقلت جذي

ياخي اذا انت مب حاجة للفلوس ترى غيرك محتاج لها

[مرتبش]

روح يالخيالي.. دربك خضر ( دولارات يعني )
خلهم يحسون... 40 يوم حروب تخلص فيها مب جرد صراف الي .

والبنوك ماتحتاج حد يدعيلها لانها مثل المنشار طالع ماكل نازل ماكل

[ودي أكون]

يستهلون من قال لهم ياخذون 500 ريال مالتي :tease:

هههههههه والله انك عجيب

:tease: زين اتسوي فيهم ههههههه

[ولد الشحانية]

انا سحبت من الحساء من كم يوم 1500 ريال وماطلعوا وعقب رجعت

[واقعي وصريح]

أخوي انا مب لاقي الفلوس من الشارع عشان تقولي ها الكلام هاي من عرق جبيني

لو الفلوس فلوسك لو ماقلت جذي

ياخي اذا انت مب حاجة للفلوس ترى غيرك محتاج لها

دام انك مو فاهم الموضوع لا تلوم البنك اسأل بعدين انتقد

والله حالة

[الخيالي5200]

دام انك مو فاهم الموضوع لا تلوم البنك اسأل بعدين انتقد

والله حالة

دامك فاهم يلا فهمني عشان الكل يفهم معاي ومانتقد حد
بس انا اشوف الكل معاي بس انت
فهمني ولي يرحم ولديك
ترى انا مب اول واحد يصير معاه هالشي ترى عالم يتشكون من هالشي
يلا حل لنا الموضوع واكون لك شاكر

[البحار00]

جيت اسحب في الاحساء وماعرفت للمكينة كانت معقده

وطلعت البطاقه على طول وظنيت ان المكينة ارفضت المعامله

وبعد مامسكت الخط جاني مسج بعملية سحب 5000 ريال وانا ماشفت شيء

والحين صارلي اكثر من شهر ولا شفت شيء والبنك تعب وهو يخاطب البنك في السعودية

ان ارجعت زين وان مارجعت دفعة بلا عني وعن عيالي ان شاء الله

[(الفيصل)]

اذكر السنة الماضية أو أكثر
كنت في مجمع (لاند مارك) عند ماكينة الصرف
وكانت امامي فتاة ووالدتها
وبعد ان انصرافهن
وقبل ان ادخل بطاقتي وجدت الماكينة تخرج مايقارب 4000 ريال او اكثر
فلحقت بالفتاة ووالدتها .. وكادت الفتاة ان يغمى عليها من هول الصدمة لدرجة أنني ذهبت وهن لازالوا ينظرون إلى ويعدون المبلغ .. حتى بعد انصرافي من ماكينة الصرف:)

الشاهد .. انه يجب عدم الاستعجال بعد ادخال البطاقة لماكينة السحب .. فقد يتكرر معكم ماحصل مع الاخت.
وتحياتي لكم

[البدوي]

>>> انا صارت لي السالفه وانا كنت مسافر وتورطت عدل ..... ولين الحين ماردت في حسابي

.... راجعهم افضل

[ذيب زكريت]

انا صارا معاي كنت ساحبه 9000 ريال .. وماطلعت لي لفلوس وحركت اني برجع البيت وانا فالطريح يعني عقب جم دقيقه الا امطرشين لي مسج اني سحبت المبلغ ولا اللي خوفني كاتبين لي رصيدك المتوفر هو وسعداء بخدمتك .. يا سلاااااام :rolleyes2:

والطامه الكبرى ..اني يوم وانا طالعه دشوا وراي شلة هنوووود .. ياسلام اكيد من الصبح شكلهم ع اول طيارة :tooth:

بس يوم اتصلت لهم قلت لهم سحبت والمكينه اتقول لا يمكن انجاز معاملتك ويوم حركنا للبيت مطرشين لي مسج اني سحبت .. قالوا لي ماسحبتي قلت لا والله ماسحبت قال اي لفلوس ارجعت في حسابج قلت متأكد فلوسي ارجعت قال اي موجوده والمبلغ الموجود كيت وكيت ..:shy:


انا بنك الوطني ويوم صارت لي السالفه مع التجاري .. بس اهم شي ارجعت لي فلوس بنفس وتقريبا بنفس الساعه .. :victory:

باذن الله بترجع لك فلوسك اخوي ..

ونصيحتي للكل هي مثل ماقالوا لي اخواني .. اذا في بالج تسحبين مبلغ كبير .. سحبيه ع كم سحبه يعني ال9000 خليه 2000 وعقب سحبي 2000 وجي يعني ... عشان اظمن لج اكثر .. واظمن لكم اكثر :tooth:




هالطريقة ما انصح فيها اذا كانوا بخصمون على كل سحبة

[بوعلي-Qtr]

احس انك اول مرة تفتح حساب في بنك

مشكلة هالنوع من الناس الله يعين البنوك دام هاي عملائها

الصراحه استغربة من هاي الرد
ياخوك هاي 500 العميل ومن عرق جبينه ..
والله لو صادني الموقف في 50 ريال بس .. والله ماهديتهم
وهاي الصراحه لاهو عيب ولا حاجة
الفلوس فلوسي .. والمشكلة مب مني .. بل المشكلة من المكينة
ولازم يتحملون اللي يجيهم ..

الصراحه مستغرب انه في هالنوعيه من الناس اللي ماتهمها ال 500

[دوحة الجميع]

أنا صار معاي مع ماكينة بنك قطر الوطني وحبيت اسحب مبلغ 450 ريال ولكن اعتذر الجهاز وكتب لي البطاقة غير مقبولة ، مع انه جاني مسج من البريطاني يقول تم سحب مبلغ 450 ريال , واتصلت في البنك البريطاني ، وعلى طول وفي ثواني معدودة تم رد المبلغ في حسابي .

[واقعي وصريح]

الصراحه استغربة من هاي الرد
ياخوك هاي 500 العميل ومن عرق جبينه ..
والله لو صادني الموقف في 50 ريال بس .. والله ماهديتهم
وهاي الصراحه لاهو عيب ولا حاجة
الفلوس فلوسي .. والمشكلة مب مني .. بل المشكلة من المكينة
ولازم يتحملون اللي يجيهم ..

الصراحه مستغرب انه في هالنوعيه من الناس اللي ماتهمها ال 500

اتصير يا الحبيب بس مو لدرجة الشكوى المبلغ بيرجع محد راح ياخذ فلوسه

[واقعي وصريح]

دامك فاهم يلا فهمني عشان الكل يفهم معاي ومانتقد حد
بس انا اشوف الكل معاي بس انت
فهمني ولي يرحم ولديك
ترى انا مب اول واحد يصير معاه هالشي ترى عالم يتشكون من هالشي
يلا حل لنا الموضوع واكون لك شاكر

هالامور عادية وتصير مع اي شخص بس انت مكبر السالفة واااااااااااااااااااايد

[Um Sultan]

هل الشي صاير مع كل البنوك هل الايام مادري شسالفه

انا نفس الشي سحبت ببطاقتي وجاني الخصم مرتين والرصيد قل مرتين بحسابي

لين اليوم المبلغ الثاني محجوز قالوا لي عقب 9 ايام بيرد بالحساب

[الخيالي5200]

هالامور عادية وتصير مع اي شخص بس انت مكبر السالفة واااااااااااااااااااايد

خلاص جزاك اللة خير

[فهد111]

عادي تصيير انا بعد صارت معاي وجاني مسج ثاني ان المبلغ رجع في الحساب

[فهد111]

احس انك اول مرة تفتح حساب في بنك

مشكلة هالنوع من الناس الله يعين البنوك دام هاي عملائها
^
^^
^^^
^^^^
والله انت الي الله يعينك على نفسك :rolleyes2:

[الخيالي5200]

اللة كريم أن شاء اللة