أستفسارعن تلفزيونات البلازما [الأرشيف] - منتديات شبكة الأسهم القطرية

مشاهدة النسخة كاملة : أستفسارعن تلفزيونات البلازما

أم الشيوخ

12-08-2009, 03:11 PM

السلام عليكم ورحمة الله
حابة أستفسر عن أفضل تلفزيونات البلازما ؟من عندة خبرة ياليت يفيدني
مع جزيل الشكر

سهم عتيج

12-08-2009, 05:46 PM

من أي ناحية اختي تبغين تعرفين
هناك 3 أنواع من الشاشات حاليا
بلازما
lcd
led
الأخيرة مستوى الصورة أفضل ثم الثانية ثم البلازما,, ولكن الأسعار تختلف

البلازما هي الأقل سعرا وجودتها طيبة حسب المواصفات

أهم شي يكون البيكسل أكثر من 1000 وطالع والهرتز من 100 وطالع وكل شي تمام

شخصيا قبل شهر كنت متردد بين 42 بوصة lcd بسعر فوق ال 5000 وبين 42 بوصة بلازما بسعر 3000,, ثم توكلت على الله واشتريت البلازما بالاضافة الى المسرح المنزلي قوة1000 واط تكلفتهم أقل من ال lcd بقليل بالمواصفات المذكورة أعلاه,, والحمد لله مبسوط آخر حلاوة مع التلفزيون..

أدري أن ال lcd يعطي صورة افضل,, لكن بنفس السعر ممكن تحصلين على مستوى صوت وصورة تريحك وتوفرين في فرق السعر بعد..

وان شاء الله بعد كم سنة راح تنزل الأسعار أكثر وأكثر وراح تشترين الlcd بعد سنتين او أقل باذن الله بسعر البلازما اليوم..

والله يوفقك

أم الشيوخ

12-08-2009, 11:14 PM

تسلم أخوي على المعلومات المفيدة
وياليت إذا عندك خلفية عن أفضل الشركات مثل سوني أوسامسونج أوlG
محتارة فيهم؟

ابو ضاري

12-08-2009, 11:21 PM

السلام عليكم ورحمة الله
حابة أستفسر عن أفضل تلفزيونات البلازما ؟من عندة خبرة ياليت يفيدني
مع جزيل الشكر

النقاش حول البلازما وlcd يطول كثيرا لكن بعطيك نصائح في كلا الجانبين لتقررين في النهاية ، فيما يختص بالبلازما حاولي ان يكون درجات التبيان في الشاشة عالية وكل مازادت كان افضل بالنسبة حسب المختصين ان البلازما لها عمر افتراضي يترواح ويقدر مابين 6 الى 7 سنوات اشهر شركات البلازما هي سامسنوج الكورية بانيور و LG

lcd لها صورة واضحة ونقاء واضح سطح الشاشة لها قدرة على امتصاص الضوء يمكن مايعيب شاشات البلازما سطوعها العالي فيما يختص بالعمر الافتراضي لشاشة lcd لايوجد لها عمر افتراضي بمعني حسب حفاظك واستخدامك للشاشة والعناية بها انا امتلك شاشة سوني lcd لها اكثر من 7 سنوات وكأنها جديد بسبب محافظتي عليها

بالنهاية هوالاختيار لك ، قبل أن أنسى هناك شركات تقدم شاشات احترافية وموجه للمحترفين مثل العملاقة Kuro فهي تعطيك احترافية وتحكم عالي لكن للأسف حسب ماقرات سيتوقف انتاجها لموديلات حديثة بالنهاية اختار ماترتاح معه ودعك من مسالة المقارنات الطويلة

فمان الكريم

أم الشيوخ

13-08-2009, 12:21 AM

مشكور أخوي على المعلومات وبحفظ الله

PLATINUM

13-08-2009, 09:33 AM

انا بالنسبة لي ابتعدت عن البلازما بسبب العمر الافتراضي

وركزت على الـ lcd

وعقب السؤال والاستفسار استقريت على السوني والسامسونج على اساس انهم الافضل في السوق

اروح عند راعي السوني يطلعلي المواصفات والارقام ويدوخني
والسامسونج نفس الشي

فـ انا كنت محتاج تلفزيونيين

فخذت واحد من كل نوع

والحين تقريبا صارلي سنه من خذتهم

وهم الاثنين ماعليهم كلام بس اشوف السامسونج الصوره فيه غير

احلى

ليش مادري

انا كمستهلك ماتهمني الارقام في المقارنه كثر ماتهمني الصوره

السامسونج الصوره فيه احلى مش معناته ان الصوره في السوني سيئه

هم الاثنين اوكي

بس تحس السامسونج غير شنو اللي غير شنو اللي احلى ماتدري خخخخخخ

جنوب الدوحه

13-08-2009, 11:29 PM

عروض السامسنج وااايد حلوه .. وشاشاتهم اكثر من ممتازه

رايي الشخصي .. وتقبل مروري :)

ANONYMOUS

14-08-2009, 10:53 AM

اخر تقنيه هي ال led

ونازله ع السامسونج.. مادري عن الشركات الاخرى..

بس اذا الدراهم مش مشكله لديك.. خذي سامسونج ال اي دي وبس

MoneyMaker

14-08-2009, 03:01 PM

عندج
سوني برافيا اسعاهم معقوله

بس اذا ميزانيتج تسمح روحي حق بانغ اند اولفسن في اللاند مارك
يعتبرون اشهر مصنعي تلفزيونات حق الناس الراهية في العالم

www.bang-olufsen.com

أغلى البـشر

14-08-2009, 04:56 PM

أنا أنصحك بـ السامسونج ال LCD السيريس 9 بنظام الـ LED

خذت من أسبوع من الأمارات بـ 8000 درهم

أبصراحه عجيب

سو سيرج على الجوجل Samsung LE46A956
وشوف المواصفات

بوحارب

14-08-2009, 05:03 PM

للأسف انه ماخذ بلازما من ال جي ومتحسف قد شعر راسي <<<< بروحك قرعة وماعندك ولا شعره

الصورة مب واضحه والأضائة خايسة

المهم

انا سمعت انه السامسونجlcd احس انواع والله اعلم

بويوسف

14-08-2009, 05:17 PM

انه عندي سامسونج lcd والجهاز ممتاز وماعليه كلام ..

بس في نقطة اول ماخذته وبعد ست اشهور طق وكان تحت الضمان وصلحوه والحين اوكي صار له عندي من كم سنة .. السعر جيد والصور ممتازة.

بوحارب

14-08-2009, 05:28 PM

بويوسف جهازك كم بوصه وعلى كم خذته ؟

علاق ولا على الطوفة ؟

أغلى البـشر

14-08-2009, 05:36 PM

بويوسف جهازك كم بوصه وعلى كم خذته ؟

علاق ولا على الطوفة ؟

أخوي كل ال lcd يتعلق وخذلك من الأمارات فرق في الأسعار

بويوسف

14-08-2009, 05:38 PM

بوحارب 37 بوصة وعلاق والسامسونج اشكالهم حلوة صراحة لونه اسود

PoBox

15-08-2009, 01:03 AM

*
*

تلفزيونات البلازما تشتغل على نوع من انواع الغاز او تفاعلات غازية او شي من هالقبيل حسب ماقريت ولما ينتهي العمر الافتراضي
لازم يتبدل التلفزيون

الlcd مهما اخترب او اهترا يكون قابل للتصليح
وممكن قطعة جديده تركب مكان القديمة

( سوني وسامسونغ تمام وانا استخدم السامسونغ)
ومن كل فئة 50 نوع وكل نوع فيه فرق بسيط عن اللي قبله

اهم شي الواحد يشوف شنهي حاجته ومدى مواكبة التلفزيون للتقنيات الحديثة واهمها دعم ال hd حاليا
ومب شرط توافر آآآخر تقنية لانها غالبا ماراح تكون تقنية تجارية الا عقب سنوات
وتدفع ثمنها مقدما على بطال
كارفور فيه اكبر كوليكشن من التلفزيونات ومن كل الماركات

MoneyMaker

15-08-2009, 01:18 PM

ام الشيوخ
معلومه اضافيه عن تلفزيونات البانغ اند اولفسن
تتميز مافيها ايجنق او العمر الافتراضي للتلفزيونات التقليدية حيث ان المواد المستخدمه في الشاشه تتجدد اتوماتيكيا

يعني بشره متجدده (:

أم الشيوخ

17-08-2009, 12:14 AM

أشكر الجميع على تفاعلاهم معي
ومش غريب عليكم يأأعضاء احلى منتدي

ذيب زكريت

18-08-2009, 01:43 AM

سامسونج كل تجاربنا معاه في جميع الاجهزة الكهربائية وماشيين تمام والحمدلله

أم جود

18-08-2009, 09:56 AM

احنا عندنا هاير .. بس المشكلة مو فالتلفزيون ((عندنا ال سي دي ))
المشكلة فالشو تايم
لأن التلفزيون فل اتش دي
والشو تايم ما يستحمل فل اتش دي

Qatar_Pearl

20-08-2009, 12:36 PM

سامسونج حلو ..

وتبقى الدنيا حلوه

13-09-2009, 09:53 AM

بالنسبة للقالوا سامسونج شنو احسن سيريس ؟

بس يكون بحدود ال5000

بويوسف

13-09-2009, 11:30 AM

شوفي ال lcd

في نوعين نوع عالي الكثافة hd وبيكون اغلى ونوع ثاني ارخص اشوي.

الفارق بسيط اذا التكلفة مهمة خذي الارخص اذا مب فارقة معاج اخذي الاغلى .