مشاهدة النسخة كاملة : استفسار عن الجمس 2006 .....؟
Ro7ee
13-08-2009, 09:33 AM
السلام عليكم ...
شحالكم شباب ...؟
ابي واحد خبره بالجموس ...؟
عندي جمس باب واحد 2006 فيه صوت نفس ونه الكرونه بس مب من الكرونه الصوت يطلع
اذا كان الموتر بخالي او واحد وثاني وثالث واذا دست كلج يروح الصوت ورابع وخامس
وريوس مافي صوت رحت تقريبا كل قراجات الامريكي ماعرفوله فاللي عنده جمس كان فيه
هاذا الصوت وعرفله ليبخل علينا او اللي عنده خبره بالامريكي يعطيني خبر ولا شسوي بالضبط
ويعطيكم العافيه واسمحولي على الاطاله ...
بو فهد
13-08-2009, 09:43 AM
بدل صحن الكلج وبيروح الصوت
بوسيف الهاجري
13-08-2009, 09:57 AM
صحيح بدل كلج
ميت شعور
13-08-2009, 05:48 PM
اخوي 99.9% من الجموس القير عادي فيهم هالصوت وهو من القير
Ro7ee
13-08-2009, 08:52 PM
وده الوكالة فقط
المشكله الوكاله قالولي لازم نفك القير اشان نشوف الخراب وانا متأكد مب من القير طبعا بيفكون القير 2500 وفوق
يعطيك العافيه وماقصرت
Ro7ee
13-08-2009, 08:56 PM
بدل صحن الكلج وبيروح الصوت
توني مطلعه من قراج الحربي وقالي مايعرفله مع انه فك القير وقالي سويت تورنا حق بيرنق
الكلج ومافيه شي بس صحن الكلج ماجابلي طاريها
يعطيك العفيه وماقصرت
Ro7ee
13-08-2009, 08:58 PM
اخوي 99.9% من الجموس القير عادي فيهم هالصوت وهو من القير
لا توني فاك القير كامل وخليتهم يفحصون عليه ترس ترس وبيرنق بيرنق مافيه ولا شي خربان
بالقير الحمدلله
الله يعطيك العافيه
Northman
13-08-2009, 09:31 PM
عادي اخوي ,, الي عنده امريكي يكون صديق دائم للراجات
ولازم يكون عنده مناعه ضد الاصوات الغريبه لي تطلع له و مالها تفسير ولاحل
نصيحتي ,,و عن تجربه ,, كمل عليه لين ما يطب الموتر و توديه بـ بركدون ,, حزتها بس بيبين شنهو كان الخراب
انا عندي موتر امريكي ,, و كان في صوت غريب يطلع من جهه التاير الي قدام ,, و لفيت لفه حلوه على كراجات الامريكي ,, و كل واحد فيهم عطاني فتوى و سعر مختلف عن رفيجه ,, يعني الي يقول اتصليح يكلف 200 ريال ,, و غيره يقول 7000 ريال
سلمت امري لله و مشيت على الموتر بدون تصليح ,, و ليما وقف علي عقب 5شهور من السالفه
و طلعت سالفه عاديه و كان في قطعه يبي لها تبديل و تخيل ان كل الكراجات الي مريت عليها ماجابت طاري لها ولاكانو بيبدلونها
و الله يعينك
Powered by vBulletin® Version 4.2.5 Copyright © 2024 vBulletin Solutions Inc. All rights reserved.