اعجاب ودريشه وباب

[hemoud123]

السلام عليكم جميعا

اولا الله يبلغكم في اولادكم ويحرسهم من كل شر , واللي لين اللحيم ماعنده الله يرزقهالذريه الصالحه
اللهم امين
موضوع للنقاش يختص بالاولاد وبالبنات بالتحديد

في مجتمع محافظ يفصل بين الجنسين في مقاعد الدراسة والمناسبات الاجتماعيه تحدث مفارقات او مشاكل او سمها ماشئت يتطلب التعامل معها حكمه ورويه
.
تخيل عزيزي اتصلوا عليكم ناس وطلبوا موعد علشان جايين يخطبون بنتك او اختك فلانه لولدهم فلان , بعد السؤال عن الشاب عن الشاب تبين انه مناسب جدا للبنت , تم الترحيب وتحديد الموعد , الى الان والموضوع طبيعي,

بطريقه او باخرى نمى الى علمك بان البنت تعرف الشاب , يمكن بالصدفه سمعت البنت تقول لامها او باي طريقه ,المهم انك عرفت ان الشاب سبق وكلم البنت بالتيلفون , بدون ما ندخل في تفاصبل مالها داعي , ايش بيكون ردك ؟ هل بتغيير فكرتك عن الشاب وبالتالي ردك ؟ هل بتقول انه ما دخل من الباب , ودخل من الدريشه

بالعربي ايش احسن تصرف تسويه ,او تسوينه؟
دعوة للنقاش وليس الهواش :)

[ودي أكون]

جااا وخطبها وصارت الموافقه والريال مناسب .. ليش يتم فتح ملف كلمها ومادري شو ..

الريال يكلم البنت او يعرفها قبل الزواج هاي كلنا ندري ان غلط وحرام ومحد يرضى فيه .. لكن هاي عرفها وتقدم لها وتمت الموافقه وبعدها تم الاكتشاف ان كان يعرفها .. تبي راينا في اللي لازم اتسويه يعني ..

انقولك لا توافقون عليه مثلا :tease:

احس الموضوع ماله داعي اخوي ..

الله ستر عالبنت وجاها الريال وانتهى الموضوع ليش بفتح موضوع ثاني يعني ..

[نووون]

هو طل من الدريشة ودخل من الباب وهذي تكفي لسلامة النية واتمام مراسم الخطبة والزواج خاصة اذا كان الرجال مناسب

[بنت الاول]

الستر زين.........والحمدالله اذ كانت النهاية بتكون بس ما أعتقد لازم بيكون هناك عواقب فما بني على الباطل هو .باطل هذة وجهة نظري الخاصة.......والله الموفق....

[Om Majed]

والله شوف يعتمد على البنت وين شايفته شلون تعرفت عليه ..
وبعدها نفكر نتمم العرس وألا لا ..
ومادام ترضون إن بناتكم يشتغلون فى اماكن الاختلاط ويدرسون خلط فتوقعوا مثل هالمواقف مستقبلا ..

والله يستر على الجميع

[صوت الضمير]

انا مااعتقد في الموضوع غلط

الرجال عازم على الزواج وجاها ياخذها بالحلال

ليش تحرمون على كيفكم...

ابتلو بالحب وش تبونهم يسووون

حطوا نفسكم مكانهم ______________))لقيت شخص يملك كل صفاتك ونيته صادقه مالعيب في ذلك...

وش بتسون....

الواجب من اهلها تزويجها ولا يوقفون بطريقها..

العنود

[ولــ(الزعيم)ــد]

خوش موضوع ,,

من رايي ان يزوجونه البنيه ويتوكلون على الله دام انه تقدم وخطبها من اهلها ويعطيكم العافيه

[hemoud123]

جااا وخطبها وصارت الموافقه والريال مناسب .. ليش يتم فتح ملف كلمها ومادري شو ..

الريال يكلم البنت او يعرفها قبل الزواج هاي كلنا ندري ان غلط وحرام ومحد يرضى فيه .. لكن هاي عرفها وتقدم لها وتمت الموافقه وبعدها تم الاكتشاف ان كان يعرفها .. تبي راينا في اللي لازم اتسويه يعني ..

انقولك لا توافقون عليه مثلا :tease:

احس الموضوع ماله داعي اخوي ..

الله ستر عالبنت وجاها الريال وانتهى الموضوع ليش بفتح موضوع ثاني يعني ..

احترم احساسك ورايك اختي , وان شاء الله تكون النهايه مثل ما تتوقعين
اخيرا اذا تشوفين ان الموضوع ماله داعي , فرايك في الموضوع مهم وله داعي
اشكر مرورك وتعليقك

[hemoud123]

انا مااعتقد في الموضوع غلط

الرجال عازم على الزواج وجاها ياخذها بالحلال

ليش تحرمون على كيفكم...

ابتلو بالحب وش تبونهم يسووون

حطوا نفسكم مكانهم ______________))لقيت شخص يملك كل صفاتك ونيته صادقه مالعيب في ذلك...

وش بتسون....

الواجب من اهلها تزويجها ولا يوقفون بطريقها..

العنود

هذا راي سديد , والمنطق والحكمة تقول هذا الكلام , لكن منطق الباب والدريشه معقد المسأله
شكرا على المرور

[ولــ(الزعيم)ــد]

:nice: