المساعد الشخصي الرقمي

مشاهدة النسخة كاملة : ابي كاميرا مراقبه للخدامات حد يعرف وين القاها؟


قطريه101
13-08-2009, 10:28 PM
موضوعي مثل ماهو باين من العنوان ابي كاميرا بس تكون صغيره بحيث ماتبين للخدامه حد يعرف شركه او محل عنه هالشي؟شاكره لكم:rolleyes2:
تميمي1
13-08-2009, 10:34 PM
اختي بتلاقينها عند (راديو بشير) لكن ما انصحك بها لانك بتشوفين شي ما ودك إشوفينه
ولد الشحانية
13-08-2009, 10:37 PM
في المعيذر محل اسمه النجمة الذهبيه

روحي له

وكلم لج صاحبة

يسوي لج خصم
حياة
13-08-2009, 10:49 PM
اختي بتلاقينها عند (راديو بشير) لكن ما انصحك بها لانك بتشوفين شي ما ودك إشوفينه



اختي كنت بقول لج نفس الشي
اهم شي تكون معاملتج مع الخدم زينه وان شاء الله مابيسون الا كل شي طيب
ومثل ماقال الاخ بتلاقينها في راديو بشير
وباااااااااااااااااالتوفيق
قطريه101
13-08-2009, 11:05 PM
تميمي1... مشكور بس معليه للاحتياط انشالله مانشوف الا كل خير.. راديو بشير وين محله بالضبط؟

ولد الشحانيه وين محله بالضبط؟

flag land انشالله معاملتنا زينه بس الاحتياط واجب يعطونا ويه ومن ورانا مايندرا..
الورد مفتوني
13-08-2009, 11:25 PM
في ستارلينك اللي تابع لكيوتل

عندهم كيمرات تركبينها ف المكان وله رقم نفس رقم الجوال وانتي برى البيت تتصلين على هالرقم وتنفتح لج الكيمرا على جوالج وانتي تتحكمين فيها (يمين ويسار)وفيها خاصيه التسجيل


واصلا مجرد ماتركبينها بدون ماتشغلينها الخدامه بتصرقع
xxqataryxx
13-08-2009, 11:28 PM
في محل النسر الذهبي ت 4414156في سوق الحراج
قطريه101
14-08-2009, 01:50 PM
يعطيكم العافيه تسلمون..:victory:
alrheeb2020
14-08-2009, 01:54 PM
اختي حطي كيمره زينه هي تحسبها شغاله وبتموت من الخوف ...

ان شاء الله الاخوان بيساعدونج
قطريه101
14-08-2009, 01:59 PM
انا غرضي كله اني ابي اشوفهم شيسوون من وراي مب اني ابي اخوفهم ابيه حتى تكون صغيره على اساس ماتبين..
koketa
14-08-2009, 06:04 PM
في انصار سيتي عنده كل الاشكال والاسعار
airbus
14-08-2009, 06:12 PM
شيكي الخاص اختي
ورده فوشيه
14-08-2009, 06:28 PM
في ستارلينك اللي تابع لكيوتل

عندهم كيمرات تركبينها ف المكان وله رقم نفس رقم الجوال وانتي برى البيت تتصلين على هالرقم وتنفتح لج الكيمرا على جوالج وانتي تتحكمين فيها (يمين ويسار)وفيها خاصيه التسجيل


واصلا مجرد ماتركبينها بدون ماتشغلينها الخدامه بتصرقع

وكنت بنصحج فيها ..

لانها ما تبان انها كيمرا .. وما انصحج تقولين لها انها كيمرا ..

بس وضحي للخدامه انج حاطه كيمرا وخليها تتعقد من هالشي ..

الخدامه الي عندي تبين الصراحه مسترجعه ماخذتها من المكتب وصاحبها مرجعها لانه شافها بالكيمرا تضرب ولده ..

<<< الله يعني ... وش حادك على المر قال الي امر منه ..

موفقه ان شااء الله ..
المتضرعه لله
15-08-2009, 01:47 AM
بقولج طريقتي وبترتاحين

تعرفين درابيل ليهال اللي بسوق واقف ؟ اللي بثلاث ريل واربعه

اخذي سته لكل واحد عدستين بيكون عندج 12 عدسه صح قطعي العدسات كل وحده بروحها

واخذي الخدامات عند بيت امج او اهلج المهم مب بالبيت وقولي لهم بيجي واحد للبيت يسوي كيمرات مراقبه وبربطها بالتلفزيون وبالجوال لاني ابي احمي بيتي من الحراميه مثلا

وقولي بس المشكله ان كل البيت بيكون مكشوف واشوفه حتى وانا برى بس غرفتكم وحمامكم مااقدر اشوفه حتى مساكين ياخذون راحتهم

حطي بكل ركن عدسه خلي نجار يجي ويثبتهم بدريل ويطلع منهم واير ويرده من الصوبين تحت العدسه


حطي قدر ما تبين والله راح ترتاحين كثير سويتها وماشين على الصراط المستقيم وكل شي يصير يجون يركضون يقولون لي حتى لو احرقوا بيضه بالطابي

والحمد لله مرتاحه من هالطريقه ومطمنه وبلا كيمرات وبلاوي


موفقه اختي
فلفل حار
15-08-2009, 02:06 AM
اختي ::




بعضهم يركبون كاميرات وهميه ...

والغرض لتخويف الخدم بس ... فكري فيها ... ^-^

واعيالكم ماعليهم شر ان شاء الله ... :)
فلفل حار
15-08-2009, 02:07 AM
بقولج طريقتي وبترتاحين

تعرفين درابيل ليهال اللي بسوق واقف ؟ اللي بثلاث ريل واربعه

اخذي سته لكل واحد عدستين بيكون عندج 12 عدسه صح قطعي العدسات كل وحده بروحها

واخذي الخدامات عند بيت امج او اهلج المهم مب بالبيت وقولي لهم بيجي واحد للبيت يسوي كيمرات مراقبه وبربطها بالتلفزيون وبالجوال لاني ابي احمي بيتي من الحراميه مثلا

وقولي بس المشكله ان كل البيت بيكون مكشوف واشوفه حتى وانا برى بس غرفتكم وحمامكم مااقدر اشوفه حتى مساكين ياخذون راحتهم

حطي بكل ركن عدسه خلي نجار يجي ويثبتهم بدريل ويطلع منهم واير ويرده من الصوبين تحت العدسه


حطي قدر ما تبين والله راح ترتاحين كثير سويتها وماشين على الصراط المستقيم وكل شي يصير يجون يركضون يقولون لي حتى لو احرقوا بيضه بالطابي

والحمد لله مرتاحه من هالطريقه ومطمنه وبلا كيمرات وبلاوي


موفقه اختي

:eek5::secret:
الخاص
15-08-2009, 02:41 AM
شوفي العنابي
5ial al3lya
15-08-2009, 04:36 AM
عند محل النسر الذهبي كيمرات عجيبه لاسلكيه (بدون وايرات)
وحجمها اصغر من النص ريال

والله عجيييييييييييييييييييييييييييييييييييبه
لبتونه
15-08-2009, 08:15 AM
بكم النسر الذهبي كيمراتهم
عليان قطر
15-08-2009, 08:27 AM
منذ فتره اتصلي شخص على جوالي
يعرض خدماته
فأتضح بانها
شركة لتركيب الكاميرات
لدية القدرة على تركيب كاميرات مراقبه
في فتحة البراغي الخاصة بالاستوتشات
والتسجيل 24 ساعه
صوت وصورة
وهذا يتطلب تمديدات وتكسير الجدران
وبعض الاعمال
فيفضل تركيبها عند انشاء البيت
العرفـج
15-08-2009, 08:38 AM
هلا والله بالغلا قطريه101
صراحه تبين نصيحتي لا تحطين أي كاميرا مراقبة في البيت
لأنج بتتعبين
الحافظ الله

وحده حطت كاميرا مراقبة في نص الصالة وقالت الحين بتصيد الخدامة وهي تعذب اليهال ،، المهم ثاني يوم من صبح راحت الشغل ومحد تم الا اليهال والخدامة ،، كانت الام متلهفة انها ترجع البيت بسرعة البرق وتشوف شريط التسجيل ،، ارجعت الام كالعادة واليهال ارقوود وشغلت شريط الكاميرا الا شافت ،،،،،،
7
7
7
الزوج رجع من صبح وقفل الباب على اليهال في الغرفة وصار اللي صار مع الخدامة في الصالة
مسكين ما يدري الحبيب ،، الكاميرا شغالة
بس ما دري شصار بعدين .
حطي كاميرا احسن 8 - 8
لولوة قطرية
17-08-2009, 12:52 PM
@@

الوحده تحاتي من ولا من ؟!!!!

الله يقطعه من ريال ..

بس الخدامات محتاجين مراقبه .. لأنهم قدامنا شي ومن ورانا شي ثاني