موضوع طلب شراكة في بضاعه من الصين

[قطرية وبس]

مساء الخير اخواني وأخواتي
الموضوع اني طلبت بضاعة من الصين من شركة في الصين وكنت حاطه في بالي ان ما يوصل المبلغ لأكثر من 10.000 (عشرة الاف ريال) وهو الملبغ المتوفر عندي ولكن الي صار بعد ما صدرت الفاتورة من المصنع ان المبلغ طلع 28.900 (ثمانية وعشرون الف ريال) وليس متوفر عندي هالمبلغ .

الفاتورة مالت المصنع موجودة وفيها المبلغ.
الطلب جاهز ووبيوصل في الشحن dhl في 5 ايام من الدفع .
البضاعة بتكون بالمناصفه بيني وبين الشريك .
ولو حاب الشريك ان امشي له البضاعه ما عندي مانع لاني بابيعها بالجمله.

البضاعه كلها تقليد ماركات وموجودة صورها (مثل بريباريس \ ونكست\ وارماني\ وغيس) وغيرها الكثير من الماركات المعروفه .
البضاعه عباره عن ملابس تقليد ماركات كواليتي درجة اولى بناتي وولادي حق العيد ان شاء الله.

هذا لموضوع بالكامل والي حاب يشاركني ياليت يرد علي اليوم لان الفلوس لازم تروح بكره للمصنع ولا يتكنسل الطلب على طول.

الرجاء الجدية في الموضوع ........

[سوق واقف]

كم مدة تصريف البضاعه

[قطرية وبس]

الله و اعلم
لان عندي مندوبيتين
وبعد بعرضها على التاجرات القطريات
والله كريم ان شاء الله

[قطرية وبس]

لان اشوف ناس وايد يطلبون تقليد ماركات
وهذه التشكيله اكثر من رائعه وكواليتي

[سوق واقف]

اختي انتي تقولين بتصرفينهم جملة ...يعني راح يكون وقت قصير

[صاروخ]

بالتوفيق
الله يعينك على الجمارك (( بخصوص البضائع المقلدة )) الي اعرفه انه تحجز البضائع المقلدة وتتم مصادرتها واتلافها . او إعادتها الي مصدرها

تأكدي من الجمارك قبل لا تدفعين وقبل الشحن
بالتوفيق

[alrheeb2020]

الله يوفقج وان شاء الله اتحصلين شريك

[قطرية وبس]

فيه ناس طالبين مثل هالبضاعه جمله
واذا وصلت ان شاء الله بعرضها عليهم واذا عجبهم يشترون
واذا ما عجبهم ما اقدر اغصبهم يشترون

[قطرية وبس]

مرحب اخوي صاروخ
انا من اسبوعين كنت طالبه بضاعه من جده وكانت ملابس ولادي وبناتي وتقليد ماركات وبواقي تصدير ووصلتني في الشحن الجوي وما قالوا ولا شي ولا اخذو عليها شي

[قطرية وبس]

بالتوفيق للجميع ان شاء الله

لا اله الاالله ... محمد رسول الله

[بوحارب]

بالتوفيق أن شاء الله

والله يرزقكم من فضله

[PRINCESS]

ان امكن ابعثيلي رقمج ع الخاص

[قطرية وبس]

شيك الخاص يا أخوي

[لوردغاليري]

كم بيكون الربح؟؟؟
ورقمج ان شالله انا جاد

[قطرية وبس]

لورد غاليري
شيك على الخاص

[Exclusiveperfumes]

طيب اختي اقدر اعرف القيمه الربحيه
تقريبا انا عندي مبلغ يكفي ان شاءالله بس اول ابي اعرف المده وكم ربحي منها
وان شاءالله يوم الاحد تكون الفلوس في حسابج

[الكلاسيكي]

مساء الخير اخواني وأخواتي
الموضوع اني طلبت بضاعة من الصين من شركة في الصين وكنت حاطه في بالي ان ما يوصل المبلغ لأكثر من 10.000 (عشرة الاف ريال) وهو الملبغ المتوفر عندي ولكن الي صار بعد ما صدرت الفاتورة من المصنع ان المبلغ طلع 28.900 (ثمانية وعشرون الف ريال) وليس متوفر عندي هالمبلغ .

الفاتورة مالت المصنع موجودة وفيها المبلغ.
الطلب جاهز ووبيوصل في الشحن dhl في 5 ايام من الدفع .
البضاعة بتكون بالمناصفه بيني وبين الشريك .
ولو حاب الشريك ان امشي له البضاعه ما عندي مانع لاني بابيعها بالجمله.

البضاعه كلها تقليد ماركات وموجودة صورها (مثل بريباريس \ ونكست\ وارماني\ وغيس) وغيرها الكثير من الماركات المعروفه .
البضاعه عباره عن ملابس تقليد ماركات كواليتي درجة اولى بناتي وولادي حق العيد ان شاء الله.

هذا لموضوع بالكامل والي حاب يشاركني ياليت يرد علي اليوم لان الفلوس لازم تروح بكره للمصنع ولا يتكنسل الطلب على طول.

الرجاء الجدية في الموضوع ........

اختي السلام عليكم
على فكرة لاتنخدعني بكل شي صيني
لان التقليد الصيني درجات

يعني في بضائع تقليد تنباع في السيلك ماركت والخنشوا واليو يي (الي مقابل فندق الكولن) وفي وفي وفي.... هذا في بكين، وفي شقق تبيع بتقليد فلازم انتي تشوفين البضاعة بعينج، لان مو كل صناعة صينية تقليد درجة أولى، يعني في بضائع صينية في مجمع الآسيا باسفيك الي مقابل المطعم الإيراني رومي بضائع من اروع مايكون وصدقيني لو اتجيبنها راح تلاقي رواج كبير، ولكن التقليد الصيني يبين بسهولة ولازم تتعبين على ماتلقين تقليد درجة، واذا بغيتي تقليد درجة اولى راح ياخذونج الي في الاسواق الشعبية الى شقق او محلات قريبة ومن اهناك راح تجدين كوالتي على مستوى، وايضا في شقة يبعون فيها ساعات كانها اصلية على800 يوان واجانب اكثار ياتون لها.

الامر المضحك في الصين ان السلك ماركت مقابله مجمع ياباني يضم ماركات عالمية مثل الارمني والبربري والجنفيتشي.

لكن سؤال هل السفارة في بكين صادقت على الفاتورة التجارية!!!

[قطرية وبس]

شكرا لك اخوي على النصايح والتعريفات
ومثل ما كنبت في موضوعي انا ماخذه البضاعه من شركة
وممكن ارسل لك الفاتورة اذا تقدرتشوف اذا عليها ختم ولا .. لا .

[قطرية وبس]

Hong kong hengnu(group) international fashion co., ltd. Shen zhen representative
هذا اسم اسم الشركة وعنوانها
اخذته من الفاتوره

[لوردغاليري]

هلا حبيبتي وصلتني المعلومات
\بس المهم هو مثلا انا دفعت لج15000ريال
ربحي كم بيكون؟؟

والمده؟؟التقريبيه
والله يوفقنا وياج في كل خير

[(( نـواف ))]

ممكن التفاصيل + صور البضاعه لو سمحتي ؟؟

[ذيب زكريت]

بالتوفيق
الله يعينك على الجمارك (( بخصوص البضائع المقلدة )) الي اعرفه انه تحجز البضائع المقلدة وتتم مصادرتها واتلافها . او إعادتها الي مصدرها

تأكدي من الجمارك قبل لا تدفعين وقبل الشحن
بالتوفيق



وانت الصادق رجال الجمرك يصادرونها وما يتلفونها الا يتقاسمونها بينهم

ويعطون نسوانهم وبناتهم هالشئ عن تجربه

[aldouha]

بالتوفيق ان شاء الله

[سوق واقف]

وانت الصادق رجال الجمرك يصادرونها وما يتلفونها الا يتقاسمونها بينهم

ويعطون نسوانهم وبناتهم هالشئ عن تجربه

كلام غير صحيح يالغالي

تصادر وتاخذ وصل على الكمية يالغالي ....

[قطرية وبس]

شيك الايميل اخوي نواف

[كرستال]

وانت الصادق رجال الجمرك يصادرونها وما يتلفونها الا يتقاسمونها بينهم

ويعطون نسوانهم وبناتهم هالشئ عن تجربه



لا تحط بذمتك يخوي