lujain
14-08-2009, 05:09 PM
تم تسجيل دخول : حبك سرقني
حبك سرقني :السلام عليكم
لجين : وعليكم السلام ..يا هلا..
حبك سرقني: الآخت لجين؟
لجين : آي نعم..
حبك سرقني : حبيت آقولج قصتي ..احس انها غريبه شوي..
لجين: تفضل ..
إليكم القصه بعد إضافه بعض التعديلات
* الأسماء ليست حقيقيه
الجزء الآول:
السآعه :10:30 صباحا
المكآن :مركز الشرطه
رن جوال عبدالله..
عبدالله يقول في خآطره..غريبه الوالده متصله هالحزه
عبدالله: الو..لبيه يمه ..عسى ماشر؟
آم عبدالله : ماشر يبه ..بس ابيك تجيب فطوم آختك من الجامعه..الدريول راح يجيب الحليب والسكر من التموين ويقول زحمه بيتآخر
فديتك اختك بتخلص 11 لا تتآخر عليها..
عبدالله: من عيوني..كم آم عبدالله عندي انا
آم عبدالله : الله يسر لك امرك يبلغني فيك ..مع السلامه
عبدالله: مع السلامه
آستآذن الضابط عبدالله من الدوام ..وراح الجامعه يجيب اخته
الساعه 10:40
آتصل عبدالله لـ فآطمه..
فآطمه وهي تهمس:عبود انا فالمحاظره..
وسكرت الجوال..
بعد 5 دقايق رجعت اتصلت فاطمه
عبدالله:هلا الشيخه فاطمه..جان ما رديتي احسن بعد
فآطمه: ههههه يقولون صاير دريوول اليوم
عبدالله: بتسكتين ولا تعرفين شنو يعني انقعج لين العصر
فآطمه:لا لا..خلاص تعال المواقف ..عطشانه بشتري عصير وبآجي
عبدالله صآف في طآبور السيارات فالمواقف..
نزلت بنت من السياره اللي قدامه..شايله لوحه وكيس هارودز كبير غير شنطتها
عبدالله يقول في خآطره..آموت واعرف هالبنات ليش يشيلون خزانتهم كلها معاهم
طآح الكيس اللي في يد البنت واللوحه ..وتنثرت فرش والوآن و آوراق على الرصيف
كسرت البنت خآطر عبدالله وهي تلم الاغراض قدام السيارات فهالشمس
نزل عبدالله من السياره وراح يسآعد البنت
عبدالله وهو يجمع الاوراق : حلوه الرسمه
طالعت البنت عبدالله بنظره غضب..خذت اغراضها بسرعه ..
طآحت سوارتها وما انتبهت..
راحت البنت
عبدالله: لو سمحتي..
ما ردت عليه..
دخلت البنت المواقف..
الدريوليه صاروا يهرنون له..سيارته معطله السير
اخذ عبدالله السواره وركب السياره
طلعت فاطمه..
وركبت السياره..
وهم فالسياره
عبدالله يفكر..اللحين انا غلطت يوم قلت رايي فالرسمه؟؟
في نفس الوقت غاده وهي فالمحاظره تفكر..
اللحين الرجال ما قال شي غلط ! مسكين احرجته
صديقتها تنغزها بكوعها: غدوي حلي المسآله عن التفهي
مر اليوم وجآ الليل..
جا عبدالله من المجلس ..انبطح عالسرير وطلع الاسواره من محخباه
وهو يبتسم قام يفكر..
اللحين انا من صجي..آفكر فبنت ساعدتها تجمع اغراضها واسوارتها عندي؟؟
بس ردها يبين انها مؤدبه..
وبعد كآنت مزيونه
آآي ..هاي حب من اول نظره
ههههههههه بو عابد ليكون عبالك توك عمرك 23..
اللحين ما حبيت وانا صغير .. يوم صرت 28 بحب ..لا ومن نظره بعد هههههه
خلني انسى السالفه آحسن..
سمى بالرحمن ونــآم
مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..
***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم
بدر بن عبدالمحسن
الجزء الثاني ~
بعد حوالي شهر
المكآن :مركز الشرطه
الوقت : 10:30
رن جوال عبدالله
عبدالله:مرحبآ ومسهلا..حي الله هالصوت..حي الله الغاليه..حي الله آحلى وحده فالدنيا
آم عبدالله:هههههههه..وانت ما تخلي سوالفك..عجزت يا يمه..وين احلى وحده
ما اتمنى غير شوفتك معرس
عبدالله: هاه يمه..ردينا على سالفه العرس..هههههه
آم عبدالله: يبه روح جيب فطوم من الجآمعه الدريول راح التموين وزحمه مايمديه يرجع عالـ 11
عبدالله:وهآآآي سالفتكم كل رآس شهر..ان شآء يمه..
آستآذن عبدالله من الدوام لمده ساعه ..وطلع الساعه 10 ونص
الساعه 10:40 عبدالله يقول في خآطره
خلني اطرش لها مسج احسن من ارن لها وهي فالمحاظره
كتب عبدالله:
الآميره وين تبيني آجيها؟؟
رن جواله على طول
عبدالله :هلا فطوم ..ماعندج محاظره
فاطمه :امبلى بس الدكتور طلعنا من وهل
عبدالله:اهآ..انزين وين آجيج
فاطمه : تعال المواقف..على طول بطلع بشوفك من الزجاج
عبدالله:طيب..خمس دقايق واوصل..باي
فاطمه : باي
بعد شوي فالمواقف
وعبدالله ينتظر فالطآبور..طلعت فآطمه وسلمت على بنت كانت نازلها توها من السياره
عبدالله يتذكر..هآي راعيه الآسواره..وقلبه صآآر يرف
فاطمه:هلا غدوي شخبآرج وحشتيني
غاده: والله انتي وحشتيني بعد..قعدي شوي لين تبدآ محاظرتي بعدين روحي
فاطمه:ودي الله بس عبدالله آخوي جايني ما اقدر انطره
غآده:خلاص حبيبتي ..بتصل لج بعدين ان شاء الله
فآطمه :خلاص انطرج
ركبت فآطمه السيآره
عبدالله: فطوم من هاي البنيه
فآطمه:شلك خص..؟
عبدالله:لا ولا شي بس مشبه عليها
فآطمه : هاي غآده علي رفيجتي من يوم آبتدائي..جات كم مره بيتنا يوم آحنا صغآر
عبدالله: آهآآآآآ.. أهي معآج محاسبه؟
فآطمه :لا لا ..فنيه ماتشوف آغراضها شكثر
آنزين انت ليش تسآل هالكثر..هآآآآه يلا اعترف؟
عبدالله :كبرج انا تكلميني جيه..سكتي لا آنزلج اللحين من السياره
فآطمه: آنزين آنزين..ما يسوى علينا بتوصلنا
السآعه 6 المغرب,,
دخل عبدالله على فاطمه الغرفه..
عبدالله :شتسوي آختي الحبيبه
فآطمه : آبد عندي برزنتيشن الآسبوع الجاي وقاعده اجهز
عبدالله: شرآيج نروح نتعشى فمطعم
فآطمه : صج !! ..آبيه غررررريبه
عبدالله : الشرهه عاللي يعطيج ويه
فآطمه:لا لا خلاص آخوي حبيبي بعد ابي توديني الكورنيش بصور المتحف الاسلامي حق البرزنتيشن
عبدالله: آوكي ,خلج جاهزه بعد صلاه العشاء
الساعه 8:30
عبدالله عند باب البيت يتصل حق فاطمه
عبدالله :فطووووم والله 3 دقايق ..ان ما طلعتي مب موديج
فاطمه: مابي اروح زين..مايسوى علي
عبدالله : لا لا,,تعالي انطرج ان شاء الله لو سنه
فاطمه: آي هاي الأخو الفله
حوالي الساعه 9 عند فرضه الدوحه
عبدالله: يلا انزلي صوري
فاطمه : زين انزل وياي
عبدالله: لا لا مابي
فاطمه : كيفك
نزلت فاطمه من السياره,,اخذ عبدالله جوال فاطمه وقام يدور اسم غاده
عبدالله: °ღ°♥ صغيرونه ♥°ღ°
ـــأيــفஜأحــلــىஜالــوصــ
آلصوت♥آلجريـح
‗_إعفيني_‗
شهالقائمهّ!! ولا اسم عدل صج جوال بنات
وحط الجوال مكانه بسرعه قبل لا ترجع فاطمه
ونزل من السياره ..
عبدالله : هاه البرنسيسه خلصتي؟
فاطمه: شوف شوف,,شرايك فهالصوره؟
عبدالله: الله وايد حلوه..ياخي انتي طالعه علي
فاطمه: انزين يلا وقف بصورك وخلفيتك المتحف
عبدالله: ان شاء الله كم فطومه انا عندي
و آول ما ركبوا السياره..
جوال فاطمه كان يرن
فاطمه : غدوووووي !!
عبدالله تسمر مكآنه وقلبه قام يرقع
فاطمه :هلا غدوي شلونج
غاده : طيبه حبيبتي..وينج ما اشوفج عالمسن مب عوايدج
فاطمه:انا طالعه مع آخوي آصور المتحف بعدين بروح اتعشى
غآده : آوكي يالغاليه..خلاص اكلمج عيل بعدين..باي
فآطمه : باي
ركبت فاطمه السياره وعبدالله مكانه واقف سرحآن
فاطمه :شفيك متسبه ..يلاااا مب من زين الجو
عبدالله :هاه..انزين انزين
بعد ما اركبوا السياره
عبدالله: فطوم شرايج اوديج اسبآير تصورين..
فاطمه :اللحين !! الساعه 9 ونص.. متى بنرد
عبدالله: بس مب فخاطرج انتي تصورينها ؟؟ مب مشكله ما ورانا شي
فاطمه :والله شكلك اليوم مب طبيعي..بس يالله دام السالفه فيها تصوير مب مشكله
آوصلوا اسبآير..وقف عبدالله السياره
عبدالله: يلا نزلي صوري
فاطمه: انزين انت انزل بعد..ابي اروح داخل اصور
عبدالله: لا بس من برى ما في وقت
فاطمه : آآآآآآآآآآنزين
آول ما نزلت فاطمه طالع جوالها آخر مكالمه مستلمه( حبك سرقني )ونقل الرقم فجواله
ورجع الجوال مكانه
بعدها راحوا المطعم تعشوا ..ورجعوا
وبعد ما دخل عبدالله غرفته..فتح التجوال وتم يطالع الرقم
يقول فخآطره: رقمها اللحين عندي..وآعرفها اللحين من هي
اتصل..ولا ادز مسج..ولا اتعوذ من ابليس عن هالحركات
وبعد حوالي سآعه ..آنا مب ياهل عشان اتصل ولا احرج البنيه وازعجها..لازم اكون آعقل..
وقرر انه يروح يكلم اخته
دق عبدالله باب غرفه فاطمه
عبدالله :فطوم قآعده؟
فآطمه : آي تعال
عبدالله: شقاعده تسوين..؟
فاطمه : ولا شي عالنت .. آحوس..عسى ماشر؟
عبدالله :لا ولا شي بس قلت بسولف ويآج شوي
فآطمه : غدوووووووووووووي !!
عبداله تسمر
عبدالله :شفيج..آي غدوي ؟
فاطمه : يبا عبدالله ..عبالك انا مفهيه..ما تطوف علي هالحركات
عبدالله: انزين هي مخطوبه؟
فاطمه : لا
عبدالله: مرتبطه؟
فاطمه : كم تعطيني؟
عبدالله: آآوه فطيم عن الملاغه
فاطمه : ووويه عبود والله كسرت خاطري..يحليلك تحب هههههههههه..لا مب مرتبطه
عبدالله : متآكده؟
فآآطمه : آممممممم.. تدري عطني فرصه كم يوم وآرد لك خبر..
بس هاه..تشتري لي العدسه اللي آبيها..
عبدالله: عدسه بس..آشتري لج عده تصوير كآمله
فآطمه : بل..جان زين انك من زمآن حبيت..ههههههههه
عبدالله: بس فطوم تكفين ردي بسرعه.. بس لاتبينين لها ان في شي من جهتي
فآطمه :آفا عليك بس.. أنا اختك
انزين ..يلا لو سمحت بارقد.. آطلع برى
طالعها عبدالله بنظره بس ما قدر يتكلم ..
فاطمه : ههههههههههههه..ماتقدر تقول شي !
عبدالله: تصبحين على خير
فآطمه : وانت من هله
الجزء الثالث ..قريبا ان شاء الله
حبك سرقني :السلام عليكم
لجين : وعليكم السلام ..يا هلا..
حبك سرقني: الآخت لجين؟
لجين : آي نعم..
حبك سرقني : حبيت آقولج قصتي ..احس انها غريبه شوي..
لجين: تفضل ..
إليكم القصه بعد إضافه بعض التعديلات
* الأسماء ليست حقيقيه
الجزء الآول:
السآعه :10:30 صباحا
المكآن :مركز الشرطه
رن جوال عبدالله..
عبدالله يقول في خآطره..غريبه الوالده متصله هالحزه
عبدالله: الو..لبيه يمه ..عسى ماشر؟
آم عبدالله : ماشر يبه ..بس ابيك تجيب فطوم آختك من الجامعه..الدريول راح يجيب الحليب والسكر من التموين ويقول زحمه بيتآخر
فديتك اختك بتخلص 11 لا تتآخر عليها..
عبدالله: من عيوني..كم آم عبدالله عندي انا
آم عبدالله : الله يسر لك امرك يبلغني فيك ..مع السلامه
عبدالله: مع السلامه
آستآذن الضابط عبدالله من الدوام ..وراح الجامعه يجيب اخته
الساعه 10:40
آتصل عبدالله لـ فآطمه..
فآطمه وهي تهمس:عبود انا فالمحاظره..
وسكرت الجوال..
بعد 5 دقايق رجعت اتصلت فاطمه
عبدالله:هلا الشيخه فاطمه..جان ما رديتي احسن بعد
فآطمه: ههههه يقولون صاير دريوول اليوم
عبدالله: بتسكتين ولا تعرفين شنو يعني انقعج لين العصر
فآطمه:لا لا..خلاص تعال المواقف ..عطشانه بشتري عصير وبآجي
عبدالله صآف في طآبور السيارات فالمواقف..
نزلت بنت من السياره اللي قدامه..شايله لوحه وكيس هارودز كبير غير شنطتها
عبدالله يقول في خآطره..آموت واعرف هالبنات ليش يشيلون خزانتهم كلها معاهم
طآح الكيس اللي في يد البنت واللوحه ..وتنثرت فرش والوآن و آوراق على الرصيف
كسرت البنت خآطر عبدالله وهي تلم الاغراض قدام السيارات فهالشمس
نزل عبدالله من السياره وراح يسآعد البنت
عبدالله وهو يجمع الاوراق : حلوه الرسمه
طالعت البنت عبدالله بنظره غضب..خذت اغراضها بسرعه ..
طآحت سوارتها وما انتبهت..
راحت البنت
عبدالله: لو سمحتي..
ما ردت عليه..
دخلت البنت المواقف..
الدريوليه صاروا يهرنون له..سيارته معطله السير
اخذ عبدالله السواره وركب السياره
طلعت فاطمه..
وركبت السياره..
وهم فالسياره
عبدالله يفكر..اللحين انا غلطت يوم قلت رايي فالرسمه؟؟
في نفس الوقت غاده وهي فالمحاظره تفكر..
اللحين الرجال ما قال شي غلط ! مسكين احرجته
صديقتها تنغزها بكوعها: غدوي حلي المسآله عن التفهي
مر اليوم وجآ الليل..
جا عبدالله من المجلس ..انبطح عالسرير وطلع الاسواره من محخباه
وهو يبتسم قام يفكر..
اللحين انا من صجي..آفكر فبنت ساعدتها تجمع اغراضها واسوارتها عندي؟؟
بس ردها يبين انها مؤدبه..
وبعد كآنت مزيونه
آآي ..هاي حب من اول نظره
ههههههههه بو عابد ليكون عبالك توك عمرك 23..
اللحين ما حبيت وانا صغير .. يوم صرت 28 بحب ..لا ومن نظره بعد هههههه
خلني انسى السالفه آحسن..
سمى بالرحمن ونــآم
مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..
***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم
بدر بن عبدالمحسن
الجزء الثاني ~
بعد حوالي شهر
المكآن :مركز الشرطه
الوقت : 10:30
رن جوال عبدالله
عبدالله:مرحبآ ومسهلا..حي الله هالصوت..حي الله الغاليه..حي الله آحلى وحده فالدنيا
آم عبدالله:هههههههه..وانت ما تخلي سوالفك..عجزت يا يمه..وين احلى وحده
ما اتمنى غير شوفتك معرس
عبدالله: هاه يمه..ردينا على سالفه العرس..هههههه
آم عبدالله: يبه روح جيب فطوم من الجآمعه الدريول راح التموين وزحمه مايمديه يرجع عالـ 11
عبدالله:وهآآآي سالفتكم كل رآس شهر..ان شآء يمه..
آستآذن عبدالله من الدوام لمده ساعه ..وطلع الساعه 10 ونص
الساعه 10:40 عبدالله يقول في خآطره
خلني اطرش لها مسج احسن من ارن لها وهي فالمحاظره
كتب عبدالله:
الآميره وين تبيني آجيها؟؟
رن جواله على طول
عبدالله :هلا فطوم ..ماعندج محاظره
فاطمه :امبلى بس الدكتور طلعنا من وهل
عبدالله:اهآ..انزين وين آجيج
فاطمه : تعال المواقف..على طول بطلع بشوفك من الزجاج
عبدالله:طيب..خمس دقايق واوصل..باي
فاطمه : باي
بعد شوي فالمواقف
وعبدالله ينتظر فالطآبور..طلعت فآطمه وسلمت على بنت كانت نازلها توها من السياره
عبدالله يتذكر..هآي راعيه الآسواره..وقلبه صآآر يرف
فاطمه:هلا غدوي شخبآرج وحشتيني
غاده: والله انتي وحشتيني بعد..قعدي شوي لين تبدآ محاظرتي بعدين روحي
فاطمه:ودي الله بس عبدالله آخوي جايني ما اقدر انطره
غآده:خلاص حبيبتي ..بتصل لج بعدين ان شاء الله
فآطمه :خلاص انطرج
ركبت فآطمه السيآره
عبدالله: فطوم من هاي البنيه
فآطمه:شلك خص..؟
عبدالله:لا ولا شي بس مشبه عليها
فآطمه : هاي غآده علي رفيجتي من يوم آبتدائي..جات كم مره بيتنا يوم آحنا صغآر
عبدالله: آهآآآآآ.. أهي معآج محاسبه؟
فآطمه :لا لا ..فنيه ماتشوف آغراضها شكثر
آنزين انت ليش تسآل هالكثر..هآآآآه يلا اعترف؟
عبدالله :كبرج انا تكلميني جيه..سكتي لا آنزلج اللحين من السياره
فآطمه: آنزين آنزين..ما يسوى علينا بتوصلنا
السآعه 6 المغرب,,
دخل عبدالله على فاطمه الغرفه..
عبدالله :شتسوي آختي الحبيبه
فآطمه : آبد عندي برزنتيشن الآسبوع الجاي وقاعده اجهز
عبدالله: شرآيج نروح نتعشى فمطعم
فآطمه : صج !! ..آبيه غررررريبه
عبدالله : الشرهه عاللي يعطيج ويه
فآطمه:لا لا خلاص آخوي حبيبي بعد ابي توديني الكورنيش بصور المتحف الاسلامي حق البرزنتيشن
عبدالله: آوكي ,خلج جاهزه بعد صلاه العشاء
الساعه 8:30
عبدالله عند باب البيت يتصل حق فاطمه
عبدالله :فطووووم والله 3 دقايق ..ان ما طلعتي مب موديج
فاطمه: مابي اروح زين..مايسوى علي
عبدالله : لا لا,,تعالي انطرج ان شاء الله لو سنه
فاطمه: آي هاي الأخو الفله
حوالي الساعه 9 عند فرضه الدوحه
عبدالله: يلا انزلي صوري
فاطمه : زين انزل وياي
عبدالله: لا لا مابي
فاطمه : كيفك
نزلت فاطمه من السياره,,اخذ عبدالله جوال فاطمه وقام يدور اسم غاده
عبدالله: °ღ°♥ صغيرونه ♥°ღ°
ـــأيــفஜأحــلــىஜالــوصــ
آلصوت♥آلجريـح
‗_إعفيني_‗
شهالقائمهّ!! ولا اسم عدل صج جوال بنات
وحط الجوال مكانه بسرعه قبل لا ترجع فاطمه
ونزل من السياره ..
عبدالله : هاه البرنسيسه خلصتي؟
فاطمه: شوف شوف,,شرايك فهالصوره؟
عبدالله: الله وايد حلوه..ياخي انتي طالعه علي
فاطمه: انزين يلا وقف بصورك وخلفيتك المتحف
عبدالله: ان شاء الله كم فطومه انا عندي
و آول ما ركبوا السياره..
جوال فاطمه كان يرن
فاطمه : غدوووووي !!
عبدالله تسمر مكآنه وقلبه قام يرقع
فاطمه :هلا غدوي شلونج
غاده : طيبه حبيبتي..وينج ما اشوفج عالمسن مب عوايدج
فاطمه:انا طالعه مع آخوي آصور المتحف بعدين بروح اتعشى
غآده : آوكي يالغاليه..خلاص اكلمج عيل بعدين..باي
فآطمه : باي
ركبت فاطمه السياره وعبدالله مكانه واقف سرحآن
فاطمه :شفيك متسبه ..يلاااا مب من زين الجو
عبدالله :هاه..انزين انزين
بعد ما اركبوا السياره
عبدالله: فطوم شرايج اوديج اسبآير تصورين..
فاطمه :اللحين !! الساعه 9 ونص.. متى بنرد
عبدالله: بس مب فخاطرج انتي تصورينها ؟؟ مب مشكله ما ورانا شي
فاطمه :والله شكلك اليوم مب طبيعي..بس يالله دام السالفه فيها تصوير مب مشكله
آوصلوا اسبآير..وقف عبدالله السياره
عبدالله: يلا نزلي صوري
فاطمه: انزين انت انزل بعد..ابي اروح داخل اصور
عبدالله: لا بس من برى ما في وقت
فاطمه : آآآآآآآآآآنزين
آول ما نزلت فاطمه طالع جوالها آخر مكالمه مستلمه( حبك سرقني )ونقل الرقم فجواله
ورجع الجوال مكانه
بعدها راحوا المطعم تعشوا ..ورجعوا
وبعد ما دخل عبدالله غرفته..فتح التجوال وتم يطالع الرقم
يقول فخآطره: رقمها اللحين عندي..وآعرفها اللحين من هي
اتصل..ولا ادز مسج..ولا اتعوذ من ابليس عن هالحركات
وبعد حوالي سآعه ..آنا مب ياهل عشان اتصل ولا احرج البنيه وازعجها..لازم اكون آعقل..
وقرر انه يروح يكلم اخته
دق عبدالله باب غرفه فاطمه
عبدالله :فطوم قآعده؟
فآطمه : آي تعال
عبدالله: شقاعده تسوين..؟
فاطمه : ولا شي عالنت .. آحوس..عسى ماشر؟
عبدالله :لا ولا شي بس قلت بسولف ويآج شوي
فآطمه : غدوووووووووووووي !!
عبداله تسمر
عبدالله :شفيج..آي غدوي ؟
فاطمه : يبا عبدالله ..عبالك انا مفهيه..ما تطوف علي هالحركات
عبدالله: انزين هي مخطوبه؟
فاطمه : لا
عبدالله: مرتبطه؟
فاطمه : كم تعطيني؟
عبدالله: آآوه فطيم عن الملاغه
فاطمه : ووويه عبود والله كسرت خاطري..يحليلك تحب هههههههههه..لا مب مرتبطه
عبدالله : متآكده؟
فآآطمه : آممممممم.. تدري عطني فرصه كم يوم وآرد لك خبر..
بس هاه..تشتري لي العدسه اللي آبيها..
عبدالله: عدسه بس..آشتري لج عده تصوير كآمله
فآطمه : بل..جان زين انك من زمآن حبيت..ههههههههه
عبدالله: بس فطوم تكفين ردي بسرعه.. بس لاتبينين لها ان في شي من جهتي
فآطمه :آفا عليك بس.. أنا اختك
انزين ..يلا لو سمحت بارقد.. آطلع برى
طالعها عبدالله بنظره بس ما قدر يتكلم ..
فاطمه : ههههههههههههه..ماتقدر تقول شي !
عبدالله: تصبحين على خير
فآطمه : وانت من هله
الجزء الثالث ..قريبا ان شاء الله