تويت
هلو هلو
حيالله من جانا وشرفنا بمروره وان اتحفنا برايه يامرحبا به
طبعا هالموضوع يعتبر الثالث لسلسه المطاعم اللي فتحتها (اشدخل احم) قصدي يعتبر الثالث لسلسله يوميات عليان في اوصطراليا
الموضوع الاول كان بعنوان
"يوم النحس العالمي"
والثاني كان بعنوان
"البحث عن انمي اخر الليل"
واللي يبغي يقراهم ماعليه الا يضغط عليهم وراح يفتح له الموضوع (اخترعت الذره احم)
...ادري ادري انكم اشتقتوا حق سوالفي ويومياتي اللي تنبع عن قمه التفهي واسلوبي العجيب (بخصوص اللي يمدح حاله طبعا لازم تعرفون بدونكم سوالفي مالها معنى.. انحرجت.. احم)
ندخل في اليوميات
عندي كم موقف حصل لي وطبعا هالمواقف انا ما قلتها الا للفايده مش هذره عالفاضي
وهم عشان تعرفون تفكير الغرب كيف..
اليوميات بيكون فيها طاري الدفه والنقاب
طبعا المدام لابسه دفه ونقاب(هي تبغي وانا بصمت لها بالعشره وعسى الله يثبتها ويثبتنا على دينه يارب وهي كانت لابسته عن اقتناع)
اليوميه الاولى...
كنت رايح ااجر لي سيارة من مكتب وكانت ست الحسن والجمال معاي(خبركم لزقه بس فديتها من لزقه وعساها ماتفج احم) طبعا واحنا نمشي في الشارع العالم تقزنا قز خبركم لاني مزيون ومايقدرون يتفادون وجهي اللي اشكبر احم(طبعا يقزون عشان المدام بدفه ونقاب)
فا لما جا دوري عند المكتب قعد يسال يبغي الجواز والفيزا ووين ساكن وغيره وغيره..المهم عطته اللي يبغيه وهو يخلص لي المعامله كان كل شوي يقز في المره وانا متنح واقول هذا اللي باقلع عيونه بس اللي كان مهديني انه كان يطالع بنظره غريبه يعني تحس انه يقول وات ذيس... ولما خلاص خلص المعامله وبامشي قال لي ممكن سؤال ..وانا بقلبي ابغي اقول له انقلع بس قلت يالله مدام خلصني مو مشكله قلت له وبخياااااس نفسسس وات؟(ياعيني على الشديد بوشنب احم)..
قال لي هذي زوجتك ..قلت اي..قال لي كيف تاكل وعليها النقاب؟؟!!
شوفوا السخاااافه والعقل اللي قد التيلة...ابتسمت وقلت له عادي ترفع النقاب سهالات واوريه بيدي ان هذا خلق مش قناع حديد يالدعله...
فا شوف التفهي والعقليه السطحية اللي عندهم..
اليوميه الثانية...
دقت علي الماجره حقت الشقه وقالت لي باملغ عليك بكره الصبح ابغيك توقع على اوراق للشقه..قلت لها وين يبا انا في الجامعه ادرس(ياناس شوفوني ولد مجتهد احم)
قالت لي زوجتك في البيت ...هنا قعدت افكر وقلت ليكون رجال بيجي معاها(هذا اللي قاصر نسوانا يدخلون عليهم رياجيل اخس واعقب..فا سالتها لحالج بتروحين لها قالت لي اي..فا قلت دربج خضر وهي تعرف تزور توقيعي(احم عادي عادي مو حلالي حلالها وحلالها حلالي لحد ينحول بس احم)
..المهم بلغت المره وجيت اليوم الثاني عقب الدوام وسالتها عن الماجره جات قالت اي جات وكانت تتبسم وتضحك ومستانسه..قلت حق المره اكيد انها مكثره..قالت لي عاد الظهر ..قلت اي سهالات (اذا في الدوحة ناس هداهم الله 24 ساعه فاصلين واذا امسكوهم قالوا حريه شخصيه امحق بس)
المهم بعد كم يوم اشوف واحد من الربع يقول لي تعال سمعنا عنك علوم...
قلت له اكيد بتسمع لاني ابو التفهي فا عادي..قال لي لا لا مب عنك ..استغربت وقلت عن من؟
قال لي عن هلك ..عاد هنا انا تنحت وقلت شنو...قال لي لا لا لاتخاف ..قلت له قول لا اعطيك على راسك
..قال لي جاتنا الماجره(طبعا ربعنا يطبقون مثل من حبته عيني ماضمه الدهر..فا حنا ماجرين من نفس المكتب احم) وقالت لنا اني لما رحت بيت علي شفت زوجته.. وكانت كاشخه وستايل ..قلنا لها وين المشكله كل بنات قطر يكشخون ويلبسون ماركات..قالت لا انا على بالي ان نسوانكم حتى في البيت يتغطون ويلبسون دفاف ونقابات فا استغربت واستانست ان عندكم حريه..قلنا في قلبنا مالت على مفهوم الحريه عندكم...
شوفو العقليه والتفهي وعدم البحث وين يودي...
اليومية الثالثة....
كنت عند شباب قطريين نلعب بلاي ستيشن قدم وكانوا ساكنين في منطقه مافيها ذاك الامان يعني لك عليها
وكانوا حول ال 7 اشخاص وساكنين في بيت ...صدق البيت كبييير وغرف كثيرة لكن تطلع من الباب في وجهك الشارع يعني مافي لا سور ولا غيره... المهم وحنا نلعب كان واحد فوق في غرفته يدرس...ونزل يشوف لعبي احم..المهم ورجع الغرفه فوق مره ثانيه وبعد شوي والا شفناه فاتح الباب وجاي من بره ويناهي..قلنا عسى ماشر؟ مب توك طالع غرفتك فوق كيف جيت من بره؟؟...وهو يناهي يقول ال ك م ب ي و ت ر حرر ررااا ممميي
(ياعيني على التشويق احم) قلنا له شتقول انت...اشر بره وقال هناااك
قلنا ليكون الرجال متروع من شي ولا شي حايشه جني خطاف سريع ..طلعنا نطل بره ماشفنا حد ..رجعنا للاخ قلنا له اشبلاك؟؟
قال حرامي باق الكمبيوتر؟؟ قلنا وشو؟؟وين؟ متى ؟ وين راح؟
قال لما خليتكم وطلعت فوق وانا مخلي الدريشه مفتوحه..فا اول ما فتحت باب الغرفه والا اشوف واحد واقف عند الدريشه وماسك لاب توبي ويطالعني؟؟!! تخرعت بس قلت الا الكمبيوتر وقربت منه..شوي والا ابو الشباب نقز من الدريشه وحنا في الطابق الثاني؟! قلت انا مات الاهبل؟!
رحت اشوف والا ابو الشباب يطالعني يعني تحس يقول لي في امك خير انقز
هو ماصاده شي لان الدريشه تطل على تل ومستواها عالي يعني كم متر فا مش ذاك الارتفاع..
المهم خوينا من حبه ومعزته قال انا فداااك يا لاب توبي ونقز وراه والحمدلله ماصاده شي وقام يركض وراه لكن ابن الذين يقول لك ركضت الحرامي عن 10 وخوينا خبركم لا رياضه ولا غيره فا خطوتين الا وهو فاح وجانا يناهي...فا قلنا له العوض ولا الحريمه(اشددددخل احم)
قلنا له في الكمبيوتر ولا فيك (اي بعد يخطفونه محنا بدافعين له نص احم)
هذا بعض من اللي عندي من يوميات وابشرو بالجديد ان شاء الله
العبر...
ان على قد ماهم متطورين لكن عقلياتهم وتفكيرهم بالنسبه للعالم سطحي جدا ومايعرفون شي عن الاسلام وعنا حنا اهل الخليج غير نتزوج اربع وهذا اللي قاهرهم
فا دوم خلك مبتسم لهم واذا حد اسالك فيهم جاوبه وانت مستانس لان هم راح يوصلونها لغيرهم وكذا توصل العلوم
تخيلوا على بالهم ان حنا للحين نعيش في البر وبلادنا كلها نياق وواحات؟؟!!
والشي الثاني الحذر والحذر في السكن ودوم دور لك سكن امن ولاتظن البلدان هي قطر(فديتها والله بلادي) تخلي سيارتك شغاله يوم عادي محد يقربها..
واتمنى انها تنال اعجابكم والسموحة على الاطاله دوم احاول اختصر بس وش اسوي اصابعي ماتطاوعني احم
وانتظر ارائكم وردودكم واقولها من جديد بدون ارائكم ماكنا ما حنا فيه الحين بعد الله سبحانه
ويامرحبا بكم
حيالله من جانا وشرفنا بمروره وان اتحفنا برايه يامرحبا به
طبعا هالموضوع يعتبر الثالث لسلسه المطاعم اللي فتحتها (اشدخل احم) قصدي يعتبر الثالث لسلسله يوميات عليان في اوصطراليا
الموضوع الاول كان بعنوان
"يوم النحس العالمي"
والثاني كان بعنوان
"البحث عن انمي اخر الليل"
واللي يبغي يقراهم ماعليه الا يضغط عليهم وراح يفتح له الموضوع (اخترعت الذره احم)
...ادري ادري انكم اشتقتوا حق سوالفي ويومياتي اللي تنبع عن قمه التفهي واسلوبي العجيب (بخصوص اللي يمدح حاله طبعا لازم تعرفون بدونكم سوالفي مالها معنى.. انحرجت.. احم)
ندخل في اليوميات
عندي كم موقف حصل لي وطبعا هالمواقف انا ما قلتها الا للفايده مش هذره عالفاضي
وهم عشان تعرفون تفكير الغرب كيف..
اليوميات بيكون فيها طاري الدفه والنقاب
طبعا المدام لابسه دفه ونقاب(هي تبغي وانا بصمت لها بالعشره وعسى الله يثبتها ويثبتنا على دينه يارب وهي كانت لابسته عن اقتناع)
اليوميه الاولى...
كنت رايح ااجر لي سيارة من مكتب وكانت ست الحسن والجمال معاي(خبركم لزقه بس فديتها من لزقه وعساها ماتفج احم) طبعا واحنا نمشي في الشارع العالم تقزنا قز خبركم لاني مزيون ومايقدرون يتفادون وجهي اللي اشكبر احم(طبعا يقزون عشان المدام بدفه ونقاب)
فا لما جا دوري عند المكتب قعد يسال يبغي الجواز والفيزا ووين ساكن وغيره وغيره..المهم عطته اللي يبغيه وهو يخلص لي المعامله كان كل شوي يقز في المره وانا متنح واقول هذا اللي باقلع عيونه بس اللي كان مهديني انه كان يطالع بنظره غريبه يعني تحس انه يقول وات ذيس... ولما خلاص خلص المعامله وبامشي قال لي ممكن سؤال ..وانا بقلبي ابغي اقول له انقلع بس قلت يالله مدام خلصني مو مشكله قلت له وبخياااااس نفسسس وات؟(ياعيني على الشديد بوشنب احم)..
قال لي هذي زوجتك ..قلت اي..قال لي كيف تاكل وعليها النقاب؟؟!!
شوفوا السخاااافه والعقل اللي قد التيلة...ابتسمت وقلت له عادي ترفع النقاب سهالات واوريه بيدي ان هذا خلق مش قناع حديد يالدعله...
فا شوف التفهي والعقليه السطحية اللي عندهم..
اليوميه الثانية...
دقت علي الماجره حقت الشقه وقالت لي باملغ عليك بكره الصبح ابغيك توقع على اوراق للشقه..قلت لها وين يبا انا في الجامعه ادرس(ياناس شوفوني ولد مجتهد احم)
قالت لي زوجتك في البيت ...هنا قعدت افكر وقلت ليكون رجال بيجي معاها(هذا اللي قاصر نسوانا يدخلون عليهم رياجيل اخس واعقب..فا سالتها لحالج بتروحين لها قالت لي اي..فا قلت دربج خضر وهي تعرف تزور توقيعي(احم عادي عادي مو حلالي حلالها وحلالها حلالي لحد ينحول بس احم)
..المهم بلغت المره وجيت اليوم الثاني عقب الدوام وسالتها عن الماجره جات قالت اي جات وكانت تتبسم وتضحك ومستانسه..قلت حق المره اكيد انها مكثره..قالت لي عاد الظهر ..قلت اي سهالات (اذا في الدوحة ناس هداهم الله 24 ساعه فاصلين واذا امسكوهم قالوا حريه شخصيه امحق بس)
المهم بعد كم يوم اشوف واحد من الربع يقول لي تعال سمعنا عنك علوم...
قلت له اكيد بتسمع لاني ابو التفهي فا عادي..قال لي لا لا مب عنك ..استغربت وقلت عن من؟
قال لي عن هلك ..عاد هنا انا تنحت وقلت شنو...قال لي لا لا لاتخاف ..قلت له قول لا اعطيك على راسك
..قال لي جاتنا الماجره(طبعا ربعنا يطبقون مثل من حبته عيني ماضمه الدهر..فا حنا ماجرين من نفس المكتب احم) وقالت لنا اني لما رحت بيت علي شفت زوجته.. وكانت كاشخه وستايل ..قلنا لها وين المشكله كل بنات قطر يكشخون ويلبسون ماركات..قالت لا انا على بالي ان نسوانكم حتى في البيت يتغطون ويلبسون دفاف ونقابات فا استغربت واستانست ان عندكم حريه..قلنا في قلبنا مالت على مفهوم الحريه عندكم...
شوفو العقليه والتفهي وعدم البحث وين يودي...
اليومية الثالثة....
كنت عند شباب قطريين نلعب بلاي ستيشن قدم وكانوا ساكنين في منطقه مافيها ذاك الامان يعني لك عليها
وكانوا حول ال 7 اشخاص وساكنين في بيت ...صدق البيت كبييير وغرف كثيرة لكن تطلع من الباب في وجهك الشارع يعني مافي لا سور ولا غيره... المهم وحنا نلعب كان واحد فوق في غرفته يدرس...ونزل يشوف لعبي احم..المهم ورجع الغرفه فوق مره ثانيه وبعد شوي والا شفناه فاتح الباب وجاي من بره ويناهي..قلنا عسى ماشر؟ مب توك طالع غرفتك فوق كيف جيت من بره؟؟...وهو يناهي يقول ال ك م ب ي و ت ر حرر ررااا ممميي
(ياعيني على التشويق احم) قلنا له شتقول انت...اشر بره وقال هناااك
قلنا ليكون الرجال متروع من شي ولا شي حايشه جني خطاف سريع ..طلعنا نطل بره ماشفنا حد ..رجعنا للاخ قلنا له اشبلاك؟؟
قال حرامي باق الكمبيوتر؟؟ قلنا وشو؟؟وين؟ متى ؟ وين راح؟
قال لما خليتكم وطلعت فوق وانا مخلي الدريشه مفتوحه..فا اول ما فتحت باب الغرفه والا اشوف واحد واقف عند الدريشه وماسك لاب توبي ويطالعني؟؟!! تخرعت بس قلت الا الكمبيوتر وقربت منه..شوي والا ابو الشباب نقز من الدريشه وحنا في الطابق الثاني؟! قلت انا مات الاهبل؟!
رحت اشوف والا ابو الشباب يطالعني يعني تحس يقول لي في امك خير انقز
هو ماصاده شي لان الدريشه تطل على تل ومستواها عالي يعني كم متر فا مش ذاك الارتفاع..
المهم خوينا من حبه ومعزته قال انا فداااك يا لاب توبي ونقز وراه والحمدلله ماصاده شي وقام يركض وراه لكن ابن الذين يقول لك ركضت الحرامي عن 10 وخوينا خبركم لا رياضه ولا غيره فا خطوتين الا وهو فاح وجانا يناهي...فا قلنا له العوض ولا الحريمه(اشددددخل احم)
قلنا له في الكمبيوتر ولا فيك (اي بعد يخطفونه محنا بدافعين له نص احم)
هذا بعض من اللي عندي من يوميات وابشرو بالجديد ان شاء الله
العبر...
ان على قد ماهم متطورين لكن عقلياتهم وتفكيرهم بالنسبه للعالم سطحي جدا ومايعرفون شي عن الاسلام وعنا حنا اهل الخليج غير نتزوج اربع وهذا اللي قاهرهم
فا دوم خلك مبتسم لهم واذا حد اسالك فيهم جاوبه وانت مستانس لان هم راح يوصلونها لغيرهم وكذا توصل العلوم
تخيلوا على بالهم ان حنا للحين نعيش في البر وبلادنا كلها نياق وواحات؟؟!!
والشي الثاني الحذر والحذر في السكن ودوم دور لك سكن امن ولاتظن البلدان هي قطر(فديتها والله بلادي) تخلي سيارتك شغاله يوم عادي محد يقربها..
واتمنى انها تنال اعجابكم والسموحة على الاطاله دوم احاول اختصر بس وش اسوي اصابعي ماتطاوعني احم
وانتظر ارائكم وردودكم واقولها من جديد بدون ارائكم ماكنا ما حنا فيه الحين بعد الله سبحانه
ويامرحبا بكم
تعليق