دكتور أسنان شاطر ؟ [الأرشيف] - منتديات شبكة الأسهم القطرية

مشاهدة النسخة كاملة : دكتور أسنان شاطر ؟

alnoory

15-08-2009, 02:39 AM

:

صباح الورد

أخوانى وخواتى

أبي دكتور أسنان شاطر اذا تعرفون

بصراحة كل الى رحت لهم شغلهم مو زين واسعارهم نار

ابي احد ثقة

ومشكورين مقدما

:)

لوردغاليري

15-08-2009, 02:42 AM

مروان قله

صح غالي بس موب غالي على نفسنا
والله
يشفيك

بوسالم90

15-08-2009, 02:50 AM

مروان القله أخصائي تقويم

والدكاتره اللي عنده ماشي حالهم من واقع تجربه

انا توني طالع من عند دكتور اسنان فاتح لي عيادته الساعه 12 بالليل

وشغله ماعليه كلام لاكن انه في الاردن اذا تبين عنوانه اطرشه لك على الخاص

هذلان

15-08-2009, 02:53 AM

اعليج شر .. الي اقدر اقوله ابتعدي عن دكتوره مصريه في عياده الملكه للاسنان.

نصيحه لوجه الله غيري الصوره الرمزيه

alnoory

15-08-2009, 03:25 AM

مشكورين ويعطيكم العافية

بالنسبة لمروان القلا مجربة قبل وماعجبنى شغلة

ونفس الكلام عن الملكة للاسنان اسعارهم مبالغ فيها وشغلهم موعدل

بالنسبة للدكتور الاردنى هل هو بالاردن ؟؟

انا ابي دكتور بقطر

اخوانى الافاضل

لورد
بوسالم
هذلان

الف شكر لكم

سوووووووير

15-08-2009, 04:33 AM

للرفع
احس العقل بيطلع لي ومب عارفه اروح لاي عيادة
الاختصاصي القطري اللبناني احس شغلهم تجاري وماعجبني
والخليج للاسنان هناك عليهم دفاشة مب طبيعية
والشفاء رأفت ماعنده غير الجلع

تحداني

15-08-2009, 04:40 AM

.. ما تشوفين شر يارب ..

عن تجربه .. وثقه ..
من افضل الاطباء .. هم المتواجدين في الرميله للاسنان .. اذا لقيتي موعد ..
وبعدها .. عياده الشفاء .. ( الدكتور رأفت )
وعياد الخليج للاسنان .. الدكتور ( محمود ) عن ثقه ..

والقرار راجع لك ..

الـقـاسـي

15-08-2009, 04:44 AM

M!ssy

15-08-2009, 06:22 AM

دكتور بشار عيادة المدينة للاسنان
وبالرااااااااااااااااااااحه
انا عنده للحين شاطر شاطر فوق ماتتصورون

وفي كم وحده اعرفهم كانوا عند مروان وخلوه وراحوا عند بشار
يقولون مروان يمطط في المواعيد ويسوي اشياء مب لازم يسويها بس عشان ياخذ فلوس زياده

صدقوني بشار ماشاء الله روعه من قلب
كل الي اعرفهم عنده

clouds

15-08-2009, 06:32 AM

مروان القله نصاب وايد تعاملو معاه نصاااااااااااااااااااااااااااااااااااااااب نصب عليهم كلهم

انصحج في عياده الاسنان اللي عند حسن عبدالله دكاتره استشاريين وشاطرين وايد وايد ولو رحتي لبنان كلهم بينصحونج بهم وماشاء الله عليهم يخلصونج بجلسه وحده لاروحي تعالي ولاشي واحدث الاجهزه في العالم عندهم

امل الحب

15-08-2009, 06:55 AM

حاليا اتعالج في مجمع الوحدة الطبي ..

للحين شغل نظيف وكلام سليم من ناحية العلاج والجلستين الي راحوا نص ساعة بس يحط الشاشة جدامج عشان تشوفين هو وين وشقاعد يصير داخل :( ..

بالنسبة حق الاسعار مادري .. لان علاجي عالتأمين الصحي فما عطاني ارقام او فكرة عنها ..

Qtr.Girl

15-08-2009, 08:10 AM

عيادة الاقصى

صمتي حزن

15-08-2009, 09:52 AM

لالالالا نصيحه مروان القله تجاري مةب شي كل ش حاسب عن تجربه بهدلني انا وغير ي في ناس بهدلهم

صمتي حزن

15-08-2009, 09:53 AM

الشبخ في عندك عياده اسنان القطري لبناني جدا ممتازه واخصائين ممتازين واسعار زينه موقعها خلق المول طريق الاهل من جه فكتوريا لتاجير السيارات

_بوشهاب_

15-08-2009, 11:04 AM

والله يا اختي ان احسن ستاف طبي للاسنان موجود في قطر في الرميله لكن المشكله مواعيدهم
عندج الدكتور خالد الاصمخ
الدكتوره شيخه الكبيسي
الدكتوره فلنيتينا

clouds

15-08-2009, 11:30 AM

ولله انا ماعجبوني دكاتره رميله وبالذات شيخه الكبيسي هي في صوب والطب في صوب مالها خص كلش ووايدناس لعبت في اسنانهم وانا منهم

بوحميد

15-08-2009, 11:45 AM

:weeping:

انزين والحل

حراير قطر

15-08-2009, 11:55 AM

الدكتور مهدي بعيادة الملكة

findi

15-08-2009, 12:06 PM

عن تجربه ...

مركز الخليج للأسنان

الدكتور / محمود

خالد_

15-08-2009, 12:12 PM

د.غاده اضن اسمها في عياده الدوحه

وردة بصحرا

15-08-2009, 12:33 PM

عن تجربة مضمونة الدكتور فريد في شارع النصر ورا الحلويات السويسرية

انا وابوي واخواني وخواتي وعمامي وهلي كلهم نتعالج عنده من تقريبا 10 سنوات واسعاره حلوة

وماتشوفين شر حبيبتي

الدوحاتي

15-08-2009, 12:36 PM

عن تجربه - عياده الدكتور حسن في النصر خلف الحلويات السويسريه
اتصل فيهم وخذ موعد لانه بالمواعيد وزحمه

بسبس

15-08-2009, 02:22 PM

العصب : مافي دكتورة يدها خفيفة مثل د. شيخة الكبيسي في رميلة
وعندك عيادات الكبيسي د. محمد نبية شغل ممتاز ونظيف

عبدالرحمن

15-08-2009, 02:32 PM

في دكتور يده خفيفه كلش من تبطل حلجك لين تسكره ماتدري شسيوي تسكر حلجك يقولك خلاص خصوصا شل العصب والحشو طبعا راضخك بنج قبلها
اسمه دكتور توماس هندي وجيد واعتقد رخيص وايد مب غالي
عن تجربه يعني بس صارلي فتره طويله مارحت له عاد تحسن صار ردي الله اعلم بس اخبره ممتاز صراحه

وردة بصحرا

15-08-2009, 05:52 PM

عن تجربه - عياده الدكتور حسن في النصر خلف الحلويات السويسريه
اتصل فيهم وخذ موعد لانه بالمواعيد وزحمه

هذا اللي اقصده :) دكتور اكثر من ممتاز

كتكوته

16-08-2009, 03:43 AM

عيادة الرازي دكتور يمان معالجه او دكتور عامر تقويم

هذلان

16-08-2009, 04:13 AM

عن تجربه - عياده الدكتور حسن في النصر خلف الحلويات السويسريه
اتصل فيهم وخذ موعد لانه بالمواعيد وزحمه

الشهاده لله .. رحت مره اسوي تنظيف اسنان عند عياده المدينه دكتوره لبنا

حطت الشوكه او مادري شسمها الي في يدها على مكان في سني وعينك ماتشوف الا النور اصابع رجلي تشنجت من الالم كانه كهرب في جسمي كله قلت لها شسالفه قالت لي تسوس و انصدمت لاني بفضل الله ماقد صادني تسوس ،، عاد قالت لي وانا انظف اسنانك شفت ٥ سوسات !! و اذا تبي تاكد عدل سو تصوير و بيبين السوس عدل سويت تصوير و طلعو ٩ سوسات و انا متحطم من الموضوع مش من التكلفه مع العلم بان السوسه الوحده فوق ٥٠٠ ريال .
سالت عن دكتور زين و دلوني على السوداني هذا و رحت له وشرحت له القصه و كشف على اسناني بعدين ضحك قالي مافيك الا العافيه و انا مابي اسئلك من الدكتور الي قالك انه فيك سوس الله يهديه . قلت له مايصير انا متاكد و اقوم و ادله على المكان الي الدكتوره حطت الابره فيه و عورني .. قالي هذا المكان كان فيه جير و يوم سوو تنظيف الجير انشال و صار مكانه حساس و هذا شي طبيعي كم يوم و بعدين بيروح الالم .

وفعلا كلامه صح و هالموضوع صارلي يمكن من ٥ سنين و لله الحمد للحين ماشفت الا العافيه.

هذا احقاقا للحق و هالدكتور خايف الله بصراحه

QatarLady

16-08-2009, 04:21 AM

الرميلة مافيه مثله ويمدحون عيادة الآراك في معيذر الدكتور هاني