سوق السمك ! الى متى؟!

[PathFinder]

الى متى يبقى سوق السمك بهذا المستوى المتدني من النظافة والرائحة الكريهة للسمك المتعفن؟ الكثير من المواطنين والمقيمين والسياح يأتون الى هذا السوق ولكن تصبح رائحتك ورائحة سيارتك كريهة بعد قيامك بالتسوق من هذا السوق ومرورك من فوق المياه ذات الرائحة الكريهة على الأرضيات. وأسوأ مكان فيه هو مكان تنظيف السمك حيث تتطاير عليك قطع السمك والقشور.

[ضوى]

اللي يشوف سوق السمج بالكويت يتحسر على سوقنا وينقهر ، حتى المفتشين شغالين على مدار الساعة هناك

الله يحنن قلب الكبار علينا ويهتمون شوي فينا

[PRINCESS]

ياخوي كل اسمه سوق سمك
مهما ينظفون تظل ريحته:rolleyes2:
اريح شي سوي مثلي
روح الكورنيش هناك يبيعون سمك والريحه اهون من هذاك السوق:rolleyes2::nice:

[علي بن جبر]

صدقت , ليش مانصير مثل دبي والكويت والسعوديه
والله اسواق السمك هناك ترد الروح , اما عندنا اخ اخ ماله حل ,,, خذنا فكرى من احنا صغار انا الجبره نفس الزباله ,,, تكرمون

[moonبنتnight]

والله حسبالي بتكلم عن الاسعار 000

سعر مبالغ فيه وايد 00 نار 000

[عاشق الشهادة]

نصيحه روح كارفور واخذ ذاك السمك الطيب وبدون ريحه وانصحك بالفيليه هامور:nice:
بس اسعارهم اغلى من السوق المركزي

[سوق واقف]

تعال سوق الخور مسخره يبيعون السمك بدون ثلح وبرع المحلات حاطين طاولات

يوم كلمت الدكتور .. وكان عربي قالي تعال أنا هاقووولك تشتري اي ماعليش سامحنا اليوم والحبيب قاعد في المكتب

والغريب والله العظيم يبيعون بدون ثلج وقالي شيء غريب...

(( ما تشتريش دا دا تبع انبارح )) صدمه وربي انصدمت قلت السمك من يومين واشلون حاطينه بدون ثلج قالي تعرف الهنود بيعلموا كلي حاقه...

[سوق واقف]

الحين أأروح الشمال الفجر أنطر اللنجات توصل واشتري منهم فرش ابرك بمليون مرة من وصاختهم

[PathFinder]

وفي ملاحظة, سوق السمك المركزي في بلد يحيط به البحر من ثلاث جهات ما فيه ولا سمكة تتنفس, كله ميت !! ياريت يتغير مكانه وينحط قريب من البحر يكون افضل.

[بويوسف]

وفي ملاحظة, سوق السمك المركزي في بلد يحيط به البحر من ثلاث جهات ما فيه ولا سمكة تتنفس, كله ميت !! ياريت يتغير مكانه وينحط قريب من البحر يكون افضل.


عليكم افكار خطير .. فعلا ليش مايعملون سوق سمك كبير ويكون قريب من البحر .. ويكون مميز وتراثي ولو يسون حوليه مطاعم ماكولات بحرية وفي نفس الوقت قعدات حلو ويكون مكان سياحي للناس اللي جايين من برع ولاهل قطر ..

[بوخالد911]

للحين تنظيف الروبيان ع الارض

وكأننا بلاد فقيرة !!!

الله يعيين بس !!!!

[hemoud123]

عليكم افكار خطير .. فعلا ليش مايعملون سوق سمك كبير ويكون قريب من البحر .. ويكون مميز وتراثي ولو يسون حوليه مطاعم ماكولات بحرية وفي نفس الوقت قعدات حلو ويكون مكان سياحي للناس اللي جايين من برع ولاهل قطر ..

هذي الافكار والا فلا
ذكرتني باستانبول وبدمور وبونير
وياريت ما يكون وسط الدوحه

[جوال 11]

أن شاء الله حد من المسؤلين يشتري من سوق السمج ويعطيهم الأوامر لتعديل الوضع مثل ما تم مؤخرا بخصوص الشوارع وبدأ العمل فيها.

[s4qatar]

صار لي تقريباً 8 سنوات مادخلت سوق السمج

الجمعيات فيها محلات أسماك ومستوى نظيف

[طارق]

صراحه الريحه مقرفه
وحمام السوق شيئ يفشل , خاصه ان العمال يسفطون السمك فيها
وفي داعوس بين الحمام ووين يبيعون اللحم يفشل
يا وزاره البلديه شوفو شغلكم

[قناص مستثمر]

نصيحه روح كارفور واخذ ذاك السمك الطيب وبدون ريحه وانصحك بالفيليه هامور:nice:
بس اسعارهم اغلى من السوق المركزي لتروح كرفور ولا شي تعال معاي بندش البحر وبتصيد ذاك الصيد الزين طبيعي 100%:victory:

[الهملة111]

شوف المزاد الفجر وشوف الاسويين يبصغون ( ايتفلون) على الارض وبعد ذلك يفرشون السمك على الارض لا وبعد ايشوتون السمك

[PathFinder]

شوف المزاد الفجر وشوف الاسويين يبصغون ( ايتفلون) على الارض وبعد ذلك يفرشون السمك على الارض لا وبعد ايشوتون السمك

شكرا اخي على ملحوظتك, صراحة شي مقرف !! طول عمره سوق السمك على البحر وتحصل السمك يتنفس ويتحرك ... مو معفن وخايس

[هذلان]

ممكن تطلعون على هذا الرابط

بعد اذن صاحب الموضوع

الــرابـــط مــن هـنـــا (http://www.qatar-marine.com/viewtopic.php?f=14&t=118&sid=b1f8824d78e1bfa7d789c399d89c7cf7)

[فتى الجود]

الغريب
أنه حاطين شبك حماية على النوافذ

مايندرى يمكن السمج بيشرد ؟

[قناص قطر]

السلام عليكم

هناك اقتراح بشيل سوق السمك والغنم اعزكم الله

وقريب ان شاء الله

والموقع الجديد بالقرب من ###### ؟ سري للغايه هههههههههه

[الوجيه]

كل هذا يرجع للبلديه وبخصوص قسم الاسواق الي جنب سوق السمك . خاااااااصه عندهم رئيس قسم عسر جدا وكل ما يقابلك بخياس نفس . ولا بذات اذا عرف محلك ماشي ومربح يضيق عليك الامور ويركز على المخالفات و النهايه انه يبي يدش شريك وياك . ولا يستقبلك باي وقت وجنك تبي اتقابل وزير مب رئيس قسم . ووكذا مره رحت ابي اقابله قالوا لا رئيس القسم مايداو الا الساعه 11. كل هذا يرجع لعدم الرقابه من مسئولين وزارة البلديه .

ويني تبي السوق المركزي يتطور مدام ها الشكال موجوده . الصراحه ها الوزاره يبيله تنظيف

[الوجيه]

عليكم افكار خطير .. فعلا ليش مايعملون سوق سمك كبير ويكون قريب من البحر .. ويكون مميز وتراثي ولو يسون حوليه مطاعم ماكولات بحرية وفي نفس الوقت قعدات حلو ويكون مكان سياحي للناس اللي جايين من برع ولاهل قطر ..


انا مؤؤؤؤيد للقتراح

[SHARKH]

يا وزاره البلديه شوفو شغلكم ,والله حرام مستوى متدني من الرقابة والنظافة والمشكلة الجديدة رفض عمال تنظيف السمك بالسوق بتنظيف السمك الا بالمساومة والمماطلة يعني الواحد يشتري السمك بغالي وشبه خايس وفي مكان غير مكيف وغير نظيف وبعد ما تلاقي حد ينظفه والله قهر . ندأ الي حماية حقوق ......!