بنينا بيتنا واكتشفت شي ء خطير

[المتضرعه لله]

:omg:

وبعد

:omg:

قرر ابو العيال ان يبني ال بيت بيت العمر وعلى نفقته الخاصه طبعا بعد ما باع بيته الصغير قال نسوي بيت العمر وبعد ماجهزنا كل شي قال بنسوي عظم وبعده ناخذ كل شيء لوحده على راحتنا

يعني التشطيب ناخذ الكهربائي لوحده والنجار لوحده والصباغ لوحده وطبعا ناخذهم شركات مب اي كلام

بدأ البيت يكبر ويكبر وكل يوم تزداد دهشتي ودهشة زوجي والصمت معنا

كل مغاول تعاقدنا معه كل عماله مب على كفالته :(

وكل يوم لهم شكل ولون :(

النجار معه شله

الصباغ معه شله

البناء معه شله

والبقيه من كهربائي فيتري مغاول بلاط سراميك رخام كله كله عماله من الشارع ياخذهم واحد يقال له مغاول او استاذ ويعطيهم المعلومات المطلوبه ويامرهم بالتنفيذ

الحين سكنا بيتنا والحمد لله والشكر له وحده

لكن هالسايبين واللي يسعون بارضنا وتحت مراى منا ليه متروكين كل سيده قيده وبراحته


الجهات المعنيه هل هي عجزت من القبض عليهم ؟

هل نفذت كل الطرق حتى يزيد مارد الهروب في كبد المواطن ويستفيد من هروبهم تجار القطاعي

للعلم اغلبيه الهاربين اما في البناء او في الشركات


والامساك بهم ليس من سابع ال مستحيلات مثل ماقلنا اذا الجهه المعنيه الزمت كل صاحب شركه او مغاول او مغسله او مطعم باصدار بطاقه تعريفيه من قبل جهه معترف بها تفيد ان هذا العامل على كفاله صاحب الشركه او المغاول او صاحب المغسله


ليمتى واحنا بدوامه هروب العمال مايكفي ان هروب الخدامات بدأ يتفشى ايضا


حسبي الله والنعم الوكيل

[مناحي السادس عشر]

الله يسامحج يالمتضرعه

لو مسكوا هالعمال اللي انتي تقولين عنهم وقف البنيان

[أريج]

اي والله المتضرعة لله اذا انت في نيتج تشتكين ليش مااشتكيت عليهم اول مااكتشفتيهم

ونطرتي لين خلص البيت

[ابن مانع]

ماجات عليهم هذول مساكين هذا من ظيم الكفيل يشتغل هالشغله يدور قوت يومه او يسدد ديونه في بالده لانه عارف نفسه بينمسك
بس الكلام خليه على الي مايجي من بلاده عندج الى بس فترة اختبار عشان ياخذ اليسن ويروح حق وظيفته الرسمية الي جاي من بلاده متعاقد معاهم فيها

[صمتي حزن]

لاتعليق

[فارس الكلمة]

الله .. عقب ما خلصتي بيتكم و سكنتوه .. قلتي أكتشفت شىء خطير ..

و كل هالمدة ساكته ..؟!

[محسن العجي]

خلي الناس يالمتضرعه تبني بيوتها اسهل وارخص

وبعدين يمسكونهم

[بنت ابوها 19]

اي والله المتضرعة لله اذا انت في نيتج تشتكين ليش مااشتكيت عليهم اول مااكتشفتيهم

ونطرتي لين خلص البيت

خلصت حاجتها


للاسف

وتحرم الغير من الي هي استفادة منه :(

[واقعية]

انا اتفق معاج
يعني لو سووا لهم كمين بسيط كان بيصيدونهم ببساطة

على فكرة ......... للحين ما بنيت بيتي

تحياتي
واقعية

[ودي أكون]

اسمحولي على ردي .. بس انا اشوف ان المتضرعه ماقالت شي غلط عشان انقول خلصتي شغلج وتكلمتي ..

لان كل واحد فينا اي نعم كل واحد فينا لو له حاجه عند اي مكان ماراح يتكلم الا بعد مايخلص هاي اولاً (( 1 ))

وثانياً هي انقلت لنا استغرابها وماقالت روحوا اشتكوا عشان اشغال الناس تتوقف .. هي قالت لازم الشركات تتحاسب لانها اتوظف عمال من الشوارع وهالشي يخلي الدريوليه وغيرهم يشردون من كفيلهم ويشتغلون فالشركات .. وهالشي يضر بالعائلات اللي اتجيب ادريوليه واتعلمهم وتصبر ع مشاكلهم واخرتها يشردون ((2 ))

وثالثا الشركات اللي جي همها انها اتكد فلوس حتى لو بطريقه غير شرعيه الاوهي انها اتوظف كل من هب ودب .. واتسكنهم عند عوايل وهالشي يزيد الطين بله بعد ..

انا اشوف اختي بما انج خلصتي بيتج اتخلين زوجج يشتكي على هاذول الشركات عشان ثاني مره ماتوظف احد مو على كفالتها وتخرب بيوت العوايل واتشرد درويلتهم ..

بالفعل هالشركات لازم تتحاسب والعمال اللي كل واحد يشرد الثاني بعد لازم يتحاسبون عشان يعرفون ان الدوله لها قوانين ..

ومبروك عليج بت العمر حبيبتي ..

[بوخالد911]

الله يعيين بس


لو يحطوون قانون صارم مثلا

اللي يشررد يعطونه حكم ممنوع دخول البلاد تارة أخرى


وبتشوفوون كييف بيتأدبوون


مسيوو / بوخالد911

[اعالي الجنان]

سبحان الله الكل تعصب وقذف كلام جارح ومشى!
والله ماهو طبع المسلم هذا الشي
بالتي هي احسن ياجماعه

[المتضرعه لله]

الله يسامحج يالمتضرعه

لو مسكوا هالعمال اللي انتي تقولين عنهم وقف البنيان

عشان كذا انا سكت وما شكيت بس للامانه منعت كم واحد مايجي مره ثانيه لان شكلهم بالضبط اجرام

:(

[المتضرعه لله]

اي والله المتضرعة لله اذا انت في نيتج تشتكين ليش مااشتكيت عليهم اول مااكتشفتيهم

ونطرتي لين خلص البيت

لا ماراح اشكي ليه اشكي يعني انا غير هالناس اللي بالجرايد تبكي واللي بقضاياهم بالمحاكم واللي واللي

وبعدين من بيبني بيتي ؟

الشركات الكبيره تاخذ مشاريع وبعضها مثل هذه الشاكله ماحد عنده عماله على كفالته ميه في الميه :(

[المتضرعه لله]

ماجات عليهم هذول مساكين هذا من ظيم الكفيل يشتغل هالشغله يدور قوت يومه او يسدد ديونه في بالده لانه عارف نفسه بينمسك
بس الكلام خليه على الي مايجي من بلاده عندج الى بس فترة اختبار عشان ياخذ اليسن ويروح حق وظيفته الرسمية الي جاي من بلاده متعاقد معاهم فيها

المفروض تكون هناك حلول ترضي الاطراف الكافل والكفيل وحتى هالمقاولين لازم يكون هناك قوانين تضبطهم لان اخطائهم كثيره وعماله مب مؤهله

[المتضرعه لله]

الله .. عقب ما خلصتي بيتكم و سكنتوه .. قلتي أكتشفت شىء خطير ..

و كل هالمدة ساكته ..؟!


نعم اخوي خلصت وسكنت واكتشفت :)

وترى كل يوم نصلح بيتنا نتصل على نفس المغاول ويجي يصلح اخطاؤه وهنا نعرف انهم مب كلهم على كفالته وان كانوا ثمانيه سته مب على كفالته

[المتضرعه لله]

خلي الناس يالمتضرعه تبني بيوتها اسهل وارخص

وبعدين يمسكونهم


وانت صادق خلي تخرب بيوتها لان بيتنا كل يوم فيه عشرة اخطاء او اكثير وكل الله شهرين ونحن نصلح فيه وبنفس العماله

[المتضرعه لله]

خلصت حاجتها


للاسف

وتحرم الغير من الي هي استفادة منه :(

الله يسامحج اختي يعني الحين اللي واقفين عند دوار الكتب والدوار اللي بعده واللي بشارع الشافي وغيره بيرفضون اي مغاول ان جاهم وقال ابيكم تشتغلون معي في بناء فلا او بيت

يعني انا مب مستتره عليهم انا مضطره اخذ مغاول او مثل مايقولن مقاول هو اصلا معتمد على عمالة الشوارع

وايش الحل بظنك ؟

اجيب شركة الحبتور تبني فلتي :(

[المتضرعه لله]

انا اتفق معاج
يعني لو سووا لهم كمين بسيط كان بيصيدونهم ببساطة

على فكرة ......... للحين ما بنيت بيتي

تحياتي
واقعية

رد راقي اختي ونصيحه لا تاخذين الا شركه معتمده وياليت مع ضمان كامل وان كان بعد تامين يكون احلى :)

لا تستغربين من ردي والله بعض الرود هنا ضانين اني ملاقيه شركه معتمده على عماله ماهره وذات تخصص عالي وتاركه ومختاره هالمغاولين القطاعيين

لك كل التحايا

[المتضرعه لله]

اسمحولي على ردي .. بس انا اشوف ان المتضرعه ماقالت شي غلط عشان انقول خلصتي شغلج وتكلمتي ..

لان كل واحد فينا اي نعم كل واحد فينا لو له حاجه عند اي مكان ماراح يتكلم الا بعد مايخلص هاي اولاً (( 1 ))

وثانياً هي انقلت لنا استغرابها وماقالت روحوا اشتكوا عشان اشغال الناس تتوقف .. هي قالت لازم الشركات تتحاسب لانها اتوظف عمال من الشوارع وهالشي يخلي الدريوليه وغيرهم يشردون من كفيلهم ويشتغلون فالشركات .. وهالشي يضر بالعائلات اللي اتجيب ادريوليه واتعلمهم وتصبر ع مشاكلهم واخرتها يشردون ((2 ))

وثالثا الشركات اللي جي همها انها اتكد فلوس حتى لو بطريقه غير شرعيه الاوهي انها اتوظف كل من هب ودب .. واتسكنهم عند عوايل وهالشي يزيد الطين بله بعد ..

انا اشوف اختي بما انج خلصتي بيتج اتخلين زوجج يشتكي على هاذول الشركات عشان ثاني مره ماتوظف احد مو على كفالتها وتخرب بيوت العوايل واتشرد درويلتهم ..

بالفعل هالشركات لازم تتحاسب والعمال اللي كل واحد يشرد الثاني بعد لازم يتحاسبون عشان يعرفون ان الدوله لها قوانين ..

ومبروك عليج بت العمر حبيبتي ..


غاليتي

اولا بيض الله وجهك يالغلا

وياليت الكل هنا يعرف انها مب مشكلتي انا وبس وانها مشكلة مجتمع كامل يعني المغاول مب مثل الاندري يعتمد على العماله الهاربه؟ مب مثل المطاعم اللي تحط بالواجهه عماله مصرح لها وبالخلف وخاصه توصيل الطلبات عماله هاربه ؟ مب مثل الهايبر سوبر ماركتات اللي تشغل اغلبيه الهاربين بالستورات مب مثل غيرهم ؟

احناامام مصايب والمستفيد فقط هم من يؤوي هالاشكاليه

اقولك حكايه

وحده صديقه لي تقول لي قصه تقول في مجال وظييفتها انها يمر بها كثير من الناس اللي لهم مجال ابداعي صناعي او خياطه يعني اي مهنه تعمل باليد ويطلبها السوق

تقول في يوم جاها عربي قادم من دوله خليجيه وهذا الشخص عنده هوايه فنيه يبي حد ياخذ بيده حتى يجد له مصدر رزق قالت هذا مب مجال شغلي وارسلته لكذا جهه يمكن يساعدونه

تقول بعد شهرين الشخص هذا جاها المكتب يسلم عليها ويطمنها على حاله وانه بالف نعمه حيث اصبح مغاول بناء ومن حديثه ان السالفه مايبي لها شئ سياره وكم عامل من الشارع

وفعلا بدا ومستمر...


يااختي ياليتها مشكلة المتضرعه لله وبيتها لكن هي مشكلة مجتمع كامل

وان شاء الله نشوف قانون يحمي الجميع

ان شاء الله

شكرا لتفهمك وردك الراقي

[المتضرعه لله]

الله يعيين بس


لو يحطوون قانون صارم مثلا

اللي يشررد يعطونه حكم ممنوع دخول البلاد تارة أخرى


وبتشوفوون كييف بيتأدبوون


مسيوو / بوخالد911

بو خالد شكرا لك وان شاء الله يكون هناك حل بالقريب

[المتضرعه لله]

سبحان الله الكل تعصب وقذف كلام جارح ومشى!
والله ماهو طبع المسلم هذا الشي
بالتي هي احسن ياجماعه


اعالي الجنان

شكرا لك

بالردود انا ماازعل عادي كل انسان وطبعه واخلاقه وماراح يلقون من اختهم المتضرعه الا كل طيب ومحبه


والموضوع اشوفه يناقش معضله بالمجتمع اكثر من انه يناقش مشكله المتضرعه وبيتها

يمكن اسلوبي بالكتابه اخرج لهم شي انا مالمسته بالموضوع لكن اتمنى انه خير للجميع


شكرا لك ولمرورك الطيب

[ذيب زكريت]

لو مالقوا لهم شجعين على الشرده وضمنوا الشغل جان ما شردو

[MoneyMaker]

اولا للتصحيح فقط اختي الكريمه المقاول تكتب بال(ق) وليس أل(غ)

ثانيا احتمال ان اللي صاير موب هروب ولاغيره
كل الموضوع انه فيه شركات وهمية تتبع طريقه سهله للربح وتشتغل على اساس انها شركات مقاولات
بس اللي صاير ان هالشركات بس توظف العمال وتكفلهم
وتقول حق العمال انا ماعندي شغل يالله روحوا ترزقوا الله مع خلق الله وكل اللي ابيه منكم 2000 ريال من كل شخص في الشهر في النهايه لو هالشركه عندها 100 عامل
فبيكون الدخل 200000 ريال
والكفيل شاري راحته


على فكره لو تدرين انه هارب من كفيله واشتغل في اي شغله في بيتكم تعتبرين متستره عليه وهذه لها مسأله قانونيه وتستحق العقوبه.

[Om Majed]

اسمحولي على ردي .. بس انا اشوف ان المتضرعه ماقالت شي غلط عشان انقول خلصتي شغلج وتكلمتي ..

لان كل واحد فينا اي نعم كل واحد فينا لو له حاجه عند اي مكان ماراح يتكلم الا بعد مايخلص هاي اولاً (( 1 ))

وثانياً هي انقلت لنا استغرابها وماقالت روحوا اشتكوا عشان اشغال الناس تتوقف .. هي قالت لازم الشركات تتحاسب لانها اتوظف عمال من الشوارع وهالشي يخلي الدريوليه وغيرهم يشردون من كفيلهم ويشتغلون فالشركات .. وهالشي يضر بالعائلات اللي اتجيب ادريوليه واتعلمهم وتصبر ع مشاكلهم واخرتها يشردون ((2 ))

وثالثا الشركات اللي جي همها انها اتكد فلوس حتى لو بطريقه غير شرعيه الاوهي انها اتوظف كل من هب ودب .. واتسكنهم عند عوايل وهالشي يزيد الطين بله بعد ..

انا اشوف اختي بما انج خلصتي بيتج اتخلين زوجج يشتكي على هاذول الشركات عشان ثاني مره ماتوظف احد مو على كفالتها وتخرب بيوت العوايل واتشرد درويلتهم ..

بالفعل هالشركات لازم تتحاسب والعمال اللي كل واحد يشرد الثاني بعد لازم يتحاسبون عشان يعرفون ان الدوله لها قوانين ..

ومبروك عليج بت العمر حبيبتي ..

:victory:

[hidy1987]

سبحان الله العظيم*

[طرفه]

الاخت قاعده تنبهكم بمشكله وممكن هذه المشكله تكبر وتؤثر على المجتمع وعلى الامن القومي
وللاسف جائت بعض الردود ليست على المستوى المطلوب

أختي في الله نتمنى من المسؤوليين النظر في هذه القضيه
ومبروك عليك البيت ... لج خيره ويكفيج شره

[فلفل حار]

الله .. عقب ما خلصتي بيتكم و سكنتوه .. قلتي أكتشفت شىء خطير ..

و كل هالمدة ساكته ..؟!

:whistling:

[ولد الشقب]

لاتعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان بيتنااا ينبني

[صدى الرعد]

السلام عليكم ،،

من واقع تجربه ، في مجال المقاولات ،

أن مسألة العمالة التي ليست على كفاله الشركه هي ليست دائما غير قانونية ،،

فأنا كنت مشرف على بناء مجمع فلل ، وأغلب الحريفين والعمال ، هم على غير كفالة الشركه ،

وأنما هو عقد يبرم بيننا وبين شركة العامل ويصدق في أحد الجهات الحكومية ، وهو أجراء سهل جدا ،

والحمد لله البحث والمتابعة لا يوجد تقصير من ناحيتها في هذا المجال ، فهم لهم ( كبسات ) كل فتره وفتره على

المشاريع التي تحت الإنشاء ،

اما إذا الحديث عن السائقين والخدم ، هذا موضوع آخر ،

ومبارك عليكم المنزل الجديد ،،

[المتضرعه لله]

لو مالقوا لهم شجعين على الشرده وضمنوا الشغل جان ما شردو

صدقت اخوي

[المتضرعه لله]

[QUOTE=MoneyMaker;4611215]


اولا للتصحيح فقط اختي الكريمه المقاول تكتب بال(ق) وليس أل(غ)

كلامك صح ميه بالميه لكن كتبتها لاننا ننطقها بالعاميه مغاول وليس مقاول مثل مانكتبها
ثانيا احتمال ان اللي صاير موب هروب ولاغيره
كل الموضوع انه فيه شركات وهمية تتبع طريقه سهله للربح وتشتغل على اساس انها شركات مقاولات
بس اللي صاير ان هالشركات بس توظف العمال وتكفلهم
وتقول حق العمال انا ماعندي شغل يالله روحوا ترزقوا الله مع خلق الله وكل اللي ابيه منكم 2000 ريال من كل شخص في الشهر في النهايه لو هالشركه عندها 100 عامل
فبيكون الدخل 200000 ريال
والكفيل شاري راحته


على فكره لو تدرين انه هارب من كفيله واشتغل في اي شغله في بيتكم تعتبرين متستره عليه وهذه لها مسأله قانونيه وتستحق العقوبه.

[SIZE="5"]والله مافيه قانون ياخوي نبهني ولا نشر اعلانه يقول لما تريد يالمواطن تبني بيتك يحظر عليك التعامل مع مغـــــــــــــــاول لا يلتزم بالشروط التي قد نشرناها تحت هذا البند وعليك ايها المواطنه الالتزام بكل ماجاء فيه وان لا تتعاملي مع المغــــــــــاولين القطاعيه الذين يستعينون بالعماله السايبه والتي تنتشر باشهر دورات قطر خاصه بعد سوق الجبر مقابل دوار كذا ودوار كذا وشارع كذا:(

الصراحه مافيه شئ يلزم بهذا الشئ وياليت يطبق واكون اول مجرمه تعاقب بهذا الصدد حتى اكون عبره لكل قطري او قطريه يبي يبني بيته ويستغين بمغـــــــــــــــاول غير ملتزم بقانون العماره والمغاوله بقطر وعلى يديك ان شاء الله نشوف هالقانون وما طرحنا هالموضوع الا ان شاء الله يكون له صدى ونشوف حل جذري لهذه المشكله

سعدت كثير كثير بمرورك وردك والله يحفظك /SIZE]

[المتضرعه لله]

:victory:

:)

مساؤك جنه

[المتضرعه لله]

سبحان الله العظيم*


سبحانه وتعالى وله الحمد وله الشكر

[المتضرعه لله]

الاخت قاعده تنبهكم بمشكله وممكن هذه المشكله تكبر وتؤثر على المجتمع وعلى الامن القومي
وللاسف جائت بعض الردود ليست على المستوى المطلوب

أختي في الله نتمنى من المسؤوليين النظر في هذه القضيه
ومبروك عليك البيت ... لج خيره ويكفيج شره



روح وريحان لروحك العذبه ونفسك الطيبه

والله يبارك لج بكل غالي وكل عام وانتي من الله اقرب

[المتضرعه لله]

:whistling:


هو كذلك

[المتضرعه لله]

لاتعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان بيتنااا ينبني


هنا يلزم الصمت والمراقبه

حتى يخلص البيت

والله يعطيك من خيره ويكفيك شره

[المتضرعه لله]

السلام عليكم ،،

من واقع تجربه ، في مجال المقاولات ،

أن مسألة العمالة التي ليست على كفاله الشركه هي ليست دائما غير قانونية ،،

فأنا كنت مشرف على بناء مجمع فلل ، وأغلب الحريفين والعمال ، هم على غير كفالة الشركه ،

وأنما هو عقد يبرم بيننا وبين شركة العامل ويصدق في أحد الجهات الحكومية ، وهو أجراء سهل جدا ،

والحمد لله البحث والمتابعة لا يوجد تقصير من ناحيتها في هذا المجال ، فهم لهم ( كبسات ) كل فتره وفتره على

المشاريع التي تحت الإنشاء ،

اما إذا الحديث عن السائقين والخدم ، هذا موضوع آخر ،

ومبارك عليكم المنزل الجديد ،،


الله يبارك بعمرك يارب


وهذه شهاده نعتز بها لكن طبعا هذه بمشاريع مب بيت عادي او فله سكنيه وانما مشروع كبير

وصدقني حتى المغاول اللي بياخذ البيت مفتاح ماراح يكون كل العماله على كفالته

ومن جهة الكبسات ماتجي يمكن الا للمشاريع الكبيره وماقد شفنا حد كبس على عمال ببيت صغير او فله وحده


من بؤك لباب السماء على قولة اخوانا ا لمصريين ونشوف كبسات على كل طابوقه توضع على طابوقه او طوبه على طوبه


سعدت بردك وحضورك


شكرا لك