المساعد الشخصي الرقمي

مشاهدة النسخة كاملة : +++ ماهى الفائدة من هذه الحركة ؟ +++


jajassim
15-08-2009, 04:42 PM
كتب-محمد نجيب - الوطن ،،

أجرت شركة مواصلات كروة، صباح أمس، تجربتها الأولى لتسيير 400 حافلة من إنتاجها بشكل متوال على مسافة 4500 متر، وذلك استعدادا للحصول على لقب صاحبة أطول أسطول بري في العالم .
واصطفت حافلات كروة المميزة ذات اللون الأخضر على يسار الطريق الواصل بين مدينتي الوكرة وأم سعيد باتجاه الثانية ، وذلك للتدريب على الاختبار النهائي والذي سيكون صباح يوم الجمعة المقبل 21 أغسطس الحالي ، والذى تقف عليه لجنة من موسوعة غينيس العالمية .

وقال المدير التنفيذي لمواصلات السيد أحمد بو شرباك المنصوري إن التجربة تتمثل في تسيير 400 حافلة كروة خلف بعضهم بشكل متوال حيث يتم ترك مسافة أربعة أمتار بين كل حافلة والتي تليها، موضحا أن التجربة هي الأولى ويمكن أن يتم تكرارها لضمان إخراج الصيغة النهائية لتسيير الحافلات بشكل لائق .

وأوضح المنصوري أن التجربة تتمثل في تسيير الحافلات في طابور طويل مع المحافظة على الفارق بين كل حافلة والتي تليها ويتم تسيير الأسطول إلى الدوار الأول قبل مدينة أم سعيد ثم يعكس الاتجاه ، ويعود على الطريق المعاكس ليقف في مكانه الأول ، مشيرا إلى أن الشركة قامت بعمل نقطة للبداية تنطلق منها الحافلات ونقطة أخرى للنهاية ، ورفعت في كل من المنطقتين علما يوضح ماهية النقطة ، كما تم عمل تخطيط على الأرض ليوضح نقطة الانطلاق ونقطة الانتهاء لتسهيل عملية حساب طول الأسطول .

وكانت قوات الأمن الداخلي وسيارات المرور موجودة في الموقع حيث قام أفرادها بعمل تنظيم لسير السيارات على الطريق مع تهيئة الوضع للشركة للقيام بتجربتها الأولى بشكل سهل.

من جانب آخر وفرت مواصلات سيارات إطفاء حريق وسيارات نقل كبيرة ورافعة للسيطرة السريعة على أي عقبات قد تحدث ، عليها طاقم متخصص من العمال الذين زاد عددهم على 30 عاملا مستعدون لإنقاذ الوضع في حالة حدوث أي أمر طارئ.
HEART_LION
15-08-2009, 05:17 PM
الفراغ ومايفعل
نيساني
15-08-2009, 05:35 PM
No comment!
زمن الغدر
15-08-2009, 05:36 PM
بدال الزبوا الفاضي يكثرون التكاسي
الواحد يوقف ساعه ولا يشوف تكسي
ANONYMOUS
15-08-2009, 05:42 PM
وكانت قوات الأمن الداخلي وسيارات المرور موجودة في الموقع حيث قام أفرادها بعمل تنظيم لسير السيارات على الطريق مع تهيئة الوضع للشركة للقيام بتجربتها الأولى بشكل سهل.

[/color]. [/color][/size]

طالما الامن الداخلي وسيارات المرور مشاركين.. فمن باب أولى يكون عندك خبر..

وتقول لنا شسالفتهم :p
ANONYMOUS
15-08-2009, 05:44 PM
بدال الزبوا الفاضي يكثرون التكاسي
الواحد يوقف ساعه ولا يشوف تكسي

على طاري التكاسي..

قالوا بيعطون رخصه او رخصتين جدد غير كروه..

شصار عليهم
المزن الرياني
15-08-2009, 05:50 PM
أسوأ شركه مواصلات على مستوى المنطقه اذا ماكان العالم
ومع هذا كل هدفهم دخول موسوعه جينيس

تفاهه
صمتي حزن
15-08-2009, 06:06 PM
الحمدالله والشكر
ALRAYYAN
15-08-2009, 06:06 PM
تفاااااااهه من قلب .. هالشركة صج فاشله .. الله يعز الامارات اللي لا سوت .. سوت شي عدل
skyjacker
15-08-2009, 06:06 PM
أسوأ شركه مواصلات على مستوى المنطقه اذا ماكان العالم
ومع هذا كل هدفهم دخول موسوعه جينيس

تفاهه

صادق:nice:
قطراوي للأبد
15-08-2009, 06:30 PM
عشان الموسوعه بس !!!!


شالفايده من راس غاز تسوي اكبر لوحه ببصمات اليد !!! ..

وغيرهم سوو حركات ثانيه بعد ..

نوع من الدعايه فقط لاغير !..
بومحمد911
15-08-2009, 06:44 PM
اطول اسطول مفهي
MeSh3l_QaTaR
15-08-2009, 06:51 PM
والله مشكلة الي يبون يدخلون موسوعة غينست
فقط قطر
15-08-2009, 08:17 PM
لاقين من يصدقهم...وهذي هي المشكلة والله...
يعني من حسن ادارتهم او اهتمامهم بالشركة...علشان يزابون....لا حول ولاقوة الا بالله...
شر البلية مايضحك....
دولة قطر
16-08-2009, 01:14 AM
تفاااااااهه من قلب .. هالشركة صج فاشله .. الله يعز الامارات اللي لا سوت .. سوت شي عدل


:nice: :nice:
DarkBoy
16-08-2009, 01:36 AM
بديينة بالزحمة
بوعلي2
16-08-2009, 01:38 AM
:rolleyes2:
المحروومqtr
16-08-2009, 02:59 AM
مـــــــــلل
بوعلي-Qtr
16-08-2009, 03:18 AM
خل يزيدون السيارة ابرك من المسيرات وهالسوالف
بس في سؤال محيرني ..
شلون جاجاسم يقول " ماهي الفائدة " وهم ماعطينهم الترخيص ..
:rolleyes2:
حلاة الروح
16-08-2009, 03:28 AM
بس اخوي جاسم صدق انه عرض حلو بس صار تصادم 3 باصات !!
فهد24
16-08-2009, 03:49 AM
يبون يبينون فالصوره بأي طريقه





ماعندهم سالفه

خلهم يوفرون وقتهم وفلوسهم فشي يرتقي بمستوى خدمتهم
الفـ@ــــد
16-08-2009, 04:18 AM
والله انهم فاااااااااااااااضين

الحين مسوين كل هالزحمه بس عشان يدخلون موسوعه جنيست

الله يعين!!!!!!!!!
الـقـاسـي
16-08-2009, 04:19 AM
يابلفيت بيتميزون بشي .. مالت عليهم كثر الحوادث اللي بتصير في هالاسطول ..
جوال 11
16-08-2009, 05:57 AM
وش ذنب الناس المنتظرة للباصات في محطات الركاب منتظرين في الحر والشمس خلال المسيرة، هل هذه الخدمة لا يوجد ما يميزهم فقاموا بعمل هذه المسيرة .
بندرصالحي
16-08-2009, 06:46 AM
فلوس زايده وعشان يكون الصرف علا اصول
العودي V.X.R
16-08-2009, 07:03 AM
صج صج ماعندهم سالفه

حق الزبوا مافي احسن منهم وصدق لي قالوا (( خيرنا لغيرنا )).. :weeping:

الله يكون بيعونا على الزحمه اللي بتصير .. تخيل انت واقف على الدوار بدوون شي زحمه ماتنطاق وبعد بيمر عليك 400 باص .. :eek5:

ما اقول الا الله يكون بعون شرطتنا بفحون في الشمس والهنود والبوفلبن معشقين الراحه في الباص ...؟ :omen2:

تسلم اخوي جا جاسم على النقله
بنت العلي
16-08-2009, 07:38 AM
أسوأ شركه مواصلات على مستوى المنطقه اذا ماكان العالم
ومع هذا كل هدفهم دخول موسوعه جينيس

تفاهه


انا معاااك في هالراااي اخوي
جغرافي قطر
16-08-2009, 07:39 AM
الصراحه مافيه كلمه ممكن تنقال الا
تفااااااااااااااااااااااااهه
نيساني
16-08-2009, 07:44 AM
اطول اسطول مفهي



ههههههههههههههههههههههاي لعبت:)
الزيبق
16-08-2009, 09:32 AM
صادوني مارين علي عند اشارات المظلي ابي الحق على صلاة الجمعه وانا عبالي اموصلين حد المنطقة الجنوبيه بس قلت هالكثر باصات المهم دام سالفتهم هالشكل الله لا يوفقهم عطلوني وعطلو المسلمين وسوو زحمه بعد ويستاهلون 3 باصات لهم ادعمو على خط امسعيد
تايد
16-08-2009, 11:48 AM
س



+++ ماهى الفائدة من هذه الحركة ؟+++



ج


وذلك استعدادا للحصول على لقب صاحبة أطول أسطول بري في العالم .



بالأضافه الى حاجه في نفس يعقوب ،، ربما !


عمومآ عند كروهـ الخبر اليقين
SmartMan
16-08-2009, 12:16 PM
مافيها شي ...بداال مايكش ذبان ...قال خليني أتفشخر بحلال الدولة واجمع باصات وامشيهم ورى بعض

فاضي اشغال ...! ! !

وهذي الحركة صارت من قبل بس في قطاع ثاني يعني مب أول مرة مثل:

- ملعب الجولف ((أكبر ملعب في الشرق الأوسط)) ! ! !
- السيتي سنتر ((أكبر مجمع بالشرق الأوسط)) ! ! !

وغيرها ماتحضرني حالياً ....لكن مادري وشفيهم الجماعة مركزين على كل شي أكبر وأضخم في الشرق

الأوسط ! ! ! مادري ليش ؟؟؟

وأحنا ديرتنا صيتها في كل مكان من غير أكبر ولا أضخم .

ماقول غير الله يعز أبو أمشعل اللي رفع اسم قطر بأفعاله الطيبة اللي خلت دول تمشي تحت رايته من غير لا

أكبر ولا أصغر .
H A S S A N
16-08-2009, 01:57 PM
شكله يوم الجمعه موسعة غينس بتسجل اكبر حادث باصات في العالم:tease::tease:

الحين من زين سواقتهم عشان يسون هالمسيره صدقني بيدشون في بعض
خبرك بعد هم لعبتهم البريكات :nice::nice:
خيال شمر
16-08-2009, 02:01 PM
الله لك الحمد والشكر
khalid 88
16-08-2009, 02:05 PM
اااااااااايييييييييييييييييييه ياكروووووووووووووووووووووه


لكم نيه تدشون جينيسسسس


الله يعين البقيه حزتها
MeSh3l_QaTaR
20-08-2009, 10:26 PM
بس اخوي جاسم صدق انه عرض حلو بس صار تصادم 3 باصات !!



من القريقا الي يجيبونهم

تخيل أن طول عمرك على سيكل وفجأة وبقدرة قادر قمت تسوق باص :tease:
ANONYMOUS
21-08-2009, 02:16 AM
اليوم بيسوون العرض..

الساعه كم.. بروح اتطمش عليهم
ANONYMOUS
21-08-2009, 02:20 AM
اليوم بيسوون العرض..

الساعه كم.. بروح اتطمش عليهم
airbus
21-08-2009, 02:45 AM
اطول اسطول مفهي

هههههههههههههه :happy::happy: والله قويه منك :tease:
القيادي
21-08-2009, 01:05 PM
اطول اسطول بري في العالم مثل اطول ساندوتش في العالم وثنينهم دشو موسوعة جينيس يعني هالحركتين مابينهم فرق ونا اشوف ان اطول ساندوتش استفادوا منها الحاضرين لهذا العرض, لكن احنى شستفدنا من هالاسطول
بوغانم
21-08-2009, 02:35 PM
امس في الليل مارين علي عند دوار اللقطه وهم متجهين شمال من داخل الفريج


تخطيت ست باصات منهم واول ماوصلت لاول باص ماكان احد قدامه

وماخذين راحتهم في الخروج للشارع الرئيسي المتجه للدوار المايل

للاسف استغربت لانه في ذاك الوقت ماكان فيه ولا دورية واحده ع الاقل ؟!
حليتان*
21-08-2009, 03:50 PM
يبون يدخلون موسوعة غينس...........:rolleyes2:

خل يركبون اول شي طوس على الرنجات عقب يزبون علينا
وله صج اكيد راح يغلون الاسعار

كل عام وانتو بخير
™كاسـبر™
24-08-2009, 12:09 AM
هههه وانا رايح البحر الفجر من كم يوم اشوفهم على الدوار رايحين مسيعيد

مسوين زحمة الله يهديهم

ونفس اليوم العصر رحت على خط مسيعيد ولا شفت 3 باصات متداعمين ودعماتهم قوية خخخخ

((الحمدلله والشكر اللهم لاشماتة))

تسلم ياخوي جاسم على الموضوع

والله يعطيك العافية
شبكة دوت
24-08-2009, 11:10 AM
فاشششششششششششششششششششششششششششششششششششششششششششششششش شششششششششللللللللللللللللللللللللللللللللللللللللل للللللله بمعنى الكلمه ومن فشل إلى فشل اكبر