عروة
15-08-2009, 05:35 PM
يختلف تعامل الموظفين مع رمضان باختلاف اماكن اعمالهم واختلاف طبائعهم
وباختلاف نظرتهم الى هذا الشهر الفضيل
فالبعض
يستقبل الشهر باجازة سنوية بكثير من الحجج مثل التفرغ للعبادة او انه مايقدر يقوم بدري للدوام وخصوصا الى يحب السهر وبعضهم يفضل يشبك اجازته السنوية مع الخمس الاواخر من رمضان مع اجازة العيد فيحصل اجازة محترمة بدون ما يتضرر رصيد اجازته السنوية.
والبعض
يستقبل الشهر بالكسل والعصبية وجميع المعاملات مؤجله الى مابعد العيد وويل لك لو حاولت مناقشته او الكلام معه فالاجابة نموذجية (ماتخاف ربك انا صايم وتعبان وانت جاي تدور معاملتك) وهذا النوع من الموظفين يحاول مايبذل اي مجهود حتى مايبي يرفع يده علشان يكش الذبان فوق خشمه وشكله كانه صايم من شهر مب من ساعات قليلة.
والبعض
يعتبر ان رمضان اجازة ولكن مدفوعه بتفرغ غير مكتوب وكل علاقته بالدوام التوقيع الصبح والتوقيع الظهر والي بين التوقيعين يكون للنوم سوءا كان النوم في البيت او في الدوام نفسه وتحصله قبل بداية الشهر يدور له كرسي او سوفا وثيرة علشان ينسدح فوقها ويعطيها نوم لين صلاة الظهر وفي حال ماحصل مكان للنوم ماعنده مشكلة يفتح اي ملف وينام على الكرسي لحد ما يصحيه الفراش من نومه يغسل ويهه ويتوضأ ويصلي وانطلاق الى البيت علشان يكمل نومه.
والبعض ونتمنى ان يكون الاغلبية
ملتزم بدوامه باحتراف ويدري ان رمضان مايختلف عن غيره من ناحية العمل وتخليص معاملات الناس او الواجبات الى عليه بشغله وهذا نقوله جزاك الله خير.
فليش بعض الموظفين مايراعون الله في اعمالهم في هذي الايام الفضيلة؟
وهل الصيام متعب الى هذي الدرجة ؟
ومبارك عليكم الشهر
وباختلاف نظرتهم الى هذا الشهر الفضيل
فالبعض
يستقبل الشهر باجازة سنوية بكثير من الحجج مثل التفرغ للعبادة او انه مايقدر يقوم بدري للدوام وخصوصا الى يحب السهر وبعضهم يفضل يشبك اجازته السنوية مع الخمس الاواخر من رمضان مع اجازة العيد فيحصل اجازة محترمة بدون ما يتضرر رصيد اجازته السنوية.
والبعض
يستقبل الشهر بالكسل والعصبية وجميع المعاملات مؤجله الى مابعد العيد وويل لك لو حاولت مناقشته او الكلام معه فالاجابة نموذجية (ماتخاف ربك انا صايم وتعبان وانت جاي تدور معاملتك) وهذا النوع من الموظفين يحاول مايبذل اي مجهود حتى مايبي يرفع يده علشان يكش الذبان فوق خشمه وشكله كانه صايم من شهر مب من ساعات قليلة.
والبعض
يعتبر ان رمضان اجازة ولكن مدفوعه بتفرغ غير مكتوب وكل علاقته بالدوام التوقيع الصبح والتوقيع الظهر والي بين التوقيعين يكون للنوم سوءا كان النوم في البيت او في الدوام نفسه وتحصله قبل بداية الشهر يدور له كرسي او سوفا وثيرة علشان ينسدح فوقها ويعطيها نوم لين صلاة الظهر وفي حال ماحصل مكان للنوم ماعنده مشكلة يفتح اي ملف وينام على الكرسي لحد ما يصحيه الفراش من نومه يغسل ويهه ويتوضأ ويصلي وانطلاق الى البيت علشان يكمل نومه.
والبعض ونتمنى ان يكون الاغلبية
ملتزم بدوامه باحتراف ويدري ان رمضان مايختلف عن غيره من ناحية العمل وتخليص معاملات الناس او الواجبات الى عليه بشغله وهذا نقوله جزاك الله خير.
فليش بعض الموظفين مايراعون الله في اعمالهم في هذي الايام الفضيلة؟
وهل الصيام متعب الى هذي الدرجة ؟
ومبارك عليكم الشهر