ليش يامالك ارض دسمان الهلال......

[قلب الدوحة]

السلام عليكم طبعا مثل ماتعرفون ان دسمان(لامسي) الهلال اغلق ابوابه نهائيا لأن صاحب الارض يبغي يهدم المكان ،،،يعني مايقدر يصبر لين عقب رمضان والله حاله وين نروح الحين والله كان نافعنا،،،ادري الموضوع ماله داعي واهمية بس حبيت اكتبه واذا ماعجبكم اطلب من المشرف حذفه وشكرا

[بومحمد911]

عندكم اللولو قريب واسعاره زينه

[اهل قطر]

والجمعيه اقرب بعد
فرع الهلال

[بنت ابوها 19]

اخخخخخخخ

صدقت ياخوي
بينه وبينه لفه

15 سنه
واحنا مع دسمان ولين اليوم نسميه لامسي

حرام والله مالنا غير هل الدسمان كل ماحتجنا شي رحنا له

اللولو زحمه

ذكرياتنا وكل شي بهل المجمع

في ناس وايد طالبت تكلم صاحب الارض انه يعطيني مهله لين العيد ع الاقل

لكن رفض

:(

من اطلع من البيت واشوف اللوحه قلبي يعورني :(

[Revamp]

ليس كل مايتمناه المرء يدركه ولا كل مايدركه المرء يتمناه

[قلب الدوحة]

ماقلنا شي ان اللولو وجمعية الميره فرع الهلال موجودين بالقرب منا بس البعض ماعنده وقت يروح هناك وناس ماعندها اكثر من سيارة عشان يروحون اللولو ولا الجمعية ،،،

[واقعية]

الله يعينكم على قضاء مشترياتكم و خاصة ايام المدارس
تحياتي
واقعية

[ولد النواخذه]

اوة صج سكروة لامسي ياسلام والله يوم كنا ساكنين فالهلال نافع نفعه الله يذكر يا لامسي بالخير

[ودي أكون]

الله المستعان

[رمــش الغلا]

ايه والله كل جمعه اروح اشتري من دسمان
الله يسامح اللي كان السبب

[هداف]

لا حرام لا يسكره بتموتون جوع !!

[theeb_qatar]

فريــجنا بدوون لامســي
مب شي


مابقى الا دكان محمود :(

[كتكوته]

والله يوم رجعت من السفر انصدمت ان لامسي مصكر

ومت قهر وسألت قالوا ان بيهدمونه :(

وزعلت وايد عشانه والله قبل حذفة حصى صوب بيتنا

صج جمعية الهلال واللولو قراب بس لامسي فـ الفريج فرق مانطلع ع الشارع العام

وله ذكريات حلوه بينا

والله لين امر جنبه واشوفه مصكر قلبي يعورني

والله الفريج من دونه مايسوى

اي والله مابقى الادكان محمود ولا بعد يبط الجبد كله يقول لي مافي سيكل


:( :(

[sara_qatar]

مااااااااااااااعندكم ساااااااااااااااااااالفه - هههههههههه شوي وتصيحون شدعوه - تضحكون الصراحه

[وثيقة قطرية]

يلا تعالو صوب اللولو بالغرافة ههههههه الله يعينكم
بس اهم شي بيوتكم مايصير عليها ازاله

ورمضان كريم

[sara_qatar]

يبيلكم مسلسل قطري 100% - بعنوان ( وين ايامك يا دسمان ) حدكم فراغه تحاتون جمعيه

[حلاة الروح]

والله اشوف انهم سكروه احسن مسبب زحمه وحوادث

ومافي احسن من كارفور واللولو :)

[بشرى]

ههههههههه والله طلعنا كلنا جيران :)
امي كل يوم تتحسر على لامسي والصراحه مايتقارن مع الجمعيه الي مادري ليش فاتحينها فاضيه والولو زحمه ومب شي
الظاهر مالنا غير دكان محمود :)

[شاي كرك]

:weeping: ...

[جنوب الدوحه]

السلام عليكم طبعا مثل ماتعرفون ان دسمان(لامسي) الهلال اغلق ابوابه نهائيا لأن صاحب الارض يبغي يهدم المكان ،،،يعني مايقدر يصبر لين عقب رمضان والله حاله وين نروح الحين والله كان نافعنا،،،ادري الموضوع ماله داعي واهمية بس حبيت اكتبه واذا ماعجبكم اطلب من المشرف حذفه وشكرا

أخوي عندك الولو بس مكيفهم خربان .. لني كل ما اروح له اشم ريحه دهن يمكن في قرشه عوووده مكسوره في مكان ولا حصلوها ..

[جنوب الدوحه]

والله يوم رجعت من السفر انصدمت ان لامسي مصكر

ومت قهر وسألت قالوا ان بيهدمونه :(

وزعلت وايد عشانه والله قبل حذفة حصى صوب بيتنا

صج جمعية الهلال واللولو قراب بس لامسي فـ الفريج فرق مانطلع ع الشارع العام

وله ذكريات حلوه بينا

والله لين امر جنبه واشوفه مصكر قلبي يعورني

والله الفريج من دونه مايسوى

اي والله مابقى الادكان محمود ولا بعد يبط الجبد كله يقول لي مافي سيكل


:( :(
:eek5:

والله العظيم شوي وبدمع ...:weeping:

[براتزية برازيلية]

الله يعينكم
و الله حتى انا زعلت انهم مصكرينه :(

[الفا برافو]

الله يعوضكم خير
صج كان نافع الفريج والمنطقه كلها من دوار التضامن لين دوار العبيدلي

[ممنوع اللمس]

الله يعينكم

[RO7 QATAR]

دكان محمود ما يقصر .. حتى فيه خدمة التوصيل للمنازل على السيكل :nice:

[sara_qatar]

أخوي عندك الولو بس مكيفهم خربان .. لني كل ما اروح له اشم ريحه دهن يمكن في قرشه عوووده مكسوره في مكان ولا حصلوها ..

هههههههههههههههههههههههههههههههههههههههههه

[بوخالد911]

السلام عليكم طبعا مثل ماتعرفون ان دسمان(لامسي) الهلال اغلق ابوابه نهائيا لأن صاحب الارض يبغي يهدم المكان ،،،يعني مايقدر يصبر لين عقب رمضان والله حاله وين نروح الحين والله كان نافعنا،،،ادري الموضوع ماله داعي واهمية بس حبيت اكتبه واذا ماعجبكم اطلب من المشرف حذفه وشكرا



هلا

المجمعات القريبة منكم هي "


غراند شوبنق بالمعمورة

اللولو

جمعية الميرة بالهلال + بو هامور


طبي وتخيري
:nice:

مووفقيين


مسيوو/ بوخالد911

[بوخالد911]

والله اشوف انهم سكروه احسن مسبب زحمه وحوادث

:)



ووين الزحمة

ووين الحوادث؟

من صجك؟؟

:omg:

[theeb_qatar]

والله شي طيــب

طلعنا كلنا من فريج هلال العلي ...

هع

[فلفل حار]

أوضح السيد عبدالوهاب محمد عبدالوهاب رئيس مجلس إدارة (دسمان) أن اسباب اغلاق فرع (الهلال) تعود الى رغبة مالك العقار في هدم وتطوير المبنى ولأمر خارج عن رغبة (دسمان) ولم تفلح إدارة دسمان في تسوية الأمر مع مالك العقار ولا في ايجاد مبنى بديل. وأضاف: جاء اغلاق فرع دسمان في الهلال يوم السبت الماضي على خلفية قرار اخلاء لصالح مالك العقار وكانت لدينا الرغبة الأكيدة في الاستمرار حيث إن هذا الفرع كان أول فرع لنا في الدوحة وعملنا من خلاله 15 سنة متواصلة وقمنا خلال السنتين الماضيتين بأعمال تجديد شاملة للمبنى شملت جميع مرافقه بما فيها الارضيات والتكييف وقد فوجئنا بقرار الاخلاء الذي لم يمهلنا إلا اسبوعاً واحداً جعل مهمة الحصول على موقع بديل صعبة علينا وحرصنا على تنفيذ أمر الإخلاء قبل نفاد المدة المحددة، والمالك هنا استخدم حقه القانوني على اعتبار ان المبنى قد مضى على انشائه اكثر من 15 سنة والقانون يجيز له طلب الاخلاء للهدم والترميم ولكن النقطة المهمة في هذا الموضوع التي اريد اثارتها هي أن مدة العقد مازالت نافذة ومثل هذه العقود يجب ان تراعي حجم الاستثمار من حيث المعدات وتكاليف الاعلان والتسويق وعقود السكن والتوظيف واختفاء فرع المركز عن بكرة ابيه بشكل مفاجئ يؤدي الى حدوث ضرر مادي كبير فعلى سبيل المثال التجهيزات التي عملت بشكل خاص وفقاً للموقع السابق لا يمكن استخدامها في أي موقع بديل، وعقود السكن المبرمة مع اصحاب العقارات بالنسبة لسكن العمال اصبحنا ملزمين بالوفاء بها، وبالنظر لاتصالات السكان لكون المركز كان يتوسط عددا كبيرا من الاحياء السكنية حاولنا الاستمرار الى ما بعد رمضان لتقديم خدماتنا وبضائعنا لزبائننا خلال الشهر الفضيل لكن تنفيذ الاخلاء جاء سريعاً ولم نتمكن من استرداد رأس المال المستثمر في الموقع المذكور.

http://www.al-sharq.com/articles/more.php?id=157180

:(



























حيى الله اعيال الهلال ... :shy:

[رمــش الغلا]

هلا

المجمعات القريبة منكم هي "


غراند شوبنق بالمعمورة

اللولو

جمعية الميرة بالهلال + بو هامور


طبي وتخيري
:nice:

مووفقيين


مسيوو/ بوخالد911




غراند شوبنق بالمعمورة وين يعني أي صوب؟

[GENIUS]

موقعه كان يخدم الجميع لأنه بعيد عن زحمة الشوارع .

البديل عنه في الأماكن القريبة كلها زحمة في زحمة بدءا من اللولو وما أدراك ما زحمة اللولو سواء في المواقف أو التبضع والأسوأ عند الكاشير .

جراند شوبنج في محطة بترول بو هامور ليس لديه بضاعة بحجم تنوع بضاعة دسمان.

الميرة بفرعيها الهلال ومسيمير تتطلب منك الدخول في معمعة الزحمة سواء دوار التضامن أو العبيدلي أو دوار وقود .

يعني ميزة المجمع في موقعه الإستثنائي .

الله المستعان والله يعين الجميع على الزحمة القادمة لأن الوضع حاليا في كمون صيفي والزحمة ستشاهدونها مع بدايات رمضان والله المستعان

[BURBERRY]

اي و الله عورني قلبي يوم شفته مسكر .. كل يوم اشوفه صبح و ظهر و ليل و فجر من اول ما بنوووه لين اليوم :( .. له ذكريات حلوووه .. و خصوصا يوم احنا صغار نروح له بالسياكل مع الربع

كان خادم هل الفريج و بعد منطقة الخليفات و المعموره .. :(

و يقول مالك مبنى(لامسي) ان بيبني مكانه مجموعة فلل ..

اما الولو يبيله طلعه من الفريج و زحمه و حاله و اقعد دوور في اللولو لين تحصل موقف .. و عقب ماتدخل تشوف لك زحمة عماااال ..ماتشم إلا ريحة الدهن على رأس الهنود و البنقال .. و كأنك مب في قطر

[قلب الدوحة]

ماشاء الله طلعنا جيران وماتوقعت كل هالتفاعل وتسلمون على الردود بس العتب على المالك يعني صبر خمسة عشر سنة مايقدر يصبر شهر بيضره شي، الله كريم بس