المساعد الشخصي الرقمي

مشاهدة النسخة كاملة : :: ارحم حالك بس ..... ::


The Master
15-08-2009, 09:57 PM
ارحم حالك بس....

ياللي تركض ورا الموضة واي جديد شريته
بس لانه جديد وباكون اول واحد عنده (هالجوال..هالشنطه..هالسياره...)
اقول له ارحم حالك بس

ياللي ناسي بيتك وعيالك وهمك الشغل وجمع
الفلوس ومردك بتموت وماراح تاخذ الا رزقك
اقول له ارحم حالك بس

ياللي حياتك سوني..لعب ورقه..هياته في
الشوارع..مغازل بنات خلق الله.. وكل اللي
تسويه تشويه سمعه هلك قبل شخصك
اقول له ارحم حالك بس

ياللي لابسه شيله ومعلقتها عالكتف؟! والقذله
نشا كنها دعاميه والكبابه قوطي روب..وكل
اللي تبغينه ياناس شوفوني مسويه شي
غلط..
اقول لها ارحمي حالج بس

ياللي لابسه دفه..على اساس انها دفه..ويابالفيت
مخصره يعني دلع مادرت ان الزوايد انفقصت
وبان اللي بان..ولمعه والوان ..
اقول لها ارحمي حالج بس

ياللي شعرك كله بياض..ماعندك شغل الا
الكوفيهات وقز في بنات خلق الله اللي هم قد
بناتك..ماتستحي بهالشيب؟..
اقول له ارحم حالك بس

ياللي شغلتك من مجلس لمجلس..وعقار في خلق الله
..وشوفات الناس..وتنقل سوالف وزود...ماتخاف
بكره يجيك الدور..
اقول له ارحم حالك بس

ياللي جوالك حاط له لوك..ولحد امسكه وجهك
قام يقولب..ياترى على بالك الناس
ماتدري..افرض انك مت وشافوا باللي في
جوالك؟تتوقع وش راح يقولون الناس؟..
اقول له ارحم حالك بس

ياللي يوزع نصايح..ويدعي المثاليه...وفي اقرب
اختبار يسقط ويقول محد قال لي..
اقول له ارحم حالك بس

ياللي يسكر(يشرب)...لدرجه يومه كله
فاصل..ولكلمته ياريت يخجل..الا يقول لك هذي
حريه شخصيه..
اقول له ارحم حالك بس

ياللي الزقاره دوم في يده..ولصام ينساها
..ولقرب وقت الفطور تذكرها..ولنصحته قال
ماقدر عنها ساعه؟؟..
اقول له ارحم حالك بس

ياللي غرامك المغازل...ولعبتك تطيح البنت
...مافكرت وانت تكلمها..طيب وبعدين؟؟
من كلام لمقابله..من مقابله لطلعه..ومن طلعه لفاحشه..
وبعدها بتقول انا ماخططت لكذا..
اقول له ارحم حالك بس

ياللي ودج في كلام حنون..مالقيتي الا بالحرام.
وقلتي خلني اجرب..لكن مع الايام فقدتي اغلى مايكون..
وش الفايده؟هذا مبلغ الحنون..
اقول لها ارحمي حالج بس

ياللي ام عيالك في البيت...
وانت مسافر انه شغل...
اثاريك ركض ورا البنات..
ولانصحوك قلت انا واثق من نفسي واعرف وش اسوي؟؟!!..
اقول له ارحم حالك بس

ياللي مايعجبه موضوعي...
ويرد ينقد شخصي..لسبب ما..
اقول له ارحم حالك بس
احم


امممم طبعا كل هالجمل من خبره
كان تعلمتها او اكتسبتها او اخبرت بها
وحبيت اطلعها من قلبي وافرفش بها معاكم
لكن في النهايه تبقى وجهة نظري واحترم من يخالفني
وافرح لمن يوافقني

وطبعا للتنويه كلها من تاليفي
فا مش نقل

ولا هنتوا على المرور
الصديق الوفي
15-08-2009, 10:01 PM
بيض الله وجهك على هذا الكلام الواقعي للاسف نسأل الله عزوجل ان يهدي الجميع
Revamp
15-08-2009, 10:04 PM
احم احم....................
ودي أكون
15-08-2009, 10:07 PM
ياللي واثق من عمره وكاتب لنا هالموضوع
اقوله ارحم حالك بس

احم اتغشمر :tooth:


موضوع واقعي يعطيك العافيه عالطرح اخوي ..
موج للكمبيوتر
15-08-2009, 10:48 PM
شو السالفه ياقبطان اوصطراليا
احم :tease:
NOORA2008
15-08-2009, 11:29 PM
يعطيك العافيه .. والله يهدي الجميع
لــولــو
15-08-2009, 11:48 PM
جزاك الله خير و ارحم الله والديك و جعل الجنة دارك و قرارك
قطريه ماركه
16-08-2009, 01:04 AM
جزاااااك الله خير ....

صحيح لابد لهؤلاء ان يرحموا حالهم .....
نووون
16-08-2009, 01:52 AM
[font="microsoft sans serif"]ارحم حالك بس....

اسحبت غصة من القلب.. والله يرحم حالنا وحالهم
ارحم الله والديك ..
وجزاك الله خير
فلفل حار
16-08-2009, 04:55 AM
ويآلي تشرب 3 دلال كركـ كل يوم ... آرحم بطنكـ ...:( :D




دروس واقعيهـ ... وتشكر عليها يالغالـي ...:victory:
عـ العبيدلي
16-08-2009, 05:07 AM
عين العقل ..

الله يرحمنا برحمته
ويهدي الجميع

رحما الله والديك
صمت القلوب
16-08-2009, 05:16 AM
كلام جميل وواقعي ...

ماشالله عليك اخوي ...يعطيك الف عافيه عالطرح المبدع ...

استمتعت بقراءته ..:)

تحياتي وتقديري لتفكيرك ...وجزاك الله كل خير

لاهنت
The Master
16-08-2009, 12:26 PM
بيض الله وجهك على هذا الكلام الواقعي للاسف نسأل الله عزوجل ان يهدي الجميع

يا هلا ومرحب بالصديق الوفي
وعساك دوم وفي للي يعزون عليك ويعزونك
ويهدينا اجمعين يارب..ووجهك دوم ابيض
لاهنت يالشيخ على المرور الطيب
ويامرحبا بك
The Master
16-08-2009, 12:27 PM
احم احم....................

فهمت الكود
خلاص عالوعد احم
The Master
16-08-2009, 12:29 PM
ياللي واثق من عمره وكاتب لنا هالموضوع
اقوله ارحم حالك بس

احم اتغشمر :tooth:


موضوع واقعي يعطيك العافيه عالطرح اخوي ..

يا هلا ب بنت المرحوم
شرفتي بوجودج والله ياعافيج
هو واثق واثق والحمدلله نعمه من ربي
ماسمعتي بالمثل اللي يقول
واثق الخطوه يمشي ملك (قليل من فيه هالصفه)

ولاهنتي على المرور
The Master
16-08-2009, 12:31 PM
شو السالفه ياقبطان اوصطراليا
احم :tease:

يااااا ليل هذا اللي بيودرنا احم
تشكر على المرور
واقول خلك مع السياره العبيطه حقتك احم
ها وصل الهمر ولا عاده؟
The Master
16-08-2009, 12:32 PM
يعطيك العافيه .. والله يهدي الجميع

هلا بالاخت نوره
الله يعافيج ويهدينا ويهدي الجميع لما يحبه ويرضاه

ولاهنتي على المرور
غيمة مطر
16-08-2009, 12:34 PM
كلامك عين العقل بس .. تكلمت عن معظم شرائح المجتمع ...
ارحم حالك بس ..

والله يرحمنا برحمته ...

..كلمة ..
( الكبابه ) >>> كلمه انثرت من وين مطلعها _احم_
The Master
16-08-2009, 12:34 PM
جزاك الله خير و ارحم الله والديك و جعل الجنة دارك و قرارك

هلا ب لولو
وجزاج الله خير بالمثل وزود يارب
ووالديج يارب
اجمعين والله يسمع منج يارب
بجد والله افرحتيني بهالدعوات الطيبه ولاهنتي
براتزية برازيلية
16-08-2009, 12:59 PM
يعطيك العافيه عالطرح
كشكول
16-08-2009, 02:13 PM
الله يجزاك خير على الموضوع الرائع
الذي جاء شاملا لنواحي عديده تحتاج الى تنبيه
باسلوب سلس بسيط يصل بكل سهوله ويجعل كل من (على راسه بطحه يحسس عليها)
والله يرحم حالنا
The Master
16-08-2009, 05:02 PM
جزاااااك الله خير ....

صحيح لابد لهؤلاء ان يرحموا حالهم .....

هلا ومرحب باختي قطريه ماركه
والله يجزاج خير يارب
وتشكرين على الاضافه والمرور ولا هنتي
ويامرحبا بج
The Master
16-08-2009, 05:03 PM
اسحبت غصة من القلب.. والله يرحم حالنا وحالهم
ارحم الله والديك ..
وجزاك الله خير

يا هلا ب نووون ومرحبا
عساج ماتشوفين شر ابد يارب
ووالديج يالشيخه والله يجزاج بالمثل يارب
ولا هنتي ويامرحبا بج
The Master
16-08-2009, 05:06 PM
ويآلي تشرب 3 دلال كركـ كل يوم ... آرحم بطنكـ ...:( :d




دروس واقعيهـ ... وتشكر عليها يالغالـي ...:victory:



هلا والله ومرحب بالطيب فلفل حار

اي والله صدقت هالكرك تحس مدمنين..
احسنت للاضافه ولا هنت على المرور يالشيخ
وشرفتنا ويامرحبا بك
The Master
16-08-2009, 05:08 PM
عين العقل ..

الله يرحمنا برحمته
ويهدي الجميع

رحما الله والديك

هلا ومرحب بالعبيدلي
شرفتني يالطيب والمرور الجميل اللي شرفني
امين يارب
ووالديك يارب
ويامرحبا بك
The Master
16-08-2009, 05:10 PM
كلام جميل وواقعي ...

ماشالله عليك اخوي ...يعطيك الف عافيه عالطرح المبدع ...

استمتعت بقراءته ..:)

تحياتي وتقديري لتفكيرك ...وجزاك الله كل خير

لاهنت

يا هلا والله ومسهلا
اسفرت وانورت..بجد اسعدني تواجدج ومرورج
تشكرين اختي صمت على المرور والتشجيع اللي ننتظره منكم
والله يجزاج خير بالمثل وزود يارب
ولا انتي يالشيخة
ويامرحبا بج دوووم
كاتم الاسرار
16-08-2009, 05:39 PM
ماشاء الله عليك الصراحه في صمييييييييييييييييييييم
وجزاك الله كل خير
The Master
16-08-2009, 08:44 PM
كلامك عين العقل بس .. تكلمت عن معظم شرائح المجتمع ...
ارحم حالك بس ..

والله يرحمنا برحمته ...

..كلمة ..
( الكبابه ) >>> كلمه انثدرت من وين مطلعها _احم_

يا هلا والله بالديمه شرفتي
تشكرين على المرور الطيب والجميل

بخصوص الكبابه اممم هي مداها تندثر؟؟ مايمدي
لبغيتي الصدق اخبر مره قلت تراجي..قاموا يضحكون ويقولون بل غبره.
قلت وش تنقال بعد قالوا لي شغاب..قلت ماطاح الا انبطح (يعني خطير وفاهم احم)

لاهنتي اختي على المرور
ويامرحبا بج
غزلان
16-08-2009, 08:46 PM
الله يهدي كل غافل
The Master
16-08-2009, 08:49 PM
الله يجزاك خير على الموضوع الرائع
الذي جاء شاملا لنواحي عديده تحتاج الى تنبيه
باسلوب سلس بسيط يصل بكل سهوله ويجعل كل من (على راسه بطحه يحسس عليها)
والله يرحم حالنا

هلا والله اخوي كشكول
ويجزاك خير يارب..وتشكر على المرور والكلام الطيب
الاسلوب البسيط لانه اريح واغلب شريحة المجتمع تفهمها اما التعقيد والكلام المحشو يبغي له ناسه ونوعيه معينه

فا انا حبيت يكون كلامي عوفي وبعوفيته يوصل للناس..
وعلى ماقلت يافاهم افهم..والمشكله فئه كبيره من هالنوعيه..
والله المستعان

لاهنت ياخوي على المرور
ويامرحبا بك
OTOsan
17-08-2009, 08:16 AM
يعطيك العافيه ياعليان ولد ام عليان :)

اسلوب ممتع وشيق في جميع ماتكتب .. ولك كل الشكر والتقدير ،،

اخوك اوتوسان ولد ام اوتوسان :)
The Master
17-08-2009, 02:07 PM
ماشاء الله عليك الصراحه في صمييييييييييييييييييييم
وجزاك الله كل خير

هلا والله اخوي كاتم الاسرار
تشكر على المرور وعلى الكلام الطيب المشجع
اهم شي يكون في الصميم
وجزاك الله بالمثل
ولاهنت
ويامرحبا بك
The Master
17-08-2009, 02:08 PM
الله يهدي كل غافل

هلا مرحب اختي غزلان
امين يارب العالمين
تشكرين على المرور
ويامرحبا بج
biz-qtr
18-08-2009, 01:11 AM
هذا حالنا الحين للاسف الشديد من قلب كل واحد لازم يرحم حاله والله

يعطيك الف عافيه يالغلا وعسااااك ع القوه يارب


موضوع مميز من شخص مميز تسلم يمناك ويسراك :)
The Master
19-08-2009, 06:31 PM
يعطيك العافيه ياعليان ولد ام عليان :)

اسلوب ممتع وشيق في جميع ماتكتب .. ولك كل الشكر والتقدير ،،

اخوك اوتوسان ولد ام اوتوسان :)

كونبانوا اوني سان
هلا والله ومرحب مراحب بشايب الجابانييز..
السموحة للتأخير على ردك كنت مشغول هاليومين...
الا على طاري انت مسمي نفسك بالياباني اب فهل رحت هناك ولا شغف ولا شيسمونه احم؟

ويعافيك يارب ويامرحبا بك نورت الموضوع
واشكرك على تفضلك بهالكلام التشجيعي واللي اعتبره وسام لي صراحه وعسى دوم ما اقدم يرضي الله سبحانه اولا ثم يرضيكم

ولاهنت يا اوتوسان ولد كاسا اوتوسان
The Master
19-08-2009, 06:33 PM
هذا حالنا الحين للاسف الشديد من قلب كل واحد لازم يرحم حاله والله

يعطيك الف عافيه يالغلا وعسااااك ع القوه يارب


موضوع مميز من شخص مميز تسلم يمناك ويسراك :)

هلا بالشيخه ب Biz Qtr
نورتي والله وتشكرين على المرور
وعلى الكلام الطيب وعسى ربي لا يهينج يارب دنيا واخرى
والتميز بحضوركم
وحبينا ناخذ رايكم وتشكرون
black@white
19-08-2009, 10:46 PM
الله يرحم حال الجميع صراحه الموضوع روعه
تناول الموضوع معظم السلبيات الغير مرغوبه في المجتمع
الله يرحم حالنا
The Master
21-08-2009, 02:39 AM
الله يرحم حال الجميع صراحه الموضوع روعه
تناول الموضوع معظم السلبيات الغير مرغوبه في المجتمع
الله يرحم حالنا

هلا ومرحب ابيض واسود
تشكر على المرور والكلام الطيب ولا هنت
امين يارب
ويامرحبا بك
ممنوع اللمس
21-08-2009, 04:10 AM
انا اشهد ارحم حالك بس
The Master
05-09-2009, 06:14 PM
انا اشهد ارحم حالك بس

هلا اخوي ممنوع اللمس

السموحة ماشفت ردك الا الحين وانا احوس في الصفحات
وتشكر على المرور
ويامرحبا بك
ولاهنت
مافيا قطر
05-09-2009, 06:37 PM
فعلا كلام واقعى ومنطقى وعندى واحد من الربع كل ونصايح للعالم وهو مايشوف غلطاته وعقب ما يطب يقول محد قالى ولا نصحنى انزين اتعذ ولا فى فايده
The Master
06-09-2009, 12:12 AM
فعلا كلام واقعى ومنطقى وعندى واحد من الربع كل ونصايح للعالم وهو مايشوف غلطاته وعقب ما يطب يقول محد قالى ولا نصحنى انزين اتعذ ولا فى فايده

هلا ومرحب ب مافيا قطر
نورت اخوي وتشكر على المرور
والاثراء خيو
ويامرحبا بك
لاهنت
ديمه
06-09-2009, 12:44 AM
ارحم حالك بس....

ياللي لابسه شيله ومعلقتها عالكتف؟! والقذله
نشا كنها دعاميه والكبابه قوطي روب..وكل
اللي تبغينه ياناس شوفوني مسويه شي
غلط..
اقول لها ارحمي حالج بس

ياللي لابسه دفه..على اساس انها دفه..ويابالفيت
مخصره يعني دلع مادرت ان الزوايد انفقصت
وبان اللي بان..ولمعه والوان ..
اقول لها ارحمي حالج بس


ههههههههههههههههههههههههههههههههههه
واذا نصحتهم طالعوك من فوق لين تحت وبققت عيونها وقالت مالج خص
بس ياريت يا اخون واخوات ان الواحد منا لاشاف الغلط يتكلم وخله بكلام مهذب علشان اللي مسوي غلط ما يكابر مويهاوش والا يتطنز لعل الله ان يهديهم او يخجلوا من فعلها امامنا ولعل الله ان يرحمنا ويرحمهم بكلمة قد لا تأخذ من وقتنا الكثير حتى لو ما استجابوا في وقتها يمكن عقب يستجيبون وشدراك موشرط ان اثر الكلمة يطلع في الحال يمكن عقب مدة قال تعالى :((وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ ))

تسلم يدك اخوي وبارك الله فيك
The Master
06-09-2009, 11:08 AM
ههههههههههههههههههههههههههههههههههه
واذا نصحتهم طالعوك من فوق لين تحت وبققت عيونها وقالت مالج خص
بس ياريت يا اخون واخوات ان الواحد منا لاشاف الغلط يتكلم وخله بكلام مهذب علشان اللي مسوي غلط ما يكابر مويهاوش والا يتطنز لعل الله ان يهديهم او يخجلوا من فعلها امامنا ولعل الله ان يرحمنا ويرحمهم بكلمة قد لا تأخذ من وقتنا الكثير حتى لو ما استجابوا في وقتها يمكن عقب يستجيبون وشدراك موشرط ان اثر الكلمة يطلع في الحال يمكن عقب مدة قال تعالى :((وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ ))

تسلم يدك اخوي وبارك الله فيك


هلا ومرحب اختي ديمه(غيمة مطر)للي مايعرف

نورتي اختي ويامرحبا بج
وتشكرين على الاضافه الطيبة والمفيده
ولاهنتي على مرورج الجميل
شبربوش
06-09-2009, 12:10 PM
ياللي الزقاره دوم في يده..ولصام ينساها
..ولقرب وقت الفطور تذكرها..ولنصحته قال
ماقدر عنها ساعه؟؟..
اقول له ارحم حالك بس



احم احم

المشكله وقت الصيام المسواج ما يفارق شفاشفي

والله ما فكرت فيه من قبل وستغليت الفرصه وتركتها

انشاء الله اليوم نجرب
الجني
06-09-2009, 12:22 PM
اشكرك اخي على هذه الموعظة

فعلاً استحدثت امور لم تكن موجودة بالأمس القريب

الله يستر من الغد
The Master
08-09-2009, 06:11 PM
احم احم

المشكله وقت الصيام المسواج ما يفارق شفاشفي

والله ما فكرت فيه من قبل وستغليت الفرصه وتركتها

انشاء الله اليوم نجرب

هلا ومرحب اخوي شبربوش
تشكر على المرور
المسواك سنة نبينا عليه الصلاة والسلام
ودام النية موجودة توكل على الله وربي معاك
وانت قدها وقدود
ماباقي الا هالشيطان الفاج يقص عليك بعد
خلك شنب ياولد وماعليك منه (بخصوص الاسلوب استفزازي احم)

يارب تترك الزقارة ولك الاجر ويجزينا خير معاك يارب...

لاهنت على الطلة
وبارك الله فيك
وانتظر البشارة
The Master
08-09-2009, 06:14 PM
اشكرك اخي على هذه الموعظة

فعلاً استحدثت امور لم تكن موجودة بالأمس القريب

الله يستر من الغد

هلا ومرحب اخوي الجني
اشكرك على التواجد اخوي
والعفو ومانبغي الا الاجر من سبحانه
والله يستر من الغد القريب

ولاهنت اخوي
The Master
02-10-2009, 06:35 PM
للرفع...بما انا في اعضاء جدد..
للاستفاده والافاده...
احم
black@white
02-10-2009, 09:08 PM
كثر ما أقر هذه الموضوع كثر ما احس بروعته وسلاسه اسلوب كاتبه

موضغ صريح واقعي يحاكي كل السلبيات والاطراف

اعتبره الموضوع رقم 1

جزاك الله خير

sooooooo cute:nice::nice::nice:
اميرةالصحراء
02-10-2009, 10:56 PM
بالتوفيق ان شاء الله
The Master
03-10-2009, 08:16 PM
بالتوفيق ان شاء الله

حياج الله....اجمعين...
بس اشدخله في الموضوع؟؟
يصلح لج تشيكين على موضوع يعطيك العافيه..احم
alrheeb2020
03-10-2009, 09:08 PM
جزاك الله خير
The Master
04-10-2009, 07:05 PM
جزاك الله خير

ويجزاك خير يارب
The Master
01-03-2010, 08:27 PM
كثر ما أقر هذه الموضوع كثر ما احس بروعته وسلاسه اسلوب كاتبه

موضغ صريح واقعي يحاكي كل السلبيات والاطراف

اعتبره الموضوع رقم 1

جزاك الله خير

sooooooo cute:nice::nice::nice:

وانا احوس في مواضيعي القديمه...شفت هالموضوع وتذكرت اول ايامي في طرح المواضيع والمقالات...ومشاركتي المنتديات حتى...
وقعدت اقرا الردود...وشفت هالرد واستغربت اني ما عقبت علىه...تفهي من قلب...

هلا ومرحب اخوي black@white

تشكر اخوي علي الكلام الطيب والمشجع والجميل...وعسى ربي يجملنا لما يحبه ويرضاه...
والحمدلله انه اعجبك...احم...وان شاء الله نكون بعيدين عن هالسلبيات...
ويجزاك يارب...
ودائما وابدا...نقول... ارحم حالك بس...احم

ومعليش على التفهي...
ويامرحبا بك (ب اثر رجعي...احم)
ولاهنت على التواجد اخوي...