خطأ فادح يا منظمين كارفور في كل مجمع بقطررر

[جاكم الأعصار]

اكثر من مره اتجول في كارفور الاند مارك او الستي سنتر وفي جميع الكارفورات ان صح التعبير نفس الخطأ الفادح يتكرر فيهم..

الا وهو خط قسم الاطعمه السوشي+ الدجاج والعيش المطبوخ+ الكعك والخبز= اخر هذا القسم تجدون قسم السمك والقباقب والزفره اللي ريحتها واصله 10 متر لجدام يعني بذمتكم من يجيه نفس يشتري من الدجاج المطبوخ والعيش هناك وهو يشوف هالاكل ويشم ريحه زفره تجيب المرض؟؟!!

الناس ماقامت تشتري من القسم كلش..

اليس هذا سوء تخطيط وخطأ فادح في التنظيم؟؟ الا يعلمون ان حاسه الشم مرتبطه ارتباط وثيق برائحه الطعام والشهيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اعتبره تخلف منهم لان الشغله بديهيه مايبي لها حد يعلمهم لكن شقول اكيد (...) اللي مرتبين القسم ..

[MeMe MoOoON]

انا ماحب اروح ذيك الجهه تجيني اللوعه الصراحه

[قطريه ماركه]

ملاحظة في محلها ... لو توصلها لهم أفضل ...

[الورد مفتوني]

صدقت والله

اصلا انا مامر ذاك الصوب والسبه الزفره

شلون الواحد له نفس يوقف هناك!! ويتنقى


يعطيك العافيه اخووي

[ودي أكون]

لكن شقول اكيد (...) اللي مرتبين القسم ..


:secret:

سو نفسي وخلك نباتي :nice:

[Riku3]

الفلبينيين لعبتهم الاكلات البحرية p: .. فحاطينها هناك عبالهم تفتح الشهية .

ما اروح هناك كثير .

[ANONYMOUS]

الله واكبر.. تكبرتوا على لزفره الحين...


الله يرحم


عموما.. جعلهم مايربحون..

[PoBox]

*
*
http://www.carrefourqatar.com/Contactus.aspx?language=ar&country=qa

[الحره]

ايه والله يليتهم يغيرون نظامهم المقرف

[E L L E]

ههههههههههههههه


اي والله يعلهم مايربحووووون .. صاجين زفررره حتى صوووب الخضااار تلوع الجبد الريحه

[sara_qatar]

يلا من بعد روحه الجببره وزفرتها اللي تبط الخشم - قاموا يتحندنون على كارفوور - صج بني ادم ما يترس عينه التراب - - هالنظام عندنا ووبرع نفس الشي -

[فلفل حار]

ملاحظه طيبه يا جاكم الاعصـار ...
يعطيكـ العافيهـ ... ^-^



ويعطيكـ العافيهـ يا PoBox ...
آختصرت الموضوع يالغالـي ...:victory:

[hidy1987]

ياحليلك دقيقه

[جنوب الدوحه]

انا استانس على ريحه الازفره الي في كارفور .. تنفتح نفسي حق الاكل

:)

[الفا برافو]

والله اللي يدش الجبره بيعرف قيمة كارفور :)

[جفلة]

لاحظوا في مجمع اللولو الجديد مابه ريحه لدرجه انج ممكن تمرين وماتنتبهين انج مريتي صوب قسم السمك من النظافه

[غناتي1]

الناس اللي عندهم حساسية جيوب ما يدرون ش السالفه

[كيفـي]

اللبسوا كمامات عن الزفرة وعن الانفلونزا..!!

[مليونيره]

اصلن مداني اي شي من صوب كارفور مره سنين خذت خبز فرنسي من مخبزهم حصلت ذبانه محترقه ومتيبسه ولا آخذ شي من مخبزهم او خضرتهم بس كريمات وشامبو والخ...

[بولينجر]

نقطة في محلها.... الا وين اللولو الجديد؟

[clouds]

يازين الزفره ويازين ريحتها انا ماحب في كارفور الا قسم السمج بس...ويازين الخثاق والربيان شكلي بكره اول مايفتح عندهم

[Om Majed]

كلامك صحيح بس من ألى بيوصله لهم

[فلفل حار]

لاحظوا في مجمع اللولو الجديد مابه ريحه لدرجه انج ممكن تمرين وماتنتبهين انج مريتي صوب قسم السمك من النظافه



لآن ريحة الهنود ودهن التاتا تغطى على الزفره ... بجد ... :)