&&& كاميرات مراقبة على خط الشمال &&&

[ra3shat hadab]

السلام عليكم ورحمة الله وبركاته

.
.
.
.
.
.
.
.
.

الصراحة كل ما اسمع عن الحوادث والتجاوزات اللي تسير على خط الشمال انقهر..

واتكلم عن الحوادث اللي تكون السيارات الثقيلة طرف فيها (تريلات شياول دناكر ..الخ)

غير التجاوزات الخطرة من سائقين السيارات الثقيلة ..
واذا لا سمح الله سار حادث ما يقدرون يصيدون المتسبب اذا كان لاف ولا متجاوز...

ويا كثر سواويق التريلات اللي يتجاوزون ويسرعون ويخلون خلق الله ينقلبون ويدعمون وهم مكملين طريقهم ولا كنهم مسوين شي (الله لا يبارك فيهم)...

خلاص ملينا من مشاكل خط الشمال .. :( ...
حطوا كيمرات وخرعوهم بكم لوحة فالشارع ييمكن يتأدبون...





ليش ما يكون الخط مراقب بكاميرات فيديو ٢٤ ساعة عشان ينضبطون شوي...


ولا شرايكم ؟

[ودي أكون]

انا معاك اخوي خل يحطون رادار متحرك اشوفه مصرقع اخواني :tease:

[ra3shat hadab]

انا معاك اخوي خل يحطون رادار متحرك اشوفه مصرقع اخواني :tease:

هلا اختي...
لا انا اتكلم عن مراقبة عن طريق كاميرات الفيديو لان والله الوضع (سبهلله) على الخط..
حرام هذي ارواح ناس ...

تسلمين على المشاركة

[ra3shat hadab]

شفتوا التكويعة اللي ترجعكم الدوحة (بعد بترول الخيسه بشوي) ... فاتحين تكويعتين احذى بعض
الثانية يمكن للتريلات مادري !! بس خطرة خطرة وايد اليوم ميني باص بغى يدعمنا والسبه ان سيارتي والباص طلعوا بنفس الوقت !!!

نبي تنظيم يالمرور - ارواح الناس مش لعبه - شهالخربطة !!!!

[هذلان]

اقتراحك ١٠٠٪ صح مراقبه مستمره ٢٤ ساعه ٧ ايام في الاسبوع هي الحل للمهازل الي على خط الشمال

من شوي والله مرتين يطلعون في وجهي مواتر لولا حفظ الله و توقعي بانه ممكن هذا السائق بيطلع ولا كان دعمت .. الله الحافظ

و الحل ايضا مفيد لانه ربعنا الشرطه رقووووووووود و كانه شغلهم صاير مكتبي وتحقيق ناسين خط الشمال و السلامه المروريه

[هذلان]

الشيخ نفس التكويعه الي اتكلم عنها هي الي طلع منها الموتر في وجهي اليوم

[جوهرة قطر]

وانا معاكم بس المشكله اول مابدو بتحفير الشارع كانت سيارات لخويا على طول الخط من بعد جسر الشمال لين ام صلال وكنت كل يوم اجوفهم بس الحين اختفو مادرى ليش والله :(

[ra3shat hadab]

اقتراحك ١٠٠٪ صح مراقبه مستمره ٢٤ ساعه ٧ ايام في الاسبوع هي الحل للمهازل الي على خط الشمال

من شوي والله مرتين يطلعون في وجهي مواتر لولا حفظ الله و توقعي بانه ممكن هذا السائق بيطلع ولا كان دعمت .. الله الحافظ

و الحل ايضا مفيد لانه ربعنا الشرطه رقووووووووود و كانه شغلهم صاير مكتبي وتحقيق ناسين خط الشمال و السلامه المروريه


الشيخ نفس التكويعه الي اتكلم عنها هي الي طلع منها الموتر في وجهي اليوم


يالله يا هذلان وربي مأساااة هالشارع..
التكويعه الثانية مادري سكروها ولا ليحين مفتوحة..
ياريتهم يهتمون بالشارع شوي...
في الدوحة حاطين رادار في كل شبر :rolleyes2:
بس مادري شفيهم على خط الشمال مش معبرينه كلللش!!
عشانه خارج الدوحة يعني !!

واذا مافيه مجال للكيمرات عالاقل يفتحون طريق خاص للسيارات الثقيله..
الشارع ضيق وكله تريلات ودناكر..
الله يحفظنا ويحفظ اهلنا وعيالنا وعيال المسلمين ..


يعطيك العافية

اختك.../ رعشه :)

[سداوي&مدريدي]

الي قاعد يصيرعلى خط الشمال خربطه

لا مبالاه من قبل المسؤولين

انا مع الكاميرات اقتراح حلو :nice:

ونبيهم يسون لهم شارع مثل الناس :(

[فلفل حار]

آقتــراح ممتاز والله
:victory:



ولو ينفذونه في جميع الخطوط الخارجيه يكون آفضل وآفضل ...

الله يعطيكـ الصحه والعافيه يالغالــي ra3shat hadab ...:)

[بوعبدالله100]

الكاميرات مطبقه بالمناطق الداخليه على ايام الاسياد كتجربه وتستخدم حاليا .. وبالنسبه للمناطق الخارجيه باقرب وقت وبالنسبه للتفاصيل اكيد عند الاخ جاجاسم ممثل الداخليه بالمنتدى .

[bu 3li]

السالفه مايبي لها كاميرات ولاشي .. بدال لا نشوف دوريات صوب الكرك ولا فالكرنيش

ليش مايثبتون دوريات على خط الشمال .. يكونون رايحين وراجعين على طول عشان يضبطون اي مخالفه
والله مكثر الشاحنات اللي تمشي في وقت يمنع فيه مرور الشاحنات ولي قربوا من الدوحه صفو فالحصى بلفيت مالهم خص وينطرون انتهاء اوقات الذروه .. وغير جذي التحويلات اللي مسويينها غلط في غلط

يعني اللفه تكون ماخذه زاويه حاده والشارع مب مستوي اشوي طالع واشوي نازل
والادهى من هاي كله .. التكويعات ( u turn ) مخليينها تدخل على الخط السريع على طول !!!

[_بوشهاب_]

انا مع وضع الكيمرات نفس دبي

[الوجبه]

اول مره اشوف شارع سريع مترين (عرض) يعني لو مش كاميرا لو يحطون

تلسكوب مراقبه بتصير حوادث ..

[عـيـون قـطـر]

انا مع الكاميرات المراقبه اقتراح حلو

[مناحي السادس عشر]

اول مره اشوف شارع سريع مترين (عرض) يعني لو مش كاميرا لو يحطون

تلسكوب مراقبه بتصير حوادث ..


انا مع الاخ الوجبه في كلامه
وازيد بعد ان الشارع هذا لا يعتبر شارع بالوقت الحالي
هو عباره عن تحويله بس لين يخلص الشارع الرئيسي
يعني انا مع الكاميرات على الخط الرسمي بعد ما ينتهي من اعمال الانشاء
اما بالنسبه للتحويله الحاليه ماله داعي اللهم شوي حذر من الاخوان السائقين وعشره بالميه انتباه والامور انشاء الله طيبه
والله يحفظني ويحفظكم جميعا من حوادث السيارات

[الهـواوي]

يالحريم اشعرفكم في السواقه

اعطو الخبز خبازه

[hamoor4ever]

مراقبه بدون قانون رادع شنو الفايده اذا اللي يمشي 121 نفس اللي يمشي 180 كيلو وين تلاقي حد ينردع ، اذا اللي حاط مخفي كامل 100٪ نفس اللي مركب عازل حراري وين تلاقي حد ينردع !!

لازم يكون اهناك قوانين تحدد المستهتر عن المخالف فيه ناس مايهمه تلاقي يمشي مليون وانت تمشي 130 واخرتها نفس المخالفه ، فيه ناس لازم تنسجن وتخيس علشان تتعلم وفيه ناس لازم يقطون مواترهم بالشهور وفيه سواقين بياكب وتريلات لازم ينحبسون علشان يمشون سيده