حبك سرقني .. الجزء الثالث

[lujain]

بعد يومين




دخل عبدالله البيت الصبح راجع من دوامه و أم عبدالله و آبو عبدالله وفاطمه يتريقون

عبدالله :صبآح الخير..

ردوا الآم والآبو وفآطمه : صبآح النور

حب عبدالله راس آمه وآبوه وقعد يتريق معآهم

عبدالله يكلم فاطمه وهو يضحك: ويووو ..بداوم فهالشمس مسكينه..والله لو منج ما اداوم

فاطمه :عبود ..آسكت عني آحسن لك..والله واصله حدي

عبدالله : والله والله تكسرين الخاطر..ههههههههه كراف في هالشمس..مادري متى بيعدلون هالجامعه..ويسونها مثل باقي الجامعات

فاطمه : صج انك تبط الجبد..بس آحيانا تقول آشياء صح..يبه شرآآيك السنه الجآيه اروح ادرس في لندن

آبو عبدالله : آيه آيه ..يصير خير ..لين حجت البقر على قرونها

فآطمه : وانتوا كله تحطيم ..

آم فاطمه :يلا فطووم عن الهذره..قومي لا تتآخرين عن محاظراتج

عبدالله : شرايج فطوم آوصلج؟

فاطمه ..بحماس : آي آي آي

آم عبدالله :لا يبه انت من امس مارقدت وتوك راجع

عبدالله : عآدي يمه مافيني النوده.. بوصلها

فاطمه : مب لله..

عبدالله يطالع فاطمه بنظره ..

آبو عبدالله : هاه شسالفه

عبدالله: لا ولا شي يبا..يلا فطوم قومي

قاموا عبدالله وفاطمه بيطلعون

آم عبدالله , آبو عبدالله : الله يحفظكم




فالسياره ..

عبدالله : شهالحركات ؟ ليش تسوين جيه جدام امي وابوي

فاطمه : هههههههههههههه زين انا ماقلت شي

عبدالله بنبره غضب : مب احسن لج مره ثانيه ان سويتي هالحركات..مب قدج انا

فاطمه : آآففف ..وبنافت بعد ماجنه الحايه له

عبدالله : انزين اللحين كلمتيها ولا لا..

فاطمه : لا

عبدالله : ليش ..؟

فاطمه : ماحصلت فرصه ..بكره عندنا بريك مع بعض ..قلت لها بنتغدى ..

اذا كان في مجال بكلمها

عبدالله : الله يكتب اللي فيه الصالح.. بس فطوم انتي شوفي الامور وتحملي تجيبين طاري عني

فاطمه: شعبالك ..غبيه انا ..ولا تبيها تصفقني..ما عليك انت بكره يجيك الخبر

عبدالله : بنشوف شطارتج

فاطمه : آفا عليك ,, آعجبك









ثاني يوم الساعه 8:30 ..آتصل عبدالله حق فاطمه

فاطمه :صبآآح الخير

عبدالله : هلا صباح النور..شلونج

فاطمه : بخير الله يسلمك.. انت شلونك

عبدالله : طيب ..توني واصل البيت مالقيتج ..

فاطمه : آي طلعت من شوي

عبدالله : والله فطيم احس شعوري يضحك ..على اعصابي..

فاطمه : لا ان شاء الله السالفه احس انها بتعدي على خير

عبدالله : انزين انتي متى بتخلصين ..انا بمر عليج

فاطمه : آممم تعال عالـ 3:30 ..احنا بنبدا البريك الساعه 2 ..لين انتغدى وانسولف قد جات 3:30

عبدالله : خلاص اوكي ..قبل الثلاث ونص بكلمج








الساعه 2:10

اتصلت غاده لـ فاطمه

غاده :هلا فطآآمي وينج

فاطمه : هلا غدوي ..والله توني طالعه ما بغى يطلعنا

غاده :انزين وين بتروحين ..النشاط ولا المطاعم..

فاطمه :المطاعم آحسن خاطري فعيش وصالونه ..

غاده :هههههههههه زين ..انطرج



خلال ما هم يتغدون

فاطمه :غدوووي..آمممم شرايج فالحب؟

غاده : بك ..شعندها ..هاه فطووم آعترفي

فاطمه : لا ولا شي ..انزين لو حد اخطبج توافقين؟

غاده :هههههههههه ..بيه لا بالله فيج شي..الصالونه ضربت فراسج..

فاطمه : عن الملاغه ..صج صج..

غاده :آممممممممم ..والله مادري..انتي تدرين هو على حسب الشخص..وبعدين تو الناس

فاطمه : يعني في حد فبالج ؟

غاده وهي تبتسم : لا

فاطمه : عيآآآآآره غدوي..

غاده :فطيم عن تقلب المواجع

فاطمه: لا لا هاي يبيلها قعده..شكلها قصه حب عنيفه

آبتسمت غاده ..وصدت: بعدين بقولج

فاطمه : خلاص اللي يريحج..آسفه والله

غاده : ولا يهمج حبيبتي..بس هي السالفه كل ماتطري علي يعورني قلبي..

أصلا لازم آفضفض,,تعبت وانا شايله كل شي فقلبي وساكته كل هالسنين

آبتسمت فاطمه : فديتج غآده ..متى مابغيتي آتكلمين انا موجوده

غاده : والله انج مثل آختي وآكثر بعد..ههههههههه بس ماعندي خوات

آنزين متى قلتي لهم يجونج؟؟

فاطمه : اننا قلت حق عبدالله 3:30 يجيني..وانتي؟؟

غاده :الدريول 3 قايله له يكون موجود..آكيد وصل اللحين

فاطمه : ماااتروحين وتخليني ..انطريني لين 3:30

غاده :انزين عيل يلا قومي خل انتمشى لين كليه العلوم..الجو حلو

فاطمه : يلا

وهم يمشون..

غاده : آتذكرين عرس ولد عمي..الشهر اللي طاف

فاطمه : آآي ..سعوود آقصد سعد..شفيه ؟؟ طلعت صوركم؟

غآده : لا للحين ..بس ..آمممممم.. كنت آحبه

فاطمه بققت عيونها: شنوووو؟؟ من متى؟؟

غآده : بل..لا تسآليني من متى..من وعيت عالدنيا و آنا آحبه

فاطمه : زآآد كله تسولفين عنه

غاده ..وهي تبتسم والدمعه فعينها : تدرين فطوم شنو اللي معور قلبي..

هو ما كان يدري اني احبه ..مع انا كنا وايد ويا بعض يوم احنا صغار..حتى يوم كبرنا لو شفنا بعض ..

كنت احسه يفرح ..انا عبالي هو يحبني بس مثلي ما قال..

والبنت اللي تزوجها ..تدري اني آحبه ..تخيلي لما كانوا يسولفون عن العرس كانت تحاول انها ما اتكلم جدامي

والله اني فرحانه له ..صج اني عشت كل هالسنين في حلم اني فيوم ارتبط فيه..بس انا ما كنت حلمه ..ودام هاي اللي بيسعده

آنا مستانسه عشانه ..فعرسه دمعتي نزلت وانا اشوفه داخل وعالكوشه وهو مستانس....بس هاي آمر الله

آبي انسى كل شي طاف..

فاطمه : وانتي ليش ما قلتي له؟

غاده : تدرين اني استحي..وبعدين شتبيني آسوي ,,آروح له آقول آحبك

فاطمه : ما قلت جيه في آلف طريقه وطريقه..

غاده : هاي الالف طريقه وطريقه ,,مب عندي,,انتي تدرين ان آمي تدري آني احبه

آشوف نظرتها لي,,احس اني كاسره خاطرها بس مب قادره اتكلم..

كنت كل ليله ..اتذكره واشوف صورنا واحنا صغار وتطري علي وسوالفنا

فاطمه : آيه عليج غدوي,,شايله كل هاي فقلبج وساكته

غآده : ماتدرين وشهو الصالح..خيره

رن تلفون فاطمه ..

فاطمه : آلو هلا عبدالله..

عبدالله : خلصتي؟

فاطمه : آي ..تعال لي مواقف العلوم

عبدالله : آنزين شقالت لج؟

فاطمه:انزين انا انطرك

عبدالله : هي جنبج؟

فاطمه : آي,,يلا انا طالعه

عبدالله : انزين يلا بسرعه..انا انطرج

فاطمه: يلا غاده,,عبدالله وصل

غاده : خلاص روحي انا بتصل حق الدريول اللحين بيجي

فاطمه : مع السلامه حبيبتي

غاده : الله يحفظج






الجزء الجاي..بتعرفون اللي صار بين عبدالله وفاطمه..

و وعد يكون قبل رمضان

تصبحون على خير

[Qt.1]

متابع وبشغف..(@@)

[طموحي عالي]

متااااااااااااابعه

ذكرتيني بالجامعه لول

هاي اسمها جامعه القهر لول

[سيدة اعمال فلسطنية]

واواواواو ماشاءالله قصه حلوة صراحه بليز بدنا كزا جزء

كتير روعه :)

[A l i]

الاجزاء تقهرني :( خخخخخ
يالله في الانتظار يعطيج العافيه

[lujain]

متابع وبشغف..(@@)

:)


شاكره لك متابعتك

ان شاء الله اكون عند حسن ظنكم

[lujain]

متااااااااااااابعه

ذكرتيني بالجامعه لول

هاي اسمها جامعه القهر لول

:)

هذي احدى المقاصد .. تتذكرون شي حلو يلامس شي عشتوه :)

شكرا لمتابعتج

[lujain]

واواواواو ماشاءالله قصه حلوة صراحه بليز بدنا كزا جزء

كتير روعه :)


:) الكذا جزء ما نكتبوا للحين

بآذن الله قريب

[lujain]

الاجزاء تقهرني :( خخخخخ
يالله في الانتظار يعطيج العافيه

:) الله يعافيك

[ناصر العمادي]

:weeping::weeping: كسرت خاطري غادوه .. :weeping::weeping:

بس هي غبيه كان المفروض تلمح له أنها تحبه ..:anger1::anger1:

مسكين عبود راح ينصدم لما يسمع الخبر ..:secret::secret:

أقول أختي لجين .. مايصير بكره تحطين الجزء الرابع :shy::shy:

متابع وبقوه ..وبأنتظار الجزء الرابع على نار ..:nice::nice:

تسلم أيدك أختي وعساج على القوه

الله يوفقك وينور دربك وييسر أمرك ويرضى عليك يارب

كل الشكر والتحيه والتقدير والأحترام مني لك

[lujain]

:weeping::weeping: كسرت خاطري غادوه .. :weeping::weeping:

بس هي غبيه كان المفروض تلمح له أنها تحبه ..:anger1::anger1:

مسكين عبود راح ينصدم لما يسمع الخبر ..:secret::secret:

أقول أختي لجين .. مايصير بكره تحطين الجزء الرابع :shy::shy:

متابع وبقوه ..وبأنتظار الجزء الرابع على نار ..:nice::nice:

تسلم أيدك أختي وعساج على القوه

الله يوفقك وينور دربك وييسر أمرك ويرضى عليك يارب

كل الشكر والتحيه والتقدير والأحترام مني لك

بنزله بآقرب فرصه ...بس آكيد مش بكره :)

الله يقويك

[البنـدري]

الله عليج يا لجين يا قلم رائع كروعتك وروعة قصصك

خاطري الحين بعيش وصالونه من المطاعم

كل بريك اكون هناك :(

لاهنتِ

بانتظار الباقي

[The Master]

اوه اوه؟؟ اشدعوه يالربع ليش محد قال لي ان الجزء الثالث نزل؟؟
يا اخت لجين؟؟!! وين الاتفاق بينا ها؟؟ (مبين انه نصاب احم)
ماشاء الله القصه تحلو جزء عن جزء بجد والله وانا اقراها تذكرت هلي(اشتقت لهم.. كله منج احم)
بس دايما حتى في الصدق اي واحد اسمه بوعابد دووم ياكل هوا فا سهالات
لازم البطل يكون اسمه علي(اسمي احم احم) عشان يكون متوحش (امحق بطل)

خلنا من العبط وندخل في الجد دوغري
ماشاء الله تبارك الله اسلوبج وكتاباتج والسيناريو ماعليه كلام..
مايشتت القارئ ولا يشرد تفكيره ويخليه مفهي ويسرح واهم شي مافيه حشو..يعني تركيز على كم شخصيه
والاحداث تدور بينهم وهذا يعتبر شي حلو..
عندي لج مشروع (بيني وبينج ها تبغين كاتب كوميدي يضيف بعض العبط والابتسامات في القصه احم..احس اني باخربها من قلب)

تشكرين على مشاركتج بقصصج وبجد والله لنا الشرف لانظمام قلم مبدع نفس قلمج

وارفع لج القبعه(اشددددخل احم) يعني احييج على اسلوبج وفكرج وعساج على القوة وفي مايرضي الله ورسوله..

ولاهنتي

ادري اني اهذر واجد فا كيفي(صدق ماعنده اسلوب احم)
نمزح

[lujain]

الله عليج يا لجين يا قلم رائع كروعتك وروعة قصصك

خاطري الحين بعيش وصالونه من المطاعم

كل بريك اكون هناك :(

لاهنتِ

بانتظار الباقي


البندري

شكرا لج على تشجيعج

وان شاء الله القادم يكون عند حسن ظنج

دمت في حفظ الرحمن

[lujain]

اوه اوه؟؟ اشدعوه يالربع ليش محد قال لي ان الجزء الثالث نزل؟؟
يا اخت لجين؟؟!! وين الاتفاق بينا ها؟؟ (مبين انه نصاب احم)
ماشاء الله القصه تحلو جزء عن جزء بجد والله وانا اقراها تذكرت هلي(اشتقت لهم.. كله منج احم)
بس دايما حتى في الصدق اي واحد اسمه بوعابد دووم ياكل هوا فا سهالات
لازم البطل يكون اسمه علي(اسمي احم احم) عشان يكون متوحش (امحق بطل)

خلنا من العبط وندخل في الجد دوغري
ماشاء الله تبارك الله اسلوبج وكتاباتج والسيناريو ماعليه كلام..
مايشتت القارئ ولا يشرد تفكيره ويخليه مفهي ويسرح واهم شي مافيه حشو..يعني تركيز على كم شخصيه
والاحداث تدور بينهم وهذا يعتبر شي حلو..
عندي لج مشروع (بيني وبينج ها تبغين كاتب كوميدي يضيف بعض العبط والابتسامات في القصه احم..احس اني باخربها من قلب)

تشكرين على مشاركتج بقصصج وبجد والله لنا الشرف لانظمام قلم مبدع نفس قلمج

وارفع لج القبعه(اشددددخل احم) يعني احييج على اسلوبج وفكرج وعساج على القوة وفي مايرضي الله ورسوله..

ولاهنتي

ادري اني اهذر واجد فا كيفي(صدق ماعنده اسلوب احم)
نمزح


:) يسعدني ان القصه نالت على آعجابك

ان شاء الله ليش لا..في قصص جايه بآذن الله

دمت فحفظ الرحمن

[lujain]

الجزء الرابع ..

انتظروه الليله ان شاء الله

[البنـدري]

بانتظاره بفارغ الصبر ^.^

[lujain]

:)

آن شاء الله بيعجبج

[سيدة اعمال فلسطنية]

الجزء الرابع ..

انتظروه الليله ان شاء الله

واواوواواووا ناطرينو على نار يعطيكي العافيه :)

[al7ob]

متابعة ..متشوقة بليز لا تتاخري ماحب الانتظار..الصراحة فيها تشويق والاسلوب روعة ^_^

[وطن]

وين الأجزاء اللي قبل !!
ليش ما يكونون كلهم في موضوع واحد
اسهل للمتابعة

:)