مداوي القلوب
16-08-2009, 08:12 AM
بسم الله الرحمن الرحيم
بداية أود اهنئكم باقتراب دخول شهر رمضان المبارك جعله الله لنا شهر خير ورحمة وبركات ..
موضوعي يتعلق بشركة قطر للتأمين وحاب أوضح اشلون صارت آليتهم لطريقة دفع التأمين
من المعروف جداً أن الواحد لما يبي يروح يجدد ملكية السيارة أول شي لازم يسويه .
الخطوة الأولى : يروح الفحص الفني وبعد ماتمر السيارة بنجاح تكون ،
الخطوة الثانية : وهي تأمين السيارة في شركات التأمين
والخطوة الثالثة والأخيرة : تجديد الملكية من المرور
وأنا بذكرك لكم شاللي صار معاي وهي في الخطوة الثانية
طبعا انتهت فترة ملكية سيارتي في شهر سبعة الشهر الماضي ونظراً لان كان علي مخالفتين قلت مافي مشكلة لو أخرت التجديد إلى بداية الشهر اللي بعده ويومين بالكثير وانا خالص من الموضوع كله ، طبعاً والمسموح للشخص بالتأخير على نهاية الاستمارة فترة قدرها شهر .
المهم ورحت أول شي أدفع المخالفة والحمد لله ، وبعدين رحت الفحص الفني ونجحت والحمد لله وطبعا اليوم اللي بعده استأذنت من الدوام عشان أروح شركة قطر للتأمين ومن هنا تبدأ المعاناه .
يوم وصلت عند مبناهم اللي عند الكورنيش تقريباً على الساعة 9 ص اشوف الدنيا فاضية ، قلت والله شي طيب أن الشغل صار سريع ورحت اخذ رقم والموظفة تقول شامل ولا ضد الغير قلت انا أريد ضد الغير .. شوي تقولي ترى قيمة الدفع 550 ريال قلت لها ليش والمعروف 250 ريال ، قالت لي ترى الحين في شي اسمه ضد الغير مع تأمين ركاب وفي تأمين ضد الغير اللي هو المعروف .. أنا قلت والله انا ابي المعروف والعادي اللي هو بـ250 ريال
قالت هذا الله يسلمك اذا تبي تدفها مب عندنا في المبنى ، هذا الدفع يكون في الصناعية في شارع 43 .. انا سكت شوي وقلت خلاص اوكي ويعطيكم العافية
طبعاً ورديت الدوام وماسويت شي لانه بصراحه مشوار لين الصناعية ، وأروح اليوم اللي بعده للصناعية بدري شوي قبل الدوام ,, المهم وصلت شارع 43 على الساعة تقريباً (ركزوا معاي) 7:15 طبعا واقولكم قبل ماأوصل قعدت احوس ادور عالمكان لاني يوم رحت الشارع 43 اشوف كله سكن عمال ومافي أي أثر لمكان شركات ومشيت لييين مانقطع فيني الطريق وصار بقية الطريق رملي .. طبعاً أنا قلت مستحيل شركة قطر للتأمين تكون في هالمكان واتصلت عالشركة وحوال 10 دقايق لين ماردوا علي شوي تتكلم وحدة ماتعرف غير كلمتين عربي وانا صراحة فورت من الحواسة في الصناعية والكل يعرف شنو الصناعية .. بعد ماكلمتني اقولها وين مكان مال انتو مال مكتب مال شركة << الواحد لما يقفل يكون شوي كلامه خربطيشن .. شوي حولتني على واحد عربي وسألته عن المكان وقال تعرف شارع 43 قلت ايه بس انا مشيت منه لين مانتهى الشارع قالي : ايوه وكمان أمشي 100 متر بتحصل مبنى الشركة
والله ياجماعة اني استغربت .. ومع ذلك قلت بمشيها .. وصلت للمبنى بحفظ الله ورعايته صج ان المكان لاطريق ولا شي ولا موقف وصفيت السيارة وقلت كل شي يهون لما الواحد يخلص شغله .. دشيت داخل وابي اخذ رقم واسحب الورقة الخاصة بتسديد التأمين وتطلع لي ورقة فاضية مره ومرتين وثلاث ، رحت سألت العامل اللي ينهي اجراءات التأمين وقلت وش بلى الجهاز خربان (ركزواكثر معاي).. قالي معليش ترى انت اليوم تأخرت والمفروض تجي من بدري قلت له يعني الساعة كم ، قالي والله دولا موجودين من الساعة 5 ص وحنا مانعطي الا لأول خمسين شخص فقط قلت له : والباقي ، قالي يجي اليوم الثاني وكذا .
والله ياجماعة قلت حرام راح علي يومين عالفاضي ولا سويت شي .. لازم أروح مرة ثانية للمبنى الرئيسي وأشوف وش سالفتهم هم والنظام مالهم .
وصلت هناك وقلت ابي اقابل المدير ودشيت عنده وكلمته بالسالفه ووضحت له اني وصلت من بدري على الساعة 7:20 ص قالي في بعد الناس يوجوا الساعة 6:00 ويخلص 6:15 ( لاحظو)، قالي شوف اذا انت مستعجل روح ادفع في الكونتر داخل بـ 550 واذا موومستعجل ممكن تمر الصناعية وتدفع .. قلت له واذا انا مستعجل وماقدر الا ادفع 250 بسس .. قال روح الصناعية قلت ترى انا استمارت سيارتي منتهية من فترة ولازم اسددها .. قالي انت الغلطان ليش تتأخر . سكت وطلعت وقلت أمري لله .
وكل مرة أحاول أروح الصناعية وماحصل فرصة للأسف ..
اليوم الصبح طلعت من البيت بدري ووصلت الشركة اللي في الصناعية على الساعة 5:50 ص (بدري ولا أنا غلطان) قلت انا لازم اكون أول واحد عشان اخلص واروح الدوام بسرعه .. والله ياربع حصلت زحمة هناك (وصورت المنظر وبنزل الصورة مع التعليقات ان شالله ) ، قربت من البوابه واشوف واحد جاي صوبي وفي ايده ورقة وقلم ، وقالي اسمك ايه باقي اخر اسم لك من الخمسين قلت ليش والخمسين اللي قبلي متى وصلوا ، قالي والله في ناس هنا من الساعه ثنتين (أنا ماعرفت من صجه ولا يستعبط ) سجلت اسمي وكلي غيض من تصرف الشركة وقعدت في السيارة لين ماصارت الساعة 6:00 ورجعت البوابة قلت لهم متى يفتح قالوا لي الساعة 7:00 انا تذكرت ان المدير قالي ان الواحد ممكن يروح 6:00 ويخلص 6:15 قلت في نفسي والله هالأخ اللي في المبنى الرئيسي يبي يصرفني .
والله واليوم وادش لكم المنتدى من الصبح واكتب لكم الموضوع .. عشان نشوف يالربع حل لهالإشكالية
طبعا خلال روحتي لشركة التأمين بين المرة الأولى والثانية أسبوع وقدر الله لي أني حصلت بينهم مخالفة حزام وانت تعرفون الواحد مايجدد الاستمارة الا لما يدفع المخالفة واذا بي أطيح في بداية المشكلة .
وبصراحة شركة كبرى في قطر مثل قطر للتأمين مب حلوة في سمعتها لما يكون تعاملهم مع زباينهم بهالطريقة .
اتمنى كلامي هذا يوصل للإدارة والجهة المختصة ويشوفوا حل سريع لهالموضوع لان في الاخير اللي بيتحملها هو المواطن .
واسمحولي عالاطالة
بداية أود اهنئكم باقتراب دخول شهر رمضان المبارك جعله الله لنا شهر خير ورحمة وبركات ..
موضوعي يتعلق بشركة قطر للتأمين وحاب أوضح اشلون صارت آليتهم لطريقة دفع التأمين
من المعروف جداً أن الواحد لما يبي يروح يجدد ملكية السيارة أول شي لازم يسويه .
الخطوة الأولى : يروح الفحص الفني وبعد ماتمر السيارة بنجاح تكون ،
الخطوة الثانية : وهي تأمين السيارة في شركات التأمين
والخطوة الثالثة والأخيرة : تجديد الملكية من المرور
وأنا بذكرك لكم شاللي صار معاي وهي في الخطوة الثانية
طبعا انتهت فترة ملكية سيارتي في شهر سبعة الشهر الماضي ونظراً لان كان علي مخالفتين قلت مافي مشكلة لو أخرت التجديد إلى بداية الشهر اللي بعده ويومين بالكثير وانا خالص من الموضوع كله ، طبعاً والمسموح للشخص بالتأخير على نهاية الاستمارة فترة قدرها شهر .
المهم ورحت أول شي أدفع المخالفة والحمد لله ، وبعدين رحت الفحص الفني ونجحت والحمد لله وطبعا اليوم اللي بعده استأذنت من الدوام عشان أروح شركة قطر للتأمين ومن هنا تبدأ المعاناه .
يوم وصلت عند مبناهم اللي عند الكورنيش تقريباً على الساعة 9 ص اشوف الدنيا فاضية ، قلت والله شي طيب أن الشغل صار سريع ورحت اخذ رقم والموظفة تقول شامل ولا ضد الغير قلت انا أريد ضد الغير .. شوي تقولي ترى قيمة الدفع 550 ريال قلت لها ليش والمعروف 250 ريال ، قالت لي ترى الحين في شي اسمه ضد الغير مع تأمين ركاب وفي تأمين ضد الغير اللي هو المعروف .. أنا قلت والله انا ابي المعروف والعادي اللي هو بـ250 ريال
قالت هذا الله يسلمك اذا تبي تدفها مب عندنا في المبنى ، هذا الدفع يكون في الصناعية في شارع 43 .. انا سكت شوي وقلت خلاص اوكي ويعطيكم العافية
طبعاً ورديت الدوام وماسويت شي لانه بصراحه مشوار لين الصناعية ، وأروح اليوم اللي بعده للصناعية بدري شوي قبل الدوام ,, المهم وصلت شارع 43 على الساعة تقريباً (ركزوا معاي) 7:15 طبعا واقولكم قبل ماأوصل قعدت احوس ادور عالمكان لاني يوم رحت الشارع 43 اشوف كله سكن عمال ومافي أي أثر لمكان شركات ومشيت لييين مانقطع فيني الطريق وصار بقية الطريق رملي .. طبعاً أنا قلت مستحيل شركة قطر للتأمين تكون في هالمكان واتصلت عالشركة وحوال 10 دقايق لين ماردوا علي شوي تتكلم وحدة ماتعرف غير كلمتين عربي وانا صراحة فورت من الحواسة في الصناعية والكل يعرف شنو الصناعية .. بعد ماكلمتني اقولها وين مكان مال انتو مال مكتب مال شركة << الواحد لما يقفل يكون شوي كلامه خربطيشن .. شوي حولتني على واحد عربي وسألته عن المكان وقال تعرف شارع 43 قلت ايه بس انا مشيت منه لين مانتهى الشارع قالي : ايوه وكمان أمشي 100 متر بتحصل مبنى الشركة
والله ياجماعة اني استغربت .. ومع ذلك قلت بمشيها .. وصلت للمبنى بحفظ الله ورعايته صج ان المكان لاطريق ولا شي ولا موقف وصفيت السيارة وقلت كل شي يهون لما الواحد يخلص شغله .. دشيت داخل وابي اخذ رقم واسحب الورقة الخاصة بتسديد التأمين وتطلع لي ورقة فاضية مره ومرتين وثلاث ، رحت سألت العامل اللي ينهي اجراءات التأمين وقلت وش بلى الجهاز خربان (ركزواكثر معاي).. قالي معليش ترى انت اليوم تأخرت والمفروض تجي من بدري قلت له يعني الساعة كم ، قالي والله دولا موجودين من الساعة 5 ص وحنا مانعطي الا لأول خمسين شخص فقط قلت له : والباقي ، قالي يجي اليوم الثاني وكذا .
والله ياجماعة قلت حرام راح علي يومين عالفاضي ولا سويت شي .. لازم أروح مرة ثانية للمبنى الرئيسي وأشوف وش سالفتهم هم والنظام مالهم .
وصلت هناك وقلت ابي اقابل المدير ودشيت عنده وكلمته بالسالفه ووضحت له اني وصلت من بدري على الساعة 7:20 ص قالي في بعد الناس يوجوا الساعة 6:00 ويخلص 6:15 ( لاحظو)، قالي شوف اذا انت مستعجل روح ادفع في الكونتر داخل بـ 550 واذا موومستعجل ممكن تمر الصناعية وتدفع .. قلت له واذا انا مستعجل وماقدر الا ادفع 250 بسس .. قال روح الصناعية قلت ترى انا استمارت سيارتي منتهية من فترة ولازم اسددها .. قالي انت الغلطان ليش تتأخر . سكت وطلعت وقلت أمري لله .
وكل مرة أحاول أروح الصناعية وماحصل فرصة للأسف ..
اليوم الصبح طلعت من البيت بدري ووصلت الشركة اللي في الصناعية على الساعة 5:50 ص (بدري ولا أنا غلطان) قلت انا لازم اكون أول واحد عشان اخلص واروح الدوام بسرعه .. والله ياربع حصلت زحمة هناك (وصورت المنظر وبنزل الصورة مع التعليقات ان شالله ) ، قربت من البوابه واشوف واحد جاي صوبي وفي ايده ورقة وقلم ، وقالي اسمك ايه باقي اخر اسم لك من الخمسين قلت ليش والخمسين اللي قبلي متى وصلوا ، قالي والله في ناس هنا من الساعه ثنتين (أنا ماعرفت من صجه ولا يستعبط ) سجلت اسمي وكلي غيض من تصرف الشركة وقعدت في السيارة لين ماصارت الساعة 6:00 ورجعت البوابة قلت لهم متى يفتح قالوا لي الساعة 7:00 انا تذكرت ان المدير قالي ان الواحد ممكن يروح 6:00 ويخلص 6:15 قلت في نفسي والله هالأخ اللي في المبنى الرئيسي يبي يصرفني .
والله واليوم وادش لكم المنتدى من الصبح واكتب لكم الموضوع .. عشان نشوف يالربع حل لهالإشكالية
طبعا خلال روحتي لشركة التأمين بين المرة الأولى والثانية أسبوع وقدر الله لي أني حصلت بينهم مخالفة حزام وانت تعرفون الواحد مايجدد الاستمارة الا لما يدفع المخالفة واذا بي أطيح في بداية المشكلة .
وبصراحة شركة كبرى في قطر مثل قطر للتأمين مب حلوة في سمعتها لما يكون تعاملهم مع زباينهم بهالطريقة .
اتمنى كلامي هذا يوصل للإدارة والجهة المختصة ويشوفوا حل سريع لهالموضوع لان في الاخير اللي بيتحملها هو المواطن .
واسمحولي عالاطالة