مشاهد في الرويال بلازا ..... ليش ؟!!!

[غيمة مطر]

السلام عليكم ..

يوم الجمعه ... الساعه 3 العصر ... توجهت مع عيالي الى الرويال بلازا .. تحديدا الالعاب في الدور الثاني جنب السينما ...
قطعنا التذاكر ودخلنا ... المكان كان هادئ ... وكانت اول مره لي هناك ... وشفت العجب ...:eek5:

عيالي يلعبون وانا >>>:eek5: <<< جذي شكلي والله

النقاط اللي شفتها ...

1- عدد العاملين هناك وايد .. وكانو قاعدين مع بعض .. ويسوون حركات لااخلاقيه ( غضيت النظر ) >>> حفاظا على عيني من رؤية هذه المشاهد المقززه:anger1:

2- كل ام تجي تقط عيالها مع الشغاله وتروح... (( اللي عرفته ان كل اسبوع هالحاله )) لان الشغالين هناك يعرفون اسامي اليهال وينادونهم ... والشغاالات ضحك وسوالف مع اللي يشتغلون هناك !!!!:rolleyes2:

3- الله يعزكم احتاجت ( بنتي) الى دورة المياه ... فشفت باب مكتوب عليه (تواليت ) ومرسوم يمه ( بنت وولد) قلت يمكن انا عميه ماشوف عدل .. سالت قلت لها حمام حريم قالت لي (for both) يعني للاثنين ... ماصدقت قلت يمكن تقصد الاولاد الصغار معليه يدشون مع امهاتهم ...
دخلت الا رجال في الحمام .. والحمام صغييير حيل ... تخرعت ... قال ( نوبروبل مدام) شنو الي نو بروبلم ؟!!!! كنت مضطره ادخل البنت :shy:
طلعت وانا متنرفزه ... سالتهم قالو اذا ماتبين طلعي برع دوري لج حمامات المجمع ... قلت هذول يهال .. مايستحملون لازم تخلون حمامات للحريم وحمامات للرجال ... :anger1: طنشوني
من القهر اتصلت على العضيد :telephone: ووعدوني خير والله اعلم

اللي ابي اعرفه وين عنهم الرقابه ...؟!!! بالنسبه لموضوع الحمامات ( عزكم الله)


4- اب دخل وترك 2 من بناته اعمارهم مابين 9 واقل في المكان يلعبون وهو طلع ... طيب لو لاسمح الله صار لهم شي وينه عنهم ...
تميت اشوفهم .. خايفه عليهم .. بناااات ... قربت منهم قلت لها حبيبتي عندج تلفون عشان ابوج يكلمج قالت لا ... قلت بابا وين .. قالت راح بعدين بيجي ...
تميت افكر ... قلت لو البنت احتاجت ( دورة مياه) ودخلت وفيها واحد من هالموظفين ... (( شبيصير))
لو البنت تخرعت من شي .. او طاحت .. او او او او ...
.. الام اللي تقط عيالها ... ليش ماتقعد معاها ؟؟؟ يعني هي تجيبهم يلعبون ويستانسون بدونها ؟؟؟ وهي تروح تتسوق وتدور ؟؟؟؟
وخدامتها سوالف وضحك وتكركر مع الموظفين اللي هناك :anger1:

طبعا مافي امهات الا الاجنبيات وتكلمت مع 2 منهم وحده ( امريكيه والثانيه بولنديه )
قالو احنا طول الاسبوع مشغولين عن عيالنا ونفضي نفسنا هاليومين نستمتع اكبر قدر معاهم .. قلت بقلبي انتو اجانب ودينكم غير وجذي ... واللي شفتهم مسلمين .. وسوو جذي بعيالهم ... اذا ضاعو قعدو يصيحون ....

لاحول ولاقوة الا بالله العلي العظيم

وايد تنرفزت على هالمشاهد اللي شفتها .. وصدعت وراسي عورني ... بس مابغيت اخرب الويك اند ...

شرايكم ؟!!!!!!

[ابن مانع]

الله يجزاج خير ويحفظ عيالج لج

[مرتبش]

للأسف في اماكن كثيرة اشوف اليهال في االالعاب بروحهم مع الخدم .. احيانا الخادمة معاها 3 او 4اطفال .تسكت واحد والثاني يبي السيارات والثالث ينط والرابع يطقها وهي تتحلطم.
في حريم يبون يتفرغون للتسوق وآباء منشغلين ومايبون يعورون راسهم بدوشة اليهال فيقعد يهذر في الجوال ويدخن له كم سيجاره ويرجع حق اليهال منعنش وجاهز انه يرجعهم البيت لأنه قام بالواجب ودفع لعياله .
يوميات عائلة سعيدة

[براتزية برازيلية]

بخصوص الحمام هذي فعلا مشكلة

[Index Signal]

الكلام إللي تقولينه خطير و ما ينسكت عليه..

إستمرار الوضع على ما هو عليه ينذر بمصيبه قادمه لا محاله..

الله يستر على عيال المسلمين من إهمال أهلهم أولاً ثم من جشع التجار إللي إهتمامهم بالربح أهم من سلامة زباينهم..

جزاج الله خير على حرصج و كثّر الله من أمثالج يا غيمة مطر .

[سلامي للكل]

وعليكـمـ الســلام ورحمــة الله وبركاته

(بشكــل عام) للآســف هذا اللي حاصل عنــدنا هالأيام, الخــدم هم الرعاة والمســؤلين عن الأبناء

وبخصوص سالفة الحمام (أعزكم الله) اول مرة اسمــع فيها, والعتب على إدارة الرويال بلازا, للاسف كل مانتقــدم من ناحيــة نتراجع من نواحــي كثيرة :anger1:

وين إدارة الرويال بلازا المحترفة :rolleyes2: من هذا اللي صــاير

مومشكلة ماعندكم الا حمام واحد في هذي المنطقة, حددوه يا للحريم او للرجال, موب للكل :anger1:

بسبب الدراسة (ومازلت) عشت في بريطانيا ودرت مجمعات واماكن كثيرة ولاشفت هذا اللي صاير عندنا

الصراحة هالسالفة خطيــرة جداً ولاينسكت عليها :anger1:

لاحــول ولاقــوة الا بالله العلــي العظيــمـ

نتمـى نشوف تصرف حازم من قبل العضيـــد

قال ايش قال for both

مالت عليكمـ :anger1: (اول مرة اطلع من طوري بالمنتدي من القهــر)

[ضوى]

سبحان الله ، مدري ليش هالعالم تجيب عيال وتهملهم ويا الخدم

لا حول ولا قوة الا بالله

والله ياغيمة السبت اللي طاف رحت جنغل زون مع بو العيال والعيال ،وعيني على عيالي مع انهم كبار ماشاء الله عليهم بس والله ماغفلت عنهم ، وانا قاعدة عالكراسي هالخادمة مساكة هالرضيع من دخلنا لطلعنا وهو في حضنها ، تبدله وترضعه ويلم عليها ونام على صدرها ، قسما بالله انقهرت قهر ، وين امه اللي من دخلت الساعة 2 والله لين 6 وهذا هو في حضنها ، دخلنا وهو حضنها وطلعنا وهو في حضنها وين الام ؟؟؟
طيب فرضنا عندج عيال تتابعينهم الاولى هالصغير يكون بحضنج والشغالة مع عيالج وانتي عينج عليهم قهر والله قهر

[genesis]

أتفق معك يا أختي الكريمة وشكرا لطرحك هذا الموضوع. على الرغم من كثرة العاملين هناك , لكن المكان غير نظيف ولا صحي . هل دققتي في مساحة لعب السوفت بلي (لمن هم دون الرابعة). الكور وصخه والارض سواد (الله يعزج) لا أفهم لماذا لا تقوم البلدية او وزارة الصحة بحملات تفتيشية على أماكن لعب الاطفال في المجمعات , فمعظمها متدني مستوى النظافة العامة فيه. لا أحب المقارنة بدبي , بس في زيارة حديثة وأنا في مجمع دبي مول. لاحظت بالاضافة للمسؤليين عن نظافة أماكن لعب الاطفال ,كان هناك موظفة تعاين مؤشرات النظافة في المكانHygiene indexعلى كثر ما أسعدني ذلك , على كثر ما تضايقت لأني متأكد انه لن يخذ بعين الاعتبار عندنا.:(
على العموم , أعتقد أن علينا تجنب أخذ أبنائنا لأماكن اللعب في المجمعات وبالذات هالايام مع وجود خطر انفلونزا n1h1 وموسم الانفلونزا في شهري سبتمبر وأكتوبر وشكرا

[E L L E]

لاحول ولاقوه الابالله الله يستر على عيالنا يارب هالامهااات عديمات المسؤليه ولي صار ف عيالهم تندموا لكن عقب شنوووووووووو

واصلا جنغل زون كله خدامات مع اليهاااااال شالجديد

[غيمة مطر]

الله يجزاج خير ويحفظ عيالج لج

جزاك وايانا بالخير ... وماقصرت على المرور



للأسف في اماكن كثيرة اشوف اليهال في االالعاب بروحهم مع الخدم .. احيانا الخادمة معاها 3 او 4اطفال .تسكت واحد والثاني يبي السيارات والثالث ينط والرابع يطقها وهي تتحلطم.
في حريم يبون يتفرغون للتسوق وآباء منشغلين ومايبون يعورون راسهم بدوشة اليهال فيقعد يهذر في الجوال ويدخن له كم سيجاره ويرجع حق اليهال منعنش وجاهز انه يرجعهم البيت لأنه قام بالواجب ودفع لعياله .
يوميات عائلة سعيدة

اي والله هالمشهد وااايد يتكرر ...( اعتقد هو احد اسباب انحراف الجيل الحالي ... وظهور الظاهر الشاذه بينهم )

الله المستعان ...


بخصوص الحمام هذي فعلا مشكلة

المشكله ... كل هالفتره الناس ساكته ؟!! والا محد استخدم التواليت :rolleyes2:


الكلام إللي تقولينه خطير و ما ينسكت عليه..

إستمرار الوضع على ما هو عليه ينذر بمصيبه قادمه لا محاله..

الله يستر على عيال المسلمين من إهمال أهلهم أولاً ثم من جشع التجار إللي إهتمامهم بالربح أهم من سلامة زباينهم..

جزاج الله خير على حرصج و كثّر الله من أمثالج يا غيمة مطر .

جزاك الله وايانا بالخير ... وهذا تصرف اي شخص خايف على عياله وعيال الناس وبالنهايه خوفنا على عيالنا وعيالكم ... هو اساس صلاح المجتمع ... بس الله المستعان





وعليكـمـ الســلام ورحمــة الله وبركاته

(بشكــل عام) للآســف هذا اللي حاصل عنــدنا هالأيام, الخــدم هم الرعاة والمســؤلين عن الأبناء

وبخصوص سالفة الحمام (أعزكم الله) اول مرة اسمــع فيها, والعتب على إدارة الرويال بلازا, للاسف كل مانتقــدم من ناحيــة نتراجع من نواحــي كثيرة :anger1:

وين إدارة الرويال بلازا المحترفة :rolleyes2: من هذا اللي صــاير

مومشكلة ماعندكم الا حمام واحد في هذي المنطقة, حددوه يا للحريم او للرجال, موب للكل :anger1:

بسبب الدراسة (ومازلت) عشت في بريطانيا ودرت مجمعات واماكن كثيرة ولاشفت هذا اللي صاير عندنا

الصراحة هالسالفة خطيــرة جداً ولاينسكت عليها :anger1:

لاحــول ولاقــوة الا بالله العلــي العظيــمـ

نتمـى نشوف تصرف حازم من قبل العضيـــد

قال ايش قال for both

مالت عليكمـ :anger1: (اول مرة اطلع من طوري بالمنتدي من القهــر)


فعلا .. الموضوع يقهر ... ولو ماقهر جان ماكتبته ... تدري تحسفت اني ماصورت العلامه اللي مكتوب عليها التواليت ومرسوم يمها رجال وحرمه ...
... راح ازور المكان مره ثانيه هالايام واشوف سالفة الحمام_ عزكم الله_ ... واذا مانحلت بحاولت بكل الطرق عشان يتحدد حق من ... لان هذي بلادي .ومن حقي اطالب بهالخصوصيه .. مب البوفلبن والهنود يتحكمون فينا وين قاعدين



سبحان الله ، مدري ليش هالعالم تجيب عيال وتهملهم ويا الخدم

لا حول ولا قوة الا بالله

والله ياغيمة السبت اللي طاف رحت جنغل زون مع بو العيال والعيال ،وعيني على عيالي مع انهم كبار ماشاء الله عليهم بس والله ماغفلت عنهم ، وانا قاعدة عالكراسي هالخادمة مساكة هالرضيع من دخلنا لطلعنا وهو في حضنها ، تبدله وترضعه ويلم عليها ونام على صدرها ، قسما بالله انقهرت قهر ، وين امه اللي من دخلت الساعة 2 والله لين 6 وهذا هو في حضنها ، دخلنا وهو حضنها وطلعنا وهو في حضنها وين الام ؟؟؟
طيب فرضنا عندج عيال تتابعينهم الاولى هالصغير يكون بحضنج والشغالة مع عيالج وانتي عينج عليهم قهر والله قهر

اي والله ياضوى ياماشفت هالمنظر وتقطع قلبي حسره على هاليهال اللي تعلم على ريحة الشغاله ونسى ريحة امه ... من 2 الين 6 ...:eek5: ... وين الامومه ( احساس الامومه غريزه ) معقوله ماتت؟!!!!!!
هم بس في الالعاب .. اذا الشغاله صارت تودي اليهال المستشفى اذا كانو مرضى والام رايحه عرس مع ربعها ...:anger1:

الله يخلي عيالج وعيالنا ويستر عليهم وعلينا ...

[بوخالد2]

تعليقي على النقطه (( 2 - 4 ))

ليش الاهمال هذا من قبل الاب او الام

سواء الاطفال كانوا بنات او اولاد

ليش مايخافون عليهم من الجرائم او الاغتصاب من قبل العاملين الاجانب

الدنيا مب بخير هذاك الاول دنيا كانت امان وراحه

الحين في كل فريج لين صلاة الفجر وانتي اتشوفين ناس لويث في الشوارع

فمالكم بالمجمعات اللى فيها يمكن غرف فاضيه او دهليز فاضي وتسهى البنت وهي تلعب هناك ويتم التحرش فيها


السينما اتشوفين بنات صغار طالعين من الفلم الساعه 2بعد منتصف الليل

وين الاهل ؟

سهرانيين في مكان وناسين اعيالهم

وبعدين اذا صارت مشكله ماينفع الندم على اليهال


لاحول ولاقوة الابالله

[ضوى]

لاحول ولاقوه الابالله الله يستر على عيالنا يارب هالامهااات عديمات المسؤليه ولي صار ف عيالهم تندموا لكن عقب شنوووووووووو

واصلا جنغل زون كله خدامات مع اليهاااااال شالجديد


اول مرة ادخل جنغل زون بحياتي هالمرة بس ، لان عيالي كله مع ابوهم يروحون لذلك انصدمت ، وتبين الصج على وقتي كنت اوديهم سناء وماكنت اشوف هالشئ الله يحفظ عيالنا يارب

[غيمة مطر]

أتفق معك يا أختي الكريمة وشكرا لطرحك هذا الموضوع. على الرغم من كثرة العاملين هناك , لكن المكان غير نظيف ولا صحي . هل دققتي في مساحة لعب السوفت بلي (لمن هم دون الرابعة). الكور وصخه والارض سواد (الله يعزج) لا أفهم لماذا لا تقوم البلدية او وزارة الصحة بحملات تفتيشية على أماكن لعب الاطفال في المجمعات , فمعظمها متدني مستوى النظافة العامة فيه. لا أحب المقارنة بدبي , بس في زيارة حديثة وأنا في مجمع دبي مول. لاحظت بالاضافة للمسؤليين عن نظافة أماكن لعب الاطفال ,كان هناك موظفة تعاين مؤشرات النظافة في المكانhygiene indexعلى كثر ما أسعدني ذلك , على كثر ما تضايقت لأني متأكد انه لن يخذ بعين الاعتبار عندنا.:(
على العموم , أعتقد أن علينا تجنب أخذ أبنائنا لأماكن اللعب في المجمعات وبالذات هالايام مع وجود خطر انفلونزا n1h1 وموسم الانفلونزا في شهري سبتمبر وأكتوبر وشكرا

كلامك صح اخوي .... فعلا المكان ماكان نظيف خصوصا في العاب اليهال السوفت بلي .. حتى الالعاب سوده ووصخه .. بس ماهمتني كثر ماشفت حولي .. كنت مستغربه وقايله مابرجع مره ثانيه ...

وتسلم على اثارة هالنقطه ....

مادري ليش الطفل هو اخر اهتمامات الناس ... مع انه هو اساس المجتمع ...



لاحول ولاقوه الابالله الله يستر على عيالنا يارب هالامهااات عديمات المسؤليه ولي صار ف عيالهم تندموا لكن عقب شنوووووووووو

واصلا جنغل زون كله خدامات مع اليهاااااال شالجديد

اي والله صدقتي ... الخدامه صارت الام الحين .. وصارت المدرسه .. وصارت الممرضه ... باقي كم سنه وتصير الزوجه

[غيمة مطر]

تعليقي على النقطه (( 2 - 4 ))

السينما اتشوفين بنات صغار طالعين من الفلم الساعه 2بعد منتصف الليل
وين الاهل ؟
سهرانيين في مكان وناسين اعيالهم
وبعدين اذا صارت مشكله ماينفع الندم على اليهال

لاحول ولاقوة الابالله

لاحول ولاقوة الا بالله

لهالدرجه وصل الحال بنا؟؟؟؟؟

ماتت الغيره بدم الرجال ... وماتت الامومه بدم النساء؟!! ... من يرضى يهمل بناته في سينما لا والساعه 2 فالليل ....

:eek5:

البنت جذي عيل الولد شلون ؟؟؟؟؟؟؟

الله يستر علينا وعلى عيالنا ... والله لايبلينا ....

[صمتي حزن]

لاحول لاقوه الا بالله

[nym]

احنا لازم نلوم الأهل الي يتركون اعيالهم لحالهم او خادمات في هذي الاماكن ولا نلوم المجمع او الشركه الي تدير المكان

[غيمة مطر]

احنا لازم نلوم الأهل الي يتركون اعيالهم لحالهم او خادمات في هذي الاماكن ولا نلوم المجمع او الشركه الي تدير المكان

نلوم المجمع في عدم تخصيص دورات مياه للنساء واخرى للرجال

نلوم المجمع لانه حط دورة مياه واحده مشتركه :eek5:

[هتـان قطر]

لاحول ولاقوة الا بالله

والله يا غيمة مطر اني تضايقت لما قريت موضوعك..

خطأ مشترك بين المجمع والاهل..والضحية هي العيال

حمام مشترك..؟؟؟:omg: اول مرة تصير عندنا

وليش المسؤولين ومرتادين المجمع ساكتين..؟؟

انا استغرب لسلبية بعض الناس..!!!!

جزاك الله كل خير اختي غيمة مطر لانك اثرتي الموضوع

وما سكتي ..كلمتي العضيد وان شالله نسمع اخبار طيبة عن قريب


انا ولا مرة وديت عيالي العاب رويال بلازا..وبعد هالكلام

ما اعتقد بيطبونه بتاتا..

[جنوب الدوحه]

والله انتي تتكلمين عن شي واقعي يصير ..

الله المستعان ..

[N.H.A.87]

كلامج سليم وماعلية غبار واقعى كل يوم يصير واحنا نطالع ومانقدر نسوى شى لاكن الشرهة على الم والأبو ألى مخلين كل شى على الخدامة والدرويل صراحة الموضوع طويل وشائك
لاهنت على الموضوع

[مسلمة]

جزاج الله خير على حرصج و كثّر الله من أمثالج يا غيمة مطر .

والكلام اللي ذكرتيه خطير والسكوت عليه أخطر ، هؤلاء امانة في أعناقنا
إن شاء الله العضيد يسوون شيء والله يهدي الأهالي ..

الله احفظ أبناءنا وأبناء المسلمين

[الشاااهين]

لاحول ولا قوة الا بالله
والله ياختي لا حياة لمن تنادي
خلاص تطبعت الأسر القطرية على ذلك
الخادمة هي كل شئ حتى العين الساهرة الحامية للأطفال !!!
والأب لاهي
والأم تتسوق !

من فترة ذهبت للكورنيش ( من شهور )
وشفت مجموعة من الأجنبيات مقعدين الخادمات على جنب وكل وحدة قايمة بنفسها تلعب مع الجهال وتضحهكم

والله قلت في خاطري من اللي بتسوي كذية من الحريم !!
الله يخلف

[قناص قطر]

السلام عليكم

لا حول و لا قوة الا بالله

اختي طرشي رساله لمالك المجمع ( الشيخ / حمد بن عبدالله بن محمد ال ثاني )

والله مب بس مايرضى والله بيصكر المحل بالكامل

رجال بمعنى الكلمه ( الله يكثر من امثاله )

[ضوى]

السلام عليكم

لا حول و لا قوة الا بالله

اختي طرشي رساله لمالك المجمع ( الشيخ / حمد بن عبدالله بن محمد ال ثاني )

والله مب بس مايرضى والله بيصكر المحل بالكامل

رجال بمعنى الكلمه ( الله يكثر من امثاله )



هذا هو الكلام الطيب

[شويهينــه]

كلكم راع وكلكم مسؤول عن رعيته

بس هذا اللي اقدر اقوله

[غيمة مطر]

لاحول ولاقوة الا بالله
والله يا غيمة مطر اني تضايقت لما قريت موضوعك..
خطأ مشترك بين المجمع والاهل..والضحية هي العيال
حمام مشترك..؟؟؟:omg: اول مرة تصير عندنا
وليش المسؤولين ومرتادين المجمع ساكتين..؟؟
انا استغرب لسلبية بعض الناس..!!!!
جزاك الله كل خير اختي غيمة مطر لانك اثرتي الموضوع
وما سكتي ..كلمتي العضيد وان شالله نسمع اخبار طيبة عن قريب
انا ولا مرة وديت عيالي العاب رويال بلازا..وبعد هالكلام
ما اعتقد بيطبونه بتاتا..

فعلا ياهتان انا مثلج استغربت ... قلت معقوله محد انتبه ... واذا انتبهو .. ليش محد تكلم ؟! شايفين الوضع عادي يعني ؟!!!!

والله انصحج لاتودينهم ... حفاظا على عيالج وعلى عينج وعلى عقلج وقلبك من القهر واللي بتشوفينه

لاحول ولاقوة الا بالله






والله انتي تتكلمين عن شي واقعي يصير ..

الله المستعان ..

هاللي صاير ... شي يغث ويقهر



كلامج سليم وماعلية غبار واقعى كل يوم يصير واحنا نطالع ومانقدر نسوى شى لاكن الشرهة على الم والأبو ألى مخلين كل شى على الخدامة والدرويل صراحة الموضوع طويل وشائك
لاهنت على الموضوع

اي والله الشرهه على الام والابو ... وينهم ؟!!!! خاطري اعرف شالاغلى من عيالهم ؟؟


جزاج الله خير على حرصج و كثّر الله من أمثالج يا غيمة مطر .

والكلام اللي ذكرتيه خطير والسكوت عليه أخطر ، هؤلاء امانة في أعناقنا
إن شاء الله العضيد يسوون شيء والله يهدي الأهالي ..

الله احفظ أبناءنا وأبناء المسلمين


اللهم امين ... والله يجزاج خير على الكلام الطيب


لاحول ولا قوة الا بالله
والله ياختي لا حياة لمن تنادي
خلاص تطبعت الأسر القطرية على ذلك
الخادمة هي كل شئ حتى العين الساهرة الحامية للأطفال !!!
والأب لاهي
والأم تتسوق !

من فترة ذهبت للكورنيش ( من شهور )
وشفت مجموعة من الأجنبيات مقعدين الخادمات على جنب وكل وحدة قايمة بنفسها تلعب مع الجهال وتضحهكم

والله قلت في خاطري من اللي بتسوي كذية من الحريم !!
الله يخلف

واذا الخدامه سوت شي بعيالهم ... لعنو خيرها ... دام الخدامه تشوفج انتي بالام مب مهتمه بعيالج تبينها هي الغريبه تهتم ..
والله في خدم صارت قلوبهم ارحم على العيال من امهم



السلام عليكم
لا حول و لا قوة الا بالله
اختي طرشي رساله لمالك المجمع ( الشيخ / حمد بن عبدالله بن محمد ال ثاني )
والله مب بس مايرضى والله بيصكر المحل بالكامل
رجال بمعنى الكلمه ( الله يكثر من امثاله )

ان شاء الله القى وسيله للتواصل معاه ... ماقصرت وجزاك الله خير


كلكم راع وكلكم مسؤول عن رعيته

بس هذا اللي اقدر اقوله

صاااادقه ... لكن محد صار مسؤول ... المسؤوليه تشيلها الشغاله والسايق ... والام والاب ( سمنديقه في البيت )

[منهم وفيهم]

كله كوم وسالفة الحمام تكرمون بكوم
شالسااااااااالفه اشفينا ليش بلادنا قاعده تصير فيها هالبلاوي حمام مشترك بمجمع فيلم اباحي بمجمع ثاني واااااااي إدمعت عيني والله على الحاله اللي وصلنالها

[فلفل حار]

سالفة الحمام ... المفروض تصورينها وتحطين صورها بالجرايد ...

وآلي فيكم بيروح صوب الآلعاب يسويها ... وفاله طيب في الجرايد ...
تشهير وخل يتآدبون ... :)



آما بالنسبه لأهمال الاباء ... للآسف صايره وبالقوو ...
ياخي والله يقهرون ...؟


دامكـ مب قد الزواج والاعيال والمسؤوليه ... لا تتزوج ...!!!

[المتضرعه لله]

بس سؤال ياناس ليه هالامهات والاباء يجيبون اولاد ؟؟؟؟

بس عشان يعطونهم ا لشغالات ؟ وبس حتى يفرطون في امانة الله ؟

حسبي الله والنعم الوكيل

شباب وشابات ضاعوا كيف اطفال ؟

من منكم سمع البنت اللي كلمت العريفي بالبرنامج وهي تبكي لان السايق اغتصبها وامها بالعرس؟

هذي وهي شابه كيف طفله وفي مجمع وبيد ناس ماتقدر هالطفوله

حسبي الله والنعم الوكيل على من فرط بامانة الله


قهر صدج

[دلوليانوز]

يا شيخ..الواحد لازم ياخذ حبوب..مخدره.. حبوب اعصاب...علشان يمشي ويعيش بهالدنيا


استغفر الله يا رب

[HIGHNESS]

والله الشرهه على هذول الي مسميين نفسهم ام وابو .. مادري ايش وراهم مايعطون عيالهم من وقتهم كل مكان اروحه اشوف اليهال مع الخدامة او الدريول .... مره كنت بعد في رويال بلازا مع ولد اخوي ... شفت خدامة اتطق ياهل وتهاوشها .. اول شي على بالي امها بس شفت فرق الشكل طبعاً .... بصراحة ماقدرت اسكت قلت لها وين مداام قالت مداام مافي يروح من ساعه 3 للحين مايجي تقولها وهي زهقانه من عيشتها ههههههه .. وتصوروا الساعه كانت 7 وشي .... يعني هالأم طول هالوقت وينها مثلاً . تتسوق ؟؟؟ خلاص خلي عيالج عند يدتهم ولا قاعدين في بيتهم .... !!!!!!
والله يخلي لج عيالج يارب ... :)

[حياة]

مايجوز الحمام للجنسين ابد..........
ولازم يكون فيه ضغط من قبلنا ع الاداره والايصكون هالالعاب اللي ضاحكين علينا فيها حاطين كم كوره محلطه ويقولون العاب

[حياة]

مايجوز الحمام للجنسين ابد..........
ولازم يكون فيه ضغط من قبلنا ع الاداره والايصكون هالالعاب مانبيها اذا كانت هذي سياستهم لابارك الله فيهم

[وطن]

الله يكون بالعون
والله يهدي هالاباء والامهات اللي مهملين عيالهم
مادري شلون يهون عليهم يخلونهم بايد الخدم
ولا يهملونهم بروحهم








وعليكـمـ الســلام ورحمــة الله وبركاته

(بشكــل عام) للآســف هذا اللي حاصل عنــدنا هالأيام, الخــدم هم الرعاة والمســؤلين عن الأبناء

وبخصوص سالفة الحمام (أعزكم الله) اول مرة اسمــع فيها, والعتب على إدارة الرويال بلازا, للاسف كل مانتقــدم من ناحيــة نتراجع من نواحــي كثيرة :anger1:

وين إدارة الرويال بلازا المحترفة :rolleyes2: من هذا اللي صــاير

مومشكلة ماعندكم الا حمام واحد في هذي المنطقة, حددوه يا للحريم او للرجال, موب للكل :anger1:

بسبب الدراسة (ومازلت) عشت في بريطانيا ودرت مجمعات واماكن كثيرة ولاشفت هذا اللي صاير عندنا

الصراحة هالسالفة خطيــرة جداً ولاينسكت عليها :anger1:

لاحــول ولاقــوة الا بالله العلــي العظيــمـ

نتمـى نشوف تصرف حازم من قبل العضيـــد

قال ايش قال for both

مالت عليكمـ :anger1: (اول مرة اطلع من طوري بالمنتدي من القهــر)

في حمامات مشتركه في بريطانيا
بس مو بالصورة اللي ذكرتها الاخت
يعني حمام واحد ويتسكر الباب على شخص واحد فقط
مب ان ندش ونتفاجأ ان في حد داخل

[قطريه ماركه]

هاي اللي حاااصل بالفعل .. ولا حول ولا قوة الا بالله .....

[أريج]

لاحول ولاقوة الا بالله

الله يحفظ عيال المسلمين جميعا

والله سالفة الحمام شي يخرع والله يستر على عيالنا

موضوع رائع ويستحق التقييم اختي غيمة ولو تغاظى النظر عنه يؤدي الى مشاكل كبيرة

[clouds]

بس ترى الحمام المشترك مش بس في رويال بلازا في كل المجمعات عيل ماشفتو اللي في اللاند مارك؟؟؟عند الكافتريا؟؟نفس الشي مشترك لانه اصلا لليهال مش لاستخدام الكبار بس الكبار هم اللي يدخلونه ويستخدمونه خصوصا الخدامات
وعن الالعاب ونوعيتها والنظافه الله بالخير في قطر وحتى الحمامات اوصخ منها مافي ولا مجمد وديت عيالي الحمام الا ولاعت جبدي وقمت ارجع من الريحه..ودبي اللي فيها عالم من الناس والسياح حمامات المجمعات كلها نظييييييييييييييييييييفه...ليش؟؟؟

[clouds]

عن الحمامات المشتركه في اوروبا ترى في واييييييييييييد

[لبيهـ]

جزاكم الله خير

[Locale]

ماقول الا الله يصلح حالنا بس ..!

[كيفـي]

سبحان الله .. هالمجمع اللى ما استسغته..!!

ويا سلام For both صج سايبة..

حال بناتنا وشبابنا (الجيل الحالي) يحزن..

والسبب تربية خدم وسواقين.. وتربية سايبة..

والله يحفظهم من كل شر ويهدي اهاليهم ويسخرهم لهم يارب..:(

[جادووور]

اختي غيمة مطر يعطيج العافيه على طرح الموضوع وغيرتج على بناتنا واولادنا وربي يصلح حالنا والمفروض مانسكت عن اللي قاعد يصير وربي يكتب لج الاجر على نقلك لنا صوره نحن غافلين عنها .... وعندي نقطه بعد لاحظتها بالمجمعات التجاريه

داخل التواليت او الحمامات اعزكم الله لاحظة بنات في سن المراهقه يدخلون من غير مكياج وداخل التواليت يحطون المكياج والعدسات استغرب منهم وين اهلهم عنهم وخاطري اعرف ويش وراهم والله اني اخاف على اولادي من هاي الاشكال ربي يستر علينا ويرحمنا على الظواهر الغريبه اللي تصير والسببب
7

7

7

سبحان الله .. هالمجمع اللى ما استسغته..!!

ويا سلام for both صج سايبة..

حال بناتنا وشبابنا (الجيل الحالي) يحزن..

والسبب تربية خدم وسواقين.. وتربية سايبة..

والله يحفظهم من كل شر ويهدي اهاليهم ويسخرهم لهم يارب..:(

[هبوب الشمال]

آآآآآآآآآآآآآآآآآه عورني قلبي

مب ناقصين

[Bu Rashid]

الله المستعان ...
كثر الله من امثالك واتمنى عدم السكووووت وتدخل المسؤولين لوقف هذه المهزله

[أم حصابي]

الله يستر علينا وعلى أعيالنا والله يهدي بعض الأمهات إلي حتى وناسة أعيالهم مب متفرغين لهم ومعتمدين على الخدامة في كل شئ وإذا صار شئ لعيالهم هبوا فالخدامه وكفخوها أيش فيها يعني لو قعدت ساعة أو ساعتين أتشوفين فلذة كبدج يلعب ويناقز والله تسوى الدنيا ومافيها

[هدوء 2]

لاهنتي ع الموضوع

[Northman]

اذا على الحمامات المشتركه عياده الدكتور فهد الباكر الحمام مشترك في الدور الثالث

[NOORA2008]

حتى استاد خليفه دخلته مره في حياتي وكنا في بطوله لذوي الاحتياجات وانا كنت مرافقه وفد نفس الشي الحمامات فور بوث للجنسين .. ادري ان المكان اصلا للرجال بس ليش يخلون الحمام نساء ورجال خلاص خلوه حق الرجال والحريم مو لازم

[غيمة مطر]

سبحان الله .. هالمجمع اللى ما استسغته..!!

ويا سلام for both صج سايبة..

حال بناتنا وشبابنا (الجيل الحالي) يحزن..

والسبب تربية خدم وسواقين.. وتربية سايبة..

والله يحفظهم من كل شر ويهدي اهاليهم ويسخرهم لهم يارب..:(


اختي غيمة مطر يعطيج العافيه على طرح الموضوع وغيرتج على بناتنا واولادنا وربي يصلح حالنا والمفروض مانسكت عن اللي قاعد يصير وربي يكتب لج الاجر على نقلك لنا صوره نحن غافلين عنها .... وعندي نقطه بعد لاحظتها بالمجمعات التجاريه

داخل التواليت او الحمامات اعزكم الله لاحظة بنات في سن المراهقه يدخلون من غير مكياج وداخل التواليت يحطون المكياج والعدسات استغرب منهم وين اهلهم عنهم وخاطري اعرف ويش وراهم والله اني اخاف على اولادي من هاي الاشكال ربي يستر علينا ويرحمنا على الظواهر الغريبه اللي تصير والسببب
7

7

7


آآآآآآآآآآآآآآآآآه عورني قلبي

مب ناقصين




الله المستعان ...
كثر الله من امثالك واتمنى عدم السكووووت وتدخل المسؤولين لوقف هذه المهزله



الله يستر علينا وعلى أعيالنا والله يهدي بعض الأمهات إلي حتى وناسة أعيالهم مب متفرغين لهم ومعتمدين على الخدامة في كل شئ وإذا صار شئ لعيالهم هبوا فالخدامه وكفخوها أيش فيها يعني لو قعدت ساعة أو ساعتين أتشوفين فلذة كبدج يلعب ويناقز والله تسوى الدنيا ومافيها



لاهنتي ع الموضوع


اذا على الحمامات المشتركه عياده الدكتور فهد الباكر الحمام مشترك في الدور الثالث


حتى استاد خليفه دخلته مره في حياتي وكنا في بطوله لذوي الاحتياجات وانا كنت مرافقه وفد نفس الشي الحمامات فور بوث للجنسين .. ادري ان المكان اصلا للرجال بس ليش يخلون الحمام نساء ورجال خلاص خلوه حق الرجال والحريم مو لازم

تسلمون على المرور جميعا

وعلى ابداء مشاركاتكم وملاحظاتكم بعد

جزاكم الله خير

[بوعبدالله100]

مره دخلت احد الكوفيات مع زوجتي في مجمع والله مو ذاكر في وين يمكن المول اذا ماخاب ظني.. اول مره ادخله يقدم مع الطلب اشكال من الفخار للتلوين لليهال والكبار ... عاااد والله اشرايج ان يوم قعدت تلفت يميني ويساري مافيه الا يهال وخدم ههههههههه هالمشكله منتشره الاهل يقطون عيالهم مع الخدم ويرحون يتمشون عنهم .. اما بالنسبه للحمام الله يعزج ويعز الي يقرون والملايكه زين ماسكتي وكلمتي العضيد اكيد راح يتخذون اجراء حازم بالموضوع.

[ساحر البسمة]

فعلا كلامك صحيح

[halah]

3- الله يعزكم احتاجت ( بنتي) الى دورة المياه ... فشفت باب مكتوب عليه (تواليت ) ومرسوم يمه ( بنت وولد) قلت يمكن انا عميه ماشوف عدل .. سالت قلت لها حمام حريم قالت لي (for both) يعني للاثنين ... ماصدقت قلت يمكن تقصد الاولاد الصغار معليه يدشون مع امهاتهم ...
دخلت الا رجال في الحمام .. والحمام صغييير حيل ... تخرعت ... قال ( نوبروبل مدام) شنو الي نو بروبلم ؟!!!! كنت مضطره ادخل البنت :shy:
طلعت وانا متنرفزه ... سالتهم قالو اذا ماتبين طلعي برع دوري لج حمامات المجمع ... قلت هذول يهال .. مايستحملون لازم تخلون حمامات للحريم وحمامات للرجال ... :anger1: طنشوني


زين حتى فسناء اللي فراس أبو عبود جذي

ولدي احتاج الحمام ورحت الحمام اللي المفروض انه للنساء فدخلت أنا وولدي والشغالة

شوي الا رجال فتح الباب ويبي يدش ويوم شافنا طلع قلت يمكن بالغلط ما انتبه

الا بعد شوي عامل من اللي يشتغلون هناك مدرعم ويوم شافنا (قطريين) قام طلع

انا استغربت من الوضع يعني الحمام المفروض انه للنساء وفي حمام للرجال معقولة هذيلا مغلطين فالمرتين

ويوم طلعنا من الحمام الا أشوف كلن يدش الحمام والدنيا سهالات عامل يدش عاملة تدش ما عندهم مشاكل يعني صار حمام النساء مشترك (وين قاعدين)

وقلت الحمد لله إن الشغالة كانت معاي وما دشيت بروحي

وأصلا الحمامات كانت قمة فالقذارة بس دشيت علشان الياهل

وشكلي ببلغ العضيد عنهم

وجزاك الله خير أختي على طرح الموضوع

[q6ri_vip]

الله يجزاكم خير ع هالملاحظه اللي ماكانت ع البال ونتمنى ردة فعل من الجهات المعنيه والمسؤوله عن هذه الأماكن .