أسعار gxr v8 2010

[قطري10]

السلام عليكم
رحت الوكالة ياشباب ... البرج .. وسألتهم عن سعر الجي أكس آر 8 سلندر قالي 201000 وبدون خصم ؟؟؟ مب غالي زيادة عن اللزوم
وسألته عن vxr مخممل قالوا 248000 بعد حرام غالي جداً. شرايكم

[الخارجية]

اقسم بالله غالي اشتري بورش أحسن

[fahad1]

قصدك 210000 ولا 201000

[الـقـاسـي]

والله حرام هالمبلغ بصراحة شي خيال مبلغ لايعقل ولا ياباني والشركه تعبانه .. شكل شباب قطر بيهونون عن التيوتا وبيقلبون على السيارات الثانيه الامريكية والالمانيه وهو الصحيح في هالوقت ..

[قطري10]

مائتان وألف ريال

[ابوصالح1]

ولو حطو سعرها مليون سوف تشرا

[قطري فلته]

انا تبريت من الياباني والله ياربع خذيت bmw
بس والله ارتحت صج يطيح سعره اهم شي اشتري راحتي يستقبلونك وشي راقى مو التيوتا ماباقى تترجاهم شلى فيها بالله عليكم الا دعايه وشكرا

[تاجر0]

حرااام ومايستاهل اخذلي يوكون دنالي

[jokar_502]

هلا والله
انا اقول الكل يقول ما يستاهل بس في ناس اتقول ما يستاهل واتحصلهم اول ناس ياخذون
ويقولك غالي ومايسوى والاخ حاجز ودافع كاش وينطر الموتر متى يوصل الله كريم
وتحياااااااتي للجميع

[ابن مانع]

طويل العمر اعتقد السعر195000 انا كنت عندهم وعطوني اياه بهالسعر بدون معرفه في اول يوم نزل فيه من اسبوع

[قطري فلته]

على12221 فى ذمتك يستاهل 195 يعني 200 الف

صراحه حرام والمشكله مافى شي مواصفات على 200 يعني اخذ لى الماني ولا امريكي احسن لى بس علشان كل يقول تيوتيا شيك ياريال الكل يطيح سعره بس العالم تركض ورا الدعايه

[الخارجية]

دعوها تخيس وأنا أول واحد ماخذ ههههههههه

[خريج اعلام]

اقسم بالله غالي اشتري بورش أحسن

:nice: :nice: :nice:

[علي1]

انا احسن الي اخذ لي عزبه واخذ لي مزرعه وشتري نيسان بترول ابرك ليمن ال في اكس ار اعوذ بالله من السعارهم ومن معاملاتهم واذا دخلت على مديرهم ابي يسوي خصم والله كني ابي اقابل وزير واخر شي اجنبي تقولي سكرتيرة المدير في اجتماع وانا اشوف مافيه حد يعني الله كريم وبلاش تيوتا

[راعي ال2008 الاسود]

تسلم اخووي على هالموضوع لكن قلنا زادوا الفكسار عشان الرنجات والشبك والباقي شدخلهم انهم يزيدون الموتر وهو ماتغير الاخطوط والله بيني وبينكم الشركة صارت زفت ومردة عبدالغني بيخسر من زيادة اسعار المواتر الي كل سنة يزيد عجل عقب 5 سنين بصير الفكسار ب مليوووون وكل شي جايز

[فارس قطر333]

يعني نفس اسعار 2009

[City Car]

خلك على الامريكي ابرك وارخص لك ومواصفاته اكثر وصوته يطربك وسعه واحلا الموديلات في الشارع هالايام
واذا على سعره بعد البيع ..... اللحين كل المواتر اطيح اسعارها

[911 qtr]

شباب انا كنت اكثر واحد يكره الجي بس في الاخير شريت والاسباب ان السعر ماينزل مثال ألي شرا جي اكس 8 سلندر اول مانزل 2008 دفع 175000 والحين سيارته سعرها في السوق 160000 الخساره 15000 يعني مافيه مقارنه مع الالماني --------------------------بالتوفيق

[gxr o.z]

لوسمحتوا شباب لحد يقارن الأمريكي مع الكروزر
ترى هذا غير وهذا غير
تبون موتر عدل ومواصفاته توب
في اكس ار ٢٠١٠
وبس
هذا اللي يستاهل

[مناتسا]

انطروا شركة البريمي

[simota uae]

اقبض مجنونك لا يجيك اللي أجن منه.
وبعدين الشغله اذا اوقفت على خطوط ورنجات .........عزات ما بنخلص من البيع والشرا كل سنه بنبيع وبنشتري .
وانا عن نفسي لو احصل 2008 استوك مخزن فالوكاله والله آخذه بفرق السعر vx.r او gx.r v8

[بو عيسى]

انا ودي اعرف بعد كم سنه كم بيصير سعر الكروزر؟
وهل العالم بياخذونه ولا لا؟

[q6r.10]

بصراحة بالغوا حيل في الاسعار

[vip1987]

الله يرحم ايام اول

الشايب خذ الكروزر سنة 85 اصفار من الشركة بـ 40 الف

واللحين شف كم وصل الـ 2010

والله قهر

[ابن مانع]

على12221 فى ذمتك يستاهل 195 يعني 200 الف

صراحه حرام والمشكله مافى شي مواصفات على 200 يعني اخذ لى الماني ولا امريكي احسن لى بس علشان كل يقول تيوتيا شيك ياريال الكل يطيح سعره بس العالم تركض ورا الدعايه

صدقت اخوي حرام الواحد يدفع فيه هالمبلغ بس غصب تجاريهم
ولا الوكاله ماتستاهل حراميه انا شريت موتري2009 استلمته
يوم الخميس جيت الصبح وخلصت معاهم واستلمته العصر
طبعاً سالت متى ينزل2010 قالوا لي عقب رمضان وماراح يفرق شي
نسيت اخذ كتاب الضمان رحت استلمه يوم السبت وشفت 2010 موجود وستلمه راعي معرض من معارض الدوحه بدون حجز عشان تدري وكالة نصب

[وارث العز]

لا ويقولون الالماني سعرة غالي . الكروزر غير فتحة وقير تماتيك ودرايشة تماتيتك اش فية ؟؟؟؟ ياجماعة سيارة موديل 2009 كراسيها هندل . لا وب200 الف مب حرام ؟؟؟؟؟؟؟؟؟

[خويلد]

والله حرام عليه عبدالغني قاص علينا والله اخذلي جمس احسلي

[السندان]

عبد الغني تغانوا وخاصة من سنة 2006 من الداخلية ومن الجيش والمصانع الكبرى

الله يزيدهم ويبارك لهم في حلالهم ... ولاكن راعوا خلق الله من هالاسعار لتحل البركة

[الذيب الحزين]

يالربع توه نازل اكيد بيكون غالي اصبرو عليه وان شاءالله بينزل

[قطري فلته]

انا الحمد الله اختلفت مع العالم وعندي الماني ومرتاح لا عوار راس ولا زحمه صج يعني تدفع قطع غاليه بس متي بعد 5 سنين ضمان بس انا على التواير والباقى عليهم بس تشيك غالى اما الباقى بلاش

صراحه يلحق كلام الناس يضيع

[ابن قطر]

الكروزر صار في دم الشباب الكل

يبغي كروزر

[العذبي]

المشكله اشتر وثاني يوم بيع بخساره

[làst çhàncè]

بال غالي

[الخبــره]

انطروا شركة البريمي


لين متى هلكوا العالم وهم ينطرون

[الخبــره]

الجي اكس 2010
ماتغير فيه الا الخطوط بس والرنقات والشبك نفس 2009
وسعره 175000 على ما اذكر من غير الخصم

الجي اكس ار 8 سلندر2010
ما تغير فيه الا الخطوط والشبك القدامي صار قليت بس والرنقات نفس 2009
وسعره 201000 من غير الخصم

الفي اكس ار 2010
ماتغير فيه الا الخطوط والشبك القدامي والرنقات صاروا 18 يعني زودو 1 انش
بس هذا التغير ما ادري عن سعره كم وصل

[gxr o.z]

يا شباب على الأقل الكروزر تشتريه تضمنه ١٠ سنين قدام...مب مثل بعض السيارات سنتين والمشاكل تبداء!!
بخصوص المواصفات
اللي يبيم مواصفات عدلة ياخذ في اكس ار
نظام الزحف
نظام الabs المطور اللي يعطي يشتغل على كل التضاريس ويعطي قوة معينة للبريك لكل نوع من التضاريس
نظام التعليف المطور اللي يخلي الكروزر اريف...ويخف من نسبة الأنقلاب ويخلي الموتر اثبت في الشارع ويساعد في البر وعلى بقاء العجلات الأربع على الأرض مهما اختل التوازن في المركبة او في الأرض..
والكثير من الأنظمة الأخرى يكفي انه خلال الحمس سنوات جربوا الكروزر حول مليون كيلو وجربوه في اشد واصعب التضاريس والأجواء
بعدين لحد يقارن اليوكون بالكروزر
اليوكون موتر عايله والكروزر موتر عملي بر بلاد كرف تحميل لين مايصك العداد مليون
تحياتي

[يريور]

اي والله غااااااااااااااالي

ما ادري عبدالغني وين يبي يوصل بسعر الفي اكس ار


اظن بعد عشر سنين بيكون اغلى من المرسيدس