المساعد الشخصي الرقمي

مشاهدة النسخة كاملة : اسوء شركة للابواب....



دلوليانوز
16-08-2009, 02:03 PM
من اسوء شركات الابواب..


واسوء تعامل..وادني شغل..وعدم احترام للتفاقيات..او العقود


عقد من 25-1-2009 لين اليوم ما خلصت الابواب

ويقولك من شهر من توقيع العقد..خراط..وقال لا اصبر لما اتخلص الارضيات..خراط..وعلى اساس انه الابواب جاهزة للتركيب..وعقب 3 شهور..اتصلت اسأل ع الابواب..طلع ولا مسوي شي..على الحل..وانا دافع نصف قيمة العقد 50%

بعد صراع مرير..جات الابواب..لا وخشب ابيض..ومع الفريمات خشب ابيض..لا مارندي ولا شي

قلنا الله بلانا..يالله انتعلم من الاخطاء

ركب الابواب..وخذا باب واحد فيه..زجاج..طيب..المفاصل ..متفق انها عليه..جابلي الاسوء..وارخص نوع..بالعربي نصب علي..

قلنا..نصبر

ورد اتصل..يبي باقي المبلغ..يبه خلص الابواب وعقب تاخذ الفلوس..ما يبي

قلت له..لا خلصت الديكورات..تعال..وسكت..وسكتنا
خلصنا الديكورات..
وعقبها في شهر 8 كلمته..تعال كمل الابواب..قالي يبي لي 3 ايام..واكون عندك..اوكيه

رحت له ودفعت بلغ تحت الحساب..لا خلص الابواب سلمته الباقي بالكامل..خذاهم..وقال عقب 3 ايام..

ونطرت..وعقبها..بدا المسلسل

ما يرد..يوم...ويومين...وثلاث...وصلنا للاسبوع..يرد مره..ويأجل كم يوم..وعقب ما يرد..وخذينا رقم المدير..الخديه..لا ومن الحريري..بعد..طل عليه وعلى شغله
ما يدري..وين الله حاطه..عمري ما شفت مدير..مسلم امر شركته في يد العمال..متى ما يروحون ومتى ما يجون..

ولا واللي يقهر..قلت له..كمل شغلك..ولا ع المحكمه..يقولي رووح..انت ما دفعت كامل باقي المبلغ..قلت له..ما عندك عهد ولا ذمه..جيت بنفسي ودفعت مبلغ تحت الحساب..واكمله لا خلصت..ولا يهتم..ويضحك..كنه" حــرمــ.." المهم..قلت شوف..متى بيحون من الاخر..قال لا تعال انت وادفع الباقي..كامل شنو يضمن لي تدفع لي..قلت له انا احسن منك..

وقال بيجي السبت..قلنا انتهى المسلسل البايخ..وبتخلص الابواب..ابدا..جاوو السبت..وسو معجون..يا دوب لمسوا الابواب..وفكوهم من مكانهم..وعقب راحوا..طيب..جاء الاحد:...وينك يا شيسمونه..ما يرد
واتصله..يقول انا مطرش واحد..قلت له محد عندي..قال بشوف.. وانتظر ومحد كلمني..واتصل سكر جواله..يعني..ضغطي ارتفع..واحترق دمي..وأخرني عن تشطيب البيت..وابي اخلص قبل رمضان..بس هالكائن اللي ما يعرف الله..هو وعماله..طرشت مسج..وانتهيت الصفقه وقلت له طلعت مره مب رجال..


نصيحه..مني لكم..xxx للابواب.....ولا اتعامل معاهم..لانهم حراميه ونصابين
دفعت 7 الاف..من 10 وعلى شغل ما يسوى..والحياه تجارب
:anger1:crazycrazycrazycrazy:thumbdown:

جوال 11
16-08-2009, 02:06 PM
من أمن العقاب ساء الأدب

المزن الرياني
16-08-2009, 02:07 PM
الله يكون بعونك أخوي
بس ماشاءالله عليك ... عندك سعه بال كبييييييييره
انا ضغطي طلع وانا أقراا

بويوسف
16-08-2009, 02:14 PM
تمنع مثل هالمواضيع .. وياريت لو تطرحه بشكل عام بدون اسامي ..

فويرط
16-08-2009, 02:27 PM
الله يعينك عليهم
وعطني اسمها علشان ماطيح فيها

تدري ورانا تشطيب

salwa2009
16-08-2009, 09:44 PM
وعطني اسمها علشان ماطيح فيها

سما الوطن
16-08-2009, 11:37 PM
ياليت بعد لو سمحت اسم تلك الشركه على الخاص

لانني الآن في مرحله البحث عن شركه للابواب وأخاف اطيح معهم :)

qtr.2002
17-08-2009, 03:49 AM
اخوي بغيت اتاكد من اسم المدير هل تقصد عمر الحريري ؟

دلوليانوز
17-08-2009, 07:02 AM
اسم المدير..مش عمر

يبتدي بحرف.. هـ

وسندر مخي..كل اشوي مطرش مسج..يتدلع فيه..وكنه ما صار شي ويبي يرد يشتغل..حامض على بوز امه...
يشل اغراضه ويذلف

واسم الشركة يبتدي بحرف..نــ

وخرو عنها..ابرك لكم

دلوليانوز
17-08-2009, 11:13 AM
وقلعتهم من البيت...وكسرت وراهم جره..

قلعتهم...صج عيال حرام

الزيبق
17-08-2009, 11:30 AM
ياخي اقل شي اذا بتفيد الناس اللي بعدك اذكر اسم الشركه علشان ايكون في ميزان حسناتك وانا ما اعتقد ان ادارة المنتدى ترضى بهذا الشي اللي يصير وهذا منتدى للفايده واكرر واقول حط اسم الشركه

بوحماني
17-08-2009, 12:42 PM
الله يكون في العون

بوحارب
17-08-2009, 12:49 PM
تمنع مثل هالمواضيع .. وياريت لو تطرحه بشكل عام بدون اسامي ..

نفس هالأشكال مب غلط تفضحهم قدام الناس :secret:

بويوسف
17-08-2009, 12:59 PM
اخواني واعزائي .. عشان الفايدة العامة ماله داعي الاسامي على العام . شاكر لكم تفهمكم .

محمد11
17-08-2009, 01:41 PM
تمنع مثل هالمواضيع .. وياريت لو تطرحه بشكل عام بدون اسامي ..


اخوي بويوسف.....

نحن نكن للقوانين كل احترام وتقدير سواء في المنتدى او خارجه.... ولكن عندي تعقيب بسيط الله يجزاك خير، وين المصداقية والشفافية اذا هذا حق من حقوق المستهلك او الزبون؟؟؟!! يمكن تقول لنا ياجماعة على الخاص!!! لكن مع احترامي هذا تظليل وضد الشفافية يالغالي....
واذا لم يتم ذكر اسم الشركة، فهذا يعني انك حميتهم وضريت المستهلك، فهل انت كذلك؟؟ انا متأكد لا.

وانا متأكد اذا عملت استفتاء على هذا الموضوع صدقني %98 الى %99 راح يقولون لابد من ذكر اسم الشركة (شيك رد الاخوان) لحماية الناس من النصب والاحتيال، بغض النظر عن اي سبب يمنعك من ذكر الاسم.......! يكفي ان رب العالمين لا يرضى بالغش

وسؤالي لك:::: ماهي الفائدة من طرح هذا الموضوع بشكل عام اذا لم يتم ذكر اسم الشركة؟

هل هي مجرد قراءة للموضوع فقط أو استفادة للناس اللي تدور على منتج جيد بدون أي نصب واحتياااااااااااااااال؟

وأسف على الاطالة، وتقبل رأيي المتواضع

وعاش منتدى شبكة الاسهم القطرية والى الاماااااااااااام دائما

وكلنا قطر

أم وضحى
17-08-2009, 01:52 PM
اتمنى ذكر اسم الشركة


كلنا في مرحلة تشطيب .. ويا كثر النصابيين ..

الله يعدي مرحلة بنيان هالبيت على خير :(

hamoor4ever
17-08-2009, 03:21 PM
ماقول لك الا مثل ماقال اللبناني وحكمته ( الحكومه بدها هيك ) والله يعوضك خير وصدقني لا تشتكي وتعور راسج ماراح يسوون لك شي ربعنا مواضيع المخفي والحزام اهم من اي شي ثاني والله يعوضك خير

اسيرالدوحه
17-08-2009, 08:21 PM
السلام عليكم اخوي ...

الله يعوض عليك اخوي ...

جرب تكلم الكفيل القطري ...

او مندوبه ..

يمكن تجيب نتيجة ...

والعيار اللي ما يصيب .... يدوش ...

يعطيك العافية اخوي ....

تـاجر الـذهب
17-08-2009, 08:22 PM
لو تم ذكر اسم الشركة بيصير من حقه تقاضي ادارة المنتدى وهذا اكيد وعندها دليل معلن
اما احنا فما عندنا دليل معلن ومقبوض الي عندنا قصة صارت والهدف منها العبرة فقط

والي يهمه مصلحة منتدانا اتوقع يراعي القوانين والي بالفعل تصب في الصالح العام


عن نفسي بطلب اسم الشركة عالخاص من باب عدم الوقوع فيها

وبدون تشهير

qtr.2002
17-08-2009, 11:05 PM
ممكن اسم الشركه على الخاص

ذيب زكريت
18-08-2009, 01:29 AM
ليش ما تخلون الواحد المتضرر يذكر اسم المحل او الشركة عشان الباقي يحترسون

محمد11
18-08-2009, 11:53 AM
لو تم ذكر اسم الشركة بيصير من حقه تقاضي ادارة المنتدى وهذا اكيد وعندها دليل معلن
اما احنا فما عندنا دليل معلن ومقبوض الي عندنا قصة صارت والهدف منها العبرة فقط

والي يهمه مصلحة منتدانا اتوقع يراعي القوانين والي بالفعل تصب في الصالح العام


عن نفسي بطلب اسم الشركة عالخاص من باب عدم الوقوع فيها

وبدون تشهير



وهذا اللي مانبيه....

والقصد من الكلام مش تشهير على كثر ماهو تحذيييييير فقط وللمنفعة والبعد عن المحتالين

بس ارجوا من السادة الاعضاء التوضيح اكثر في قضية وضع اسماء، لانه هناك اكثر من موضوع تم ذكر اسماء ومحال تجارية كبيرة..... ليش جت على الابواب؟؟؟

مثال:

http://www.qatarshares.com/vb/showthread.php?t=289825&highlight=%CD%DF%E6%E3%CA%DF%E3+%E5%ED%DF+%C8%CA%D 1%ED%CF

صار الواحد مايعرف ايش يكتب او يشلون ينصح وينفع الغير.....

دلوليانوز
18-08-2009, 12:22 PM
اللي يبي اسمها ع الخاص

دلوليانوز
18-08-2009, 12:27 PM
تخيل..يوم رد بيشيل اغراضه..راد ع امل اني ارضي واخلي يكمل..يقولي واحد من عماله ..طبعا سلاسل..ولا صلاة ولا خوف من الله..يقولي..شو صاير عندك..قلت ولا شي...شيل اغراضك..وقالي..ليش طيب..قلت شيل اغراضك..بس...شيرد..يقولي احسن..تليته..من ظهره..وقلت شنو احسن...شنو تقصد...قالي ولا شي..بس احسن لك والينا...قلت...اها ..ع خير...شل اغراضك وانت ساكت..

وعقبها..قاعد المدير يطرش مسجات..ولا يتحسب الله..علي يقول خذيت فلوسنا..وما صبرت علينا..واهم شي مسكر موبايل...صج حرمه..لو اشوفه ما راح يصير طيب..

طرشت مسج..شديد اللهجه..وطبعا ممنوع اكته علشان خاطر الاداره..وارتحت منه

واي هندي يسوي الابواب..اريح

أم جود
18-08-2009, 01:46 PM
ممكن اخوي اسمه عالخاص

مسااااااااهم
18-08-2009, 05:56 PM
اي والله هذه الشركة عنوان للمماطلة والكذب جربتهم وندمت وفيهم بجاحة لما واجهة مديرها وقلت له ليه ما يرد على التلفون يرويني تلفونه وعدد المكالمات اللي ما يرد عليها وكلهم عملاء الشركة بس رزلت فيه لين شفيت غليلي
وركب الابواب وما خليت ولا عامل يطلع من البيت الا بعد التركيب وشيكت عليهم شغل زي الزفت
بس تجارب نتعلم منها

دلوليانوز
18-08-2009, 08:51 PM
ابي اعرف الاداره سامحه ل ناس..بالمنتدى تذكر اسم الشركة..وفي موضوع اهني بالقسم الاقتصادي وغيره بالعقار..اما لنا ليش لا؟؟؟

بويوسف
18-08-2009, 11:17 PM
اخ دليالونز رجاء اذا عندك اي ملاحظة ترسلها للادارة .. المواضيع العادية مش مكان للشكاوي ..

فالرجاء الالتزام بقوانين المنتدى.

ذهب
18-08-2009, 11:32 PM
الحمد لله على السلامه ؟ تراني اقرآ و اكل جبس عمان وعضيت على لساني من القهر انا بروحي عصبي وتحرني هلمواقف الله لا يوفقه # وسلامتك

abdulla999
18-08-2009, 11:39 PM
اخوي المفروض ترويهم العين الحمراء من البداية ولاتدلعهم من اول يوم يحدد يوم التسليم ومايجي تروح الشركة وترقدبهم وذايسجل يوم الي يركب فيه الابواب وتاريخ التركيب يتخلف يوم تشتكي عليه

دلوليانوز
19-08-2009, 01:16 PM
يا خوك..في مثل..يقولك اذا مصلحتك عند ال دوج,.,,قوله يا سيدي


يعني..لين اليوم ادعي عليه...الله لا يبلغه رمضان..يا رب..واللي خذاه..جعله يتسرطن فيه..يا رب

مثل ما نصب وسرقني انا وغيري كثير..ولو يجوز لي شوفه..ما برحمه ابد