خبر عاااااجل عن اسهم الناقلات.

[عبدالمحسن]

السلام عليكم ورحمة الله وبركاته

اسعد الله اوقاتكم بكل خيـر ،،



هناك معلومات شبه مؤكدّه ، واتمنى بأن تكون اشاعه . بأن سعر السهم راح يكون بـ 25 ريال .

اتمنى منكم الشراء وليس البيع، وذلك لأرتفاع الأسهم بكل تأكيد خلال 6 شهور القادمه.

ومن لم يستطع الشراء غدا . لايعرض اسهمه للبيع الا بسعر يزيد عن الــ 100 .



تحياتي للجميع

[السهم الفضي]

طير بس طير
صح النوم

[السهم الازرق]

اخوي عبدالمحسن ..

الاشاعات ما تحدد سعر سهم في اول يوم له في البورصه ..

العوامل اللي تحدد السعر هي العرض والطلب في اول يوم ..

و على اساس هالشي يتحدد السعر المبدئي للسهم

[صراف]

اخي خبرني احد الاشخاص كان متواجد بااحدى مكاتب الوساطه اليوم بأن الكثير عارضين اسهمهم على 150 و 200 يمكن يغيرون رايهم ويعرضونها 90 او 100 ............ لكن 25 مااضن احد بيعرض يخليها ازينله.

[almazam]

انا صادفت احد الاخوان يبي يعرض ب 30
تجرأت وسألته
رد على بكل هدوء
ياأخي انا ربحان
حرارتي قامت بغيت اعضه
بس عطيتة كلمة قوييه

[مستثمر طموح]

مفروض الاشكال هذي ما يخلونها تكتتب عارض ب 30 عارض بسوق الخضرة الاخ بدال ما يفكر في مصلحة
الكل يفكر في نفسة وبس قاهرني اذا الناس متفقة تعرض اكثر من 70 اشحقة يعرض ب 30
ما اقول الا يا مال ....... انت واشكالك

[إنتعاش]

حسب اتصالي ببروكر احد البنوك في البورصه

اساله عن الوضع وشلون الاسعار ؟


ذكر لي ان الاسعار متفاوته منها الطالع والنازل

ولكن المتوسط العااااااام للعرض ( 100 ريال تقريبا )

[almazam]

انشالله يكون المتوسط 100
اهم شي هو سعر السهم يوم الاحد

[مستثمر طموح]

لا اخووي انتعاش لا تخلينا نحلم ب 100 اخاف تحت 45 وتكون الضربة القاضية لصغار المستثمرين
حتي الامل انزووعة منا

[عليان]

اليوم يا أخواني في الفتره المسائيه , في أحد المندوبين الأجانب في إحدى الشركات طلب كميه محترمه (300,000 سهم) لأحد الحيتان ب 22 ريال , وشنو بعد قال والله والله كتير اوي اوي بس اعمل ايه يا جماعه انا نصحت الريس وقلتله ب 18 ريال و هو مسمعش النصيحه و قال لا ما فيش مشكله الخير كثير,,,,,,,,,,,,
أقول والله انها طامه و كارثه بالنسبه لصغار المستثمرين الخوافين المديونين الجاهلين بامور السوق والاسهم.

[كحيلان]

الجبان يعيش ويموت وهو جبان عكس الشجاع صدقوووووووووووووووووووووووووووووووووووووني صدقوووووووووووووووووووووووووووووني تخويف لضعفاء

[مستثمر طموح]

اقل سعر في البورصة اكثر من 45 من المغفل اللي بيعرض اقل من 40 اما هذا اللي حاط طلب ب 22
شكلة يمزح معاكم يعرفكم يااهل قطر تحبون المزح

[رحال]

أخوي عبد المحسن توك عضو جديد في المنتدى اغتشينه في اخبارك عبالنه عند ك سالفه الخباز اللي في فريجنا لو

يطرح مخبزه للا كتتاب هل الا يام مب بهل السعر ، فديتك هذي ناقلات الغاز أبوي وصاحبة أكبر اسطول في العالم

وشغلها كومبليت لمدة 25 سنه 0000 أتمنى تشوف لك منتدى ثاني تنكت فيه !!!

[عبدالمحسن]

السهم الفضي,,,

لاهنت وتسلم على الذوق..

بالنسبه لي اتمنى توصل 1000

ولكن انا انبه .. لو طرحت بقيمة 25 الى 35 .. فيا ليت يتم الشراء من قبلنا ..


لأنني اتوقع بان تتصاعد هذه الاسهم خلال 6 شهور


تحياتي

[عبدالمحسن]

السهم الأزرق

تسلم على مداخلتك ..


واتمنى تكون فوق 100


تحياتي

[عبدالمحسن]

اخوي صراف


تسلم على المداخله


تحياتي

[عبدالمحسن]

رحال

تسلم على الاسلوب الراقي


تحياتي

[سعادة الوزير]

والله الاشاعات وصلت لمرحلة كشف الغيب بعد!!!

[عبدالمحسن]

سعادة الوزير


اتمنى تكون اشاعه

[الشقيان]

اخوووووووووووووووووووووووووووووي الرحــــــــــــــــــــــــال

والله انك صــــــــــــــاج اخووووووووووووووووووووووي

وانا كنت برد نفس الرد اخوووووووي بس انت سبقتني اخوووووووووووووووي

[motairwb]

يا جماعه الله عرفناه بالعقل
الهوامير قاعدين يجمعون بالسوق السوده
60 الى 100
تعتقد ماراح يجمعووونه بالسوووق في حدوود هالسعر
السهم رايح الى 200 مثل السلام عليكم
انا اقول السهم راح يووصل فوووق 100
في هذا الصباح
محافظ راح تجمع هذا السهم شركات وتجار ورأسا اموال
مووو مثل حلاتي وحلاتك

[عبدالمحسن]

ياناس انتوا شفيكم تحاملتوا علي !!!


انا الحين جاي احذر من البيع وتحذرون اللي تعرفونهم .. وأوصيكم اذا فيه عرض بهذا السعر المتدني الشراء!!

لأني متأكد من تقديم طلبات عرض للبيع بسعر 25



واتمنى اتمنى ان السعر يكون عالي .. لأني اول المستفيدين


تحياتي

[ابوسعود]

بصراحه اتوقع السعر من 80 الى 100

واليوم انشاء بسوي امرين

بيع بــــــــــ 100

وشراء بــــــــ 40

والله يوفق الجميع الى مايحبه
ويرضاه

[شهبندرالتجار]

اخوي عبد المحسن
حقيقة طلعت جنتل وايد في ردودك عجبتني
ومعليك من المقديمن بهذه الاسعار فمنهم الغشيم ومنهم اللي يبغي يستوي ذكي وياخذ برخيص
بس هذه اللي لقي واحد بيعرض على 30 ريال اشلون استحملت اتسولف وياه .... ؟
تحياتي للجميع

[مزيون_قطر]

الله لايقول انشالله لو منك اقوله ياخي تحمل ترى الاشاعه عليها محكمه هههههههه وشوف شنو بيرد عليك .

[Banana]

:) الاحد اللمت 73,50 اللي يبقي يبيعه فوق 100 يصبر


:) ويسلم لنا بومشعل راعي المكرماتي :)

[قطر9111]

:) الاحد اللمت 73,50 اللي يبقي يبيعه فوق 100 يصبر


:) ويسلم لنا بومشعل راعي المكرماتي :)
تسلمين على المعلومه واتمنه انج ماتندمين على بيعتج اليوم

[السيف المهند]

أي 20 وأي 30 وأي 70 ....ياجماااعة على قولت أحد الأخوان إحنا في سوق الخضرة ..




هذه ناقلات والأجر على الله ...



روحوا شوفوا سوق الأسهم السعودية وين واصلة الأسهم وبتكتشفون إن أحنا جالسين نبيع ببلاش للغير ...

[عبدالمحسن]

اشكر كل من تداخل في الموضوع

اخوي شهبندر التجار شاكر لك إطراءك



تحياتي لكم