تسريب الزيت

[جوال 11]

ممكن أصحاب الخبرة يدلونا محل لتصليح السيارات لتسريب الزيت من المكينة أو القير وللعلم السيارة gxr 2004 بس شغل تمام .
ولكم كل الشكر

[هذلان]

دكا شارع ١٠ في الصناعيه

[جوال 11]

دكا شارع ١٠ في الصناعيه

جزاك الله خير

[العنيد000]

دكار شارع 10 شغله فووق التمام

من واقع تجربه


تحياتي لك

[al-erada]

دكا ولا دكارررررررررر

[مستثمر 999]

دكا ولا دكارررررررررر

دكا ودكار كراجين مختلفين

دكا اقدم

والكراجين في شارع 10

والانصاري بعد زين شارع 18

وكراج الربيع شارع 24

والشركه الايطاليه ....موسى شارع سلوى عند دوار الجزيره

بس اعتقد المشكله عندك في الصوف يمكن صوة القير او المكينه

[غبيش]

ممكن أصحاب الخبرة يدلونا محل لتصليح السيارات لتسريب الزيت من المكينة أو القير وللعلم السيارة gxr 2004 بس شغل تمام .
ولكم كل الشكر
مرحبا اخوي
عندك محل المعمورة على خط سلوى وانت جاي من الدوحه قبل دوار الغانم على اليمين
شغله نظيف
تحياتي

[جوال 11]

العنيد000 ،al-erada ،مستثمر 999 لا،غبيش
جزاكم الله خير
وما قصرتوا ، قصر عنكم الشر
ولكم تحية

[My Trip2]

روح اي كراج في الغرافه على مأظن ان التهريب الي عندك اهو الصووفه وهذي يبدله لك اي كراج

[هذلان]

احقاقا للحق اخوي .

انا مدحت لك دكا و اثنو عليه الشباب . ولكن فيه ملاحظه بسيطه ابي اقولها عشان ابري ذمتي

عندي نيسان قديم البلك مال المكينه طار من مكانه . وديته دكا قالي بيكلفك ٩٠٠ ريال قلت له اوكيه . قالي اخوي الاصغر اصبر بوديه كراج ثاني اعرفه ذاك رفيجي لاني اعتقد الموضوع مايحتاج فك هد المكينه مثل ماشرح لي صاحب الكراج . و فعلا رحت للكراج الثاني و صدمني يوم قالي مايحتاج استقبل سيارتك من الاساس ود سيارتك لمحل التورنه بيسوون البلك و كل شي في مكانه بدون فك ولا خرابيط و سووه لي بـ ٢٥٠ ريال .
وكراج دكا قالي ٩٠٠ ريال هذا شغلي بس بدون تورنه.

الموقف الثاني و الموقفين لكلم قريب يعني الايام الي فاتت.

عندي نفظه (رقله) في سيارتي و وديتها دكا بعد مامريت كل المتخصصين في قطر الي يعدلون ميزانيه الرودات . فحصها و قالي يبيلك بوشات الركب و غيرهم لي القطع كانت بـ ٨٠٠ ريال و التركيب كان اقل من هالمبلغ بشوي مايظرني .
والسياره طلعتها من عنده اوكيه .. بعد يومين رجعت اخس من قبل .
رحت للوكاله مال قطع الغيار و قلت له عطني جميع الرودات و البوشات الموجوده في السياره ؟؟ قالي ليش ايش الخربان عندك قلت له ما ادري .. قالي بدلك على شخص روح له وهو بيحدد ايش الخربان و بيقولك بدله.
سمعت كلامه و رحت لكراج صغير جدا و قلت له اني بدلت الربلات و البوشات الي في الركب قالي مايحتاج مستحيل تسويلك مشكله و فحص السياره و طلع الرود الخلفي هو الخربان. بدلته مع جامبين الرود و انحلت المشكله بفضل الله .

هذيلا الموقفين الي صادوني و كان كراج دكا كلامه خل نقول غير دقيق وخسرني
ولكن كان تركيبهم زين .

[qatari-vip]

روح كراج دكار

شارع عشره وانت جاي من وكاله النيسان يتكون على ايمينك وكاله النيسان وقدامك الدوار اطلع سيده بتحصل كراج دكار على يسارك

[فلفل حار]

سواء القير آو المكينه يليكون
لازم ينزلون لكـ الدبل عشان يوصلون له


تبي نصيحة اخوو :nice:
سوها بالوكاله آبركـ وخاصة لو كان موتركـ بيتم عندكـ سنين قدام
وخلهم ينزلون قازقيت القير من تحت ( مب آلي تحت البانه ) وينظفون لكـ مخ القير مره وحده

خذ موعد من الصناعيه وشوفهم متي يخلصون وودها بآقرب وقت لانه ان دخلنا رمضان وماوديتها بتتعطل ... ( كل الناس آلي قاطين مواترهم يبونها قبل العيد :rolleyes2:)

وآذا ماتبي الوكاله خبرني وبسأل لكـ عن كراجات ثانيه ... مع آني لو مكانكـ بوديها الوكاله لآنها صارت لي من قبل وفعلاً وديتها


ولاتقول فرق السعر غالي عن الكراجات ... والله لو ماتفرق الا كم 100 ... وبتكون حشمت عمرك عن نصب الكراجات واحتيالهم لآن اذا ماتعرف بالمواتر بيقصونكـ قص وبيطلعون بموتركـ علل ثانيه بيكرهونكـ بالموتر

خلكـ على الوكاله آضمن والله


والله يكون بعونكـ :)