نرجوا من وزير التربيه والتعليم بايقاف الدراسه برمضان بالمدارس الاجنبية والخاصه

[الطيبة كلها]

كما تعلمون اخواني وخواتي الكل خايف من مرض انفلونزا الخنازير وهو منتشر بكل الدول حتى عندنا والناس بترجع من السفر قريب ومدارس عيالنا الخاصه والاجنبيه بتبدئ ب 10 من رمضان والله يحفظهم من هذا المرض فالاختلاط بيكون خطير جدا لازم اللي راجعين من السفر ما يختلطون مع الغير وبالاعداد الكبيرة بالمدارس خوفا من هذا المرض ياريت وزيرنا يصدر قرار بجعل الدراسه بعد العيد لان لو غابوا عيالنا بتفوتهم الدراسه وهم ما يرحمون امتحانات على طول كل فترة امتحان صراحه انا بغيب عيالي اخاف عليهم بس افكر بالدراسه اللي بتفوتهم لكن لازم بغيبهم صحتهم اهم بس اكرر لازم يأخرون الدراسه لما بعد العيد تجبنا لانتشار المرض

[الشقيان]

ان شاءلله خيـــــر

[كشكول]

صراحه المفروض كل المدارس تبدأ بعد العيد ولازم تصدر الوزاره قرار يشمل المدارس الخاصه
حالهم حال المدارس الحكوميه

[شمس الاصيل]

يارررريت والله احنا مدرسات عندنا دوام 12 - 9 مادري ليش بنداوم خمس ايام وبعدها اجازة العيد

[ساحر البسمة]

الله يسمع منكم

[الطيبة كلها]

نتمنى يأجلون الدراسه حمايه لصحه اولادنا ترى المسأله مب هينه

[E L L E]

ومنا للوزاره

[فزعـــــ قطر ـــــة]

http://www.uaekeys.com/fwasel/www.uaekeys.com27.gif
نضم صوتنا لصوتكم حماية لعيالناااا من انتشار المرض
http://www.uaekeys.com/fwasel/www.uaekeys.com27.gif

[سيدة الخليج]

ايه صح ياليييييييييييييتت <<<<<رغم اني من السعوديه :)

ولكن كلامك صحييييح 100%

[سيدة الخليج]

ايه صح ياليييييييييييييتت <<<<<رغم اني من السعوديه :)

ولكن كلامك صحييييح 100%

[rehlat-alema]

يقـال في السعودية //تأجيل بداية الدراسة للعام القادم إلى مابعد نهاية موسم الحج


كمـا في الامارات تأجيل الدراسة في المدارس الحكومية إلى مابعد رمضان قررت وزارة التربية والتعليم تأجيل العام الدراسي 2009 / 2010 للمدارس الحكومية والخاصة

[الطيبة كلها]

ان شاء يطبقونه عندنا وبسرعه لان الدراسه ب10 رمضان

[أم جود]

اي والله اخواني كلهم فمدارس اجنبية

الله يحفظهم

[فلان]

اذا كان في قرار راح يطلع بخصوص هالشي نتمنى يكون موعده يوم واحد قبل بداية المدارس الخاصة عشان الأجانب يكون مداهم يرجعون والمصاب بالإنفلونزا يمديه يتعالج ....

سواء في قرار أو مافي قرار عيالي ماراح اخليهم يدامون الا بعد العيد :nice:

[Gentleman]

تأجيل شهر مب كفاية.
التطعيم ما راح يكون متوفر لين نهاية السنة على الأقل... يعني بالنسبة لانتشار المرض ما راح تفرق إذا الدراسة تبدأ قبل رمضان أو بعد رمضان. حتى يمكن بعد رمضان الوضع يكون أسوأ بكثير.
على فكرة ولدي في مدرسة كامبردج والدراسة عندهم تبدأ بعد العيد 27/9 والتاريخ تحدد من شهور قبل الكشف عن المرض وقبل إعلان الوزارة.

[hussam-ahmed]

ارجو ان نقوم بالمطالبة بذلك بل وسائل الأعلام لأنها فعلا امر مهم و مقلق خصوصا للمرحلة الأبتدائية حيث الأطفال لا يعون طريقة تلافي المرض

[عين قطر]

عجزنا واحنا نطالب مدرسة الخليج الانجليزية وقطر العالمية بتأجيل الدراسة كتبنا في الجرايد كلمنا ادارة المدرسة
ولكن
لا حياة لمن تنادي
المفروض وزير التربية والتعليم يأخذ قرار وتعميم بتأجيل الدراسة
كلمنا التعليم الاهلي مافي حد يرد
كلمنا وزارة التربية والتعليم مافي فايده الكل عنده اجتماع او مشغولين ما يردون شدعوه كل يوم اجتماع
لاحول ولا قوة الا بالله

[فلان]

عجزنا واحنا نطالب مدرسة الخليج الانجليزية وقطر العالمية بتأجيل الدراسة كتبنا في الجرايد كلمنا ادارة المدرسة
ولكن
لا حياة لمن تنادي
المفروض وزير التربية والتعليم يأخذ قرار وتعميم بتأجيل الدراسة
كلمنا التعليم الاهلي مافي حد يرد
كلمنا وزارة التربية والتعليم مافي فايده الكل عنده اجتماع او مشغولين ما يردون شدعوه كل يوم اجتماع
لاحول ولا قوة الا بالله

تاريخ الخبر: 15:43 2009/08/05 رقم الخبر: 0078

الدوحة في 05 اغسطس /قنا/ أصدر سعادة السيد سعد بن إبراهيم آل محمود وزير التعليم والتعليم العالي الأمين العام للمجلس الأعلى للتعليم القرار رقم /10/ لسنة 2009 بتحديد مواعيد الدراسة والاختبارات والعطل في مدارس قطر المستقلة وشبه المستقلة بجميع المراحل للعام الدراسي 2009 / 2010.



ونص القرار على ان يكون بدء دوام الطلاب للعام الدراسي 2009 / 2010
* صباح يوم الاحد الموافق لـ27 سبتمبر 2009 للمدارس النهارية المستقلة وشبه المستقلة والخاصة ،
ومساء يوم الاحد الموافق لـ27 سبتمبر 2009 للمدارس المسائية.

لكن المدارس الخاصة مايهما قرار الوزير

[وزارة العدل]

ان شاء الله خير:rolleyes2:

[الطيبة كلها]

يعني في قرار من الوزير بس ما يطبقونه المدارس الخاصه ليش محد يوصل الخبر للوزير خاصه الشويفات اي شئ نقوله لهم يردون

احنا مدرسه دوليه


لوعوا جبدنا بهاي الكلمه - وياليتهم يحسون باليهال اللي بعز الحر والرطوبه يخلون عيالنا بالحوش تحت لواهيب الشمس الله ياخذهم وهم داخل عند المكيفات بفلوس وبعد عندهم عيوب بمدرستهم

[بو عبدالرحمن السهم]

نضم صوتنا لصوتكم وبقوه

[black@white]

انا معاك وباقي 10 ايام وبتفتح المدارس ولا في اي صدى للصوت

[رحال]

مازلنـــا نرسم الآمال الكثيرة على هذا الوزير

الذي حتى هذه اللحظة " أبقى الحال على ماهو عليه "

ماعدى قرار الرسوم التي فرضها على المقيمين وسرعان

ماتراجع في قراره ، أملنا كبير فيه والله الموفق ...

[الطيبة كلها]

اعلن لكم اني ما راح اودي عيالي المدرسه برمضان صحتهم اولى خل نتعاون احنا وغصبن عنهم بكنسلون الدراسه برمضان من الثاني اللي ما راح يودي عياله يلا

[الطيبة كلها]

افا وينكم

[ANONYMOUS]

افا وينكم



انا بعد..

بس اول يوم بروح اجيك ع المدرسه.. وبكتب المدير تعهد.. ان لو صاد عيالي شي.. المدرسه مسؤوله من A to Z

عشان يخاف.. ويعطيهم اجازه من عنده :)

[الطيبة كلها]

يمكن المدير نفسه بيمرض اي تعهد غيبوهم لو اسبوع ببدايه الدراسه - الشويفات نصهم مسيحين بيجون قطر قريب العاشر من رمضان يعني على طول بيدخلون المدارس وخذ يا عدوى لا يبه نو نو نو نو سكول