المساعد الشخصي الرقمي

مشاهدة النسخة كاملة : ممكن استفسار عن مخالفات البلدية للبنيان


حسين بن عاقول
17-08-2009, 10:58 AM
صباح الورد .....
حاليا بصراحة ابني بس ابي اغير شويت حااجات بالمخطط....
ابي اعرف اذا غيرت جهة الباب مثلا
زودت متر ونقصت متر غير عن المخطط
شالمخالفات الي تترتب علية؟؟؟؟
Qatar Flash
17-08-2009, 12:53 PM
صباح الورد .....
حاليا بصراحة ابني بس ابي اغير شويت حااجات بالمخطط....
ابي اعرف اذا غيرت جهة الباب مثلا
زودت متر ونقصت متر غير عن المخطط
شالمخالفات الي تترتب علية؟؟؟؟


اول شي تجيب خريطة جديده من المهندس موضح فيها جهةالباب الجديدة وتاخذها للبلديه تعتمدها
وجذي ما يكون فيها مخالفه
كأس2022العالم
17-08-2009, 04:22 PM
اقوووول خذ راحتك اخوي في التغيرات البسيطه مثل تغير الابواب

اسألني انا مجرب والشباب في البلديه مايقصرون وانا اخوك ... وبتوفيق لك ان شاءالله
حسين بن عاقول
18-08-2009, 08:16 AM
ما تقصرون والله
الله يعطيكم العافية
لا انا بس شويت تغييرات بسيطة جهة الباب بس من هالامور ....
رحال
18-08-2009, 02:46 PM
خذ خارطتك وأعمل عليها التغييرات وأعتمدها من البلدية

وماراح يقصرون معاك طالما أن البيت لسكنك الخاص
اسيرالدوحه
18-08-2009, 04:03 PM
اذا ابواب داخلبة ... مافيها شي ...

اذا ابواب المداخل ... لازم تاخذ موافقة مسبقة من البلدية ,...

واذا كان الباب فالسور ... فهذا لازم تاخذ موافقة من البلدية اكيد ...

الطريقة ... تعدل الخرايط ... وتاخذها ... التخطيط العمراني ...

خذ معاك 3 نسخ من التعديل الجديد ... مع المخطط القديم .. ورخصة البناء ...

وهناك فالتخطيط العمراني ... راح يختمون على التعديل الجديد ... وياخذون نسخة ,...

وانت احتفظ بالباقي ...

ولما تطلع اتمام البناء ... ويجيك المهندس البيت للمعاينة .,.

قوله انه عندك موافقة على التعديل ...

وعطه نسخة من التعديل مع ختم وتوقيع التخطيط العمراني ...

هذا اللي سويته انا ... بالضبط ...

واتمنى لك التوفيق اخوي فالبنيان ..

واذا اردت اي مساعدة ... نصيحة ...

انا حاضر ...
ANONYMOUS
21-08-2009, 02:15 PM
عشان تضمن..

عدل ع الخريطه واعتمدها من الجهات المختصه

مايسوى عليك التأخير وحب لخشوم في اخر الايام