حد من الاعضاء يشتغل في بنك قطر الوطني عندي مشكله ابي حل لها [الأرشيف]

مشاهدة النسخة كاملة : حد من الاعضاء يشتغل في بنك قطر الوطني عندي مشكله ابي حل لها

البحار00

17-08-2009, 04:37 PM

مشكلتي قبل شهر و5 ايام كنت راجع قطر بالسيارة وبطريقي مريت الحسى

وقفت عند جهاز الصراف الآلي لبنك سابا جنب فرعهم في شارع الماجد

المهم اني حطيت البطاقه وحاولت اسحب لي مبلغ والجهاز كان مقعد بالنسبه لي

ضغطت على زر مبالغ اخرى على طول اطلعت البطاقه ظناً مني ان المعامله رفضت

وعلى طول خذت البطاقه ومشيت بحكم ان الصراف يكون استخدامة واانا في السيارة

وبعد ماطلعت من الحسى وقطعت مسافه جاني مسج من البنك بخصم مبلغ 4866 ريال

بما يعادل 5000 ريال سعودي انصدمت من المسج وعلى طول كلمت البنك وشيكت معاهم

قالو لي امبين عندنا خصم المبلغ من حسابك

لاني اظاهر ضغطت على زر مبلغ ال 5000 ريال بدل مبالغ اخرى والسبب لان ازرة الجهاز

متباعده عن الاختيارات الي في الشاشه

والحين من يومها سويت مطالبه للمبلغ ولاجاني اي رد وكل ما اشيك مع البنك يقولون لي مافي

اي رد من البنك الي في الحسى

لاني متأكد لو طلع المبلغ من الجهاز وانا مااستلمتة بيرجع في الجهاز بعد ثواني

ويومها مافي حد كان واقف وراي علشان يلحق يسحب المبلغ بس الي ابي اعرفه الحين

المبلغ وين راح هل رجع في المكينه او حد لحق يستلمة من وراي

وانا امفوض امري الى الله ان ارجعت الحمدلله والشكر لك يارب وان راحت جعلها فدوة عني

وعن هلي وعيالي

وآسف على الاطاله

ودي أكون

17-08-2009, 04:43 PM

لا حول ولا قوة الا بالله ..

الله يعينك والله اخواني .. وانتمنى ان يكون معانا موظف ويقدر يساعدك حتى لو بالخاص ..

مال حال ان شاءالله مايضيع وبيرجع لك عاجلا غير تجلا ان شاءالله ..

البحار00

17-08-2009, 04:46 PM

لا حول ولا قوة الا بالله ..

الله يعينك والله اخواني .. وانتمنى ان يكون معانا موظف ويقدر يساعدك حتى لو بالخاص ..

مال حال ان شاءالله مايضيع وبيرجع لك عاجلا غير تجلا ان شاءالله ..

جزاج الله خير اختي بنت المرحوم

وان ضاع في الدنيا ما يضيع عند رب العالمين في الآخرة

مستثمره جديده

17-08-2009, 04:54 PM

ان رجعوها لك فبركه من الله وان راحت عليك فالله يعوضك خير .. خسارة المال ياخوي ولا خسارة الروح ..

دعواتنا لك بالتوفيق

واقعي وصريح

17-08-2009, 04:57 PM

حط لي رقمك ع الخاص وانشالله خير

البحار00

17-08-2009, 04:59 PM

ان رجعوها لك فبركه من الله وان راحت عليك فالله يعوضك خير .. خسارة المال ياخوي ولا خسارة الروح ..

دعواتنا لك بالتوفيق

يوفق الجميع اختي الكريمة

وانا مب هامني في الموضوع الا شيء واحد وين راحت الفلوس

واهمال البنك في السعودية رد حقوق الناس

البحار00

17-08-2009, 05:03 PM

حط لي رقمك ع الخاص وانشالله خير

اخوي شيك الخاص وجزاك الله خير

البحار00

17-08-2009, 05:17 PM

كلموني قبل شوي بنك قطر الوطني

وقلت لهم مشكلتي وقالو لي بكره الصبح بنرد عليك

المستحيله

17-08-2009, 06:05 PM

السلام عليكم ورحمة الله وبركاتة

حصلت معي نفس المشكله بلندن ولا حياة لمن ينادي كلمتهم مره قالوا لي الرقم محجوز وراح ينفك بعد 21 يوم وبعدها مارجع شي قالوا لي اصلن من يقول المبلغ محجوز قلت لهم ماسحبت حاولت اسحب من منطقه القطار من ماكينه بنك رويال بمحطه قطارات لندن وماطلع شي جلسوا يتعذرون جيبي لنا عنوان الماكينه بالضبط واليوم والوقت ومدري آيش قلت لهم مااعرف اعرف انها ماكينه رويال ولا صار شي جلسوا يماطلون على الفاضي قلت منه العوض وعليه العوض وبلا المراكض وراء الوطني ومذلتهم

ابـو مــحــــمـــــد

17-08-2009, 06:38 PM

اخوي العزيز

نفس المشكله صارت معاي في تاريخ 10/4/2009
وبلغتهم في المشكله وكنت كل اسبوع اتصل فيهم
استفسر عن الموضوع وبعد شهرين وعشرة ايام رجع المبلغ في حسابي
فـ خلك متواصل معاهم وان شالله راح يرجع المبلغ لحسابك مره اخرى ولكن التعطيل من البنك في السعوديه

ذيب زكريت

17-08-2009, 06:46 PM

الله يعوضك واعتبرها صدقة او زكاه لو ضاعت

البحار00

17-08-2009, 10:37 PM

اختي المستحيلة الله يعينج ويعوض عليج

اخوي بومحمد لاتوصي انا اسبوعيا اكلمهم

اخوي ذيب زكريت انا امفوض امري الى الله وهذا رزق من رب العالمين ماضاع الا بيجيني الاكبر منه من عنده سبحانة

البحار00

19-08-2009, 12:44 AM

بنك قطر اتصلو لي يوم كتابتي للمشكله في المنتدى وقالو حنا بنحل مشكلتك ثاني يوم

وجا ثاني يوم ولا شفت رد منهم اتصل حق الموظف ويصرفني يقولي نص ساعه وبتصل فيك

امحق بنك

يتروالي احط فلوسي في البيت ابرك

واقعي وصريح

19-08-2009, 01:19 AM

واقعي وصريح

19-08-2009, 01:20 AM

المستحيله

19-08-2009, 02:23 AM

الله يجزاك كل خير اخوي واقعي صريحي تم التواصل مع بنك قطر الوطني وعدوني خير وقدموا لي شكوي على بنك رويال بلندن والموضوع اقل شي يبي له 40 يوم يااخوي البحار صارت مع وحده من الاهل جايه زيارة من السعوديه وكانت تطلع تذكره من القطريه وسحبوا عن طريقه البطاقه وكانت متحوله لفيزا وعشانها بااسم والدها رفضوا القطريه توقيعها والمبلغ راح انسحب وخذوا كاش وتواصلت مع البنك وبعد 40 يوم رجعوا لها المبلغ

واقعي وصريح

19-08-2009, 02:29 AM

خــطــافــ

19-08-2009, 02:31 AM

صارت لي مشكله شبيهه بس في الفيزا وفي كوالالمبور وعن طريق المصرف وتم ارجاع المبلغ بعد 3 اشهر

الصبر مفتاح الفرج

فلفل حار

19-08-2009, 01:44 PM

الله يكون بعونكـ ...

MeMe MoOoON

19-08-2009, 04:05 PM

مشكلتة اكثر الموظفين مايدرون وين الله قاطهم بس مرززين بالمكاتب على الفاضي خخخخ

Abdulla86

19-08-2009, 04:34 PM

الشيخ اترك لي رقمك علي الخاص
وابشر بالخير

s4qatar

19-08-2009, 06:18 PM

حصل لي نفس الموضوع في المارينا مول إللي في الدمام في مكينة بنك سامبا .. خصم المبلغ ولا طلعت الفلوس .. كلمت بنك قطر قالو لي خلال أسبوعين بترجع لك الفلوس .. وأنا نسيتهم .
لكن بعد 3 شهور تقريباً رجعوها في الحساب .

مليونيره

19-08-2009, 06:36 PM

الله يعوضك خير

البحار00

01-09-2009, 12:44 AM

يا خوي موضوعك ياخذ 50 يوم لان السحب من برع البلاد

عدينا الخمسين يوم

وخبر خير يا بنك قطر لا شفت فلوسي ولاحتى الي صار فيها

كل ماكلمت حد في بنك قطر اقوله اراجع من ولا من الي يقدر يفيدني اكثر

يقولون مانعرف

علموني من الي يعرف؟؟؟؟؟؟؟؟؟؟؟؟؟؟؟؟؟

نشميّه

01-09-2009, 05:16 AM

اخوي صارت لي نفس المشكله ف لندن وكنت ساحبه من atm البنك العربي
وجاني مسج بالمبلغ المخصوم رجعت وكلمت بنك الدوحه ونسوا السالفه اتصلت لهم أكد عليهم
شصار ف الموضوع؟ قالوا ايه بنشوف .. يومين الا الفلوس ف حسابي
وماضاع حق وراه مطالب ..

المستحيله

01-09-2009, 07:51 AM

عدينا الخمسين يوم

وخبر خير يا بنك قطر لا شفت فلوسي ولاحتى الي صار فيها

كل ماكلمت حد في بنك قطر اقوله اراجع من ولا من الي يقدر يفيدني اكثر

يقولون مانعرف

علموني من الي يعرف؟؟؟؟؟؟؟؟؟؟؟؟؟؟؟؟؟

أخوي مالك الا 14 يوم من طرحت الموضوع وساعدوك الاخوان شلون تقول 50 يوم

50 يوم من تاريخ فتح الشكوي والمطالبه بالمبلغ وقد تصل الي 70 يوم

اسئل مجرب ولا تسئل طبيب صارت لي والتأخير كان من البنك اللي بالسعوديه المبلغ بعد 61 يوم دخل حسابي مره ثانيه واتصل واتاكد منهم بعد وهم لما تفتح شكوي يطرشون لك مسج برقم المعامله تحفظه عندك وتشيك معهم اذا حبيت كل فترة واذا ماتبي براحتك لانه اول مايوصلهم الرد يطرشون لك مسج ثاني انه وصل الرد على معاملتك اتصل على 4407777 حتي يبلغونك ماحصل عليها

طول بالك ياأخوي ومثل ماقالوا لك الأخوان والأخوات ماضاع حق من وراه مطالب

bnader

01-09-2009, 08:56 AM

ماراح ترجع الفلوس مشكلتي نفس الموضوع صار لي 5 شهور وانا وراهم وكل يوم يقولون بنشوف موضوعك هذا بنك قطرياخذون ومايرجعون

شبربوش

01-09-2009, 08:59 AM

انه زهقت من البنك من كثر ما اسافر وهم يحجزون مبالغ للحين ما اخذت منهم لا حق ولا باطل مواعديني اب تاريخ 3\9 و 6\9 كل تاريخ برجعون مبلغ بنشوف بيرجع شي ولى نفس ما عودونه من الي قالك ويعيدون نفس القصه واشرح الظروف

بوناصر-قطر

01-09-2009, 09:36 AM

السلام عليكم ورحمة الله وبركاته

صارت لي نفس المشكلة في تايلاند ويوم جيت الدوحة قدمت كومبلين بشكل رسمي على ورقة وهالكلام صار له تقريبا" سنتين وآخر شيء جاني من البنك ان مدير القاعة المصرفية في فرعي قال لي بأن صعب يرجع لك المبلغ خصوصا" مع دول من هالنوع
قلت عليه العوض ومنه العوض

====================

آنا مشكلتي مع بنك قطر أكبر من جذيه

تصوروا يا جماعة ان أي عملية تسويها برع قطر سواء" سحب نقدي أو شراء عن طريق البطاقة مبلغ العملية ينخصم بعدها بدقايق وبعد الخصم يتم الحجز على نفس المبلغ لمدة 21 يوم بدون داعي
اتصلت في مركز الخدمة وسألتهم هذا السؤال
اذا حسابي فيه 10 آلاف ريال وسويت عملية شراء بمبلغ 9 آلاف ريال ايش اللي يصير؟
رد علي الأخ اللي في مركز الخدمة بالآتي
1. المبلغ ينسحب
2. يصير حجز عليك بنفس المبلغ (9000 ريال) .. قلت له الرصيد لا يسمح .. رد علي بأن حسابي ينكشف

بالله عليكم شرايكم في اللي يصير؟
ولما تسألهم ليش يردون عليك بأن هذا هو عبارة عن عملية تأمين على العميل

شرد الأخوان اللي يشتغلون في بنك قطر؟

البحار00

02-09-2009, 02:03 AM

أخوي مالك الا 14 يوم من طرحت الموضوع وساعدوك الاخوان شلون تقول 50 يوم

50 يوم من تاريخ فتح الشكوي والمطالبه بالمبلغ وقد تصل الي 70 يوم

اسئل مجرب ولا تسئل طبيب صارت لي والتأخير كان من البنك اللي بالسعوديه المبلغ بعد 61 يوم دخل حسابي مره ثانيه واتصل واتاكد منهم بعد وهم لما تفتح شكوي يطرشون لك مسج برقم المعامله تحفظه عندك وتشيك معهم اذا حبيت كل فترة واذا ماتبي براحتك لانه اول مايوصلهم الرد يطرشون لك مسج ثاني انه وصل الرد على معاملتك اتصل على 4407777 حتي يبلغونك ماحصل عليها

طول بالك ياأخوي ومثل ماقالوا لك الأخوان والأخوات ماضاع حق من وراه مطالب

اختي اقري الموضوع قبل

انا مسوي مطالبه للمبلغ من تاريخ 10-7-2009

وعديت ال 50 يوم

القلم الصريح

02-09-2009, 03:08 AM

انا صار لي نفس الكلام انسحب مني مبلغ حول 3000 ريال وانا في عمان معنى ماطلعت لي الفلوس بس اتوماتيكي رجع في حسابي بعد دقايق وانا احسابي في بنك الدوحه ، وانا لاحظت ان بنك الدوحه افضل من باقي البنوك في هالامور انه تسترجع لك المبلغ بسرعه قصوى

واقعي وصريح

03-09-2009, 01:34 PM

تم ارجاع المبلغ يا خوي البحار وتم حل المشكلة

البحار00

03-09-2009, 06:26 PM

تم ارجاع المبلغ يا خوي البحار وتم حل المشكلة

اشكر ادارة بنك قطر الوطني على حلهم لمشكلتي

اليوم اتصلت فيهم وماقصرو فيني حلو مشكلتي ورجعو المبلغ

واشكرك يا خوي واقعي وصريح على وقفتك معاي

وبيض الله وجهك

ثرية

03-09-2009, 06:53 PM

تم ارجاع المبلغ يا خوي البحار وتم حل المشكلة

بارك الله فيك

واقعي وصريح

03-09-2009, 07:29 PM

اشكر ادارة بنك قطر الوطني على حلهم لمشكلتي

اليوم اتصلت فيهم وماقصرو فيني حلو مشكلتي ورجعو المبلغ

واشكرك يا خوي واقعي وصريح على وقفتك معاي

وبيض الله وجهك

ما سوينا الا الواجب

واقعي وصريح

03-09-2009, 07:32 PM

بارك الله فيك

تسلمين