][ مواقف .. تجآررب.. / .. ماعندي عنوان:( .. حيآكم الله ][

[بنت ذياب]

السلام عليكم ورحمة الله وبركاته ..

شلونكم عساكم بخير

هالموضوع والله تعبني .. كتبته اول امس .. وتعبت عليه ...يوم سويت " اعتمد الموضوع "

شارت الصفحه والكلام كله طااار :court:

تحطططمت .. وامس حاولت اكتبه .. بس تعايزت ..

واليوم قلت مافي .. لازم اكتبه .. :mad:

المهم

من بعد طوووووووول غياب.. قررت انزل موضوع يديد .. مع ان المفروض من يومين منور القسم خخخخخخ :tease:

بس يالله كل تأخيره فيها خيرره ..

واحب اهنيكم برمضان مقدما .. وتقبل الله صيامكم وصالح اعمالكم ان شاء الله ..:shy:

موضوعي شوي ديني بس حطيته ع العام .. عشان الكل يشارك

ونسمع تجاربكم ف الحياه بهالخصوص :)

طبعا كلنا نمر بمشاكل وازمات وضغوطات .. ونتغلب عليها .. بفضل الله:omen2:


- هل كانت لديك مشكله او مصيبه .. وقدرت تتغلب عليها باللجوء الى الله بطريقه معينه ؟؟

( دعاء - صدقة - قراءة البقرة يوميا - الاستغفار- قيام الليل )

؟؟

قبل لا انسى .. احنا عارفين ان الله قادر على كل شي.. بس في اشيا معينة نسويها

وتنفرج همومنا ومشاكلنا بفضل الله ..

وعلشان توضح الفكرة اكثر .. بقولكم تجربتي من بعد ما سمعتها من وحده وطبقتها في حياتي

ومن هالشي .. استوحيت فكرة الموضوع .. ..


--------

في يوم من الايام .. كان عندي امتحان ايلز .. في الشمال الاطلنطي .. ومثل مااحنا عارفين

هناك الكلاسات والامتحانات خلط ..!!

وانا عندي عقده من هالشي.. لو يذبحوووني .. مااروح وادرس ف اماكن مختلطه

اتووووتر وايد واخاف .. واصيح .. يعني اتعب واايد .. مب متعوده ع هالاجواء

المهم انا قدمت كذا مرة ف الشمال .. وكان مكس .. ومن التوتر ماقدرت احل

فهاليوم تميييت مواصله .. لاني ماقدرت انام من الخوف والمحاتاه ..:sorry:

وعيوووني حمرة .. نصها دموع ونصها من السهر .. ( عاد شلون جي مادري :rolleyes2:)

فكنت طالعه فوق عشان اقول حق ابوي اني مابي ارووح ... خلاص هونت ..

ماقدرت اتحمل هالعذاب الداخلي :weeping:

بس ابوي سبقني وقالي يلا اجهزي .. بنطلع بعد شوي:unsure:

انربط الساني ماقدرت اتكلم .. خفت يعصب علي .. خصوصا ان ابوي عصبي واايد :eek5:

ركبت السياره وانا بقايا انسانه .. ههههههههه ويمكن اخس .. ماعرف اوصف لكم شعوري وقتها
كنت كلش منهاره خخخخخخخخخخخخخ.. ادري ماعندي سالفه بس بالنسبه لي مصيبه !!

فقلت استغفر ابرك لي .. يمكن الامتحان يتاجل ولا المبنى يحترق وتحترق الاوراق :omen2:

لاني وايد سامعه عن فضل الاستغفار .. وفايدته في فك الكروب وجذي

قال تعالى : (( فقلت استغفروا ربكم إنه كان غفارا* يرسل السّماء عليكم مدارا* ويمددكم بأموال وبنين ويجعل لكم جنات ويجعل لكم انهارا )) سورة نوح

المهم قعدت استغفر ليييييييين ماوصلنا ..

عاد دخلت وانا جذي استغفر.. قلت عل وعسى يصير شي !!

ووكككانت المفاجاه

اني دخلت بكلاس كلللللهم بنات :pilot:

قلت : لالا مستحيل .. اكيد انا قاعده احلم !! ولا المقاعد الباقيه للشباب

عقبها المراقب قالي: احنا فرقناكم عشان البنات ياخذون راحتهم اكثر

جان استاااااااااانس .. واحس برااااااااحه غريبه وحمااس مب طبيعي:dance

ولا كأني مواصله

واستلمت الورقه .. وقعدت احل

يعني سبحان الله .. ماتوقعت يصير هالشي

ومو بس جي..

يبت الايلز:shy:

من بعد عدة محاولات فاشله ..

واحس هاي كله بفضل الاستغفار ..

هاي تجربتي ..

وغيررر القصص اللي نسمعها..

مثل اللي تشافت من السرطان لانها كانت تتصدق واللي بفضل الاستغفار تيسرت امورها وغيرهم من القصص الواقعيه ..

والحين ابي اسمع تجاربكم او اي تجربه سمعتوها من قبل.. عشان نستفييد .. ونتعلم من بعض ,,

ونطبق هالاشيا في حياتنا

.. :) ..

لكـــمـ المايك ,,

اختكم /

بنت ذياب

[هدهد سليمان]

موضوع طيب اختي بنت ذياب وخصوصا انها تجارب حيه .. وان شاء الله الربع يتفاعلون مع الموضوع .. وحاليا ما اذكر موضوع معين لكن الحمدلله على كل حال وموضوع يستاهل الرفع

[BURBERRY]

مشكوره على الموضوع الطيب

بقول لكم عن تجربتي

مره كان عندي امتحان فاينل في شمال الاطلنطي الساعه 8 الصبح بالضبط

عاد انا قمت متأخر .. لان سهرت شوي اراجع

المهم يبي لي نص ساعه لين اوصل الكليه .. مع هالزحمه .. :(

و انا اشغل السياره تميت ادعي ربي و استغفر و استغفر و استغفر ...

و يوم وصلت عند دوار فريجنا .. كان عليه زحمه .. إلا السيد اليسار كان فاضي كلش .. مع ان السيد اليمين و الوسط .. كان فيهم حول 20 سياره .. استانست .. قلت شالصدفه الحلوه :)

الدوار الثاني .. نفس الشي صار لي ..السيد اليسار فاضي و الباقي مليانه .. استانست .. :)

بعدين حمدت ربي و شكرته ..

و طريقي تيسر و ما واجهت زحمه ولا اشاره حمره .. بعد ما كان طريقي كل يوم عسير و زحمه ..:(

وصلت الكليه قبل الامتحان بشوي .. :)

و سبحان الله و الحمدلله و لا اله إلا الله

الله القادر على كل شي

اخوكم / بربري

[MeMe MoOoON]

والله فديتج خوش موضوع وانا حاسه فيج لاني ادرس حاليا في شمال الاطلنطي صار لي سنه عشان الدبلوم مرسليني شغلي وسالفة الخلط الله المستعان شر لابد منه .....احين صرت ادخل الكلاس صج خلط بس مالتفت جهة الشباب لان اذا التفت ادري بتصيدني الرقله .خخخخخخخخخخخخ ..........والله يوفقج فديتج

[بنت ذياب]

موضوع طيب اختي بنت ذياب وخصوصا انها تجارب حيه .. وان شاء الله الربع يتفاعلون مع الموضوع .. وحاليا ما اذكر موضوع معين لكن الحمدلله على كل حال وموضوع يستاهل الرفع

اهلا اخوي هدهد سليمان

نورت الموووضوع :)

تسلم اخوي ع الرد .. والتشجيع ..

مع اني حاسه الموضوع بيطيح ف جبدي .. خخخ

يعطيك العافيه ..

[بنت ذياب]

مشكوره على الموضوع الطيب

بقول لكم عن تجربتي

مره كان عندي امتحان فاينل في شمال الاطلنطي الساعه 8 الصبح بالضبط

عاد انا قمت متأخر .. لان سهرت شوي اراجع

المهم يبي لي نص ساعه لين اوصل الكليه .. مع هالزحمه .. :(

و انا اشغل السياره تميت ادعي ربي و استغفر و استغفر و استغفر ...

و يوم وصلت عند دوار فريجنا .. كان عليه زحمه .. إلا السيد اليسار كان فاضي كلش .. مع ان السيد اليمين و الوسط .. كان فيهم حول 20 سياره .. استانست .. قلت شالصدفه الحلوه :)

الدوار الثاني .. نفس الشي صار لي ..السيد اليسار فاضي و الباقي مليانه .. استانست .. :)

بعدين حمدت ربي و شكرته ..

و طريقي تيسر و ما واجهت زحمه ولا اشاره حمره .. بعد ما كان طريقي كل يوم عسير و زحمه ..:(

وصلت الكليه قبل الامتحان بشوي .. :)

و سبحان الله و الحمدلله و لا اله إلا الله

الله القادر على كل شي

اخوكم / بربري

يعطيك العافيه اخوووي ع المرور

اسعدتني مشاركتك

والاستغفار له فوايد عظيمة

وحتى اخبر في شيخ كل ماالناس اشتكوا له .. قالهم .. استغفروا :nice:

شكرا ع الرد.. والله ايوفقك اخووي :)

[عبير وردة]

.. يمكن الامتحان يتاجل ولا المبنى يحترق وتحترق الاوراق :omen2:

:sneaky: طلعتي شريرة إنت كمان .....

بس الحمد الله لسه في بنات زيك خايفين من الخلط لدرجة الصياح والعيون الحمر ....


المهم

هلا ومليون مرحبا بأختنا الصغيرة .... اشتقنالك والله

بالنسبة لموضوعك الحلو .... فعلا الاستغفار والصدقات ... تنجيك من المشاكل ... وسبحان الله يرزقك الله من حيث لا تعلمين ... وبيستر عليك بأشد المواقف ....

وأنا والحمد الله بالاستغفار والصدقات ألجأ لربي .... وبقول يا رب دائما وأبدا ....

تسلمي حبيبتي ع الموضوع الحلو :nice:

[بنت ذياب]

والله فديتج خوش موضوع وانا حاسه فيج لاني ادرس حاليا في شمال الاطلنطي صار لي سنه عشان الدبلوم مرسليني شغلي وسالفة الخلط الله المستعان شر لابد منه .....احين صرت ادخل الكلاس صج خلط بس مالتفت جهة الشباب لان اذا التفت ادري بتصيدني الرقله .خخخخخخخخخخخخ ..........والله يوفقج فديتج

خخخخخخخخخخخخخخخخ

بالتوفيق حبيبتي

بس ماقلتي لنا عن تجربتج ..

هههههههههههههه اشووف صار االموضوع عن الشمال الاطلنطي :tease:

حياج الله فديتج

نورتي المووضوع :nice:

[غزلان]

مره عندي اجتماع مع مديرتي ذيك الليله بالذات مانمت زين قمت متعكر مزاجي ياربي مالي خلق لشي تميت استغفر واسبح امية مره وصلت الا المديره غايبه ولجتماع تاجل لوقت ثاني

[!الشايمه!]

مافي شي يوترني...قد البرزنتيشن...عاد تصوروا
لو كان هذا البرزنتيشن...مفتوح للكل انه يحضره..والمدرسين
مسوين دعوات للكل..انهم يحضرون
والقاعة كبيرة ونمسك مايك ....ونتكلم:eek5:

يعني تدمير اعصاب رسمي :)

يومها....الحمدلله اديت بشكل رائع...والكل مدحني...

يمكن للحين ما عديت رعب ورهبة البرزنتيشنز...

لكن كل خبراتي في الحياة.....تثبت لي..ان

الصبر....والاستغفار....

هما باب الفرج لكل مشكلة..

يعطيج العافية......تحية

[هذلان]

السلام عليكم

بصراحه اثني عليج و على موضوعج .. الله يستر عليج و على البنات الي مثلج .

ما يحضرني شي حاليا الا عكس الي ذكرتو و رب العلمين اكيد له حكمه في من هالشي .

و ساضل متابع الموضوع للاستفاده من تجارب و مواقف الاعضاء .

[شويهينــه]

هلا والله ببنت ذياب

الحمدلله عالسلامه

بالنسبه لموضوعج اكيد الاستغفار هو سيد الاذكار

والله موضوعج جا في وقته

ادعوا لي الله يزيل الضيقه اللي فيني ويكتب لي الخير يارب

[بنت ذياب]

.. يمكن الامتحان يتاجل ولا المبنى يحترق وتحترق الاوراق :omen2:

:sneaky: طلعتي شريرة إنت كمان .....

بس الحمد الله لسه في بنات زيك خايفين من الخلط لدرجة الصياح والعيون الحمر ....


المهم

هلا ومليون مرحبا بأختنا الصغيرة .... اشتقنالك والله

بالنسبة لموضوعك الحلو .... فعلا الاستغفار والصدقات ... تنجيك من المشاكل ... وسبحان الله يرزقك الله من حيث لا تعلمين ... وبيستر عليك بأشد المواقف ....

وأنا والحمد الله بالاستغفار والصدقات ألجأ لربي .... وبقول يا رب دائما وأبدا ....

تسلمي حبيبتي ع الموضوع الحلو :nice:

اوووووووووووووه انتي لولوربي .. انا اقوول هالاسلووب كلش مب غريب علي ,,

:nice: مبرووك عليج النك اليديد ..

ويسلموو قلبي ع المرور ..

اسعدني تواجدج بموضوعي المتواضع .. :shy:

حيااج الله ..

[بنت ذياب]

مره عندي اجتماع مع مديرتي ذيك الليله بالذات مانمت زين قمت متعكر مزاجي ياربي مالي خلق لشي تميت استغفر واسبح امية مره وصلت الا المديره غايبه ولجتماع تاجل لوقت ثاني


وااااااو وناااسه :nice:

شكرا ع المرووور فديتج ..

ماقصرتي ..

[عبير وردة]

اوووووووووووووه انتي لولوربي .. انا اقوول هالاسلووب كلش مب غريب علي ,,

:nice: مبرووك عليج النك اليديد ..

ويسلموو قلبي ع المرور ..

اسعدني تواجدج بموضوعي المتواضع .. :shy:

حيااج الله ..

الله يبارك فيكي عزيزتي ......... تسلمي :)

[بنت ذياب]

مافي شي يوترني...قد البرزنتيشن...عاد تصوروا
لو كان هذا البرزنتيشن...مفتوح للكل انه يحضره..والمدرسين
مسوين دعوات للكل..انهم يحضرون
والقاعة كبيرة ونمسك مايك ....ونتكلم:eek5:

يعني تدمير اعصاب رسمي :)

اي والله .. شي يخررع :weeping: ههههههههههه

يومها....الحمدلله اديت بشكل رائع...والكل مدحني...

يمكن للحين ما عديت رعب ورهبة البرزنتيشنز...

لكن كل خبراتي في الحياة.....تثبت لي..ان

الصبر....والاستغفار....

هما باب الفرج لكل مشكلة..

صدقتي :(

وعلى قولتج .. الصبر له ثمار دانيه

يعطيج العافية......تحية

الله يعافيج قلبي.. مشكورة ع المرور الطيب

حياج الله ..

[واقعية]

موضوع جميل و هادف
بصراحة وايد تصير معاي مواقف ....
حتى اني و الحمدلله صرت اذكر الله حتى عند الامور الصغيرة و تنفرج .. سبحان القادر

الموقف اللي اذكره الحين .. بأن مرة كنت محتاجة فلوس ... كنا في رمضان و العيد قرب
و ما خلصت اغراض اليهال ... و فعلا مفلسة .. كنت افكر ان ما في الا اني استلف من اختي
و طبعا ما قد يتبع هذي من كلام في بيت اهلي لو دروا بأني تسلفت... يعني فضيحة

بالليل كنت قاعدة بالحوش و افكر من وين بدبرها
بس رفعت راسي ... و قلت يارب .. انت ادرى بحالي
في نفس الليلة .. بعد 3 ساعات بالضبط
كان في سحب في برنامح الليوان
تدرين اني فزت ب 7000 ريال


جزاج الله خير على الموضوع
واقعية

[بوعلي2]

موضوع مميز

متابع معاكم

[بنت ذياب]

السلام عليكم

بصراحه اثني عليج و على موضوعج .. الله يستر عليج و على البنات الي مثلج .

ما يحضرني شي حاليا الا عكس الي ذكرتو و رب العلمين اكيد له حكمه في من هالشي .

و ساضل متابع الموضوع للاستفاده من تجارب و مواقف الاعضاء .

وعلييكم السلام ..

اشكر لك مرورك اخوي .. ويعطيك العافيه ..

ومثل ماقلت كل شي وله حكمه وتأكد امور المؤمن كلها خير ..

تسلم ع المرور اخووي ..

حياك الله :)

[بنت ذياب]

هلا والله ببنت ذياب

الحمدلله عالسلامه

بالنسبه لموضوعج اكيد الاستغفار هو سيد الاذكار

والله موضوعج جا في وقته

ادعوا لي الله يزيل الضيقه اللي فيني ويكتب لي الخير يارب

فدييتج :(

الله يبعد عنج كل شر

كثري من الاستغفار .. وانصحج بسورة البقرة يوميا .. او سمعيها عالاقل..

وتذكري مابقى شي ع رمضان .. وناسه :nice:

تراويح - فطور - صيام - قيام الليل .. ووايد اشيااا ..

جدامج شهر ممتع .. هع:nice:

الله ايوفقج يارب .. ويتحقق اللي فبالج ..

[اهل قطر]

السلام عليكم ورحمة الله

تعودت من باروح مكان ابداء استغفر علشان القى موقف من اوصل
وسبحان الله الاغلب تتيسر

وكان عندي موضوع قبل فترة وانا عارفه اني على حق

وكنت اكثر من الدعاء اللهم اني مغلوب فانتصر
والحمد لله ربي يسر لي امري

اشكرك على الموضوع المميز

[nym]

شكرا على الموضوع

[رمــش الغلا]

اهلا اخوي هدهد سليمان

نورت الموووضوع :)

تسلم اخوي ع الرد .. والتشجيع ..

مع اني حاسه الموضوع بيطيح ف جبدي .. خخخ

يعطيك العافيه ..

هههههههههه ضحكتيني يوم قلتي ان الموضوع بيطيح في جبدج
بالعكس موضوعج وايد مفيد :)

الاستغفار له فضل كبير ولله الحمد..
يوم تمنيت ان الله يرزقني بولد تميت استغفر كل يوم 300 مرة اسبوعين إلا انا حامل.. :)
وبعد امممم
مرضت وطلع لي شي في بلعومي وخفت انه مرض كبير وتميت استغفر طول الليل ثاني يوم اطلعت النتيجة اني بخير ومافيني شي...

والله اشياء وايد لين تذكرت باقولج..

مشكورة يا بنت ذياب

[بنت ذياب]

الله يبارك فيكي عزيزتي ......... تسلمي :)

الله يسلمج :)

[بنت ذياب]

موضوع جميل و هادف
بصراحة وايد تصير معاي مواقف ....
حتى اني و الحمدلله صرت اذكر الله حتى عند الامور الصغيرة و تنفرج .. سبحان القادر

الحمدلله :nice:

الموقف اللي اذكره الحين .. بأن مرة كنت محتاجة فلوس ... كنا في رمضان و العيد قرب
و ما خلصت اغراض اليهال ... و فعلا مفلسة .. كنت افكر ان ما في الا اني استلف من اختي
و طبعا ما قد يتبع هذي من كلام في بيت اهلي لو دروا بأني تسلفت... يعني فضيحة

بالليل كنت قاعدة بالحوش و افكر من وين بدبرها
بس رفعت راسي ... و قلت يارب .. انت ادرى بحالي
في نفس الليلة .. بعد 3 ساعات بالضبط
كان في سحب في برنامح الليوان
تدرين اني فزت ب 7000 ريال


جزاج الله خير على الموضوع
واقعية


مبروووووووووووووك تستاهلين الفوز والله :tease:

والله ايوفقج يارب

نورتي موضوعي والله

يعطيج العافيه ..