جمل .. منقرضة -----> بضم الجيم وفتح الميم [الأرشيف]

OTOsan

26-01-2006, 01:13 PM

جمل .. انقرضت او في طريقها للانقراض ..

كالعادة .. اليوم خميس .. نهاية اسبوع عمل وبداية اجازة اتمناها ممتعه للجميع

وكالعادة .. حبيت اكتب لكم شي .. وياما فكرت اكتب اشياء .. بس مشكلتي اني ماحب امسك ورقة وقلم ، لاني اذا مسكتهم اتم اوقع عليهم بس ماسوي شي ثاني -----> مستانس على توقيعي ، المهم على قولتهم ( لايكثر ) يعني بادش في السالفة بدون مقدمات -----> وكل هذا بدون مقدمات ؟؟

في الحياة .. ومع تعاملنا مع الناس .. او تعاملنا مع الاشياء نستخدم بعض الجمل او الالفاظ .. التي تدل على شيئ معين ، ربما تدل على طلب خدمة .. او ربط شيئ بشئ .. المهم اننا نتعامل مع بعضنا عن طريق هذه الالفاظ والجمل .. وكذلك بالنسبة للتقنيات التي نستخدمها .. فان الالفاظ التي تستخدم مع وجودها تنقرض بانقراضها واختفائها من قاموس الاستخدام البشري ،،

فحبيت اجمع لكم بعض هالجمل التي انقرضت او في طريقها الى ذلك .. ربما لانقراض ماكانت تستخدم لاجله .. وكعادة مؤسسة لونلي للاستثمار الفكري في اتاحة الفرصة امام الشباب المتعطش للابداع .. فان مؤسستنا تقبل أي اضافة كانت على الموضوع .. دون تحمل أي تكاليف او مصاريف من قبل المضيف ، يعني بالعربي اللي عنده غير اللي تحت يضيفه .. بس بشرط لما يصدر البحث وينطبع مب يقعد يتفاخر قدام ربعه ويقول لهم هذي اضافتي وهذي اضافتي .. خلاص دام انه حط الاضافه هني فهي ملك لمؤسسة لونلي للاستثمار الفكري ملكية تاااامة ..( على فكرة مؤسستنا تابعة لمؤسسة لونلي القابضة -----> حلو اسم القابضة احس فيه طاري فلوس ) ،،

نبدا

- ( رفيق .. عطني محول اتاري .. وعطني شريط سيغا مورتال كومبات وشريط فاميلي كابتن ماجد )

المعروف ان السوني قد سيطر على سوق الالعاب الالكترونية بشكل هائل .. فلم يعد هناك أي ذكر للعبة السيغا او الفاميلي او الاتاري ------> احس محد يتذكر هالسوالف اصلا .. تذكرت لما كنت اشتري الورقة اللي فيها حركات الفنشنج مالت المورتال كومبات .. بي بي سي سي بي ايه مرتين هههههههههه والله زمااااااان ..

- ( السيارة هذي مافيها أي شي .. صدقني على حالة الوكالة )

مع الزحمة .. والتحويلات .. والتقاطعات .. وكثرة السواقين والسواقات .. فلابد للسيارة من ان تاخذ نصيبها ولو بضربة .. فلاحد يقول مافيها شي ..

- ( ايه .. فره يمين .. الصوات واضح بس مافي صورة .. لا لا لا رده شوي يسار ) ..

حد يعرف هالجمل ليش كنا نقولها .. صح ايام الاريل العادي .. عشان تطلع دبي وده يمين .. تبي الامارات وده يسار .. باااااال مال اول .. اخبر تلفزيوننا ماكان يطلع الا قطر ودبي .. واذا الجو اوووكي طلع قنوات غير .. الحين في ظل الدشات والنايل سات والعربسات .. ماراح تلاقي حد يقول الجمل اللي فوق ..

- ( السلام عليكم .. الشيخ حد دق على بليبي قبل شوي ؟ )

هههههههههههههههههههههههههههههههههه هذي صج مال اول .. سبحان الله كيف تتغير الحياة ويتغير الزمن وتتغير معه الاشياء .. اخبر محد كان عنده بليب الا ويعتبر شخص مهم .. حتى من حبي للمظاهر سويت لي بليب من كرتونه ورزيته بجيبي هههههه .. ايام زماااااااان .. ولكن مع وجود الجوال .. وتقنيات الجيل الثالث ( قريبا ) فقد اصبح البليب من مستلزمات المتاحف كخخخخ .

- ( والله هالموتر استعمال حرمه .. نظييييييييييييييييف )

هالجملة لازالت متداولة .. ولكن في طريقها للانقراض .. فمع احتراف النساء للسواقة .. اصبح من الوارد جدا ان تزيد اعطال السيارة بسبب سوء الاستخدام .. كما ان قلة خبرة النساء بالسيارات ( ميكانيكيا ) قد تؤدي الى الاهمال وبالتالي الى العواقب التي لاتحمد عقباها .. يعني ماعاد تفرق استخدام حرمة ولا ريال .. كله سيم سيم

- ( يبه .. ودنا نروح نلعب في حديقة المطار )

حديقة المطار ... بل وين سمعته هالاسم ؟؟

ايييييييه .. الحين تذكرتها .. كنت اروح العب فيها حزات ونا صغير .. حد يذكرها ؟؟ تذكرون المطعم اللي كان فيها ؟ والنفق اللي يوديك صوب الماي ؟؟ وشلالات الماي اللي كانت هناك ؟؟ وحركات المغازل اللي كانت تصير فيها ؟؟ خلااااص .. كل شي وله نهاية .. حد يذكر اعلان شركة التيسير اللي كان قدامها على طول ؟؟
بل .. مال اووووول ..
الحين راحت ايام حديقة المطار .. وحلت محلها المجمعات التجارية والاسواق الحديثة واماكن كثيره وصارت حديقة المطار .. مجرد عشب .. "زمن"

]- ( تعال .. اشصار امس في مسلسل الساعه ثمان ؟؟ كنت اذاكر وماقدرت اشوفه ) .. [/U]

مسلسل الساعه ثمان .. كان مميز بسبب اجتماع الاسره عليه حيث انه يوافق موعد العشاء عند بعض الاسر .. الحين محد فاضي .. حتى مسلسلات رمضان ماندري عنها ..

- ( سلمتي بلادي بلاد الشباب .. ومدري شنو لراياتنا ومدري شنو .. فنحن البراعم قد صافحت .. سواعدنا عاليات السحاب .. )

اللي من جيلي .. بيعرف هذا شنو .. شي من الزمن الجمييييل

- ( وقف هني عند هالكبينه باتصل لرفيجتي .. ابوها بلشني ركب كاشف .. )

ههههههههه .. اما كبينه .. الزمن يتغير .. واساليب الازعاج تتغير معه .. حتى كيوتل غيرت شعارها ..

جمل تلفزيونيه منقرضة :

- ( انا مش محمد القيسومي ياحبيبي ) و ( ئدام الناس دي كلها انتا اديتني كام ؟؟ "خمسميه" ) و ( يا اخي سيب سيكو في حالو ) و المغبره صح هالجملة ( ابي اروح .. ابي اروح .. ابي اروح ) ههههههههه
حلقات انقرضت من برنامج الكاميرا الخفية ..

وكذلك لاننسى ( سعدون ياسعدون اه منك انت ياسعدون .. يدي يدي اشقاصر طلعت قرون .. يدي محد مثلي .. صر عاقل لاتصير مينون ) ------> الف تحية اقدمها لفالح فايز وعبدالعزيز جاسم على هذه الذكرى التي لن يمسحها الزمن بسهوله ..

والرائع غانم السليطي وذكرى ( انا كبتن انا كبتن يقولو عني مينن ) هههههه والاغنية الشهيره ( قط قط قط قط قوطي .. قوطي حبيبي قوطي ) ..

ومن المهم الا ننسى ( خمسه .. خمسه .. خمسه ....) والتحيه واجبه للمبدع الرائع عقيل الجناحي والمرح يوسف احمد على برامجهم القيمة التي كانت تصبغ النصائح القيمة بروح الطرفه ، والمميز دائما دائما ايمن جاده في تعليقه وفي برامجه القديمة على شاشة التلفزيون .. وحلقات ليلة العيد للمذيع جاسم عبدالعزيز والتي كنت انتظر العيد بفارغ الصبر حتى اشاهدها ,, الحين اشعندنا غير نورحسن .. ومذيعات شوبدي ئولك تائولك ..

( انا رايح الملعب اشجع العربي )

في ظل النتائج الغير مقبولة للنادي العربي وفي ظل انتعاش الفرق الاخرى .. فاكيد هذه الجملة في طريقها للانقراض ،،
( هههههههههههه والله غشمره يالربع لحد يزنط لي )

بصراحة كان في بالي جمل وايد وايد وايد بس مثل ماقلت لكم مشكلتي اني ماسجل او اكتب .. من الذاكرة للكمبيوتر دايركت .. واسمحو لي عالاطاله .. وعلى عدم اهمية الموضوع ولكن هي محاولة لنبش بعض ذكريات الزمن .. الذي لن يعود ..

-------------------------

فاصله ،،

ربما .. سيمسح الزمن .. ذكريات .. وذكريات

وربما .. لن اتذكر الوجوه التي مرت علي .. من قبل سنوات

ولكنني .. والله .. لن انساك مدى الحياة

.. ليصلكِ شوقي .. اينما حللتي ..

Muslim Investor

26-01-2006, 04:36 PM

لم تذكر عزيزي : سيكل بو جير وسيكل بو جانبين وسيكل بي ميكس!!

ولم تذكر : كمبيوتر صخر ولغة البيزك "المتطورة" التي كات يعمل بها!!

ولم تذكر "دكّان غلوم" (أو غيره من أسماء أصحاب البقالات في تلك الأيام)!!

ولم تذكر .. ولم تذكر .. ولم تذكر

ذكريات قديمة، إلا أنها رائعة .. رائعة جدا جدا .. لكن .. من الغريب أنني كلما أتذكرها، أشعر بالحزن بدلا من الفرح .. لا أعلم لمَ الحزن!! هل لأنه من المستحيل أن تعود تلك الأيام ، أم لأن الجيل الحالي لن يعايش تلك التجارب .. لا أعلم بالضبط!!

أخيرا .. تقبل مني أجمل تحية على هذا الموضوع

relaax

26-01-2006, 04:38 PM

يعطيك العافيــــــــــــه

غشيم

26-01-2006, 04:46 PM

انا قبل جيلكم
وأكثر شي افتقده هي ايام الحبال والفقاق والمدقية
وايام ما كنا نركب حمير الله يعزكم
ويام ما كنا انلقط ايراوه ونشاقح فوق الطوف انمجع لوز
و و و و .........................

OTOsan

26-01-2006, 09:16 PM

لم تذكر عزيزي : سيكل بو جير وسيكل بو جانبين وسيكل بي ميكس!!

ولم تذكر : كمبيوتر صخر ولغة البيزك "المتطورة" التي كات يعمل بها!!

ولم تذكر "دكّان غلوم" (أو غيره من أسماء أصحاب البقالات في تلك الأيام)!!

ولم تذكر .. ولم تذكر .. ولم تذكر

ذكريات قديمة، إلا أنها رائعة .. رائعة جدا جدا .. لكن .. من الغريب أنني كلما أتذكرها، أشعر بالحزن بدلا من الفرح .. لا أعلم لمَ الحزن!! هل لأنه من المستحيل أن تعود تلك الأيام ، أم لأن الجيل الحالي لن يعايش تلك التجارب .. لا أعلم بالضبط!!

أخيرا .. تقبل مني أجمل تحية على هذا الموضوع

الله يعطيك العافيه .. والله يجعل ايامك كلها ضحك مثلما ضحكتني ونا اقرا الرد ..
ههههههههههه فعلا نسيت كمبيوتر صخر ..الذي كان حجر الاساس في معرفتنا بما هو الكمبيوتر

عزيزي .. ماينتابك من حزن .. ينتاب الكثيرين .. ربما الشعور باننا قد كبرنا .. وان همومنا قد غطت على ماكان يعترينا من فرح شديد لاسباب عندما نتذكرها نعتبرها تافهه ..
الكثير منا عندما يتذكر مرحلة الطفولة .. لابد وان يضحك .. وعندما يرى صوره القديمة .. لابد ان يبتسم .. دائما الطفولة اجمل بكل مافيها من فرحة وبراءة وضحكات لاتنقطع ..
وكما قيل .. في داخل كل رجل .. طفل صغير ،،
سلامي لك .. ولطفولتي ولطفولتك التي مسحتها هموم الشباب ..

OTOsan

26-01-2006, 09:18 PM

يعطيك العافيــــــــــــه

الله يعافيك اخوي ريلاكس وشاكر لك مرورك

OTOsan

26-01-2006, 09:20 PM

انا قبل جيلكم
وأكثر شي افتقده هي ايام الحبال والفقاق والمدقية
وايام ما كنا نركب حمير الله يعزكم
ويام ما كنا انلقط ايراوه ونشاقح فوق الطوف انمجع لوز
و و و و .........................

اذن فحزنك عندما تتذكر الطفولة اكبر من حزننا عليها :)
الف شكر لمرورك على الموضوع ويعطيك العافية وطول العمر يارب

المخلب

26-01-2006, 09:59 PM

اي والله يا لونلي

نسيت حديقه المنتزه بييييه اول خبه عليها يالله نروح نلعب

وله سناء فوق ... (( قبل علاء الدين ههههههه))

ذكريات اول تخلي الواحد يصيح يقول اخ يا زمن قطر وين كانت والحين شف شصارت

بس الحمد لله الله يحفظ بلادنا بس

OTOsan

26-01-2006, 10:04 PM

اي والله يا لونلي

نسيت حديقه المنتزه بييييه اول خبه عليها يالله نروح نلعب

وله سناء فوق ... (( قبل علاء الدين ههههههه))

ذكريات اول تخلي الواحد يصيح يقول اخ يا زمن قطر وين كانت والحين شف شصارت

بس الحمد لله الله يحفظ بلادنا بس

الحمدلله على كل حال .. والف شكر على مرورك .. عجبتني سالفة سناء ههههههههههه احس كل شوي تذكروني بشي ناسيه ههههههههه

hemoud123

27-01-2006, 12:34 AM

اشكرك من قلب على هذا الموضوع والطرح الشيق السلس
وعساك على القوة

OTOsan

27-01-2006, 12:40 AM

اشكرك من قلب على هذا الموضوع والطرح الشيق السلس
وعساك على القوة

العفو اخوي .. اهم شي ان الموضوع عجبك ..

وشعار مؤسستنا "مؤسسة لونلي " هو : ( اذا ابتسم القارئ .. فقد تحقق الهدف ) ههههههههه خوش شعار

الف شكر لمرورك ..

PoBox

27-01-2006, 11:17 PM

ياسلام عليك
والله فكيت ضيقتي وانا في غربتي ..
الصراحة تميت اضحك والي معاي يقولون اشفيك صرت مجنون ..
كل شوي ..

اسكت ..

ارجع اضحك مرة ثانية ..

اسكت
ورد اضحك ..

الصراحة اشم ريحة الغبااااااااااااااااار من موضوعك ..
لكن غبار جميل ...

وعلى طاري الغبار

شخبار
بودخاااااااااااااااااااااااان
بوووووووووو ...

ملاحق وراه في الفرجان الي مشي والي بالسيكل ..
اغبية ما ندري ان هذا سم ..
دخان وخلاص ...
حموووووود .. شوف عزوز الاهبل متعلق في البدي ..
ويقوم الهندي يصفقه
طااااااااخ

واخيرا

عاشت قطر العربية
عاشت قطر العربية
عاشت قطر العربية
:deal:
ههههههههه

OTOsan

27-01-2006, 11:56 PM

ياسلام عليك
والله فكيت ضيقتي وانا في غربتي ..
الصراحة تميت اضحك والي معاي يقولون اشفيك صرت مجنون ..
كل شوي ..

اسكت ..

ارجع اضحك مرة ثانية ..

اسكت
ورد اضحك ..

الصراحة اشم ريحة الغبااااااااااااااااار من موضوعك ..
لكن غبار جميل ...

وعلى طاري الغبار

شخبار
بودخاااااااااااااااااااااااان
بوووووووووو ...

ملاحق وراه في الفرجان الي مشي والي بالسيكل ..
اغبية ما ندري ان هذا سم ..
دخان وخلاص ...
حموووووود .. شوف عزوز الاهبل متعلق في البدي ..
ويقوم الهندي يصفقه
طااااااااخ

واخيرا

عاشت قطر العربية
عاشت قطر العربية
عاشت قطر العربية
:deal:
ههههههههه

هههههههههههههههههههههه اووووووه ذكرتني بـ (عاشت قطر عربيه ) ههههههههههههههه
هههههههه اتذكر مره اخترب المكرفون في المدرسه قالو ( لونلي .. ترى محد غيرك بينقذنا من الموقف ) والله واوقف عند العلم واصارخ ( عاااااااااااااااااشت قطر عربيه )) ههههههههه والعالم ترد وراي
حسيت اني ( تروي ) وهم الجيش اللي بنغزي فيه طرواده هههههههههه والله ايام

شاكر لك مرورك الرائع والله يديم عليك الضحكه يارب :)

اقتصاديه

28-01-2006, 12:28 AM

- ( سلمتي بلادي بلاد الشباب .. ومدري شنو لراياتنا ومدري شنو ..
فنحن البراعم قد صافحت .. سواعدنا عاليات السحاب .. )

ومجـــد لراياتنا وانتســاب :court:

']

وشعار مؤسستنا "مؤسسة لونلي " هو : ( اذا ابتسم القارئ .. فقد تحقق الهدف ) ..

<---- تنهــــدت

:(

OTOsan

28-01-2006, 01:04 AM

- ( سلمتي بلادي بلاد الشباب .. ومدري شنو لراياتنا ومدري شنو ..
فنحن البراعم قد صافحت .. سواعدنا عاليات السحاب .. )

ومجـــد لراياتنا وانتســاب :court:

<---- تنهــــدت

:(

ايييييييييييه بالضبط
ومجد لراياتنا وانتساب .. فنحن البراعم قد صافحت .. الخ الخ هههههههههههههههه

وبالنسبة للتنهيده .. اعتقد عزيزي القارئ انه يحق لك المطالبة باعادة ثمن البحث .. حيث انه متى لم يتحقق هدف مؤسستنا ( وهو الابتسامه ) .. فنحن لسنا جديرين بالعشره ريال التي ناخذها من جيوبكم ثمنا له .. هههههههههههههههههههه..

:) الف شكر عالمرور والتصحيح

lwfabs

12-09-2006, 03:47 PM

أنت على بالك أنك أسعدتني بهذا الكلام :(

والله أني فعلاً حالياً حزين ومكتم وما أبي أحد يكلمني أقل شي ساعة.

ومع ذلك تحية لك من القلب على هذه الذكريات السعيدة والتي نحزن على إبتعادها عننا مع الأيام.

مريديان

12-09-2006, 04:04 PM

]- ( تعال .. اشصار امس في مسلسل الساعه ثمان ؟؟ كنت اذاكر وماقدرت اشوفه ) ..

مسلسل الساعه ثمان .. كان مميز بسبب اجتماع الاسره عليه حيث انه يوافق موعد العشاء عند بعض الاسر .. الحين محد فاضي .. حتى مسلسلات رمضان ماندري عنها ..

الله ...عليك صج ذكرتني يايام حلووووووووووووووووه..مستحيل تتكرر....

الله يخليك سو حق هالموضوع اجزاء...روووعه موضوعك اخوي..وصج رسمت ابتسامة على ويهي....مب بس على ويهي احس داخلي كله كان فرحان وانا اقرا هالذكريات الحلوه ....

مادري ليش تذكرت طمطم ....خخخخخ

خاربه خاربه

12-09-2006, 07:36 PM

يعطيك العافيه يارب

وموضوع روووووعه من قلب :nice:

OTOsan

13-09-2006, 12:35 AM

أنت على بالك أنك أسعدتني بهذا الكلام :(

والله أني فعلاً حالياً حزين ومكتم وما أبي أحد يكلمني أقل شي ساعة.

ومع ذلك تحية لك من القلب على هذه الذكريات السعيدة والتي نحزن على إبتعادها عننا مع الأيام.

لابد من الحزن المصبوغ ببعض الفرحه عند العودة الى الوراء ، فاستعادة ذكريات الماضي لها ضريبتها ،،

الله يبعد عنك الحزن يارب .. وشاكر لك اعادة ذاكرتي الى الوراء وتفضلك بالمرور على الموضوع ،،

]- ( تعال .. اشصار امس في مسلسل الساعه ثمان ؟؟ كنت اذاكر وماقدرت اشوفه ) ..

مسلسل الساعه ثمان .. كان مميز بسبب اجتماع الاسره عليه حيث انه يوافق موعد العشاء عند بعض الاسر .. الحين محد فاضي .. حتى مسلسلات رمضان ماندري عنها ..

الله ...عليك صج ذكرتني يايام حلووووووووووووووووه..مستحيل تتكرر....

الله يخليك سو حق هالموضوع اجزاء...روووعه موضوعك اخوي..وصج رسمت ابتسامة على ويهي....مب بس على ويهي احس داخلي كله كان فرحان وانا اقرا هالذكريات الحلوه ....

مادري ليش تذكرت طمطم ....خخخخخ

طمطم اخو بوجي ؟ ولا واحد غيره هههههههههه

بصراحه ردود الاخوة السابقه كفت ووفت فيما يمكن تذكره من الماضي ، والله يديم الفرحه على قلبج .. وشاكر لج تفضلج بالمرور والتعقيب ،،

يعطيك العافيه يارب

وموضوع روووووعه من قلب :nice:

الاروع هو مرورج .. فتقبلي كل شكري عليه ،،

ROSE

13-09-2006, 07:58 AM

الذكريات الجميله لا تمحى ولا تنسى

نعم نود لو نستطيع ارجاعها في وقت ما ولكنها ستبقى ذكريات مخزنه في ذاكرة الزمن

كل الشكر والتقدير لك مستر لونلي على هذا الطرح الرائع والمتميز

OTOsan

13-09-2006, 08:29 AM

الذكريات الجميله لا تمحى ولا تنسى

نعم نود لو نستطيع ارجاعها في وقت ما ولكنها ستبقى ذكريات مخزنه في ذاكرة الزمن

كل الشكر والتقدير لك مستر لونلي على هذا الطرح الرائع والمتميز

وكل الشكر لتفضلج بالمرور على الموضوع والتعقيب عليه ،،

" الا شاخبار النادي العربي ؟ للحين درجه اولى ؟ " هههههههههه -----> اتغشمر ترى :)

ROSE

13-09-2006, 08:31 AM

']وكل الشكر لتفضلج بالمرور على الموضوع والتعقيب عليه ،،

" الا شاخبار النادي العربي ؟ للحين درجه اولى ؟ " هههههههههه -----> اتغشمر ترى :)
crazy crazy فشلونا

بس ماعليك :eek2: نتأمل خير في المرات الجاية :con2:

قطر الندى

13-09-2006, 08:56 AM

يعطيك العافيه
وبذكرك بالمكتبه المتنقلة الي هي عباره عن ميني باص وبيع قصص ومجلات للاطفال

ضوى

13-09-2006, 09:37 AM

سلمتي بلادي فداك الشباب وجد لرايتنا وانتساب
فنحن الرباعم قد صافحت سواعدنا عاليات السحاب
ونقسم بالله انا نذود عن الارض مهد الأولى والجدود
هذا كان نشيد الصباح بمدارسنا
زمان اول والله صعب ننساه احس بغصة لما اتذكرها واحس بغصة اكثر لما اشوف اولادي اللي دنيتهم كلها كمبيوتر وجيم بوي وتلفزيون الله يهداهم بس ويصلحهم ، زمان اول احلى وانقى واطهر من الحين ما كان الخوف يملا قلوبنا مثل الحين نخاف عيالنا يوقفون عند الباب واول احنا بالسكيك ولا احد يتعرض لنا صبيان وبنات الحين تخاف عالولد اكثر من البنت
شكرا لك اخوي رجعتني لورا واااااااااااااااااااااايد بس ذكريات تجنن

OTOsan

13-09-2006, 10:34 AM

يعطيك العافيه
وبذكرك بالمكتبه المتنقلة الي هي عباره عن ميني باص وبيع قصص ومجلات للاطفال

هههههه
يعطيج العافيه على اضافتج الحلوه ومرورج عالموضوع ،،

OTOsan

13-09-2006, 10:40 AM

سلمتي بلادي فداك الشباب وجد لرايتنا وانتساب
فنحن الرباعم قد صافحت سواعدنا عاليات السحاب
ونقسم بالله انا نذود عن الارض مهد الأولى والجدود
هذا كان نشيد الصباح بمدارسنا
زمان اول والله صعب ننساه احس بغصة لما اتذكرها واحس بغصة اكثر لما اشوف اولادي اللي دنيتهم كلها كمبيوتر وجيم بوي وتلفزيون الله يهداهم بس ويصلحهم ، زمان اول احلى وانقى واطهر من الحين ما كان الخوف يملا قلوبنا مثل الحين نخاف عيالنا يوقفون عند الباب واول احنا بالسكيك ولا احد يتعرض لنا صبيان وبنات الحين تخاف عالولد اكثر من البنت
شكرا لك اخوي رجعتني لورا واااااااااااااااااااااايد بس ذكريات تجنن

كما اسلفت سابقا ، فان التطور والتقدم لابد وان تكون له بعض الضريبه ، سواء كانت هذه الضريبه تتعلق بصميم الاسره او بصميم المجتمع كله ،

بالنسبة للنشيد .. هههههههههه .. حبيت اقول :
الا ليت النشيد يعود يوما .. فاخبره بما فعل ( الشباب )
:)

اتذكر مشكلة مدرستنا زمان ان المسجل عندهم كان لج عليه .. ههههههه .. حزات يشتغل وحزات يخورها ..
وحزات يحطون شريط خربان ماتسمع منه الا صوت جنه صوت واحد غرقان في الماي
بس احلى حركه كنا نسويها عندنا في المدرسة .. لما يجي مقطع :
( سواعدنا عاليات السحااااب )
لازم نرفع ايدينا الثنتين فوق ،، يعني كلش بنمسك السحاب كخخخخخخ

الف شكر على تعقيبج ومرورج واضافتج للموضوع ..

khaldoon

13-09-2006, 01:23 PM

والله موضوع وطرح ولا اروع ..الله يجزيك كل خير
بالنسبه لمسلسل الساعه ثمان ما اعرفه او يمكن ناسيه تماما...بس اللي اتذكره زين المسلسل الكويتي الى ابي وامي مع التحيه ...خصوصا قصصه الرائعه وكيف كان الممثل عبد الرحمن عقل شاب فاشل دراسيا وحرامي يسرق ابوه احيانا ....خصوصا اني كنت اخاف اكون مثله لانه بداياتي الدراسيه كانت مثله ترتيبي 12 و13 على الصف
ايضا برنامج سلامتك سلامتك نود لك سلامتك
وبرنامج افتح يا سمسم ابوابك نحن الاطفال...الحين قنوات الاطفال اللي تفتح 24 ساعه مب مثل ايامنا من 3:15 الى 4 عصرا ما فيها برنامج مثل افتح يا سمسم للاسف او المناهل
يعني كالغثاء
نسيت لما كنا نفتح التلفزيون متلهفين ونحصله مغلق تماما وقران كريم على طول لمدة ثلاثة ايام واحنا ما ندري ايش السالفه
موضوعك على قد ما هو رائع على قد ما هو محزن صراحة ويثير الذكريات
نسيت الدكاين وكيف تبيع الحيايا البلاستيك اخوي....والحلويات اللي على شكل فواكه وكلها مرشوشه بالسكر
نسيت برامج الاطفال اللي كلها واحد مضيع ابوه او امه وهو يعيش عيشة الفقارى وابوه وامه ملوك وسلاطين وهم ما يدرون عنه..خصوصا مسلسل السندباد وبشار ......
نسيت المسلسل السوري دليله والزيبق اللى وانا صغير قدموه 7 مرات (بطولة منى واصف)..على مدار كم سنه
نسيت برامج ذهبيه جابي وما فيها من غرائب
نسيت برامج ستوديو الفن اللي كنا نشوفها وبدايات راغب علامه ...ايام كنا نسجل الاغاني قبل الفيديو كليب
الله يعطيك الف الف عافيه ..خلاص يكفي هههههههههههههه

OTOsan

13-09-2006, 01:42 PM

ما شاء الله عليك اخوي خلدون .. ذاكرتك حديد :)

انا الصراحه ايمن جاده كان ( ولازال ) يثير اعجابي بثقافته ولباقته
وحسن تقديمه ..

عموما اخوي خلدون ماخليت لي شي اتذكره زود عن اللي قلته ،،

الف شكر لتفضلك بالمرور والتعقيب على الموضوع :)

khaldoon

13-09-2006, 02:54 PM

']ما شاء الله عليك اخوي خلدون .. ذاكرتك حديد :)

انا الصراحه ايمن جاده كان ( ولازال ) يثير اعجابي بثقافته ولباقته
وحسن تقديمه ..

عموما اخوي خلدون ماخليت لي شي اتذكره زود عن اللي قلته ،،

الف شكر لتفضلك بالمرور والتعقيب على الموضوع :)

الله يجزيك كل خير يا الغالي....بخصوص ايمن جاده فعلا ...قدم برنامج مساء الخير كل يوم جمعه من العصر للمغرب ...طويل كم ساعه ما اذكر وبعدها توقفت برامج ذهبيه جابي حتى طلت علينا من جديد مثل ما نشوف الان

jajassim

13-09-2006, 03:11 PM

اييييييييييييييييييه رأحت أيامنا crazy crazy

نسيتوا ،، برنامج الأطفال الاماراتي :deal:

كان دائما في مسابقاته ،، ويقول (( خلط بلط ،، خلط بلط ،، خلط بلط )) :eek2: :eek2:

قطر الندى

13-09-2006, 11:57 PM

اييييييييييييييييييه رأحت أيامنا crazy crazy

نسيتوا ،، برنامج الأطفال الاماراتي :deal:

كان دائما في مسابقاته ،، ويقول (( خلط بلط ،، خلط بلط ،، خلط بلط )) :eek2: :eek2:

هههههههههههههههههههههههههههههههه

ذبحتني من الضحك

prettywoman

14-09-2006, 05:00 AM

هههههههههههههههههههههههههههههه
موضوع جدا رائع نتذكر معاه ذكريات الزمن الجميل
يعطيك العافيه اخي الكريم لونلي.

OTOsan

14-09-2006, 09:37 AM

اييييييييييييييييييه رأحت أيامنا crazy crazy

نسيتوا ،، برنامج الأطفال الاماراتي :deal:

كان دائما في مسابقاته ،، ويقول (( خلط بلط ،، خلط بلط ،، خلط بلط )) :eek2: :eek2:

ههههههههههه .. والله بالنسبه لي ما اتذكره ..
اخر شي في ذاكرتي بالنسبة للبرامج والمسلسلات كان ( سعدون ) بس اللي قبله مدري عنه :)

يعطيك العافيه اخوي جاسم وشاكر لك مرورك :)

OTOsan

14-09-2006, 09:39 AM

هههههههههههههههههههههههههههههه
موضوع جدا رائع نتذكر معاه ذكريات الزمن الجميل
يعطيك العافيه اخي الكريم لونلي.

الله يعافيج اختي بريتي .. والاروع هو مرورج :)

الزاجل

15-10-2006, 12:16 PM

']

[CENTER]جمل .. انقرضت او في طريقها للانقراض ..

( انا رايح الملعب اشجع العربي )

في ظل النتائج الغير مقبولة للنادي العربي وفي ظل انتعاش الفرق الاخرى .. فاكيد هذه الجملة في طريقها للانقراض ،،
( هههههههههههه والله غشمره يالربع لحد يزنط لي )

للي على جيلنا مثل هالأمور بالفعل انقرضت يا لونلي

لكن بالنسبة للعربي
صدقني ان محد يحضر كثر ما يحضرون القدامى
اللي كانوا وما زالوا يشجعون العربي

يمكن ميزة النادي العربي الوحيدة
انه جمهوره اللي عاصر زمن الأحلام وما بعده بقليل
مازال متمسك بتشجيع النادي ..

واقول كما قال الشاعر

حيوووووووووووووا العرباوي
حيوه
حيوااااااااااااااااااا العرباوي
حيوووه
:app:
:app: :app:
:app: :app: :app:
:app: :app: :app: :app:
:app: :app: :app: :app: :app:
:app: :app: :app: :app: :app: :app:
:app: :app: :app: :app: :app: :app: :app:
:app: :app: :app: :app: :app: :app: :app: :app:
:app: :app: :app: :app: :app: :app: :app: :app: :app:

لمت داون111

15-10-2006, 12:20 PM

تذكرون برنامج كانو يحطونه برمضان كل سنه .. مب قديم وايد وايد

ونسيت اسمه والله بس كانو يحطونه بعد الساعه 12 وكنا نتجمع علي التلفزيون ونشوفه:con2:

وكان فيه جمهور كبير وكان المقدم يسحب من صندوق الارقام وصاحب الرقم من الجمهور يجي لعنده ياخذ جائزه .. والبرنامج اسمه الرابح الاكبر او اسحب واربح .. مب متذكر بس كان برنامج عجييب :app:

والمذيع كان قصير شوي وشنبه ثقيل بلا عارض :D

والله ناسي .. و الي عرفه يذكرناcrazy

الزاجل

15-10-2006, 12:24 PM

تذكرون برنامج كانو يحطونه برمضان كل سنه .. مب قديم وايد وايد

ونسيت اسمه والله بس كانو يحطونه بعد الساعه 12 وكنا نتجمع علي التلفزيون ونشوفه:con2:

وكان فيه جمهور كبير وكان المقدم يسحب من صندوق الارقام وصاحب الرقم من الجمهور يجي لعنده ياخذ جائزه .. والبرنامج اسمه الرابح الاكبر او اسحب واربح .. مب متذكر بس كان برنامج عجييب :app:

والمذيع كان قصير شوي وشنبه ثقيل بلا عارض :D

والله ناسي .. و الي عرفه يذكرناcrazy
جاسم عبدالعزيز
البرنامج الجماهيري الكبير
بس اسم البرنامج مب متذكره ..

عندك بعد برنامج ايمن جادة
كان من افضل البرامج الثقافية
بعد مب متذكر اسمه

OTOsan

16-10-2006, 11:10 AM

للي على جيلنا مثل هالأمور بالفعل انقرضت يا لونلي

لكن بالنسبة للعربي
صدقني ان محد يحضر كثر ما يحضرون القدامى
اللي كانوا وما زالوا يشجعون العربي

يمكن ميزة النادي العربي الوحيدة
انه جمهوره اللي عاصر زمن الأحلام وما بعده بقليل
مازال متمسك بتشجيع النادي ..

واقول كما قال الشاعر

حيوووووووووووووا العرباوي
حيوه
حيوااااااااااااااااااا العرباوي
حيوووه
:app:
:app: :app:
:app: :app: :app:
:app: :app: :app: :app:
:app: :app: :app: :app: :app:
:app: :app: :app: :app: :app: :app:
:app: :app: :app: :app: :app: :app: :app:
:app: :app: :app: :app: :app: :app: :app: :app:
:app: :app: :app: :app: :app: :app: :app: :app: :app:

تصدق هالجمله كتبتها الدوري اللي طاف يوم كانت نتايج العربي مب شي قبل يستلمه عبدالله سعد ، وسبحان الله انت رفعتها على هالايام وجات بوقتها هههههههههههههه
عموما هي مثل ماهي مكتوبة غشمره .. وكانت ايامها حرب بين مشجعي العربي ومشجعي الريان وبما اني رياني قلت ارفع لهم ضغطهم واحط هالجمله :eek2: ،

الكبير كبير اخوي الزاجل تاكد من هالشي ، ومسيرالعربي يرجع لايامه ومجده ان شاء الله ،،
حتى الريان ان شاء الله بيشد حيله وبنفوز عليكم المباراه الجايه :D

الف شكر لمرورك وتعقيبك :)

OTOsan

16-10-2006, 11:16 AM

تذكرون برنامج كانو يحطونه برمضان كل سنه .. مب قديم وايد وايد

ونسيت اسمه والله بس كانو يحطونه بعد الساعه 12 وكنا نتجمع علي التلفزيون ونشوفه:con2:

وكان فيه جمهور كبير وكان المقدم يسحب من صندوق الارقام وصاحب الرقم من الجمهور يجي لعنده ياخذ جائزه .. والبرنامج اسمه الرابح الاكبر او اسحب واربح .. مب متذكر بس كان برنامج عجييب :app:

والمذيع كان قصير شوي وشنبه ثقيل بلا عارض :D

والله ناسي .. و الي عرفه يذكرناcrazy

البرنامج اسمه ( امرح واربح ) ومثل ماقال اخوي الزاجل مقدمه جاسم عبدالعزيز ..
وعلى قولة احد الاخوه السودانيين من الوناسه يوم طلع فيه ( احيي موقدم برنامج ارمح واربح ) هههههههههههه

دشيناه مره وواحد من ربعنا فاز بشنطة سفر ههههههههههههههه
يعطيك العافيه اخوي لمت على مرورك ،،

OTOsan

16-10-2006, 11:20 AM

جاسم عبدالعزيز
البرنامج الجماهيري الكبير
بس اسم البرنامج مب متذكره ..

عندك بعد برنامج ايمن جادة
كان من افضل البرامج الثقافية
بعد مب متذكر اسمه

اعتقد ان هذا هو اسمه مثل ماذكر الاخ خلدون :

الله يجزيك كل خير يا الغالي....بخصوص ايمن جاده فعلا ...قدم برنامج مساء الخير كل يوم جمعه من العصر للمغرب ...طويل كم ساعه ما اذكر وبعدها توقفت برامج ذهبيه جابي حتى طلت علينا من جديد مثل ما نشوف الان

:)

الزاجل

16-10-2006, 02:53 PM

']اعتقد ان هذا هو اسمه مثل ماذكر الاخ خلدون :

:)
مساء الخير غير يا لونلي

برنامج ايمن جادة كان برنامج مسابقات يقدم في رمضان اعتقد
بس
اشكان اسمه
اشكان اسمه
اشكان اسمه :con2:

غسق

16-10-2006, 03:34 PM

جزيت خيرا أخي الكريم على حديث الذكريات

سكينة

17-10-2006, 08:15 AM

جزاك الله خيرا

بوحمد1

17-10-2006, 08:25 AM

يعطيك العافيــــــــــــه

OTOsan

17-10-2006, 10:13 AM

مساء الخير غير يا لونلي

برنامج ايمن جادة كان برنامج مسابقات يقدم في رمضان اعتقد
بس
اشكان اسمه
اشكان اسمه
اشكان اسمه :con2:

صح كلامك ،،

حاولت ادور في النت على اسم ايمن جاده واقول يمكن اسم البرنامج مذكور .. بس للاسف كلامهم كله عن ايمن جاده كمسؤول في قناة الجزيرة الرياضيه .. محد تكلم عن الماضي :(

باحاول اسال واذا عرفت باعطيك خبر :)

OTOsan

17-10-2006, 10:15 AM

جزيت خيرا أخي الكريم على حديث الذكريات

ويجزيك كل الخير على مرورك الطيب اخوي الغسق ،،

OTOsan

17-10-2006, 10:18 AM

جزاك الله خيرا

الله يجزيج كل الخير ومشكوره عالمرور ،،

يعطيك العافيــــــــــــه

الله يعافيك وشاكر لك مرورك ،،