صار حتما انشاء مزيد من صالات الافر اح في قطر

[انجاز]

نظرا لمراعاة السلامة و الامان ولقلة عدد قاعات الافراح يتطلب زيادة عدد صالات الافراح في كل مدينة من مدن الدوحة حتى يتم استبعاد خيم الافراح ومالها من سلبيات ومساوئ وحتى يتم رفع احتكار صالات الافراح الباهضة الاثمان ...دعوة للمناداة باقامة صالة افراح خاصة بكل مدينة

[الـقـاسـي]

نظرا لمراعاة السلامة و الامان ولقلة عدد قاعات الافراح يتطلب زيادة عدد صالات الافراح في كل مدينة من مدن الدوحة حتى يتم استبعاد خيم الافراح ومالها من سلبيات ومساوئ وحتى يتم رفع احتكار صالات الافراح الباهضة الاثمان ...دعوة للمناداة باقامة صالة افراح خاصة بكل مدينة

ياليت احد من الوزراء او من المسؤولين يبرر سبب واحد فقط لاحتكار قاعات الافراح ويقولون لنا من هي الشخصيه المستفيده من الاحتكار ياخوي اذا قطر مافيها احتكار ماتصير قطر ..

عجزنا واحنا نتكلم بهالموضوع بس مافيه فايده نبي نعرف المبالغ الخياليه اللي تطلع من غلاء اسعار القاعات تروح في مخباة منو ؟؟؟

في أحد كفو من المسؤولين يطلع ويقول لنا منهو المستفيد من هالاحتكار ..

مانبي تصريح للشعب ببناء قاعات افراح نبي الدولة اهيا اللي تبني قاعات افراح وتكون بأسعار تشجيعيه وليس اسعار تجاريه ..

يا أصحاب القرار حرام عليكم ترى اللي قاعد يصير بذمتكم وراح تتحاسبون عليه بأذن الله في الدنيا قبل الاخره ..

[_بوشهاب_]

اخوي القاسي واكبر دليل على الاحتكار ان كان في كم مشروع لصالات افراح وبعد المباشر في تنفيذ المشروع او بالاصح بعد ماعلقت لافته المشروع توقفت المشاريع وتلاشي كل شي

الله كريم وان شاء الله الامور تتسهل على الشباب في الايام القادمه

[بوطويشم]

ياليت احد من الوزراء او من المسؤولين يبرر سبب واحد فقط لاحتكار قاعات الافراح ويقولون لنا من هي الشخصيه المستفيده من الاحتكار ياخوي اذا قطر مافيها احتكار ماتصير قطر ..

عجزنا واحنا نتكلم بهالموضوع بس مافيه فايده نبي نعرف المبالغ الخياليه اللي تطلع من غلاء اسعار القاعات تروح في مخباة منو ؟؟؟

في أحد كفو من المسؤولين يطلع ويقول لنا منهو المستفيد من هالاحتكار ..

مانبي تصريح للشعب ببناء قاعات افراح نبي الدولة اهيا اللي تبني قاعات افراح وتكون بأسعار تشجيعيه وليس اسعار تجاريه ..

يا أصحاب القرار حرام عليكم ترى اللي قاعد يصير بذمتكم وراح تتحاسبون عليه بأذن الله في الدنيا قبل الاخره ..

السلام عليكم

مازيد على كلام اخوي القاسي

[سمو انسان]

الكلام سهل ولكن المشكله في التطبيق .. الاراضي موجوده والمعدات بعد موجوده لكن التصريح من وين نجيبه ؟؟

واذا على الدوله فهي غير ملزومه ببناء قاعات الافراح .. ولكن البلديه ملزومه بفحص ومعاينة خيم الاعراس والمناسبات والخ .. ومطابقة شروط السلامه .. طبعا معظم الخيم اللي عندنا هني الله بالخير والسلامه (الله الحافظ) !!!

[منتهى الحكمة]

يعني ما يشوفون اللي قاعد يصير إذا في مؤتمر طارئ في الفنادق كنسلو كل الأعراس إلى أجل غير مسمى بذمتكم يجوز هالشي مساكين المعاريس وأكثر شي يسبب مشاكل بين أهل العروس والمعرس مكان قاعة العرس وتكاليفها .. الله المستعان

[ahmed jasim]

أمس كان فى تصريح من مسؤول فى الداخلية ينصح الناس باللجوء الى أدارة المطافي لكيفية أخذ الأحتياطات لمنع حريق الخيام.

أدارة المطافي ممثلة بالداخلية فى موقف أقوى لو تلزم البلدية السماح لأنشاء الصالات لتفادى هالحوادث من الأساس.

[MeMe MoOoON]

انا اشارك بالمؤتمرات تنقط فلوس على الاجانب بشكل غير طبيعي على اشياء تافهه ...........لو يسوون فيها مشاريع لمصلحة القطريين وخاصه مثل هالشي كان احسن

[خشوف]

لو يسمحون لنا بالقصور والاستراحات مثل السعودية عن حالي لوعندي ارض كبيره سويتها استراحة وماباخذ تصريح بيتي وبسوي فيه عرس من يعز علي مب ممنوع وبركب عازل صوت ب 3000 والبوفيه من عندهم

[الـقـاسـي]

اخوي القاسي واكبر دليل على الاحتكار ان كان في كم مشروع لصالات افراح وبعد المباشر في تنفيذ المشروع او بالاصح بعد ماعلقت لافته المشروع توقفت المشاريع وتلاشي كل شي

الله كريم وان شاء الله الامور تتسهل على الشباب في الايام القادمه

صحيح كلامك اخوي كانت مشاريع قاعات افراح وتحولت الى اشياء ثانيه شلوون ماتدري ؟؟
اهو معروف لمصلحة من هالاحتكار وكلن يدري بس مافيدنا نسوي شي محد يقدر يمنعه ..
القاعه الملكيه اللي في معيذر بكم كان ايجارها قبل فتره مب بعيده واجد كان ب10 الالف تقريبا ممكن يزيد شوي وكانت عند مواطن ومثل ماسمعت انها انسحبت منه لصالح هيئه قطر الوطنيه للفنادق وشوف كم صار ايجارها الحين ..
هو الظاهر انها وجميع الصالات تتبع لهيئه قطر الوطنيه للفنادق بس الخافي ماندري لمن ولا نعرف من المستفيد الاول ..

[الـقـاسـي]

الكلام سهل ولكن المشكله في التطبيق .. الاراضي موجوده والمعدات بعد موجوده لكن التصريح من وين نجيبه ؟؟

واذا على الدوله فهي غير ملزومه ببناء قاعات الافراح .. ولكن البلديه ملزومه بفحص ومعاينة خيم الاعراس والمناسبات والخ .. ومطابقة شروط السلامه .. طبعا معظم الخيم اللي عندنا هني الله بالخير والسلامه (الله الحافظ) !!!

اخوي الا الدوله ملزومه والتقصير هذا من الدوله والحكومه .. هذا يعتبر ظلم لشعب قطر من حقهم واجبهم على الدوله انها توفر لهم خيارات متعدده وتسهل لهم امور حياتهم ..

[اسعاف]

آتذكر ان غانم آل سعد كلمني قبل عشر سنين

انه بصدد بناء صالة افراح عند نشنل القريب من دوار التلفزيون

بقدرة قادر لغوا المشروع كنسلوه ليس ما ادري لعلها المافيا كماقال القاسي

[اسعاف]

بالسعودية يعملون قصور افراح للنساء والرجال ملاصقين لبعض فيهم فخامة وكاملة الخدمات

وما يكلف المعرس اكثر من عشرين الف على الصالتين

اما في قطر 0000000000000000000

خلهه على الله بس

[الـقـاسـي]

آتذكر ان غانم آل سعد كلمني قبل عشر سنين

انه بصدد بناء صالة افراح عند نشنل القريب من دوار التلفزيون

بقدرة قادر لغوا المشروع كنسلوه ليس ما ادري لعلها المافيا كماقال القاسي

غيره وغيره حاولوا بس ماقدرو مع انه غانم ال سعد انسان واصل وماقدر .. ولكن فيه فعلا مافيا خفيه تقف وراء الاحتكار هذا ..
من هي المافيا هذي ؟؟
من هم المستفيدون من الاحتكار هذا ؟؟

اسئله محتاجين لاجابتها فعلا ..

[ذربة ألكلام]

حسبي الله ونعم الوكيل

صارت قاعات الافراح حمل ثقيل على المعرس كان الله في عونه في اسعارهم الخياليه...

ومحد حاس ولا حياة لمن تنادي


حرام عليكم خلو شبابنا يتزوج بتزوجون بيسر وسهوله

[هدوء 2]

القاسي يسلم يمناك :nice:

[شلبي]

نظرا لمراعاة السلامة و الامان ولقلة عدد قاعات الافراح يتطلب زيادة عدد صالات الافراح في كل مدينة من مدن الدوحة حتى يتم استبعاد خيم الافراح ومالها من سلبيات ومساوئ وحتى يتم رفع احتكار صالات الافراح الباهضة الاثمان ...دعوة للمناداة باقامة صالة افراح خاصة بكل مدينة


الله يحييك على هذا الموضوع
والله يبيله حملة شعبية قوية
الاحتكار اللي يقف في وجه الحلال حراااااام
صالة افراح وبدون كراسي وطاولات تجاوز مهر العروس ؟؟
ليش بسبب الاحتكار
صالة افراح معيذر كيف تم الترخيص بها ؟؟
الحين لجنة السكان في قطر ما ترفع الى اعلى اقتراح بتعزيز وتسهيل اتمام الزيجات خصوصا ان قطر اعلى البلاد العربية في نسبة الطلاق ؟؟

وينه بو الشباب الشيخ جاسم بن حمد بن خليفة
ما يحلها الا لحية غانمة
وين الاجاويد
وين النخوة ؟؟
لا كثر الله خير من يمنع الحلال ويشيع المفاسد في البلد

[الميلاني 11]

في ابو ظبي قاعة زايد للافراح من الدولة للشعب

تدفع 3000 درهم للقاعة واذا خلص العرس

يرجعونها لك :)

[الـقـاسـي]

القاسي يسلم يمناك :nice:

الله يسلمك فديتك ..

[abdulla999]

مافي امل يسون قاعات ويعطون تصاريح الالي عنده واسطه كبيرة والي عندهم صالات بيزعلون وهم اهم من المواطنيين العاديين

[الـقـاسـي]

مافي امل يسون قاعات ويعطون تصاريح الالي عنده واسطه كبيرة والي عندهم صالات بيزعلون وهم اهم من المواطنيين العاديين
مو هذا مربط الفرس ليش مافيه امل .. على اي اساس وبعدين ما اتوقع انهم اصحااب اتوقع انه صاحب القاعات بيزعل ..

[عليه العوض]

في السعوديه صالات الافراح متوفره للجميع يمكن تحصل صاله بسته اللاف ريال ويمكن بعشره و يمكن بعشرين الف واكثر على حسب الصاله و تجهيزاتها و كل واحد على مقدرته الماديه و الصالات مجهزه قسم للرجال وقسم للنساء الا مور مسهله و مسهلين على عباد الله اما في الدوحه حدث ولا حرج ندرة الصالات
واحتكارها و ما تلاقي حجز طول العام و غلاء فاحش يكسر رقبة العريس و تنكد عليه حياته الزوجيه ويصبح
تعيس بدل ما يكون عريس ويا ريت يسمحو ببناء صالات اعراس لكل طبقات المجتمع وكل واحد يمد ريله
على قد فراشه وبلاش الاحتكار و الطمع على حساب المساكين

[شلبي]

اخوي الا الدوله ملزومه والتقصير هذا من الدوله والحكومه .. هذا يعتبر ظلم لشعب قطر من حقهم واجبهم على الدوله انها توفر لهم خيارات متعدده وتسهل لهم امور حياتهم ..

الدولة يجب ان تقوم بدور المنظم المحايد ولكن ... اختلاط الاوراق بين الحكومة والقطاع الخاص (البزنسس) خلاها سلطة !!
الغني ممكن يظل غني لكن ليش يدعس على الاخرين ؟؟ الاحتكار للقلة المعدودين يجعل باقي الاموال تهاجر الى الخارج !! الاحتكار يخرب الاقتصاد

يعني وش تستفيد يا المحتكر لما تخرب ؟؟ ما همك الا نفسك ؟؟ والبلاد والعباد مالهم حقوق ؟؟
انظروا الى قطر !! عقود وعقود تمر ولا تغيرت ! شوارع زفت (من قلب) وعمران سطحي (شوية ابراج ومجمعات فاضية ومناحسين يؤجرونها ) وين صارت اللؤلؤة ؟؟ وين مشروع لوسيل ؟؟ وين المشاريع الاستثمارية والصناعية بالبلد ؟؟

اقول ! خلنا بصالات الافراح ! خلوا الشباب يفرح ويدخل عش الزوجية بلا مديونية وعوار راس !!
ممكن ؟؟ اعتبروها تخليص ذمة ولا صدقة جارية !
اعتبروها كفارة
اعتبروها بخشيش للشعب ...الصابر

[حمود قطر]

قاعات للأفراح ( للرجال و النساء )

في الكويت والبحرين والإمارات والسعودية بأسعار رمزية لا تتعدى الـ 5000 ريال

كحد أقصى .. وعلى فكرة الكويت والإمارات شعبها رااااهي والحمدلله في خير ونعمة

ولكن الحكومة وضعت لهم الخيارات .. صالات فخمة وراقية 5 ستار موجودة ..

وصالات متوسطة المستوى موجود ومدعوم من الحكومة ..


بالنسبة للإحتكار .. ما في شي ينخش في هالبلد ، مافي في هالبلد الا هالولد ..

شخص يدير الدولة على كيف كيفه .. اهم شي البزنس عنده ..

اللي يبي ( المسجد ) موجود واللي يبي البار ( الديسكو ) موجووود ( هذا كلامه ) ..

معظم الاستثمارات الأجنبية ( الشركات الأجنبية ) اللي تبي تستثمر في قطر ..

له نسبه مشاركه ومحاصصه معاهم ..!!


بس الله فوووووق يا سعادة الـ .................................................. ......... @@

لا تحسب انك راح تتوفق في دنيتك .. يجيلك يوووم يا ظاااااااااالم ..

ودعاوي الناس عليك كثر حبات الرمل ، والله يمهل ولا يهمل ..

وتذكر قدرة رب العالمين عليك .. ( خاااااااااف ربك ) ..

كلكم رااااع وكلكم مسؤوول عن رعيته ..

[الـقـاسـي]

الدولة يجب ان تقوم بدور المنظم المحايد ولكن ... اختلاط الاوراق بين الحكومة والقطاع الخاص (البزنسس) خلاها سلطة !!
الغني ممكن يظل غني لكن ليش يدعس على الاخرين ؟؟ الاحتكار للقلة المعدودين يجعل باقي الاموال تهاجر الى الخارج !! الاحتكار يخرب الاقتصاد

يعني وش تستفيد يا المحتكر لما تخرب ؟؟ ما همك الا نفسك ؟؟ والبلاد والعباد مالهم حقوق ؟؟
انظروا الى قطر !! عقود وعقود تمر ولا تغيرت ! شوارع زفت (من قلب) وعمران سطحي (شوية ابراج ومجمعات فاضية ومناحسين يؤجرونها ) وين صارت اللؤلؤة ؟؟ وين مشروع لوسيل ؟؟ وين المشاريع الاستثمارية والصناعية بالبلد ؟؟

اقول ! خلنا بصالات الافراح ! خلوا الشباب يفرح ويدخل عش الزوجية بلا مديونية وعوار راس !!
ممكن ؟؟ اعتبروها تخليص ذمة ولا صدقة جارية !
اعتبروها كفارة
اعتبروها بخشيش للشعب ...الصابر

انا اختلف معاك اخوي الدوله دورها لايقتصر على التنظيم والحيادية في ظل الوقت الراهن اللي صار فيه الكبير يدوس على الصغير .. بعض الشخصيات تستغل سلطتها لأشباع أطماعهم ومصالحهم الشخصيه عيانا جهارا وليس هناك لارقيب ولاحسيب أين دور الدولة من هؤلاء ..

أين قوانين الدولة وتشريعاتها من هؤلاء المغتصبين حقوق المواطن القطري ؟؟؟

[الـقـاسـي]

قاعات للأفراح ( للرجال و النساء )

في الكويت والبحرين والإمارات والسعودية بأسعار رمزية لا تتعدى الـ 5000 ريال

كحد أقصى .. وعلى فكرة الكويت والإمارات شعبها رااااهي والحمدلله في خير ونعمة

ولكن الحكومة وضعت لهم الخيارات .. صالات فخمة وراقية 5 ستار موجودة ..

وصالات متوسطة المستوى موجود ومدعوم من الحكومة ..


بالنسبة للإحتكار .. ما في شي ينخش في هالبلد ، مافي في هالبلد الا هالولد ..

شخص يدير الدولة على كيف كيفه .. اهم شي البزنس عنده ..

اللي يبي ( المسجد ) موجود واللي يبي البار ( الديسكو ) موجووود ( هذا كلامه ) ..

معظم الاستثمارات الأجنبية ( الشركات الأجنبية ) اللي تبي تستثمر في قطر ..

له نسبه مشاركه ومحاصصه معاهم ..!!


بس الله فوووووق يا سعادة الـ .................................................. ......... @@

لا تحسب انك راح تتوفق في دنيتك .. يجيلك يوووم يا ظاااااااااالم ..

ودعاوي الناس عليك كثر حبات الرمل ، والله يمهل ولا يهمل ..

وتذكر قدرة رب العالمين عليك .. ( خاااااااااف ربك ) ..

كلكم رااااع وكلكم مسؤوول عن رعيته ..

للأسف الشخصيه هذي كشرت عن انيابها بقوه بدون حياء او خجل .. واستولى على كل شي تقريبا في قطر بالطيب او بالقوه ولا احد قادر يوقفه ..
بس مانقدر نقول الا عسى رب العالمين يرينا دعاوي الناس عليك في الدنيا قبل الاخره ..

[صوت الضمير]

على السنوات القادمه بتزداد معدلات العنوسه عندنا

لان شبابنا راحو يتزوجون بالسعوديه والبحرين علشان المهور وتكاليف العرس

اللي تشيب الرأس

نبي المسئولين يتحركون ؟؟؟؟؟؟ نبي الجمعيات الخيريه اللي فالحه توزع للبعيد
وتبني بلبنان وغيرها..

نبيهم يتكفلون ببناء صالات افراح .....

والله حرام اللي يصير ....

يالشاب يقعد على حياة العزوبيه ... يا ينكسر ظهره بذا الديون اللي بتراكم عليه لين مايشيب...

اجل صالة معيذر كانت ب 20 الف ريال يوم شروها بعض العرب خلوها ب 60 الف

والله حرام هالجشع والطمع ...

اقوال الله يجزاه خير اللي بنى خيمة البداد للناس تعرس فيها.. ولوجهه الله

لكن جشع التجار وحسدهم ... ماخالا الناس بحالهم

حسبي الله عليكم يالمسئولين عن هالصالات

ترا حتى الخيام صارت غاليه وبسعر خيالي يعني مالك مفر :(

اخوي متزوج بالسعوديه

سعر صالة افراح النساء خمس آلاف ريال
والرجال خمس آلاف ريال بجانب بعض
وكلفنا العرسين كلها تقريبا 30 الف ريال

اما اختم كلامي الا

لاحول ولاقوة الا بالله

العنود

[مرتبش]

نار الاسعار ونار الخيام
اخرتها الناس بتسوي اعراسها في الحسا ..

[BIG-VEGA]

اخواني الاعزاء...
انجاز.... انت حطيت يدك على الجرح
القاسي.....انت شرحت الجرح واسبابه

بعض الشخصيات تستغل سلطتها لأشباع أطماعهم ومصالحهم الشخصيه
ِشلبي......انت جبت دواء الجرح

اعتبروها تخليص ذمة ولا صدقة جارية !
اعتبروها كفارة
اعتبروها بخشيش للشعب ...الصابر
حمود قطر.....انت جبت الوقاية حق كثير من الجروح

كلكم رااااع وكلكم مسؤوول عن رعيته

مرتبش....انت شكلك رااااايق:funny:

الله يحفظكم كلكم

[simsim1963]

في ابو ظبي قاعة زايد للافراح من الدولة للشعب

تدفع 3000 درهم للقاعة واذا خلص العرس

يرجعونها لك :)
في ابوظبي غير بس اهني كله بزنس في بزنس يعني نفعني ونفعك القلوب صارت حجر ما فيها رحمه للناس . وبعدين اذا كل واحد عمل صاله افراح اصحاب الفنادق من وين بيكدون فلوس ؟ حل لي هذي القمندة:victory: يعني ولا يفكر احد ولو بعد حين انه تنفتح الرخص للصالات

[بوخالد2]

ياليت احد من الوزراء او من المسؤولين يبرر سبب واحد فقط لاحتكار قاعات الافراح ويقولون لنا من هي الشخصيه المستفيده من الاحتكار ياخوي اذا قطر مافيها احتكار ماتصير قطر ..

عجزنا واحنا نتكلم بهالموضوع بس مافيه فايده نبي نعرف المبالغ الخياليه اللي تطلع من غلاء اسعار القاعات تروح في مخباة منو ؟؟؟

في أحد كفو من المسؤولين يطلع ويقول لنا منهو المستفيد من هالاحتكار ..

مانبي تصريح للشعب ببناء قاعات افراح نبي الدولة اهيا اللي تبني قاعات افراح وتكون بأسعار تشجيعيه وليس اسعار تجاريه ..

يا أصحاب القرار حرام عليكم ترى اللي قاعد يصير بذمتكم وراح تتحاسبون عليه بأذن الله في الدنيا قبل الاخره ..

اى والله انك صادق يالقاسي

مب هم اللى يطبلون في الجرايد قطر اغنى شعب في العالم

قطر عندها اكبر مادري شنو في العالم

قطر ------

قطر ------

قطر -------

الظاهر مايحسون هم كلش !!!

[فلان]

ماقصرتوا يا إخوان .. يعني معقولة التصريح لازم يوقعه ولي العهد !!! طيب التصاريح الي تختص بأمن الدولة أو إنشاء مصنع سلاح مثلاً من يوقعه؟ مادري موضوع التصاريح ليش معظمينه في قطر!!!

و بخصوص المنشار ............. الله فوقه .............

[الـقـاسـي]

اى والله انك صادق يالقاسي

مب هم اللى يطبلون في الجرايد قطر اغنى شعب في العالم

قطر عندها اكبر مادري شنو في العالم

قطر ------

قطر ------

قطر -------

الظاهر مايحسون هم كلش !!!

وانا اخوك اذا قطر كانت مثل مايقولون اغنى دوله واغنى شعب ترى المستفيد عدد قليل جدا من هالموضوع ولا باقي الشعب تغمس بالديون والسبه هالكلام ..
لما يقولون شعب قطر اغنى شعب المقصود اعداد قليله ومعروفه واي قطري ممكن يعدهم ع الاصابع اما باقي الشعب غرقان ديون وكل ماله يغرق اكثر والسبب هالجمله ..

[الـقـاسـي]

ماقصرتوا يا إخوان .. يعني معقولة التصريح لازم يوقعه ولي العهد !!! طيب التصاريح الي تختص بأمن الدولة أو إنشاء مصنع سلاح مثلاً من يوقعه؟ مادري موضوع التصاريح ليش معظمينه في قطر!!!

و بخصوص المنشار ............. الله فوقه .............

سالفه التصريح انسى يعطونك لو شنو لانها راح تتعارض مع مصالح ناس معينيين واهما عزيزين جدا ع الدوله مايقدرون يزعلونهم ..

اتوقع لو تطلب ترخيص مفاعل نووي اسهل من ترخيص قاعه أفراح ..

حسبي الله ونعم الوكيل .. اللهم أرنا دعاوي المظلومين عليه في الدنيا قبل الاخره ..

[شلبي]

سالفه التصريح انسى يعطونك لو شنو لانها راح تتعارض مع مصالح ناس معينيين واهما عزيزين جدا ع الدوله مايقدرون يزعلونهم ..

اتوقع لو تطلب ترخيص مفاعل نووي اسهل من ترخيص قاعه أفراح ..

حسبي الله ونعم الوكيل .. اللهم أرنا دعاوي المطلومين عليه في الدنيا قبل الاخره ..



يعني ما في امل ؟؟

خاف بس يحتكرون الهوا !!:weeping:

[الـقـاسـي]

يعني ما في امل ؟؟

خاف بس يحتكرون الهوا !!:weeping:

ههههههههههه يمكن لاتنسى اننا اغلى شعب يعني ماتفرق ويانا بندفع ..

[العين مليانة]

الموضوع مميز وهذة المشكلة التي من المفترض يناقشها الشعب ويوصلونها للمسؤليين

ليش أحتكار الصالات ؟

ليش رفع اسعار الصالات مما يؤدي الى رفع تكاليف الزواج؟

ليش مصلحة أشخاص معينين على حساب شعب ؟

ليش مافي حجوزات مع زيادة الطلب عليها ؟





وهنا نعرض لكم بعض التاثيرات السلبية ؟

- تأخر الزواج .
- دفع عب ثقيل على المتزوج أكثر ممايطيقة .
- عزوف الشباب عن الزواج .
- يعيش المتزوج بعد زواجة الحاجة تلاحقة .


واذا ماتكلم الناس وطرح مواضيع مانحلت المشكلة ؟


ومشكور على الطرح المميز والله يكثر من أمثالك في طرح المواضيع البناءة والأعضاء الكرام وفوو وكفو ..

[ذيب زكريت]

بيسوون وبيكثرون الصالات بس الاسعار اشلون بينزلون منها والا بيرفعونها

ان نزلوها وصار تنافس بيصير فيه نفص في الخدمة والمميزات وان زادوا السعر ما ناسبنا

[simsim1963]

بيسوون وبيكثرون الصالات بس الاسعار اشلون بينزلون منها والا بيرفعونها

ان نزلوها وصار تنافس بيصير فيه نفص في الخدمة والمميزات وان زادوا السعر ما ناسبنا

اذا الصالات لنفس الاشخاص بتكون الأسعار مرتفعه بس اذا مسأله التصاريح مفتوحه ابشر بالخير

[al.wajbah]

الله لايوفقهم دنيا واخره


مايقهرني الا وانت دافع دم قلبك وحلالك واخرتها اذا فيه مؤتمر كنسلوا كل الحجوزات !!


هاي وانت حاجز بفلوووسك هالشكل يعاملونك ؟؟؟؟



والاسعار خيالية لابعد حد !!!



لكن اذا جينا للجد ..



احنا لنا دور كبير خلاهم يتمادون ..


يجونك ناس على قدهم ويتسلفون وحالتهم حاله ،، تشوف أعراسهم تقول مليونيرية !!!!!!!



الزبو والمفوشر هو اللي خلانا مقصه !!

[فلفل حار]

والله ياريت ...

ترانا على ويه زواج بآذن الله ... :)

[طارق]

قصدكم
بيعطونك تصريح صاله اعراس
بس بشرط
البنى عليك
والعماله عليك
والخساره عليك
والربح ..........50% لك و الباقي للي بيعطيك بطاقته الشخصيه عشان التصريح يطلع

مايخدم بخيل:omg: