استقتاء حول مواقف سوق واقف الجديدة ....أرجو من الجميع المشاركة [الأرشيف]

لعديد

18-08-2009, 04:42 PM

ارجو المشاركة في استقتاء حول مواقف سوق واقف الجديدة وارجو بأن يصل هذا الاستفتاء الى السؤولين والمهندسين المسؤولين عن هذي المواقف

من ناحية التنظيم ؟ مساحة الموقف للسيارة ؟ مساحة الشارع الداخلي الذي بين المواقف؟ طريقة الدخول والخروج منها ؟ هل الموقف الجديدة أفضل من الموقف القديمة؟

PRINCESS

18-08-2009, 04:48 PM

الصراحه المواقف ماتستوعب الاعداد الكبيره ال تجي للسوق
زحمه زحمه.....بشكل لايطاق
حتى الواحد يتكاسل يروح....بسبب هالزحمه والانتظار بالمواقف ..لفترات طويله:rolleyes2:

::.Silent.::

18-08-2009, 04:49 PM

الصراحه المواقف ماتستوعب الاعداد الكبيره ال تجي للسوق
زحمه زحمه.....بشكل لايطاق
حتى الواحد يتكاسل يروح....بسبب هالزحمه والانتظار بالمواقف ..لفترات طويله:rolleyes2:

أ
وافقج الرأي

من كثرة الزحمة الواحد يغير وجهته

الـقـاسـي

18-08-2009, 04:58 PM

خربو المواقف والله العظيم وحتى بعد الترتيب هذا الجديد خربوها اكثر واكثر

Realistic

18-08-2009, 05:02 PM

انا اشوفها صارت منظمه اكثر

بس محتاجه اشوي وقت عشان الناس يتعودون عليها ..

الأغر

18-08-2009, 05:03 PM

المواقف غير مرتبه والشارع مزعج ناهيك انها غير كافيه لا وبفلوس!

سوق واقف

18-08-2009, 05:04 PM

المواقف صغيره جدااااا
لو المواقف ترجع مثل أيام قبل أحسن وأكبر

سلامي للكل

18-08-2009, 05:13 PM

مواقف ســـوق واقف وما ادراك ما هي :rolleyes2:

ترتيب المواقف فاشل فاشل فاشل :anger1:

وياريت المهندس يراجع تصميمه ويقارنه بالتصميم القبلي

:anger1:

الفريق أول ركن

18-08-2009, 05:17 PM

صارت أحسن من اول

ع الاقل الحين منظمه وتقدر تلقالك موقف والاهم من هذا انهم حددوا اماكن الووقوف من عدمها ؛؛؛

qatar lady

18-08-2009, 05:52 PM

من وجهة نظري اشوف المواقف ضيقة وطريقة صفة السيارة صعبه بالنسبة للبعض خاصة انه مافي اضاءة كافية توضح للسايق المدخل من المخرج ..
ومن ناحية ثانية الارضية احسها ماتنفع ان الواحد يمشي عليها سواء بالسيارة او بالرجل<<يعني الي على كراسي متحركة يواجهون صعوبة بتحريك الكرسي على مثل هالنوعية من الشوارع

ANONYMOUS

18-08-2009, 05:58 PM

لو مسورينها وحطوا البوابات... كان ماكلف شي..

بس حاليا عفسوها..

ذربة ألكلام

18-08-2009, 06:01 PM

منظمه لكن ماتكفي السيارات

Most Wanted

18-08-2009, 06:19 PM

مواقف ضيقه يدوب السياره تدخل

دخلت مره بالجمس وصج توهقت اول مره وقفت صكرت الشارع وتميت ادور لي حصلت موقف ويوم وقفت خذت مكان سيارتين عشان مت أسكر الشارع.

اللي سواها ما خططها صح الظاهر حاسب سياراتنا نفس اوروبا من هالسيارات الاصغار

لو مخلينه نفس الاول وايد أحسن

طرفه

18-08-2009, 06:29 PM

الحمد لله لا نريد الذهاب هناك وانت تعرف الاسباب
الله يهديهم ويهدينا

لعديد

18-08-2009, 09:29 PM

صارت أحسن من اول

ع الاقل الحين منظمه وتقدر تلقالك موقف والاهم من هذا انهم حددوا اماكن الووقوف من عدمها ؛؛؛

صارت أحسن من اول!!!!!! كيف؟

سؤالي لك أخي الفريق أول ركن هل لو كان عنك سوبربان تقدر توقف في هذي المواقف؟؟
أعتقد بأن لووو كانت سيارة سوبربان ، وسيارات النقل مثل gmc، والمتسوبيشي لايوجد لها موقف
وصحيح حددو أماكن الوقف لكن حاصرونا بضيق هذي المواقف والرصيف

clouds

19-08-2009, 12:57 AM

المواقف ضيقه ولازم تركب رصيف لو تسوق اسكليد لوا سياره عوده...يمكن يفكرون قطر اوروبا كل واحد بسمارت ولا ميني كوبر يدعس في دواعيس مواقف سوق واقف..والاسهم مش واضحه مخربطه والموقف ضيييييق مايناسب حجم سيارتنا

clouds

19-08-2009, 12:58 AM

عبير وردة

19-08-2009, 01:14 AM

ضيقة وعوجة ... مش مريحة بالصفه !!!!

وبحس حالي حأخبط بالسيارة اللي وراي

وظلمة يا ريت ع الأقل ينوروا المكان ............... وشكرا لك يا صاحب الاستفتاء

فلفل حار

19-08-2009, 04:48 AM

على هالآرضيه التعيسه ...؟
والمواقف الضيقه آلي تزحف آطراف التواير على آقل تشطيفه ...:rolleyes2:

أقترح بشكل جدي يفتحون فروع محلات بييرلي في السوق ...

http://www.indysuperbikes.com/Images2/pirelli/diablo.jpg

تقضي حوايجكـ في السوق وتخليهم يسوون لكـ ميزانية تواير بالمرهـ ... :(:)

جوال 11

19-08-2009, 05:28 AM

ممكن كانوا بيعملون عداد لكل موقف ثم غيروا الوضع الى بوابات ، وهذه مشكلتنا التنفيذ قبل التخطيط ، لكن المواقف حاليا ضيقة وتستوعب أقل عدد من السيارات .
يقول المثل عيش وشوف

عـ العبيدلي

19-08-2009, 06:46 AM

مااافي ليتااات ..
الارضيه تعبانه ..
المواقف ضيقه ..
مافي علامات ع الارض ..
ازمه ازمه زحمه المواقف صغيييييره ..

يحلون هالمواضيع اول شي بعدين يسون مواقف يديده

كشكول

19-08-2009, 08:13 AM

بالفعل المواقف فعلا صغيره اللي يدخل موقف وعنده سيار كبيره ومعظمنا القطرييين سياراتنا كبيره
يبي له مهاره يطلع من الموقف عشان ما يخبط السياراه اللي وراه وااللي جنبه
تخطيط المواقف وضع ليسع عدد كبير من السيارات حتى يتم جني مبالغ اكثر في حاله تطبيق العدادات

صمتي حزن

19-08-2009, 08:31 AM

خطوه ممتازه على الاقل انحصل مواقف مب اصحاب السوق هم الي يوقفون في المواقف دكان يبيع بزار اتحصل فيه 100 واحد قاعد ماعندهم شقله واحنى انوقف عند المتحف علشان نوصل السوق

ذيب زكريت

19-08-2009, 12:18 PM

اللي ما عجبني انهم سووها بفلوس يا اخي اشصار في العالم الكل صار انتهازي ويمصونا مص

وبالنسبة للمشي كلش مب عدله ذاك اليوم خدامة تدز لها عجوز ما قدرت جا ولد حلال وساعدها

وبعد كم مره نشوف بنات صغار يتكرفسون ويطيحون وبعضهم طيحتهم خشنه من هاللي يلبسون

الكعب الله يهداهم

بومحمد911

19-08-2009, 01:05 PM

بتشتري سيارة وتبي تفحصها بلمجان

لحق

مواقف سوق واقف سوف تظهر لك عيوب السيارة

العمـادي

19-08-2009, 01:19 PM

سين سؤال

ليش ما سوى الموقف من طابقين وشو بيخسرون ؟؟؟

ما دام مسوينه بفلوس يسونه طابقين ويريحونا

تحداني

19-08-2009, 01:22 PM

.. مساء الخير ..

المواقف ارضيتها تعيشه ..
مدخلها ومخرجها سئ ..
ضيقه احيانا :) واحيانا اشعر انها واسعه ..
على حسب وقفه بعض الناس :) ...
لا تدري من اين تبدأ هذه المواقف واين تنتهي ..,

واكثر شئ سئ في هذه المواقف انها مظلمه ..
وغير مريحه للغايه ..

ارجو الاخذ بكل هذه الامور في عين الاعتبار ..

بارك الله فيك ..

black@white

19-08-2009, 10:05 PM

المواقف ضيقه بالكاد تسع لسياره صغيره فمابالك بالسياره الكبيره
فهنا تمتحن مواهب الساثق في الدخول والخروج من الموقف
والارضيه فعلا تعبانه
اعتقد ان المواقف صغيره لاستيعاب عدد اكبر من السيارات لجني اموال اكثر في حاله عمل عدادات

القيادي

20-08-2009, 12:57 AM

انا اعتقد ان المواقف تقليدية ولا فيها شي مطؤر غير الحجر الارضي الي كلفهم ملايين ومع الاسف لا يستوعب االسيارات بما فيه الكفاية يعني ايش المشكلة لو سوو مواقف تحتية وعلوية ( طابقين ) يعني بعد كم سنة وزدهار السياحة في قطر فما الحل في ضنكم طبعا مثل الحلول المتعارف عليها في شوارعنا( تسكير وتكسير + حفر طرقات + إغلاق طرقات + تحويلات وتأخير لسنوات)

Most Wanted

20-08-2009, 02:41 AM

سبحان الله نفس كلامي انا كتبته وحطيت رد وعقب شفت ردك..يعني احنا نفس الراي:discuss:

:nice::nice:

MeMe MoOoON

20-08-2009, 04:12 AM

الصراحه انا مب باط جبدي غير الحصا اللي حاطينه جهة المواقف بالذات عاد بالله عليهم هذا شي يصلح للمواقف والصراحه وايد ضيقه ..........اول كانت اوسع واحسن

دهــن العود

20-08-2009, 05:56 AM

لا مواقف عدلة ولا ارضية زينة

حتى مافكروا في ذوي الاحتياجات الخاصة كبار السن الي على الكراسي

شلون بيحركون كراسيهم !!!!!

الجماعه بغوا طبها وعموها

بندرصالحي

20-08-2009, 06:18 AM

بعد الانتهاء من مواقف سوق الاحمد سابقا من جهة الشرق سيصبح الوضع ممتاز

umm yousef

21-08-2009, 12:40 AM

المواقف ضيقة ، وممرات الدخول والخروج غير سلسة..أول كانت أفضل..
مرة كنت أنتظر وغيري سائق باعافية قدر يطلع بالجمس تحس أنك بتخبط الي في الموقف المقابل من صغر المساحة..وتعرفوا معظم السيارات فورويل وعائلية..
بعدها ما رحت كلش!

برزان1

21-08-2009, 01:33 AM

الموقف ضيقة جداً لا تستوعب السيارات الفو ويل درايف

هذه مناسبة لسيارات البيجو والرينو الصغيرة

رياني77

21-08-2009, 02:46 AM

صراحه فاشله فاشله فاشله هالمواقف ضيقه حيل ويادوب توقف سيارتك

لعديد

21-08-2009, 08:15 AM

الرايــق

21-08-2009, 10:04 AM

على هالآرضيه التعيسه ...؟
والمواقف الضيقه آلي تزحف آطراف التواير على آقل تشطيفه ...:rolleyes2:

أقترح بشكل جدي يفتحون فروع محلات بييرلي في السوق ...

http://www.indysuperbikes.com/images2/pirelli/diablo.jpg

تقضي حوايجكـ في السوق وتخليهم يسوون لكـ ميزانية تواير بالمرهـ ... :(:)

هههههههههه والله جبتها
اهم شي ميزانية التواير

راشد محمد

21-08-2009, 12:30 PM

مواقفه ضيقة وسيئة التخطيط

بوحارب

21-08-2009, 12:51 PM

مواقف تعبانه من كل النواحي

يبون يسوونها تراثية على حسابنا.... مواترنا تكسرت من الأرضيات الوعره

حتى العراوي اللي عندي ما صرت اروح فيها السوق خايف عليها:(

الهملة111

21-08-2009, 02:56 PM

اولآ المواقف المساحة ضيقة لوقوف السيارات التي تستعملها الاسر القطرية
ثانيآ على الاقل تحصل موقف بعد التعرفة على الموقف سابقا اصحاب المحلات هم الذين يحجزون المواقف طول اليوم وسلامتكم ومبارك عليكم الشهر .

شموخ

21-08-2009, 03:39 PM

المواقف ضيقةوطريقةالخروج تلخبط الواحدوالارضيةبصراحةمكسرةسياراتناابذمتكم هذي أرضيةوليش زمان أول ماكان في قارمايسوى عليناحتى المشي مانقدرنمشي على هالارضيةمن طريقةوضع الحجرأرجوكم شوفوا لناحل-

المها قطر

21-08-2009, 04:19 PM

الحصى اللي رصفوا فية الطريق سوق واقف امشي وتنقلب رجلي يغيت انكسر ذاك اليوم
الله يعين كبار السن والعجايز يمشون وقلبهم على يدهم من تقلبات الارضية كذلك ذوي الاعاقات واللي يمشون على عصى ما تصلح لهم الارضية
يابالفيت تراثي اي بطيخ ياشيخ

_المواقف وانت داخل الباب حاسب لا تنشمخ اسيارة من بوابة العبور من الضيق
_المواقف حاسب وانت تريوس لا تدعم اللي وراك

غير الكسافة والضيق يا مال الفقر يدورون فلوس في بلد الخير والعز والرخاء معقولة لكن يستاهلون الاجانب والبلشتية يدفعونهم لكن العائلات القطرية المفروض مايدفعونهم لانهم في بلادهم يعني ماخلوا بلادهم وراحوا بلاد ثانية يكدون مثل الاجانب
المطار بعد قلنا مقبولة لان في ناس تسافر بالشهور والسيارة مبندة في كراج المطار
بعد سوق واقف زين يسوون المواقف بس للاسف بدون جودة ولا ضمير

làst çhàncè

21-08-2009, 08:40 PM

زين ماسوو يوم حطوها بفلوس خل الدولة تستفيد من المقيمين اكثر مايروح سوق واقف هم

روح qtr

21-08-2009, 08:53 PM

موضوع قيم ومهم يعطيكـ العافيهـ

عن نفســــي الأرضيهـ تكسر المواتر وتلعوز الواحد تقول داش حصى

وخربوها اكثر بالمواقف الضيقهـ لو يوسعونها شوي احلى وعن تنظيمها حلو . .

ام شهد قطر

21-08-2009, 10:32 PM

صراحة المواقف وايد وايد ضيقه

Riku3

21-08-2009, 10:51 PM

تحداني

21-08-2009, 11:01 PM

المكان صار ضيق وايد .. والمداخل والمخارج ضيقة ورصيف عالي على السيارات الصالون ! .. والمشكلة ان الرنقات تحك في الرصيف ..

الواحد الي يدخل هناك بدون مايحك او يركب رصيف يكون انجاز .

والارضية .. مهزلة >_< .

صح :( وصح الصح .. وفوقها مليون صح ..
انا ما اعرف متى هالعالم بيسون شئ عدل مثل الاوادم ..
لازم كل شئ ينعاد مليون مره