المساعد الشخصي الرقمي

مشاهدة النسخة كاملة : صرف التاميفلو ...دون فحص المريض ....!!!


بنت الصقور
18-08-2009, 04:58 PM
اصدرت وزارة الصحة العامة امرا بصرف عقار تامي فلو لجميع المصابين بارتفاع درجة الحرارة كإجراء وقائي، دون الحاجة لأخذ عينات للتأكد من الإصابة بالمرض

كأجراء وقائي!!!!

هل هذا تناقض ؟ باول الصيف امنعوا الناس من اخذ التامي فلو يقول لك لا تاخذه ما يفيد ولا يقيك من شي الحين قاموا يصرفونه كاجراء وقائي دون فحص

طيب وش بيكلفكم الفحص ..؟؟؟؟

في احد الدول الخليجية المجاورة الفحص يتم للكل وعن طريق الانف والنتيجه خلال ربع ساعه

هل زاد المخزون لديكم واردتم التخلص منه ؟؟
هل هي صفقه كما يقولون ؟؟؟
هل توزيع الدواء بشكل عشوائي ارخص من الفحص واوفر

عجبي
hich
18-08-2009, 05:20 PM
لا اختي من الكسل الجماعه كنسلوا أصلا شي أسمه فحص خلاص اي واحد عنده انفلونزا يعطونه الادويه


اقول بس الله يهديهم لو يركزون في العلاج و الفحص السريري و يقللون من الظهور والمفوشر
فارس الكلمة
18-08-2009, 05:27 PM
طالما أن نتيجة الفحص تستغرق 4 أيام كما يقولون ..

فكان من الواجب أخذ مثل هذه الاحتياطات ..
اسعاف
18-08-2009, 05:34 PM
بعد شنهو
بعد خراب البصرة

=========================================

المريض الكعبي مات في الطوارئ من المرض نفسه

وكان موجود عندهم ثلاث ساعات ولم يعالجوه ولم يعطوه مضاد

قالواله ننتظر نتائج الفحص ثم نعالجك (والنتائج تاتي بعد يومين ):rolleyes2:

وبعد وفاة الكعبي

قالوا : إن اي حالة تأتينا الأن سوف نطعمها بالمضاد بغض النظر عن نتائج الفحص

طبعاهذه الخبرة الكبيرة اخذوها بعد ما مات الكعبي عندهم

وكانت حالته شديدة وكا يعاني من امراض ثانية


===========================

نكتة

الربع كلما شافوا واحد من الربع يعاطس وامزكم قالوا له " ها خنزرت؟؟؟؟؟؟؟"
قناص قطر
18-08-2009, 05:39 PM
صح كلامك

قالوا : اذا الواحد حذ التمفلو بدون مرض بتكون نتايجه عكسيه

يعني بعدين لا ينفع معاه العلاج اذا لا سمح الله صابه المرض

والحين صار العكس
بنت الصقور
18-08-2009, 05:46 PM
لا اختي من الكسل الجماعه كنسلوا أصلا شي أسمه فحص خلاص اي واحد عنده انفلونزا يعطونه الادويه


اقول بس الله يهديهم لو يركزون في العلاج و الفحص السريري و يقللون من الظهور والمفوشر

على قولتك كسل : العوايل اللي اعرفهم مصروف لهم الدوى اكثر من 6 عوائل

حتى ما شافو ظروسهم

حسبي الله ونعم الوكيل
بنت الصقور
18-08-2009, 05:49 PM
طالما أن نتيجة الفحص تستغرق 4 أيام كما يقولون ..

فكان من الواجب أخذ مثل هذه الاحتياطات ..

ابد الفحص ياخذ 15 دقيقه

وبداية انتشار المرض في الدولة ما كانوا يعرفون الا طريقة بو 4 اربع ايام

على قولتهم عندهم خطة وجاهزين ما كانت عندهم معرفه بالتحاليل الاسرع لاكتشاف المرض
بنت الصقور
18-08-2009, 05:51 PM
بعد شنهو
بعد خراب البصرة

=========================================

المريض الكعبي مات في الطوارئ من المرض نفسه

وكان موجود عندهم ثلاث ساعات ولم يعالجوه ولم يعطوه مضاد

قالواله ننتظر نتائج الفحص ثم نعالجك (والنتائج تاتي بعد يومين ):rolleyes2:

وبعد وفاة الكعبي

قالوا : إن اي حالة تأتينا الأن سوف نطعمها بالمضاد بغض النظر عن نتائج الفحص

طبعاهذه الخبرة الكبيرة اخذوها بعد ما مات الكعبي عندهم

وكانت حالته شديدة وكا يعاني من امراض ثانية


===========================

نكتة

الربع كلما شافوا واحد من الربع يعاطس وامزكم قالوا له " ها خنزرت؟؟؟؟؟؟؟"

الله يرحم الكعبي

يقول لك لا مات كانت عنده مضاعفات وعنده سكر وسمنه زايده

من في قطر ما عنده سمنه زايده وسكر عدهم على الاصابع

الله المستعان
بنت الصقور
18-08-2009, 05:52 PM
صح كلامك

قالوا : اذا الواحد حذ التمفلو بدون مرض بتكون نتايجه عكسيه

يعني بعدين لا ينفع معاه العلاج اذا لا سمح الله صابه المرض

والحين صار العكس

ما ذكروك باللي يروج لبضاعه بالاول يقول لا تستخدمونها الا بعد الاصابة
ولين طاحت البضاعه في جبدهم قالوا لا اخذوها تنفع بكل زمان ومكان ولكل الامراض بعد
المخفي
18-08-2009, 06:17 PM
اصلاً هيئة الصحة العالمية اعلنت انه التوميفلو ما قام يجيب نتيجة مع انفلونزا الخنازير
طرفه
18-08-2009, 06:32 PM
الوقاية خير من قنطار علاج
وطن
18-08-2009, 06:35 PM
كل الأدوية اذا اخذها المريض بدون حاجه تأثر على جسمه

على اي اساس هم يصرفونه بدون فحص !!!

اذا الفيتامينات اذا زادت عن حاجة الجسم تضره
شلون المضاد الحيوي اذا الجسم سليم ومو محتاجه !!!
بنت الصقور
18-08-2009, 06:47 PM
اصلاً هيئة الصحة العالمية اعلنت انه التوميفلو ما قام يجيب نتيجة مع انفلونزا الخنازير

الله المستعان
بنت الصقور
18-08-2009, 06:48 PM
الوقاية خير من قنطار علاج


اي وقايه اذا هم محذرينا قبل ما ناخذه اذا كنا غير مصابين
بنت الصقور
18-08-2009, 06:52 PM
كل الأدوية اذا اخذها المريض بدون حاجه تأثر على جسمه

على اي اساس هم يصرفونه بدون فحص !!!

اذا الفيتامينات اذا زادت عن حاجة الجسم تضره
شلون المضاد الحيوي اذا الجسم سليم ومو محتاجه !!!

على فكره وعن تجربه التاميفلو يصيب بالصداع والم المعده
ناهيك عن العزله لمدة 5 ايام يعني اذا كل مواطن فيه احتقان خذ اجازه 5 ايام خربت مالطا

في حاله في الطواري لرجل راح قال لهم سووا لي تحليل عندي احتقان وحراره
قالوا له بس حرارتك 37 طبيبعيه
رد عليهم انا ماخذ بنادول
طبعا ما كشفوا على الاحتقان \ولا شاف سرير الكشف وصفوا له التامي فلو وعلى طول اجازه اسبوع
اللي ما يبي يداوم يروح الطواري ويستهبل عليهم
روح الاطلس
18-08-2009, 06:58 PM
الدكتور محمد ال ثاني ( اظن كذا اسمه ) صرح في التلفزيون ان الفحص بالجهاز يتم خلال ست ساعات وتظهر النتيجة لكن لانهم مايملكون الا جهازين فقط والجهاز سعته مايتحمل الا 20 عينة في كل مرة لذلك العينات تتأخر وتاخذ حوالي ثلاث او اربعه ايام :)
ولكنه بشرنا انهم راحو يشترون جهاز ثالث خلال الايام القليلة :)
روح الاطلس
18-08-2009, 07:00 PM
على فكره وعن تجربه التاميفلو يصيب بالصداع والم المعده
ناهيك عن العزله لمدة 5 ايام يعني اذا كل مواطن فيه احتقان خذ اجازه 5 ايام خربت مالطا

في حاله في الطواري لرجل راح قال لهم سووا لي تحليل عندي احتقان وحراره
قالوا له بس حرارتك 37 طبيبعيه
رد عليهم انا ماخذ بنادول
طبعا ما كشفوا على الاحتقان \ولا شاف سرير الكشف وصفوا له التامي فلو وعلى طول اجازه اسبوع
اللي ما يبي يداوم يروح الطواري ويستهبل عليهم

فكرة حلوووة نسويها في رمضان وناخذ اجازة :)
جنوب الدوحه
18-08-2009, 07:02 PM
خواني هذا اجراء تحرزي من الدوله لمكافحه المرض لحد الساعه لا يوجد علالالالالالالالالاج ولا لقاح تطعيمي يعني بالعربي الدوله قاعده تسعى لمكافحه المرض باي طريقه كانت ..

وفي المقام الاول الانسان الذي يعيش على ارض الوطن والحمد لله على النعمه احسن من دول كثيره

الله يعطيهم الف عافيه ما يقصرون ..


قولوا الحمد لله ..
E L L E
18-08-2009, 07:09 PM
العصر في مستشفى السد قدامي حوالي ال 20 مريض وكلهم صرفوا لهم تاميفلو ! وانا منهم لان اليهال حرارتهم وصلت 40
أم جود
18-08-2009, 08:07 PM
اليوم وديت بنتي المستشفى
كانت حرارتها 38.5
وامس كان 37.9
المهم اليوم كان فيها شوية كحة على زكام
الدكتور قال ان عندها احتقان
وصرفلها ادول .. ودوا حق البلاعيم
وسألته ..دكتور مافي شي اخاف منه قال لا كل امورها طبيعية
وهو فهمني لأن كل اللي فالمستشفى كمامات وحالة

الله يبعد عنا الامراض
بنت الصقور
18-08-2009, 08:57 PM
خواني هذا اجراء تحرزي من الدوله لمكافحه المرض لحد الساعه لا يوجد علالالالالالالالالاج ولا لقاح تطعيمي يعني بالعربي الدوله قاعده تسعى لمكافحه المرض باي طريقه كانت ..

وفي المقام الاول الانسان الذي يعيش على ارض الوطن والحمد لله على النعمه احسن من دول كثيره

الله يعطيهم الف عافيه ما يقصرون ..


قولوا الحمد لله ..


شلون تكافحه بنفس الدوى اللي حذرت من استخدامه في حالة عدم الاصابة !!!وهي توزعه بشكل وقائي على قولتكم
بنت الصقور
18-08-2009, 09:00 PM
الدكتور محمد ال ثاني ( اظن كذا اسمه ) صرح في التلفزيون ان الفحص بالجهاز يتم خلال ست ساعات وتظهر النتيجة لكن لانهم مايملكون الا جهازين فقط والجهاز سعته مايتحمل الا 20 عينة في كل مرة لذلك العينات تتأخر وتاخذ حوالي ثلاث او اربعه ايام :)
ولكنه بشرنا انهم راحو يشترون جهاز ثالث خلال الايام القليلة :)

اي عينات هم صاروا ما يآخذون عينات

وين الخطة وين الاستعداد وين الخرابيط
بنت الصقور
18-08-2009, 09:03 PM
العصر في مستشفى السد قدامي حوالي ال 20 مريض وكلهم صرفوا لهم تاميفلو ! وانا منهم لان اليهال حرارتهم وصلت 40

طيب انتي قادره تعزلينهم ؟؟؟ واختمال 99% ما فيهم المرض

واذا وحده مثلج عايشه مثل معظم القطريين في بيت اهل زوجها وين تعزل المرضى بفندق :secret:
بنت الصقور
18-08-2009, 09:12 PM
اليوم وديت بنتي المستشفى
كانت حرارتها 38.5
وامس كان 37.9
المهم اليوم كان فيها شوية كحة على زكام
الدكتور قال ان عندها احتقان
وصرفلها ادول .. ودوا حق البلاعيم
وسألته ..دكتور مافي شي اخاف منه قال لا كل امورها طبيعية
وهو فهمني لأن كل اللي فالمستشفى كمامات وحالة

الله يبعد عنا الامراض

شكله عنده ضمير هالدكتور وين مكانه
قدام
18-08-2009, 09:30 PM
ممكن تحطووون صوره للدوا الي اسمه التامي فور للفايده عشان الكل يعرفه
شكرااا
خــطــافــ
18-08-2009, 10:10 PM
بعد شنهو
بعد خراب البصرة

=========================================

المريض الكعبي مات في الطوارئ من المرض نفسه

وكان موجود عندهم ثلاث ساعات ولم يعالجوه ولم يعطوه مضاد

قالواله ننتظر نتائج الفحص ثم نعالجك (والنتائج تاتي بعد يومين ):rolleyes2:

وبعد وفاة الكعبي

قالوا : إن اي حالة تأتينا الأن سوف نطعمها بالمضاد بغض النظر عن نتائج الفحص

طبعاهذه الخبرة الكبيرة اخذوها بعد ما مات الكعبي عندهم

وكانت حالته شديدة وكا يعاني من امراض ثانية


===========================

نكتة

الربع كلما شافوا واحد من الربع يعاطس وامزكم قالوا له " ها خنزرت؟؟؟؟؟؟؟"

اتق الله في كلامك ولا تألف ولاتثير الرأي العام

ولاتحط قصص تسمعها ولاتدري بمصدر صحتها
خــطــافــ
18-08-2009, 10:15 PM
الاجراء اللي اقدموا عليه لتزايد الحالات خصوصا فتره العوده من الاجازه واعتقد اجراء احترازي جيد جدا

الاخوه في الجهات الصحيه مهب مقصرين والحمدلله الوعي ينتشر بين الناس والكل عارف بأعراض المرض وكيفية الوقايه منه

وارتفاع الحراره عادة يحتاج مضاد حيوي والتاميفلو مضاد طبيعي فـ لادعي من التهويل واتمنى انه نوقف جنبا الى جنب من اجل صحة الشعب القطري ++ الكل يكمل بعضه
qatari1
18-08-2009, 10:20 PM
الاجراء اللي اقدموا عليه لتزايد الحالات خصوصا فتره العوده من الاجازه واعتقد اجراء احترازي جيد جدا

الاخوه في الجهات الصحيه مهب مقصرين والحمدلله الوعي ينتشر بين الناس والكل عارف بأعراض المرض وكيفية الوقايه منه

وارتفاع الحراره عادة يحتاج مضاد حيوي والتاميفلو مضاد طبيعي فـ لادعي من التهويل واتمنى انه نوقف جنبا الى جنب من اجل صحة الشعب القطري ++ الكل يكمل بعضه

أحييك على الرد، وهذا الكلام الصحيح والسليم:victory:

قيل لي اليوم أن عدد الحالات المشتبه بها(وليست المصابة بالفعل) يبلغ 2000 حالة، ولا يمكن بأي حال من الأحوال حجز كل هذا العدد الضخم من الناس لمجرد الاشتباه!

إعطاء التامي فلو على سبيل الوقاية، والمرض وإن كان معدياً وسهل الإنتشار، لكن علاجه بسيط وسهل، وفي المتناول.

فلا داعي للتهجم على وزارة الصحة بدون سبب، والمفترض أن نقول لهم بيض الله وجوهكم، وجزاكم الله خيراً.
خــطــافــ
18-08-2009, 10:34 PM
أحييك على الرد، وهذا الكلام الصحيح والسليم:victory:

قيل لي اليوم أن عدد الحالات المشتبه بها(وليست المصابة بالفعل) يبلغ 2000 حالة، ولا يمكن بأي حال من الأحوال حجز كل هذا العدد الضخم من الناس لمجرد الاشتباه!

إعطاء التامي فلو على سبيل الوقاية، والمرض وإن كان معدياً وسهل الإنتشار، لكن علاجه بسيط وسهل، وفي المتناول.

فلا داعي للتهجم على وزارة الصحة بدون سبب، والمفترض أن نقول لهم بيض الله وجوهكم، وجزاكم الله خيراً.

كلامك صحيح اخوي

وهذا الواجب

واعتقد انه دور مهم للمنتدى لـ نشر الوعي

انا اتكلم وانا اتابع عن قرب المجهودات الكبيره التي تبذلها الدوله

ولكن ليس كل مايتم عمله يعلن ++ لانه في احيان كثيره تحتاج تعمل بصمت

اعيد وااكد احنا في وقت حساس ونحتاج للوقوف صفا واحدا والجماعه مهب مقصريين والله يبيض وجوههم :)
ضوى
18-08-2009, 10:46 PM
والله ماعرفنا حق هالناس

طنشوا المرض قالوا طنشونا ماعبرونا وحرارتنا مرتفعة !!! عطوهم التامي فلو قالوا اشلون يعطونا دواء من غير فحص؟؟؟؟

الصراحة صج الناس مايعجبها العجب ، ياناس الصحة تمشي بالخطة حسب ماهو مخطط لها تمام

لا داعي للقلق ، المرض بسيط مايبي له كل هالبلبلة

بنتي حرارتها اربعين وكحة ورجعت مرتين ، ومع ذلك طبيب الجيش ماعطاها حتى مضاد والحمد لله اليوم بس بدت تتتحسن
بنت الصقور
18-08-2009, 10:49 PM
الاجراء اللي اقدموا عليه لتزايد الحالات خصوصا فتره العوده من الاجازه واعتقد اجراء احترازي جيد جدا

الاخوه في الجهات الصحيه مهب مقصرين والحمدلله الوعي ينتشر بين الناس والكل عارف بأعراض المرض وكيفية الوقايه منه

وارتفاع الحراره عادة يحتاج مضاد حيوي والتاميفلو مضاد طبيعي فـ لادعي من التهويل واتمنى انه نوقف جنبا الى جنب من اجل صحة الشعب القطري ++ الكل يكمل بعضه

من قال لك انه مضاد عادي
جربته ؟؟؟

لو جربته اول اعراضه صداع الم شديد بالمعده شبيه بالمغص
تقدر تتحمل هالالم 5 ايام ؟
تقدر تحجز نفسك بالغرفه 5 ايام ؟
احنا ما نتهجم على وزارة الصحه بس ليه ما يتم الفحص على الحاالات المشكوك بها
دام انهم جاهزين وخرابيطهم واجد على الجرايد
وين اجهزة الفحص ؟؟؟؟؟
بنت الصقور
18-08-2009, 10:55 PM
أحييك على الرد، وهذا الكلام الصحيح والسليم:victory:

قيل لي اليوم أن عدد الحالات المشتبه بها(وليست المصابة بالفعل) يبلغ 2000 حالة، ولا يمكن بأي حال من الأحوال حجز كل هذا العدد الضخم من الناس لمجرد الاشتباه!

إعطاء التامي فلو على سبيل الوقاية، والمرض وإن كان معدياً وسهل الإنتشار، لكن علاجه بسيط وسهل، وفي المتناول.

فلا داعي للتهجم على وزارة الصحة بدون سبب، والمفترض أن نقول لهم بيض الله وجوهكم، وجزاكم الله خيراً.

انا ما اقول لهم احجزوا 2000 شخص طبعا ال2000 شخص ما جو لهم بنفس اليوم ولا نفس الوقت ؟سؤالي ليش ما يتم فحص المرضى
وسالفة 3 ايام هذي كذبه
النتيجه تطلع بعد ربع ساعه وانا سويتها خارج قطر
بنت الصقور
18-08-2009, 11:04 PM
والله ماعرفنا حق هالناس

طنشوا المرض قالوا طنشونا ماعبرونا وحرارتنا مرتفعة !!! عطوهم التامي فلو قالوا اشلون يعطونا دواء من غير فحص؟؟؟؟

الصراحة صج الناس مايعجبها العجب ، ياناس الصحة تمشي بالخطة حسب ماهو مخطط لها تمام

لا داعي للقلق ، المرض بسيط مايبي له كل هالبلبلة

بنتي حرارتها اربعين وكحة ورجعت مرتين ، ومع ذلك طبيب الجيش ماعطاها حتى مضاد والحمد لله اليوم بس بدت تتتحسن

تعبت وانا اعيد واكرر مش هم قالوا خطر تاخذونه وانتوا مش مصابين !!!!
خــطــافــ
19-08-2009, 01:22 AM
من قال لك انه مضاد عادي
جربته ؟؟؟

لو جربته اول اعراضه صداع الم شديد بالمعده شبيه بالمغص
تقدر تتحمل هالالم 5 ايام ؟
تقدر تحجز نفسك بالغرفه 5 ايام ؟
احنا ما نتهجم على وزارة الصحه بس ليه ما يتم الفحص على الحاالات المشكوك بها
دام انهم جاهزين وخرابيطهم واجد على الجرايد
وين اجهزة الفحص ؟؟؟؟؟

ونتي ليش معصبه ++ هدي شووي :victory:

الهدوء مطلوب في التعاطي مع امور نجهلها ولسنا في وضع لتقييم شئ نجهله

الكلام اللي تقولينه هل يدل عن علم بـشئ ما او عن معرفه ؟

هل انتي دكتوره متخصصه ؟

اذا انتي كذلك فأنا اسف اما غير ذلك فالتزمي الصمت وبلاش اثارة بلبله لاداعي منها

ولعلمج بس الخطوره الوحيده من هذا الفايروس وعلى حسب مصدر طبي انه ماله لقاح او تطعيم لحد الان وهو شبيه بأنفلونزا الطيور اللي كان اخطر بـ كثير من هالفايروس ولكن مشكلة هالفايروس انتقاله من الحيوان للانسان ومن الانسان للانسان .

اختي الانفلونزا العاديه لها تطعيم سنوي يطرح كل سنه شهر اكتوبر ++ هل اخذتي التطعيم او كنتي تحرصين على اخذه ؟

ام انك تتكرينها وتقولين الا انفلونزا بتجي وتروح والا بالكثير مضاد وتنتهي

لعلمج بس الانفلونزا العاديه تقضي يوميا على تقريبا 150 شخص يعني يموتون يوميا بسبب الانفلونزا العاديه

وهو عدد كبير بالمقارنه مع ال H1N1

ادعوا من الله العلي القدير ان يصلنا اللقاح لانه الحل الوحيد

وبالنسبه للتاميفلو انصحج انج تفتحين هالرابط وتشوفين وتقرين معلومات عنه وعدم التحدث ونشر معلومات لا اساس لها من المعرفه

http://ar.wikipedia.org/wiki/%D8%AA%D8%A7%D9%85%D9%8A%D9%81%D9%84%D9%88
IPOD
19-08-2009, 01:34 AM
ترى حتى في بريطانيا وامريكا معااد ي اسمة تحليل لان نتيجة التحليل قامت تطول مع ازدياد الاعداد المرضى فليش ينطرونكم هالمدة كلها يعطونكم العلاج سواء فيكم ام لا بشكل احترازي والدوا ان مانفع ماضر ولا ماكان صرفوة كل الدول المتدمة عنا بمراحل كأجراء احترازي
فلفل حار
19-08-2009, 04:28 AM
والله ماعرفنا حق هالناس

طنشوا المرض قالوا طنشونا ماعبرونا وحرارتنا مرتفعة !!! عطوهم التامي فلو قالوا اشلون يعطونا دواء من غير فحص؟؟؟؟

الصراحة صج الناس مايعجبها العجب ، ياناس الصحة تمشي بالخطة حسب ماهو مخطط لها تمام

لا داعي للقلق ، المرض بسيط مايبي له كل هالبلبلة

بنتي حرارتها اربعين وكحة ورجعت مرتين ، ومع ذلك طبيب الجيش ماعطاها حتى مضاد والحمد لله اليوم بس بدت تتتحسن

هذا المختصر المفيد ...:victory:


وماتشوف شر البنت ...:)
فلفل حار
19-08-2009, 04:35 AM
http://upload.wikimedia.org/wikipedia/commons/9/98/Tamiflu.JPG



الله يكافينا شرهـ ...
مطـر
19-08-2009, 06:23 AM
لو بتكلم بقول شي مابيعجبكم كلم

انتم السبب في المرض يالقطريين او المقيمين
ايه انتو

ياما تكلمنا وقلنا المرض بينتشر
المرض معدي
لاتسافرون الدول الي فيها المرض
لاتروحو امريكا وبريطانيا ومصر

اعضاء كثير في هالمنتدى تهجمو وضحكو وسخرو من كل النصائح الي كتبناها في هالمنتدى
ومابي اشمت في اعضاء مصابين الحين بالمرض هم اول الاعضاء الي كانو يقولون اشاعات
وهاذي نحن في بريطانيا ومصر ومافينا الا العافيه
المرض كذبه واشاعات

شفتو الحين انها كذبه واشاعات
هاذا انتو ماتصدقون الاكلام راسكم وبس
والحين بدل مانوقف يد بيد قاعدين ننتقد ونعترض
الحين ماينفع الا اننا نوقف مع بعض للعلاج من المرض

لكن وش اقول
اذا كان العلاج بيدنا ومعانا من زمان
موجود في ديننا الحنيف وهو (العزله )
ايه العزله
عزل المريض او البلد الي فيها وباء لين يتعالجون او الله ياخذ امانته
لكن ماتبعناه
وقام كل واحد يسوي شوره ويفتي من عنده ويقول
انا بسافر وش دخلني , اصلا مافي مرض
مساكين الناس الي ماسافرو لهاالدول علشان مايصابون ومايجيهم المرض ويجيبوه البلد معاهم اتاري المسافرين جابوه وعملو الواجب
لاحول ولاقوة الابالله

اقول اتقوالله في انفسكم وفي غيركم
وواقفو مع المستشفى علشان يسوون الي يقدرون عليه الله يعينهم ويساعدهم يارب
مشاكل
19-08-2009, 06:39 AM
لو بتكلم بقول شي مابيعجبكم كلم

انتم السبب في المرض يالقطريين او المقيمين
ايه انتو

ياما تكلمنا وقلنا المرض بينتشر
المرض معدي
لاتسافرون الدول الي فيها المرض
لاتروحو امريكا وبريطانيا ومصر

اعضاء كثير في هالمنتدى تهجمو وضحكو وسخرو من كل النصائح الي كتبناها في هالمنتدى
ومابي اشمت في اعضاء مصابين الحين بالمرض هم اول الاعضاء الي كانو يقولون اشاعات
وهاذي نحن في بريطانيا ومصر ومافينا الا العافيه
المرض كذبه واشاعات

شفتو الحين انها كذبه واشاعات
هاذا انتو ماتصدقون الاكلام راسكم وبس
والحين بدل مانوقف يد بيد قاعدين ننتقد ونعترض
الحين ماينفع الا اننا نوقف مع بعض للعلاج من المرض

لكن وش اقول
اذا كان العلاج بيدنا ومعانا من زمان
موجود في ديننا الحنيف وهو (العزله )
ايه العزله
عزل المريض او البلد الي فيها وباء لين يتعالجون او الله ياخذ امانته
لكن ماتبعناه
وقام كل واحد يسوي شوره ويفتي من عنده ويقول
انا بسافر وش دخلني , اصلا مافي مرض
مساكين الناس الي ماسافرو لهاالدول علشان مايصابون ومايجيهم المرض ويجيبوه البلد معاهم اتاري المسافرين جابوه وعملو الواجب
لاحول ولاقوة الابالله

اقول اتقوالله في انفسكم وفي غيركم
وواقفو مع المستشفى علشان يسوون الي يقدرون عليه الله يعينهم ويساعدهم يارب

ياليت كل الناس مثلك

شف موضوعي هذا وشف ردود اغلب الاعضاء بس
الله يهدينا ويهديهم ويستر علينا اجمعين

http://www.qatarshares.com/vb/showthread.php?t=286031
بدور
19-08-2009, 07:01 AM
اختي بنت الصقور ..

بالنسبه للفحص ياخذون للي فيهم أمراض مزمنه كالربو والقلب والسكر والضغط ومتاعب من الكليه

انا دخلت الطواريء الساعه 3 الفجر واهتموا فيني اهتمام للأمانه ما قصروا معاي

حتى الفحص اللي يتأخر ليومين عطوني نتيجتي الساعه 10 صباحاً وانا عندهم

السبب عندي مرض مزمن الربو وحالتي كانت تعبانه جداً كانوا بيحجزوني بالمستشفى

وطلبت غرفه خاصه بالقمه قالوا مانقدر نعطيج الغرفه لانك مصابه وغرف الحجز عندهم

بين كل مريض ستاره وما وافقت رجعت البيت وكانوا على اتصال متواصل طول اليوم

يتابعون حالتي شهاده لله ما قصروا معاي

بالنسبه للوضع الحالي عدم الكشف لان الناس متخوفين وما فيهم اتش1 بس اعراض انفلونزا

عاديه لان المصابين ب اتش1 اعراض قويه ومتعبه ويعرفون المصابين من المشتبه فيهم

بالنسبه لتاميفلو متعب جداً انا معاج يسبب غثيان واستفراغ والم في الكبد والمعده

ثقل بالراس رجفه دقات القلب سريعه هذا كله صابني

عالعموم ماتشوفين شر انتي والعيال واشكرك على تواصلك بالخاص :)
بلاميعاد
19-08-2009, 07:07 AM
ياجماعه الخير ابي رد علا استفساري وياليت الي بيرد يكون ملم بالموضوع ومايخمن ويخربط ويفتي بكلام من عندة مب موثق
الاستفسار_صحيح الواحد لو خذا النامفلو وهو ماكان معاه انفلونزا خنازيركان معاه انفلونزا عادية

وبعدين صابة المرض ماعاد ينفع معاه التامفلو؟؟
مطـر
19-08-2009, 07:10 AM
ياليت كل الناس مثلك

شف موضوعي هذا وشف ردود اغلب الاعضاء بس
الله يهدينا ويهديهم ويستر علينا اجمعين

http://www.qatarshares.com/vb/showthread.php?t=286031

ياليت كل الناس ياخذون درس وعبره وانا وانت واحد منهم

ان كلام الدين ماهو لعب وعبث ويمشي على زمن وزمن مايمشي عليه

ان كلام الرسول محمد صلى الله عليه وسلم حق وصدق

اننا مانعند ونمشي على هوانا فيه قوانيين كونيه وقوانيين ربانيه من المولى عز وجل
اننا ندعو الله ان يغفر لنا ويرحمنا ويتوب علينا ويرحم موتانا وموتى المسلمين ويشفي مرضانا ومرضى المسلمين ........
قولو اميييييييييييين .........
بدور
19-08-2009, 07:15 AM
ياجماعه الخير ابي رد علا استفساري وياليت الي بيرد يكون ملم بالموضوع ومايخمن ويخربط ويفتي بكلام من عندة مب موثق
الاستفسار_صحيح الواحد لو خذا النامفلو وهو ماكان معاه انفلونزا خنازيركان معاه انفلونزا عادية

وبعدين صابة المرض ماعاد ينفع معاه التامفلو؟؟

اي علاج تاخذه وانت غير مصاب ما منه فايده والعلاج يكون في حالة المرض

حتى تبان نتيجته وش الفايده منه وانت غير مصاب والاكيد له اضرار

لو تسأل دكتور بأي صيدليه بيقول لك هالكلام ..

استفسر من دكاتره مش من الاعضاء اخوي
genesis
19-08-2009, 07:25 AM
[color="black"]

بالنسبه للوضع الحالي عدم الكشف لان الناس متخوفين وما فيهم اتش1 بس اعراض انفلونزا

عاديه لان المصابين ب اتش1 اعراض قويه ومتعبه ويعرفون المصابين من المشتبه فيهم

بالنسبه لتاميفلو متعب جداً انا معاج يسبب غثيان واستفراغ والم في الكبد والمعده

ثقل بالراس رجفه دقات القلب سريعه هذا كله صابني

color]

حمد الله على سلامتج اختي وما تشوفين شر. بالنسبة للتامي فلو , تتراوح الاعراض الجانبية من شخص لاخر, مثله مثل أي دواء. المعرضين لالتهابات او تقرحات المعدة عادة ما يصيبهم غثيان حتى من البندول.
بدور
19-08-2009, 07:31 AM
حمد الله على سلامتج اختي وما تشوفين شر. بالنسبة للتامي فلو , تتراوح الاعراض الجانبية من شخص لاخر, مثله مثل أي دواء. المعرضين لالتهابات او تقرحات المعدة عادة ما يصيبهم غثيان حتى من البندول.


الله يسلمك .. وفعلاً تقبل الجسم لآي علاج يختلف من انسان لآخر

تحياتي :)
مناحي السادس عشر
19-08-2009, 08:51 AM
بالنهايه محد بيموت الا في يومه
مسويين زحمه ولازم نفحص ومدري شنو والتامفلو
وزراة الصحه موفره كل شي
ليش دايما نبي نذم
ليش مافينا اي ايجابيه
على فكره يا اخوان التامفلو سعره بالسوق 176 ريال والوزاره قاعده توزعه مجااااااااااانااااااااااااا
صدقوني لو خلونا نشتريه على حسابنا محد بيتكلم
الحمدالله يارب على نعمك التي لاتعد ولا تحصى
قلت بالبدايه محد بيموت الا بيومه بس بعد لازم شوية وقايه شوية وعي صحي والامور طيبه يا اخوان
والدعاء من افضل العلاجات
نخلي ثقتنا بالله سبحانه حين ما ندعي
يارب تكافينا شر هالمرض
وماتشوفون شر يارب
ضوى
19-08-2009, 08:59 AM
بالنهايه محد بيموت الا في يومه
مسويين زحمه ولازم نفحص ومدري شنو والتامفلو
وزراة الصحه موفره كل شي
ليش دايما نبي نذم
ليش مافينا اي ايجابيه
على فكره يا اخوان التامفلو سعره بالسوق 176 ريال والوزاره قاعده توزعه مجااااااااااانااااااااااااا
صدقوني لو خلونا نشتريه على حسابنا محد بيتكلم
الحمدالله يارب على نعمك التي لاتعد ولا تحصى
قلت بالبدايه محد بيموت الا بيومه بس بعد لازم شوية وقايه شوية وعي صحي والامور طيبه يا اخوان
والدعاء من افضل العلاجات
نخلي ثقتنا بالله سبحانه حين ما ندعي
يارب تكافينا شر هالمرض
وماتشوفون شر يارب


كلامك صحيح ياخوي

وللعلم من فترة الناس كانوا يشترونه من الصيدليات الخاصة كوقاية لهم يوم يسافرون ولو الدولة ماوفرته بيقولون احنا نشتري على حسابنا والدواء غالي ( بعض مما اراه واسمعه يوميا )
E L L E
19-08-2009, 09:11 AM
اليوم ثاني يوم لي مع الدوا فعلا احس بألم ف عظامي ولوعه :(
لولوة قطرية
19-08-2009, 11:39 AM
الله يشفي الجميع
hamoor4ever
19-08-2009, 11:56 AM
اختي لاتسوين لنا وللعالم افلام وتسوين روحج افهم من الدكاتره ، علاج التامفلوا انه شخصيا مستخدمه ثلاث مرات من قبل ولا يسوي عوار راس ولا الم في المعده ، علاج عادي وسهلات واذا انتي تعرفين للعلاج راح تعرفين ليش يعطونهم اياه من غير فحص لان العلاج هاذه لازم تاخذينه بالكثير بثاني يوم من الاصابه ولا راح يكون ماله فايده يعني ماتجين لي بعد اسبوع ولا اسبوعين وتقولين ابغي تامفلو لانه ماله فايده بالمرحله هاذي ، العلاج لازم يتخذ بشكل سريع وبصراحه العلاج فعال وعجيب ويسوي مناعه للجسم لفتره معينه ضد الانفلونزا مش مثل ماانتي تقولين انه يصير الجسم قابل للمرض مره ثانيه ومايفيد فيه علاج ، اسألي شخص متخصص علشان يفهمج ليش تم منع الدوا في البدايه بلا تأليف وبلا قصص وروحي دول اوروبا وشوفيهم انه يتم صرف العلاج من غير فحص بتعرفين ليش ، بعدين العلاج هاذه حتى مع الاطفال ينفع وانتي تقولين عوار راس ومغص لمده خمس ايام مايحتمل ، رجاء تتحرين الدقه في كلامج وبلا تأليفات

واسمحي على هالرد لكن لان مانبغي اشاعات
مرتبش
19-08-2009, 01:11 PM
الاخت بنت الصقور
اجراء صرف التاميفلو في اي حالة مشتبه فيها هو توصية من منظمة الصحة العالمية
ولم يخترع في قطر
بالنسبة للفحص اللي صاير انه في ربع ساعة تطلع نتيجة الانفلونزا العادية (الموسمية) وبعد هذه النتيجة يجرى فحص اخر لل H1N1 هذا سرعته تعتمد على الامكانيات من يوم الى 5 ايام.


هذا خبر يفيد انه الاختبار السريع غير دقيق وانه تم الاستغناء عنه في مستشفيات امريكية

Flu Test
Officials Concerned About Accuracy Of Detecting Swine Flu
Jason Barry
Reporter, KPHO.com

POSTED: 5:48 pm MST August 17, 2009
UPDATED: 8:50 am MST August 18, 2009


PHOENIX -- Almost a dozen Valley hospitals will no longer use the Rapid Response flu test, which can detect the influenza virus in about 10 minutes.


الخلاصة ان الاجراءات سليمة ويمكن فيها تأخير اما عن السؤال ليش كانو يقولون لاتاخذون التاميفلو قبل الاصابة وانه ما بينفع بعدين فهذا اتوقع سببه الجهل الاعلامي وانه مرض جديد.
بنت الصقور
19-08-2009, 04:36 PM
ونتي ليش معصبه ++ هدي شووي :victory:

الهدوء مطلوب في التعاطي مع امور نجهلها ولسنا في وضع لتقييم شئ نجهله

الكلام اللي تقولينه هل يدل عن علم بـشئ ما او عن معرفه ؟

هل انتي دكتوره متخصصه ؟

اذا انتي كذلك فأنا اسف اما غير ذلك فالتزمي الصمت وبلاش اثارة بلبله لاداعي منها

ولعلمج بس الخطوره الوحيده من هذا الفايروس وعلى حسب مصدر طبي انه ماله لقاح او تطعيم لحد الان وهو شبيه بأنفلونزا الطيور اللي كان اخطر بـ كثير من هالفايروس ولكن مشكلة هالفايروس انتقاله من الحيوان للانسان ومن الانسان للانسان .

اختي الانفلونزا العاديه لها تطعيم سنوي يطرح كل سنه شهر اكتوبر ++ هل اخذتي التطعيم او كنتي تحرصين على اخذه ؟

ام انك تتكرينها وتقولين الا انفلونزا بتجي وتروح والا بالكثير مضاد وتنتهي

لعلمج بس الانفلونزا العاديه تقضي يوميا على تقريبا 150 شخص يعني يموتون يوميا بسبب الانفلونزا العاديه

وهو عدد كبير بالمقارنه مع ال h1n1

ادعوا من الله العلي القدير ان يصلنا اللقاح لانه الحل الوحيد

وبالنسبه للتاميفلو انصحج انج تفتحين هالرابط وتشوفين وتقرين معلومات عنه وعدم التحدث ونشر معلومات لا اساس لها من المعرفه

http://ar.wikipedia.org/wiki/%d8%aa%d8%a7%d9%85%d9%8a%d9%81%d9%84%d9%88

سلامتك يا خطاف انا مش معصبه بس كل واحد منكم يرد ويلف ويدور وما احصل اجابات على اسالتي .... بارد على كلامك حبه حبه
انت تسالني اذا كانت لدي معرفه بالشي ؟ نعم انا من المستخدمين للتاميفلو الآن ومن المحبوسين ....

انا مش دكتوره متخصصه ولكني بدرجه علميه تاهلني للتحدث والتسائل على الاقل

اتهامك لي بالبلبله مش بمحله ...انا سالت سؤالين ليش مافي فحص ؟ وليش يمنعونه ويسمحون به بعدين انا اتكلم بشكل عقلاني اوكي ... ومحد له حق يقول لي التزمي الصمت انا ماقلت لك الوزارة توزع مخدرات مثلا
بالنسبه للقاح الانفلونزا السنوي انا كنت اخذه وبطلت لان الدكتور قال لي انه ما ينفع لان الفايروس يتطور وين بيجيبون لقاح وهو توه متطور
بطلناها

مره اخرى تتهمني بنشر معلومات عن التاميفلو وانا ما نشرت الا الحقيقه انه يوزع بلا فحص

اي اتهام آخر !!!!!
بنت الصقور
19-08-2009, 04:39 PM
ترى حتى في بريطانيا وامريكا معااد ي اسمة تحليل لان نتيجة التحليل قامت تطول مع ازدياد الاعداد المرضى فليش ينطرونكم هالمدة كلها يعطونكم العلاج سواء فيكم ام لا بشكل احترازي والدوا ان مانفع ماضر ولا ماكان صرفوة كل الدول المتدمة عنا بمراحل كأجراء احترازي

طيب سؤالي لو انا مش مصابه وخذته باجر اذا اصبت ينفع ؟
بنت الصقور
19-08-2009, 04:40 PM
http://upload.wikimedia.org/wikipedia/commons/9/98/tamiflu.jpg



الله يكافينا شرهـ ...

سلامتك روح اعطس عند الطواري بيعطونك اياه
بنت الصقور
19-08-2009, 04:42 PM
لو بتكلم بقول شي مابيعجبكم كلم

انتم السبب في المرض يالقطريين او المقيمين
ايه انتو

ياما تكلمنا وقلنا المرض بينتشر
المرض معدي
لاتسافرون الدول الي فيها المرض
لاتروحو امريكا وبريطانيا ومصر

اعضاء كثير في هالمنتدى تهجمو وضحكو وسخرو من كل النصائح الي كتبناها في هالمنتدى
ومابي اشمت في اعضاء مصابين الحين بالمرض هم اول الاعضاء الي كانو يقولون اشاعات
وهاذي نحن في بريطانيا ومصر ومافينا الا العافيه
المرض كذبه واشاعات

شفتو الحين انها كذبه واشاعات
هاذا انتو ماتصدقون الاكلام راسكم وبس
والحين بدل مانوقف يد بيد قاعدين ننتقد ونعترض
الحين ماينفع الا اننا نوقف مع بعض للعلاج من المرض

لكن وش اقول
اذا كان العلاج بيدنا ومعانا من زمان
موجود في ديننا الحنيف وهو (العزله )
ايه العزله
عزل المريض او البلد الي فيها وباء لين يتعالجون او الله ياخذ امانته
لكن ماتبعناه
وقام كل واحد يسوي شوره ويفتي من عنده ويقول
انا بسافر وش دخلني , اصلا مافي مرض
مساكين الناس الي ماسافرو لهاالدول علشان مايصابون ومايجيهم المرض ويجيبوه البلد معاهم اتاري المسافرين جابوه وعملو الواجب
لاحول ولاقوة الابالله

اقول اتقوالله في انفسكم وفي غيركم
وواقفو مع المستشفى علشان يسوون الي يقدرون عليه الله يعينهم ويساعدهم يارب

شاكره حضورك محد ضدهم
بنت الصقور
19-08-2009, 04:45 PM
اختي بنت الصقور ..

بالنسبه للفحص ياخذون للي فيهم أمراض مزمنه كالربو والقلب والسكر والضغط ومتاعب من الكليه

انا دخلت الطواريء الساعه 3 الفجر واهتموا فيني اهتمام للأمانه ما قصروا معاي

حتى الفحص اللي يتأخر ليومين عطوني نتيجتي الساعه 10 صباحاً وانا عندهم

السبب عندي مرض مزمن الربو وحالتي كانت تعبانه جداً كانوا بيحجزوني بالمستشفى

وطلبت غرفه خاصه بالقمه قالوا مانقدر نعطيج الغرفه لانك مصابه وغرف الحجز عندهم

بين كل مريض ستاره وما وافقت رجعت البيت وكانوا على اتصال متواصل طول اليوم

يتابعون حالتي شهاده لله ما قصروا معاي

بالنسبه للوضع الحالي عدم الكشف لان الناس متخوفين وما فيهم اتش1 بس اعراض انفلونزا

عاديه لان المصابين ب اتش1 اعراض قويه ومتعبه ويعرفون المصابين من المشتبه فيهم

بالنسبه لتاميفلو متعب جداً انا معاج يسبب غثيان واستفراغ والم في الكبد والمعده

ثقل بالراس رجفه دقات القلب سريعه هذا كله صابني

عالعموم ماتشوفين شر انتي والعيال واشكرك على تواصلك بالخاص :)


كلنا فينا ربو
وبنتي فيها ربو وراحت لهم حرارتها 40 والكحه ما توقف وضيق في التنفس وبنتي عندها تاريخ في التنويم بسبب الربو
ولا عبروا سلموها التامي فلو وقبضوها الباب

وانا بعد بدون فحص
بنت الصقور
19-08-2009, 04:46 PM
ياجماعه الخير ابي رد علا استفساري وياليت الي بيرد يكون ملم بالموضوع ومايخمن ويخربط ويفتي بكلام من عندة مب موثق
الاستفسار_صحيح الواحد لو خذا النامفلو وهو ماكان معاه انفلونزا خنازيركان معاه انفلونزا عادية

وبعدين صابة المرض ماعاد ينفع معاه التامفلو؟؟

يقول لك لا تتهم الوزارة ساعدها ولا تثير بلبله كله علشان سالنا سؤالين

:secret:
بنت الصقور
19-08-2009, 04:47 PM
ياليت كل الناس ياخذون درس وعبره وانا وانت واحد منهم

ان كلام الدين ماهو لعب وعبث ويمشي على زمن وزمن مايمشي عليه

ان كلام الرسول محمد صلى الله عليه وسلم حق وصدق

اننا مانعند ونمشي على هوانا فيه قوانيين كونيه وقوانيين ربانيه من المولى عز وجل
اننا ندعو الله ان يغفر لنا ويرحمنا ويتوب علينا ويرحم موتانا وموتى المسلمين ويشفي مرضانا ومرضى المسلمين ........
قولو اميييييييييييين .........

كثير ناس ما سافروا وجالسين بالبلاد ومصابين
بنت الصقور
19-08-2009, 04:49 PM
بالنهايه محد بيموت الا في يومه
مسويين زحمه ولازم نفحص ومدري شنو والتامفلو
وزراة الصحه موفره كل شي
ليش دايما نبي نذم
ليش مافينا اي ايجابيه
على فكره يا اخوان التامفلو سعره بالسوق 176 ريال والوزاره قاعده توزعه مجااااااااااانااااااااااااا
صدقوني لو خلونا نشتريه على حسابنا محد بيتكلم
الحمدالله يارب على نعمك التي لاتعد ولا تحصى
قلت بالبدايه محد بيموت الا بيومه بس بعد لازم شوية وقايه شوية وعي صحي والامور طيبه يا اخوان
والدعاء من افضل العلاجات
نخلي ثقتنا بالله سبحانه حين ما ندعي
يارب تكافينا شر هالمرض
وماتشوفون شر يارب


اكرر احنا ما نذم احنا نسال
والا تبونا امعه ....
بنت الصقور
19-08-2009, 04:51 PM
اليوم ثاني يوم لي مع الدوا فعلا احس بألم ف عظامي ولوعه :(

الله يشافيج
بنت الصقور
19-08-2009, 04:57 PM
اختي لاتسوين لنا وللعالم افلام وتسوين روحج افهم من الدكاتره ، علاج التامفلوا انه شخصيا مستخدمه ثلاث مرات من قبل ولا يسوي عوار راس ولا الم في المعده ، علاج عادي وسهلات واذا انتي تعرفين للعلاج راح تعرفين ليش يعطونهم اياه من غير فحص لان العلاج هاذه لازم تاخذينه بالكثير بثاني يوم من الاصابه ولا راح يكون ماله فايده يعني ماتجين لي بعد اسبوع ولا اسبوعين وتقولين ابغي تامفلو لانه ماله فايده بالمرحله هاذي ، العلاج لازم يتخذ بشكل سريع وبصراحه العلاج فعال وعجيب ويسوي مناعه للجسم لفتره معينه ضد الانفلونزا مش مثل ماانتي تقولين انه يصير الجسم قابل للمرض مره ثانيه ومايفيد فيه علاج ، اسألي شخص متخصص علشان يفهمج ليش تم منع الدوا في البدايه بلا تأليف وبلا قصص وروحي دول اوروبا وشوفيهم انه يتم صرف العلاج من غير فحص بتعرفين ليش ، بعدين العلاج هاذه حتى مع الاطفال ينفع وانتي تقولين عوار راس ومغص لمده خمس ايام مايحتمل ، رجاء تتحرين الدقه في كلامج وبلا تأليفات

واسمحي على هالرد لكن لان مانبغي اشاعات

اتمنى يا دكتوره يكون اسلوبج افضل من كذا انا ما تهمت حد انا اتكلمت عن تجربه شخصيه انه سبب لي مضاعفات وكذلك الاخت بدور والاخت elle
والبيت عندي كامل وكثير من اقربائي
لا انا بدكتور ولا تهجمت عليج ولا على الوزارة ولا وزعت منشورات ولا تكلمت باشاعات
انا سالت سؤالين ليش ما في فحص وليش يمنعونه وبعدين يسمحون به
ما اعرف التاليف والقصص خليتها لاصحابها
التهجم على الناس من سمات المثقفين هالايام ... انا احشم نفسي عن الرد
واوروبا بؤرة المرض خليتها لج ليش اروح واشوف
انا سالت اساله كلتوني
بنت الصقور
19-08-2009, 04:58 PM
الاخت بنت الصقور
اجراء صرف التاميفلو في اي حالة مشتبه فيها هو توصية من منظمة الصحة العالمية
ولم يخترع في قطر
بالنسبة للفحص اللي صاير انه في ربع ساعة تطلع نتيجة الانفلونزا العادية (الموسمية) وبعد هذه النتيجة يجرى فحص اخر لل h1n1 هذا سرعته تعتمد على الامكانيات من يوم الى 5 ايام.


هذا خبر يفيد انه الاختبار السريع غير دقيق وانه تم الاستغناء عنه في مستشفيات امريكية

flu test
officials concerned about accuracy of detecting swine flu
jason barry
reporter, kpho.com

posted: 5:48 pm mst august 17, 2009
updated: 8:50 am mst august 18, 2009


phoenix -- almost a dozen valley hospitals will no longer use the rapid response flu test, which can detect the influenza virus in about 10 minutes.


الخلاصة ان الاجراءات سليمة ويمكن فيها تأخير اما عن السؤال ليش كانو يقولون لاتاخذون التاميفلو قبل الاصابة وانه ما بينفع بعدين فهذا اتوقع سببه الجهل الاعلامي وانه مرض جديد.


اشكرك اخوي على التوضيح وكثر الله من امثالك بذا المنتدى

مع انك مرتبش بس ردك ولا رد الهوامير

تسلم على الايضاح
بدور
19-08-2009, 05:51 PM
الحمدلله على السلامه اختي بنت الصقور وسلامة الاهل والعيال خطاكم الشر

وسعي صدرك حبيبتي لا تعصبين اهم شي سلامتج اختي توهم معلنين بالكويت وفاة كويتي في

العشرينات من الانفلونزا الله يرحمه ويتقبله من الشهداء

الله يشفي جميع مرضى المسلمين
nym
19-08-2009, 05:54 PM
الله يرحمنا برحمته
خــطــافــ
20-08-2009, 02:11 AM
بنت الصقور الله يكتب لج السلامه وكل حاله لها ظروفها ولاتحتمل التعميم واعتقد الاعضاء في بعض الردود جاوبوا على استفساراتج
ليــث قطر
20-08-2009, 03:39 AM
السلام عليكم ..


والله استهبال .. تعميم الصحة غريب .. كل من ارتفعت حرارته يصرف له التاميفلو بدون فحص !!!


مريت عيادة الشرطة وكان قدامي واحد حرارته مرتفعة واصرفوا له على طول بدون فحص


واسمع الدكتور يقول انه في تعميم بهالخصوص !!!



أنا قبل اسبوع كنت في مكة .. وارتفعت حرارتي 38.8 ورحت مستشفى خاص


خذوا مني عينة دم وعقب ربع ساعة بالضبط قالوا لي الحمدلله مافيك شي !



وهنيه يقولون أن الفحص ياخذ 4 أيام .. لا وما قاموا يفحصون أصلاً !!!



صرقعوا العالم .. قاموا ياخذون لدوا وهم ما يدرون انلفونزا الخنازير ولا سخونه عادية !!!!
qatari1
20-08-2009, 02:53 PM
السلام عليكم ..


والله استهبال .. تعميم الصحة غريب .. كل من ارتفعت حرارته يصرف له التاميفلو بدون فحص !!!


مريت عيادة الشرطة وكان قدامي واحد حرارته مرتفعة واصرفوا له على طول بدون فحص


واسمع الدكتور يقول انه في تعميم بهالخصوص !!!



أنا قبل اسبوع كنت في مكة .. وارتفعت حرارتي 38.8 ورحت مستشفى خاص


خذوا مني عينة دم وعقب ربع ساعة بالضبط قالوا لي الحمدلله مافيك شي !



وهنيه يقولون أن الفحص ياخذ 4 أيام .. لا وما قاموا يفحصون أصلاً !!!



صرقعوا العالم .. قاموا ياخذون لدوا وهم ما يدرون انلفونزا الخنازير ولا سخونه عادية !!!!

إنت رحت مستشفى خاص يا بو الشباب، وهنا في قطر ما في إلا مستشفى واحد، وعيادة الشرطة خاصة بالعسكريين وعائلاتهم، لذا ليس باستطاعة الجميع الذهاب إليهم!

لو قرأت النشرة الخاصة بدواء التامي فلو لوجدت أنه مخصص لعلاج الانفلونزا..

وانفلونزا الطيور، والخنازير نسخة من الانفلونزا العادية.

ما الفائدة من معرفة إذا كان المريض مصاب بانفلونزا الخنازير أو بانفلونزا عادية؟!

الأفضل له، وللمخالطين له استعمال التامي فلو، واتخاذ الاحتياطات المناسبة مثل العزل، وغسل الأيدي بالصابون أو بالمحاليل الكحولية.

وهذا أفضل من حجز المريض بانتظار ظهور نتيجة الفحص، خاصةً إذا أصبح عدد المصابين المشتبه بهم بالآلاف، ولن يجدوا العدد الكافي من الأسرة في المستشفيات!
الخيزران
20-08-2009, 03:15 PM
:nice::nice:

إنت رحت مستشفى خاص يا بو الشباب، وهنا في قطر ما في إلا مستشفى واحد، وعيادة الشرطة خاصة بالعسكريين وعائلاتهم، لذا ليس باستطاعة الجميع الذهاب إليهم!

لو قرأت النشرة الخاصة بدواء التامي فلو لوجدت أنه مخصص لعلاج الانفلونزا..

وانفلونزا الطيور، والخنازير نسخة من الانفلونزا العادية.

ما الفائدة من معرفة إذا كان المريض مصاب بانفلونزا الخنازير أو بانفلونزا عادية؟!

الأفضل له، وللمخالطين له استعمال التامي فلو، واتخاذ الاحتياطات المناسبة مثل العزل، وغسل الأيدي بالصابون أو بالمحاليل الكحولية.

وهذا أفضل من حجز المريض بانتظار ظهور نتيجة الفحص، خاصةً إذا أصبح عدد المصابين المشتبه بهم بالآلاف، ولن يجدوا العدد الكافي من الأسرة في المستشفيات!



:nice: كلامك صحيح ميه في الميه :nice:
مناحي السادس عشر
22-09-2009, 10:11 PM
بنت الصقور تعافيتي ولا للحين؟