التقويم الشفاف = 40000!!!!!!!!!!!!!!!!!!!!!

[جليســــة القــــرآن]

السلام عليكم ....
سؤال من رفيجتي :

حبيت استفسر واخذ رايكم في نفس الوقت في اللي صار معي وهو اني حابه احط التقويم الشفاف و انا اسناني مافيها مشاكل والحمدالله بس حبيت احط تقويم للتجميل ولما رحت للعيادة طبعا شرحوا لي شرح طويل عريض وان التقويم مكلف هاي الكلمة مابقى حد من العيادة ماقالها لي وكنت اقول اشوف واقرر المهم من دكتور للدكتور في نهاية المقابلة استفسرت عن سعره كان فضول واصل حده وكانت الطامه الكبرى
تخيلو ا 40 الف وحق 6شهور بس ؟!!!!! واسناني مافيها مشاكل والتبيض حساب ثاني !!

وانا محتاره معقوله نفس التقويم بالامارات 20 الف وعندنا بـ40 ليش !!!
والحين اللي يعرف عياده تسوي التقويم الشفاف ب20 اواعلى اشوي بس مش اربعين ياليت يفيدني
انا في انتظار رايكم وافادتكم

[E L L E]

بل بل 40 مره وحده

حسبي الله عليهم لو بانيه ملحق ابرك هههههههه

[ودي أكون]

انا حاطه التقويم بس مو الشفاف ب6500 ريال .. وتقويمي تجميلي

فمدام ان اسنانج مافيها شي مثلي لا تحطين التقويم الشفاف .. لان انا يوم حطيته كنت حاطته دلع :shy:

اختي حطت التقويم الشفاف . ب20 الف .. فوق شفاف بس الاسنان التحتيه لا يكون التقويم العادي ..

بس الشفاف ع كلام اختي المتزوجات هم اللي يحبون يحطونه اكثر اما العزوبيات مثلنا انحب بو الوان :tease:

[الـقـاسـي]

حتى عشرين الف واجد ترى خافوا الله .. مدام مثل ماتقولين ماله حاجه لاتركبينه اساسا واذا كلش كلش ركبي العادي وخلوا شغل المهايط والزبو
العادي ب 6 ولا 7 الاف وال13 الف الباقيه او ال 15 الف تقدرين تتصدقين فيها ورمضان ع الابواب ..

[ضوى]

يعني سبحان الله اسنانج مافيها شئ وتبين تقويم بعشرين او اكثر شوي !!!!!!


الله يهدينا يارب

[alrheeb2020]

اي والله تبرعي فالفلوس حق الفقاره اللي ماعندهم اكل ياكلونه ولا ماي يشربونه

[وطن]

اختي ليش ما تسوينه في عيادة الأسنان برميله !!

وبعدين اذا مو محتاجته ليش تحطينه

[البعد الخامس]

ما فهمت التقويم بوريحه خايسه صار للدلع

[bo_sultan]

اتقي الله فيما عندك من مال

لان محاسبين ياختي

واذا ما فيج شي تعوذي من ابليس

[الدوحه%]

حرام عليج والله ...انا كنت حاطه لملون وكل شهر اغيرلون ..حاطته بس عشان شويه فروقات يعني ماعندي سالفه ..وكان ب 16 تقريبا لكن سمعت مطوع يتكلم عن هالموضوع ان حرام وتغيرفي خلق الله تميت اصيح وانا اسمعه ... كان كلامه مؤثر..يعني محد يسوي تقويم الا الي محتاجه ضروري لمشكله عنده ..والله اعلم ..
بالتوفيق يارب

[ولد الشحانية]

هذا الاسراف بعينه

عندج فلوس زايده ماتبينهم

ابني مسجد سوي عمل خيري

[جليســــة القــــرآن]

جزاكم الله خيــــر .. والله نصحتها وأنتوا ما قصرتوا في النصايح ..

طيب يا بنت الـPeople قريتي اللي انكتب :) ..
عسى الله يسعدك ويسعد من شارك في الرد وكل من قرا .. آميــــن

[حقيقه]

http://www.lahaonline.com/media/images/articles//people/lahhha.jpg


:omg:

تبينه للكشخه يعني وبـ 20 الف

:omg:
معقوله

حطي الفلوس في شيء ينفع ابرك لس من هالسوالف :omg:

[بولينجر]

استغفر الله.... هذا اسراف وحرام.... مالها حاجة اذن لا تحطه وتغضب رب العالمين

[ANONYMOUS]

40 الف شوي..

حلاتها 200 الف.. عشان الوحده تفوشر عدل..

[>>> غــمـــوض <<<]

هلا اختــي
لو حابـه تقدرين تروحيــن عيادة سمايــل عند الدكتور نزار متخصص في التقويـــم
واسعارهم وااايـــــد حلوه
واسأليه عن التقويم الشفاف اتوقع اسعارهــم ارخص بوااايــد من باقي العيادات

وبالتوفيق

[qatari1]

خليها تحط التقويم القطري!

[سلمى76]

كتير اشوف ناس حاطين تقويم

واسنانها شكلها عادي

يعني الحمد للله ولا (( بضب ) ولا غيرة

هو ايش الفايدة منه ؟

ما اشوف في اي جمال

[شاهيناز]

انا حاطه التقويم العادي ب15 الف

بس التقويم الشفاف الحين موضه قديمه

شفت وحده حاطه تقويم مسويته في لندن

شفاف بس تركيب مثل الاسنان التركيب اذا تاكل تشيله

حلو ومريح ولا تحس فيه
وشكله مثل اللمعه على الاسنان
وكل شهر تغير التقويم

بس بــ 5000 باوند

[ANONYMOUS]

نزين عطونا شي في الدوحه ارخص من برا

[طارق]

اي والله تبرعي فالفلوس حق الفقاره اللي ماعندهم اكل ياكلونه ولا ماي يشربونه


ههههههههههههه
اي واالله ذكرتني ابكلام بعض الناس عن التبرع للفقراء

[فابريغاس]

40 ألف @@

زيديها 15 وأخذي لج سياره ودخليها الوره ابرك لج

[STAR]

لحظة ابي فهم ... في تقوي بس جذي دلع؟؟!!!

على قولتهم تجميلي؟؟!!!!


بالعكس انا احس التقويم مايحلي الواحد... شسالفة صارت موضة؟؟!!! لا تكفون خلوا الموضة عقب... انا ضروسي يبيله تقويم يا خوفي يرتفع سعر التقويم على حظي بسبب هالموضة اللي بتطيحوون عليها...!!!!

[السيل]

اختي وفقكي الله الى مايحب ويرضاه ..
الم تسمعي قول رسولنا الكريم عليه الصلاة والتسليم .. لا تزول يوم القيامة قدما عبد حتى يسأل عن أربع عن عمره فيما أفناه وعن جسده فيما أبلاه وعن علمه ماذا عمل به وعن ماله من أين أخذه وفيما أنفقه
فبالله عليك ماذا سيكون جوابك على (فيما انفقه )

الا تعلمين اختي ..
ان هناك اسر تعيش على مكيف واحد في البيت كامل ،، لا لا، لاتروحين بعيد نعم هنا في قطر
نعم مكيف في الممر يبرد على 3 او 4 غرف يعني 3 او 4 اسر

لا اطيل عليك ،،،،
اتمنى توجيه ذلك المبلغ الى مايرضي الله سبحانه ليكون لك شفيعا يوم يتبرأ الانسان من اهله و ذويه

اعتذر على الاطالة

[_بوشهاب_]

ركزوا ياجماعه


السلام عليكم ....
سؤال من رفيجتي :

حبيت استفسر واخذ رايكم في نفس الوقت في اللي صار معي وهو اني حابه احط التقويم الشفاف و انا اسناني مافيها مشاكل والحمدالله بس حبيت احط تقويم للتجميل ولما رحت للعيادة طبعا شرحوا لي شرح طويل عريض وان التقويم مكلف هاي الكلمة مابقى حد من العيادة ماقالها لي وكنت اقول اشوف واقرر المهم من دكتور للدكتور في نهاية المقابلة استفسرت عن سعره كان فضول واصل حده وكانت الطامه الكبرى
تخيلو ا 40 الف وحق 6شهور بس ؟!!!!! واسناني مافيها مشاكل والتبيض حساب ثاني !!

وانا محتاره معقوله نفس التقويم بالامارات 20 الف وعندنا بـ40 ليش !!!
والحين اللي يعرف عياده تسوي التقويم الشفاف ب20 اواعلى اشوي بس مش اربعين ياليت يفيدني
انا في انتظار رايكم وافادتكم

كلتوا المره بقشورها

[جليســــة القــــرآن]

جليسة القرآن ..
اولا ارجو ان تقتدي بإسمك المستعار وبتعاليمه ،

اختي وفقكي الله الى مايحب ويرضاه ..
الم تسمعي قول رسولنا الكريم عليه الصلاة والتسليم .. لا تزول يوم القيامة قدما عبد حتى يسأل عن أربع عن عمره فيما أفناه وعن جسده فيما أبلاه وعن علمه ماذا عمل به وعن ماله من أين أخذه وفيما أنفقه
فبالله عليك ماذا سيكون جوابك على (فيما انفقه )

الا تعلمين اختي ..
ان هناك اسر تعيش على مكيف واحد في البيت كامل ،، لا لا، لاتروحين بعيد نعم هنا في قطر
نعم مكيف في الممر يبرد على 3 او 4 غرف يعني 3 او 4 اسر

لا اطيل عليك ،،،،
اتمنى توجيه ذلك المبلغ الى مايرضي الله سبحانه ليكون لك شفيعا يوم يتبرأ الانسان من اهله و ذويه

اعتذر على الاطالة



فتحي عيونك عدل يالسيل الله يستر عليك .. صاحبة الموضوع هي رفيجتي مهب أنا !!!!

جزاك الله خير على النصيحة الله يسعدك :)

[تحداني]

.. مساء الخير ..

بخصوص التقويم الشفاف .. وحده من خواتي ..
ركبت هذا النوع من التقويم ب ــ 14 او 15 الف ريال ..
ويدفعها المريض على قسطين ..
الاول نصف السعر ..
والباقي 500 كل موعد ..
ولا تستطيعين دفع المبلغ كامل ..
حيث ان من الشروط العياده على دفعات ..

نتائجها راااااااااااائعه ..

وتم التأكد من ذلك عن طريق عياده الرميله ..
واخذت استشاره كامله وكانت النتائج مرضيه
.. العياده هي ..


مركز الخليج للاسنان .. مقابل غرفه تجاره وصناعه قطر ..

هذا والله اعلم ..

[ra3shat hadab]

السلام عليكم ....
سؤال من رفيجتي :

حبيت استفسر واخذ رايكم في نفس الوقت في اللي صار معي وهو اني حابه احط التقويم الشفاف و انا اسناني مافيها مشاكل والحمدالله بس حبيت احط تقويم للتجميل ولما رحت للعيادة طبعا شرحوا لي شرح طويل عريض وان التقويم مكلف هاي الكلمة مابقى حد من العيادة ماقالها لي وكنت اقول اشوف واقرر المهم من دكتور للدكتور في نهاية المقابلة استفسرت عن سعره كان فضول واصل حده وكانت الطامه الكبرى
تخيلو ا 40 الف وحق 6شهور بس ؟!!!!! واسناني مافيها مشاكل والتبيض حساب ثاني !!

وانا محتاره معقوله نفس التقويم بالامارات 20 الف وعندنا بـ40 ليش !!!
والحين اللي يعرف عياده تسوي التقويم الشفاف ب20 اواعلى اشوي بس مش اربعين ياليت يفيدني
انا في انتظار رايكم وافادتكم




ما قلتي لنا اختي - ( صديقة جليسة القرآن )

التقويم اللي تبين تركبينه



هجري ..؟




ولا ميلادي .. ؟




:tease:


امزح معاج ...





شوفي انا حطيت الشفاف سنة ونص عند الدكتور محمد السعيد - عيادته بعد مطابع قطر الوطنية (دوار السودان سابقاً)

وكلفني ٢٥ ألف في الفكين مع الحشوات وكل شي .. والحمد لله مبسووطة من النتايج...

المهم خذ مني مقدم والباقي على أقساط - كل زيارة أدفع له ٥٠٠

بس للحشوات كنت ادفع المبلغ كامل...

هالكلام قبل ٤ سنين تقريباً مادري عن الأسعار الحين ..

بس ماشوف له داعي اذا أسنانج مش محتاجة..

اول شي مخاسير عالفاضي وتعب ووجع لا تحسبينه شي بسيط...

وما تشوفين شر ...

[محسن العجي]

40 الف رخيص وين هالعياده ذي

< ناوي يفجرها خخخخ

الله المستعان

[اعالي الجنان]

انصحيها باللتي هي احسن وحاولي تقنعينها بان الشي هذا حرام ومايجوز
دام اسنانها زينه ومافيها اي عيب او مشاكل حرام تدفع هالمبلغ كله للزبو
خليها تروح للدكتور مروان القله اول مايشوف اسنانها بيعصب عليها
انسان مافي قلبه طمع يقول الصج ولايفكر انه يستغل المريض عكس البعض منهم اذا اعرفو بياخذون عليها دبل
عالاقل يمكن يقنعها تتراجع عن التقويم

[حفيف الصمت]

انصحيها باللتي هي احسن وحاولي تقنعينها بان الشي هذا حرام ومايجوز
دام اسنانها زينه ومافيها اي عيب او مشاكل حرام تدفع هالمبلغ كله للزبو
خليها تروح للدكتور مروان القله اول مايشوف اسنانها بيعصب عليها
انسان مافي قلبه طمع يقول الصج ولايفكر انه يستغل المريض عكس البعض منهم اذا اعرفو بياخذون عليها دبل
عالاقل يمكن يقنعها تتراجع عن التقويم

انا بروح له :nice:بس عيادته وين؟!!!
لاني ابي احط تقويم شفاف لكن مش ب40 الف طبعا؟!!

[الأميرة ملاك]

حتى عشرين الف واجد ترى خافوا الله .. مدام مثل ماتقولين ماله حاجه لاتركبينه اساسا واذا كلش كلش ركبي العادي وخلوا شغل المهايط والزبو
العادي ب 6 ولا 7 الاف وال13 الف الباقيه او ال 15 الف تقدرين تتصدقين فيها ورمضان ع الابواب ..




:ok::ok::ok::ok:

[PoBox]

*
*
التقويم يجمل !؟
ممكن
سبحان الله الناس اذواق
ولولا اختلاف الاذواق لبارت السلع
وكل انسان حر في ماله في النهاية
واللي معاه ارششش محيرووووه
يشتري تقويم ويركبوه
*
*

على سنتين في المصرف
القسط يصير 1800 تقريبا ، :rolleyes2:
ممكن يسوونه عقد استصناع
بحكم ان الارض منكم ومواد البناء للتقويم تمويل من المصرف:secret:

[اعالي الجنان]

انا بروح له :nice:بس عيادته وين؟!!!
لاني ابي احط تقويم شفاف لكن مش ب40 الف طبعا؟!!

روحي وبتدعين لي :)
عيادته بالسد اختي وانتي رايحه صوب السودان خذي اول لفه يمين وكملي علطول الين اخر الشارع خذي يسار تلاقين فله على يدج اليسار عيادته

ممتااااااااااز واشطر واحد بالدوحه في التقويم العلاجي :) والتجميلي :(

[هذلان]

محد مضيعنا غير النسوان و تفكيرهم العوج .

مع احترامي لج اختي الكريمه

يعني وين الجمال في شي يحطونه لتصليح خطا في اسنان الشخص .

١- خطاء من ناحيه الهدف ( يعني بتحطه و بتوصل رساله انها قاعده تصلح اسنانها الخربانه)
٢- خطاء من ناحيه الشكل ( التقويم محتاج عنايه خاصه في التنظيف و وجود شي في حلج المره شي مقرف من الاساس)


لو بـ ١٠٠٠ ريال تعتبر تبذير لانه صرفت فلوسها في شي ماله داعي مع اني واثق لو يقولون لها بـ ١٠ الاف بتركبه
الله يهديها و يعقلها بس

[فلفل حار]

بكرهـ رايح آشخط لي سلفيه جامدهـ وآرضخ لي رنج سبورت + رقم مميز ...
وعقبها بنشد عن بنت حلال تخاف ربها وترضى فيني وفي ديوني ...


آحسن وايد ...:telephone:

[تحداني]

محد مضيعنا غير النسوان و تفكيرهم العوج .

مع احترامي لج اختي الكريمه

يعني وين الجمال في شي يحطونه لتصليح خطا في اسنان الشخص .

١- خطاء من ناحيه الهدف ( يعني بتحطه و بتوصل رساله انها قاعده تصلح اسنانها الخربانه)
٢- خطاء من ناحيه الشكل ( التقويم محتاج عنايه خاصه في التنظيف و وجود شي في حلج المره شي مقرف من الاساس)


لو بـ ١٠٠٠ ريال تعتبر تبذير لانه صرفت فلوسها في شي ماله داعي مع اني واثق لو يقولون لها بـ ١٠ الاف بتركبه
الله يهديها و يعقلها بس




.. طيب واذا كان الناب فوق الاسنان الاماميه ..
ويسبب الم في الضروس الخلفيه .... وضغط على الاذن ..
والم بإستمرار ..

هل تعتقد انه هوس للنساء ..
ام عقول وافكار عوجاء ..


اخي الفاضل انا واحده من بين الكثير من النساء .
عانيت الكثير من الاسنان ..

فكي صغير ..
ولدي مشكله وسببت لي الام في الاذن وصداع ..
خلعت بعضها قد تنحل المشكله ..
ولكن لا فائده ..

ولم اجد حل سوى التقويم ..ولكن ليس بــ 40 الف ريال ..


لا اخفيك سرا ..

ان عمليه وضع التقويم ليس بالامر الهين صدقني والله ..

الم مستمر ..
صعوبه في الاكل ..
ارق في النوم ..

نحافه في الجسم ..
فقدان اوزان وليس كيلو واحد او اثنان ..

فأنا خسرت من الوزن 9 كيلو جرامات ..
وولست محتاجه لخساره هذا الوزن ..


لا اخفيك البعض يأخذها دلع ..
ولكن هناك حالات تحتاج....


ولا تفكر كل النساء مجنونات .. يرمون اموالهم هكذا ..
من اجل انها موضه ..


بلا موضه بلا نيله ..


الامر اكبر من هذا كله ..


الله يسعدك يارب ...
ولا اقصد شئ سوى شئ حاصل معي واردت ان اقوله لك ..فقط

[المتضرعه لله]

عيادة الطبيب ت...ي.... هو اللي يسويها بهالسعر بنت من الجماعه سوتها ست شهور اربعين الف وشكله كاسب من هالشغله لكن ست شهور وشالته واسنانها مثل ماهي اصلا اللي مايجي نحاس ماتضبط الاسنان لان هذا مطاط لعيبي مايغير بشكل الاسنان

ياااختي خافي الله بس اسنانك تقولي مافيها شيء بتروحين تحطين بلاوي وانتي اصلا ماتعرفين شقد امراض تنتقل من اطباء الاسنان


حسبي الله عليهم بس

[هذلان]

.. طيب واذا كان الناب فوق الاسنان الاماميه ..
ويسبب الم في الضروس الخلفيه .... وضغط على الاذن ..
والم بإستمرار ..

هل تعتقد انه هوس للنساء ..
ام عقول وافكار عوجاء ..


اخي الفاضل انا واحده من بين الكثير من النساء .
عانيت الكثير من الاسنان ..

فكي صغير ..
ولدي مشكله وسببت لي الام في الاذن وصداع ..
خلعت بعضها قد تنحل المشكله ..
ولكن لا فائده ..

ولم اجد حل سوى التقويم ..ولكن ليس بــ 40 الف ريال ..


لا اخفيك سرا ..

ان عمليه وضع التقويم ليس بالامر الهين صدقني والله ..

الم مستمر ..
صعوبه في الاكل ..
ارق في النوم ..

نحافه في الجسم ..
فقدان اوزان وليس كيلو واحد او اثنان ..

فأنا خسرت من الوزن 9 كيلو جرامات ..
وولست محتاجه لخساره هذا الوزن ..


لا اخفيك البعض يأخذها دلع ..
ولكن هناك حالات تحتاج....


ولا تفكر كل النساء مجنونات .. يرمون اموالهم هكذا ..
من اجل انها موضه ..


بلا موضه بلا نيله ..


الامر اكبر من هذا كله ..


الله يسعدك يارب ...
ولا اقصد شئ سوى شئ حاصل معي واردت ان اقوله لك ..فقط




اسئل الله ان يخفف عنج الالم و المعاناه الي انا اعرفها حق المعرفه.

اختي الكريمه اولا اهنيج على الاسلوب الراقي جدا في الحوار بدون مجامله

اختي الكريمه واضح من ردي اني اقصد النوع الي يحطون التقويم للزينه و اضيف نقطه هنا فيه شباب يحطون التقويم للزينه.

و اذا كنتي فعلا تعانين من التقويم انصحج بزياره الدكتور علي (شاب باكستاني) في عياده الملكه للاسنان الي في الستي سنتر ولكن انتبهي الدكتور علي ولا غير الدكتور علي وهو يعمل برفقه دكتور زائر من تركيا اسمه دكتور تافاز . اعرف صعب تغيرين ولكن نصيحتي جات بعد معاناه سنتين و نص مع التقويمجربيهم و بتدعين لي

[تحداني]

اسئل الله ان يخفف عنج الالم و المعاناه الي انا اعرفها حق المعرفه.

اختي الكريمه اولا اهنيج على الاسلوب الراقي جدا في الحوار بدون مجامله

اختي الكريمه واضح من ردي اني اقصد النوع الي يحطون التقويم للزينه و اضيف نقطه هنا فيه شباب يحطون التقويم للزينه.

و اذا كنتي فعلا تعانين من التقويم انصحج بزياره الدكتور علي (شاب باكستاني) في عياده الملكه للاسنان الي في الستي سنتر ولكن انتبهي الدكتور علي ولا غير الدكتور علي وهو يعمل برفقه دكتور زائر من تركيا اسمه دكتور تافاز . اعرف صعب تغيرين ولكن نصيحتي جات بعد معاناه سنتين و نص مع التقويمجربيهم و بتدعين لي





الله يسعدك يارب ..
ومن يرى الناس بعيون الابداع ..
فهو بالتأكيد كذلك ..

زرت عياده الملكه في السيتي سنتر ..
المشكله ليس في الدكتور .. وليس ايضا في آليه التقويم ..

انما في الالم .. وصعوبه الاكل .. ومضغ الطعام ..
ولعل هذه المشكلتين يتفق معي كل من ركب التقويم ..


صدقني تعبت من التقويم .. لدرجه احيانا اصاب بانهيار ..
اقول في داخلي سأذهب واكسر كل قطعه حديديه موجوده على اسناني ..
لا استطيع ان آكل براحتي ..
فقدت طعم الطعام ..

اصبح اكلي كله سوائل ..

اكثر من طبيب قال لي لما لا تستطيعين ان تتكيفي مع التقويم ..
ارد عليهم .. لانني لا اتحمل الالم ...


لا اخفيك اخي الفاضل .. اسناني ولله الحمد تحسنت .. ترتبت ..
واصبحت ابتسامتي :) مثل ما يقولون خواتنا البنوتات ( كيوت ) ..

ولكن احتاج الى وقت حتى تستقر الاماكن ..في اماكنها الجديده ..

طبيبي الحمد لله رااااااااائع وبشهاده الاطباء في الرميله ..
اسعاره معقوله ..
ومرتاحه معه ..

ولكن المشكله فيني انا ..
كل شئ افعله يكون بصعوبه ..


متى تمر الايام والسنوات ..
واعتقد سأحتفل بمناسبه .. انتهائي من فتره التقويم :)


آسفه ان لم افهم قصدك بالطريقه التي ترضيك ..
او الطريقه التي كنت ترغب في ايصالها ..

وشكرا مره اخرى على هذا الاطراء ..

[هذلان]

يختلف من دكتور لدكتور .. الي فهمته من كلامج بحكم تجربتي ان الدكتور يشد زياده عن اللزوم
ممكن لان الفتره طالت و ممكن لان وضع الاسنان صعب شوي .

احيانا يكون موعد التقويم زي العسل و احيانا بعد الخروج من العياده الم و صداع و صعوبه في الاكل
و السبب بان الدكتور شاد التقويم بقومه لانه ماتحركت الاسنان بالشكل المطلوب.

حاليا بفضل الله المرحله النهائيه وهي تركيب قطه البلاستك المطاط من الصف العلوي للصف السفلي.
اذا ماوصلتي للمرحله هذي اتمنى تستعدين نفسيا لانج ماراح تفتحي حلجج الا شوي هههههه

و اذا زتي راح ينقطع المطاط داخل الحلج و يلشط الخد من داخل هههههه

[ضوى]

والله من قريت سوالف التقويم وقلبي معورني

بنتي فديتها مركبته شلوا لها ضرسين وباقي لها ضرسين طبعا حديد مش تجميلي ولا بلاستيك ولا هالخرابيط كلها ، وايد تعبانة فديتها الله يعينها عقب رمضان بتتعب اذا مثل ماتقولون

[تحداني]

يختلف من دكتور لدكتور .. الي فهمته من كلامج بحكم تجربتي ان الدكتور يشد زياده عن اللزوم
ممكن لان الفتره طالت و ممكن لان وضع الاسنان صعب شوي .

احيانا يكون موعد التقويم زي العسل و احيانا بعد الخروج من العياده الم و صداع و صعوبه في الاكل
و السبب بان الدكتور شاد التقويم بقومه لانه ماتحركت الاسنان بالشكل المطلوب.

حاليا بفضل الله المرحله النهائيه وهي تركيب قطه البلاستك المطاط من الصف العلوي للصف السفلي.
اذا ماوصلتي للمرحله هذي اتمنى تستعدين نفسيا لانج ماراح تفتحي حلجج الا شوي هههههه

و اذا زتي راح ينقطع المطاط داخل الحلج و يلشط الخد من داخل هههههه




.. وصلت الى هذه المرحله .. قطعه البلاستيك ..
وما ادراك ما قطعه البلاستيك ..
حتى الحلج ما نقدر نفتحه بإختيارنه .. تعال وشوف القهر الازياده ..


اذا كنت في مطعم .. او معزوم على مأدبه ..
لازم تمارس كل الالعاب البهلوانيه في الفم لكي تفك قطعه البلاستيك ..
وتعيد تركيبها من جديد ..

انها معانه واي معانه ..

انا ما اعرف هالناس الي ماخذينها موضه ..

هي موضه على ايش ..

العقل احيانا نعمه .. فيا سبحان الله ..

[تحداني]

والله من قريت سوالف التقويم وقلبي معورني

بنتي فديتها مركبته شلوا لها ضرسين وباقي لها ضرسين طبعا حديد مش تجميلي ولا بلاستيك ولا هالخرابيط كلها ، وايد تعبانة فديتها الله يعينها عقب رمضان بتتعب اذا مثل ماتقولون




.. الله يعينها يارب ..
ويصبرها على هذا المشوار الطويل ..

كنت ابغى اكذب عليكي واقول ما راح تتعب ..
بس للاسف راح تتعب كثير ..

واكثر شئ صعوبه في الاكل .. وفقد الوزن .. :(

في رمضان ..:( آه على رمضان ..
ما تقدر تاكل الاشياء اليابسه ..

وما اوصيك عليها .. كل يوم سوي لها سوب ..
واشياء لينه ..:)

واعرفج .. انت ام رائعه وما تحتاجين وصايه .. وتوصيه ..

الله يحفظها لج ..يارب
وينعاد عليكم رمضان اعوام .. واعوام

[ضوى]

.. الله يعينها يارب ..
ويصبرها على هذا المشوار الطويل ..

كنت ابغى اكذب عليكي واقول ما راح تتعب ..
بس للاسف راح تتعب كثير ..

واكثر شئ صعوبه في الاكل .. وفقد الوزن .. :(

في رمضان ..:( آه على رمضان ..
ما تقدر تاكل الاشياء اليابسه ..

وما اوصيك عليها .. كل يوم سوي لها سوب ..
واشياء لينه ..:)

واعرفج .. انت ام رائعه وما تحتاجين وصايه .. وتوصيه ..

الله يحفظها لج ..يارب
وينعاد عليكم رمضان اعوام .. واعوام



اميييييييييييييييييييييييييييييييييييييييييييييييي ين

ويحفظج يارب ويبارك بعمرج ويخليج لغاليييج

وياربي يبلغج رمضان وانتي باحسن حال وصحة وعافية يارب

[STAR]

بكرهـ رايح آشخط لي سلفيه جامدهـ وآرضخ لي رنج سبورت + رقم مميز ...
وعقبها بنشد عن بنت حلال تخاف ربها وترضى فيني وفي ديوني ...


آحسن وايد ...:telephone:

كمل دراستك ابرك... و عقب شوف لك بنت حلال حاطه تقويم بو 40 الف املج عليها وخذ تقويمها وبيعه وسدد ديونك ^_^

[جليســــة القــــرآن]

ماشاء الله تبارك الرحمن !!!!

طحنتوا الموضوع بطواحنكم وحطيتوة 45 كسرة .. هذا وبعضكم حاط بطواحنه تقويم :)
عاد لو من غيرة كان صار كدقيق نثروة ..


جزاكم الله الخير والجنة جميع ..

[هذلان]

ماشاء الله تبارك الرحمن !!!!

طحنتوا الموضوع بطواحنكم وحطيتوة 45 كسرة .. هذا وبعضكم حاط بطواحنه تقويم :)
عاد لو من غيرة كان صار كدقيق نثروة ..


جزاكم الله الخير والجنة جميع ..

اقدر اقول ان هذا لغز مب مشاركه :)

مافهمت شي الا ماشاءالله طحنتو بطواحينكم ... بس

[جليســــة القــــرآن]

اقدر اقول ان هذا لغز مب مشاركه :)

مافهمت شي الا ماشاءالله طحنتو بطواحينكم ... بس

طواحنكم = أسنانكم
انطحن الموضوع وتكسر إلى 47 كسرة = 47 رد ..
:)

جزاك الله خيرا ..

[هذلان]

طواحين عرفتها الباقي ماعرفته ..

مشكله المطاوعه:nice:

الله يوفقج و يثبتج على طاعته

[أمة الله]

سبحان الله اشلون الزمن يتغير...والله أخبر أيام التقويم ان الوحده تستحي تبتسم عشان الحديد ما يبيّن! والحين أشوف البنات يحطون ألوان ويتشرطون عند الدكتوره إلاّ حطي لي لاستيك فسفوري وردي والاّ مادري وشو ونشوفهم شاقين الحلج ومستانسين عالعرس اللي في حلوجهم!


* الله يهديها رفيجتج وان شاء الله تغير رايها لأن عوار التقويم مب لعبه ترى :weeping:

[ممنوع اللمس]

شلكم في هالسوالف خلو ضروسكم على ما اهي ابرك