حب لاخيك ما تحب لنفسك (فلتين ولا اروع)

[ahmed_alshiba]

اول شي انا مالي بالعقارات وابحث عن فله لنفسي
لقيت فلتين بسند واحد خلف شمال الاطلنطي بالقرب من مسجد العيد(توجد لافته برقم المالك على الشارع الرئيسي) بصراحه قمه في المساحه 1200 م2 والبناء والتشطيب ما لهم مثيل حتى السعر مناسب جدا" بس مالي حاجه في ثنتين اذا حد يبي يتشارك فيهم او حق عائله كبيره او اثنين اخوان نصيحه انا شفت اكثر من عشرين فله مالقيت بروعتهم وتشطيبهم اكثر من فخم ورائع وممتازو في الاسوار والاحواش وفي الغرف والمجالس وسعرهم حول الخمسه مليون ريال وفي الحقيقه يسوون اكثر من 8 ملايين لوبتقارنهم بالفلل المعروضه عند التجار والله يبارك للي يكونون من نصيبه

[تاجر0]

بالتوفيق وانشالله تشتري فله احلامك

اخوك تاجر

[أميرااالذوق]

هلا اخوي
يارب الله يحقق لك احلامك
وعلى فكره الرقم اللي محطوط رقم المكتب وليس المالك
وتم الاتصال بهم
وفعلا الفلل روعه !
ومبارك عليكم الشهر

[khalid.qtr]

فعلا التشطيب زين بس بعد سعرهم غالي وفيه مشكلة بتواجه اللي بيشتريها ان سند الملكية واحد والمنطقة اللي فيها الفيلا التخطيط العمراني لم يوافق على فصل الفيلا.

[ابومحمد س]

هذي ما تصلح الا للي متزوج ثنتين :nice: .... ياخذهم ولا يفكر في يوم انه يفرزهم
الا اذا فرز وحدة من الحريم:nice:

صراحة الفلل متعوب عليها:victory:

ابو طلال مو قلنا:secret:

[ahmed_alshiba]

فعلا التشطيب زين بس بعد سعرهم غالي وفيه مشكلة بتواجه اللي بيشتريها ان سند الملكية واحد والمنطقة اللي فيها الفيلا التخطيط العمراني لم يوافق على فصل الفيلا.

الفلل روووووعه وتسوى الواحده ثنتين من اللي معروضين عند التجار في الغرافه والخريطيات والمسلم 450 متر ب 2 مليون
اكرر يصلحون حق عائله كبيره او 2 اخواااان وما يتفوتون

واذا عندك نفس التشطيب او حوله وحول نفس المنطقه تكفى انا شراي انا حاك السوق حك ادور على فله مناسبه بسعر مناسب ومهب مقصر في العموله للي بيلقى لي اللي ابيه

[khalid.qtr]

اذا بتشتري انت وحده انا باخذ الثانية والملكية ينكتب فيها اسمي واسمك ايش رايك ؟

[ahmed_alshiba]

هذي ما تصلح الا للي متزوج ثنتين :nice: .... ياخذهم ولا يفكر في يوم انه يفرزهم
الا اذا فرز وحدة من الحريم:nice:

صراحة الفلل متعوب عليها:victory:

ابو طلال مو قلنا:secret:

الغالي منك السموحه بس بصراحه انت عرفتني زين واشلون احب الخير حق الكل وبصراحه انتو يالتجار تخوفون هههههههه وانا بصراحه ماقدرت امسك نفسي والمنتدى واللي فيه غاليين يستاهلون كل خير وانت منهم وعلى راسهم (وهاي احسن عموله )-اكرر اعتذاري لاني ما:secret:

[basma222]

انا شفت الفلل روعه بس المالك يبي يبع الفيلتين وانا بس ابي واحد

[MoneyMaker]

للي يبي نفس تشطيب الفلتين بس سند ملكيه منفصل
فيه في الخريطيات نسخه من هالفلتين من نفس المالك بس مساحاتهم 550 و500
ال 550 انباعت وباقي ال 500 متر
اتصلوا على نفس المندوب ولاتتعبون نفسكم تاخذونها عن طريق سيط ثاني..

بالتوفيق