حبك سرقني ~ الجزء الرابع [الأرشيف] - منتديات شبكة الأسهم القطرية

مشاهدة النسخة كاملة : حبك سرقني ~ الجزء الرابع

lujain

19-08-2009, 02:21 AM

الجزء الآول والثآني

http://www.qatarshares.com/vb/showthread.php?t=289683

الجزء الثالث

http://www.qatarshares.com/vb/showthread.php?t=290064

الجزء الرابع

ركبت فاطمه السياره..وهي تفكر فسالفه غاده

فاطمه: السلام عليكم

عبدالله : وعليج السلام ..هاه بشري؟

فاطمه : شنو ..؟

عبدالله : ما سآلتي غاده ؟

فاطمه :لا

عبدالله ..بنرفزه: ليش..؟؟

فاطمه : قلت لك مآ سألتها ..ياخي خلاص

عبدالله :آنزين شفيج معصبه ؟

!!.. فاطمه : مافيني شي ..فكني

عبدالله : ليكون تهاوشتي معاها؟؟

فاطمه سآكته وماترد..تفكر..آقول له ولا لا..

غاده لو قلت لها ..بتتقبل ولالا؟؟

غاده طيبه وقلبها أبيض..

وعبدالله بعد..

ومب غلط لو انها كانت تحب..الحب عمره ما ,,,

يقاطعها عبدالله : تبين تباتين فالسياره مثلاً..؟؟

فاطمه :انزين ..يه !!

حوالي الساعه 7

رن جوال فاطمه ..

فاطمه : آلو ..هلا غدوي ..شلونج فديتج

غاده :آممممممممم مرتاحه وايد..آسفه آزعجتج بسالفتي مساعه

فاطمه : بالعكس..زين سويتي ..لو ما فضفضتي بتتعبين

غاده :والله فطوم ما سولفت عنه بعد عرسه الا لج..تدرين احس ان يوم تكلمت هم كبير آنزاح عن قلبي

حتى اني مسكت الصور اللي كنت اطلعهم كل ليله وفيهم انا وهو يوم احنا صغار وشققتهم..

والدب اللي كنت ما آنام الآ وانا ضامته ..هو مهديني اياه يوم عيد ميلادي الـ 8..بعد حذفته فالزباله

حسيت آني لو وقفت على ذكراه بتم طول حياتي مكاني..

مستقبلي ..دراستي ..كلهم بيضيعون..وهو ما يدري اصلا عني..كنت ما اقدر افكر فشي غيره

قررت آنسآه

فاطمه : غآده ..تعجبني الروح الحلوه اللي فيج..وانج مارضيتي اتمين حبيسه حب عمره ما كان

..والله والله اتمنى من كل قلبي انج تنسينه ويعوضج الله باللي آحسن منه

غآده : الله يوفقنا وياج حبيبتي..هاه ما طلعتي اليوم ؟

فاطمه :لا والله اليوم متجمعين عندنا..حاسه بصداع..مانزلت لهم

غاده :آيه عليج ..آكيد كله مني

فآطمه :ههههههه..آي جان من زمان قايله اللي فخاطرج

غاده :آنزين فطوم ..آمي تناديني بنروح بيت جدي..بروح ابدل..آكلمج بكره

فاطمه :الله يحفظج ..مع السلامه

غاده : بآآآي

فاطمه ظلت تفكر ..بين اقول له او ما اقول له

وبين ما اعلمه بهالسالفه واقول ان محد في حياتها

وبين موقفها من غاده لو عرفت انها قالت حق آخوها

وفالنهايه ..وصلت انها تقول حق عبدالله السالفه..

عشان من البدايه تكون الآمور واضحه ..

الساعه 10:30

آتصلت فاطمه حق عبدالله..

فاطمه : عبود انت وين؟

عبدالله :يعني وين بكون فالميلس

فاطمه : انزين انا مستضيقه ..تعال طلعني

عبدالله : حتى يوم آجازتي بتشغليني دريول..

فاطمه وهي معصبه: مب لازم زين ..كيفك

فاطمه كانت على آعصابها وكان قلبها يعورها على سالفه غاده

مب سهل آن الواحد يحب من طرف واحد سنين طويله ويبني آحلامه على شخص

ويشوف حبيب عمره يرتبط فآنسان ثاني..جدام عينه..

واللي يعور القلب ..آكثر انها على طول الأيام بتشوفه بالصدف وايد..

مع زوجته ..مع عياله..وهذا يزيد جرحها مع الآيام

صحيح انها بنت ..عآقل وقويه

وتقول هاي اللي الله كاتبه وبتنساه مع الآيام..بس آي موقف يمر بيذكرها باللي راح

ولو بتقول حق عبدالله..آن كان واثق من آحساسه ما راح يلتفت لهالموضوع لانها ماسوت شي غلط

وان كان مجرد آعجاب..فـ بيكون آحسن للطرفين

بعد شوي وفاطمه قاعده عالسرير ناثره اكسسواراتها وتعدلهم..انطق الباب..

عبدالله :فطوم ..قاعده ؟

فاطمه : شتبي ..توك مفشلني ؟

فتح عبدالله الباب.. وجا جلس جنبها

عبدالله : آسف رديت عليج بسخآفه..

فاطمه : عآدي

عبدالله : آنزين ليش مب قاعده ويا البنات تحت؟

فاطمه : مابي

عبدالله :آنزين قومي بنتمشى ..غيري جو

فاطمه : مابي

عبدالله : يلا عاد فطوم ..قومي.. عازمج على عصير جمايكا..

فاطمه وهي تطالع عبدالله على جنب : كبير مب صغير..

عبدالله :من متى شريت لج صغير ..يلا عن الدلع اللي ماله حلاه

فاطمه : آآوكي ..آنزل انت ..بلبس عبايتي وجايه

طلعوا من البيت وفاطمه ساكته ..مروا جمايكا وخذوا عصير..

عبدالله : لين متى بتمين ساكته ؟؟

فاطمه : مادري

عبدالله : زين وين تبين نروح اللحين؟

فاطمه : آمممم فرضه الوكره

عبدالله : آنزين..فطوم ..حاس ان السالفه فيها غاده صح؟

فاطمه : آي

عبدالله : قولي ..تحب ؟؟

فاطمه : لا

عبدالله : عيل

فاطمه : خلنا نوصل البحر وبقولك ..

عبدالله : آآآآه من يقدر عليكم يالبنات

ولما وصلوا البحر

عبدالله : وصلنا ..يلا قولي

فاطمه : آنزين ..بس على شرط..آن كنت تبي تواصل المشوار آو لا.. هالسالفه ما تطلع من بيني وبينك

عبدالله:بل ..لهالدرجه السالفه كبيره..؟

فاطمه : مادري شنو بتكون بالنسبه لك ..بس ابيك توعدني

عبدالله: يعني حق من بقول ..؟؟

فاطمه : ماتدري بالدنيا !!

عبدالله: آنزين قووولي.. يلا والله على آعصابي..

فاطمه : غاده كانت تحب ولد عمها سعد..

عبدالله : واللحين ؟

فاطمه : تزوج

عبدالله : ليش يعني ما تزوجها..قولي السالفه عدل مره وحده لا تقطعين

فاطمه : هي كانت تحبه من يوم هي صغيره..وهو ما يدري عنها..وتزوج وحده ثانيه من اهلهم ..

غاده ..تقول انها قطت كل شي يذكرها فيه ..و آنها بتنسآه..وووو بس

عبدالله ..سكت للحظآت..

عبدالله : يعني ما كان بينهم شي.؟؟ آهي ما قالت له؟؟

فاطمه : لا ..ما صار بينهم شي كلش..آقولك ما يدري اصلا انها تحبه..

وبعدين غدوي من النوع اللي يستحي..مستحيل تكون لمحت له آو شي

عبدالله: آممممممممم.. تدرين شنو آفكر فيه..

فاطمه : الله يستر ..شنو؟

عبدالله :آآممممم حبها لولد عمها .. حب طفولي..

يعني كانوا يوم اهم صغار وايد مع بعض ويوم كبرت و ما صاروا يقعدون مع بعض تعلقت فيه وو هاي فكرت انه حب

وبعدين لانه يمكن يكون تربوا مع بعض و جيه فتعلقت فيه..

لو كان في حب بمعنى الحب كان ما قالت بنساه..

آو من الآساس حافظت على حبها وقالت له..حتى لو كانت تستحي

هاي ..مب آسمه حب ..آغلب الناس فمجتمعنا جذيه..كلن يتعلق فبنت عمه ولا خاله والعكس صحيح

ان كان بينهم نصيب..وتزوجوا ينولد الحب بعد الزواج ..و آن واحد منهم راح في نصيبه ..آلثاني سهل ينساه لو لقى شخص يحبه

فاطمه : على فكره وايد آتفلسف آنت

عبدالله : هههههههه ..شوفي فطوم صج البنيه انا ما اعرف عنها شي.. غير الكلام اللي قلتيه

لكن انها دشت قلبي من شفتها..وبعدين بقولج شي..

مسك عبدالله سويج السياره وعطاه فاطمه..

عبدالله : شوفي هالاسواره فاللي فالميداليه ..هذي آسواره غاده

فاطمه : هآآآآه ؟؟؟ ليكون تعرفون بعض

عبدالله : لا والله حشى..بس مره وانا كنت جايج الجامعه طاحت آغراضها ونزلت آساعدها تلمهم ..

وطاحت آسوارتها بدون ما تنتبه ..ناديتها بعطيها آياها ..ما ردت علي

ويوم شفتها مره ثايه وياج تذكرت السالفه ودشت قلبي

فآطمه : عشآآن جيه ..وليش ماقلت لي ..مسوي نفسك برئ.. ومخليني مثل الآطرش فالزفه..

بس يآآخي بو عابد عليك حركات رومنسيه .. هههههههه..خاش السواره وحركات

عبدالله وهو يضحك : وعندي رقمها بعد

فاطمه : لا لا ..صج عبود انت مب هين..من وين يبته

عبدالله : من جوالج ..

فاطمه : ليكون ذاك اليوم يوم آنزل آصور..

عبدالله : آي

فاطمه : والله كنت شاكه ..صج آنك لوتي ومسوي آنك مفهي..

عبدالله:لا تطيحين الميانه هاه..ههههههههه..

فاطمه : لا يكون آتصلت ولا طرشت مسج..

عبدالله :لا والله ..بس خزنته عندي

سكتوا شوي ...

عبدالله : فطوم.. آبي آتزوج

فاطمه : وانا آبي آصير عمه

عبدالله: يا ثقل دمج..آمممم ..لمحي حق غاده عني

فاطمه : وآآي آنت عبالك توك ياهل ..عشان تسوي هالحركات

عبدالله : لا صج آبي آشوف آذا تقبلتني آو لا..

فاطمه : شلون بتقبلك يا ذكي وهي ما تعرفك آصلا..

عبدالله : آممممممممم ..مادري والله ..آهم شي آرتحت آن مافي بالها آحد ..و سالفه آنها آتقبلني خليها علي..

فاطمه :شنو ..بعد ..شناوي عليه..

عبدالله : بقولج بكره..

فاطمه : عبود تكفى لاتسوي آي شي بدون ما تقولي..آخاف غاده تزعل علي

عبدالله : لا ولا يهمج ..آنزين راحت الضيقه يا بطه

فاطمه : آي .. والله ارتحت يوم قلت لك..وردك ريحني آكثر

عبدالله : يلا عيل ..مشينا ..الساعه قريب الوحده ..اللحين الوالده تحاتي

الجزء الخآمس والآخير ...قريبآ

البنـدري

19-08-2009, 02:36 AM

الله عليج يالجين

تعرفين تشوقين الواحد ^.^

فديتج

ننطر الجزء الاخير قريــب

لاهنتٍ ياكاتبتنا

lujain

19-08-2009, 03:29 AM

الله عليج يالجين

تعرفين تشوقين الواحد ^.^

فديتج

ننطر الجزء الاخير قريــب

لاهنتٍ ياكاتبتنا

تسلمين الغاليه

سعيده لانها اعجبتج

لاهنتي

نبـــــراس

19-08-2009, 07:55 AM

ننتظر باقي القصه .. حلللللللللللوه

ضوى

19-08-2009, 08:13 AM

سيدة اعمال فلسطنية

19-08-2009, 08:31 AM

صراحه قصه رائعه والله

وياريت الخامس ما يكون الاخير بدنا نعرف احداث اكتر ...

بدنا 10 اجزاء بليز :)

A l i

19-08-2009, 08:41 AM

واخيرا :)

القصه رووعه والله وتشوقين الواحد صج

ننتظر الجزء الخامس

ام غالية

19-08-2009, 08:58 AM

القصة حلوه وننتظر الجزء الخامس

ناصر العمادي

19-08-2009, 11:10 AM

:omg::omg: لحين الجزء الخامس وانا قلت اليوم بعرف كل شي crazycrazycrazy

قريبا يعني متى .. اليوم مثلا ..:weeping::weeping::weeping:

رائعه في سرد القصه بس تكفين حطي الجزء الخامس اليوم :shy::shy:

تسلم أيدك وعساك على القوه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك

ناصر العمادي

19-08-2009, 11:12 AM

صراحه قصه رائعه والله

وياريت الخامس ما يكون الاخير بدنا نعرف احداث اكتر ...

بدنا 10 اجزاء بليز :)
عشره ..:swoon::swoon::swoon::swoon::swoon:

لا حجيه مابدنا عشر أجزاء .. بدنا نعرف شو صار في النهايه وبعدها خليها تحطلك عشرين جزء << أعصابي فلتت بدي أعرف النهايه :tease::tease::tease:

lujain

19-08-2009, 11:31 AM

ننتظر باقي القصه .. حلللللللللللوه

سعيده لانها نالت على إعجابج

دمتي في رعايه الرحمن

lujain

19-08-2009, 11:36 AM

الصراحة انا متابعة جدا للأجزاء ومارديت عالاجزاء السابقة لضيق الوقت

نادر ماتعجبني القصص بس الصراحة هالقصة حلوووووووة وايد والاسلوب فيها تشويقي ، رجعيتني لعصر الحب الرومانسي العذري على مايقولون ( الله يكتب غادة لعبدالله ان شاء الله )

عزيزتي ضوى

متابعتج شرف لي حتى لو ما رديتي

وسعيده لانها آعجبتج..

ووو بخصوص غاده وعبدالله .. آآمممممممممم الله و آعلم:nice:

دمتي في رعايه الرحمن

lujain

19-08-2009, 12:51 PM

:
صراحه قصه رائعه والله

وياريت الخامس ما يكون الاخير بدنا نعرف احداث اكتر ...

بدنا 10 اجزاء بليز :)

=)

آممممممممممم آحتمال كبير ما يكون الجزء الجاي الآخير

على حسب الآحداث:nice:

عشر آجزاء :eek5: هههههههههه

شكرا لج

lujain

19-08-2009, 02:07 PM

واخيرا :)

القصه رووعه والله وتشوقين الواحد صج

ننتظر الجزء الخامس

:)

قريبا ان شاء الله

شكرا لتواجدك

ROSE

19-08-2009, 02:08 PM

اعتذر لعدم قراءتي للمواضيع السابقة

لي عوده للرد بعد قراءة جميع الاجزاء كل الشكر والتقدير

lujain

19-08-2009, 02:39 PM

القصة حلوه وننتظر الجزء الخامس

=) قريب ان شاء الله

SpeedSter

19-08-2009, 08:01 PM

الجزء الخآمس والآخير ...قريبآ

تكفين قولي انج بتنزلين الجزء الخامس قبل رمضان !! :weeping:

الله يعطيج العافيه الشيخه .. قصه ممتعه جدآ :)

The Master

19-08-2009, 08:07 PM

اوب اوب
ماشاء الله تبارك الله
ابداااااع بكل صرااااحه ويستمر الابدااااع
لو انا من المراقبين بجد اثبت لج موضوع واحط قصصج فيه واقول لهم هذي
كاتبة المنتدى لوجين
وننتظر جديدج وعسى ربي لايهينج يارب ويسعدج

lujain

20-08-2009, 01:38 AM

lujain

20-08-2009, 10:29 AM

اعتذر لعدم قراءتي للمواضيع السابقة

لي عوده للرد بعد قراءة جميع الاجزاء كل الشكر والتقدير

ناطره عودتج :)

lujain

20-08-2009, 02:17 PM

ناصر العمادي

20-08-2009, 02:26 PM

الجزء الخامس ما راح يكون الآخير :D

لا قريبا مش اليوم ولا بكره..:nice:

والله آعلم بيكون فآول آسبوع رمضآن

:swoon::swoon::swoon::swoon::swoon::swoon::swoon:

lujain

20-08-2009, 11:47 PM

:swoon::swoon::swoon::swoon::swoon::swoon::swoon:

:)

قريب ا ن شاء الله

سيدة اعمال فلسطنية

24-08-2009, 08:55 PM

ناطرين الخامس :(

سيدة اعمال فلسطنية

28-08-2009, 10:06 PM

وين الخامس :( بليز حطي اليوم بدنا نعرف شو صار :)

ناصر العمادي

01-09-2009, 12:06 AM

وين الجزء الخامس أستاذه لجين << طولتي علينا :weeping::weeping:

meme~qatar

02-09-2009, 03:28 AM

ناااااااااااااااااااااااااااااااااطره

سيدة اعمال فلسطنية

02-09-2009, 01:02 PM

فعلا ناطرينو بدنا نعرف شو بدو يسير :(