القرقيعان بدعة لا أصل لها في الإسلام (وكل بدعة ضلالة)فحذرو احبتي بالله

[عاشق الشهادة]

السلام عليكم ورحمه الله وبركاته




http://www.shawati.cc/uploads/بدعه.jpg (http://www.shawati.cc/download.php?img=25880)




http://www.shawati.cc/uploads/بدعه 1.jpg (http://www.shawati.cc/download.php?img=25881)




http://www.shawati.cc/uploads/بدعه 2.jpg (http://www.shawati.cc/download.php?img=25882)



http://www.shawati.cc/uploads/بدعه3.jpg (http://www.shawati.cc/download.php?img=25883)




http://www.shawati.cc/uploads/بدعه4.jpg (http://www.shawati.cc/download.php?img=25884)




فتوى رقم (15532) بتاريخ 24/ 11/1413هـ

فقد اطلعت اللجنة الدائمة للبحوث العلمية والإفتاء على ما ورد إلى سماحة الرئيس العام من المستفتي / مدير مركز الدعوة بالدمام بالنيابة والمحال إلى اللجنة من الأمانة العامة لهيئة كبار العلماء برقم (5054) وتاريخ 6/10/1413هـ وقد سأل المستفتي سؤالا هذا نصه:

أنه جرت العادة في دول الخليج وشرق المملكة أن يكون هناك مهرجان (القرقيعان) وهذا يكون في منتصف شهر رمضان أو قبله وكان يقوم به الأطفال يتجولون على البيوت يرددون أناشيد ومن الناس من يعطيهم حلوى أو مكسرات أو قليل من النقود وكانت لا ضابط لها إلا أنه في الوقت الحاضر بدأت العناية بها وصار لها احتفال في بعض المواقع والمدارس وغيرها وصارت ليست للأطفال وحدهم وصارت تجمع لها الأموال ..


.


.



وبعد دراسة اللجنة للاستفتاء المذكور أجابت عنه بأن الاحتفال في ليلة الخامس عشر من رمضان أو في غيرها بمناسبة ما يسمى مهرجان القرقيعان بدعة لا أصل لها في الإسلام (وكل بدعة ضلالة) فيجب تركها والتحذير منها ولا تجوز إقامتها في أي مكان لا في المدارس ولا في المؤسسات أو غيرها والمشروع في ليالي رمضان بعد العناية بالفرائض الاجتهاد بالقيام وتلاوة القرآن والدعاء.

[بوحارب]

بارك الله فيك اخوي

[alrheeb2020]

جزاك الله خير

[محـqatarـــمد]

جزاك الله خيير

[thefoox]

؟؟؟؟؟؟؟؟؟؟؟؟؟

[عذبة الأطباع]

القرنقعوه يعتبر من تراث اجدادنا

والاحتفال بهاليوم ماشوف فيه شي من البدعه

بالعكس هو فرحه لليهال مب اكثر ولا اقل

إما اللي يبالغون في توزيعاتهم هاي حريه شخصية

ومن فرح صبي فرح نبي

الله يجزيك خير وفي ميزان حسناتك

[دبڵـﯚمٱωـيـﮧ]

أصلآ قايلين انه بدعه من زمـآن @@!
ومو بس مشآيخ السعوديه مثل مآقآلت الأخت بالعكس !
بس احنا لحين عآدي نسويه !

جزآك الله خير آخوي !

[ورده فوشيه]

بدعه ... <<< طيب ليه بدعه ..؟؟؟ <<< ما اعتقد نعمل منكر في هاليوم ...؟؟؟؟!!!

حتى القرنقعوه نفسه ما يكلف << للي يبي يتقيد فيه وبس ..

بالعكس ... احسه تجمع الاهل وتقارب وتصافي القلوب

وهم فرحه لليهال ..

والحمدلله الغرب ماعندهم قرنقعوه كان قالوا نقلدهم

والتقليد اعمى ..

جزاك الله الف خير .. ويعطيك ربي الف عافيه . .

[ABDALAZiZ]

الصراحه لاتعليق على سالفة حرام وحلال

وهو شي مو امس ولا اليوم نسويه

لا احنا اللي نجيب ديجي ولا رقص هي جمعه وناسة اليهال والكبار

وبالعكس انا اشوفه شي حلو لانه الكل يحرص انهم يتجمعون في هاليوم واليهال ينطرونه بفارغ الصبر

واحنا عندنا مطوع يحتفل معانا بهاليوم وعنده ماشالله عليه كل شي بالمعقول على سالفة الحرام والحلال

بالعكس اشوفه يجمع اليهال بعد صلاة التراويح ويحرص على انه هو يوديهم لبيوت اقاربه ويزور البعيد قبل الكبير

وانا اشوف انه هالشي مافي تكلفه يمكن في بعض الناس تحاول تبالغ فيه

بس خفوا على الناس الدين يسر مب عسر كل ماشفتوا حد يبي يفرح نقصتوا عليه فرحته

حتى العيديه فالعيد بيحرمونها بعد كم سنه

الله يهدي الجميع والرسول عليه الصلاة والسلام قال : (( انما الاعمال بالنيات ، وانما لكل امرؤ مانوى ))

خلوا الناس تفرح واليهال ينبسطون :)

واسمحوا لي على الاطاله

[ركان]

جزاك الله خير

[زهرة بنفسجية]

يا أخوان المشكلة مش بالاحتفال .... المشكلة في تحديد يوم للاحتفال

صار هذا اليوم كأنه عيد والمسلمين مالهم غير عيدين فقط

ومو كل واحد ياخذ من الدين اللي يريده ويترك اللي ما يريده

انتوا قبل مايتكلم كل واحد ويعطي رأيه شوفوا إيش قصد المشايخ والعلماء بهالفتوى

سبحان الله ! اليهود والنصارى يحترموا قساوسهم وأحبارهم احترام شديد

ونحنا نحكي على مشايخنا وعلمائنا !!!!

الله يهدينا أجمعين

[عاشق الشهادة]

بارك الله فيك اخوي







ويبارك فيك اخي بوحارب ومبارك عليك شهر رمضان المبارك

[عاشق الشهادة]

جزاك الله خير





شكرا على المرور ومبارك عليج شهر رمضان المبارك

[عاشق الشهادة]

جزاك الله خيير





بارك الله فيك اخي محمد واسعدني تواجدك بصفحتي الصغيره .

[عاشق الشهادة]

؟؟؟؟؟؟؟؟؟؟؟؟؟




:telephone: كل بدعه ضلاله وكل ضلاله بالنار

[اهل قطر]

جزاكم الله خير

[سعد81]

ياجماعه كلكلمه يقولها الواحد تراه محاسب عليها يوم القيامه ولحد يقول كلام مو واثق منه .
وندري انه بدعه لكن اسأل الله الهدايه لي ولجميع المسلمين.
وجزاك الله خير ياخوي عالتذكير وارجو من الجميع رفع الموضوع

[روزه]

للرفع..

[هبوب الشمال]

اللي يعور القلب السوالف اللي فيها بذخ غير طبيعي في القرقيعان

معليه حلو الاحتفاظ بالتراث وعوايدنا الاوليه بس اللي مب حلو

ان حبه القرقيعان توصل على 100 ريال وفيها خراويش ماتسوى 10 ريال ولا حد ياكلها

وغير الثياب اللي وصلت بالالاف وما تنلبس غير في هالليله

لييييييييييييييييييش

الله يهديكم يارب

[برٍيق ألماس]

جزاك الله خير أخوي
إذا صار القرنقعوه بدعه وحرام .. بعد كم يوم بيحرمون حفلة الحنة حق العرايس .. ويمكن العرس بعد
احترامنا لكل مشايخنا شي اكيد مايختلف عليه اثنين .. بس الموضوع ما يخص الاحتفال نفسه .. يمكن المشايخ قصدهم التمادي في مثل هالاحتفالات .. يعني انه يوصل لدرجة الاسراف للمظاهر فقط أن اللي عنده احسن من اللي عند غيره .. وهذا برأي الجميع انه غلط والله يهديهم
هو احتفال من ايام اجدادنا واجداد اجدادنا .. نفرح فيه عيالنا بأشياء تعتبر رمزية جداً .. ونجتمع احنا الأهل ويا عيالنا .. يعني مثل جمعة نهاية كل اسبووع بس الزيادة فيها ان اليهال لهم النصيب الاكبر في الفرحه .. واحنا نفرح بفرحتهم طبعاً .. وجزاك الله خير مره ثانية

[زهرة الربيع]

الله يجزاكم كل خير على هذا الموضوع

[لآلىء]

البدعه تكون في شي يخص العقيده والشريعه هذا اللي اعرفه
اما فرحة اليهال ماعتقد فيها شي وانما الاعمال بالنيات

[ذيب زكريت]

كل شئ صار مبالغ فيه الصراحه بدعه هالتجهيزات وهالتكاليف اللي اخرتها بتنحط على رف

والا بتنرمي في الزباله يا زينها يوم كنا نراقب الكف وهو متروس والا مله صغيره وتسدنا

[Miss.qtr]

جزاك الله خير

وعسى الله يهدينا واياكم لما هوخير لهذا الدين

[سوق واقف]

جزاك الله الف خير أخوي عاشق

[lil wana]

القرقيعان مب احتفال ديني

واحنا ما شفناه من شعائر الدين ,,

وبعدين فرحة اطفال ولا فيها اي نوع من انواع المنكر

[المكشوح]

بسم الله الرحمن الرحيم

جزاك الله الف خير اخوي على هالطرح القيم وبالنسبة للهذا الموضوع من زمان واحنا نتكلم ومافي حد يبي يسمع وكل ماكلمت حد يقولك فرحة عيال صغار يااخواني فرحة العيال الصغار كل يوم ومالها تحديد وبالنسبة لتحديد المناسبات في الشرع عندنا فهي معروفة رب العالمين اوجد لنا عيدين للصغار والكبار اما باقي هالاشياء فهي بدعة واذا جيت على فرحة الصغار على مايقولون بعض الناس يالله اعياد الميلاد بعد نخليها للاطفال عشان يفرحون !!!
وبعدين نرجع ونشوف الاساس انها بدعة بدى الامر باحتفال صغير ومكسرات وحلاوة كانو يوزعونها ايام اول على مايقولون بعض الناس ان هذا من ايام اجدادنا رحمة الله عليهم وماننسى انه كان في بعض جهل في امور كثير وعلى هالاساس تبدى البدعة بجهل الناس وطبعا تبدى بشي بسيط لكن مع الايام والسنين تتطور وتتطور وتتطور :) وتصير مثل اللي صاير الحين اللي هو الحرام والمبالغة باللي قاعد يصير :)

طبعا هذا من وجهة نظري :)
وبالنسبة للي يقول ليلة الحنا وغيرها اعتقد انكم تشوفون الحال اللي وصلنا له والكل عارف شنو اقصد بكلامي :)

[بلاهويـــــة]

اي بدعة اذا اليهال يستانسون في السنه بحلويات سميتها بدعة وبعدين هذه تراث وبس لا اكثر
للعلم": حلويات ومكس مب#مخدرات ومسكرات
وشكرا عالموضوع واسف عالرد اذا ضايقك

[hamms]

القرقيعان عادة ورثناها من اهلنا ما لها علاقة بالدين

اما البدعة فهي البدعة في الدين ... مثل ان الواحد يضيف عبادات زيادة وغير ذلك

انا الي فهمته من الفتوة ان المبالغة في الاحتفال بالقرقيعان بما يسمى ب( مهرجان القرقيعان ) واعتبارها جزء من الدين بدعة

لكن فكرة ان الاطفال يدورون حول البيوت ويطلبون حلاوة ومكسرات شي متعلق بالتراث وما له خص بالدين

مع احترامي لكل الاراء .. إدخال الفرحة في قلوب الاطفال لا يتناقض مع الدين

وصححوا لي اذا انا فهمت الفتوة غلط

[فلفل حار]

القرقيعان مب احتفال ديني

واحنا ما شفناه من شعائر الدين ,,

وبعدين فرحة اطفال ولا فيها اي نوع من انواع المنكر

يزاكـ الله خير ...
خير الكلام ماقل ودل ... :)