المساعد الشخصي الرقمي

مشاهدة النسخة كاملة : كهرماء او البترول ؟؟؟


yousef-89
19-08-2009, 01:38 PM
السلام عليكم

كيف الحال جميع

موضوعي عن الدوام اللي هو البترول او كهرماء

قدمت على هالمكانين والاثنين الحمدلله بعد اختبار الانجليزي اقبلوني

البترول كلمتهم قالولي راتبك بيكون 8 الاف كمتدرب طبعا وبدرس عندهم شهرين في راس بوعبود وعقبها بيودوني الاطلنطي وتخصصاتهم كلها فني وعقب ماتخلص مايندرى كم بيكون الراتب على حسب الشركة اللي تبيك يمكن مسيعيد ولا اي مكان وطبعا الله يعين على ضرب الخطوط


وكهرماء استغربت منهم لما قالولي بتكون عندنا في بوفنطاس سنتين تقريبا تشتغل وبنشوف شغلك وادائك وعملك وعقب اذا شفناك سيدة بنوديك تكمل دراستك دبلوم هذا على كلامه المهم وقالولي راتبك بيكون تقريبا 12 الف في البداية وبتكون وظيفتك مشغل

المشكلة ماعندي خبرة في هالامور ياريت تفيدوني وتقترحون علي واسمحولي عالقصور واللي عنده خبرة ياريت لايقصر ويانا والله يجزاكم كل خير
بويوسف
19-08-2009, 01:42 PM
يا اخوي مايبي لها كلام .. طبعا روح البترول .. الكم الف هذيلا الزيادة بيطلعون عليك اغلى من بيع السوق ..

كهرماء جهة حكومية الان ومشمولة بقانون الموارد البشرية :rolleyes2:

البترول تستفيد وبتصير كفاءة وبعد كم سنة بغيت تطلع تقدر تروح اي مؤسسة او جهة اجنبية لانك تكون فعلا تعلمت وتمرست على الشغل الصح.

هذي نصيحة مني لك .. وانا لو صارت لي فرصة وقدرت اروح البترول ما بقول لا .. هناك اماكن تعرف قيمتك واماكن لو قعدت فيها عشرين سنة مابتعرف قيمتك.
yousef-89
19-08-2009, 01:44 PM
يعطيك العافية يا بويوسف وماقصرت ارحم الله والديك ريحت قلبي الله يريحك دنيا واخره وانشاءالله على كلامك بتوكل على الله والبترول انشاءالله
أسد الجزيرة
19-08-2009, 01:50 PM
كمشغل بيوصل راتبك 16-18 الف في البترول
أريج
19-08-2009, 01:54 PM
طبعا البترول بدون تفكير
yousef-89
19-08-2009, 02:01 PM
كمشغل بيوصل راتبك 16-18 الف في البترول

يالغالي مشغل في كهرماء مش البترول

البترول فني عاد على حسب اللي تبيه فني شنو بالظبط
yousef-89
19-08-2009, 02:02 PM
طبعا البترول بدون تفكير

ارحم الله والديج اختي اريج وماقصرتي
قطري vip
19-08-2009, 02:03 PM
البترول ابرك لك كهرماء تشتغل واخر شي يقصون راتبك لانه مشمول بقانون الموارد البشريه
قطري vip
19-08-2009, 02:05 PM
جرب شركه جديده صدقني ماراح تندم اسمها اوكسيدنتال قطر وين مكانها ماعرف رواتبها عجيبه

وبعد عندك دولفين قولهم بدرس عادي دامه على حسابكم وبعد التخرج لما تاخذ الشهاده عادي

حتى لو مابغيت البترول تقدر اتغير بس مادر تدفع فلوس الدراسه بس عادي دامك بتشتغل مب مشكله

الفلوس بتردها وتدخل مكان ثاني
خــطــافــ
19-08-2009, 02:19 PM
البترول طبعا

بس اعتقد انت تتكلم عن شركة الكهرباء والماء qewc وهي تختلف عن كهرما وعلى هذا الاساس اطلبوا منك تداوم في راس بوفنطاس
الألماسي
19-08-2009, 03:21 PM
اخوي يوسف . .

أعقلها و توكـل و روح البترول . . و الله يوفقك

اذا كنت مخيّر بالشركات حاول تروح (( قطر غاز أو رأس غاز )) كـ تطوير للقطري أفضل من البقيّه التابعه لقطر للبترول . .
اما مسأله الراتب راتبك راح يكون الأقوى اذا خلصت دراستك في الأطلنطي لأن الـ 8 الاف هذه لا تشمل البدلات (( بدل مواصلات - بدل موقع . . .الخ )) وانما تشمل الراتب الاساسي + العلاوه الأجتماعيه + نص بدل المواصلات لانك بتكون بالدوحه . .

الله يوفقك و شد حيلك بالاطلنطي و حاول تختار التخصص اللي انت مايل له لأنك بتكمل دراستك على اساسه . .
>>> غــمـــوض <<<
19-08-2009, 03:29 PM
اكــيد البترولــــــــــــــــــــ وانت مغمض بعــد
ولا تقارن الراتــب المبدئـــي لان التطويــر عند البترول لامحدود والمستقبل في البترول انه اشوفه افضل من كهرماء

والله يوفقــك ويكتب لك اللي فيه الخــير ياربـــــــــــــــــ.,.,,,,,
وديمه
19-08-2009, 03:37 PM
البترول على المدى البعيد صعب تاخذ السنير > الا اذا تغير حالهم

جرب تقدم على اوريكس اذا ماكانت تابعه للبترول


ولاتنسى تستخير وربي بيسر لك الخير والتوفيق
MeMe MoOoON
19-08-2009, 03:40 PM
انصحك لاتروح كهرماء لانك راح تتعب وايد احسن لك البترول
Breakaway
19-08-2009, 03:45 PM
خذها نصيحة من أخوك، إذا كنت بتصير فني عادي يعني مب سنير في البترول فأقول لك فر منهم كفرارك من الأسد! وكهرما أبرك لك بواجد ولا يغرك الراتب ولمعة أسم qp!

على مدى السنوات الطويلة التي عشتها في بيئة المصانع كانت هناك ولا تزال ظاهرة هروب الشباب من المصانع والإتجاه للعمل في الدوحة حتى ولو كان على حساب الراتب!

وفي النهاية ما خاب من إستخار ولا ندم من إستشار
ولد شرق
19-08-2009, 03:46 PM
البترول على المدى البعيد صعب تاخذ السنير > الا اذا تغير حالهم

جرب تقدم على اوريكس اذا ماكانت تابعه للبترول


ولاتنسى تستخير وربي بيسر لك الخير والتوفيق

اخوي روح البترول احسن لك و انا اقول لك من واقع تجربه

بالنسبه لاوركس فشركة ممتازه انا اشتغلت فيها 3 سنوات لكنها تابعه للبترول ولا ومايوظفون الثانويه إلا عن طريق قطر للبترول...
أنت
19-08-2009, 03:50 PM
ياااخوك أسمع الكلام من مجرب ولا تسمعه من طبيب
رووووح البترول انا في كهرماء خايس حلجي ولله بتموت قهر اذا فرط البترول
روح ولله يوفقك يارب
تـاجر الـذهب
19-08-2009, 04:14 PM
خذها نصيحة من أخوك، إذا كنت بتصير فني عادي يعني مب سنير في البترول فأقول لك فر منهم كفرارك من الأسد! وكهرما أبرك لك بواجد ولا يغرك الراتب ولمعة أسم qp!

على مدى السنوات الطويلة التي عشتها في بيئة المصانع كانت هناك ولا تزال ظاهرة هروب الشباب من المصانع والإتجاه للعمل في الدوحة حتى ولو كان على حساب الراتب!

وفي النهاية ما خاب من إستخار ولا ندم من إستشار

:victory::shy::nice:

كلام معقول
BURBERRY
19-08-2009, 04:18 PM
اخوووي روح البترووول

اللي تخرجو من شمال الاطلنطي اداريين راتبهم الحين 14 الف بس مادري عن الفنيين
Petroleum
19-08-2009, 07:36 PM
قطر للبترول افضل لك من كهرماء خاصه من ناحية الخبره المكتسبه و بعد ماتخلص من الكليه و تقعد سنتين زياده عندهم قدم على اي شركة تابعه وبيكون وضعك فوووق النخل
غانم 81
19-08-2009, 10:37 PM
:victory::shy::nice:

كلام معقول

كلامك ذهب وعلى فكره التطوير مايجي الا اذا حبوك ولا شيبت وتمو بس ضرسين ذيك الساعه قالو يالله بنسنيرك انا عن نفسي ماشوف تقطر ولا يهتمون في لقطرين مره في قطري يبي يفنش قالوله الله وياك معنه رجال وشغول وفي هندي يوم قال بيطله حببو خشمه وراسه وانقلوه مكان ثاني وزادو راتبه :omen2:
جنوب الدوحه
19-08-2009, 10:52 PM
احسن شي انك ما فكرت في العسكريه .. :)
_بوشهاب_
19-08-2009, 10:57 PM
بصراحه صج ان قصوا رواتبنا في كهرماء لكن الاهتمام فينا كبير كــ فنيين لان القطريين الفنيين شوي كلش
والامور طيبه لي ولربعي
yousef-89
20-08-2009, 11:39 AM
الله يعطيكم العافية ياجماعة الخير وماقصرتو والكهرباء والماء رحتلهم اليوم بخصوص توقيع العقد وماوقعت قلت بستخير وبشوف انشاءالله والله يقدم اللي فيه الخير يارب

البترول اكثر من واحد كلمني برع المنتدى طبعا من الاهل والربع اللي يقولي زين واللي يقولي شين الزين ان رواتبهم عالية وحلوة وبتكون دارس والشين ان الدوام خط يعني كله ضرب خطوط وخالي شغال في البترول في دخان تحديدا وقالي الخط مشكلة

اما الكهرباء والماء الوام بيكون في بوفنطاس ووظيفتي هي مشغل والراتب بيكون تقريبا 11950 وبدرس في كلية الطيران فور لفل وعقب بيودوني المحطة وعلى حسب ما المسؤول يقيم شغلي عملي ادائي وهالشكل يعني وبيودوني الاطلنطي انشاءالله وقالولي الحين بتكون في الدرجة الخامسة واذا خلصت الاطلنطي بتنقز على الدرجة الثامنة وبيوصل راتبي تقريبا 19 الف وانا عزوبي طبعا والدوام يعني مكانه تقريبا قريب بين الدفنة وبوفنطاس مابياخذ مني شي ف والله محتار المشكلة كل مافكر في البترول اتردد وافكر في الكهرباء والماء ارتاح شوي اقول احس الشركة هاذي زينة وانتو ماقصرتو ياجماعة الخير كفيتو ووفيتو الله يعطيكم الصحة والعافية
م. عبدالعزيز
20-08-2009, 02:37 PM
شباب ترا اخونا yousef-89 يقصد شركه الكهربه والماء مش كهرماء ،، يعني لا تخربطونه ،،

انا ماعندي فكره عن شركه الكهرباء والماء بس اسمع عنها انه البترول أحسن منها ..
وحيد-الشوق
20-08-2009, 03:21 PM
الله يوفقك اخوي

الود ودي افيدك بس انا من شفت الردود احترت اكثر :rolleyes2:

سؤال ولاتهون بخصوص امتحان القبول في البترول شنو طبيعه الامتحان يعني يبيله دراسة او مجرد امتحان تحديد مستوى ؟
الفيصل
20-08-2009, 03:34 PM
والله ياالغالي حيرونا الاخوان معاك

مقدم على كل الشركات والى الحين ماكتب الله اتوظف
طالب جامعي
20-08-2009, 04:22 PM
البترول بتتعب كم سنة لكن بعدها راتب ومتيازات
استخير و الخيرة فيما اختارة الله سبحانة
qatari1
20-08-2009, 05:03 PM
البترول طبعا

بس اعتقد انت تتكلم عن شركة الكهرباء والماء qewc وهي تختلف عن كهرما وعلى هذا الاساس اطلبوا منك تداوم في راس بوفنطاس

دقة ملاحظة أحييك عليها!