هل في مكتب سفريات يشتري كتاب تذاكر الجيش ؟؟

[اوراق]

السلام عليكم

ساعدوني لو سمحتو


هل في مكتب سفريات يشتري كتاب تذاكر الجيش ؟؟


لاني تعبت وانا ادور في المكاتب ما ادري وش فيهم


كانوا يشترون كتاب التذاكر لكن الحين غيرو رايهم


ابيكم تدلوني على اي مكتب اقدر ابيع كتاب التذاكر


مشكورين

[ولد-قطر]

جربتي مع سفريات توريست ؟

[احساس شايب]

منزلين تعميم من القطرية على مااعتقد انه تم تطبيقه، انه يمنع بيع التذاكر

[bo_hamad]

فيه شئ اسمه بدل تذاكر السفر من جهة العمل

[الوجبه]

بيع تذكرتك من العمل .. يعني خذ فلوس بدالها

[اوراق]

جربتي مع سفريات توريست ؟

ما جربت لان مديرهم حسود ويخرب السالفة :anger1:


منزلين تعميم من القطرية على مااعتقد انه تم تطبيقه، انه يمنع بيع التذاكر

صحيح لكن في مكاتب لها طريقه تمشيها


فيه شئ اسمه بدل تذاكر السفر من جهة العمل

ما يطبق في الجيش للاسف


بيع تذكرتك من العمل .. يعني خذ فلوس بدالها

ما يطبق في الجيش للاسف

[ثاني]

ايه اخوي رح ل مكتب الخطوط الجوية القطرية

سنة 2007 شريت تذكرة خصم مدري 15% أو 10% حقت ابناء الي يشتغلون في الشرطة


شوف القطرية ورد لي خبر

[كاتم الاسرار]

مرحبااا يالغالي اوراق ما اعتقد تحصل لانه نزل امر من القطريه لجميع السفريات عدم بيع التذاكر والي يبيع يتحمل التذكره لانه الله يسلمك في بعض السفريات يزيدوون السعر في التذكره يعني يشتري منك التذكره ارخص ويروح القطريه دبل ياخذ يعني بالعربي راحت علينا مش انت بس الي عنده تذاكر ما يقدر يبيعها والله يعييينك ويعييين الجميع

واي شي تبغيه من الجيش اقدر اساعدك من عيوني

وكل عام وانت بخير بقدوم شهر رمضان الكريم انت والجمييييييييييييييييع

[ذيب زكريت]

انا في الجيش وعندنا بدل تذاكر اشلون انت ما عندك انت في اي اداره

[جوال 11]

ليش ما تسافر فيها ، وبدل التذاكر يصرف في الجيش مثل ما ذكروا الأعضاء
ممكن تشتري التذاكر ثم ترجعها بالمال أستفسر قبل ذلك

[الجني]

قد يكون احد الحلول

اذا عندك احد من جماعتك يتشابه معك في الاسماء

و يرغب في السفر ان تصدر الأسماء بإسمك و يسافر

هو بنفس الإسم

و الله اعلم

[كاتم الاسرار]

انا في الجيش وعندنا بدل تذاكر اشلون انت ما عندك انت في اي اداره

مرحباا اخوي ذيب زكريت ان شاءالله يوم الاحد برد عليك بكل شي من القوانين من عيوني عن التذاكر بدل او اتبيع او انك جاي من الدوره -- الخ اوكي والي اقدر عليه بسوي بحكم اعرف واحد من الربع يشتغل اهناك في القياده وعنده خبره الحين انتهى دوامه يوم الاحد وكل عام وانت بخير بشهر رمضان يالغالي

[عاشق الشهادة]

انا اقدر اخلصك اليوم :)
بس قبل لازم اعرف الكتاب موجه باسم الخطوط القطريه او مفتوح ؟

[ليــث قطر]

القطرية مشددين في هالموضوع جداً ..


ممنوع منعاً باتاً بيع التذاكر .. حتى الداونجريد ما يصير !


يعني شغلي يعطيني بزنس .. أبي أسوي لها داونجريد سياحية واخذ الفرق قالوا مايصير !


إلا إذا شغلك يصرف لك المبلغ كاش (نفسنا) ...

[اوراق]

ليش ما تسافر فيها ، وبدل التذاكر يصرف في الجيش مثل ما ذكروا الأعضاء
ممكن تشتري التذاكر ثم ترجعها بالمال أستفسر قبل ذلك

اذا عندك دورة او مهمة ما يصرفون لك بدل تذاكر بس يعطونك كتاب تذاكر


انا في الجيش وعندنا بدل تذاكر اشلون انت ما عندك انت في اي اداره

بدل تذاكر فقط للتذاكر السنوية لكن المهمات والدورات يصدر فيها كتاب تذاكر


مرحبااا يالغالي اوراق ما اعتقد تحصل لانه نزل امر من القطريه لجميع السفريات عدم بيع التذاكر والي يبيع يتحمل التذكره لانه الله يسلمك في بعض السفريات يزيدوون السعر في التذكره يعني يشتري منك التذكره ارخص ويروح القطريه دبل ياخذ يعني بالعربي راحت علينا مش انت بس الي عنده تذاكر ما يقدر يبيعها والله يعييينك ويعييين الجميع

واي شي تبغيه من الجيش اقدر اساعدك من عيوني

وكل عام وانت بخير بقدوم شهر رمضان الكريم انت والجمييييييييييييييييع

الله يكون في العون

[اوراق]

قد يكون احد الحلول

اذا عندك احد من جماعتك يتشابه معك في الاسماء

و يرغب في السفر ان تصدر الأسماء بإسمك و يسافر

هو بنفس الإسم

و الله اعلم

واذا ما عندي :rolleyes2:


مرحباا اخوي ذيب زكريت ان شاءالله يوم الاحد برد عليك بكل شي من القوانين من عيوني عن التذاكر بدل او اتبيع او انك جاي من الدوره -- الخ اوكي والي اقدر عليه بسوي بحكم اعرف واحد من الربع يشتغل اهناك في القياده وعنده خبره الحين انتهى دوامه يوم الاحد وكل عام وانت بخير بشهر رمضان يالغالي

ما اعتقد يصير للدورات والمهمات



انا اقدر اخلصك اليوم :)
بس قبل لازم اعرف الكتاب موجه باسم الخطوط القطريه او مفتوح ؟

الكتاب موجه لطيران الخليج او القطرية او اي مكتب سفريات معتمد

اذا تساعدني باتسوي خير :)


القطرية مشددين في هالموضوع جداً ..


ممنوع منعاً باتاً بيع التذاكر .. حتى الداونجريد ما يصير !


يعني شغلي يعطيني بزنس .. أبي أسوي لها داونجريد سياحية واخذ الفرق قالوا مايصير !


إلا إذا شغلك يصرف لك المبلغ كاش (نفسنا) ...

بس اكيد في مكاتب تمشي هاذي الكتب من تحت الطاولة :secret:

[محسن العجي]

انا كت اسويها في سفريات توريست بس حاليا مادري اذا يصير ولا لا

[فلفل حار]

آخاف اقول شي تقولون حسد هههههه :secret:
بس صج المدنى مهضووم حقهـ ...
:(


عليكـ بـ10000 عافيـه والله يالغالي ويشهد الله مافيها حسد والخير وايد والحمدلله ...
وآن شاء الله يفيدونكـ الشباب ...:victory:

[المستحيله]

بارسل لك رقم مكتب على الخاص راح يخلصها ان شاء الله

[saud580]

شيك الخاص يا الغالي

[الجغميني]

السلام عليكم ورحمة الله وبركاته
مبارك عليكم الشهر

اخوي ،،، تصرف لك التذكرة في المهمات والدورات على درجة رجال الاعمال او الاولى حسب درجتك او الرتبة الي انت فيها حسب القانون ولاسباب كثيرة منها المرونة واسباب امنية اخرى يجب ان تدركها جيدا لتسهيل وصولك في الموعد المحدد.
هناك فئة تستبدل هذه الميزة او تتنازل عنها بالدرجة السياحية مع اخذ فرق السعر والاستفادة منه !! هذا كان في الماضي.
التذاكر المصروفة لك اخوي هي كاملة التسعيرة سوى رجال الاعمال او الاولى وهي بالطبع الاغلا وميزتها انها مرنة تستطيع التعديل عليها كيف ما تحب من ناحية تواريخ السفر بالذهاب والاياب ولا تخضع لضوابط وذلك تسهيلا لاصحاب المهمات والدورات في حال اي تغير قد يحدث او الحجز في اللحظات الاخيرة قبل السفر اعتقد انك في الصورة :).
المشكلة في حال تغيير الدرجة الى السياحية انها راح تقفل على تواريخ محددة وتخظع لضوابط وتفقدك عامل المرونه في السفر في حال لو جد جديد في مهمتك او دورتك ،، جزاهم الله كل خير انهم اعطوك هذا التمييز .

لعبة مكاتب السفر:
اصدار تذكرة درجة رجال الاعمال او الاولى من القطرية باسم المستفيد وارسال ما يسمى كعب التذاكر او صورة من التذكرة الى الجيش لتحصيل المبلغ الكامل، ومن ثم الغاء التذكرة عند الخطوط القطرية واصدار بدل عنها على السياحية للمستفيد وارجاع فرق الدرجة له مخصوما منها نسبة 8% الى 15% من المبلغ الكلي فبل تغيير الدرجة وذلك حسب مكتب السفر ومعرفتك به.

المشكلة تكمن في الخطوط القطرية او ما تسمى انها المشكلة، في الحقيقة غير ذلك ومعاهم الحق
صدر تعميم من القطرية لمكاتب السفر بتاريخ 18/04/2009م بالتقييد بالاجراءات القانونية الدولية لمنظمة الطيران وتطبيقا للاجراءات الامنية من ناحية ازدواجية اصدار التذكرة والبيانات وهي احدى الاشتراطات الامنية في سلامة الطيران واسباب اخرى - بمعنى انه يا يصدر لك اولى/اعمال او سياحية -
هنا سببت مشكلة لمكاتب السفر وفقدانهم نسبة من ربحية محققة من غير وجه حق - بطرق غير قانونية- وتم تحميل الجيش او الوزارت انها سبب المشكلة طبعا لسبب ابعاد الشبهة عن ممارساتهم الغير قانونية !!

انت عسكري اخوي الكريم هل تقبل التعامل بالطرق الغير قانونية واعتقد انك تملك الخبرة الكاقية بحكم رتبتك لتمييز ذلك.

اما بخصوص من ذكر لك انه يقدر يساعدك في التغيير فانا اقول له محال التغير بعد الضوابط الجديدة

لكن ابشر ربما في الايام القادمة تسمع خير ..... تحياتي

[اوراق]

انا كت اسويها في سفريات توريست بس حاليا مادري اذا يصير ولا لا

باروح له مع ان المدير ( الله يهديه ) :anger1:


آخاف اقول شي تقولون حسد هههههه :secret:
بس صج المدنى مهضووم حقهـ ...
:(

بالعكس اخوي هناك جهات تعطيك تذاكر لدورات ومهمات واكثر وايد من الجيش :secret:

عليكـ بـ10000 عافيـه والله يالغالي ويشهد الله مافيها حسد والخير وايد والحمدلله ...
وآن شاء الله يفيدونكـ الشباب ...:victory:

الله يرحم والديك


بارسل لك رقم مكتب على الخاص راح يخلصها ان شاء الله

الله يرحم والديك

[اوراق]

السلام عليكم ورحمة الله وبركاته
مبارك عليكم الشهر

اخوي ،،، تصرف لك التذكرة في المهمات والدورات على درجة رجال الاعمال او الاولى حسب درجتك او الرتبة الي انت فيها حسب القانون ولاسباب كثيرة منها المرونة واسباب امنية اخرى يجب ان تدركها جيدا لتسهيل وصولك في الموعد المحدد.
هناك فئة تستبدل هذه الميزة او تتنازل عنها بالدرجة السياحية مع اخذ فرق السعر والاستفادة منه !! هذا كان في الماضي.
التذاكر المصروفة لك اخوي هي كاملة التسعيرة سوى رجال الاعمال او الاولى وهي بالطبع الاغلا وميزتها انها مرنة تستطيع التعديل عليها كيف ما تحب من ناحية تواريخ السفر بالذهاب والاياب ولا تخضع لضوابط وذلك تسهيلا لاصحاب المهمات والدورات في حال اي تغير قد يحدث او الحجز في اللحظات الاخيرة قبل السفر اعتقد انك في الصورة :).
المشكلة في حال تغيير الدرجة الى السياحية انها راح تقفل على تواريخ محددة وتخظع لضوابط وتفقدك عامل المرونه في السفر في حال لو جد جديد في مهمتك او دورتك ،، جزاهم الله كل خير انهم اعطوك هذا التمييز .


جزاك الله خير اخوي على رسالتك المفصلة

مع غلا المعيشة وارتفاع الاسعار وثبات الراتب وسياسة التقشف ، اذا كنت محظوظ تحصل لك مهمة او دورة في السنة ، ومع هذا الحظ تحصل تذكرة وبدل ، الهدف انك تضغط على نفسك وعلى راحتك وتبيع التذكرة مقابل كم الف تعدل فيه وضع بيتك ومسؤلياتك ، الجماعة في الشغل ما قصروا والله يشهد ، بس القطرية كالعادة ما فيها خير , ما يكفيها اسعار السفر من الدوحة اغلى من مثيلاتها في الدول المجاورة ، واذا شريت تذكرة من برا على القطرية تلقاها ارخص ( واذا سألت ليش يقولك المنافسة ) الله يجيب 10 شركات طيران تنافس القطرية الخايسة :anger1:

المهم القطرية تبي تغصب الناس تسافر عليها بالسعر اللي هي تبيه

اذا تنازلت عن درجة الاولى او الاعمال الى السياحية راح تستفيد الفرق ، واذا لا سمح الله تغير شي في التواريخ ادفع الفرق وايضا في النهاية انت مستفيد :victory:






لعبة مكاتب السفر:
اصدار تذكرة درجة رجال الاعمال او الاولى من القطرية باسم المستفيد وارسال ما يسمى كعب التذاكر او صورة من التذكرة الى الجيش لتحصيل المبلغ الكامل، ومن ثم الغاء التذكرة عند الخطوط القطرية واصدار بدل عنها على السياحية للمستفيد وارجاع فرق الدرجة له مخصوما منها نسبة 8% الى 15% من المبلغ الكلي فبل تغيير الدرجة وذلك حسب مكتب السفر ومعرفتك به.

المشكلة تكمن في الخطوط القطرية او ما تسمى انها المشكلة، في الحقيقة غير ذلك ومعاهم الحق
صدر تعميم من القطرية لمكاتب السفر بتاريخ 18/04/2009م بالتقييد بالاجراءات القانونية الدولية لمنظمة الطيران وتطبيقا للاجراءات الامنية من ناحية ازدواجية اصدار التذكرة والبيانات وهي احدى الاشتراطات الامنية في سلامة الطيران واسباب اخرى - بمعنى انه يا يصدر لك اولى/اعمال او سياحية -
هنا سببت مشكلة لمكاتب السفر وفقدانهم نسبة من ربحية محققة من غير وجه حق - بطرق غير قانونية- وتم تحميل الجيش او الوزارت انها سبب المشكلة طبعا لسبب ابعاد الشبهة عن ممارساتهم الغير قانونية !!

انت عسكري اخوي الكريم هل تقبل التعامل بالطرق الغير قانونية واعتقد انك تملك الخبرة الكاقية بحكم رتبتك لتمييز ذلك.

اما بخصوص من ذكر لك انه يقدر يساعدك في التغيير فانا اقول له محال التغير بعد الضوابط الجديدة

لكن ابشر ربما في الايام القادمة تسمع خير ..... تحياتي

الاخبار الزينة معروفة ، انه راح يتم صرف تذاكر الدورات والمهمات للمستفيد نقدا او في البنك ، بس باقي متى يبداء التطبيق ( ما في شي ينخش) :)

وبخصوص التعامل بالطرق الغير قانونية ، مافي احد يرضى فيها اكيد

لكن

لا تلزم احد يسافر على الدرجة اللي هم يبونها اذا قرر هو التنازل والاستفادة من الامتيازات اللي يعطيها العمل مقابل اضغط على راحة المستفيد

مع العلم ان معظم الموظفين الدولة يسون هل الطريقة وهي معروفه للجميع