ضروري الله يخليكم

[قطريه فديتني]

السلام عليكم

انا خايفه على زوجي راح من 3 ايام دفان واحد ميت جارنا ومن رجع من المقبره وهو مب طبيعي صار له الحين 3 ايام

اول مارجع من المقبره شفت ويهه متغير دخل الغرفه على طول قط الثوب وانسدح وتلحف حتى مادخل يتسبح سألته شفيك ؟ قال تعبان شوي مادري شفيني وويه وايد متغير

بعدها ب 5 دقايق قام يرجع بقوووو حتى ماقدر يقوم من مكانه من قوة الترجيع وبعدها جسمه صار يرجف واااااااايد بس كان يكلمني عادي يقول لي لاتخافين بس متوتر وويرجف جسمه

والحين صار له 3 ايام تعبان ماياكل كللللللللش ويحس انه مب مرتاح ونفسه ضايقه حتى مايتكلم معاي نفس اول ولا يلعب مع ولدي

كله منسدح وتعبان ولا ينام وقت طوويل

مع انه زوجي مصلي ويروح المسجد بس انا خايفه الله يخليكم

انا اختي تقول لي يمكن صاده شي في المقبره بسم الله عليه

الله يخليكم ساعدوني انا ماعندي غيره في هالدنيا من بعد ربنا :(

[الألماسي]

طيب وديتوه المستشفى . .!!!

اذا راح للطبيب . .

الرقيه الشرعيه الحل لحاله زوجك . .

ما يشوف شـر . .

[قطري vip]

اممم مايشوف شر خلي مطوع يقرى عليه حتى لو يصلي واقري عليه سورة البقره

واحتمال يكون المنظر او شي خلاه يرجع او شي بس الافضل مطوع صدقيني وشغلي الرقيه الشرعيه

وان شاء الله يتشافى وماعليه شر ودشي موقع الاوقاف فيه الرقاه الشرعيين بقطر احسن من

انج تجيبين اي احد

[ولد الشقب]

الله يشفيه................ يمكن ضربة شمس

[_بوشهاب_]

يمكن من الي شافه في المقبره انا عندي شباب مرات يروحون المقبره حتى مشي مايقدرون يمشون

انا انصجك بالرقيه الشرعيه

[بوعلى 1]

اللة يشفية زوجك متاثر وهذا طبع جيد في الانسان انشاء اللة يرد لحالتة الطبيعية وما يشوف شر

[وزارة العدل]

مايشوف شر00بس لازم تودونه المستشفى 00وخلو احد يقرا عليه00والله يطمنج عليه

[المخفي]

ادخلي هذا الرابط
http://www.qatarshares.com/vb/showthread.php?t=266291

[قطر70]

مايشوف شر انشالله
وعلى فكره فيه ناس وايد يتأثرون من الدفان ومن دخول المقبره وانا وحد منهم بس نصيحه
خليه يروح لمطوع يقرى عليه وخليه يشرب ماي مقري فيه وزيت زيتون ويدهن صدره كل يوم قبل النوم
وانشالله انه راح يتحسن بأذن الله

[قطريه فديتني]

مشكوورين ماقصرتوا

جبنا اليوم الصبح مطوع بس للحينه مب مرتاح

انا خذت ارقام المشايخ اللي في المنتدى بكلم حد منهم

يزاكم الله خير

[قطري vip]

ان شاء الله يتشافى ومايشوف شر مره ثانيه

[مستثمره جديده]

ماعليه شر ان شاءالله شده وتزول .. اقري عليه كل يوم وخلي سورة البقره شغاله طول اليوم في بيتج وماتشوفون شر حبيبتي .. لاتنسين تطمنينا عليه

[المشط]

الله يشفيه ان شاءالله

اختي اتوقع اللى في زوجك شي بسيط بعد خروجه من المقبره وممكن يصيد اي احد

[سداوي&مدريدي]

مايشوف شر

والله يشفيه ان شاء الله

[الرايــق]

بعض الناس يتاثر وما يقدر يتحمل الموقف عند الدفن خصوصا لو كان داخل المقبرة لاول مرة ...

على العموم اهم شي واحد يقرا عليه وان شاء الله خير ..

وبشرينا يا اختي

[فارس الكلمة]

ليش ما سألتيه عن أسباب هذه الأعراض ..؟

يمكن واحد طقه بعين ..!!

[حقيقه]

الله يشفيه ويرده مثل اول واحسن

غيري له الجو لاتذكرينه بأي شيء مزعج

[قطريه فديتني]

توني راجعه من عند الشيخ عبدالكريم في معيذر

قرا عليه وزوجي حس براحه عنده بس اول مادخلنا البيت رجع حس بكتمه وضيقه مادري شفيه

ومب قادر ياكل كلش مع انه يحس بألم الجوع بس من يشوف الاكل تجيه اللوعه وماياكل انا قلت شكله عين

سألته انت حسيت برهبه في المقبره قال لا عادي المقبره ولا حسيت فيها بشي بس انا قبل ماروح المقبره كنت في مجلس وكلت كيك ومن عقب الكيكه وانا احس بضيقه ولوعه وقلت لكم جا البيت ورجع

شكله عين حسبي الله عليهم اللي نضلوه

[مليونيره]

إنشالله خير

[عاشق فودافون]

السلااام عليكم..

اختي والله نصيحه مافي احسن وافضل من قراءة القران..

عندج مثلا موقع

www.tvquran.com

واختاري الشيخ القارئ..

مافي احسن وافضل من القران الكريم لجلاء الهموم وتطهير النفوس

قال تعالى ( الا بذكر الله تطمئن القلوب )


اخوكم - عاااشق فودااافون

[ولد النواخذه]

خل يروح الدختر زين وما تشوفون شر يا أختي عسا انه شئ بسيط

[لبتونه]

اختى لاسمح الله يمكن صاده انفلونزا خنازير في اعراض منه

[لاجئ عاطفي]

كل هالاعراض اللي فيه وتسالين شتسوين؟؟ بالعقل يعني ماشوف في شي يمنعكم اتودونه المستشفى والتاخير ماشوف له مبرر ابد
وبصراحه انتي امقصره بدورج لان كان من المفترض من اول ماشفتيه تعب كان وديتيه المستشفى مانطرتي كل هالمده ولا خذتي مشورة اعضاء المنتدى لان هالامور بديهيه والتصرف فيها مايبيله مشورة ,.. عموما مايشوف شر

[لبتونه]

يااختي ليكون حاطين سحر في كيك

خرعتينا على ريلج ماعليه شر ان شاءالله

اول شي فحوصات بالمستشفي قالوا مافيه شي

ثاني شي مطووع على طووول يقري عليه فيه سحر او عين

وماااتشوووفوووون شر

[أريج]

الله يشفيه ويقومه بالسلامة ان شاء الله

الشيخ ماقال لكم ايش الشبب : لان الشيوخ يقولون اذا عين ولا سحر ولا مس



يمكن حاطين له في الكيك سحر



ردي اتصلي بالشيخ وقولي له ايش صار له بعد القراية


ويمكن يحتاج اكثر من جلسة مو جلسة وحدة

[عيون Qatar]

عليك بالصدقة
قال صلى الله عليه وسلم" داووا مرضاكم بالصدقة "


مايشوف شر ان شاءالله

[قناص الخليج]

نسأل الله ان يشفيه ويعافيه

عليج بسورة البقرة

[HIGHNESS]

اغلب اللي يروحون المقبره يتعبون نفسياً ... وان شااء الله ماعليه شر وبشرينا عنه .... :)

[al7ob]

اختي في الله وديه المستشفى و كذلك وديه عند مطوع يقرا عليه الرقية الشرعية في اكثر من جلسة و شغلي سورة البقرة في البيت دايما و حاولي تخليه يسمع سورة البقرة او الرقية الشرعية عن طريق سماعات و هو نايم و شوفي الاعراض .. و جربي شربيه ماي مقري عليه رقية و عودي نفسك و عائلتك على الاذكار اليومية .الله يحفظكم من شر الجن و الانس وحتى اذا قام بالسلامة انتبهي لتصرفاته لو فيها تغيير ماتتركيه لين تسوء الامور ..انتبهي و انتبهي و طمنينا عنه اختي الكريمة .

[المســـك]

الأفضل هو يرقي نفسه مو بس الشيخ

لا باس عليه ان شاءالله

[ابن مانع]

جعل ربي مايفرقكم ويشفيه من كل شر

[سوق واقف]

ما يشوف شر

ما عليه خوف بإذن الله هذا دليل الإيمان وخوفه من الله سبحانه وتعالى

[كلي أمل]

اختي صدقيني - هو يعرف حق نفسه - مثل ماقال لج من الكيك - يمكن فيها سحر ولا شي - بسم الله والله الناس صاروا ماعندهم ضمير - حسبي الله وحده ونعم الوكيل

[ذيب زكريت]

الله يشفيه ويخليه لكم

[صوت الضمير]

الله يشفى زوجك اختي قطريه

احتمال يكون طلع بالشمس والحر بعدها جا على المكيف.. لان الاعراض هاذي منتشره

حراره وترجيع ... بسبب تغير الجو

طفي المكيف اوقصري عليه .. وعطيه شوربه

والله يقومه بالسلامه ويخليه لك

العنود

[ولد الشحانية]

شغلي له القران

[الألماسي]

العـين حـق ما قلنـا شـئ . . بس أحس انه شئ عضوي ودوه المستشفى ع الأقل يعطونه مغذي يعوضونه عن الأكل . .

خطـاه الـشر ان شاء الله

[شموخ قطر]

مايشوف شر ان شالله ... بس لازم تاخذينه المستشفى يعطونه مغذي بالوريد

عشان مايصيده جفاف من الترجيع وتخف عنه اللوعه

وخلي القرأن على طول شغال والله يحفظكم من كل شر

[ANONYMOUS]

نص الاعضاء اقترحوا المستشفى

ودوه شلمشكله

وسلامات انشالله

[عزتي سمو ذاتي]

مايشوف شـر إن شـاء الله .. أجــر وعافيــة

قبل كل شي المفروض تتأكدين السبب مرض عضـوي أو لا وبعدها تودينه حق المطوع

ماتدرين يمكن مع هالجـو وكثرة الناس في المقبـرة صاده فيروس مرض شي لاقدر الله





تحياتي .. أختك q.vip

[قطريه فديتني]

مشكورين اخواني ماقصرتوا

امس وديته عيادة الدوحه قبل ما اوديه عند الشيخ وشافه الدكتور قال له عندك احتقان بسيط وهو يقول بلاعيمه ماتعوره

وقاله الدكتور يمكن عندك التهاب بالمعده عشان جي مب قادر تاكل هو يحس بجوع بس ماياكل

اليوم بوديه مره ثانيه عشان يعطونه مغذي لانه تعبان وحاس بارهاق لازم بيحس بهالشي لانه صار له 3 ايام مب ماكل ونفسه منسده

بس هو الله يهديه يقول مابي المستشفى مابيسون لي شي

بوديه ان شاء الله وبقول لكم شنو بيصير معاي

[مطـر]

اختي شصار مع ريلج
ان شاء الله انه بخير وعافيه
اسأل الله العظيم انه يشفيه ويحميه ويبعد عنه كل شر وجميع المسلمين

[قلب شامخ]

مايشوووف شر..........سلامته

[الرايــق]

بشري ؟

[بنت ذياب]

حبيبتي عاااادي !

انا من شهر كنت جي ..

ارجع وكله لايه جبدي ومااكل ولاااشي مع اني اكون ميته من اليوع ..ومعدتي ذابحتني

وارجف وحراره ..


تميييت اسبوع على هالحاله..نزله معويه يعني ..

ان شاء الله مافيه شي ..

واذا شسمه

خل هو يقرى البقرة ويرقي نفسه ..

وطمنينا عليه ..

[مجنون قطر]

أسأل الله العظيم رب العرش الكريم أن يشفيه
والله يخليه لكم ومايشوف شر إن شاء الله

[E L L E]

الله يشفيييييه

[فرح]

الله يشفيه ان شاء الله

[طماطه]

كسر خاطري ,,, ومايشووووووووووف شر ان شاءالله ... :(

[بنت ذياب]

زين انتوا اتقولون احتمال من الكيك !!


وان يمكن سحر !


شوفي

ييبي ماي واقري عليه البقره

وخليه يشربه .. واحتمال كبير يرجع من بعده

يوميا سوي جذي .. لين مايطلع السحر :rolleyes2:

وماعليه شر ان شاء الله

[قطريه فديتني]

مشكووووووووورين أخواني على سؤالكم ماقصرتوا

الحمدالله رب العالمين الحين هو احسن من امس العصر بدأ ياكل وتحسنت حالته

بس كل شوي يحس بضيقه تكتم على صدره مع انه يصلي كل صلاه بس بعد تجيه ضيقه بين فتره وفتره وتروح ومايعرف شالسبب

الله يوسع صدره ويبعد عنه هالضيقه اللي مادري من وين جاته

ادعو له الله يجزيكم خير

[كلي أمل]

الله يقومه بالسلامه ويخليه لج ولعيالج ويحفظكم الرحمن

[براتزية برازيلية]

مايشوف شر انشالله

[دلوعه امها]

الله يشافيه يارب

[Chanel]

الله يشافيه يارب

[كيلو حديد]

شئ طبيعي يتعب نفسيا عقب ما يشوف واحد يندفن
الموت مب سهل

ولا تخافين عليه بالعكس
هذا يدل على انه انسان طبيعي وقلبه حساس يتاثر بالمشاهد

مب مثل البعض يشوف الواحد يندفن وعقبها بدقيقه يضحك ولا كأنه كان بمقبره

لا تخافي عليه

بس ما عليج الا تهدينه وتكلمينه عشان ينسى

هالموضوع يمر فيه اكثر الناس ويستمر لسبوع وبعض المرات يطول

كلميه وسولفي وياه وخليه ينسى ومابه الا العافيه

والله يحفظه لج

[ذيبه مزاجيه]

شئ طبيعي يتعب نفسيا عقب ما يشوف واحد يندفن
الموت مب سهل

ولا تخافين عليه بالعكس
هذا يدل على انه انسان طبيعي وقلبه حساس يتاثر بالمشاهد

مب مثل البعض يشوف الواحد يندفن وعقبها بدقيقه يضحك ولا كأنه كان بمقبره

لا تخافي عليه

بس ما عليج الا تهدينه وتكلمينه عشان ينسى

هالموضوع يمر فيه اكثر الناس ويستمر لسبوع وبعض المرات يطول

كلميه وسولفي وياه وخليه ينسى ومابه الا العافيه

والله يحفظه لج

صادتني هالحاله في وفاة امي الله يرحمها .. يعني من اقرب الاشخاص لنفسي الفرق اني وديتها لين المشرحه و ماقدرت اروح المقبره ..

منظر صعب واااااااااااااااايد ان الواحد يشوف ميت جدامه !!!

وطمنيه و الله يخليه لج ان شاء الله و يشفيه ..

وماعليكم شر ان شاء الله

[يحفظك ربي]

الله يحفظه ويخليه لكم ان شاءالله وماعليه شر

[biz-qtr]

الله يشفيه يارب بس اختي ما دام المطوع ما قال لكم عين ولا سحر ابعدي هالسوالف عنكم لانج بتخلينها تطغي عليج وبتاثرين ع زوجج حتي لو ما تكلمتي بس مجرد تجيبين مشايخ يفهمها

والقران زين بس بعد خليه باسلوب غير مباشر يعني عطيه علاجه وحسسيه ان مرض والضيقه من الشيطان شغلي دوم قران فالبيت وخل يشرب ماي مقري فيه بس لا تقولين له انه مقري فيه عشان الريال يمكن من النوع للي يدقق ع هالسوالف ويعتبرها مرض

الله يشفيه ويبعد عنكم العين والسحر ... ويحفظكم ويخليكم حق بعض يارب

طمنيناااا ..

[بوعلي2]

مشكووووووووورين أخواني على سؤالكم ماقصرتوا

الحمدالله رب العالمين الحين هو احسن من امس العصر بدأ ياكل وتحسنت حالته

بس كل شوي يحس بضيقه تكتم على صدره مع انه يصلي كل صلاه بس بعد تجيه ضيقه بين فتره وفتره وتروح ومايعرف شالسبب

الله يوسع صدره ويبعد عنه هالضيقه اللي مادري من وين جاته

ادعو له الله يجزيكم خير

ملاحظ تكررين موضوع الضيقه

وبعدين ياجماعه المره قالت لكم ان هو تعب من طلع من المجلس مش من المقبره لازم تقرون ردودها

عموما الضيقه تجي يا من عين او مس او سحر وانتي بنفسج قلتي ان هو قال عادي بالمقبره ولاحسيت بشي

يعني موضوعه قبل مايروح المقبره

الضيقه ماتجي خصوصا لنا احنا الرجال بسهوله احنا ممكن نتملل وضجر ولكن الضيقه وكتمة الصدر هذي لها اسباب يا من مس وانواعه او مرض عضوي بالغدد

ولكن بما انه من كل الكيكه اكيد الموضوع في انه والله أعلم

احسن مافي الانسان ان يرقي نفسه بنفسه ولايقول تعبان وماقدر الا يقدر

يقرى البقره والرقيه الشرعيه ويشرب ماء زمزم هو قاري عليه وعسل طبيعي مقري عليه وزيت حبة البركه السوداء وزيت زيتون بكر كلهم يقرى عليهم ويستخدمهم ويدعي ربه يفرج خصوصا بهالشهر الفضيل ويوميا ولا يياس يقول مافي فايده لان القران علاج لجميع الامراض سواء عضويه او روحيه فقط عليه الاستمرار وان طال به الزمان وراح بأذن الواحد الاحد يلقى نتيجه طيبه

الله يشفيه يارب ويشفي كل مريض


بوعلي

[البنـدري]

ملاحظ تكررين موضوع الضيقه

وبعدين ياجماعه المره قالت لكم ان هو تعب من طلع من المجلس مش من المقبره لازم تقرون ردودها

عموما الضيقه تجي يا من عين او مس او سحر وانتي بنفسج قلتي ان هو قال عادي بالمقبره ولاحسيت بشي

يعني موضوعه قبل مايروح المقبره

الضيقه ماتجي خصوصا لنا احنا الرجال بسهوله احنا ممكن نتملل وضجر ولكن الضيقه وكتمة الصدر هذي لها اسباب يا من مس وانواعه او مرض عضوي بالغدد

ولكن بما انه من كل الكيكه اكيد الموضوع في انه والله أعلم

احسن مافي الانسان ان يرقي نفسه بنفسه ولايقول تعبان وماقدر الا يقدر

يقرى البقره والرقيه الشرعيه ويشرب ماء زمزم هو قاري عليه وعسل طبيعي مقري عليه وزيت حبة البركه السوداء وزيت زيتون بكر كلهم يقرى عليهم ويستخدمهم ويدعي ربه يفرج خصوصا بهالشهر الفضيل ويوميا ولا يياس يقول مافي فايده لان القران علاج لجميع الامراض سواء عضويه او روحيه فقط عليه الاستمرار وان طال به الزمان وراح بأذن الواحد الاحد يلقى نتيجه طيبه

الله يشفيه يارب ويشفي كل مريض


بوعلي


اتفق وياك

فالافضل رقية الانسان لنفسه

أسأل الله أن يبعد عنا وعنكم كل شر بإذنه سبحانه :)

[qatari1]

إذا لم تكن المشكلة عضوية أو روحانية فربما تكون نفسية!

جربوا مراجعة الطب النفسي، فحتى الملتزمين والمصلين تصيبهم الأمراض النفسية.

ربما يكون عنده قلق أو ذعر مرضي مثلاً.

لا بأس طهور إن شاء الله.

[الهايم]

الله يشفيه يا رب
اختي بخصوص المشايخ انا جربت كم واحد (حضرت عندهم) الي في الجدول وانصحك بالشيخ عبدالعزيز (الخريب) وللعلم ترى يجي للبيت بس لازم تكلمينه بدري