ابغي نصايحكم انا توني عليميه بسواقه وابي اشتري سيارة جديدة [الأرشيف]

لبتونه

20-08-2009, 09:19 PM

السلام عليكم

اخواني واخواتي ابغي نصايحكم انا توني عليميه بسواقه وابي اشتري سيارة جديدة وودي بشي كشخه وللعمر مثل بورش لكزس فرويل او رنج سبورت

لكن ريلي موراضي يقول توج عليميه اخذيلج سيارة صغيرة

للاسف انا ماعندي سيارة احتياط لا عند هلي ولااهل زوجي ولاسيااارة عشان ادرب عليها 6شهور

وحرام اخذ سلفه واقساط على سيارة انا ماابيها عقب ابيعها واخذ اللي بخاطري

موعارفه هو كلامه صح وانا بعد مقتنعه بس قهر بحط سلفه على قلبي عشان سيارة تعيسه

ابغي نصايحكم

qatar.com

20-08-2009, 09:31 PM

ليش سلفة المهم طخيلج كامري ولا لكزس فورويل rx الصغيرة مالت الحريم

الجوكر90

20-08-2009, 09:33 PM

$الفارس$

20-08-2009, 09:35 PM

اقووول ترا هي اخرته موت خوذي لج رنج سبورت والرزق على الله ومالج غير المقدر

ن.سهيل

20-08-2009, 09:42 PM

الله يوفقك

القطري554

20-08-2009, 09:50 PM

تقول تبي سيارة تدرب عليها يعنى يكون سعرها تحت ال 50 الف أمممممممم
شوفيلج كامري مستعملة .. أو لو بتدفعين شوية شوفيلج أفلون 2006 مستعملة
بلتوفيق

بوزيد

20-08-2009, 10:32 PM

اخذي همر h2 لضمانه سلامتج دام تو تتعلمين السواقه

لبتونه

20-08-2009, 10:35 PM

مشكورين اخواني جزاكم الله خير

بس موحرام اخذ سيارة ب50الف انا ماعندي ولافلس يعني كله اقساط باقساط وعقب اخذلي جديدة لين صرت سنعه بسواقه

ماادري افكر اخذ مثل ماقالوا لكزس فرويل

علي1

20-08-2009, 10:41 PM

نصيحتي تقعدين جنب زوجك ولا مع الدريول والخدامه ابرك لش من سيارة الحالك هاذي نصيحتي وانتي فكري ترا ماورها غير المشاكل حوادث ومصايب
وحطي القساط في حسابك وسوي توفير ولا ساعدي المساكين والمحتاجين تحصلين خيرآ عظيم

هاذي النصيحه الي طالعه من قلبي والي يبي ل الخير بينصحك بهنصيحه وانتي حره
بالتوفيق

سعادة الوزير

20-08-2009, 10:50 PM

الله يصلحج يا اختي ، ماعندج ولا فلس وتبين بورش على طول!! .. اخذي لج نيسان مورانو تقريبا سعرها 120 الف وفخمة ومريحة وتنفع سيارة عمر ، ترى التبذير شين وانا اخوج ، واتمنى لج السلامة.

skyjacker

20-08-2009, 11:04 PM

مشكورين اخواني جزاكم الله خير

بس موحرام اخذ سيارة ب50الف انا ماعندي ولافلس يعني كله اقساط باقساط وعقب اخذلي جديدة لين صرت سنعه بسواقه

ماادري افكر اخذ مثل ماقالوا لكزس فرويل

:rolleyes2:

لكزس فورويل تتدربين عليها هههههههههههه والله بطره

زين عندي كامري موديل 2004 ببيعها لج اذا ودج وكل اللي في البيت تدربوا عليها

يعني السياره صارت خبره اذا ودج انا حاضر

اذا تبينها تطقطقين عليها ترى تنفع
:telephone:

شبربوش

20-08-2009, 11:08 PM

مشكورين اخواني جزاكم الله خير

بس موحرام اخذ سيارة ب50الف انا ماعندي ولافلس يعني كله اقساط باقساط وعقب اخذلي جديدة لين صرت سنعه بسواقه

ماادري افكر اخذ مثل ماقالوا لكزس فرويل

خذي ابـ 50 الف عن طريق الاولى للتمويل كامري وتعلمي عليها وكسريها بعدها بيعيها اب اقساطها كانج ام اجرة سياره وارخص بعد من الاجار

بومحمد911

20-08-2009, 11:15 PM

اخذي لج موتر ارخيص يعني يمشي الحال واهم شيء فيه المكيف يبررررررررد

وبعدين بيعيه في المنتدى لاعلى سومة طبعا انا ما بشتريه هههههههههههههههه

بالتوفيق

اخوج بومحمد911

{أمـ تروكـ}

20-08-2009, 11:19 PM

السد

20-08-2009, 11:47 PM

نصيحة مني لج كامري او كورولا للتدريب وبعد سنة بيعي الموتر
وشوفي لج موتر العمر اللي يعجبج

BuFaisal

20-08-2009, 11:53 PM

هلا اختي انا برد عليج عن تجربة انا خذت انفنتي 180 الف وتحسفت ماقصرت فيها من الدعمات
اخذي لج التيما سعرها حلو فى حدود السبعين واذا بعتيها بعد سنتين ماراح تخسرين فيها وقسطها مريح
6 شهور مب كافية تعلمج اقلها سنتين

انصحك مثل الاخت ام تروك بشراء سيارة متوسطه وغير غاليه حتى تتعلمين من الخبطات وغيره لا سمح الله
ولما تسوقين بلا مشاكل وتتحسن سواقتك اكثر اشتري ما تريدين من سيارات فخمه
هذه نصيحه حتى لا تندمين

خيال شمر

20-08-2009, 11:57 PM

كامري او التيما موديل 2004
وعقب خلوها في البيت سبير
مع التحيه

بويعقوب

21-08-2009, 12:00 AM

اجري لج سيارة فل بيمه لمدة شهر

البيت بيتك

21-08-2009, 12:03 AM

انا اقول مرانو ولا لكزس مالت الحريم

راعي ال2008 الاسود

21-08-2009, 12:04 AM

السلام عليكم اول شي مبروك ع الليسن وثاني شي عندج سيارتين هذا انا اشوفه حق العليمية
ياكامري طبعا مستعملة اي موديل او كرولا بس 6 واذا تبين الرزة شوي الكامري اكشخ من الكرولا
استعملية ع الاقل سنة كاملة اذا عاشت عندج سنة زين وعقب اشتري صالون النسوان ماينفع لهم الفورويل
هذا في نظري اشوف الصالون احسن وارتب شكل حق النسوان

وبالتوفيق ان شاء الله لج وللجميع

مستثمر 999

21-08-2009, 12:06 AM

عندي لج سياره تناسبج للتدريب

اذا فكرتي في سياره رخيصه عندي مجموعة سيارات صغيره ورخيصه

HAMAD2008

21-08-2009, 12:06 AM

اجري لج سيارة فل بيمه لمدة شهر
هذا الشور الزين..اجري لج سيارة..وتعلمي عليها بعدين فكري باللي في بالج..على الاقل بتكون سيارة جديدة ومافيها مشاكل
شكرا

rami25canada

21-08-2009, 12:09 AM

بالتوفيق

شبح الصمت

21-08-2009, 12:20 AM

اول شيء اختي مبرووك اليسلن وثاني شيء الله يحفظج من التلفلف عليج في الدواوير والهواش والحوادث ، وثالث شيء نصيحه تبين تجربين سواقتج جربي على سيارة مثل ما الشباب قالو كامري لكزس اي اس حلووه ترى وبناتيه ،،
وكل عام والجميع بخير

BURBERRY

21-08-2009, 12:38 AM

الله يهديج اختي دام ماعندج ولا فلس و تبين البطره مره وحده رنج سبورت ولا بورش

و تحملين على نفسج اقساط و ديون و خصم من الراتب ....

اخذي لج سياره بسيطه تدربين عليها .. مثل الكامري او التيما مستعمله .. تكسرينها و تشمخينها

و بعدين اذا تمكنتي من السواقه و الله وفقج اخذي لج موتر غير

واقع

21-08-2009, 01:08 AM

بما انج عليميه انصحج بلكزسس النسائي فورويل اسهل للسواقه ويفضل مستعمل بحدود 65000 وشكله مقبوول وعقب 8 شهوور تبيعينه وتاخذين رنج ولا بورش

bu_khalaf

21-08-2009, 10:23 AM

مبارك عليج الشهر اختي وجمعة مباركة ومبروك الليسن
اول شي اختي مافي حد ماصار له حادث سياره سواء داعم او داعمينه وهذا مقدر ومكتوب علينا يعني مب سالفه عليمية والا بتدربين على السواقة تقومين تاخذين اي سياره والتزامات وبنوك انتوا رواتبكم هبابها حق الثياب والمكياج والشنط والجواتي الله يعزكم
فاذا انتي معزمه على شي عزمي على شي عدل
وبعدين عندي لج راي يوم ان ريلج هو اللي شار عليج انج تاخذين سيارة تتدربين عليها انا اقول اخذي سيارته اذا تيوز لج وشاركيه في سياره جديده لأن شكلة مايقدر على سيارتين ولو عنده ماعتقد بيقصر على اهل بيته
واختي انا هذا شوري ونسأل الله الهداية

Qatarianes

21-08-2009, 10:29 AM

مورانو شاريها لوحده من الاهل سياره محترمه ومواصفاتها ولا اروع خصوصا اليديده وسعرها معقول
ولو انه رايي تاخذين كامري سواقتها اريح من المريحه وسهله للمبتدئين
ليش السلفه وليش النكد على حياتج
ترا المظاهر مب كل شي اهم شي ترقد الليل وانت مب شايل هم هالسلفه ولا غيرها

خذيها بذرابه تعلمي السواقه على اي شي الفلوس بتيي بالمستقبل وانشالله بدون حتى سلفه تاخذين السياره الي تبينها

ALRAYYAN

21-08-2009, 10:41 AM

أختي مانصحج بسيارة غاليه مثل الرنج ولا اللكزس فورويل ولا البورش من البدايه

خطوه خطوه .. لين تتمكنين من سواقة السياره وقلبج يقوى وبعدين فكري في مثل هالسيارات
ترى السياره اذا اندعمت مره ومرتين النفس تعافها .. ومافي مشكله لو نفسج عافت كامري ولا افالون
نصيحتي لج كامري او افالون استخدميها سنه وبعدها اخذي اللي في الخاطر .. ترى السنه الحين تمر بغمضة عين
واذا ودج عند واحد من ربعي افالون غااااايه في النظافه ولونها لؤلؤي ولمتد .. يعني فل اوبشن موديل 2007
الرجال بـ 70 الف بيبيعها .. اخذيها وادعي لي .. وترى الافالون فخامتها بخامتة اللكزس صالون
سياره هاديه ومريحه ووسيعه وسريعه وقويه وماتخسرين فيها وقت البيع
والله يوفقج ويستر عليج

ساحر برشلونة

21-08-2009, 10:48 AM

الافالون موتر راقي ويصلح حق الجميع وسعره معقول

بالتوفيق

zbida

21-08-2009, 10:55 AM

اختي نصيحتي التيما مستعمله تدربي عليها وعقب بيعيها واخذي لكزس لان البورش ماينفع للعمر
اما اللكزس والتيوتا عندنا مثل الذهب وقيمته فيه

واذا مب لكزس فورويل ترى اللكزس الصالون بانواعها تجنن ومريحه

والله يوفقك

راعي الغزيل

21-08-2009, 11:16 AM

السلام عليكم
اختي اذا تبين سياره زينه وحلوه وتركب ع البنات
خذيلج لكزس es
ترى سعرها حلو فحدود 145 الف ومريحه من قلب
وتنفع لج احسن من الرنج والبورش والخساير
والله يعطيج خيرها ويكفيج شرها
وبالتوفيق ان شاء الله

انا من راي لكزس 300 لفرويل لانج بدعمين لارصفه وهي عمليه بعد :omen2:

الـقـائـد

21-08-2009, 12:28 PM

بالمبارك الشهر الكريم عليج والليسن

انا انصحج تاخذينلج سيارة صغيرة وعملية دامج عليمية فالسوقه

مع العلم ان الناس هالأيام صار عندهم لا مبالاه في السواقه

تلفلف وتدعم ويذبحون خلق الله ويكسرون مواترهم ( امثال باصات وسيارات كروة )

انا انصحج بالألتيما أو الكزس الصغيرة أو الأفالون ( أشكالهم حلوه ويركبون للبنات )

ولازم تأمين شامل

أو نفس هالموتر عملي وماتحاتين لي دعمتي وسريع يوصلج السوق والشغل بسرعه:nice:

http://www.amoeba.com/dynamic-images/blog/ChuckPoole%27sChuckwagonVWwheelstander.DragRacingM emoriesphoto.jpg
:vampire: :vampire: :vampire: :vampire: :vampire: :vampire: :vampire:

ولج حرية الإختيار وبالتوفيق انشاء الله وتلاقينلج الموتر السنع اللي يرضيج

الـقـاسـي

21-08-2009, 09:56 PM

اختي مثل ماقالوا اغلب الاخوان اخذي سياره صغيره .. وانصحج بالاولتيما او الافالون ..
اسعارها جدا معقوله وحتى قطع الغيار لو لاسمح الله صار حادث او شي رخيصه ومتوفره واغلب الكراجات يصلحونها عادي ..

اما لو بتاخذين رنج او بورش .. يبي لج ميزانيه خاصه كل شهر للسيرفس والسفايف والدرامويلات غير هذا قطع الغيار نااااار واسعارهم تطيح بقووه يعني مراح تكمل سنه الا وسعرها خلاص طاح ومب اي واحد يشتريه وخصوصا اذا فيها دعمه محد ياخذها لان مافي احد بيشتري موتر غالي وفيه دعمه ..

اما السيارات الثانيه الافالون او الاولتيما او الكامري لو كانت مقلوبه تباع بعد ..

فـ نصيحه اخذي من هالسيارات ومب لازم مستعمله اخذي وحده جديده والعروض بتكثر في رمضان واللي قص عليج وقال بتكونين سواقه في 6 شهور نصاب هذا يبي لج سنه اختي ع الاقل عشان تتقنين السواقه - لو كنتي ولد كان قلت لج في شهرين بتتقنين السواقه بس البنت يبي لها وقت اطول - والسياره هذي اللي بتاخذينها بتمشي امورج سنتين او ثلاث مثل العسل وبتكون خلصت اقساطها ساعتها اخذي لج موتر كشخه ..

وبالتوفيق ان شاء الله

لبتونه

21-08-2009, 10:43 PM

مشكوووووووووووورين وماقصرتوا وكل عام وانتوا بخير

زوجي يبي ياخذ سيارة بس لانه بيبدل سيارة البيت وبياخذ في اكس ار مسكين اخيرا بياخذ شي سنع

وانا مااقدر اسوق في اكس ار صعبه وااايد

اول حاجه زوجي مش مؤيد اني اسوق من 5سنوات وانا احاول يقولي اوديج واايبج سواقه لا خخخخخخخ

لكن ظروف حدتني لانه بيسافر مصر للدراسه ومااقدر اخذ بدون راتب اقعد بالبيت بيسافر مرتين بالسنه

ومحد بيلتزم يوديني ويبني هالايام محد فاضي لحد

ولاسمح الله اليهال تعبوا من بيوديني في انصاص الليالي المستشفي او صيدليه

هو فكر يحطلي دريول والصراحه مابي احط ريال غريب يوديني ويرجعني ولوعاند ولا شرد ولا سوا مشكله بتوهق فيه

مشاويري دوام وعاديه لليهال انا وحده مااحب طلعات ولااسواق ولامجمعات

طلعاتي ماتكمل الا مع ابو اعيالي الله يحفضه لي

خلاص باخذ كامري لمدة سنه وعقب باخذ لكزس او مورانو

شكراااااااااااااا لكم

911 qtr

21-08-2009, 10:58 PM

عندج حلين سياره تشترينها بسعر السوق او انزل وتبعينها بدون خساره اوخساره بسيطه اوتاخذين الي في بالج--- يعني لازم تختارين تيوتا عشان ماتخسرين -------- الحل الثاني لكزس is بالتوفيق اختي

لبتونه

23-08-2009, 02:15 PM

شكراااا باخذ كامري

غنام

23-08-2009, 02:47 PM

مالج الا الكرولا حلوة وصغيرةة وتنفع للتعليم وشكلها مقبول بس لاتدعمين الناس خخخخخ :) وموفقه خير ترى فالبيعه مطلوبة مثل الفيمتو في رمضان

سوووووووير

23-08-2009, 03:12 PM

والله رايي تاخذين لج فورووويل gmc او المازدا حلووين بس مادري عن اسعارهم
الفورويل احسن لج بتمكنين ومحد بيفكر يلف عليج

فهد111

23-08-2009, 03:14 PM

خذيلد عراوي باب واحد منها تتعلمين قير عادي ومنها اذا دعمتي قطع الغيار رخيصه خخخخخخخخخ

تاجر0

23-08-2009, 03:17 PM

هلا اختي اخذي لج اوريون خوش سياره ورخيصه بعد

الوفـى طبعي

23-08-2009, 03:19 PM

خذيلج لكزس es 350 روووووعه

او خذي لج بوقاتي فيرون

عبدالرحمن

23-08-2009, 04:57 PM

خذيلج بوغاتي

مسك قطر

24-08-2009, 04:55 AM

اخذي لج موتر ارخيص يعني يمشي الحال واهم شيء فيه المكيف يبررررررررد

وبعدين بيعيه في المنتدى لاعلى سومة طبعا انا ما بشتريه هههههههههههههههه

بالتوفيق

اخوج بومحمد911

عليميه تراها يعني بيكون الموتر مضرب أبو التضرب هههههههههه

مسك قطر

24-08-2009, 04:57 AM

خذيلج بوغاتي

هههههههههههههههههههههههه

فلفل حار

24-08-2009, 06:02 AM

http://www.qatarshares.com/vb/showthread.php?t=162364&highlight=%E4%D5%ED%CD%CA%DF%E3+%D3%ED%C7%D1%E5+%C C%CF%ED%CF%E5

ونصيحتي خلج ... خلج بالمعقول ...
وآذا بتشوفين غيرج وكلام فلانه وفلتانه بتتعبين ...

بوحارب

24-08-2009, 06:26 AM

يقول الشاعر

عراوي مزيون ولا رنج مديون والقرار لج

وعشانج بعطيج الموتر ب 30 الف بس <<<< شباب لحد يتكلم :(

وبدون الصيخ والقاعده :eek5:

http://up.souqaldoha.com/get-8-2009-souqaldoha.com_uumq2bzs.jpg (http://up.souqaldoha.com)

هذلان

24-08-2009, 07:39 AM

في السوق فيه موضوع مثبت لبيع السيارات باقساطها

دوريلج كامري ولا التيما باقساطها يكون قسطها ٢٠٠٠ و تحت .. تعلمي عليها لين تخلصين ٦ شهور مثلا بعدين بيعيها باقساطها من نفس المكان الي شريتيها منه و كانج ماجرتها اجار طول هالفتره

بنت العلي

24-08-2009, 08:09 AM

انا اقول اخذي لج مرسيدس الصغيرة c200 والله حلوة وصغيرونه وخليها معااااج ,,,والله تدفعين مره وحدة احسن لج ولا تشترين وتردين اتبيعين وتشترين واذا على الدعمااات والحوااادث الله الحافظ مب شرط اذا كانت اي كلام ماراح تدعميين فيها ..وحتى لو الله لايقول التامين ما يقصر بس حاسبي على روحج....

عاشق العنافيز

24-08-2009, 09:15 AM

اخذي بالي في خاطرج لاتخلينه تحملي ترى انا كان شي اب خاطري وخذت سيارة مابيها وتكنسلت وبعدها تحسفت اني ماخذت الي ابيها ماعليج الله بيوفقج لاتترددين

thefoox

24-08-2009, 09:46 AM

نيسان مورانو او كامري

بوالنوف

24-08-2009, 10:10 AM

اللي قالوا لج استأجري سياره هاي الشور الزين
عقب ماتتحكمين وتتمكنين من السواقه
انا أنصحج مرسيديس اي كلاس أحلى شي حق البنات وفخامه

جاسم القطري

24-08-2009, 10:19 AM

خذيلج كامري احسنلج

رخيصه وتقدرين تتعلمين عليها

(حوريه)

24-08-2009, 10:35 AM

نيسان مورانو!!!!

والله اكبر مشكله ها السياره

شهريا تخترب

وتصليحها بالوكاله

صحيح شكلها بيجنن بس متعبه وتحتاج للعنايه

واهتمام عشان ما تخترب واستعمال سائق واحد..وبالنسبه للمبتدئه اعتبرها خطره لانها سريعه وخفيفه .

بالنسبه لاختي الكريمه.....

يمكنك مادامك مبتدئه من شراء سياره صغيره مستعلمه بدون اقساط

واذا صارت لك السواقه عاده وسهله واصبحتي متمكنه وتملكين المهاره

اشتري احسن السيارات

اتمنى لك التوفيق

الرميله

24-08-2009, 11:30 AM

تاجير كامري
لمدة 3 شهور
احسن لج

ولد شرق

24-08-2009, 12:10 PM

السلام عليكم
اختي اذا تبين سياره زينه وحلوه وتركب ع البنات
خذيلج لكزس es
ترى سعرها حلو فحدود 145 الف ومريحه من قلب
وتنفع لج احسن من الرنج والبورش والخساير
والله يعطيج خيرها ويكفيج شرها
وبالتوفيق ان شاء الله

اخوي من قال لك ان es بـ 145؟

انا مريت الوكاله قبل ارمضان وشفت سعرها 170
وحتى الستاندرد مهب بـ 145